[فيتامين سي]

الفصل الرابع..

نامت فوق ريل امها كالطفله الخائفه ان تنحرم من جنه الامومه
وحنان امها الصائب .. هذا الحنان الذي ينسي الانسان معنى الاَلاَم ..

بدأ يوم جديد ومعه الم ام غرور وامل الجميع..

((سمر ))
سمر تسولف مع غرور

سمر: لو تحبيبنه صج ما سويتي الى سواه...

ما كملت جملتها فهمت غرور لكن الحزن مسيطر عليها وعلى تفكيرها وعواطفها ..

غرور من غير نفس: اذا اجه مع خالتي بعتذر له (( تقصد يوسف))

سمر: متفائله وايد مستحيل يي بعد الى قلتيه امس

تنهدت وقالت: ندري انج ما تحبينه بس لا تنسين انه يوسف ولد عمج وولد خالتج ومهما يكون كرامته تهمج

غرور: اكيد

سرحت غرور بكلام سمر معقوله كل هذا الاهتمام وتأثير واكرهه ؟؟ مستحيل اكرهه يمكن معجبه ولا اي شي بس مو حب مستحيل احبه اي مستحيل لا يمكن..

(( يوسف))

لماذا تهربين من قلبي .. وهو اكبر باب يهديك الحب غرور يا ملاك رائع في مملكتي لم اعتقد ولا اصدق انك ترين فيني ذلك الشخص الاناني ..

اخرج صورتها ليقارنها مع الان .. سابقا بنت لطيفه لا تعرف بالحياه سووه المرح والعب وحالياً امرأه كامله جميله ذكيه التي غطتها الايام بفراش الحزن ..

لا بد ان اعذرك يا غرور لاجل خالتي المريضه ولاجل قلبي الذي لا يستطيع الاستغناء عنكِ وسوف اعاقبك كما تعاقبيني بطريقتي الخاصه ..

طريقتهم الخاصه اكيد بتعرفونها

طق الباب ..

يوسف: تفضل

ناصر: ها ابو يعقوب شلون نفسيتك اليوم

يوسف: الحمدالله

ناصر: تقول لك اميي بتيي معانا بيت خالتي ولا لا

ابتسم يوسف وتذكر الى قرره: بيي بس انت بتروح؟

يسأل يوسف هذا السوال لان من يوم الى صار لناصر وناصر ما يتيمع معاهم كلش في اي مكان..

ناصر: بيي هذه خالتي نجاح مو اي احد

ابتسم يوسف حاس ان نفسيه اخوه اليوم زينه .. ناصر الى يخجل من نفسه ساعات على الحركات الى يسويها..

ناصر: اوكي انا نازل لا تطول.. انتظرك

نزل ناصر وهو نازل سمع صوت اخته شووق وكانها تكلم احد..

شوق: هههه يا قلبي .. هذه احلى نكته سمعتها بحياتي (( بصوت ناعم ورقيق))

فهد: وانتي احلى انسانه قابلتها بحياتي

شوق : صج(( بصوت دلع))

ناصر بكونه اخوها لكبير وعصبي وايد نزل بسرعه ونظر اليها نظرات شك وقهر

ناصربصوت حاد ورفيع: من تكلمين

شوق ارتبكت سكرت الموبايل بسرعه..

عاد ناصر السوال بطريقه نفسها لكن بصوت اعلى...

شوق : هذه منيره رفيجتي

ام ناصر طلعت من المطبخ وهي معصبه: هذا وقت اخناقكم خالتكم بين الحياء والموت وانتو تتخانقون..

شوق علشان تضيع الموضوع: يمـــ ــــه بيي معاج ولهانه ع خالتي

ام ناصر اكثر وحده تعرف بنتها وناصر الى صلى ع النبي ومسك اعصابه وقرر ينسى الموضوع لانه ناوي يفتح صفحه يديده ويرجع ناصر الى قبل .. وشوووق تتهرب ..

(( بيت بو غرور ))

غمض عيونه وضم بنته الى صدره وطبطب عليها مو سهل عليهم يشوفون اغلى الناس تموت جدام عينهم..

ام غرور الى تصارع الموت علشان زوجها الى ضحى باشياء وايد علشانها وعلشان غرور الى ما عندها اغلى منها بالدنيا

استنذنت غرور وطلعت وهي تبجي بصوت عالي ودموعها مو قادره تتوقف ..

حمد الى ما قدر يشوف بنت عمه كذا ناداها: غرور

وقفت غرور من غير رد تقدم حمد ووقف جدامها .. وقال: انا حاس فيج لكن المفروض تكونين اقوى من كذا

نظرت اليه وقالت بصوت مبحوح صوتها راح من كثر البجي: انت الى تقول هذا الكلام يا حمد؟

غرور تعرف مكانه امها بقلب حمد وتعرف اي قد اهم متعلقين ببعض ..

دمعت عيون حمد وقال: يوسف ما قصر وقف معاي وفهمني على المفروض يصير..

غرور ما قدرت تتحمل حتى في هذا الموضوع يوسف فيه .. سكتت وسرحت

حمد: اكيد بتستغربين لكن فعلاً اهو يوسف

غرور: وليش يسوي كذا اكيد عنده شي

حمد: تقصدين ان رغم معاملتج الى مو لذاك الزود معاه ورغم هذا مو مقصر..

(( بعد ساعتين ))

ام ناصر عند ام غرور بغرفتها سمر وشوق وغرور

ام غرور: وانا شنو علي من الدكاتره لو اتابعهم ما خلصنه..

سمر: يبغون يطمنون ع راحتج ويطمنونه..

ام غرور: وانا راحتي وسطكم يا يمه

شوق: الله يعطيج طولت العمر

ام غرور: تسلمين حببتي .. الى اقول لكم يا بنات شرايكم تنزلون مع الشباب تغيرون جو

غرور: احنا نازلين اظاهر ان عندكم سالفه مع بعض

ام ناصر: خوات ونيوز مع بعض

غرور: الله يخليكم لبعض .. يلا يا بنات

طلعو من الغرفه..

ام ناصر وهي تمسك يد اختها..: خير يا الغاليه

ام غرور: ابغي اوصيج ع عيالي سمر وحمد وغرور

ام ناصر دمعت عيونها: بعيد الشر عنج

ام غرور: ما اريد نضحك ع بعض اريدج تريحيني

ام ناصر وهي تمسح دموعها: امري يا بعد اهلي كلهم..

ام غرور: قبل ابغي اقول لج عن شي .. ابغيك ما تعاملين سمر وحمد غير عن غرور اختهم ابغيهم كلهم واحد.. تراهم اخوان .. ما ابغيهم يحسون لحظه ان غرور مو اختهم
.. انا كل الى ابغيه اخوان يوقفون مع غرور ويشيلونها في عيونهم ويوقفون معاها ..

ام ناصر: ان شاء الله..

ام غرور: ويوم زواج غرور ولا خطوبتها اعطيها هذه السلسله .. ويوم زواج سمر اعطيها هذه السلسله وقولي لهم هذه السلسله من امكم نجاح

ام ناصر: بس يا خويتي لا تكملين العبره خانقتني ما اقدر اسمع هذا الكلام منج..

بكت وايد وضمو بعضهم ...

(( غرور ))

وهم نازلين من ع الدرج فكرها كله مع يوسف معقوله اليوم بعد يه بعد الى سويته فيه ..

وسمر وشوق يسولفون..

سمر: السنه الاولى دائماً كذا..

شوق: شنو نستفيد من الشهاده فلوس وعندنا ..

استغربو من ردها معقوله شوق الى تفكر بهذه الطريقه ..

نزلو .. تلاقت عيون غرور بعيون يوسف ..


انتهى البارت الرابع..

أبي اشوووووووووووف ردوووودكم