[فيتامين سي]

الفصل الخامس

عيون غرور المليانه حزن والم وحب وعيون يوسف الولهانه على حبيبها.. الى حامله معاها جميع معاني الحب والرجوله والصفاء

توقفت الساعه خاب ظن غرور .. ابتسمت لقد جاء لا اصدق معقوله هذا هو الانسان الى ما كنت انظر له الى بنظره غرور وتحدي
ولاول مره افشل بالتحدي .. حاسه ان في شي يشدني له انا ما كنت كذا ..

يوسف .. كسرت عيونج وثبت لج ان خالتيه غاليه ومو مهمه عندي مشاكلنا وكلامج البايخ لكن ما اقدر انكر اني ياي علشان اطمن عليج . وبالمره اعذبج بطريقتي الخاصه

وقف يوسف وناظر غرور بنظره غرور وقال: عن اذنكم

طلع متوجهه الى المسبح ..

حمد: وانا بعد طالع معاك ..

سيف استغل الفرصه وقال: شلونج غرور

غرور: الحمدالله

شوق: عن اذنكم انا طالعه

ناصر: على وين

شوق: البيت

ناصر: من بوصلج

شوق: السواق

ناصر: وامي

شوق: بعدين برد لها

ناصر بنظره تحدي : انا بوصلج .. مع السلامه ..

الجميع: الله يسلمك

غرور ما حبت تيلس معاهم خطيب وخطيبته ييوزون مع بعض مالها داعي تيلس بوسطهم..

قالت بمرح مصطنع: انا بعد بخليكم ادري تبغون الفكه مني

ابتسمت سمر وكانها موافقه وسيف الى وده غرور تيلس جدامه اربعه وعشرين ساعه لكن بنفس الوقت مقدر مشاعر سمر ..

ابتسم وقال: بالعكس قعدتج ما ينمل منها

استعجبت سمر من طريقه سيف لكن من سابع المستحيلات انها تغار من روحها الثانيه غرور ودائماً تفسر كلامه بطريقتها الخاصه ..

وغرور الى تضيع وسط كلامه الحلو الى ما تشوف له داعي والى تعودت عليه قالت: شكراً

طلعت غرور لقت حمد ويوسف يالسين يسولفون غريبه حمد ويوسف ربع من متى ؟

وقف حمد وقال: اوكي
دار لها وقال: غرور بروح اشتري عشاء تبغين شي ؟

غرور: ما لي نفس

رفع يوسف راسه صج اهو متخانق معاها لكن ما يهون عليه يشوفها زعلانه وتعبانه ..

حمد: مو بكيفج كلنه بناكل علشان خالتي ام سيف وعمي بو سيف يايين بعد اشوي

ابتسمت نظر حمد الى بنت عمه بتفائل وامل ومشى .. دارت غرور الى يوسف الزعلان ..

الجو بارد وايد

غرور: كح كح ..

بعد قليل قالت بتردد : للحين زعــ ــــ لان

يوسف رفع حواجبه اول مره غرور تتكلم معاه بهذه الطريقه

غرور الى مو عارفه شنو تقول ومن وين تبتدي : طيب مو بردان

يوسف مستمتع بحرق اعصابها: علي جاكيتي

ابتسمت غرور اخيراً نظر اليها تحت عيونها سواد وكانها مو نايمه وباين عليها الحزن كسرت خاطره

غرور الى مو قادره تستحمل بروده: اصلاً انت كلك على بعضك بارد شلون تبرد

يوسف الى نسى كل الى صار وكل الى باله الهوشه اليديده والاسلوب اليديد .. ابتسم ابتسامه تذوب قلب غرور

لا تنظر الي بهذه النظره فانني اذوب
اَه على نظره عينيك يا حبيب المحبوب
تنسيني العالم والكون وكل الدروب
كم احبك يا عزيزي بجنون
ولا اتمنى الى ان يحن قلبك علي يا حنون..

غرور الى تداركت التغير غمضت عينها وضفطت على اسنانها تحاول تمسك اعصابها..

يوسف: وبعد بتغلطين توج يايه بتعتذرين

غرور بعصبيه: ومن قال لك اني يايه اعتذر

سقطت دموعها مسكت راسها ضائعه ضائعه.. يوسف الى ما يستحمل يشوف غرور بهذه الحاله يحبها..

ارتبك .. اللسانه مو قادر يتكلم : غــ ــ

قامت غرور بسرعه ومسحت دموعها وقالت بهدوء: عن اذنك واسفه لاني ازعجتك..

مشت نادها يوسف: غرور

وقفت وكان الحياه رجعت لها من يديد

يوسف: للحين ما تعودتي على حركاتنه مع بعض

دارت غرور له وابتسمت ..

يوسف بنظره اول مره يراويها غرور نظره حنان وحب وخوف: ابي اقول لج اني معاج مهما تقولين رايج واحترمه..

توقفت الساعه .. توقف العالم كله يا ليتني اقدر اقول لج اني احبج

غرور: انا ما كان قصدي

ابتسم

غرور: بس

يوسف: ما يحتاي تبررين انا عاذرج

نظره اليه نظره بريئه وعيونها مليانه دموع وتلمع .. وكانها تقول له انها تحبه وايد.. ويوسف كذالك ..

اهني دخلت ام سيف

ام سيف: غرور

دارت غرور لها وابتسمت: هلا خالتي تفضلي ... حياج

وبعد ما دخلت ام سيف يوسف للحين واقف قالت له بحياء اول مره تستحي منه : ما بتدخل

يوسف: لا عندي موعد ضروري

دقات قلب غرور تتسارع .. اكيد معاها .. والغيره تستغل غيره وخوف وكل هذا وما تحبينه يا غرور لا تكابرين ؟؟

يوسف: بلغي الوالده اني مشيت واذا بغت شي تكلمني على المبايل

غرور: ان شاء الله

الليله طويله ملك احساسها وقلبها وتلقب بجميع معاني الحب الحب عندها .. لكن ذلك القلب العاشق مازال مكسور

(( سمر ))

سيف: يعني شنو

سمر: غرور تحبه بس تكابر

سيف الى مو مصدق سيف متعلق بغرور الى يحبها وهذا الى يخليه ياجل زواجه من سمر

سمر: سيوف عمري وينك

سيف: تعبان سمر اريد انام .. تصبحين على خير

سكر الموبايل .. استغربت سمر لحاله وتغيره من نذكر اسم غرور ..

قررت انها تروح تنام مع غرور بالغرفه

سيف الى حب غرور ومن غير ما يحس وتعلق فيها ما ينلام غرور بنت متميزه جريئه وصريحه وايد .. وسمر ممكن انه يلاقي مثلها وايد .. سمر شخصيتها انسانه تريد تضحي علشان قلبها باي شي ومندفعه بعواطفها.. عكس غرور الى محتفظه بمشاعرها..

يحاول انه يعيد ذكرياته..

غمض عيونه وسند راسه .. على السرير يتذكر الموقف الى خلاه يخطب سمر وما يخطب غرور الى حبها..

قبل 3 سنوات سمر وغرور كانو سنه اولى جامعه .. كان رايح لغرور الجامعه علشان يصارحها بحبه .. واستغل الفرصه وقت الى عرف ان سمر مريضه وما راحت الجامعه..

انتظرها .. على باب الجامعه.. واول ما طلعت ناداها

سيف: غرور

غرور وعلامات الاستفهام واضحه عليها : هلا سيف.. شنو الى يايبك اهني

سيف: لا بس بغيتج بموضوع مهم..

كان مخطط انه يقول لها وقف معاها خمس دقائق يحاول يقنعها .. واخيراً نجحت المحاوله ..

الكفتيريا..

سيف: انا اريد استشيرج موضوع (( علامه الارتباك واضحه عليه))

غرور: موضوع شنو

سيف: موضوع زواج .. اقصد امم اني احب وحده وايدومو عارف شلون اوصل لها حبي .. واريدج تساعديني

غرور الى شكت بسمر وخصوصاً انها تعرف ان سمر تحب سيف .. : هذه الوحده تقرب لي

سيف: وايد .. اقرب انسانه لج

غرور: اعتقد انها تبادلك زي الشعور .. وسمر خوش بنيه

_________________________

اليوم الثاني

استيقطت على صراخ ابنه عمها سمر .. قامت تركض مو قادره تستوعب لقت ناس يطلعون انها من غرفتها وقلت حمد ماسك اخته ويهديها .. وابوها يبجي بهدوء تقرب ابوها منها ومسك يديها وقال: انتي عارفه ان هذه نهايه كل انسان

صرخت وكانني اود الرحيل معها من الصدمه سقطت على الارض وسقطت ريلي ما تقدر تشيلني .. ضربت بيدي على الارض نزل ابوي لي وضمني وطبطب علي بهدووء وانا اردد هذه الكلمات لا مستحيل لا يمكن لا

فقدتج يا اغلى الناس وقفدت حضنج الى ما مثله ثاني
امي يا اجمل احساس نعيشه ويحمل المعاني

من الى بيضمني من الى بيحس فيني من غير ما اتكلم .. من الى بيقدر يعوضني عنج يا الغاليه..

وسمر وحمد الى حسو نفسهم يتيتمو من يديد .. اااخ على حرمان السنين

وبعد 3 ايام

شوق في الكوفي مع فهد

فهد: للحين زعلانه عليها

شوق: زعلانه لاني طول عمري مقصره معاها بحياتها موتها

فهد: شوق حبيبتي ما له داعي الحساسيه الزايده..

شوق: خالتي نجاح كانت ام للجميع.. الله يرحمها..


انتهى البارت الخامس