البـارت الخامس
____________
في قصـر العائله
كانوا الناس طالعين وداخلين كانوا يعزون الأهل ع البنات
ابو فيصل دخل داخل في جناحه وكانت ام فيصل في الجناح وتقول : ضيعنـا الامـانه ياخالد
ابو فيصل وهو يمسك نفسه لا ينفجر : الامانه الحين هي عند رب العباد
ام فيصل وهي تبكي : انا ربيتهـا بيدي وكبرتهـا وما قصرت معها وآخرا شي تروح وتتركني
ابو فيصل وهو يهدي زوجته : اذكري الله يامره هذي سنه الله مصيرنا كلنا اننا راح نمشي ت هالطريق
_______
في نفس القصر عند غلا وحلا
غلا وهي تبكي : كنت احبها والله احبها ليش تروح وتتركني ليه
حلا وهي تبكي وتهدي اختها : خلاص ياغلاوي اذكري الله
غلا وهي تناظر بأختها وتبكي : كأنت تناديني غلاوي اشتقت لهالكلمه
حلا وهي تضم اختها : خلاص ياقلبي كلنا حزنانين عليها
دخل ياسر الغرفة وهو يبكي : ابيهـا ترجع والله ماضربهـا وازعجهـا اخليها تضربني وتسوي اي شي بس لاتموت لاتموت والله اخليها تلعب بلاستيشن معي وكل شي بس ترجع وطاح ع الارض وهو يبكي
دخل فيصل وهو يضم ياسر من وراء : خلاص ياسر ارحم نفسك
ياسر : خلوهـا ترجع وخلوها تناديني يسوري وكل شي بس لاتموت
غلا وحلا قاموا عند فيصل وياسر وضموا بعض
____________
اما عند البنات في السياره
______________
المساعد : انزلوا وصلنا للمطار
فهده : كل تبن ماراح انزل تبوني اطلع من ديرتي
المساعد : انتي اسكتي يا ازعاج وأمشو بالطيب
البنات بنفس الوقت : ماراح نمشي
المساعد : امشو أحسن لكممم وإذا سويتوا ازعاج او لفتو انتباه احد بتشوفون شي ماعمركم شفتوه
دانه : اقول انت شكلك حافظ هالكلمه بس في قاموسك امشو ولا بتشوفين شي يمه خفت
المساعد بنفاذ صبر : بعد طلع لنا لسان رابع
دانه : اقول كل تراب تعرف تراب
المساعد : اسمعوا كلام الأنسه منار وفكروا بسرعه
فهده : ايش قصدك
المساعد : اسالو الأنسه لاتسألوني
منار : انت قلت بترجع البنات ليش مارجعتهم ولا خالفة بوعدك
المساعد : الرئيس ماقبل
منار : جعلكم الطاعون حنا اتفقنا ولزم تصير ع قد الوعد
المساعد : هذا الشي مو راجعلي
فهده : هيه انت وياه ايش عندكم تتكلمون بالالغاز
منار : بنات اسمعوني زين ولاحد يقاطعني
فهده : شرفي
منار : بنات تبون أهلنا يعيشون ولا يموتون !!
فهده : فآل الله ولا فالك ايش ا السؤال
منار : اسمعوا اذا حنا هربنا او سوينا شي الشخص اللي خطفنا راح يقتل أهلنا اكيد الحين انتم منصدمين وتقولون مايقدر بس هاالشخص لما كنت اهرب خلاني أشوف مقطع فيديو ان واحد من رجال الشخص كان وراء أبوي وكان معه مسدس وأبو ـي كان مشغول وما انتبه يعني هاالشخص يقدر يسوي اي شي يقدر يقتل أهلنا بدون مايرف له جفن
كل البــنات منصدمين !!
فهده : يعني إحنا بنترك السعوديه ونترك أهلنا
منار وهي تمسح دموعها : ايه
البنات هنا كل وحده بكت
المساعد : هيه تراكم قلبتوها عزاء امشوا بسرعه
منار بقهر : انت أنطم ابلع لسانك لا يجيك تصفيق
منار : الحين ايش قراركم تبون تروحون ولا نقعد هنا ويقتل أهلنا
ريم وهي تبكي : شلون يقدر يقتل أهلنا
منار بهدوء : بنات انزلوا من السياره ولاتسوون شي لان بودي قارد الكلب يراقبونا
نزلوا البنات ودخلوا المطار
_______
عند رائد كان بغرفته وهو حزين ع موت اخته بنات عمه دق باب الجناح ودخلت شهد وهي تبكي وتجلس ع سرير اخوها وهي تقول : رائد ريم ماراح ترجع
رائد ناظر اخته وقال بنبره حزينه : لا ياشهد ريم راحت ماراح ترجع
شهد وهي تبكي : ومنار وفهده وطيف ولمى ما راح يرجعون
رائد نزلت منه دمعه حاره وقهر ع فراق اخته : لا مارح يرجعون
شهد وهي تبكي بحضن اخوها : ابي ريم ابي ريم ابي ريم
رائد وهو يحضن اخته : بعد اليوم ريم مجرد ذكرى ماراح تكون موجوده
رائد وهو يتذكر كلامه مع ريم من زمان
كانت في الصاله وأهل البيت نايمين كانت تبكي
دخل البيت هو مصدوم من شكل ريم وهي تتابع التلفزيون وجنبها كرتون منديل وتبكي
جاء عندها وقال : ريومهـ حبيبتي ايش فيك
ريم وهي تبكي وتمسح دموعها : ماتت اخت البطل
رائد ما فهم شي : هاه
ريم وهي تأشر ع التلفزيون : شوف
رائد وهو يناظر الفلم وقام يجلس ع الكنب وهو يقول : حمد الله والشكر كل هالصياح عشان وحده ماتت
ريم وهي تناظر رائد وتقول : رائد ممكن سؤال ؟؟
رائد : اسألي
ريم وهي تمسح دموعها : تخيل في يوم من الأيام يصير لاختك حادث وتموت بالحادث ايش راح تكون ردت فعلك
رائد : ايش جاب سيرة هالسؤال يلا روحي نامي
رجع لواقعه وهو يناظر بشهد ويقول : ياليتك ماسألتي ياليت
__________
اما في بيت فهده
_________
ام فهده تبكي : آه يابنتي ليه رحتي
رشا وهي تبكي وتهدي أمها : يمه يمه خلاص ارحمي نفسك
اما نوره كانت تبكي وهي تقول بنفسها : وينك يافهده وينك يا قلبي
دخل ماجد هو ومهند وحمد ماجد طلع لجناحه وهو ينسدح ع السرير : الله يرحمك يا نور وبهجه هـالـبـيت
_________
اما عند البنات دخلوا المطار
__________
جاء المساعد عندهم وقال : يلا الحين موعد رحلتنا
فهده وهي تناظر البنات وتقول : قولو ان هذا حلم مو حقيقه
ريم بحزن : ياليت كان حلم
لمى وهي تبكي : ما اصدق أني بترك السعوديه
طيف : بنات خلاص
البنات ناظروا في منار اللي كانت سرحانه
المساعد : يلا بسرعهه
مشو البنات عند بوابه المغادرون وهم يناظرون وراء ويودعون السعوديه دار ابو متعب الغالية
دخلو البوابة وركبوا الطيارة الخاصة وفهده تقول : ليش الطياره الخاصه
المساعد : لزم نأخذ الاحتياط
فهده بهمس : ودي من يجئ ويفقع وجهك
اجلسو البنات في المقاعد والترتيب كالتالي
منار + ريم
طيف + دانه
لمى + فهده
طبعا فهده خلف مقعد منار وتقول بهمس يسمعه لما ومنار وريم : ليش كذا ليش
منار بهمس : مو بأرادتي يافهده مو بأرادتي
أعلن الكابتن ربط الأحزمة لان الطياره راح تقلع
طبعا فهده ومنار كانوا جنب الشباك ( الطاقه )
ومشت الطياره شوي شوي لكي تقلع والبنات يناظرون السعوديه لآخر مره
_________
بعد مرور ساعات
________
وصلوا لبريطانيا في لندن والبنات يناظرون الناس بحزن
المساعد : يلا السياره تنتظرنا برا
مشوا البنات من دون كلمه
وركبوا والصمت سيد الموقف
وصلوا لقصر كبير وفخمممممم
ووقفوا عند الباب الرئيسي للدخول للقصر
وانفتح الباب ودخلوا البنات وكل وحده منبهره من القصرر
___________
توقعـاكم
ايش قصد ام فيصل بالأمانة ؟؟
وايش راح يصير ببريطانيا ؟؟
وأي شخصيه أعجبتكم ؟؟