[اسطورة !]

الجزء الثاني
جوري:هيييه لحظه متعبوه ابغى باايسن
ارجوان:جوري وبعدين معك
جوري:ايش
ارجوان:استحي حتى لو اخته من الرضاعه برضه استحي هذا ولد عمتك
جوري:شوفي ارجوان مااحب احد يقولي الى اسويه مفهوم..كيفك شوفيني حذرت عاد انتي خذيها براسك
ارجوان طنشتها وسولفت مع ابرار
جوري:اوف بجد ماينفع معكم الا العين الحمرا
ابرار:اقول جوريوه
جوري:جتنا ارجوان اثنين..نعم وش تبين
ابرار:تكلمي معي زين
جوري:كيفي ياعالم هذا كلامي كيفي اتكلم بالطريقه الى تعجبني
ابرار احتقرتها وكملت سوالف مع راجوان
رجع متعب واعطاهم الكيس الى فيه الاغراض
ابرار:سلمت
متعب:الله يسلمك
ارجوان:تسلم
متعب:الله يسلمك
جوري:يعطيك العافيه
متعب:الله يعافيك بس مالقيت البايسن
جوري:اوما عاد
متعب:هذا الى صار بس جبت لك شراب قوه ثاني
جوري:هذا المطلوب سلمت ودمت
متعب:الله يسلمك
جوري:وين الكشه الى كانت في شعرك من شوي يامتعب ابعد الكاب بس
متعب:خليته عند البنات
ابرار وارجوان وجوري:هههههههههههه
جوري:لالالا لازم نعلم امك
متعب:عن ايش
جوري:عن البنات
متعب: اي بنات
جوري:اي بنات الى يلحقونك..وبنظره شيطانيه..يعني اكيد سرقت لك كم وحده مو
ارجوان وهي تدق جوري:خلاص انتي استحي
جوري وماعندها في ارجوان:يلا اعترف
متعب:ههههه اما انتي انفصختي عن الحيا
جوري:لا انفصخت ولا شئ بس الحقيقه حقيقه يلا اعترف
متعب:وصلنا يلا انزلو"وااي زين انا وصلنا ولا كان اكلتني مع قشوري ذا الادميه"
جوري:متعبووه
متعب وهو يلتفت لها:هلا
جوري:ترا بعرف بعدين كم بنت خلاص والمره الجايه بتسرع لانك مره بطئ كنك تمشي مثل السلحفاه يلا بااي
وقفلت الباب بقووه
متعب:هيييييه جوريوه بشويش على الباب تريه مو باب غرفتك يتحملك
جوري طنشته ودخلت
فوزيه:يالله انك تحي بناتي
جوري قفزت على عمتها فوزيه:عمتي غاليتي قرت عيني
فوزيه:هههههه الحمد الله وشكر وش فيك استخفيتي
ارجوان سلمت على راس ويد عمتها:ابد بس مابقت شئ في متعب الى فصفصته
فووزيه:ايه كفو بنتي اهم شئ انك فصفصته زييين
جوري:افااا عليك مابقيت شئ منه
ابرار:ارجوان
ارجوان:هلا
ابرار:بعض الاحيان احس ان عايلتنا فيها خلل
ارجوان:حتى انا وربي نفس اللاحسااس
ابو مشاري:السلام عليكم
الكل:وعليكم السلام
ارجوان قامت وسلمت على عمها
:كيفك ياعم
ابو مشاري:ياحيال الله بناتنا تماام متى جيتو
جوري بطريقتها الى شوي عربجي:والله طال عمرك الحين وصلنا وابشرك جينا سليمين ولا كان ولدك بيحولنا على المقبره اليوم
متعب من وراها:يالمفتريه
جوري:بسم الله من وين طلعت انت
متعب:من بطن امي..بعدين تعاالي وش بغيت اوديكم المقبره ذي
جوري وهي تروح تسلم على عمها:ولاشئ ماابغى افضحك عند عمي..كيفك ياعم
ابو مشاري وهو يضحك على خبال جوري:تماام انتي كيفك؟
جوري:الحمد الله باقي عايشه
ابو مشاري:الحمد الله
متعب:لحظه لو سمحتم نكمل جلسة المؤتمر...جووريووه تكلمي وش بغيت اسوي ماعليك مابتفضحيني عند ابوي يلا تكلمي
.........................................
اعطيكم علم ان جوري وارجوان عاشوا نص حياتهم في هذا البيت
بيت عمتهم فوزيه لان عممتهم هي الى ربتهم
لما يقابلون متعب ومشاري ارجوان تحط طرحه بس وجوري تكشف لانها اختهم من الرضاعه
.........................................
جوري:طيب بتتحمل كل الى يجيك..ولفت لعمها ابو مشاري..اسمع ياعم
ابو مشاري وهو يضحك على عياله:كلي اذان صاغيه
جوري:ولدك كان مسرعه 200 وانا اقول له لا يسرع لكن ولدك الله يهديه يدعس اكثر
متعب شوي وعيونه تخرج من كلامها عاد كل شئ عند ابو مشاري الى السرعه بالسياره
لف ابو مشاري لمتعب:ايوه يامتعب
متعب وقف وبداء ينفعل:وربي يابوي والذي انزل السبع ورفعه سبع اني ماسرعت..ولف لابرار وارجوان وهم ميتاات ضحك على شكله لكن متعب مانتبه..ابرار ارجوان قولوا الصدق انا سرعت شوفت يابوي ماسرعت..قالها من الخوف ولا ابرار وارجوان ماقالوا شئ
الا يلتفت على امه وابوه وجوري ويشوفهم يضحكون وماتو ضحك عليه
ام مشاري:ههههههه متعب وش فيك انفجرت كذاهههههههه ترا جوري كانت تمزح
جوري:وااي متعبوه ودي اني صورتك ياليت بس واقعد اضحك على شكلك ههههههههههه
متعب عصب منهم وخرج وهو يدعي على جوري:اصلا انا اكره جوري واكره جلستها معنا"الله ياخذك ياجوري فشلتيني"
جوري:هههههه وااي يابطني خلاص ماني متحمله
ابرار:في حياتي ماشفته بالشكل هذا وربي انك تحسر يااخوي
ارجوان:هههه وربي رحمته معي اخت ماترحم
ابو مشاري:هههه الله يهديكم بس..وقام
ام مشاري:جوري
جوري لفت لعمتها:سمي
ام مشاري:وش فيك على عيالي انتي
جوري حطت اصبعها على راسها:والله كيفي وبستلمهم واحد واحد واقعد اهبل فيهم وبعدين اروح في احفادك واهبل فيهم تهبيل
ابرار:هبلي فيهم كلهم لكن ابرار مابتقدرين عليها
جوري:تتحدين
ابرار:اتحدا
جوري:خلاص صاار انتي تحديتي
ابرار:وانا قد كلمتي
ارجوان:بارو
ابرار:هلا
ارجوان:خلينا ندخل الغرفه
من كثر وجوري وارجوان ينامون عند ابرار صار لكل وحده سريرها الخاص في غرفت ابرار
جوري رمت نفسها على سريرها:بنااات
ابرار وارجوان:نعم
جوري:خطتي بتبتدئ الحين
ابرار لفت على جوري مو فاهمه السالفه:اي خطه
جوري: خطه تخلي الكل فرحان
ابرار:خطه تخلي الكل فرحان..ولفت على ارجوان
ارجوان:لا تطالعين فيني ماادري وش تبغى
ابرار:جوريوه تكلمي زين
جوري:طيب انتي اصبري وكل شئ في وقته حلو يااحلو
البنات سولفوا وقعدو مع بعض واستانسو ماحسو الى الساعه 11
ام مشاري:جوري ارجوان يلا تجهزو
جوري بكل بروده:وين
ام مشاري:ترجعون بيتكم
جوري:هذا بيتنا
ام مشاري:ايه وكمان عندكم بيت هناك بتروحين له
جوري:ومن قال اني بتحرك من هنا
شوي الى يجي خالد (ابو ارجوان) اتصال:هلا
ام مشاري:خالد بنتك مو راضي تخرج من البيت
خالد (ابو ارجوان) بنفاذت صبر:وش سوت
ام مشاري:تقول مابتخرج من البيت الى لما تجي انت
خالد (ابو ارجوان):طيب جيت...عارف خالد (ابو ارجوان) لو طولها بطول وهيه قصيره وقرر يروح يجيبهم.
ام مشاري:هذي نهايتها ياجوري
جوري:انا قلتها ماني خارجه لما يجي بابا
ودق الباب الى خالد (ابو ارجوان) عند الباب
دخل لان مافي احد غريب في البيت
خالد (ابو ارجوان):خير ياجوري
جوري:مابتحرك من هنا لما توعدوني انتم الاثنين انا بنروح الشاليها بعد اسبوع
خالد (ابو ارجوان):ايه طيب طيب
جوري باعلا صوت:لاااااااااااااااااااا� �ااااااااا مافي ابغى وعد..وقامت ودخلت الحمام وانتم بكرامه وقفلت الباب..مابخرج لما توعدون ولا تخلفون
خالد (ابو ارجوان) مسك الباب وحاول يفتحه:جوري افتحي الباب
جوري:لا يعني لا
خالد (ابو ارجوان) بنفاذت صبر:لو ماتفتحين الباب بكسره
جوري:اتحداكم تكسرونه..انا قلت لكم شرطي مابخرج من هنا لما توعدون
جاي متعب مسرع:خال خذ هذي مفاتيح اضاافيه حاول تفتحه
واخذ خالد (ابو ارجوان) المفاتيح وقام يجرب واحد ورا الثاني ولما خلص:فوزيه ولا واحد منهم يفتح الباب
ام مشاري قربت من الباب وحاولت:مو معقوله انا واثقه ان للباب هذا مفتاح اضافي
جوري:على بالكم اني غبيه شوفو المفتاح معااي
فوزيه لفت لاابرار واارجوان
ابرار:ماما لا تطالعين فيني وربي ماعلمتها
ارجوان:هيه وش فيكم لا تناظرون لنا انا وبارو بريئات
ام مشاري:خالد وافق وخلاص بنتك راسها يابس مثلك
خالد (ابو ارجوان):جوريوه حسابي معك بعدين الحين يلا اطلعي واوعدك انا بنروح الشاليهات مع عمتك فوزيه يلا
جوري:لا
خالد (ابو ارجوان):لا حول اللهم طولك ياروح..وش تبغين بعد
جوري:ابغى عمتي ام صماد معنا بعد
فوزيه:جوري وربي لو ماتخرجين لتنضربين
جوري:عادي انضرب وانا ماخذه شئ .... يلا اوعدوني
خالد (ابو ارجوان):وعد وعد وعد الحين يلا اطلعي
جوري فتحت الباب بشوويش وطلعت راسها اول بعدين فتحت الباب كله
مسكتها عمتها فوزيه وسحبتها وظربتها ظربتين ابو اعطاها نظره ومشا
وخرجو كلهم من غرفة البنات وراحو ارجوان وابرار لجوري
ابرار:يافناانه
ارجوان:وربي انك رهيبه
جوري:اكيد انا جوري ياحلوات
ابرار:والله وطلعتي خطيره
جوري:وش على بالك
جوري وارجوان وابرار من فرحه قامو يضحكون من دون سبب
.........................................
فـــــــــــي الصـــــــــبــــــــاح
كان في سيارته الفخمه وهو متحمس لبداية يوم جديد
لبدايه يوم يخبئ له المفاجئات
نزل من السياره بكل ثقه وهو شايل في يده شنطه سوداء صغيره
ودخل الشركه ودخل مكتب المدير وسلم على راسه
جهاد:صباح الخير يبه
ابو جهاد:صباح النور
جهاد:غريبه اليوم خرجت بدري ماامداني اصبح عليك
ابو جهاد:كان عندي اشغال كثيره
جهاد:الله يكون في عونها..الا ابوي
ابو جهاد:نعم
جهاد:مافي اي جديد في الاسهم
ابو جهاد:لا كلها سلبيه في الوقت الحالي وترفض انها ترتفع
جهاد:الله يكون في العون..طيب انا بروح شغلي الحين تامر على شئ
ابو جهاد:سلامتك لكن علاء اخوك جاء من بدري روح شوف اذا يحتاج شئ
جهاد:حاضر طال عمرك
وخرج جهاد وتوجه لمكتب اخوه علاء
علاء:ادخل
جهاد:صباح الخير يادب
علاء:هههه صباح النور بعدين انا هنا مو اخوك انا نائب المدير
جهاد:ههه طيب يانائب المدير تحتاج اي خدمه
علاء:لا مشكور
جهاد:العفو لكن حتى الجمعه دوام..
علاء:ايه بما اننا المسؤلين عن الشركه
جهاد:بجد ملل
علاء:ياشيخ ارحمنا يلا روح على شغلك
جهاد:طيب يلا انا بروح مكتبي اي خدمه
علاء:مشكور
جهاد:العفو
وخرج جهاد وراح مكتبه
وجلس على مكتبه وشاف ورقه طاحت من على المكتب
انحنا ورفعها وقراها:هههه تافهه بجد هالادميه فيها تفاهه ماشفتها في مخلوق
ودق الباب رما الورقه في الزباله:تفضل
.........................................
في اللــــــــــيـــــــــــ ل
العنوود:واااااااااااااااا� �اااو بجدكم انتم
ارجوان:لا نستهبل
ابرار:وش راايك انتي
_مكالمه جماعيه من دون جوري لان مامعها جوال_
العنود:وربي جوري هذي خطيره
ابرار:اي مره وربي عليها طلعات ذكيه
ارجوان:مع انها عصبت ابوي شوي لكن اخذنا منها فايده
ابرار:وامي ضربتها لكن اخذنا منها فاايده
العنوود:ههههه وانتم ماسويتوا شئ
ابرار:لا انا ماسويت شئ غير المراقبه
ارجوان:حالي حال بارو
العنود:جيبولي جوري ابوس فيها لما اخنقها
ابرار:بتخنقك قبل لا تخنقينها
العنود:هههههههه في هذي صدقتي
ابرار:جوني
ارجوان:هلا
ابرار:وين هي
ارجوان:في غرفتها
ابرار:هههه اخذت عشاها من ابوك
ارجوان:ههههه تقصدين الضرب..لا ابوي مااعطاها شئ
العنود:واي بجد ابوك فيه حلم عليكم الله يزيده
ارجوان:امين..صبايا
ابرار والعنود:هلا
ارجوان:انا بستأذن لاني بروح انام وبكره في المدرسه نكمل سواليف
ابرار والعنود:اوكي
ارجوان:يلا بااي ياحلوات
ابرار والعنود:بااااي
وقفلت ارجوان وراحت تناام
.........................................
الصــــــــــبـــــــــــ ــاح
ارجوان:صبااااااااااااحو
اريج:صباحات..وش عندك اليوم
ارجوان:وحده مروقه ومصحصه وش تتوقعون منها
رنا:هههه هلا
ارجوان:هلا وغلا يالبى يارنو انتي الى تحسين مو عديمت الاحساس ذي..وتأشر على اريج
اريج:ويعوه الشرهه مو عليك الشرهه على يسابق ويصبح عليك
ارجوان تحضن اريج من ورا:ميجو قلبي مو قصدي كنت امزح والله امزح
اريج تسوي انها زعلانه :مافي روحي
ارجوان:ميجو قلبي وربي امزح
اريج تتغلى على ارجوان:ماابغى روحي
ارجوان:ظفي وجهكم...وظربت راسها..تأسفنا لكن مالت عليك ماتنعطين وجه
بشاير:يالله صباح خير من الصباح مضاربه
اريج:هي السخيفه الى بدت
ارجوان:ياشيخه ارحمينا من كذابك لا تطيح السما علينا
اريج:لا تطمني مابتطيح ربي مثبتها
ارجوان:هاهاها يادمك مره خفيفة دم
اريج:ليه قستيه
ارجوان:قاسوا راس العدو وش قسته
رنا:ههههه هذولي مايملون
بشاير:مااظن
وصفر الجرس وكل على صفه
ارجوان:صبايا من علينا هذي الحصه
ساره:اتوقع سلمى حقت الانجليزي
ارجوان:ماتلاحظون ان مدرسات الانجليزي ناعمات وكيوت وباقي المواد متنوعات
اريج:بجد توني انتبه لهذا الشئ
شهد:ارجوان
ارجوان:ياعيونها امري
شهد خافت من ارجوان لان هذي اول مره تتكلم معها برومانسيه:آآ لا بس كنت بقول وش فيك من اليوم الصباح وانتي غير
ارجوان:من انا متى وكيف
شهد:شوفتي
ارجوان تطالع شهد بأستغراب وشوي الى دخلت مدرسه
المدرسه:السلام عليكم ورحمة الله وبركاته
البنات:وعليكم السلام ورحمة الله وبركاته
المدرسه:كيفكم يابنات
البنات:بخير
المدرسه:انا اسمي صبا ومن اليوم لما نهاية السنه بكون مدرستكم الجديده للانجليزي
البنات ذايبين على شكلها لانها مره حلوه
لابسه تنوره جنز سماوي وبلوزه احمر ومسويه لشعرها جل وحاطه شباصه سماوي
وقلوس احمر وشدو خفيف سماوي معاه احمر بشكل خفيف
صبا تلف على البنات تشوفهم لكن وحده من البنات لفت شكله
المدرسه :انتي قومي
:انا
المدرسه: ايه انتي وش فيك
ارجوان:لا ولاشئ مافيني شئ بس انا ماسويت شئ عشان توقفيني
صبا ابتسمت:ايه اعرف بس انتي عربيه
ارجوان عرفت انها تقصدها لان شكل ارجوان شوي مايل للاجنبي
ارجوان:ايه عربيه
صبا:اهاا تفضلي
نوره:ابله اكيد استغربتي من شكلها لانها عربيه
_نوره هذي طالبه تكره كل البنات وماتحب احد ولسانها اطول منها_
صبا:ايه استغربت بس انتي وش اسمك
نوره:انا اسمي نوره
نوره تلف على ارجوان وتبتسم ابتسامت سخريه:انا بقول لك ياابله
ارجوان هذي امها اجنبيه وابوها عربي لكن امها تخلت عنها والعالم ان ارجوان..ولفت على ارجوان وابتسمت ابتسامه صفرا.والعالم انها ياابله بنت وحده اجنبيه ماتعـ..
بس الابله قاطعتها:نوووره
نوره طالعت للمدرسه بشكل غريب
صبا:نوره لا تقولين كذا استحي النبات مو لعبه عشان تتكلمين عنهم زي ماتبين كل وحده ولها مشاعرها وظروفها ومستحيل تكون زي الى في بالك وياليت تفكرين في كلامك قبل لا تنطقينه مفهوم
نوره:انتم تقولون قولوا الحق ولاتخفونه واحنى نطبق كلامكم
صبا:الحق ماقلنا الى في بالكم وتحسبونه الحق..على العمووم انا مابعطيكم شئ لانها حصتي الاولى
..وخرجت وقفلت الباب
ارجوان:هذي وحده حقيره لو احط يدي عليها وربي لاشرب من دمها
اريج:ماعليك منها اصلا هي وقحه وماتستاهل الاحترام
بشاير:ياليتني جنبها كان فلخت لها رقبتها
ارجوان:ولا خلعت لها فكها
بشاير:ولا طلعت عينها
ارجوان:ولا فرمت وجهها
رنا وشهد وساره واريج:ههههههههههههههههههه� �ه
رنا:وش هذا فلم رعب
ساره:ومتأثرات بعد
اريج:وش فيكم كل هذا من تأثير الافلام عليكم
شهد:مااقول الى الله يعينها بس
بشاير وارجوان ماحسو في نفسهم وبدوء يضحكون على كلام صديقاتهم
في الفسحه
جوري ناطه بوجهها عن ارجوان:ارجوانوووه
ارجوان:يالله صباح خير
جوري وهي مبينه اسنانها
ارجوان:وش ورااك
جوري ومازالت في نفس الوضعيه
ارجوان:جوريوه وش عندك
جوري:تعالي العبي معنا ينقصنا عضو واحد في اللعبه
ارجوان:اقول تحلحلي عني وخري
جوري:بلييز جوونتي
ارجوان:وااي جوري ماابي
نوره:انتي جوري اختها اذا
جوري لفت لها وناظرت لها نظرت استحقار:خير وش تبغين
نوره بأيتسامه صفرا:لا بس انتي اختها
جوري:انتي صمخا ماتسمعين
وضحكو كل البنات الى في الفصل
نوره ارتفع عندها الدمع وعصبت:هيييه انتي اقول احترمي نفسك على الاقل انا ماني بنت وحده اجنبيه ماتعرف ربي مثلك انتي واختك
هذي الكلمه خلت جوري ماتشوف الى قدامها وضربتها ضربه طيحت نوره على الارض وصقع راسها بالكرسي
جوري:تستاهلين ياقليلت الادب
ارجوان وهي مصدوومه:جــ.جـوري
جوري بكل بروده:ماتت
ارجوان:جوري وش سويتي
جوري بكل بروده:ماسويت شئ
وسحبت ارجوان وخرجوا من الفصل
بعد الفسحه المرشده نادت جوري وارجوان
المرشده:جوري العنف مو في مدرستنا
جوري مطنشه المرشده على الاخر
ارجوان:بــس هي الى غلطت علينا اول
المرشده:مهما قالت العنف ممنوع مفهوم ياجوري
جوري ماتناظر في المرشده ومطنشتها
المرشده عصبت:جوري انا اكلمك
جوري لا رد
المرشده: لو ماتكلميني بتندمين
جوري لا رد
المرشده:طيب ياجوري انا بوريك شغلك
نزلت للاداره وقعدت جوري على الكراسي الى في الارشاد وقدامها نوره وهي حاطه ثلج على راسها من ورا
جوري باستهزاء:هههه شكل الى جاك على راسك ماكفاك تري اقدر اعطيك اكثر
نوره:بتندمين
جت ابرار والعنود مسرعين
العنود:وش صار
ابرار:وش فيكم
ارجوان:جوري ضربت نوره لانها قالت..
جوري تقاطعها:ارجوان خلاص مو شرط تتكلمين
ابرار:جوري طيب لازم نعرف عشان نعرف ليه ضربتيها
جوري:مالها داعي تعرفون
العنود:جوري قلبي لازم تتكلمين
جوري عصبت:قلت مالكم دخل..وراحت وقفت قدام ارجوان..لو قلتي لاحد بتندمين..وخرجت من االارشاد
المرشده:وين جوري
البنات يتلفتون في بعض
ابرار:انا لازم اكلم امي تجي
المرشده راحت تجيب جوري...عشر دقاايق شوي الى عمتهم فوزيه موجوده
ام مشاري:وش فيه وش صار
المرشده قالت لها ان جوري ضربت نوره
ام مشاري:جوري وش فيك توحشتي كذا
جوري لا رد
ام مشاري:ارجوان وش صار
ارجوان تطالع جوري اختها:عمه انا بقول لك ..وقالت لها عن كلام نوره وعشان كذا ضربتها جوري
ام مشاري:اهااااا اذا كذا ..وقامت ام مشاري عند نوره والمرشده تراقب كل شئ..اذا اهلك ماعرفو يربونك انا اربيك...شوفي بناتي اشرف منك ومن اشكالك مفهووم
نوره خافت من نظرات ام مشااري :طـ.طــ.طييب
ام مشاري بحزم:تماام عليك خليك شاطره مع بناتي ولا والله لاقلب للوجه الثاني
...ولفت للمرشده..شوفي انا بناتي مايدرسون مع وحده مثل هذي..وتأشر على نوره
المرشده:اسفه ياام مشاري لكن مانقدر ننقلها
ام مشاري:لا تنقلونها لكن انا برفع الى صار للوزاره وهم يتصرفون معها
المرشده خافت من ان ام مشاري ترفعها للوزاره:ام مشاري الله يهديك هم صغار يمكن تصير مشاكل بينهم وبعدين يتصالحون مافي اي مشاكل
ام مشاري:شوفي ياحرمه انا مابسكت عن حق بناتي وابغى حقهم ياتاخذونه انتم يااخذه بطريقتي
المررشده:لا تطمني يام مشاري حق بناتك فوق الراس ولا يهمك احنى بنعطيها فصل 3 ايام ولا بتكررها
ام مشاري:لا وش 3 ايام خليها اسبووع
المرشده:خلاص صار اسبوع معاانها شوي كثيره
ام مشاري:كثيره قليله ماعلي حق بنات باخذه بهذي الطريقه او بطريقتي
المرشده:لا حقك واخذتيه والبنات بيعطونك خبر انها مابتجي المدرسه اسبوع
ام مشاري:مع انها ماتكفي لكن عشان مستقبلها انا بمشيها لكم
وخرجت وهي واثقه انهم مابيرفعون عليها كلمه
في الفصل
شهد:يالبيييه حضك والعمه
ارجوان:يالطيـــــــــــف حسد
شهد:ماحسدتك
ارجوان: اقول سمي علي
شهد:بسم الله عليك خلاص ريحينا
بشاير:وربي ان عمتك دقت خشمها شوفي كيف تعدلت
ارجوان:ماشفتيها لما كانت تكلمها بحزم
بشاير:ااااه ليت يدي بيدك ياام مشاري
رنا:لا عاد انتي مايفوتك شئ
انا نزلت الجزء الثاني مع اني مالقيت الا رد واحد
لكن مابغى انتظر وفي النهايه ماقدر انزل شئ
عاد انا متهمني الردود قد مايهمني انزل الروايه
ماقول ان الردود ماتهمني ابد تهمني لكن تنزيل الروايه اهم
واسفه على القصور
ينزل الجزء الثالث في وقت مو محدد
تحياتي