[اسطورة !]

الجزء الثالث
.........................................
في نفس الوقت في مكتب جهاد
وهو مشغول في اوراق في يده
شوي الى الجوال يدق:الوو
:الووو
جهاد:نعم
مشاعل:الناس يقولون صباح الخير
جهاد:صباح النور
مشاعل:هههههه قصدي انت تقول صباح الخير..كيفك
جهاد"وش تبغى هذي الحين":تماام انتي كيفك؟
مشاعل:تماام..بس شكلك مشغوله
جهاد:ايه مره مشغول بعدين تعالي ليه مارحتي المدرسه
مشاعل:مالي خلق لها اوكي اخليك الحين مع شغلك واذا فضيت دق
جهاد:ان شاء الله.. يلا باي
مشاعل:بااي
.........................................
رندا:على زينه
مشاعل:اووص ولا كلمه..وربي انه يهبل واااي ياحبي له
رندا:هو صح حلو لكن احسه يسحب عليك ومايبغى يكلمك
مشاعل بتفكير:يمكن لكن مع الايام بيحبني
.........................................
ناخذ وقفه بسيطه مع ابو علاء
ابو علاء"عمره 55سنه مدير لشركات كبيره وتاجر معروف في
ومافي احد ماسمع بأسمه
متزوج 4 ثنتين اجانب وثنتين عربيات
ام علاء"عمرها 46سنه زوجته الاولى طيوبه وتحب كل عيال ابو علاء الى منها والى مو منها بعد
وماتحقد على احد مع ان زوجها تزوج فوق 3 الى انه يبحها ويعزها فوق زوجاته ذوليك كلهم
عندها"علاء وغزل ولارا
ام جهاد"اجنبيه عمرها 36سنه مافي اي معلومات عنها لانها ماعاشت في السعوديه
ماعندها الى جهاد

ام مسفر"عمرها 33سنه زوجته الثالثه تكره ام علاء ومايهمها غير شكلها وماتهمت في عيالها
ولا تحب زوجها كل همها شكلها
عندها"مسفر ورامي وسو
والاخيره اجنبيه "الزوجه الرابعه عمرها 28 سنه وتزوجها ابو علاء في الخارج لان عنده رحلات كثيره للخارج
وبهد شهرين من زواجهم طلقها لكن ماجابت احد منه
نجي عند الاولاد
علاء"26سنه موظف في شكرة ابوه اكبر اخوانه متزوج وعنده ولد واحد
طيب وحبووب وحلو ابيض وانفه مثل السيف وعيونه وسط وجماله جمال عربي
جهاد"22سنه موظف في شركت ابوه وملك جمال اكيد بما ان امه اجنبيه
عيونه ازرق غامق وشعره مايل للاشقر وناعم وام علاء هي الى ربته لان امه ماجت السعوديه
لكن بين صيفيه وصيفيه يروح عند امه ويقعد عندها اسبوع او اسبوعين بالكثير
ويحب اخته سو اكثر من اي احد ثاني في هذا العالم واذا عزم يسوي شئ يسويه لو طل الزمن او قصر يعني مايشق له غبار زي مايقولون j
غزل"عمرها 19 سنه وهي بالجامعه ذكيه شعرها اسود وطويل
وعيونها وساع وسوداء وبشرتها سمرا شواي وثقيله ووقت الجد جد ووقت المزح مزح
ماتحب تكون مغروره واكره شئ عندها لما يتقربون منها الناس عشان ابوها
فصارت تكره ابوها لان الناس يتقربون منها عشانه وهو مايسولف معهم ولا يقعد معاهم
مسفر"عمره 11 سنه يدرس سادس ابتدائي هادي لكن اذا يبغى يطلع لسانه يطلع مظبوط يعني ملسوون اذا طلع لسانه
مغرق نفسه في القصص وراوايات والكتب ولو صار في البيت انفجار مايهتم
لارا"عمرها 17 سنه مدلله وتدرس ثاني ثانويماتحب احد يرفض كلامها
كلمتها مسموعه عند الكل وتكره زوجت ابوها الثانيه وعيالهم والى هم اقل منها مستوى
تصنف الناس على حسب درجاتهم الماليه وماتهتم لشخصياتهم المهم الدرجات الماليه
وداخله مدرسه خااصه بطلب واصرار منها حلوه بس مي مره
لكن بعدين بتتغير
سو"عمرها 11 سنه مي مدلعه مثل لارا لكن حبووبه وتحب تقلد ام علاء وهيه تحب ام علاء وتعتبرها امها
يعني ماتعرف ام غير ام علاء وتحب وتعشق جهاد تشوفه امه وابوه واخوه وكل حياته
رامي"3 سنوات اخر العنقود شقي ومشاغب وامه ام علاء
ومع الاحداث بتتعرفون عليهم اكثر
.........................................
رندا:اقول ميشو
مشاعل:هلا
رندا:اثقلي وخليك ثقيله خليه يحس انك مو ميته عليه ولا بيتغلى
مشاعل:بس ماقدر احبه
رندا:اوووه ميشو انا اليوم مارحت المدرسه عشان تسولفيلي عن جهاد هذا ولا ايش
مشاعل:ههههه سوري انتظري..ودخلت مشاعل شريط فيديو..شوفي
رندا نطت من مكانها:مشاعلوه صورتيها
مشاعل بأبتسامه صفرا:وش راايك
رندا راحت عند مشاعل وتبوسها:يالبى روحك فديتك ايه كذا تمشي معي البنت زين
مشاعل:هههه انتي ماعليك الي تهددينها
رندا:ياسلام وهيه بتمشي معي مستقيم..ياحلوك يامشاعل انتي وخططك
.........................................
وقفه دراميه مع مشاعل
ابو مشاعل غني وفيه الى يعرفه والى مايعرفه
ابو مشاعل"عمره 54سنه هادي وثقيل وعنده الفلوس ومشاعل في كفه وحده يحب الفلوس اكثر من بنته
ام مشاعل"عمرها 33 سنه وجودها مثل عدمه لانها دايم مشغوله بادارة اعمالها وماعندها وقت لبنتها
مشاعل"عمرها 17 سنه ثاني ثانوي(علمي) بنتهم الوحيده
حلوه عيونها وساع وشعرها ناعم لكنها صابغته ثلجي
وكل مره تغير صبغات شعرها وبشرتها بيضا وتحب وتعشق جهاد بعد ماشافته يزور ابوها عشان الاشغال وقدرت تجيب رقمه وكل يوم وهي ترسل له رسايل لمكتبه او تتصل عليه
رندا وحيدة امها
وامها كبيره في السن وابوها واحد يحب السفرات ورورحات والجيات وعندها اخوان من ابوها لكن ماتعرفهم
.........................................
بعد المدرسه
دخلت ارجوان غرفتها وبدلت ملابسها ورمت نفسها على السرير ونامت
جوري دخلت ورمت نفسها على السرير ونامت ولا بدلت ملابسها كالعااده
.........................................
ام علاء:غزل يمه افتحي السماعه الى جنبك وقولي لطباخ يحط في الغدا عصير برتقال
غزل:ان شاء الله..ورفعت السماعه..داريو
داريو الطباخ:نعم مدام
غزل:داريو حط على غدا عصير برتقال طازج يعني اعصر برتقال
داريو:كم برتقال
غزل لفت لام علاء:يمه يقول كم عدد البرتقالات الى يعصرها
ام علاء:3 يكفي
غزل تكلم داريو:3 برتقالات تكفي
داريو:حااضر مدام
ورجعت غزل تقرا المجله الى في يدها
جهاد دخل:السلام عليكم
الكل:وعليكم السلام
سو:جهاااااد..ونطت عليه..
جهاد:هههه احلا استقبال لما اشوفك تصير الدنيا حلوه في وجهي
لارا:اووف انتم ماتتقابلون الى تشعرون لبعض
جهاد لف على لارا:بسم الله الرحمن الرحيم وش انتي حاطه على وجهك
كان لارا حاطه قناع وجه
لارا:وانت وش دراك بأمور البنات هذي خلك في نفسك بس
جهاد لف لسو..سو حياتي وش ودك نسوي اليوم
سو وهي تفكر:نروح المطعم
جهاد:المطعم
سو:ايه خاطري في اكلات المطعم
لارا:هيه انتي سو اكلنا مايعجبك
سو:الا بس انا ابي اكل المطعم
لارا:والله ياقلبي اذا اكلنا مااعجبك روحي حلي عنا وروحي عند امك
ام علاء:لارا..هذا بيتها
لارا:لا يمه مو هذا بيتها..امها لي سوت سالفه لابوي عشان يحط لها بيت لحالها
ام علاء:وش عليك منها
لارا:لا بالله يعني هي عايشه ومسترخيه من دون عناء من دون عيالها في بيت لحالها وكبير واحنى نتعذب مع عيالها
سو نزلت راسها بأحباط والم من كلام لارا..جهاد حس بسو
جهاد:لارا
لارا لفت لجهاد:خير
جهاد:تعدلي لما تكلميني مفهوم
لارا:من حضرتك وجودك مثل عدمه يعني ماله قيمه
ماحست لارا بالي حولها الى بكف جايها طاير..لفت لصاحب الكف عشان توريه شغله اكتشفت انه علاء
علاء:اذا انتي ماتربيتي زين انا بعيد تربيتك مفهوم ياقليلت الادب
ام علاء:علاء يمه ليه سويت كذا بأختك..وراحت حضنتها
لارا والدمع على عيونها:خير تضربني وش حضرتك عشان تضربي
علاء بعصبيه وبصوت عالي خلا كل الخدم يلتفتون له:تحترمين الى في البيت كلهم لانهم اخوان مو اعدائك
تحترمين جهاد لانه اكبر منك واخوك الكبير وتعطفين على سو لانها اختك الصغيره وماتتمادين مع غزل لانها اكبر منك ولا تحطيك كلامك فوق كلام امي او كلامي او كلام جهاد مفهووووم
لارا طالعت فيه والدموع مليانه عيونها وطلعت غرفتها وهي تبكي
ام علاء:يمه علاء ليه سويت كذا
علاء:لازم تتعلم الادب وتخلي الغرور الى ماله داعي
صبا:السلام عليكم..وش فيها لارا طلعت تبكي
الكل:عليكم السلام
علاء:خليها تتعلم الادب قليلة الادب هذي
صبا:علاء حبيبي لارا باقي صغيره لا تقسى عليها
علاء:لا لازم تتعلم من صغرها..يمه انتي وابوي الى عودتوها على الدلع
ام علاء:تدري لو درا ابوك بيزعل
علاء:انا بتفاهم معه
جهاد:سو قلبي يلا نروح المطعم
سو بخاطر مكسور:ايه
جهاد:يلا روحي بدلي ملابسك وانا انتظرك..يلا عن اذنكم مع السلامه
الكل:مع السلامه
صبا:يلا علاء وانا بعد بروح ابغى اشوف وش فيه براء من البراحه وهو يستفرغ
علاء:طيب وطمنيني
صبا:ان شاء الله
.........................................
تعرفون صبا الى هي مدرسة ارجوان
صبا"عمرها 24سنه مدرسه للانجليزي طيوبه وحلوه
زوجة علاء وعلاء يحبها يعشقها وهيه بعد تحبه
وتزوجي عن حب وعندهم ولد اسمه براء
براء"عمره 3 سنوات
.........................................
ارجوان:بجد طيب من بيودينا
ابرار:متعب اكيد
ارجوان:حلو طيب العنود بتجي
ابرار:مدري انا بتصل عليها وبشوف
ارجوان:اوكي انا الحين بروح اتجهز ورديلي خبر اذا العنود بتجي ولا لا
ابرار:اوكي
ارجوان:باااي
ابرار:بااااي
.........................................
في السياره
جهاد:سو
سو:نعم
جهاد:وش رايك في هذا المطعم
سو:اوكي حلو خلنا ندخله
ودخلو المطعم
.........................................
في المطعم في الطاوله على اليسار جهاد وسو
وطاوله على اليمين ابرار وارجوان وجوري ومتعب جالس جنبهم على الطالوه المقابله
جوري:وش رايكم في هذا
ابرار:انا مااحبه
ارجوان:لا شوفوا هذا احسن مو
ابرار:هييه انتم انا اكلمكم اقول هذا احسن
جوري:لا هذا
ارجوان:اقول عني انا بطلب هذا
متعب:انتم تتعازمون يلا خلصوني
ابرار:طيب خذ هذا طلبي
ارجوان:وهذا طلبي
والكل جلس يناظر جوري ينتظرون منها جواب
وشوي يجي الجرسون:طلباتكم
الكل مازال يناظر لجوري وينتظرها
متعب:جوريوه لمتا ناويه تنامين على المنيوه خلصينا
جوري ترفع راسها ببرود:ايش ايش فيكم تناظرون فيني كذا
ابرار:جوري وش طلبك بسررعه عجلينا
واعطوا الجرسون طلبهم وراح..متعب يبي يرجع مكانه الى لفت انتباهه شخص وراح عنده
البنات جلسوا يناظرون وين رايح متعب
متعب:هلا والله انت هنا
:هلا فيك وش جابك
جوري:اوم اللقائات ولا بلاش كل واحد يبي يطرد الثاني
ابرار:ههههه من هذا
ارجوان:وااي شوفي البنت الى معه تزنن
ابرار:شكلها مو طفله شكلها كبيره شوي
ارجوان:ايه تقريبا 11 او 12 بس تزنن
جوري:لا تقريبا عمرها 10
ارجوان:11
جوري:10
ارجوان:تراهنين
جوري:ايه وش بخسر
ارجوان:حلو اجل اذا طلعت البنت عمرها 10 لما نروح الشاليها اخدمك واقول لك امري
واذا جت 11 او 12 تخدميني لما نروح الشاليه
جوري:خلاص صااار
جهاد:وش مشغلك
متعب:انت وش مشغلك
جهاد:والله تعرف الشركه وبلاويها
متعب:ايه الله يعين..ويلف على سو..ومن هذي
جهاد:هذي سو اختي
_يتكلمون والبنات يسمعون كل شئ لانهم قريبين من بعض_
ارجوانتروح عند:اسمك سو صح
سو لفت لارجوان:ايه اسمي سو
ارجوان تحب الاطفال وتعشقهم..قامت عند سو:كيفك؟
سو:بخير
ارجوان:كم عمرك ياقمر
سو:11 سنه وانتي؟
ارجوان:ههه انا 17
سو:ماشاء الله كبيره
ارجوان لفت لمتعب وضحكت:ههههه ايه وانتي ماشاء الله صغيره
متعب:ههههه ارجوان لا تاخذين بعقلها
ارجوان لفت لجهاد:لوسمحت ممكن اخذها معنا شوي
جهاد لفت انتبهه لون عيونها الزرقاء:ايه عادي مافي مشكل
ارجوان ضحكت على مافي مشكل"وش على باله انا هنديه عشان يقول مافي مشكل..شالت سو واخذتها معهم
متعب:الله يعين اختك
جهاد:لييه؟
متعب:ارجوان تحب وتعشق الاطفال ومابتترك اختك لما تلف فيها العالم وبترجعها لك لكن بعد سنيين
جهاد:ههههه بس متعب ممكن سؤال
متعب بأستغراب:تفضل
جهاد:اسف على لقافتي لكن لاحظت عيونها زرقا ولا هذي عدسات مثل حركات البناات هاليومين
متعب:ههههه لا حركات البنات عند كل بنت الى بنات خالي خالد
جهاد:يعني عيونها طبيعي
متعب:ايه لان امها اجنبيه
جهاد:اهاا يعني نفس الحال
متعب:ايه لكن انت تشوف امك لكن هم مايشوفونها بس كلام
جهاد:اها الله يعين
متعب:الى قول الحمد الله وبوس يدك وجه وقفا
جهاد:هههه ليه وش فيك تقولها بحقد
متعب:لو معك اخت مثل جوري وربي ان تتمنى الموت
جهاد:اووف ليه؟
وقاله متعب عن موقف الى صار البارحه مع ابوه وجوري وكمان عن خططها
.........................................
نسيت اقول لكم متعب وجهاد اصدقاء من عمر
يعني اخواان كل واحد النصف الثاني للثاني
ومايخبون شئ عن بعض حتى اتفه الاشياء مايخبونهها عن بعض
.........................................
ارجوان:تبغين هذا ياسو
سو:لا مشكوره بس وش اسمك؟
ارجوان:انا اسمي ارجوان..وتأشر على ابرار..وهذي ابرار..وتأشر على جوري..وهذي اختي الدبه جوري
سو:هههه دبه
جوري وهي جالسه تاكل وتسمع كلامهم ولا تعلق
ارجوان:ايه شوفي كيف تاكل ومطنشتنا وماهما الى الاكل
سو:ههههه صدق اصلا الاكل حلو
جوري:يالبيييييييييه ياسو وربي انك تجننين
سو:تسلمين
ابرار:سو قلبي تبغين هذا
سو:لا مشكوره مااحبه
ارجوان:طيب هذا
سو بتفكير:امممممـ اوكي بس ابعدي البصل الى فيه
ارجوان:طيب..وابعدت البصل واكلت سو
من بعيد كان جهاد يراقف ارجوان وتعاملها مع سو
متعب:جهاد
جهاد:هلا
متعب:عن اذنك بروح الحمام"انتم بكرامه"
جهاد:اوكي
وقام متعب وجهاد يراقب ارجوان وتعاملها مع سو وكيف سو فرحانه بيهم
سو لفت لجهاد:جهاد تبي من هذا
جهاد وهومبتسم ابتساامه ذوبت ارجوان:لا مشكوره ياقلبي ماابي
ارجوان:سو خذي هذا
سو اخذت البطاطس وراحت عند جهاد:طيب خذ هذا
جهاد اخذه منها ورجعت سو جنب ارجوان
رجع متعب من الحماام"انتم بكرامه"
جهاد يوجه كلامه لسو:يلا سو نروح
سو:لا وين نروح باقي ابي اقعد معهم اكثر
جهاد:على راحتك
ابرار:متعب
متعب:هلا
ابرار:خلنا نروح مجمع منها نمشي سو ومنها نتمشى احنى شوي
متعب لف لجهاد يعني وش رايك
جهاد:وش رايك ياسو
سو:ايه يلا
وقامو والبنات في سيارة متعب ومعاهم سو لانها اصرت تركب مع ارجوان
ووصلو مجمع تجاري والبنات يلفون ويروحون والاولاد جالسين في كوفي شوب
متعب:ترحم على اختك
جهاد:هههههه لييه؟
متعب:لان اخواتي مو بنات الى وحووش
جهاد:ههههه مي مشكله معد صار في هالزمن فرق بين البنات والوحوش
متعب:هههه وانت الصادق
بعد الفرفره في المجمع والونااسه
رجعت جوري وارجوان مع ابرار للبيت
.........................................
جوري:ارجوااانوووووووووه
ارجوان:صمخوووووه وش تبين
جوري:دقي على بابا قولي له بنام هنا الليله
ارجوان:نعم نعم وليه ماتدقين عليه انتي ياحبيبت عين امها
جوري:ماعندي جوال
ارجوان رمت جوالها عليها:خذي دقي
جوري:اوووه..قامت عند عمتها فوزيه..عماااااااه
ابو مشاري:وش ذا الصرااخ
جوري:اسفه لكن وين عمتي
ابو مشاري:في المطبخ
وراحت عندها في المطبخ ومدت لها الجوال:كلمي بابا قولي له بنام هنا
وخرجت من المطبخ...وخرجت ام مشاري عند زوجها:وربي هذي المخلوقه يبغالها شئ
ابو مشاري:جوري
ام مشاري:ايه
ابو مشاري:وش سوت
ام مشاري:رمت الجوال علي وقالت اتصلي باابوي وقوليه له بنام هنا
ابومشاري:مافيها شئ هذا بيتهم بعد
ام مشاري:ايه لكن ابوهم بيقعد لحاله انا ماابي يقعد لحاله
ابو مشاري:هههه فوزيه تخافين على اخوك حتى من انه يقعد لحاله
ام مشاري:الله يهدي ذا البنات خلني اكلم خالد
ابوارجوان:هلا فوزيه
ام مشاري:هلا فيك..خالد البنات بينامون عندي اليوم
خالد (ابو ارجوان):من متى وهم ينامون عندي اصلا اوكي
ام مشاري:هههه الله يهيدهم يلا بااي
ابو راجوان:باااي
.........................................
سو وهي نازله من الدرج بسرررعه:جهااااااااااااد
جهاد وهو جالس مع ام علاء:عيوون جهاد
ونطت في حضنه :ابغى اروح عند ارجوان وجوري وبارو
ام علاء بشك:من ارجوان والبنات ذولي ياجهاد
جهاد:هذولي بنات خال صديقي واخته
سو:ايه ياماما ومعها اختها جوري وكمان بنت عمتها ابرار مره طيبات
ام علاء:وكيف هم
سو:ماما لو تعرفتي عليهم بتحبينهم
ام علاء:جد
جهاد:ايه يمه على فكره قال لي انهم بيروحون الشاليهات وطلب اني اجيبكم كمان
ام علاء:بس انا مااعرفهم
جهاد:بتتعرفين عليهم
ام علاء:وابوك
جهاد:وش فيه ابوي
ام علاء:مابتستشيره؟
جهاد:يمه ابوي بيروح الخارج عشان الشركات الى هنااك وبيقعد شهر مابيضره طلعتنا
ام علاء:انا ماعندي مانع لكن اذا راح اخوك علاء فأنا بروح
جهاد:الله يعين لازم نقنع ذاك الدرج
ام علاء ضربت جهاد على ظهره بالخفيف:لا تقول عن ولدي درج
علاء:من وراء امه :ايمه يمه كفو اضربيه مو انا الدرج هو الدرج
وضربت ام علاء علاء على ظهره نفس ضربت جهاد:وانت بعد مااسمح لك تقول عن وليدي كذا
علاء:يمه اوقفي معي
ام علاء:كلكم عيالي يلا روح بس
جهاد وعلاء ضحكو على امهم في طريقت كلامها ومدافعتها
.........................................
بعد اسبوع
ارجوان وجوري وابرار والعنود يجهزون عشان رحلتهم لشاليهاات
بــــــيــــــ خالد (ابو ارجوان) ــــــــت
ارجوان:اوووف وينه..اوف انا حطيته هنا..وراحت عند جوري
ارجوان:جوري
جوري وهي ترتب اغراضها:نعم
ارجوان:شوفتي مرطب البشره دورت عليه في كل مكان مالقييته
جوري بكل بروده تمد لها المرطب:هذا
ارجوان:اه يابسه متى اخذتيه وانا حست الدنيا عليه في غرفتي وطلع معك
جوري :لقيته على السرير واخذته
ارجوان ضربت جوري ضربه خفيفه على ظهرها:مره ثانيه لا تاخذين شئ من دون علمي..وخرجت من الغرفه
بــــــيــــــ ابو مشاري ــــــــت
ابرار:تركيوووه
تركي:نعم خير وش تبغين
ابرار راحت ضربته:انا قلت لك لاتاخذ شئ من غرفتي صح
تركي:مااخذت شئ
ابرار:ترا انا ماولدت البراحه عشان تخدعني اقول جيب كل اغراضي يااخي وش تبي باغراض بنات
تركي:مااخذت شئ يابنت الحلال
ابرار:تريك حطني في بالك زين انا اذا انفجرت ياويلك مني الحين تروح تجيب الشنطه الصغيره الى حاطه تحت بلاستيشن حقك عجل
تركي:انتم البنات اسوء الكائنات
ابرار:روووح
راح تركي وجاب الشنطه
بــــــيــــــ ام صماد ــــــــت
ام صماد:العنود خلصتي
العنود:ايه يمه بااقي شنطه وحده
ام صماد:كم بتاخذين معك شنطه
العنود:2 بس
ام صماد:الاولى للملابس وعرفناها والثانيه لايش
العنود:ماما الملابس مع اشيائي الخااصه
ام صماد:على ايامنا كان كيس واحد صغير يكفي لكن انتم الحين شنطتين ماتكفي زمن غريب
العنود:ههههه مافي غريب الى الشيطان يمه بعدين احنى في قرن يختلف عن قرنكم
ام صماد:اقول عجلي قبل يطلع لي قرون جد بسرررعه
العنود:هههه طيب