الجزء السابع عشر
..............................
في الغرفه
غزل:مشاعل ماقلتي لنا كم عمرك
جوري:وكم عندك اخوان؟
حور:وش اسم عائلتك؟
جوري:وكم عندك صديقه؟
حور:وانتي فرحانه بانك معانا
ارجوان:هييي انتي وهي وش عليكم وش هذا اكلتوا البنت
مشاعل:ههههه لا عادي ياقلبي اولا ببداء بسأل غزل..اسمك غزل مو
غزل:ايه
مشاعل:طيب عمري 17 وماعندي اي اخوان ولا خوات وعندي صديقات كثيرات لكن العزيزه على هي وحده اسمها رندا واخر سؤال اممممـ انا الى الحين مستانسه اني عرفتكم بس مااقدر اقرر اذا انا فرحانه بقعدتي معكم
ريناد:ماعليك من سؤال اختي الغبيه هذي لان سؤالها مو في محلها
مشاعل:ههه لا عادي
ارجوان:مشالع انتي في 2 ثانوي مو؟
مشاعل:يب
ارجوان:علمي ولا ادبي؟
مشاعل:لا علمي
راما:اشوف كثروا العلمي هنا
حور:وبقوووه انا دخلت ادبي وهنا ابرار وارجوان ومشاعل وريناد علمي وش هذا
ريناد:بسم الله علينا
مشاعل:هههه انا عندي طموح عشان كذا دخلت علمي
شادا:حلوو وش هو الطموح هذا؟
مشاعل:ولد صديق ابوي يبغى يخطبني وهو طلب مني ادخل علمي وانا دخلت علمي عشانه
البنات صارخوا
ارجوان:هييييييييييي وش فيييكم
حور:احلاااا ميشو تحبين
مشاعل نزلت راسها بحيا:هو يبغى يخطبني من ابوي طبيعي احبه
غزل:ههههه وجهك احمر كل هذا حب
جوري:مو مثلنا هي عندها الى تحب وااحنى عندنا عشرين ولد ولا حبينا واحد منهم
شادا:وش تقولين انتي من عشرين ولد ذولي
جوري:فواز متعب رائد والبقيه
حور:وااااااااع مابقي الى ذولي احب منهم
جوري:صح انهم ماينطاقوون بالذاات بشارووه
راما:اييه مابعد العداوه الى حب..وغمزت لها
جوري حمر وجهها:هييييي انتي وش ذا الكلام
مشاعل:بشااروه..هههه واضح انك تكرهينه وبقووه
حور:لالا ميشو لا يغرك كلامها هي اصلا تحبه ولا ماكان ضاربته طوال الوقت
جوري وجهها يحمر اكثر:هيييي وش تقول هذي بعد ومن قال اني احبه
ريناد:وااو جوري تخيلي تصيرين زوجة اخوي بشاار والله فله
جوري:وجع وش ذا الكلام انتم هييي انتم فرحانين باخوكم هذا
ريناد:ايه وش فيه
حور:ماافيه شئ صح انه مليق لكن يهبل
راما:عاد لو اجتمعتوا انتم مع بعض باخذ اخواني وامي وبهرب من البيت وبخليه لك انتي وبشاار
ارجوان:هههههههه والله حمر وجهها اول مره اشوفها كذا
البنااات:ههههههههههههه
ابرار:والله طلعتي تحبين ياجوري
جوري عصبت:وجع في وجيهكم صدق بنااات فاقدين حب...وخرجت من الغرفه وهي معصبه
العنوود:هههههههههه صدق عصبت بس شكلها يهبل
شادا:على طاري هذا الموضوع ماكان بشار يطالع لجوري بخوف لما كانت خايفه على ارجوان
ابرار:تقصدين لما هربنا من البيت
شادا:ايه
راما:هههههههههه لالا وين روحتي..بشار مو رومانسي ابد
حور:وش دراك يمكن جوري حركة قلبه
ارجوان:وااااو جوري حركة قلب بشار عز الله راح فيها
ريناد:هههههه تخيلوا بشار يحب جوري
حور:بيصيرون نكته كل شوي وهم يتضاربون ويتحدون بعض
ابرار:ههههههههه لا تسمعكم فتسوي لكم قضيه لا لها اول ولا اخر
ارجوان:اي والله اقصروا الشر وانا اختكم
مشاعل بأستغراب واضح في وجهها:اسفه على المقاطعه لكن انتم هربتوا من البيت
البنات طالعوا فيها وفي شكل وجهها وصاروا يضحكوون
مشاعل:وش فييييييكم؟؟
ارجوان:هههههههه مو هرب بمعنى هرب
راما:هي مغامره لكن توبه معد اغامر فيها مع ذا المجانين
مشاعل:مغاامره؟؟؟؟
ابرار:انا بقول لك وش صاار..وصارت ابرار تقول لها كل شئ عن المغامره الى سوها
مشاعل:وااو سويتوا كل هذا
العنود:اييه والاولاد ماقصروا فينا
مشاعل:ههههه طلعوا اذكى منكم
غزل:وبقووه
مشاعل:طيب وين لقيتوا ارجوان بعدين
لارا:احم احم اخوي المنقذ البطل المغوار انقذها
العنود:هيي انتي متفاخره باخوك هذا
لارا:ايه اكيد لو ان جهاد مالحق عليها كان العالم وش صار فيها..ولفت لاارجوان..صح جووني..وغمزت لها
ارجوان انحرجت من حركتها
مشااعل حست بببركان ينفجر فووقها"اذا البطل المغوار يامدام ارجوان طيب ولا يهمك":هههههه احرجتي البنت
لارا:ههههههه شكلها يهبل وهي منحرجه
ارجوان:لاارووه لو ماتسكتين بقوم اكسر ظهرك
لارا:هههه يمه
مشاعل:ارجوان انتي ماانخطبتي؟
ارجوان طالعت لمشاعل بأستغراب:وش ذا السؤال؟
مشاعل:سووري بس انتي مره حلوه وانا مستغربه انك باقي ماانخطبتي
ارجوان:اهاا الا انخطبت
مشاعل تسوي نفسها فرحانه:بجد؟؟مبروووك ومن سعيد الحظ ومتى الزواج؟؟
ارجوان:اممممـ مدري يمكن مايتم الزواج
مشاعل:ليه؟؟
ارجوان:لاني باقي مااقتنعت فيه
مشاعل:اهاا..حساافه عليه لانه بيخسرك والله
حور:مشااعل والله انك ذكيه...وقامت..جوني ابغى ورقه وقلم
البنات يطالعون لحور بأستغراب
ارجوان:في الدرج الثاني الى وراك
حور اخذت قلم وورقه وصارت تكتب في الورقه
ريناد:وش تسوين يالخبله
حور:اصصصه انتي...حور نزلت الورقه على الارض وكانت في جه مكتوب اسم البنات والجه الثانيه اسم الاولاد
راما:وش تسووين
حور:اذا ارجوان خرجت يعني في احتمال لنا
البنااات:؟؟؟؟؟؟؟؟؟
راما:وش تقولين انتي؟
حور:طبعا اسمحولي يابنات على اخوانكم لكن انا ابغى اتسلى شوي فينا وفيهم
ابرار:بصراحه حالي مثل الاطرش في الزفه
العنود:وانا مثلك
حور:شوفوا بشار لجوري
راما:اييييييش؟
حور:اصصصه..اممممـ ببداء في اخواني اول بشار واعطيناه لجوري طيب وفواز
العنود:ابرار
ابرار:لالا تحلميين خذيه انتي
العنود:ماابغى خذيه انتي
راما:هييي جالسين ترمون اخوي كل وحده تعطي الثانيه
مشاعل:انتي مناسبه له وتأشر على ابرار
ابرار:مشكوووره مشاعل ماني مناسبه له ابد
راما:خلاص انتي وهي بنجري قرعه والى تجي عليها القرعه تاخذه
العنود وابرار:اووكي
راما كتبت اسم العنود وابرار في ورقه وخبصتها ورمتها
راما:شوفوا الى يطلع اسمها تاخذه من دون اي نقاش
العنود وابرار:طيب
راما سحبت الورقه وفتحتها وطالعت لابرار والعنود:اممممـ العنود
ابرار:يااااااااس
العنود:لاااا
راما:وش لا
العنود:ههه سوري
مشاعل:هههههه يلا من الثاني
حور:امممـ خلصوا اخواني بنجي في متعب لو كان مشاري مو متزوج كان حطيناه
ابرار:من هي سعيدة الحظ الى بتاخذه
العنود:ريناد
ريناد:هااه لالا سوري مابغى اخذ اي واحد من اقاربنا
ابرار:احسن انقلعي لارا وش رايك تاخذينه
لارا:لالا انا باخذ فهد
العنود:ايييييش؟
لارا:ايه على فهد عيووون تذبح
غزل:هاها اختي صريحه
لارا انتبهت انها قالتها:هههههه وش فيكم امزح مي بس لعبه صح اجل خلاص انا عاجبني عيون فهد
شادا:ايه بجد على فهد عيون تذبح
العنود:هييي انتم جالسين تتغزلون في اخوي قدامي
راما:حساافه كان رفضتوا اخوها زي مارفضت اخوي
العنود:هههه مايمديك اخوي غيير
راما:ماالت
حور:يعني من بياخذ متعب
ابرار:اخذوووكم اخوي مايجذب احد
ريناد:شادا
شادا:لا انا ماباخذ اي احد من هذوولي ابغى واحد عااقل
حور:تدرون انا برتبكم وبوريكم..لفت عن البنات وراحت رتبتهم ورجعت لهم..شوفوا وش رايكم
شادا:ايييييييييش؟ اخذ جهاااد
حور:ايه كنت بحط جهاد لارجوان لان لهم نفس العيون بس ارجوان خلاص انخطبت
لارا:لالالا حلوه ذي غزل تاخذ فهد وانا متعب ماافي بدلينا
حور:يوووه الحين اقدر ابدل بين غزل ولارا لكن شادا مامعك الى تاخذين جهاد
شادا:وليه ماتخذينه انتي
راما:تعاالي يامحتااله ماحطيتي اسمك وواحد من الشباب مو موجود
حور:هههه ايه لان مافي احد يستاهلني
ريناد:وليه اخذ السفيه راائد
شادا:هييي اخوي مو سفييه
ابرار:وليه انا اخذ سيد
حور:اوووووه والله تعبت معكم
مشاعل:ههههههههههه انتم دايم تتسلون كذا
غزل:لا مو كذا هذي اول مره
لارا:يمكن لانك جبتي سيرة الحب
حور:نبغى نحس بطعم الحب شوي
مشاعل:ههههه طيب استهبلوا عليهم مو تستهبلون على نفسكم
حور:مشااعل والله انك رههيبه
مشاعل:؟؟؟؟؟؟؟؟؟؟؟
راما:حوور وش تخططين عليه
حور:انتظروا الحين بجي..وطلعت تنادي جوري ورجعت وجوري معها
ريناد:وش تفكرين فيه
حور:وش رايكم نستهبل عليهم ونشوف من فيهم مو لعاب ومن فيهم لعاب
شادا:قصدك ندق عليهم جواال
حور:برافوا عليك
ريناد:بس اخوانا يعرفون ارقام جوالتنا
حور:نو نو نو ارجوان وجوري ماعندهم اخوان ولا يعرفون جوالهم
ابرار:نو نو نو متعب معه رقم جوال جوري
حور:انا قلت واارجوان يعني ارجوان الوحيده الى مامعها رقم جوال اي احد
ارجوان:نعم لالا سوري مابدق عليه من جوالي بعدين حتى رقم متعب معي
ابرار:من متى
ارجوان:لما وداني عند صديقتي دقيت عليه من جوالي
حور:يعني والحل
جوري:مشاعل مي معهم اراقم جوالهم
ارجوان بغضب:لا لاترطون البنت معكم
مشاعل:ههه عادي ارجوان قلبي مافيها اي ورطه...واخذت جوالها من الشنطه..خذو هذا جوالي
ارجوان:مشاعل منتي مجبوره تلبين طلباتهم الانانيه
راما:ايه بجد
مشاعل:عادي مو مشكه اصلا انا بغير رقم جوالي بعد يومين
ارجوان:اكييد
مشاعل:يب يب
حور:اجل اسمحي لنا..واخذت الجوال
راما:نبدا في مين؟
ابرار تبغى تقهر جوري:هههه بشار ونعطي جوري
جوري:نعععم لالا مافي دوري غيرري
شادا:يلا جوري خلينا نشوف هو لعاب ولا لا
جوري عندها فضول تعرف هو لعاب ولا لا
جوري:بشرط
لارا:وش هو
جوري:الورقه الى كتبته حور كل وحده تتقيد في الشخص الى انحطت له
العنود:انتي وش دراك بالورقه
جوري:كنكم في بيتي
ريناد:طيب طيب الحين خخذي كلمي
ودقوا على بشاار
راما:نعمي صوتك ياخبله لا تتعربجين
جوري:طييب طيبب
بشار:الوو
جوري:السلام عليكم
بشار:عليكم السلام..من معي
جوري:بشاار
بشار:ايه من معي
جوري:ماعرفتني
بشار:لا ماعرفتك
جوري:غريبه بس انا اعرفك
بشار:هاهاها يادمك مو غريبه انك تعرفيني انا مشهور بين البنات بوسامتي
حور تهمس للبنات:ابووووك والغرور
جوري:طيب ممكن نتعرف
بشار:تبغين تتعرفين
جوري:ايه منت تقول انك وسيم
بشار:ايه مايحتاج اقول لك
جوري:اجل ابغى اتعرف
بشار:طيب اصبري بالله شوي الحين نتعرف...وقفل الخط في وجهها
البينات صاروا يصارخوان
راما:هههههههههههه احلاااااااا
حور:والله طلع محترم
ريناد:هههه بس باقي مغرور
جوري ارتاحت شوي انه مو لعاب
العنود:طيب من الثاني
ابرار:متعب ابغى اشوف اخوي لعاب ولا لا
حور تطالع في الورقه:غزل كلميه
غزل:نعم لالالا سوري خلو غيري
حور:الكل بينتظم بهذي الورقه يلا خذي وكلمي
لارا:يلا عاد غزول كلها هباال
غزل وهي ميته حيا:طيب
غزل:الوو
متعب:هلا
غزل:كيفك اخ متعب
لارا تهمس لبنات:غبيه اختي ماتعرف ترقع على طول قالت اخوي
ريناد:هههه شكلها توحفه وهي مستحيه
متعب:ايه من معي؟
غزل تطالع في البنات يعني وش اقول
لارا:ابوك والغبااء
حور تهمس في اذنها الثانيه:قولي لها زي ماقالت جوري
غزل:نبغى نتعرف
لارا:واااو وش ذا الغبااء وش نبغى هذي
ابرار:ههههه والله واضحه مستحيه
متعب:اسف بس انا مرتبط بااي..وقفل
ابرار:وااااااااااااااااو والتصريفه
العنود:ههههههههه مرتبط من متى الاخ مرتبط
غزل:هههه
حور:طيب الثاني
لارا:جهاد وخلو ارجوان تكلمه
ارجوان تعرف ان جهاد بيعرف صوتها:لالا مستحيل دوروا غيري
مشاعل على طول تصرفت:استهبلي انتي عليه مو اخووك
لارا:ايه بس بيعرف وصوتي
ابرار تحاول ترقع لاارجوان:لارا احنى قلنا ننتظم بالورقه
لارا:ايه صح من الى بتكلم جهاد..وهمست في اذن ارجوان..تخافين يعرف صووتك
ارجوان طالعت للارا بأستغرااب..لارا ابتسمت لاارجوان وغمزت له
ارجوان"هذي كيف عرفت"
حور:شادا يلا كلمي جهاد
شادا:اووووف هاتي
لارا:هييي لا تتاففين على اخوي
شادا:طيب طيب...الو
جهاد:الوو
شادا:كيفك جهاد
جهاد:خيير وش تبغين؟
شادا:ماعرفتي
جهاد:شوفي لو ماتقصرين الشر بتندمين مفووم..وسكر الخط
مشاعل تذكرت ان جهاد يعرف رقم جوالها
ارجوان سحبت الجوال من شادا:وش رايكم تنسون موضوع الورقه واتصلوا على ساامر وشوفوا هو لعاب ولا لا
شادا وهي باقي في وضعية الصدمه:يمه وش ذا الادمي ماعنده لف ولا دوراان
غزل:ههههه غريبه يكلم بنت مايعرفها بهذي الطريقه
حور:لحظه لحظه شوي تبغين تتأكدين من زوج المستقبل
ارجوان:مو من حقي..ارجوان طالعت لاخر رقم دقت عليه شادا ولقيت مكتوب حبيب روحي ارجوان صارت تطالع في مشاعل وتطالع في الرقم
العنود:جووني دقي يلا
ارجوان:هااه طيب وضغطت على الازرار
جوري:لحظه تعرفين رقمه
ارجوان:اييه
جوري وعيونها تطلع:متى اخذتيه
ارجوان:كان يرسل لي رسايل واخر رساله قبل امس كتب اسمه فيها
جوري:بجد؟؟
ارجوان:ايه...واخذت الرقم من جوالها ودقت
ارجوان:الوو
حور:هييي افتحي الاسبيكر
ارجوان حطت سماعات الجوال:ماابغى..ارجوان ماكانت تبغى البينات يعرفون اذا كان لعاب ولا لا لانه لو طلع لعاب جوري مابتوافق ابد تاخذه
سامر:هلا ميشو وش عندك داقه
ارجوان لما سمعت سامر يقول ميشو عرفت انه يعرف مشاعل واستنتجت انه لعاب
مشاعل سحبت الجوال من ارجوان:خلوني انا استهبل..وابتسمت ابتسامه مصطنعه..الو
سامر:نعم
مشاعل طالعت في البنات:قفل في وجهي
حور:احلاااا والله خطيبك مو لعاب
ارجوان تطالع في مشاعل"معقووله تعرفه معقووله"
مشاعل:الحين في مين تستاهبلوون
حور:فوااز يلا ياعنيد خذي
العنود:طيب هاتي..الوو
فواز:نعم
العنود:كيفك ياافواز
فواز:من معي
العنود:معجبه
البنات صارو يحيون العنود لكلامها
فواز:اهاا طيب وش تبغين
العنود:اقول لك معجبه يعني وش ابغى
فواز:امممـ مدري وش تبغين
العنود وتحس ان ضغطها بيرتفع:اقوول لك معجبه ماتعرف يعني ايش معجبه يعني اعجبت فييك
فواز:اهاا هذا تعريف المعجب طيب عرفي لي كلمة سخيف
العنود وتحس الدم اترفع عندها:ياابن اللذين الحين انا معجبه تقوم تقول لي هذا الكلام
فواز:طيب وش اسوي بالمعجبيين؟
العنود عصبت من برووده:ااااااه شووف يافواازوووه....البناات سحبوا الجوال منها وقفلوا
حور:غبييييه مدحناك في البدايه قومتي خربتيها
العنود:رفع ضغطي اقول له معجبه يقول طيب واذا اووف وربي اخوكم يرفع الضغط
راما:هههههه طيب جيبوا غيره
جوري:معقوووله مافي اي احد فيهم لعااب
ابرار:هذا الى انا مستغربته
ريناد وهي تطالع في الورقه:طيب بارو شووفي..واعطها الجوال
ابرار:على مين ادق
ريناد:عنااد
ابرار:امممـ اوكي اعطوني الرقم
شادا صارت تملي ابرار الرقم..ابرار تعيد الرقم وهي متأكده انها شافته من قبل بس فكرت انها ممكن مشبهه عليه
ابرار:الوو
عناد:هلا
ابرار:كيفك عنوودي
عناد:؟؟؟؟
ابرار:عناااد
عناد:هاااه
شادا:ههههه مبله اخوي
ابرار:وش فييك
عناد:عنوودي؟.. من معي
ابرار:معجبه سريه
عناد:اووف احلا والله وصار عندي معجبين
ابرار"زي صووته معقوله يكون..لالا مااعتقد":يب عندك معجبين ومنظمين لك نادي للمعجبين لعناد
عناد:احم احم مشكووره انتي وناديك
ابرار:هاهااها ممكن نتعرف
عناد:ايه ليه لا
حور على طول قفلت الخط
شادا:ااااااااااااه اخوووي لعاااب
راما:ههههههه اخيرا خرج لعاب بينهم
ابرار تحس انها مضايقه من لما سمعت انه لعااب
ارجوان وهي مي مستوعبه الى شافته اول اكتشفت شيئين عن مشاعل ان رقم جهاد معها وسامر يعرفهاا ماتدري وش تسوي
حور:طيب خلونا نجرب فهد يلا لارا
لارا:طيب اعطوني الرقم...الووو
فهد:هلا
لارا:كيفك؟
فهد:تماام وانتي؟
لارا:"يموون الاخ والله"تماام من سمعت صوتك
فهد:يب اعرف صوتي يخترق القلب مثل السهم
العنود:اووف والله الاخ شاعر
ابرار:ههههههه وبقوووه
جوري:صرنا نكتشف عن عيال عايلتنا اشياء جديده
العنود:وبقوووه
لارا:هههههه يب وبقوه اخترق قلبي
فهد:طيب من الاخر من معي
لارا:اممممـ وحده مغرمه
فهد:امممـ مغرمه
لارا:يب مغرمه
فهد:يعني مغرمه
لارا:ايه مغرمه
فهد:مغرمه يعني معجبه
لارا:مغرمه
فهد:معجبه ولا مغرمه
لارا:معجبه ومغرمه
فهد:ماتصير مغرمه ومعجبه
حور سحبت الجوال وقفلته
لارا:هيييييي وش فييك
حور:ابوووكم والسخاافه
شادا:زين انها قفلت ولا كان مت من سخافتهم
جوري:حتى انا والله كنت بنطق من سخافتهم
العنود:وااي طلع اخوي ثقيل دم
ارجوان:هههههههه والله ويعرف يرفع الضغط
حور:الحين رائد يلا ياريناد
ريناد:هااتي..الوو
رائد:هلا والله
ريناد:كيفك رائد
رائد:يالبييه وتعرفين اسمي من معي؟
ريناد:انت مشهور عندنا في الجامعه وانا مره معجبه فييك
رائد:بشريني حبيتني ولا باقي
ريناد تطالع في جوال بعدين تطالع في البنات
شادا:اااااااااه وش في اخوااني لعابين لهدرجه
راما:هههههه خلينا نشوف
ريناد:مدري يمكن احبك
رائد:ايه بس احذرك ماتقدرين تدخلين قلبي بسرعه يعني لا تتسرعين في قرار حبك لي يمكن ارفضك
ريناد:وليه ترفضني ان شاء الله
رائد:لان الى يدخلون قلبي اشخاص لهم صفات معينه
ريناد:طيب انا ابغى ادخل قلبك اعطني صفات هذولي الاشخاص وانا بحاول اصير مثلهم
رائد:خليني اشوف اممممـ تعرف تطبخ ماترفع ضغطي اي كلمة اقولها لها تقول حاضر واهم من كل هذا لما اقول لها تدلك رجولي بمويه دافيه تسويها
ريناد:يعني بأختصار خدامه لك
رائد:ياسلام عليك
ريناد:نعم نعم وان شاء الله تبغاني اصير خدامه لك
رائد:مو انتي تبغين تدخلين قلبي
ريناد:مالت عليك وعلى الى يحاول يدخل قلبك..وقفلت الخط في وجهه
البنات ماتوا عليها ضحك لانها عصبت بجد من رائد
|