مقـــدمة
سكر التلفون مصدوم !! وبينه وبين نفسه يقول الموت حق !! لا حول ولا قوة الا بالله ومسح وجهه بايده وزاد فوق همومه هم وتنهد بصوت مسموع خلى الي حواليه يتركون كل شي لاهين فيه وناظروه وواحد منهم قال: يبه خير ان شالله شفيك
الاب (أبو ريان): ريل عمتكم سمية توفي
ريان: الله يرحمه ليش هو كان مريض ؟؟
ابو ريان: طاح عليهم مجلوط !!
ام ريان: الله يصبرها هي وعيالها البقاء لله يا ابو ريان متى مشينا؟؟
ابو ريان ناظر بحب زوجته: الحين يا ام ريان
ام ريان: تم وقامت تنادي عيالها عشان يروحون لعمتهم يقومون بالواجب لانهم ساكنين بمنطقة بعيدة عنهم تاخذ بالسيارة تقريبا 4 ساعات
ريان وهو حزين على وضع ابوه وعمته وعيال عمته: عين خير ابوي"قل لن يصيبنا الا ما كتب الله لنا"
ابو ريان والغصة بتذبحه: والنعم بالله
في منطقة اخرى الحزن والالم والدموع كان مخيم عليهم
ام محمد (سمية) تبكي بحرقة والم سندها ورفيق دربها راح وخلاها ابو عيالها روحها وحياتها
محمد يمسك كتف اخوه يحاولون يتماسكون وقال: خلاص عزيز لا تزيدها على امي بعد الي فيها كافيها
عزيز ناظر اخوه ودموعه تهل: ترى الي راح ابوي تعرف شو يعني ابوي !!
وشهق وهو يتذكر ابوه ومسكه محمد وحظنه بقو وبكو ومن ما يبكي ابوه !!!
وهناك في غرفة لحالها كانت حبيبة ابوها اصغر اخونها كونها يت على الدنيا متاخرة سنين عن اخونها كان ابوها يحسسها انها اميرة ماسكة صورته ووتذكر اخر مزحاته معها وبسمة الم مكسورة زينت ثغرها وسط دموع مالية وجها الجميل رفعت راسها وهي تهمس باسمه الي تعودت عليه : بــابــاتي
محمد كانه حس فيها تناديه خلى اخوه وراح لها ركض دق الباب ودخل : ذكريات
ناظرته بعيونها الرمادية الغامقة ورموشها من كثر الدمع كانها خيوط سودا نزلت راسها وهي تبكي وتشاهق
محمد: فديت روحك ذكريات كافي لا تبكي وانا اخوك قعد عندها وهو يمسح على شعرها الاسود الطويل ويردد الاذكار علها تهدى ان كانو متاثرين فهي اكثر وحدة صغيرة ابوها
محمد: انا اخوك وابوك لا تنسين
التفتت وقالت : باباتي راح ومسكت صورته وبكت لين قطعت قلبه
رفع راسه وشاف امه واخوانه يناظرونها كان حزنها غير قلبها ما يتحمل الم الفراق وما هو اي فراق
بعد 3 شهور
ام محمد تكلم اخوها ابو ريان: الحمدلله على كل حال كلنا بخير
ابو ريان سكت لثواني وسال: وذكريات كيفها الحين ؟؟ اهون ؟؟
ام محمد : الحمدلله الله هونها عليها قلت البنت بتروح فيها لكن اخوانها وانا ما خليناها
ابو ريان: كلمتيها ؟؟
ام محمد سكتت ونبضها زاد : بعدي والله وانا اختك اخاف اكلمها تنتكس من اول وتالي
ابو ريان هز راسه وتنهد : سمية وانا اخوك لا تطولين علي بالرد
ام محمد: عين خير ان شالله
ابو ريان : خلاص في امان الله وسلمي على العيال
ام محمد: في امان الله
ام محمد قامت لغرفة بنتها ودخلت شافتها قاعدة تقرا كتاب ابتسمت لها بحنية الام المعهودة وسالتها: شتسوين؟؟
ذكريات : اقرا كتاب تبين شي يمه؟
يلست عندها ولمتها لحظنها ومسحت على شعرها: سلامت قلبك حبيبتي
:خالك يسلم عليك
ذكريات: الله يسلمه شلونه ؟؟
ضحكت ام محمد: مشتاق
: هههههههههه فديته خالي والله
ذكريات بقوة ملاحظتها ما فاتها ان امها في كلام تبي تقوله :يمه شفيك؟
امها مسكت ايدها الناعمة وقالت...........
يتبع في الفصل الاول
|