[لامارا]

(( الجزء الثاني والعشرين ))

صوت دفة الباب بقوة اثرت في فهد ,,, تحرك شوي ورمى الكاس من يده والتفت لمشاعل: يا حقيره ,,,,,,
ودخل غرفته وسكر الباب وراه ما شاف هيفاء ,,فتح باب غرفة الملابس ما انفتح ,,, دقه شوي بهدوء ,,
فهد : هيفاء : افتحي الباب ,,
وهدوء من قبل هيفاء ولا صوت ,,,
فهد : انتي افتحي الباب نتفاهم ,,,
صوت شهقة هيفاء وهي تحاول تكتمها ولا ردت عليه ,,,
فهد وهو ماسك نفسه حده وما يبي يطلع صوت اكثر عشان الناس اللي نايمين : اقولك افتحي والا والله ما راح يحصل خير ,,,
هيفاء سمعت نبرة التهديد وقامت للباب وافتحته وهي تصد منه ما تبي شوفه
فهد : انتي الحين مصدقه هالحقيره وفعايلها ,,,
هيفاء ما ردت عليها تشوف انها مصدومة وما تبي تحكي الحين ,,,
فهد : انتي وش شايفه عمرك ما تردين ,, اكلمك انا مو اكلم جدار ,,, تكلمي ,,انتي الحين مصدقه ,, ترى كله حركه من مشاعل تبي تغيظك ,,, انا اعرف حركاتها ,,, مو اول مره تبي تلفت انتباهي ,,,
هيفاء وماضي الجراح القديمه كلها انفتح مجددا: وليه ما تكرر موقفها مره واثنين وعشر بلاها ما حصلت من يوقفها عند حدها,,
واظن آخر مره جيت المزرعة هنا صدقتهم وخسرتني ,,, مشيتها لك لكن لحد هنا وخلااص انا لا اقدر استحملك ولا اقدر استحملهم
فهد كان ماسك شماغه في يده وطاح منه على كلمة هيفاء : هيفاء انتي وشتقولين ,, الحين هذا ردك ,, انتي في عقلك والا لا ,,, وش هالكلام ,, انتي هيفاء اليوم ,, انتي هيفاء اللي في البر ,, والا هيفاء اليوم عند الخيول
هيفاء : انا هيفاء ما تغيرت لكن اللي مسوي فيها انه شخصية ومعجبات يبي شي في يده ويبي كلن يهتم فيه ,,,لا يا قلبي ,,, اشبع بهم عارف هالشي والا لا وتمر من جنبه تبي تطلع ويمسك بيدها بقوه
فهد : انتي تعنين الكلام اللي قلتيه ,,,,
هيفاء : اي اعنيه بكل حرف طالع من قلبي فاهم هالشي ,,
فهد : وامس ما يعني لك اي شي ,,,
هيفاء وهي تشيل يدها بقوه منه : واحد بمثل تصرفاتك ما يعني لي شي ,,, اسمح لي ,,,, وطلعت من الغرفة ونزلت بسرعه تحت ,, ما درت وين تروح حست الدنيا مسكره في وجهها وكل شي ظلام تتخبط فيه ,,, يوووووووه وش اسوي يا ربي ,,, شافت نفسها كنها تسبح ضد الموج وروحها تختنق حتى من النفس ,,, طلعت م الباب الخلفي وراحت اصطبل الخيول ,, مستحيل تنكد على احد الحين ,, هي ما تبي امها تعرف ولا جدتها ,, وحتى ريما ,,,, اااااه يا ربي ,,, طلعت وهي تجري وفتحت باب الاصطبل ودخلت وقفلت الباب من داخل وقربت من كرسي خشبي وقعدت عليه ,,, شافت نفسها ضعيفه ومسكينه ومالها احد ,, كم مره تجرحني يا فهد ,, ليه وش سويت ,,, ليه تقرب مني ثم ترفعني في السماء وما تخليني اتهنى بفرحتي الا انت مطيحني في القاع ,, ليه يا فهد ,,, اااااااه وقعدت تبكي مثل البزر اليتيم ,,, ااااااه يا ليت لي اخ كان حسيت ان لي حد يبيني ,, ااااه الله يرحمك يبه ,,
قعدت تبكي لين كرهت نفسها ,, انا اسوي في نفسي كذا عشان رجال وليه ,, وقعدت تأنب نفسها ,, انتي لو حرمه سنعه كان ما جريتي من غرفتك كنك خبل ,, وليه هو اللي ما يطلع ويفارقك ,, كله من مثاليتك اللي ودتك في دواهي
اااه لييتني زيهم كان اصير نجسه مثلهم واوريهم اني اقدر ابيلهم في شي واحرق الاخضر واليابس عليهم
وفجأه حست كن حد معطيها كف بقوووووه ,,, وتشوف خيال امها لطيفه ,هي تكلمها ,,, اصحي يا هيفاء اصحي ,,
انا ربيتك على كل العلوم الطيبه تجين تسودين وجهي عشان مشاعل وعبير ,, تبين تصيرين زيهم صيري لكن لا انتي بنتي ولا اعرفك ,,,
هيفاء حست امها عندها وتعطيها كف تصحيها من وساوس الشيطان اللي ما يدخل على الانسان الا في حالة ضعفه ,,,
ااااه يا ربي ساعدني قعدت على ارض الاصطبل وتوسدت التراب وحطت راسها ونامت بعد ما مر عليها وقت طويل قبل يأذن الفجر ...,,,,

فهد ما صدق ان هيفاء تقول هالكلام ,, كيف كل شي سهل في يدها وتترك كل شي بسهوله ,,,يعني معقوله تصدق مشاعل وحركتها الوسخه ,,, اكيد هي تبي تصدق فيني اي شي المهم ترتاح مني ,,, كم صار لي وانا اللي اتقرب واتودد وهي تتفرج علي كنها تبي تاخذ حق لها عندي ,,, معقوله يا هيفاء انتي كذا ,,,
وطلع على طول وخذ مفتاح سيارته ورجع للقصر ,,,,,,,


قامت هيفاء وجنبها يوجعها من الارض والرمل في وجها مسك على دموعها وهي تنزل ,,,, قامت شوي ونفضت اللي في وجهها وجسمها ,,, ما تدري الساعه كم ,,, ولا معها جوال بس حست انه بعد شروق الشمس بشوي
طلعت من الاصطبل بشويش وما تبي احد يشوفها بالشكل ذا ,, ودخلت من الباب الجانبي وعلى طول راحت فوق ,, وتدخل غرفتها وتمنت ان فهد يكون نايم ,,, هي تبي تغير وتنزل عند امها وتقولها على كل شي الى متى وهي كاتمه في نفسها ,,,
اول ما دخلت الغرفة ما حصلت فهد ولا له اثر ,,, فتحت النافذه تبي تشوف سيارته ,,, بس ما لقتها ,,, على طول جت عند جوالها ,,, تبي تشوف كم الساعه او فيه شي من فهد وانصدمت انه خالي تماما من اي شي ,,, يالله
دخلت على طول وخذت شاور طويل جدا تبي تغسل قلبها من كل الهموم ,,, تبي تصير قويه زي اول ,,, تبي تصير هيفاء قبل تعرف فهد ,,, تبي تكون هيفاء ,, اللي كلن يلجأ له تفزع له ,, هي اللي تبي حد يوقف جنبها الحين وجتها نوبة بكاء ,,, يالله هذا كله انتي راحمه حالك والا خايفه تخسرين فهد ,,,
وحاولت تتماسك قد ما فيها ,,, ولبست ملابسها العادية ولا حاولت تبذل جهدها في اي شي ,,, وبعدين اول ما خلصت وشافت نفسها في المرايه ما رضت على حالها ,, اكيد مشاعل اذا شافتني بتنبسط ,, ورجعت ثاني وضغطت على حالها وكشخت حدها الا المكياج مالها نفس له اول جدتها وثمن حالتها لكن حاولت انها تعطي نفسها ثقه عشان تنعكس على شكلها ,,,

نزلت هيفاء تحت ,, وما صادفها اي احد الظاهر انهم نايمين ,,, دخلت المطبخ التحضيري ,,
شافت جوالها يمكن فهد بيرسل اي شي ,,لكن للاسف فاضي ,,, خذت لها كوب وصبت فيه مويه حاره حضرت لها كوفي بدون حليب وبدون سكر ,,, وقعدت على الطاوله ودخلت في داومة فهد للمرة الالف ,,, شافت البخار المتصاعد من الكوب ,, وتمنت انها تتبخر مثلها وتختفي من هالمكان في لحظه ولا تشوف اي أحد ولا تبرر لأي احد ولا تعتذر لأي احد ,,, تمنت عندها اخ تكلمه وتقول تعال خذني انا تعبت ,,, لكن حظك مو زين يا هيفاء ,,,
ظلت نص ساعه وهي قاعده ولا فيه حد جاء وسمعت صوت الرساله وعلى طول فتحتها :
(( بصراحه صدمني موقفك وبين لي انتي شلون ضعيفه وتختبين وراء قناع مزيف ,, قناع جمالك وقوتك ,,,
انا تركت المزرعة وبرجع لشغلي ,, ما عندي اي شي اقوله الا اللي تشوفينه مناسب لك اتخذيه ))
طاحت دمعتها على شاشة الجوال ,, دمعة ثقيله حيييل ,,, وقامت على طول ما تبي اي احد يشوفها ودخلت غرفتها ,, شافت سريرها وقعدت تبكي اكثر من البارح ,,,

ريما قامت مع الظهر ,, وخذت لها بنطلون جينز وفستان واسع ابيض وخذت لها ايشارب كحلي في دوائر صفراء ,, وربطته على رقبتها وتركت شعرها على راحته وطلعت تشوف العالم ,,, العنود قالت لها انهم اذا يمكن يرجعون مشاعل تقول عنده شغل ,,, ريما وهي تحكي نفسها : اي واشغل انتي وجهك يا مشاعل بالله وش بيطلع منك ,,,,
نزلت لغرفة جدتها لقت عماتها وجدتها يسولفون ,, ولطيفه مهي فيه ,,,
مشاعل والعنود متجهزين بيمشون مع امهم بعد الغداء ,, بس غريبه وين هيفاء مالها حس
ريما : يمه وين هيفاء
ام طلال : يمك ما شفتها وكلمت فهد مع الأذان قال انه رجع للرياض كلموه عنده شغل ضروري
مشاعل وهي ترقص بعينها من الخبث وحست ان خطتها ماشيه في الخط السليم ,,,
مشاعل : يمه لازم ننتظر الغداء انا وراي اشغال لازم اخلصها ,,,
هدى : ما يخالف اشرب قهوتي ونمشي كلمي السواق يجيب السياره ,,,
ريما في نفسها : فكه منكم ,,,,
طلعت ريما فوق تبي تشوف هيفاء ما ارتاحت ابد على الوضع الحاصل ,,, هيفاء مو فيه وفهد رجع فجأه ,,,
دقت باب هيفاء مره مرتين محد فتحه لها ولا سمعت صوت هيفاء ,,,, تالي فتحت الباب ودخلت ,,,,
لقت هيفاء نايمه في السرير ,,, ومتلحفه بالكامل ,,, استغربت منها وش فيها ,,, قربت يمها وقعدت عند حرف السرير ,,, ورفعت اللحاف عن وجه هيفاء وشافت الدموع الحاره ماليه خدودها ,,,
ريما بصوت عالي شوي : هيفاء وش فيك ,, تكلمي ,,,
هيفاء قعدت تصيح بهستيريا ,,, مافيني شي ابي ارجع ديرتي !!!!
ريما : هيفاء ياعمري كلميني وش صاير ,, فهد قالك شي زعلك ,, تكلمي عاااد ,,,
هيفاء : ماقال لي شي ولا زعلني بس انا ابي ارجع مع امي خلاص ,,, انا ما اقدر اكمل معه وبس,,,
ريما : شكلك زعلانه اذا هديتي يا قلبي كلميني وطلعت منها وسكرت الباب ,,, ضاقت ريما من الوضع ,,,
لمتى وهي تقرب بين فهد وهيفاء وهم يبعدون ,,, وش ذنبي انا اعصابي كلها تتلف عشان امزجتهم ,,, ليه مو راضين يقربون من بعض ويضغطون على انفسهم ويتجاوزون اللي هم فيه ,,,,
وهي على حالها اتصلت عليها امها سلطانه
ريما : هلا يمه وشلونكم ,,,
سلطانه : طيبين نحمد الله ,,, متى بتجين يا ريما ,,, عبير تبي تقعد عندي لين تجي امها من جده
وش رايك ترجعين توسعين صدرها انا يمك مشغوله مع ابوك ما ابي اتركها بالحالها ,,,

ريما : والله مدري يمه بحاول :: ,,, وهي ما تبي ترجع بس حزنت من امها انها كلمتها وتطلبها تجي ,,,,
سكرت وهي زهقانه اكثر من اول ودقت على لمياء ,,
ريما : وشخباركم ,,
لمياء : الحمدلله , شكلك مو مبسوطه خير ,,
ريما وهي تعلم لمياء بعبير وانها بتجيهم ,,,
لمياء : الا بنرجع انا واياك وفيصل ما راح نترك عبير كذا سايبه على حل شعرها ,,, ما تدرين وش ناويه عليه ,,,,
انا مستحيل اتركها تخرب على هيفاء واسكت ,,, وريما مو ناويه تقول لها عن هيفاء
ريما : لو تدرين اجل فهد رجع للرياض وشكله هو وياهيفاء صاير شي بينهم ,,,
لمياء : لالا اكيد سالفة كايده يالله يالله بجيكم ,,,

ام طلال ما استانست ابد وحست ان قلبها مقبوض مادرت وش فيها بس غياب هيفاء له دخل ,,, بعد ما غادرت هدى وبناتهم اللي اول ماعرفوا ان فهد رجع للرياض وهما ما ودهم يقعدون ثانيه وحده عقبه ,,,طلبت ام طلال من مريم تطلع تشوف هيفاء ,,
ام طلال :: انا قلبي يقول انها فيها شي ,,
مريم : ما يكون الا خير اطلع لها الحين واقولك ,,,
طلعت مريم لغرفة هيفاء ودقت عليها الباب واول ما انفتح شافت لمياء حاضنه اختها وريما قاعده جنبها
اسرعت خطوتها شوي ,,,وجت يم السرير ,, وهي منصدمه من شكل هيفاء : خير وش صاير ,, وشفيكم ,,,
ريما : هيفاء تبي ترجع الديرة
مريم : وشو ,, انتي تحلمين والا عقلك فيك ,,,
هيفاء ما ردت عليها ابد تركتها بحيرتها ,,,
مريم : ممكن اعرف وش السالفه ,,,
هيفاء : مافيه سالفه انا وفهد اتفقنا ان كل واحد يروح لطريق ,,,, وهذه حياتنا محد له دخل ,,,
مريم قامت زعلانه منها ومن اسلوبها في الكلام : يمكن احسن لكم ,, لانك ما تستاهلين فهد ,,,,
وطلعت وهي تصفق الباب بقوة وصفقت قلب هيفاء بقوة اكثر بعد الكلمة هاذي ,,’’’
قعدت هيفاء تصيح على نفسها وريما تهديها وتقول : اذا عمتي مريم قالت كذا اجل جدتي وش بتقول
ريما : وش رايك نرجع القصر ولا نغث جدتي ومنها ترتاحين شوي ويمكن اذا صرنا قريب من فهد وقفنا بجنبه بعد
لاتفكرين انه مستانس الحين والا مبسوط
مستحيل :: الي اعرفه ان فهد ما وده اي شي يزعلك حتى لو منه ,,,,
هيفاء ما ودها ان ريما تشوف المسج بس بغت تقولها ان الرجال اذا ارخص الحرمه خلاص نسى منها

نزلت مريم عند امها وجت بتقولها شافتها مبسوطه قالت بخليه واقت ثاني

فهد دخل القصر وشاف خديجه ترتب مثل كل مره فسلم عليها وسألها عن احوال القصر فقالت له ان كل شي تمام
طلع لجناحه مع هيفاء وتذكر اخر مره كانوا هنااا ,,,
شافها ما ارسلت شي ترك الجوال على الطاله ودخل يغير ملابسه ويشوف وش تاليتها معها
ارسلت له ريما من جوالها ((فهد هيفاء ميته صياح وش صاير فيكم انتم وش صار معكم هي رافضه تتكلم
ارسل لها فهد :هي حره))ما توقعت ابد ان هذا ردفعل لفهد ,,, يا ربي سترك ,,,
,,, تقطعت هيفاء مية مره وهي تفكر ان فهد يمكن يجي ويراضيها وكان ودها انه جاء يعد ما راح الزعل لكن هو شكله يبي الفكة منها ,,,,

عزمت ام طلال بعد ما شارت عليها مريم انهم يرجعون للقصر يمكن احوال الجميع بتتحسن ,,,وقالت ريما الخبر للبنات يمكن يقولون شي

لكن هيفاءقررت شي ولازم تسويه :: انا برجع للديرة مع امي ,,, قولي لأمي الكلام ذا يا لمياء ,,,,,

انتهى......