[لامارا]

(( الجزء الرابع والعشرين ))

في مقهى معروف في وسط الرياض التقى فهد مع نواف في منتصف النهار ,, فهد والكآبه مخيمه عليه وطفشان حده ,,,
كمل شرب قهوته المره وكمل قراية الجريده ,,, ونواف يفطر برووواق وحاس بفهد ,,,
نواف : وش صار معك هالحين ,,,
فهد : ابرك لك لا تتزوج ,, ترى الحريم كلهم نكد ,,,
نواف : افاااااا ما هقيتها منك انك تقول ذا الكلام ,, انت بشخصيتك تقدر تسيطر على اصعب وضع ,,,
فهد ,, الله يفرجها بس ,,,,

نزلت هيفاء من الصباح بدري تبي تشوف جدتها وامها وتقعد معاهم شوي عمتها مريم بتسافر بعد العصر مع زوجها اللي بيوصل من جده وبيأخذها على طول اوربا ,,,,,
بعد محادثة بسيطه مع الحريم الكبار ,, وخصوصا ان جدتها ما تبي تكلمها ذاك الزود ,, ومسويه فيها انها زعلانه عليها ,,,, طلعت منهم فوق لعمتها مريم ,, اول ما شافتها قالت لها جابك الله ,, تعالي يا قلبي جهزي معي ,,
هيفاء قربت من عمتها وسلمت عليها ومسكت يدها
هيفاء : عمتي :: انا ما ابيك تزعلين علي والا تشوفيني جاحده ,, انا ,,,
مريم : تضمها بقوه وتقول لها : حبيبتي كل الازواج يمرون بمشاكل هذا شي طبيعي ,, بس مو على كل زعل الوحده تبي تروح لأهلها ,, فكري فيها يا عمري ,, مو زين حتى عشان وضعك مع فهد يتأزم اكثر اذا شافك مستهينه بزواجكم وممكن تضحين به لأي سبب,,
ضمتها هيفاء اكثر وقامت معها ترتب الشنط بشكل يحسدونها البنات عليه ,,, تصفيفها ملفت ويحسسك انك مهمل وما تعرف الترتيب مقارنة بها ,,,,

عبير ماخذها راحتها في بيت خالتها سلطانه ,,, لبست رياضة من المخمل الناعم وربطت شعرها على شكل نافوره وحطت لها مكياج خفيف ,,, ونزلت تتمشى في الفيلا ,, ما حصلت خالتها وطلبت لها فطور وفطرت ,, دقت على مشاعل ,,,
عبير : شعوله يا عمري متى بتجون ,,,
مشاعل : بنطلع بعد شوي ,, بنروح نأخذ اغراض امي تبيها وبعدين بنجي للقصر ,,,
عبير ,, مشتاااقه لسوالفك ولخطتك الجهنمية على قولتك عسى تضبط هالمره ,,,,
مشاعل : انتي رووووقي بس وبدون استعجال والا نروح فيها ,,,
عبير وهي تضحك ضحكة شيطانية ,,,

بعد فتره بسيطه من الترتيب والتجهيز لكل ما تحتاجه مريم ,, حبوا انهم ينزلون عند ام طلال يتقهون شوي لحد ما يأذن الظهر ,,,,
وهما نازلين على الدرج قابلتهم ريما طالعه ,,
ريما هلا عمتي وشلونك
مريم : الله يسلمك يا عمري ,,
ريما : هااا ان شالله بتمشين اليوم ,,
مريم اي والله العصر ان شالله ,,,
ريما : ما تبين لك مربية سنعة تأخذينها معك وهي تستهبل على عمتها ,,
مريم : وااااضح انك مربية سنعة ,,, يالله انزلي معنا لأمي ,,,
ريما : عن اذنك بس ياعمتي ابي هيفاء تعطيني كتاب عنده وهي تصرف عمتها ,,
نزلت مريم وهي تقولهم براحتكم ,,
مسكت هيفاء من يدها وطلعت معها فوق في الجناح ,,,وهناك .....
ريما : هيوفه تكفين طلبتك لا ترديني ,,,
هيفاء : ما تخلين حركاتك آمري وش تبين ,,,
ريما : ابيك تعزمين فهد على عشاء برى في مطعم
هيفاء : لا والله ضحكتيني ,, وش طرى عليك بالله ,,,
ريما : هيوفه انتي ليه مو زي الحريم ,,,,
هيفاء : الحمدلله والشكر لاتكونين شايفتني ولد وانا مدري ,,,
ريما : مو كذا بس انتي حقيقه ماعندك حركات نفسهم ,, يعني ما قد شفتك تقولين يالله يافهد طلعني ابي اتعشى برى ,,,
والا تجهزين عشاء رومانسي بالحالكم وتخلينه مثل ليلة فرح بشموع وورد وموسيقى هاديه ,,,
والا مثل .. مثل .. اي تقولين احجز لنا بفندق ليلة نغيير جوونا يعني من هالحركات اللي بالي بالك ,,,
هيفاء وهي تضحك مرررره : عز الله ان نواف امه داعية له ما شالله لا اله الا الله ,,,,
ريما وهي تضحك : ياختي هذا امه داعيتن له بليلة القدر ,,,خلينا من نواف هالحين ,, تكفين هيوفه لا ترديني ,,
هيفاء : اللي يسمعك يقول انا الغلطانه ولازم اصلح غلطي ,,,
ريما : شوفي اذا انتوا عندكم مشاكل فحنا عيال اليوم ,, والله يا فهد انه ضايق حيييل اعرف اخووووي ,,,,عاد يالله قولي تم
هيفاء : اممممم زين خليني افكر واقولك ,,,
ريما : اقول تعالي يالله ارسلي مسج هالحين ,,, بسرعه اشوف ,, يالله تحركي وهي تضغط عليها ,,,
هيفاء : اوكي طيب ,,, وافتحت رساله جديده ,, وكتبت فيها (( ااذا انت فاضي ممكن نتعشى برى الليلة ))
وخذت ريما الجوال تبي تشوف وش كتبت ,,,
ريما : في ذمتك الحين هذا مسج من حرمة سنعه لزوجها ,, والله كنك ضابط يعطي اوامر ,, وتقلد بصوتها المسج
شوفي اكتب كذا وتسوي مسح وتفتح صفحه جديده (( حبيبي اذا ما فيها ثقل ممكن آخذ من وقتك شوي ونتعشى برى يا قلبي ))وارسلتها على طول وما عطت هيفاء فرصة ,,,
هيفاء وهي تمسك الجوال ثاني وتقرا الرساله : يووووو وتفتح عيونها بكبرها وتصرخ فيها : صاحية انتي ,, وش بيقول هالحين ماعندها عقل يوم تصايح ويوم طاخه ,,,
ريما : قلت لك انسي كل شي وفكري في اليوم ,,, انتي بتشوفين ردة فعل فهد اخووووي واعرفه وهي تغمز لها وتطلع منها تبي تشوف وين لمياء ,,,

قعدت هيفاء تشوف الجوال لاكثر من ربع ساعه وهي مبحلقة فيه ,,وتحسقت مية مره انها تركت ريما تتصرف على كيفها ,, اكيد توهق فيني ,,, يووووه فشيله والله ,,,

فهد في الشركة مع موظفينه وما انتبه ابد لنغمة الجوال وبعد فتره حب انه يكلف سعود في شغله فمسك الجوال ,, وشاف المسج فتحه واول ما شاف اسم هيفاء
دقق في سطور المسج ,, ضحك وسأل نفسه معقول هاذي هيفاء غريبه ,, وما تردد وعلى طول ارسل الرد

هيفاء وقلبها يرجف بقوه من ردة فعل فهد على احراجها منه ,,سمعت نغمة الجوال وعلى طول فتحت المسج وهي تحس بغمام في عيونها من السرعة ,,,
(( من عيوني يا حبيبتي انا ووقتي كلي لك يا عمري ))
كانت واقفه وقعدت ,, وحست بالاحراج الحين وانها لازم تكون عند كلمتها وما تصير دلوعه ,,,

بعد فتره نزلت ,, تشوف العالم وشقاعدين يسوون ,,
وتنصدم بمشاعل وعمتها مريم والعنود جايين عندهم ,,
هدى : هلا هيفاء ,, منت جايه تسلمين ,, وهيفاء تتقدم لها : هلا عمتي كيفكم ,, وصافحت بناتها وصدت عنهم ,,,
مريم : متى بتطلعين هدى للمطار ,,,
هدى بعد شوي بنطلع ما اوصيك يمه على البنات ,, خليهم على راحتهم وهي تطالع هيفاء ,, خليهم يحسون انهم في بيتهم ,, يعني اسمعي ياهيفاء ,,,

مشاعل وهي طفشانه من الجووو : انا بطلع لعبير عند بيت خالي طلال يمه ,, وطلعت وهي حتى ما خذت اذن ,,,
طلعت تتمشى لحد ما وصلت الفيلا ولقت عبير قاعده في الصالة وحاطه رجل على رجل وماخذه راحتها ,,
اول ما شافتها عبير طارت من الفرحه ,, : وينك يالدبة تأخرتي
مشاعل وهي تتكلم بدلع : هذا كله شوق لي والا لخطتي ,,,
عبير : يوه يامشاعل وفيها شك بعد تعالي علميني وش بتسوين ترى كلي شوق لك ,,,,
ظلوا مشاعل وعبير يتكلمون في خطتهم لأكثر من ساعه ,,,
ماجاء فهد على الغداء واستغربت هيفاء منه ,, وش صار له والا وين راح ,, لكن فهد اللي ظل في مكتبه للعصر كان وده ينجز اعماله المتعطلة ,, عشان ما تتراكم عليه ,,,,
في وداع عائلي طلعت مريم وعيالها من القصر متجهه للمطار وينتظرها زوجها ,, ماقدرت تمسك دموعها وهي تقارق امها والبنات ,, ولاول مره ودها ان زوجها يجيه تقاعد وتفتك من السفر وتستقر بديرتها ,, اول ما سلمت على هيفاء قعدت هيفاء تصيح من قلب على عمتها الحنونه ,, ووصتها مريم في ام طلال حييييل وأكدت لها انك دامك جنب امي فأنا برتاح نفسيا ,,,
هيفاء بدورها قالت لها لاتحاتين ياعمتي جدتي في عيوني ,,,,
عم الهدوء القصر بعد مغادرة مريم ,, ام طلال دخلت غرفتها ,, ولطيفه كذلك ,, ولمياء وفيصل رجعوا لفيلتهم اما ريما اللي تحاول تهرب من عبير ومشاعل شافت انه ما من مفر للرجوع للفيلا ومواجهتم ,, وتمنت من كل قلبها ان الايام تمشي بسرعه ويرجعون لبيوتهم وتفتك منهم ,,, ريما مستغربة من شعورها فعلا ,, وكيف انها كانت تشوفهم كل شي لين ظهروا هيفاء ولمياء في حياتهم ,, وعقبها حست انهم مجرد بنات تافيهين جدا وما عمرها استفادت من قعدتهم شي ,,,
هيفاء طلعت لجناحها وفكرها مع فهد متى بيجي وكيف بتقابله وشلون ,, حست بأحراجها يزيد كل ما حست انه ممكن يدخل في اي لحظه ,,
اخر مره شافته يوم طاحت امس وعقبها لا حس ولا خبر ,, اكيد زعلان عليها انها ما صدقته بس بعد هو لازم يوقفهم عند حدهم ,,, وش فاكرين نفسهم هي الدنية سايبه والا وشو ,,,,

دخلت تبي تنام شوي ,, شافت انه ماعندها شي تسويه والهدوء مسيطر على المكان ,,, اول ما حطت راسها على المخده حبت انها تقرأ شوي في دفترها ,,, فتحت الدرج وحست انه ماكان في مكانه أخر مره تحت المصحف ,, كان بشكل جاني كن حد فاتحه ,,, خذته قلبته ما شافت شي غريب ثم رجعته مكانه ثاني تحت المصحف ,,, ترتيبها دقيق ومستحيل انها تتركه كذا ,,
تذكرت شي وقامت قعدت مره ثانيه ,, هي صحيح عزمت فهد بس لاتدري وين ولا كيف ولا متى كله منك يا ريما ,,, وعلى طول دقت الجوال عليها
هيفاء : ريممموووه تعالي بغيت انسى انتي وين حجزتي ,,,
ريما وهي فاطسه ضحك مررررره ,,, : نسيت يا قلبي اقولك ,,, حجزت لكم غرفة بأسم فهد في المملكة ,, يعني تجهزي يا قلبي زين تراك بتفصخين عبايتك ,,,
هيفاء : وشو ,, متى ذا وفهد عرف ؟؟
ريما : اي انا كلمت فهد استئذنه اني احجز نيابة عنك ,, وقال يسعده جدا انك فكرتي بالفكره الحلوة ذي ,,
هيفاء : من مطعم لغرفة ,, صاحية انتي ,, لا بالله ابشر يالمعرس هنا افكار الله يعينك على صاحبتها ,,,
ريما وهي تضحك من قلبها : هيوفه اجيك ياعمري ابرد عليك ,, ترى انتي مع زوجك محد ماكلك ,,,
هيفاء : اقول صدق عليك حركات تجيب العصبي ,, متى اكون جاهزة ,,وهي زعلانه حيييل ,,,
ريما : انا قلت لفهد يأخذك بعد المغرب ,,, حلووو كذا يمديك تخلصين ,,,
هيفاء : وش اقول بس يالله خليني اجهز ,,,
ريما : اذا ما دعيتي لي ما راح اكون ريما ,,,,

قامت والنوم طار من راسها ,, وقعدت تفكر في ريما وفكرتها ,, انا عارفه انها كله عشاني بس والله مو حلووو عاد كذا يبين اني مطفوقه عليه ,, واكيد الست ريما قالت له انها فكرتي ,,,,

قامت وفتحت دولابها ,, شافت ملابسها احتارت وش تختار واخيرا استقرت على فستان اوف وايت من قماش التافتاه الفرنسي ,,
ضيق كامل ويجي تحت الصدر قطيفه باللون البرونزي على شكل شريطه وتلتقي عند الصدر على شكل زهرة مطعمة بستراس برونز ,,,
طلعت لها صندل كعب عالي يعطي الفستان شكل وهي لابسته ,, خذت لها شاور ولفت شعرها رولات كبيره ,,,
ما بغت تطلع مع فهد بدون مكياج وفكرت في جدتها ,, وترددت بس قالت اكيد جدتي بتعذرني ودها اني اكون زينه بعد ,,,
حطت لها مكياج كامل وكثفت الكحل والماسكارا ,,, وما بقى لها الا الروج اللي اختارته احمر صريح جدا ,, لبست فستانها وفكت بعدها الرولات وطلعت تسريحتها ويفي روووعه ,, تجهزت ولبست سلسال جدتها اللي عطاها مظهر خيالي ,,, ما بغت تتعطر وهي بتطلع برى ,, لكن حطت في شنطتها عطورها تحطها عقب ,,,,
وهي قاعده تشوف وش ناقصها سمعت دق الباب ,,
هيفاء : ادخل ,, وطلت عليها ريما من ورى الباب : انا يا قلبي وهي تضحك ,, اكيد فكرتي اني فهد
ريما اول ما دخلت صفرررت بقوه : وااااااااااو
تكفين هيوفه خليني أخذ لك صورة ,,,
هيفاء : لا والله الا هاذي عااااد ,,
ريما : روووووعه قليله عليك ,, وش هالزين وش هالجمال ,, حركات ,, الله يعين اخوي بس ,,,
هيفاء : ريوووم قولي الصدق ,,
ريما : ما شالله قمة الجمال ,, وش اقول اي كلمة اقولها قليله ,,, روووووعه يا عمري الله يهنيكم ,,,

وهما قاعدين يسولفون دخلت عليهم ليماء اللي مادرت عن شي,, جوووها مع فيصل مبعدها عن العالم ,,,
لمياء : ما شالله وش هالحلاة يا قلبي كنك معزومه ,,,
ريما : قصدك عازمة ,, هيفاء عازمة فهد على عشاء برى ,,,
لمياء : حركات ,, زين يا قلبي تغيرين جو انتي وفهد ,,,,
هيفاء وهي تتنهد من قلبها ,, تتمنى ان فرحتها مع فهد ما تخلص ولا يعكر صفوها شي ,,,
شوي ارسل لها فهد مسج بعد ربع ساعة انزلي عند المدخل بنطلع على طول ,,,
قامت من البنات وطلعت لها عباية رسمية ,,, لبست طرحتها ,, وخذت شنطنة يدها وطلعت ,, التفت لهم عند الباب ,, بنات ادعوا لي تكفوون ,,,
وما سمعت وهي ماشيه الا صوت ريما ولمياء : الله يوفقكم ويسعدكم ,,
لمياء قعدت على الكنبة وقعدت تصيح بهدوء كعادته اذا تأثرت ,, وريما اللي تعودت على المنظر هذا تحاول تضحكها شوي
ريما : انتي تشوفينها مبسوطه المفروض ما تبكين ,,,,
لمياء : انا ابكي فرحانه لها ,, هيفاء ما استانست من تزوجت ,, ودي انها تكون خاتمة المشاكل ,,,,
ريما : ان شالله يا عمري ,, الله يسعدهم يا ربي ,,,

دخلت على امها وام طلال كانوا قاعدين ,, في جناح ام طلال ,, ما بغت تطلع ما عطتهم خبر وودها اهم يفرحون بعد الزعل اللي صار ,,
ام طلال وهي مركزه عينها على هيفاء : الله يحرسك من العين ,, ما شالله ,,
هيفاء : انا بطلع مع فهد تبون شي ,, وهي محرجه منهم
ام طلال : الله يحفظكم ويكفيكم الشر ,, استانسي يا عمري ولا تخلين الشيطان يخرب عليك ,,,,
لطيفه وهي تدعوا لهيفاء من قلبها وتقرأ عليها ان الله يحفظهم ويسعدهم ويهدي بالهم ,,,

طلعت هيفاء لفهد في السياره وهي لافه الطرحه على وجهها ,, فتحت باب السيارة وسمت ودخلت ,, فهد بشكله المهيب يحسسك انك في اختبار على كل كلمة بتقولها ,,
هيفاء مساء الخير
فهد : مساء الغلا والنور ,,ما بغيتي تعزميني ,, وهو يضحك يبي توترها يخف شوي ,,
هيفاء : عزيمة بمناسبة الصلح وهي تبتسم شوي ,, فخذ فهد يدها وباسها : اي خليك قويه مثل هيفاء اول ما شفتها ,, مو يهزك خبال بنات ما وصلوا للي وصلتيه ويبون يطفشونك وياخذونه منك ,,,
هيفاء : فهد لو سمحت انا ما ابي اتكلم عنهم ,,,
فهد انتي تآمرين ,,, وتوجه لفندق المملكة وهم مستمتعين بوجودهم مع بعض اكثر من الكلام ,,,,

ام طلال : والله هيفاء عاقله وما يجي منها الا كل زين ,, بس شوي حساسه وتفكر ان عزة نفسها بتصلح احوالها ,,
الحرمة مع زوجها لازم تضحي ,, وتتنازل ,, هاا عشان المركب ما يطبع من أولها ,,
لطيفه : صدقتي ,, ما اقول الله يبعد عنهم عيال الحرام وبنات الحرام ,,
ام طلال : ااامين ,,,,

اول ما وصلت سيارتهم للفندق ,, فهد سلم المفتاح للسكيورتي وقال لهم انه فيه اغراض في السياره يودونها لغرفة *******
استغربت هيفاء وش بيكون معه من اغراض ,, بس يالله بتعرف عقب ,, فهد وهو يدخل من بوابة الفندق ماسك يد هيفاء ويمشيها معه وهي بالكعب صايره طويله اكثر وقريبه لمستوى طوله ,,,
طلعوا في المصعد فوق ,, ودخلوا في جناح كبير مرره مجلس على غرفة نوووم ,, خيالي شكله حييييل ,, وكانت الطاولة مرتبة بالشموع والورد الابيض ,, ومعطي الطاولة فخامة اكثر وقفت هيفاء في الوسط ونزلت طرحتها على كتفها ,, ودها تشوف شكلها بس استحت من فهد ,,,
فهد يمسكها من يدها ويقربها تشوف المكان : تعالي يا قلبي ,, نزلي عبايتك عشان تأخذين راحتك اكثر ,,,
نزلت هيفاء عبايتها هو مغامره انها تلبس الفستان هذا بالذات بس شافت انها عزومه تستحق تجيب فيها كل اللي عندها ,,,
فهد وهو يلاحقها بنظراته من مكان للثاني ,,, انحرجت منه وانعكس ذا الشي عليها ,,, سمعوا صوت الباب ,,, وقال لها فهد تصبر اكيد الخدمة ,,,
شوي ويسكر فهد الباب ,,, ومعاه كيس مغلف كأن فيه هديه ,, قربت يمه تبي تشوف وش عنده ,,
فهد : هذا الكيس عطتني اياه ريما اول ما وصلت القصر وقالت لي ما اقولك عقبها ترجتني انها تطلع تشوفك عقبها ننزل ,,,
هيفاء : اااه غريبه ما قالت لي وش فيه ,,
فهد وهو مبتسم : مدري ,,
قربت هيفاء للكيس وفتحت تشوف اللي فيه وفهد واقف يراقبها واول ما فتحت المغلف وطاحت عينها عليه سكرت المغلف بسرعه ما ودها ان فهد واااقف ,,,
وهي في قلبها : ااااه يا ريما مدري ادعي لك والا ادعي عليك فشلتيني مرررره ما باقي الا هذا تحطينه لي ,,,,
فهد وهو يضحك عليها : يا الحياوين يعجبني حياااكم ,,, فيها الخير ريما ,, والله اختي الحبوبة وهو يغمز لها ,,,
هيفاء : ليه حنا بنام هناا ,,
فهد : انا حجزته عشان عشاء بس شكلي بغير رأيي ,,,
فهد : حلاتك خياليه ,, وقفي شوي ,,,ويبعد منها ويطلع جواله وياخذ لها صورة
هيفاء : لا فهد فرضا ضاع الجوال ما يسوى علي ,,
فهد ويطلع الذاكرة من الجوال ويحطها في بوكه ,, اول ما اوصل البيت بحطها عند راسي ,,, صورة شوي فيها كلمة فتنه ,,,
خذها فهد من يدها : تعالي ابي اشبع من سوالفك شوي ,,,,,

فهد ما قدر ينزل عيونه منها وهي تتحرك في المكان وتضيفه من التقديم الموجود ,,,وهيفاء كل ما لمحته يركز عليها تخجل منه زياده وكنها تشوفه لأول مره ,,,,
فهد وهو يرفع وجه هيفاء له : وش هالحياء يا قلبي ,, ما ابيك تستحين معي ابي تطلبين اللي تبينه وتقولين اللي تبينه انا كلي لك ,,,,

ريما مبسوطه بالمرررره من اللي صار ,, واااو يا هيوفه اكيد اسم الله عليها بتجيها صاعقه من اللي سويته اذا شافت القميص والعطور اللي حطيتها بس اكيد حبيبتي هيوفه بتدعي لي ,,,,
نامت وهي مرتاحه جدا من الفكرة اللي طرت عليها ,,, واللي انبسط عليها فهد بالمررره وقال لها ما اراح يجون قبل بكره بالليل ,,,,

هيفاء قد مر عليها وقت حلوو مع فهد بس بهالشكل ما قدر مر عليها ,, فهد كان ذوووق معها وفتح لها قلبه واستعد انه يرضيها باللي تبيه ,, اهم شي محد يكدر عليها ويحاول انه ينكد عليها حياتها معه

هيفاء ما تدري بالوقت كم اهم شي انها مع فهد ,, وفهد اللي ما يدري شكثر مضى من الليل انتبه ان هيفاء مركزه عيونها في عيونه ,,
فهد وهو يقرب منها اكثر : انا احببببببببك يا عمري ,,,,,,

ام طلال اللي اصبح عليهم يوم كله مطر وسحاب ويبشر بالخير ,, رفعت الجوال ودقت على فهد تبي تشوف وينهم ,,,
فهد وهو يسمع جواله يرن ما قدر يرد بس اول ما شاف الاسم على طول فتح الخط ,,,
ام طلال : هلا يمه وشلونك ياعمري
فهد : هلا بك يمه شخباركم اليوم ,,,
ام طلال : ننشد عنكم وينكم فيه ,,
فهد : احنا بالمملكة بنرجع بالليل ان شالله ,, تبين شي ,,
ام طلال : ابي سعادتكم ,,, وسكرت ام طلال وهي تدعوا الله سبحانه وتعالى انه يسعدهم ,,,


فهد وهو يمسح على شعر هيفاء : قلبي وش رايك نسافر لعمتي مريم ,, ابي ابعد عن الاجواء ذي ,,, ابي ابعد عن الضغوطات والشغل
هيفاء وهي تاشر بيدها لعيونها : من عيوني ,,,
تمنى فهد ان الوقت معها ما يخلص وتمنى اكثر انه يعوضها بالكامل عن اللي قد صار معها يمكن اذا عوضها عن اشياء كثيره مرت في حياتها ,, يمكن يكسب قلبها بسهولة,,,,


انتهى.......