[princess sara]

مساء الخيييييييير

الفصل طويل ودسم جدا جدا جدا

خلود ده انتي كمان طلعت حكايتك حكايه
انتي مطلقه وده مش غلط ولا عيب ولا حتى حرام انتي مش اول واحده تحمل لقب مطلقه
بس يمكن الغلط انك تمسكتي بالشخص المناسب ليكون زوج المستقبل
وهو لا طلع لا زوج ولا نيله ..... كان لازم تحطي في اعتبارك الفرق التعليمي اللي بينكوا ... انتي طالبه جامعيه ومؤهلاتك عاليه وهو يادوب معهد صناعي يعني مفيش تكافؤ بينكوا والحب وحده مش كفايه واعتقد ان الحب كان من طرفك انتي فقط ده لو كان حب اصلا
والنتيجه بعد كل ده ضرب واهانه ومشاكل وفضائح من البيه زوجك
بس ياترى ده بسبب ايه ؟!! كان مدمن ولا بتاع ستات ولا بيشتغل شغل مش ولابد ولا كان متغاظ انك اعلى واذكى منه عشان كده حب يوريك انه راجل وبيطلع قوتك عليكي
بس الزواج انتهى وخلصته منه والحمدلله ... بس ايه الفضيحه الكبرى اللي نتجت عن الطلاق دي ؟؟
ان هي يعني بقيت مطلقه ؟!! وهي دي فضيحه اصلا ؟!!
اكيد في سبب تاني وخصوصا بعد كلام خليل
اللي طفش من البيت واللي في البيت ولاقى نفسه في الورشه مع حذيفه
وعبر عن كرهه وحقده اللي بيشوفه بس هو مش يستاهل القلم اللي خده ياعيني
هو مش قصده يقول اللي قاله .. هو قال كده بسبب اللي بيشوفه بيحصل من اقرب اتنين ليه
امه واخته
وحذيفه قام بالواجب وعلمه اول درس وهو ان الرجل الحقيقي لا يضرب النساء ^_^
وكمان طمن اخته العصبيه ان وجوده في الورشه جاي بالفايده عليه ومش هتأثر على مدرسته في حاجه

بس خلود في خطر !!
والخطر ده متمثل في زوج امها الحقير
هي اكيد عارفه بنواياه ... بس هتقدر تحمي نفسها منه ... هي اه ممكن تحمي نفسها مرة واتنين وجايز تلاته بس لو زودها وتمادى فيها هتقدر تقف في وشه ؟!!
وخاصه وهو عارف ان مفيش حد في صفها ... امها اللي مش تستاهل تكون امها مش سأله فيها ولا في ابنها الصغير اللي بيحاول يبين انه بقى راجل ويعتمد عليه
الا انه في الاخر لسه صغير ومش ناقص انه يتورط مع واحد حقير زي ده
بس امها دي نرفزتني اوي
الاولويه عندها زوجها الزفت او بمعنى اخر مش قادرة تستغنى عن وجود رجل في حياتها
مع انها مش محتاجاه عشان يلبي رغباتها او احتياجاتها ... دي حتى عارفه انه بيعرف بنات وماشي معاهم عادي وياحلاوة هي اللي بتديله المصروف عشان يروح ويصرف ويستمتع
بقى كل ده عشان متبقاش وحيده .... كانت مثلا بتحقق المثل اللي بيقول " ضل راجل ولا ضل حيطه "
مع ان ده مش راجل اصلا ... ده واحد حرامي سرق فلوسك وفلوسك اولادك وضيعهم في الهوا
وفوق كل ده كان بيعذب ابنك وخلاه يكره البيت ويكرهك انتي شخصيا الا انه مش قادر يتخلى عنك زي ما اتخليتي عنه
والاهم بقى شايفه ان بنتك في خطر حقيقي وبرضه سكتي وعملتي نفسك ولا شفتي حاجه
كده بتديله الضوء الاخضر عشان يتحرك ويتمادي اكتر واكتر
هيحتاج ايه غير انه يكون عارف ان الام سامحه انه جوزها يتعدى على خصوصيات بنتها ويتعدى على بنتها ذات نفسها

اشجان اللي بقيت واقفه في زوري
شكلها اديت لنفسها مكانه كبيرة وشافت ان مساعده حذيفه وانقاذه ليها ليه غايه في نفسه
وهي مش عارفه انه عمل كده لله ... وياخوفي بقى لتوقعه في مشاكل بسبب اعتقادها اللي مش موجود ده

حبيبه بقى
اللي بتحس بيه ده بدايه حب واستسلام بسيط ولا ايه بقى ؟!!
عيونها واللمعه اللي فيها وهي بتفكر فيه وبتفكر في هديتها الحلوة " الوشاح "
وكمان الابتسامه الذائبه على شفتيها

" فقدت اخر ذرة من ارادتها وهي تسحب المغلف باحساس غارم بانتشاء عاطفي سافر .... تفتح وريقاته المطوبه بحزم قديم ويداها ترتشعان وذهنها مغيب عن التعقل والمنطقيه بينما عيناها الزرقاوان تلمعان بتوهج مميز وابتسامه ذائبه على شفتيها "

" انه فقط زمن يتوهج بألفه حميميه يرحب بها القلب ويستعين بها على العقل والمنطق الرافض المتعنت "

" فتطالبه بالهمس : اخبرني انت ! كيف شعر وهو يختارك لي ؟؟ كيف لامس تصميماتي التي طبعها عليك ؟؟ هل ابتسم بشغف كعادته ؟؟ هل اسرك باعتراف من القلب ؟؟ "

يعني كل ده حاجه كويسه واهو خدنا خطوة للطريق الصح
وكمان عرض مهند للزواج كان جدي جدااا اينعم جه فجأه بس كان جدي ... بيحاول يثبتلها انه عايزاها زوجه وقدام الناس ... بيتوسل ليها عشان تديله فرصه ... كشف نفسه ومشاعره قدامها بطريقه لم يفعلها قبلا وشكله مش هيفعلها تاني
بس هو لسه متهور شويه ... بحبه ومعاه اه بس تهوره وتسرعه وعدم صبره ده ممكن يؤديه في داهيه
لما لاقى مفيش رد ولا استجابه منها كان هيتهور ويقول كلام يندم عليه ويرجعه لنقطه الصفر تاني
بس انا عذراه هو مش عارفه يرسى على بر ... حاسس انه واقف على صفيح ساخن مش عارف اذا كان عنده امل معاها ولا خلاص راحت عليه بعد الشر يعني
بس النجده جات من السماء وحبيبه هتفكر في كل اللي قاله
وكمان رد فعلها وهي في الفرح

" فيها شئ متغير .. انها اكتر ابتهاجا ... اكثر تألقا ... والابتسامه الساحرة لا تفارق شفتيها "
اتمنى وبشده ان تكون دي بدايه مبشرة

والاستاذ ابو عيون زرقا
سارة طلعت صديقته وانا اللي كنت فاكراه بنته .... وراح عشان ينهي علاقته بيها بكل بساطه كده
ده الخطأ اللي يقصده رضا وهو صلحه خلاص ؟!!
بس هو اتاكد كده انه خلاص صلحه وانهى موضوع سارة ده ولا هترجع تنط عليه زي القضا المستعجل
وبعدين حضرتك انت مالك لما تشوف حبيبه ومهند وافقين مع بعض
ده حتى انت جيت في اهم وقفه ما بينهم
بس شكل الوقفه دي هي اللي تخليك تتحرك وتاخد خطوة للامام
يمكن تتهور ويمكن تتصرف تصرف مش من حقك انك تتصرفه او يمكن تعمل اي حاجه
واديك بوظت عليها فرحتها وهي في الفرح وانت بتبين غضبك اللي هيبدأ في الظهور غضب من ايه معرفش ... مش من حقه اصلا انه يغضب ولا يسأل حتى

رفيده وسالم
مفيش احلى من كده

محسن العاقل ابو نضاره تجنن
عرف يفهم اللي مضايق رحاب وقدر يطمنها وانه عامل حسابه على كل حاجه والمطلوب منها انها تثق فيه وتصبر فقط
اينعم هي انفجرت فيه واتهمته بالانانيه وانه عايز يحقق اللي في مصلحته فقط
الا انه عداها بمزاجه عشان الحمل فقط
ياترى يا هل ترى هيحصل انفجار من انفجاراتها او المر ة دي من جانب محسن

عبدالرحمن خلاص نويت على السفر
يلا تروح وترجع بالسلامه
بس اجمد كده يا بطل ... خليك على موقفك وتجاهلك لرباب عشان هي تستاهل
وانا اعتقد انها هي اللي هتيجي وتكلمك بحجه انها تودعك قبل ما تسافر
بس هتطنشها زي المرة اللي فاتت ... لا اعتقد ذلك
بس عجبتني رد فعلك تجاه حذيفه
لازم تنسى اللي حصل عشان تعرف تعيش وتكمل حياتك ... الامر مش سهل بس يستحق المحاوله عشان خاطرك وخاطر حذيفه
اللي بيعذب وهو شايفك مش طايقه ومش عايزك تسافر وانت غاضب منه
وطلبه انك تسامحه حاجه كبيرة جدااااااااااااااا والحمدلله جات بالنتيجه المطلوبه وقال انه هيسامحك في يوم .... يارب بقى اليوم دي يجي بسرعه
اذا كانت فرحه حذيفه لما عرف ان اخوها الصغير هيسامحه في يوم كانت جميله وحلوووووة كده ... اومال لما يسامحه فعلا ويرجع لقدوته من تاني هيعمل ايه طرزان


ست سعاد لسه بتفكري في امكانيه ان تكون حبيبه زوجه لحذيفه
حرام عليكي اللي بتعمليه في صديقتك بدريه ... ده حتى فرح ابنها استني لما يخلص الفرح وقوليها افكارك المجنونه كلها

الفصل روعه جدا يا كاري .... بجد شكرا جدااااااا على الفصل الحلو ده
في انتظار الفصل القادم بشوووووق

قبل ما انسى كنت عايزة اجاوب على سؤالك يا كاري
اللي هو اني ارضى ان مهند يتزوج من اختي او حتى مني انا شخصيا
الاجابه هي نعم اقبل وارضى
مش عشان انا في حزبه ونفسي انه ينجح ويوصل لحبيبه
لالالا خالص على فكرة ... انا عن نفسي شايفه انه يستاهل فرصه تانيه .. هو مش وحش ولا شخص فاسد ولا مفيش فايده منه والكلام ده
هو ببساطه كان ضحيه اهمال ... ساب نفسه لحد ما وصل للي هو فيه ده
انا كنت ضده في الاول وقولت ده يستاهل ضرب النار
بس بمرور الوقت حسيت انه يستاهل حبيبه ويستاهل فرصه تانيه ... لان حبيبه هي علاجه ومفتاح للتغير
وهو اتغير على فكرة ... في الجزء الاول مبقاش نفس مهند الصياد اللي بيوقع كل يوم فريسه
ممكن يكون التغير بسيط ومش قد كده بس اسمه تغير ... ومع الوقت اتعلم الصبر وان كل حاجه في وقتها حلوة .. وعرف ان حبيبه هي اللي محتاجها لانها لو ضاعت منه هيضيع من تاني
يمكن هو تصرفاته دلوقتي تدل على انه لسه نفس الشخص السيئ اللي كان عليه ... وانه لو شاف اي ست مزة هيجري عليها ويصطادها
محدش ينسى انه لسه مش عارف يوصل للشخص اللي المفروض يبقى عليه ... مش عارف يبقى مستقيم او مش عارف يتخلص من اخطاؤه وعيوبه الكتييييييير
هو محتاج الايد اللي تنتشله من الجو الفاسد ده كله
او على الاقل محتاج الامل اللي يخليه يقاوم كل المغريات اللي قدامه ... عشان في الاخر ياخد المكافأه الكبيرة " حبيبـــــــــــــــــه "
وبعدين النساء كلهم كوم وحبيبه كوم تاني خاااااااااااالص ... مهند عايز حبيبه فقط لا غير
هتعرف تملى عينيه ومش هتخليه يبص بره ... ويبص بره ليه اصلا وهو معاه اجمل نساء الدنيا
وعلى فكرة مهند فيه شبه من " خضــــــــــــــــــــر "
والشبه في انه كان شخص وحش سيئ وفاشل وزير نساء من الدرجه الاولى
واول لما شاف " غادته " واديتله الامل انه يتغير ويبقى الشخص اللي يستحقها ويستاهلها
واهو نجح في الاخر عقبال مهند يارب