[فيتامين سي]

صبـاح الخير عشان التوقيت صباحي ؛) كيف اُمسيتكم؟ عساها سَعيدة.. أخيرًا انتهينا من البارت(12) وبندخِل في البارت(13) يَوم الجُمعة بإذن الواحِد الاحد.. أتمنى لكم قراءة ممتِعة ولا تحرموني من جَمال ردودكم.. تصبحون على خير وبَركة يا "سعادة قلبي"

تَكملة للبارت(12)
دَخلنَّ البنات: وش فييييك؟ النزغة محمد مرة ثانييية؟ مِن بين شَقهاتِها التي خرَجت متواليَّة: يقول بارسّل لك ورقة فسخ الزواج تخيلوا؟ اناا وش سويت تدرون وش كاان ذنبي؟ إني حبيييته ما استحى يقولي الحُب ماهو كل شيء! اقترَبت الجازي مِن تَرف صغيرة الجسم والعِظام وكورتها بداخِلها في حنـان.. أعلم أنكِ حزينة مِلء دماء العَرب المُراقة.. وأنا البعيـدة عنك كالجُزء الآخر من العرَب.. الجُزء المُتفرِّج.. لكن يا عديلة الروح والعائلة ونَفس الجَد ماذا عسى روحي أن تَفعل لَك؟ لو لي من الأمرِ شيء لقاسَمتُك أفراحي والعُمر ونَفس الاُم.. لو لي من الأمرِ شيء لمسحَت على عينيك فلا تدمعَ ابدًا وعلى قلبِك فلا يُحبَّ ابدًا: اهدي يا ترف يا روحي وقلوبنا كلنا ما يستاهل كل هذا منك
تَرف الشرِهة والمَجروحة: اجل تستاهلون انتم؟ مالي غيركم ومحد منكم يكلف نفسه يسأل عني والله يالجازي ان خساااارته عظيمة لان صوته ينومني ويصَحيني وحكيه هو اللي خلّاني قدَّامك حيَّة والله محد منكم سواا اللي سواه هو.. ضَمَّت تَرف ابنة عمها بقوة.. بقوة رغبتها في الاختباء عن سوء هذه الحيـاة.. بثقل روحِها التي سوَّدت وما عادت قادرة على مُجرايات الحيـاة: مييين لي بعده؟ يااا رب يااارب..
أشرَقت شَمس كندا الكئيبة وعينا الجـازي وريـم مُظلمتانِ بالنَّدم.. نَهضت ريم وخرَجت للمَطبخ لتَصنع عصير الليمون لتَرف المُنهَكة..
-
دَخلَت الساعة الثانيَّة عشرة بعد أن تأكدت من نوم أخوات عبدالعزيز.. طَرقت باب الغُرفة مَهجورة الرَجُل لتَسمح لها اُم زوجها بالدُّخـول.. وَقفت ام الزَّوج المُرتبكة وبَلعت ريقها لتَقول: وش فيه؟
هنـاي مُباشرة: حسبي الله عليـك وعلى ولدك
ام عبدالعزيز: وش صاااير؟
هنـاي انفجرت وماعادت كِثرة الانفجارات تُطفئ مايحترق بداخِلها: ظلمتيني بولدك حرااام عليك يا خالة والله حرام عليك زوجتيني اياه بالغصب وكانت بباله ثانيّة
ام عبدالعزيز: وش تهرجين به انتِ؟
هنـاي الواضعة يَدها على قلبها في مُحاولة للاتزان: خلييك واضحة لا تكذبين هو قالّي
ام عبدالعزيز: تعوذي من ابليس
هناي بجُنون: اعوذ بالله منك لان زوجك تزوجك وبباله وحدة ثانية وهذا هو معها صح اوجعك قلبك صح اظلمت الدنيا بعينك طيب أنا وش عشان تجربين علي هالحكاية وتعيدين الكرَّة
ام عبدالعزيز تُنكر: اناا قالي ابي بنت خالد وزوجته اياك
هنـاي بصُراخ: قااااالك ابي بنت ال سايد
ام عبدالعزيز تَفضح نفسها: أنا من حقي ازوج ولدي الحرمة الصالحة
هنـاي بصَدمة: وش ذنب هالحرمة الصاااالحة؟ يعني اهم شي ولدك ومصير البنت الصالحة زبااالة انا ما اقول الا الله يوريك ببناتك الايام السود.. وتَضغط على وترِ الام الحسَّاس: الله يحسسهم بالغبن والظلم اللي احسَّه