الموضوع
:
ضمني ع صدرك / للكاتبة عشقي جنوبي ، مكتملة
عرض مشاركة واحدة
07-04-14, 12:52 PM
#
2
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
?
العضوٌ???
»
216
?
التسِجيلٌ
»
Dec 2007
?
مشَارَ?اتْي
»
87,659
?
نُقآطِيْ
»
البارت الاول :
(الفصل الاول )
نزلت من الدرج بخطوات واثقه هذا اول يوم دوام لها فالجامعه حبت على راس امها
:صبحك الله بالخير يالغاليه
ام علي : صبحك بالنور ياعيوني هاه وش لونتس
مريم واهي تحشى لها توست بمربى :الحمد لله يمه بس متحمسه للجامعه
ام علي واهي خايفه ع بنتها من السوالف اللي تسمعها من جاراتها عن الجامعه : يابنيتي لونتس قعدتي بالبيت مو احسن
مريم تنهدت بعد مافهمت قصد امها :يايمه الله يخليك ليش ذا الكلام ؟؟؟ انا ان شاء الله مابيصير لي شيء
أم علي بحزن :يايمه انتي اظنتس سمعتي وش صار لخلدا بنت ناصر صورها انتشرت بكل الجوالات عشانها ماخاوت لها بنيت(ن) قالبات >>>قصدها بويات
قطع سوالفهن خالد :صباحووو على احلى ام خالد بالوجود(وباس راسها )
ام علي: ياصبح النووور هلا هلا بالغالي
مريم بغيرة :اشوف سحبتي علي سيفون وانا اخر العنقود
خالد:ياشين الغيررررة بس المهم هاه جاهزة اوديتس
مريم واهي قايمه عشان تلبس عبايتها : يالله بس البس عبايتي واجيك
(ام علي أنسانه طيبه حييييييييييل وتاخف ع عيالها من نسمه الهواء عمرها 50& خالد الاصغر من بين الاولاد 26سنه يشتغل حارس امن معه شهادة الثانوووي حبووووووووووب مرررررة اما شكله فاعادي &مريم اخر العنقود سكر معقود 19سنه طيوبه وحبوووبه شخصيتها شوي قووويه وحقها مستحيييييييييييييل تخليه
في بيت ثاني
نادت بأعلى صوووت :ترررررركي حبيبي يالله تاخرت ع المدرسه
نزل تركي واهو يسكر ازرار ثوبه : انتي ليش مستعجله الساعه تو تجي ست
العنود واهي تكمل تسكير ازرير ثوووبه : معليش حبيبي بس انت تعرف اليووم اهو اول الدوامات وشوف عاد زحمه الرياض
تركي :طيب فيه فطور او نمشي
العنود :افااااااا بس انا اخليك تطلع من البيت من دون ماتفطر
تركي : فديتك ياعمري
جلسو يفطرون شووي بعدين ودى تركي العنود للمدرسه واهو راح لشغله
العنود واهي تنزل اغراضها في غرفتها دخلت عليها نورة صديقتها :هلا والله النوووري
سلمن على بعض واخذن اخبار بعض بعدين أستدعتهن المديرة يشووفن جداول التدريس
(العنود 26سنه انسانه مثقفه وواعيه تشتغل مدرسه عربي متزوجه من سنتين ماجابو عيال ع قولهم نبغى ناخذ راحتنا قبل يجي ولدهم >>>تفكيررر غريب &تركي انسان ووووسيم مرة يحب زوجته العنود كثيررررر مدير شركه ايراد وتصدير ومع كذا مامانع العنود ابد بانها تكمل وظيفتهاا عمره 32سنه
في غرفه امل
هيثم : امل مايصير ذا الكلام
امل :هيثم انا مراح ارجعله لو يموووت ابغى اتطلق منه
هيثم بعصبيه :تدرين عاد انا حالف اني ماراح اقوله يطلقك لان الرجال متخسر في عرسه واخر شيء اقوله طلق افهمي مافيه طلاااااااااااااق وبعدين ياهاتم نسيتي يوم ابوي بغى يزوجك! مين اللي حبس نفسه بالغرفه ويقول مابي غير احمد هاه؟؟
امل : هذا قبل هالحين مابيه
هيثم :لاياشيخه مخليه الولد ينتظرك خمس سنين وفوق كذا رسوبك في بعض المواد وهالحين عمرة صار 32 وتقولين مابيه
أمل طفشت من هيثم وكلامه اللي يعيده يوميا : خلاص انا اكلمه وقوله يطلقني انتهينا ياخي
ماحست الا وهيثم معطيها كف حار :والله شين وقوي عين
وطلع هيثم من غرفه امل واهو معصب
وطلع هيثم من غرفه امل واهو معصب
هيثم اكبر اخوانه عمره 29 سنه رجل عصامي بنى نفسه بنفسه مايحب الغلط عصبييييي حييييييل له شركه صغيررررة ومحل اجهزة لاب توب
&امل الفرق بينها وبين هيثم سنه عمرها 27سنه متخرجه من الجامعه حليوووه مهتمه بنفسها كثييييييرررر وتتبع الموضه بجنون عنيدة وماتمشي الا اللي براسه غبيه نوعا ما >>>بعدين بتعرفوون>>>
العنود اختهم سبق التعريف عنهم
في الجامعه
بعد ماخذت الجدول بشق الانفس راحت للكفتريا
شرت لها كبتشينو مع جالكسي سادة (جربوها حلوووه كثيرررر ^_^ ) بعدين جلست بطاوله لحالها لان صديقاتها انقبلووو في كليات غيررر
لامارا
مشاهدة ملفه الشخصي
إرسال رسالة خاصة إلى لامارا
البحث عن كل مشاركات لامارا