[فيتامين سي]

ضمني بالحيل لصدرك اشتقت اتنفس هواك ~
البارت السادس ..

أخذته بطفش وردت بنعومة كعادتها : ألو
: هلا والله باللي طول غيابه
استغربت من نبرة الصوت كأنها سمعتها من قبل : مين ؟
: افا عليك ما ذكرتيني ؟
ادركت بسرعة من يكون الشخص اللي ذلها وأهانها اللي خللاها طول الفترة اللي مضت خايفة من مستقبل مجهول ينتظرها , قلب موازيين حياتها اللي جبرها تسوي شيء عمرها ما اتوقعت انها تسويه
عاد الصداع من جديد يسيطر على راسها وتكلمت بعصبية مكتومة : هذا أنت !!!
تكلم بنبرة فخر : عبدالملك سعد الـ .......
انصدمت من اسمه ولقب عائلته يعتبر من اعلى وارقى العائلات بالبلد وكيف لا وهو ابن امير منطقة الـ ......
اكتفت بالسكوت وهي تجاهد نفسها انها ما تسوي شيء يدفعها الثمن غالي خاصة وهي تعرف ايش ممكن يسوي فيها : ..................
عبدالملك : اشبك انخرستي من بعد ما قلت لك من انا ؟ طبيعي مو مصدقة انه ولد الـ ... ( بنبرة فخر ) , يكلم وحدة اشكالك ( قالها بنبرة استفزاز )
لانا بعصبية مكتومة : وليش متصل ؟
عبدالملك : انا ما اخذت رقمك الا وابي اتصل عليك واعلمك من هو عبدالملك اللي استهونتي فيه يالغبية
لانا : ما الغبي غيرك
عبدالملك وهو ينفث سيجارته ببرود : اعطيتك وجه بزيادة ...
قاطعته ببرود مماثل : تعال خذ وجهك وش ابي فيه ؟
عبدالملك رفع حاجبه وبنبرة مستفزة وبقلبه مبسوط على الوضع : حلو , دعوة صريحة اني اجي عندك
لانا بخوف حاولت تخفيه : لا خير , لا تجيني ولا اجيك خللك بعيد أبرك
عبدالملك : افا بس , يهون عليك حبيبك ؟

لانا بصوت واطي لكن وصل لمسمع عبدالملك : حبك قرد
عبدالملك : على اعتبار انه إنتي القرد
اتفاجأت انه سمعها واللي فاجأها اكثر ردة فعله الباردة , حاولت تنهي المكالمة وقالت بعقلانيه : وش تبي مني ؟
عبدالملك وهو يغني : ما ابي شيء انا جدا قنوع ما ابي الا انت وكلك لو سمحت ~~
عجبها صوته وهو يغني هادي وجميل بمعنى الكلمة : ...............
عبدالملك : وش رايك بصوتي ؟
قالت باستنكار كاذب : مو حلو , يجيب الهم
عبدالملك بحدة : انا لو ابي الحين اوديك ورا الشمس ولا احد دري عنك , بس بصبر عليك , اتقي شري واتكلمي معاي بأدب مو عبدالملك اللي يتكلم معه بهالطريقة
لمست الحدة من صوته وخافت , نبرة صوته ما تبشر بخير ابد , لازم تنهي هالمهزلة وتنتبه لكل كلمة ممكن انها تقلب لها حياتها دعت في سرها عليه وعليها وعلى اليوم اللي قابلها فيه
: ومتى بتنتهي هاللعبة ؟ (وقالت باستخفاف ) , اقصد هالمهزلة
عبدالملك : متى ما انا اريد
لانا بهدوء وصوت واثق : انتظر على احر من الجمر , ولا تحسب اني خايفة منك , بس أبيك تتأكد من شيء واحد ان اللي بتسويه فيني تأكد انه بيرجع لك بأي طريقة كانت , ربك ما يضيع حق احد ..
وقفلت السماعة ...
عند عبدالملك كلماتها زلزلته عمره ما فكر بهالطريقة أبد هدوئها ونبرتها الواثقة هززت قلبه بدت تتضح له أمور كان غافل عنها , حركت فيه مشاعر ساكنه هو يجهل سببها
ما يقول أنه يحبها !! لأنه بنظره الحب ما يتولد بساعة , لكن يحب صوتها , حركاتها , نرفزتها وعصبيتها يتمنى يكون جنبها بكل مكان هي فيه بدأ يقنع بنفسه أنه اهتمام لا أكثر يقل مع مرور الأيام ..
, يبي يحس بنشوة الانتصار بهزيمتها , يبيها تجيه من نفسها وتعترف له بحبها ويكسرها , مثل باقي البنات اللي مروا عليه , ياخذ اللي يبيه وتالي يتركها !!
يبيها وبس !!....
ايقظه من غفلته صوت دق الباب
رفع نظره للباب : ادخل
دخل واحد من الاشخاص اللي يشتغلوا بشركته : طال عمرك هذه الاوراق اللي طلبتها

اخذ الملف منه ببرود , سحب سيجارة من درج المكتب وللعها ونفثها بوجه الموظف
بدأ يكح الموظف بتعب وهو يدعي على هذا المدير في سره لو بيده كان استقال لكن مو ضامن مدخل رزق حاليا
ضحك عبدالملك باستفزاز : تطمن ما احد يموت قبل يومه
كتم غيضه بنفسه وتكلم وهو يتصنع الابتسامة : تامر على شيء ثاني طال عمرك ؟
عبدالملك وهو يمد له السيجارة : جرب
الموظف بنفي : لا تسلم طال عمرك ما ابي
عبدالملك بضحكة سخرية : انا ما اخذ رايك , انا آمرك
الموظف ورجعت له نوبة الكحة من جديد وتكلم بصعوبة : بس انا معاي الربو , والدكتور محذرني من الدخان
عبدالملك بحدة وهو يمد السيجارة مررة ثانية : مرض يوم , ولا تعب سنين وانت تدور شغل , فكر فيها ..
اخذ السيجارة منه مكره وهو يتحسب عليه في سره اخذ رشفة من الدخان بصعوبة وبعدها رماها على الارض وبدأ يكح بشكل مرعب
عبدالملك ضحك باستخفاف : لا تلعب علي بهالتمثيلية , يلا توكل
ناظر له بنظرة استحقار لكن من حسن حظه انه عبدالملك ما انتبه له وطلع بسرعة من المكتب
اما عبدالملك سند ظهره على الكرسي بتعب والضحكة لا تزال مرسومة على شفاته , اخذ الملف من على المكتب وبدأ يقرأ فيه باهتمام
قبل كم يوم وكُل واحد من رجاله يجمع له معلومات عن لانا , وهذا هو الملف بين يده
اسمها لانا الـ........ , بنت رجل اعمال معروف و...
" هالعائلة مو غريبه عني أبد , اذكر انه قبل 4 سنين اتعاقدت مع شركتهم , والله وطلعت من طبقة راقية . لكن ما توصل لمستواي ابد "
قاطع افكاره صوت جواله
رفعه وهو يشوف اسم المتصل ورد بهدوء : الو
وصل له صوت انثوي ناعم : حبيب ألبي وينك انت ( لبنانية )
عبدالملك بجفاء : بالشغل
: تيب حبيبي تعال لي والله مشتائة لك ( طيب حبيبي تعال لي والله مشتاقة لك )
عبدالملك : مو فاضي لك الحين

: بليز حبيبي لا تكسر بخاطري
عبدالملك بحدة : ريتا !!
ريتا بزعل : خلاص سوري
ما رد عليها وسكر السماعة بوجهها
وبسرعة اتصل على رقم ثاني
وثواني وجاه الرد
: الو
عبدالملك : حبيبتي
: هلا عبدالملك , اتصلت عليك وكان الخط مشغول ( وبغيرة ) من كنت تكلم
عبدالملك بضحكته الجميلة : خويتي الثانية
تكلمت بعصبية : عبدالملك !!
عبدالملك : امزح عليك , جهزي نفسك بمر عليك ونروح نتعشا بمطعم
بزعل : لا ما ابي
عبدالملك : خلاص بكيفك بتصل على وحدة من خوياتي تروح معي ما وقفت عليك يعني
تكلمت بسرعة : لا لا خلاص , بروح معك
عبدالملك بحدة تصنعها وهو بقلبه يضحك على سذاجتها : ثواني واكون عندك , اذا تأخرتي بروح واسيبك
وقفل السماعة بوجهها .
قام من على كرسيه وطلع من المكتب
وهو يمشي بين ممرات الشركة لاحظ انه مكتب احد موظفيه فاضي
وقف وتكلم باستنكار : بدر وينه فواز ( الموظف اللي دخل مكتبه قبل شوي )
قام من على مكتبه احترام لمديره و تكلم بحزن على صديقه
بدر : والله طال عمرك جاته ازمة الربو واتعبته , فاستأذن وخرج
ضحك عبدالملك ما اتوقع انه السالفة جد لكن مع كذا ما اهتز فيه شيء او حرك ساكن
: طيب , يلا انتبه لشغلك ما ابي اغلاط
بدر باحترام وهو بنفسه استغرب عن سبب ضحكه : ابشر

مشى من عند بدر من دون ما يرد عليه وخرج بسرعة من الشركة
ـــــــــــــــــــــــــ ـــــــــــــــــــــــــ ـــــ
عند مدى ~
اتمددت على سريرها وهي تفكر بخطيبها فارس اللي ما كلمته من 5 أيام وخايفة عليه , ارهقت جوالها وهي تتصل عليه لكن من دون رد , واخذت عهد على نفسها انها ما تتصل عليه مررا ثانية هو اللي غلط ولا بد يتحمل , بس اللي شاغلها ومرهق تفكيرها وش السبب اللي ما خللاه يتصل عليها او يسأل هذا وهم بنفس المدينة
دق جوالها وردت بتملل من دون ما تنتبه للمتصل
: الو
فارس بحب وترحيب : هلا والله , هلا بزوجتي الحبيبة
كشرت من سمعت صوته وهي تسب بنفسها انها ردت بدون ما تنتبه للمتصل لأنه كان ببالها اذا اتصل تحقره وما ترد عليه : ............................
فارس : مدى حبيبتي وينك ؟
مدى بعصبية : بجهنم الحمرا
ضحك على عصبيتها وهو مشتاق حده لشوفتها : الحلو ليه معصب
مدى على نفس عصبيتها : لا يا شيخ , تستهبل حضرتك ؟
فارس : لا ما استهبل , وش بلاك معصبة
مدى وهي تهدي بنفسها تكلمت وهي ترص على اسنانها : وينك فيه , لي كم يوم وانا اتصل عليك وانت حاقرني , ممكن تفهمني السبب
فارس بهدوء : اشتقتي لي ؟
مدى بنفي : لا ابد
فارس بضحكة : احلفي
مدى بثقة : والله
فارس وهو يرفع حاجبه كأنها امامه : انه ؟
مدى بقلة حيلة : اني اشتقت لك وخفت عليك , ليش ما ترد ؟
فارس بمزح : كنت مع حبيبتي وتو فضيت
عصبت وسكرت السماعة بوجهها
حاول يعيد يتصل فيها لكن ما ترد

وبعد دقيقتين ارسل لها مقطع صوتي وهو يغني :
أبيك بجنبي الليلة ترا كل الجروح صغار
كبير الجرح في ظنك .. أنا في ظنّي أصغرها
خل اللي سمع يسمع .. أساساً ما بقى أسرار
غيابك كسّر سكاتي وكل أسراري أظهرها
غيابك علّم الدنيا تغيب وتذبل وتحتار
وعلمني عليك أبكي ألوم النفس وأقهرها
أبي ترجع تسولف لي تعلمني وش الأخبار
أنا أحب اختصر عمري في ليلة جنبك أسهرها
تعال ويكفي احراجي تعبت وما عرفت أختار
ترا ما بينك وبيني حلولي انت أكثرها
ولاني ناوي أحكي لك على اللي في غيابك صار
كفاك من الألم عيني ليمن شفت منظرها
وبعدها اتصل عليها وردت عليه وهي معصبة
: وش فيك تتصل ؟ روح عند حبيبتك غني لها
فارس بضحكة : كنت باخذ رأيك بصوتي عشان اذا حلو ارسل لها
مدى بعصبية بالغة وهي نفسها تموته : فارس !!!
فارس ببرود : عيون فارس
مدى وهي تبكي : انت تكذب علي صح ؟
فارس زعل وبنفس الوقت كان طاير من الفرح بأنها تغار عليه : تغارين ؟
مدى : أموت غيرة مو بس أغار
فارس بحنان : حبيبتي والله كنت أمزح معاك أنتي حبيبتي وقلبي وروحي وكل دنيتي انتي وبس !
مدى : فارس لا تكذب علي
فارس : يشهد الله علي اني ما اكذب عليك بولا شيء
مدى : طيب وليش طول الفترة اللي مضت ما تتصل ولا ترد على مكالماتي
فارس : اعذريني حبيبتي بس كنت تعبان
مدى بخوف : ليش ؟ فيك شيء ؟

فارس وهو مستمتع بخوفه عليها تكلم بصدق : طول هالأيام كنت بالمستشفى والجوال ما كان معي
مدى بخوف وعادت لها نوبة البكا من جديد :قول أنك تمزح
فارس بتعب : لا والله ما امزح , تعرضت لحادث بس الحمدلله جات سليمة
مدى وهي تمسح دموعها : وينك فيه ؟
فارس : في بيتي ليه ؟
مدى : دقايق واكون عندك
فارس وهو محتاج لشوفتها : جد ؟ بس ترا ما فيني شيء لا تخافي
مدى : من دون بس الحين بجيك
فارس : طيب حاولي تتاخري شوي
مدى باستغراب : ليه ؟
فارس بضحكة : الى ما حبيبتي تروح , ما ابيها تزعل ان شافتك
مدى ببرود عكس النيران اللي بقلبها وهي عارفة انه يكذب عليها , بس مجرد انها تتخيل فكرة انه فارس يعرف وحدة غيرها يقتلها : كل تبن دقيقتين وانا عندك
وقفلت السماعة بوجهه
وراحت تجهز نفسها وهي بقلبها خايفة عليه , وانه يكون به شيء ويكذب عليها
ـــــــــــــــــــــــــ ــــــــــــــــــــ
يتبع ....