البارت الثلاثون..
اليوم..ليس يوماً عادياً..!!
فهو يوم زواج دنيا وفارس..
الزوجين..الذي نطبع فوقهم مئة علامة استفهام..!!
مامصيرهم..وكيف ستكون حياتهم..!!
في مكان ما بقاعة الزواج..
نظرت لشكلها في المرآه..وبحالة "هستيرية"..جلست تكلم نفسها..
ربما نراها تكلم نفسها..لكن هي تعتقد..انها "تكلمه"..!!
..:تمنيت هاليوم دايم..لكن ماتمنيته الا معاك..انت وبس..ليه رحت وخليتني..؟؟!!
على الاقل كان اخذتني معاك..قد ما احاول انساك..ما اقدر..بالأصح..ماابي..
حست باليد اللي تلتف على خصرها..وشافته..من "المراية"..
قالها بصوت مخنوق ومترجي..:خلاص..الله يخليك ارحمي نفسك..!!
نزلت دمعة من عيونها وابتسمت بالم..:انا لين الحين عندي امل..انه يرجع..
شد عليها اكثر..وحط راسه على كتفها..:تعوذي من ابليس..حرام وربي حرام اللي تسوينه..
نزلت دموعها كالسيل على خدها..:وانت ليش تعذب نفسك معاي..؟؟!!..ليه ماتقول مابيها..؟؟!!
تركها ولفها لين سارت قدامه..ومسك خدها بايده..:لو تركتك..في مليون واحد ممكن ياخذك..!!
..:وانت..
قاطعها بمزح..:حافظ على قردك..لا يجيك اقرد منه..!!
ومسح دموعها بايده..:خربتي شكلك..ما ابي الناس تقول عروسته مبهذلة..!!
ابتسمت على الخفيف..وسكتت..!!
****
..:الانفصال..
..:اييييش..من جدك تتكلمين..؟؟!!
..:اييه..ابي اقوله على هالموضوع..
..:دلال..بصراحة انا صح ضرتك والمفروض تكرهيني واكرهك..بسس
قاطعتها..:ادري..بس الحين انا اعتبر عائق في حياتك..!!
شيما..:دلال..انا صراحة احب خالد..وابيه لي لحالي..صح انكم ماتكلمون بعد وانا مبسوطة كذا..
دلال..:عشان كذا..من البداية انا وخالد ما نناسب بعض..من قبل ما يعرفك..!!
شيما..:بس تدرين..احياناً لما يسأل عنك..وأطالع عيونه..اغار..!!
دلال ابتسمت وتجمعت الدموع بعيونها..:هو دايم كذا..كنت لما يخاف علي احسه يحبني..بس لا..يمكن انا زي اخته..!!
شيما..:انا مو قصدي شي..بس قصدي انه يمكن يكن مشاعر لك..بس مايبي يطلعها عشاني..!!
دلال:انا وخالد حبينا بعض وحسبنا ان هذا هو الحب..بس لما لقلا حبه الحقيقي انا كنا نوهم نفسنا وبس..
شيما..:وانتي وش دراك..؟؟!!
دلال..:انا اماكنت ادري..وزعلت حسيتها خيانة..!!..بس لما لقيت حبي الحقيقي انا كمان..عذرته..وتمنيت اني مثله اترك كل شي عشان حبي الحقيقي..
شيما..:ومين حبك الحقيقي..؟؟
دلال ابتسمت بالم..:ما اقدر اقولك..لانه مستحيييل يسير من نصيبي..احبه واعشقه وانا ادري انه مستحيل بس اوهم نفسي عشان ارتاح..
شيما..:كذا الدنيا..اوهام باوهام..وعاشقين وعاشقات..بس محد ملاقي الثاني..!!
دلال سكتت..وتنهدت بضيق..
****
قبل الزفة..
مسك يدها..وشد عليها بقووة..
لمسة يده..حسستها انها ما تحلم..كأنها طلعت من حلم..
تتمنى انها تحلم..لكن للأسف انها متأكدة انها الحقيقة..
صحت على فتح الباب..والاضاءة اللي جت عليها..وصوت اغنية الزفة..والف الصلاة والسلام عليك ياحبيب الله محمد..!!
دائماً..يمر هذا اليوم لكل فتاة بتوتر و"قلق"..الا هي..كانت في عالم آآآخر..لكن عندما قطعوا نصف الطريق الي "الكوشة"..
فكرت بجدية..للمرة الأولى..هيا من الآن..وكأنه حصل تبدل بين سالم وفارس..ونصف قضيته مع سالم..والنصف الآخر من حياتي..
يجب ان اهبه لك..
ككل أم..تكون سعيدة في زواج ابنها..لكن تخاف ان زوجته تسلبه منها..
هذا يعتبر "تخلف" فكري..حتى قبل ان ترى الفتاة اللتي ستتزوج ابنها "كنتها"..تكرهها..!!
لماذا..؟؟!!.."اعرفيها بالأول..بعدين احكمي"..!!
كأغلبية الحريم..وقفت أم فيصل تنظر الي فارس ودنيا..وابتسمت..وكأنها "انتصرت"..!!
ليست كالحكايات الدرامية..لكن..ربما هناك حقاً هناك اناس تفكر هكذا..!!
ربما بالغت في روايتي..وتأثر قليلاً بـــ"المسلسلات الخليجية"..!!
لكن لنأخذها كعبرة..!!..نستفيد حتى ان كانت قصة غير واقعية..
لنغير تفكيرنا للأفضل..!!
****
دلال..هل حقاً ستنفذ خطة الانفصال..؟؟
دنيا ماهو الطريق اللذي قررت مضيه مع فارس..؟؟
رفيف و مشعل..هل انتهى دورهم بانفصالهم...؟؟
فيصل وجنان..هل هو هدوء ما قبل الــــ"عواصف"...؟؟
كل هذا ستعرفونه في روايتي (عاشقان في دنيا الأوهام)..
|