[لامارا]

ــــــــــــــــــــــــ

البـآرت (40) روايـه جروح بلا دمـآء ••

مظلوم في دنيا بها الله بلاني عايش ولكن عايش إنسان مكبوت
عايش يتيم ما عرفت الأماني غصب علي أنا أقبل الظلم بسكوت !!
..
الظهــر الساعه 1 ص
طلعت في الحوش ..وقفت بصمت من شفت السما تمطر ..ابتسمت بفرح رفعت راسي بملامح هاديه ...يارب انك تغسل قلبي مثل ما تغسل الارض بالمطر ...
تنهدت بعمق رفعت ايدي ع راسي وايدي الثانيه رفعت جلابيه اللي لابستنها ..ركضت بلا نعوول برجلي ..توجهت للمطبخ الخارجي ..وصلت تحت المظله وانا انفخ بابتسامه ..تمسكت صحن متوسط وانا اجهز الغدا ..خلصت بشكل سريع غطيت الصحن بشيلتي ..كنت بركض بس وقفت من زاد المطر بقوه ..
ارتجفت بقوه من سمعت صوت الرعـــد العالي ..حسيت قلبي راح يطلع من الخوف ..انكمشت ع نفسسسي وانا اجلس ع ركبتي ع الطين اللي بالارض ..
خليت الصحن بالارض ...
ناديت بصوووت عالي وانا خايفه حدي :قيــــــــــــــس ...مروآآآآآآآآن
انتظرت شوي بس ماجاني احد ..
غطيت وجهي بقوه وانا اصرخ من صوت الرعد اللي رج المكـــــــــــآن بصوته ..مسكت الشيله وانا اغطي وجهي بسرعه واتكلم بصوت عالي وبسرعه :يااارب رحمتك ياااارب ...ياااارب تلطف فينا ياااارب ..
شهقــت بصوت عالي من حسيت بايد تحوط بكدفي وقفت ع طول وانا اناظر : قيـ..(فتحت عيوني ع كبرها من شفتـــه انصدمت همست بصوت واطي )هــآدف
ابتسم لي قرب مني وانا تبنجت ولا قدرت اتحرك ابد ..همس بصوت يالله ينسمع :ســآمحيني
غرقت عيوني بالدموع وانا اهز راسي بلا ...نزلت راسي وانا اخفي عبرتي اللي غصت لي بحلقي :ما اقدر
رفعت راسي بسرعه من شفت رجله تتحرك رايح عني ...راح تحت المطر ..وعيوني تتبعه واناظره ..تحركت بكل هدوء وراه
قربت منه بسرعه وانا اركض له ..مسكت ايده بــــس اختفى من جدام عيوني
صرت اتلفت يمين ويسسسار بس محد ..ما حسيت بشي ..ما حسيت بالمطر اللي غرقت تحته ..ما حسيت بصوت الرعد اللي دوم يخوفني ..ما حسيت بقيس ومروان اللي يناظروني مستغربين ع مين ادور ولا ليش اركض !! ..
ما حسيت بغيررر شي واحد هـآدف...كان معاي !..آيه كان موجود ..غمضت عيوني بقوه وانا اضم بجامتي ع صدرري ..
طيـــــــــفك يا هادف صار يخاويني وانت ما موجود ..
صرت اهوجس فيك ..
بجن والسبب حبي لك ...
تعال !... تعآل شوف ايش صار فيني من رحت عني ...تعال شوف حبيبتك ايش صااار فيهاا من ابتعدت عنهااا ...
طحت ع الاررررض ع ركبتي انتثر ماي المطر اللي بالارض بالهوى وانا اشـــــــــآهق بصوت عالي ..ضربت ايدي ع الارض وانا انحني ع معصم ايدي ....
اسمع صوت خواني بسسس وربي ماني مركزه معهم ابــد
رفعت راسي لسماااء وانا اصررررخ مغمضه عيوني وقطرات المطر تبلل وجهي بكل قووه :اللــــــــــــــــه لالآأ يخليني اذا خليتك تتهنـــــــــــــى بحياتك ياااا هادف ...
نزلت راسي فتحت عيوني ...رفعت شعري من ع جبيني ناظرت خواني ابتسمت لهم ..وقفت وانا ارتب ملابسي ..وكل لحظه اشااهق بصمت ..قربت من الصــحن
التفت ع خواني اللي يتهامسووون ويناظروني تكلمت بصوت عالي وبعصبيه متلخبطه بعبرره :تحركوو روحو داخــل..
عضيت ع شفتي ورجعت عيوني تدمع من راحوو ..مسحت دموعي بكدفي وانا امشــي بسرعه لداخل
دخلت الصاله حصلت ابوووي جالسه ينتظرنا خليت الصحن بسرعه ع الارض تكلمت بصوت هادي رايح من البكي :سامحني يبه تاخرت عليك ..انا بروح ابدل ملابسي وما ابي غدا ..
تحركت ع طول قبل لا يعترض ع كلامي ..دخلت غرفتي وقفلت الباب ..غيرت ملابسي بسرعه قبل لا يحوشني زكام ...
سحبت الشيله من الدولاب ..نزلت راسي ع طول من طـآح التالفون ع الارض ..
ثنيت بجسمي وشلته جلست ع الفراشي الارضي من بعد ما غيرت ملابسي الرطبه ..تغطيت بالبطانيه حسيت ببرودت الجووو ورجلي صارت بارده ..
مسكت كلانكس وانا امسح ع خشمي اللي بدا يسيل من البكي ... شغلت التالفون ضميت ايدي مع بعض وانا احضن التالفون بين ايدي اخفف من رجفتهاا ...
شتغل بكل هدوووء ..ناظرته بصمت من جات المكلمااات .. بلعت ريقي بتوتر من شفت 7 مكالمات من هادف ...
عضيت شفتي السفليه ..ليش يتصل ؟.. شيبي مني ؟!..يعني ما كفاه اللي سواه واللي صااار ...جاي يكمل علي الان ...
ضغطت ع اسمه ناظرررته واحس قلبي راح يطلع من الخوووف ...اتصال ..رساله ....ضغطت ع اتصاااال ...
رفعته ع اذني وايدي ما قادره توقف من كثر الرجفه اللي فيها ..بلعت ريقي بقوه من حسيته يررن ..بس محد يرد
نافخت بضـــيق ..حدي متوووتره ومرتبكه ..
غمضت عيوني بقوه وانا انكمش ع نفسي من جاني صوووته الخششن بس كان هادي هدوء غريب ..:جنـآان
شبقول ؟..شنو برد عليه ..
انتفض قلبي من تكلم مره ثانيه وهالمره غيرررر ..كانه ما نفصلنا ولا كل واحد راح بطريق :اقولك انا اليوووم برجع ..وبجي اخذك ..وبكره راح نسافر انا وانتي ..(سكت فتره قصيره ..وانا خليته يكمل كلامه ) يكفينا اللي صاار ..خلينا نعيش بعيد عن الكل ..يكــ
قاطعته بقوه وانا شوي واكله من القهر والله لو جدامي كان ضربته كف ع عينه مالت عليه شنو ع باله هذااا :سمعنـــي ززين ..يا زوجي السـآبق ..احنا ايش يا بابا انفصلناا ..يعني بالعربيه كذا افترقنا وكل واحد بطريق ...يعني ايش يا حبيبي ابي ورقة طلاقي اليوم لما ترجع ..تماام ..كـلآم طالع نازل ماابي ..(نزلت التالفون وسكرته بوجهه )
نـآفخت بصوت عالي ..رفعت راسي لفوق ناظرت السقف ..نزلت راسي من سمعت صوت التالفون يرن
شفت رقمه ..سكرت بوجهه وبندت التالفووون خير شر ..خليته تحت المخده ..
•


•


•
خان المحبه وصار شخص أناني وحرم علي حتى اتصل اسمع الصوت
ما دام صرحي انهدم مع كياني وش تنفع الصرخه إذا فايت الفوت
الموت ارحم من حياتي أعاني ولا ظن فيه أرحم علي من الموت..!!!
...
رميت التالفووون ع طول ايــد ع الجدار بكل قهررر ..فولت من العصبيه اللي احسها راح تفجر قلبي .. ضميت ايدي لبعض وانا اخليهم تحت ذقنــي عقدت حووواجبي بضيق ..تبــي ورقة طلاقها ..طــــــــيب لها اللي تبي ..وقفت بكل حيلي البس جاكيتي ..تحمد ربها اني سامحتها ع سواد الووجه اللي سوته ..والان جايه تبي ورقة طلاقهاا ..
طــيب يا جناااان ..مسكت كابي الصوف ولبسته لبست نظارتي الشمسيه مديت ايدي وشلت المحفظه وطلعت من الشقه ..
وقفت بنص الدري اول ما شفت الثلج بكل راحه ع الارض ..ابتسمت بكل هدوء ..المنظررر عجبنــي حيل ...
ضميت الجاكيت تماام علي ..وع اوول تاكسي ركبت احجز لسعوديه ...تنهدت بضـــيق وانا اناظر المنظر من الزجاج ..ســـرحت لبعيد
بصراحه ما كنت متوقع تطلق الطلاق او انهااا ترفع صوتها علي ...واللي ذبحني وقهرني اكثرر سكرت التالفون بوجهــي ....
غمضت عيوني بقوووه ..تغيرتي كثير يا جناان ..ع بالي هالشهر راح يغيرك وتحنين لي ...راح تشتاقين مثلي بضبط ...بـــس اظاهر حساباتي كانت خطا بخطااا....نزلت راسي بكسرت خـآطررر..والله قلبي حزن ع الحال اللي وصلنااا له ...
لاآ... ما كان هذا الطريق اللي كنت ابي اوصل معاهاا...انفترق !...عقلي وقلبي رافض رفض تام الفكرره ..بس هذا هو اللي تبيه ...
اخاف لو حاولت معاها .. تخذلني ..بـــــــــــس اللي كاسرني وما ابي ارجعها الموقف والمنظر اللي صااااااار واللي شفته ..
عضيت ع شفتي بقوه وانا اتذكررر ...من وين جاء ؟.. وكيف ؟.. وليـــش ؟اساله كثيرره ابي اعرفهاا ..وما راح اعرفهاا الا اذا رجعتها لي ..
اذا كانت تعرفه من قبل ...بلعت ريقي بقوه ..راح اتركهاااا تتهنى معاه الحيوان السافل ..حتى هيه انسسسانه واطيه خـآينه ...
اخاف اذا رجعتهاا تكذب علي وتنكررر ..وتسوي اكثررر من كذا ..وبكذا هيه راح تطمن اني ما اقدر اعيش بدونهاا ..
ابتسمت ع الجانب بخبــث ...بس انااا اللي بالي راح فيه بسويه ..بحاول فيها تقتنع وترجع ...
وبعدهاا يكون لي معاها تصرف ثاني يا جنااااان ...
انتبهت ع السايق اللي يناديني له سااااعه ...ناظرته نزلت ع طول من بعد ما حاسبته ..
•


•


•

الساعه 2 صـ
لا تحسبوا الرقص طرباً .. فالطير يرقص مذبوحاً من الألم .!!
.....
ناديـــت بكل صوختي اناديها حظرت جانبها ولا نزلت لحد الان :رنــــــــــــــــــــــ� �داء
نافخت بصوت عالي لي اكثر من ساعه جالس بصاله لا غدا ولا اكل ولا روحه ولا جيه ..تعبت من الجلسسسه ..رفعت شعري اللي مطووول حيل مثل شعر البناااات ..كرهته حيل رفعت وهو يرجع رفعت شفتي لفوق بقهر منه ...رفعته بقووووه وهو يرجع لحد ما دخل فعيوني ...ع طول غمضتهااا وانا امسح عليهااا
نزلت رااااسي وانا مكشششر بقوه ..
:شنو تبي فيني ؟؟! ذبحتني من كثر ما تنادي ...حتــى ما عرفت انااام من صوووتك الكريه
رفعت راسي بعصبيه خاطري اهجم عليهاا ...اول ما شفتهاا عقدت حواجبي بصدمه من ملابسهاا ..
ابتسمت ع الجــآنب وانا اوووزع نظراتي لهااا ..وووووااااو بصراحه ...






رفعت شعرري واناا انفخ صدري بابتسامه عريضه :مـآشاءالله كل هذااا لي انا ..
تخصرت وهيه ترفع حاجبها اليسااار :شوفو هذا المجنووون ..لا تصدق حالك كثيررر ..اصلا انا كنت ابي انااام بسسسسس (عصبت وهيه تصارخ ) انت ابد حرررام تخلي احد يرتاح وينام شوي
مديت ايدي لهاا مطنش كل كلامهااا :ساعديني خلينا نروووح نتغدا ..(غيرت ملامحي للحزن واللي يناظرني يقول طفللل ) حرام عليك جوووعان حدي
ناظرتني بغرور وهيه تناظر اظافر ايدها اليمين :والله انت تعرفه المطبخ والاكل فيه ..روح لحالك انا ما ابي اتغدااا ...الحمدلله قبل شوي ماكله
فتحت عيوني ع كبرها ونزلت ايدياللي مادنها متى راحت وانا ما شفتهااا :متى اكلتي وانااا لا ؟؟
ابتسمت وشوي وتضحك علي :مدرري عنك كنت ناااايم ..رحت انا وتغدين كنت ابي اصحيك بس قلت لا حرااام شكلك كان تعباان ..فخليتك تناام
عصبت عليهاا من جد :رنــداء عن الكذب انااا ما نمت ابد ...متى تغديتي ؟؟؟
لفت وعطتني الظهررر :اذا انت مخرف انااا ما مخرفه ..(لوحت بايدهاا بلا مباله ) روح تغدا لحالك
صرخت عليها من شفتها تمشي رايحه فوق شوي وابكي من الجووع :رنــــــــداء تكفين والله جوعان ..(ابتسمت بفرح من شفتها وقفت ولفت وناظرتني خليت ايدي ع صدري اترجاهاا هالنذله هييييين انا لك ) علـــشان خاطرري تعالي
رفعت حاجبها اليسااار وهيه تتنهد بصوت عالي :اووووووووووف ..استغفر الله ياربي من هالمصيبه اللي انا فيهاا ..(تكلمت بصوت عالي ) لحظه شوي بجيب لك اكــل
اتكات ع الكنبه ابي اووقف :خذيني معك ..
لفت بقوه وهيه تاشر بصبعه :لااااااااااااا ..انا بجيب لك الاكل
تحررركت شوي نكسفت رجلــي ع الارض وتهااويت ع الارررض ..قبل لا اطيح ع الارض كانت هيه واصله محوطه ايدها ع خصري ولاصقه فيني ..
تكلمت بنبرره اهتمام ووواضحه بصوتها :تالمت ..؟؟؟
همست لها بالم وبكذب وانا مكشر بملامح وجهي :آيــه رجلي تالمني حــيل
لفت ايدها اليمين ع ظهري وايدها اليسار ع صدري وهيه ترجعني للخلف :اجــلس شوي كذا راح تتعب
رصيت ع ايدي اليمين قميصها من الخلف بقوه :لآ ..اخذيني المطبخ ابي اكل
ناظرتني وشوووي وتاكلني بعيونهاا حسيتها منقهره مني: اووووووووووف منك
ابتسمت بيني وبين نفسسي ..ظلت تمشيني شوي شووووي .. لحد ماا وصلنا المطبخ ووصلتني للكرسي رمتني ع الكرسي وهيه توقف ماسكه ظهرها بالم ..كنت بطيح الجانب الثاني بس مسكت بطاوله ضحكت عليهااا ..والله ما اخليك الا لماامووووتك من التعب
نافخت بصوت عالي وهيه تمشي للغدا اللي جمب الغاز ..ابتسمت من شفتها عاطتني الظهر ..ظليت اناظرهاا بتمعن ...وعيــوني مركزه ع مكان واحد في جسمهاا وع شفتي ابتسسسامه واسعه..
:تبـــي كتشب ولا بلاهاا .؟
ما رديت عليها وتفكيـــــــــري بعيد .. متـى راح اطيب والله ما اخليك بحالك ..النـذله تدلع بلبسها لما تحسني ماني قادر اوصلهاا ..
عضيت ع شفتي من عطتني الوجه وتناظرني بتهديد :سمعني ما راح ااكلك لحالك اكل ..
رفعت حاجبي اليساار وانا امسح ع ذقني اللي كبرت فيه اللحيه بشكل واضح :بسس انا ماا اعرف اكل بايدي اليسار ؟..صعب علي
ضحــكت عليها من ضربت جبينها بقهههررررررر حتى وجها صار احمر من الضيم :الله ياخذني لما اخذيتك
نزلت راسي وانا اضحك عليهاا :ههههههههههه ..اآمين
رفعت راسها وكانه احد قرصهاا خزتنــي بعيون قويه تخصرت وهيه تقرب تخلي الصحن ع الطاوله :نعـــــــــم شنو قلت ؟؟!!
ناظرت عيونها وهيه تخـــز ..ما اقدر وربي عيونهاا فيها سحر تسحــرني حيل لهاا بلعت ريقي بقوه :رنداء للمره المليون اقولك لا تخــــــــــــزين
رميت المعلقه ع الطاوله وشكلهاا تبي تسوي مشاااكل قربت مني وهيه ع نفس نظراتهااا قربت مني بشكل قريب حيل مسكتني من قميصي وهيه تشدني لهاا تكلمت بصوت هامس وهيه تخز بنظره اربكتني حيل :ليــــــــــش ؟ليش ما تحب اني اخزك ؟.
ناظرت عيونها وسكـــــــت عنها نزلت عيوني لشفايفهاا الورديه المليانه شوي همست لها من بعد صمت دام خمــس دقايق تقريبا : لانـــي احبك زياده ...
تغيرن نظراتها لصدمــه فتحت فمها بدون استيعاب صارت تناظر عيوني بتشتت ارتخت قبضت ايدها لقميصي حتـى لون وجها تغيرررن وحمر ..:بــ....بس انا
رفعت ايدي لفمها وغلقته بكل راحه غمضت عيوني بهدوء : لا تقولين شي ...ادري اللي بتقولينه (فتحت عيوني ونزلت راسي واانا ابعد ايدي عنها ) تركيني لحالي شوي
صلبت طولها ع طول ..وطلعت من المطبخ ..تنهـــــــــدت بصوت عالي رفعت راسي لفوق ..فتحت عيوني وانا اتكلم بصوت هامس :معقــوله بيجي يوم وتحبني مثل ما احبهااا ..
نزلت راسي ونزل شعري لجبيني ..ناظرت الاكل فتررره طويله ..هــه والله نسدت نفسي من الاكل
ناظرت برع المطبخ ..كيف بطلع الان؟؟..ما ابي منها مسساعده ...ما ابي اطلب منها شي وتعذبني بعدها ..
خليت معصم ايدي ع الطاوله وراسي ع معصم ايدي وغمضت عيوني ..يمكــن انام شوي ...
..............
واقفه عند الباب بدون حركه ..سمعــــــــــــته واخيراا اثبت لي انه يحبني ..هذا اللي كنت ابيه ..اسمعه لحاله يتكلم ويعترف لي بحبه ...
نزلت راسي بابتسامه عريضه ...تنهدت بوووووناسه وانا احس خدوودي نار ..حركت راسي اناظره بالمطبخ ..
عقدت حواجبي من شفته مغمض عيونه وشكله نايم ..او يتظاهر بنوم ...ناظرت الصحن ليش ما اكل ؟...دخلت المطبخ وانا اتجسس قربت منه
ابتسمت وانا اناظر شكله وهو نايم قربت ايدي بكل هدووء رفعت شعره اللي ع جبينه ...
اختفت ابتسامتي من فتح عيونه ..وناظرني بصمت ..
بلعت ريقي وانا اوقف تمام لوحت بايدي :قوم راح تنام بغرفتك ..
سكـــت ولا رد علي ولا تحرك بس يناظررر ..
توووترت من جد .مسحت ع رقبتي بارتباك من نظراته :شفيك تناظرني قووووم ..
ستغربت منه من غمض عيونه ولا رد علي ...
عقدت حواجبي باستغراااب ابتسمت بخبث ..جلست ع الارض وانا اقرب من رجله دسيت تحت الطاوله وانا احوط ايدي ع صدره ابعده عن الطوله واطلع جدامه ..هنا انا صرت بحظنـــه وجلست ع رجلهاا
فتح عيونه ع كبرهااا من الصدمه
ابتسمت له بخجـــل وانا ارفع شعره للخلف : قـــوووم راح ترتااااح شوي
مدري شفيه حسيته مبيوووووووع وكانه ما مصدق اني جدامه استغربت من رفع ايده ويخليها ع جبيني :هــآه شفيك ؟...ليكون حرارتك مرتفعه وانا مدري ؟
عصبــــــــــــــــــت عليه من جد ضربته ع صدره وانا اووقف وابعد عنه :هذا جزاي جايه اساعدك ..
قهـــــــــــــــرني بسكوته اللي يبط كبدي ..
نافخت بصوت عالي وانا اضرب فخذي طالعه عنه ...ما يفهم ولا راح يفهم ابـــــــد ..حركت شعررري وانا انثرره بقوه باحراج من حركتي اللي سويتها... حسيتها مالها داعي ..
شنو راح يقول الان ؟.. اكيد بيقول ما صدقت خبر اني اقولهاا احبك ......لآآآآآآآآآآآآآآآآآآآآآ ياربي دخلت غرفتي وانا شوي وابكي ..
موووقف سخيف وربــي ..تافهه تافه تافه ...اخذت نفس طويل واناا اجلس ع السرير بقوه واتغطى بالبطانيه ..تمددت ع طووووول وغمضت عيوني بقوه ..
مالي وجهه اناظره بعد الان ...آيه مستحيل انزل ولا اشوفه ...
تنهدت بعمق وانا احاول انااااام
•


•


•

الســآعه 4.العصر..
يمر يوم وكل يوم يمر أحس أني حزين
أمسي على ضيقة صدر وأصبح على ضيقة صدر!!!
......
طــول الوقت اللي فات كنت متمدده ع الارض وافكــــــــــــر..وهو ولا طلع من الغرفه ..آيه اعترف اني غلطانه وبقوه بعد ..
بس هو كماااان غلطان ..غمضت عيوني بقوه ..بس هوه جاء واعتذر وكان يبي يصالحني ..بس انا دوم متهوووره وتصرفااتي ما احسب لها حساب ...
قمت اجلس اصلب ظهرري اللي احسسسه متكسر من الارض ..وقفت وانا ايدي ع ظهررري ..قرب من الطاوله اللي عليها الاكل ..ابتسمت ..مسكت كاس العصيررر حـآرر..بس شربته كامل ..شحت بعيوني ع علبه ع الطاوووله بالون الاحمر المخمل ..
رفعتها وفتحتهاا ..فتحت عيوني ع كبرها من طقم الالماس الروووووووووووعه ..خيال بصراحه ..مسحت عليه بطراف اصابعي ..عضيت ع شفتي بلوم من تصرفي الووووقح معاه ..
خليته ع الطاوله .عقدت حواجبي من شفت التذكرتين اللي تحت العلبه ..مسكتهم رفعت ايدي اغطي عيووووووووني بصدمه ...ياربي انا شنو سويت ؟؟؟؟؟؟
عضيت اخر صبعي السبابه بقهررررر ...لفيت جسمي ع غرفته من نفتح الباب ..
طـــــــــآح قلبي من الرعب والخوف ..ع طول عطيته الظهرر ..وربي مالي وجه اناظره من بعد اللي صااار ..توتـــــــــــرت موت وانا اسمع خطواته الرزينه ..
التفت ع طول من سمعت صوت الباب حق الصاله يفتح ويتسكررر ..طـــــــــلع ولا قال شي !!..
جلست بخيبت امل قوووويه ع الكرسي اللي جمبــي ..رميت التذاكر ع الطاوووله بعصبيه وانا اوقف ركبت فوووووق بقهرررر ..
•


•


•
مهما تغيب القلب ماهو بناسيك..اصبحت تجري فيه مجرى وريده !!
...
السـآعه 8 م..
متجمعين احنا الثلاثه في الصاله ..انا وشوووق جالسين جمب بعض وناكل حب وبندر جالس مقابلنا ومندمج حده بسوالفه وبطولاته اللي ما تنتهي ..لابس شورت ابيض مخطط بالعرض بالون الاسود وقميص واسع بدون اكمااام ..وشعره منفوووش وكانه متضارب مع احـد ..
التفت ع شوق بخوف من صرخت بقوه وتاشر ع بندر :كــــــــــــذاب لا تصدقينه ..والله كذاب كذااااااااااب
ناظرت بندر ابي افهم ايش قال ؟..بس ما كنت مركزه معهم ابد ..ابتسمت ع شوق بهبل :ليش ايش قال هوو ؟
ضحك بندر وهو يهجم ع شوق يسدحها ويغلق فمهاا ناظرني بابتسامه واسعه :وووولا شي..ما قلت شــــي
جاني الفضوووول اللي يذبحني دفيته ع كدفه يبعد عن شوق سحبتها من تحته وانا اتكلم بسرعه :شنو قاااال شنو ؟
ناظرت بندر اللي يمرر صبعه ع رقبته بمعنى راح يذبحهاا لو قالت لي ..مسكت المخده اللي ع الكنبه ورميتها عليه :اسكــت انت ولا تخوفهاا ..(ناظرت شوق بفضوول ) قولي حبيبتي شنو قال ؟
تكلمت وهيه تخزه بقوه ونظراته كلها خبـث صارت تقول وهيه تمد الكلام :تعــــــــــرفين اريــج ..هذا زوجـــك ايش كـــــــان يسوي قبل لا يتـــــزوجك ..
تحمســـت بقوووه من كلامهاا ..التفت عليه وانا اخزه بقوووه ..اكــيدد مهبب شي ناظرته :قوولــي عاد
ابتسمت وهيه تتكلم :كـآن هو وخويه زيـآد يجون المدرسه حق البنــآت ...(اشرت ع بندر بحقـد ) كـآن يجي يشوووف حوووور بنت خالتي وهيه النذلـه تطلع من الحصص علشان تشوووفه ..وخويه زيــآد كان يواعد بنــت ما اعرفهاا ابد ..ونقطعو بس من فترررررره بس صارو ما يجوون ..
انصـــــــــدمت ..شي حسيته ما يدش العقل بندر كل هذا يطلع منه التفت بهدوء اناظره عاقده حواجبي بنـت خالته حور !!!... من هذي بعد وليش ما تكلم عنهاا ؟..اكدالي من نزل راسه باحراج من كلام شوق ..حسيته خاطره يذبح شوق
بلعت ريقي بصمت التفت ع شوق اللي سكتت وتناظرني :كمـلي اسمع ..ايش كان يسوي بعد؟
ضحكــت وهيه تناظره لوحت بايدها وهيه تناظرني :الله يسلمك ..بنــدر في عايلتنا مخلي نفســه طرزآن زمانه ..رووووميووو محد قده..حتــى مره من المرات هذي بنت خالتي اغرقت بحوض السباحه اللي ببيتهم ...محد كان موجود غير بندر ..الكل ركض له ينادونه (صفقت بايدهاا بقوه وهيه تناظرني ) وفي النهـآيه جاء البطل ونقــذها..(قربت مني وهمــست وياريت ما تكلمت ولاقالت شي ) وعطاها اوكسجــين (اشرت ع شفتهاا ) عيني عينك جدامنا
فتحت عيـــــــوني ع كببرهاا بصدمه ..شنو هالجراه اللي فيه ؟..كــيف صار؟ ليكون يحبها وانا مدري؟..التفت عليه شفته يناظر التالفزيون وقفت وقربت منه وانا جسمي يرتجف بكبره من العصبيه ..صرخت له بصوت عالي عاقده حواجبي بعصبيه :لــــــــيش ما قلت لي عن حبيبت القلب بنت خالتك ؟..هــــــــــــآه (تخصرت له وهو يناظرني بصمت ) اذا تحبها يا عيووووني روح تزوجها انا ما راح امسكك ...(شحـت براسي وانا امسي رايحه الغرفه واتكلم بصوت عالي ) افـــضل اعيش مذلووله مهيونه مع اخوي ولا اعيـــش بكذبه صدقتهاا ..
دخلــت وسكرت الباب بكل قوتــي ..مشيت بسرعه وجلست ع السرررير..من هذي حوووور ؟!..ليش ما قال عنهاا ؟...حــتى ما وضح انه يحب ؟..فركت ايدي مع بعض بعصبيه ..كيف شكلهاا تشبهني ولا احــلى !... وهيه تحبه ؟..هزيت راسي بعصبيه وانا ارفع حاجبي اليسااار ..اكيد تحبه ..اذا كان يقابلها بالمدرسه ..ويبوووسها مسوي فيهاا البطـل جدام الكل ..
ناظرت الباب واانا اسمع صوت شوق تصارخ وشكلها تبــكي ...طنشتهم ولا هتميت ..كل اللي يهمني ليش خبى عنــي !!؟..
لفيت بوزي بقوه من دخل الغرفه ..رفعت رجلي اليمين وانا اخليها ع رجلي الثانيه ..طنشته من قرب مني وجلس ..
مسكني من ايدي ع طول سحبتهاا ناظرته من طرف عيوني وتكلمت معاه بدون نفس : روح لهاا ..هيه محتاجتنك اكثر مني (لفيت بوزي شبر ع الجانب بقهر ) حبيبـــــت القلب
ابتسم بكل هدوء وهو يحك ذقنه ويناظرني : يا اريــج يا حبيبــتي
صرخ عليه وانا اوقف رفعت صبعي السبابه جدام وجهي وملامح وجهي ابد ما تتفسر من العصبيه :لا تكذب ع نفسك وتكذب علي ..وتقول حبيبتي وانت تحب غيررري ..(تنرفزت من ابتسم اكثر ) اذا ما تبينـــــــي الان تاخذني بيت اخووي..
وقف بسرعه بحركه سريعه مسكني من زندي وحظنـــي كــــــــــرهت بصرفاته الكذابه دفيته بقوه بس كان اقوى عني ..حسيت ظلوعي راح تداخل من كثر ما ضاعط عليهم .تنهدت بعمق من همس :سمعينــي يا اريج ..انا صح كنت اقابلها وتكلم معاها ..لاني ابي احبها وتقبلها بحياتي لاني اهلي ملزمين علي اتزوجها من اتخرج من اي جامعه ...حـآولت قبل لا اشوفك وقبل لا اتعرف عليك ..بــس وربي واللي خلقني ما حركت فيني شعره كثر ما جذبتني انتي لك ..(غمضت عيوني بهدوء وهو يمسح ع شعري بكل حنان ولطف ) آيه انا حبيت وحده اللي هيه انتي وبـس..عمري ما عرفت الحب الا معك انتي ...(بعد عني قرب جبينه من جبيني وانا عيوني بالارض متوتره حددددي منه ومن كلامه ) ولا ما كفاك اللي اسويه لك ..دخلتك بيتي وساعدتك وتزوجتك والان عايشين مع بعض ...وكل هذا وانا متجاهل ردت فعل اهلي ...(مسح ع خدي ) وربي بس علشااااانك وبـــس..المره الثانيه لا تصدقين فيني اي شــي .. اعرفي انا ما حبيت غيرك انتي وبــس..واوعدك مستحيل احب احد غيرك
ابتسمت باحراج وانا انزل راسي لحظنــي دفيته ع صدره بشويش :بــس مع هذا ما المفروض تبوسها لما كانت بتغرق ..
ابتسم ابتسامه واسعــه : ان شاءالله من عيوني المره الثانيه اووعدك ما اقرب منها ابد...
حوط ايده ع خصـــري يقربني منه وهمس : بــس اذا انتي صار معك نفســها ..(رفع حاجبه اليسااار وشكلها يبي يقهرني رفعت نظراتي لعيونه ) راح ابوووسك وحتى لو رجع نفسك والله ما اخليك ..راح اكمل اللي بديته حتى لو جدام الكـــل..
فتحت فمــي بدهشه من كلامه اللي يفشششششششششل دفيته بقوه رجع للخلف عطيته الظهر وانا وجهـــي صايررر احمر من كلامه السخيف : بندر عن قلت الادب ..والكلام الماصخ اللي ماله داعي...
ابتسمت بوناسه من حوطني من الخلف ورفعني لفوووق ..ضحكنا احنا الاثنين بفررحه ..بس سكتنا من رن التالفووووون ..نزلني وهو يمد ايده ع الطاوله اللي جمب السرير مسك التالفون اشر علي اسكت ويحرك شفته ..امـي تتصل ..
هزيت راسي وسكــتت عنه ..رد ع طول :هلا يمـــه ...(بعد فتره وامه تتكلم ..عض ع شفته وهو يناظرني ) ..اليووم؟!...يمــه ماله داعي انا وشوووق ...(رد بضيق ) طـــــــــيب يمه لا تصارخين ...(ناظرت معصم ايده اللي فيها الساعه ) ان شاءالله كلها ربع ساعه واكون هناك ....يمه الكل راح يتجمع بالبيت ..(ناظرني بنظرات غريبه )...طيب مع السلامه
نزل التالفووون من اذنه ويناظرني وهو يرمي القميص ع السرير..:حبيبتي اهلي كلهم راح يروحون بيت جدتـــي وانتي تجهزي راح تروحــين ع اساااس صديقت اختــي ..تمام
بلمت بــس تحمــست من جد ابي اعرف عائلته كلهم بالاخص هذي الكريهه اللي اسمه حوور ..ياخي كرهتها قبل لا اشوفها ..:طيــب يا قلبي راح ارووووح وياكم ..
توجهه لدولاب :روحي فهمي شوق الكلام اللي قلتلك عنه
طلعت ع طوووووووول اقولهاا


انتظروني