[فيتامين سي]

اليوم الثاني ..
رحنا جزيرة الاميرات الـــ 7 .. >> اعتقد جي اسمها والله مااذكر و عمتي قالت لي انه كانوا 7 اميرات ايون هالجزيره فجي سموها بهالاسم << .. اول شي ركبنا الحنطور عشان بياخذنا لفه كامله على الجزيره و المناظر كانت رهيبه و حلوه .. ركبوا الكبار مع بعض و محمد و نوف معاهم .. جاسم((الامارات)) و حمدان و نوره و هيا مع بعض .. حميد و فطيم((الامارات)) و عبدالله و شهد مع بعض .. هند و جاسم((قطر)) و خالد و فطيم مع بعض و احمد و ساره و فيصل مع بعض .. و احنا كنا نمشي ورى بعض .. كانوا في كل عربه حصانين ..
>> هالسالفه صارت لنا صج بس الشخصيات كانت غير <<
حصان عربة جاسم و خالد و هند و فطيم ماادري شنو فيه بطنه كان ......... مااعرف شنو اقول شنو ماكل هالحصان ماادري يعني حدث بلا حرج ماادري شنو ماكل و مخرب له بطنه اعتقد فهمتوا شنو اقصد .. كنا في نص الجوله و احنا الــ 4 متسندرين من الريحه .. و فجأه ..............................................
جاسم((قطر)): انفتح الجسر صكروا خشمكم .>> رفع الحصاان ذيله هههههه
و احنا البنات غطينا خشومنا بالشيله و الشباب بالكاب و الباقي فاطسين علينا من الضحك ..
شهد: بلاه حصانكم ؟؟؟
هند: ماادري بس اللي اعرفه انه خنقنا بالريحه ..
فطيم((قطر)): شدراني كل دقيقه و رفع الجسر والله مايستحي على ويهه ..
الكل: ههههههههههههههههههههههههه ههههههههههههههههههههههههه ه..
و لين خلصنا و الحمد لله انه نزلنا ولا جان كتبوا في الجريده 4 سواح توفوا اثر ريحة الحنطور اللي ماادري شنو مخرب بطنه .. و بعدين قعدنا ندور كان في اسواق و مطاعم ..
هند: فطيمو ساروه اكوا صروال هاييتي .. >> هذي لغه بيننا <<
ساره: في ازرق ولا لا ؟؟؟
فطيم: اووووووووه في احمر ماابي خلاااص ..
هند: تعالوا ناكل شي انا يوعانه .. و قعدنا ..
شوي الا فطوم تنقز من على الارض و تركب على الكرسي ..
فطيم: في قطوه تحت ..
جاسم((قطر)) يشيلها: الله حلوه و حوله في نفس الوقت فطيم والهس حرام عليج حلوه .. القطوه كانت عيونها صابه حوله ..
فطيم: جسووووووووووووووووووم شيلها والله اخااف ..
جاسم: حرام عليج ..
فطيم: عمـــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــي ..
بوفيصل: جاسم خل البنت في حالها ..
فطيم: ترى ببط خشمك شيلها ..
جاسم: بتبطين خشمي هاااااااااااا .. و حط القطوه عند ويهها ..
و هي تصيح و تروح بعيد عنه ..
جاسم: خلاااااااااااااااااص خلاااااااااااااص نزلتها ..
حميد: القطوه بنفسها خافت و شردت ..
فطيم: جب انتوا ..
الكل: ههههههههههههههههههههههههه ههههههههههههههههههه ..
و بعدين رجعنا الفندق و تسبحنا و رقدنا ..

اليوم الثاني ..
تريقنا و بعدين رحنا بورصه ..
>> هالمكان كله جبال و خضره و فيه مطاعم على شكل اكواخ و فيه محلات تذكارات عن المكان و فيه التلفريك المصكر و المفتوح و اللي يطيح منه لا سمح الله يتقطع الف قطعه <<
شهد: عبادي والله يخرع .. و لزقت فيه .. بعد ماركبنا ..
و اخونا عاجبه الوضع .. و حط يده حول خصرها اونه عشان مااطيح ..
جاسم((الامارات)) مسك يد نوره و وقف وراها و نفس الشي حمدان و هيا ..
و لين نزلنا كان راسنا يدور و قعدنا شربنا شاي لانه الجو وااااااااااايد بارد .. و بعدين رحنا نشوف التذكارات ..
(( هند )) .. لقيت لوحه بالبني الغامج المحروق بس لونه حلو و من على صوب عليه ورده جوري احمر و عليها كلها لمعه تينن واااايد حلوه و كانت بارزه و مكتوب من على الصوب الثاني احبك بالتركي و روقه وحده طايحه منها بالاخضر واايد حلو ..

خذينا لنا احنا الشباب و البنات اكواب بالخشب و كتبنا عليها اسمنا و اسم المكان و التاريخ و السنه و اليوم و بعد ماطلعنا من هالمحل كان بعده في محل يبيع قطع فساتين اعراس بس حلوه و كلها شك و لولو و شغل يد يعني شي محترم .. و خذت لها هند قطعه وحده و كانت احلى قطعه و تقريبا سعرها عندنا هني 5000 تقريبا والله انا بطرانه .. و بعدين رحنا .. خذينا لنا شبس و كافي و عصير و دخلنا الغابه ..
حمدان ركب فوق الشجره: صوروني ..
محمد: تبا موز ؟؟
عبدالله: لو ادري انج بتتزوجين سبال جان ماخليتج ..
هيا: ريلي مب سبال شمبانزي لو سمحت ..
الكل: ههههههههههههههههههههههههه ههههههههههههههههههههههههه ه ..
حميد: ههههههههههه من النوع الصغير ..
خالد: غلطان هذي من الــــ Big size ..
جاسم((الامارات)): لا هذي XXL ..
الكل: ههههههههههههههههههههههههه ههههههههههههههههههههههههه ههههههههههههههههههه ..
صورنا كلنا صوره جماعيه و بعدين رحنا قعدنا في المطعم لانه الفليل و قعدنا نتعشى ..
جاسم((قطر))+خالد: احنا بنروح شوي و بنرجع .. و راحوا ..
خذوا براويز باللون العنابي و البني و الذهبي و عليه لمعه و حركات كلها حب و حاله يعني و حفر الريال عليها من داخل بيوت شعر و في النهايه كتب على البرواز الاول .... رماد الحب جاسم .. و الثاني ..... العاشق الولهان خالد ..... و الثالث ...... القلب الجريح احمد ..... و الرابع ...... اسير الحب فيصل ..... و غلفوه و رجعوا ..
نوره: انا خاطري في اسكريم ..
و رحنا خذينا لنا اسكريم و البسكوت على شكل ورده كبيره و الاسكريم داخله وااااااااايد حلو ..
فطيم((الامارات)): هند لحسي الاسكريم من هالصوب بيطيح ..
هند: وين وين وين ؟؟؟
شهد: كاهو كاهو ..
هند: انزين ..
عبدالله: خالد من هالصوب ذاب ..
خالد: و محمد بعد ..
احمد: المتلعوز فينا حميد وعليه عليه مبتلش ..
حميد: اسكت عني خلني اتفاهم معاه ..
نوف: باباااااااااااااااااااا شوف الاسكريم ..
بومحمد: عطني مالج و خذي مالي ..
نوف: اخووووووووووووووووو من حلجك ..
بومحمد: طالع هذي والله لسانج طويل ..
نوف: حلجك مب حلو ..
محمد: هاج انزين مالي ..
نوف: هيه ..
قعدنا نسولف و بعدين رحعنا الفندق بس احمد و خالد و جاسم ماراحوا فوق و الكل راح ..
احمد: شفيكم ؟؟؟
خالد: نبي نسألك سؤال و نبيك تجاوبنا بصراحه ..
احمد: شنوووو ؟؟؟
جاسم: فيصل يحب هند ولا لا ؟؟
احمد: شنوووووو ؟؟
خالد: احنا اخوانها و نبي نعرف ..
احمد: و ليش تبون تعرفون ؟؟
جاسم: احنا شكينا من نظراته ..
خالد: و كلامه ..
احمد: و شنو يضمن لي اذا قلت لكم مابتحفرون قبره هني ..
جاسم: احنا مثلك نبي فيصل يتزوج هند ..
احمد: دام السالفه جي ايه يحبها ..
خالد: تبي الصراحه يااحمد فيصل الوحيد اللي بيحافظ على هند و بيصونها و بيصون حبها له ..
احمد: انتوا اصلا ماتعرفون السالفه من البدايه لانكم ماكنتوا موجودين ..
جاسم: ليش شنو صار ؟؟؟
خالد: في شي بينهم ؟؟
احمد: لالالالالالالالا فيصل يعرف انه هند تحبه بس هي الحين عرفت في ابانت قبل مانرجع ..
جاسم: شلون و متى ؟؟؟
احمد: انتوا ماتعرفون شنو صار لين فيصل عطا خالد السياره ..
خالد: لا شنو فيه اخوك ؟؟؟
احمد: مب سلطان قال انه بيسوي حفلة وداع العزوبيه حق فيصل و انه عزمنا على شقته ..
جاسم: ايه بس بعدين الحلفه تكنسلت ..
احمد: ايه انا و فيصل رحنا قبل الحفله تقريبا بمده و اللي استغربنا منه انه سلطان مافتح الباب بسرعه و نقعنا و بعدين لين فتحه كان واااايد متوتر و يطالع داخل و لين اكتشفنا انه خطيبة فيصل قاعده معاه داخل فيصل استين و استخف و طار عقله و قال حجي قوي وااااااااايد و طلعنا و حذفني في البيت و راح و عطاك سيارته و راح البحرين عند يعقوب .. و انت سويت حادث ..
خالد: بل يعني قويه هذي خطيبته و قبل يوم ملجته ..
احمد: بس محد يعرف بالسالفه الا انتوا انزين ..
جاسم: انزين و لين خطب فيصل هند ليش ماوافقت عليه ..
احمد: ذاك اليوم راح فيصل الشركه عند ابوك و قاله ود هند المستشفى لانه عندها موعد سكر و لين طلعوا هند قالت حق فيصل عن الحركات السخيفه اللي تسويها خطيبتك فيني و كانت تتصل فيها و اطرش لها ايميلات و وتقول لها انه هدي فيصل و انه هو لي انا و من هالسوالف و قال لها فيصل كلام و اصر فيها وااااااااايد و بعدين تهاوشوا و هذي حالهم لين قبل امس تكلموا و عرفت هند السالفه ..
خالد: انزين تتوقعون لين فيصل يخطبها مره ثانيه بتوافق ؟؟؟
احمد: اختك تصرفاتها غير متوقعه و ماندري شنو بتسوي ..
خالد: بس لازم توافق عليه هي تحبه و هو يحبها ..
احمد: خوش اخوان والله تعرفون لو غيركم جان ذبج اخته و اللي يحبها لو منو كان ..
جاسم: مو لهالدرجه الواحد لازم يكون متفهم و بعدين هم ماسووا شي غلط ولا هو لمسها ولا شي يعني ماتخطوا حدودهم و هذي شي يدل على انه فيصل يخاف على هند وااااااايد و مايسوي لها شي ..
خالد: صح مو مثل شباب اليوم يقصون على البنات و بعدين ياخذون اللي يبونه ..
احمد: انزين يعني القرار مب في يدكم هو في يد هند الحين ..
جاسم: ان شاء الله توافق ..
خالد: انزين ممكن الحين تخلونا من سالفتهم و تيون لي انا شوي ..
احمد: شنو فيك بعد ..
خالد: ماادري اذا ساره وافقت ولا لا ..
الشباب: ههههههههههههههههههههههههه ههههههههههههههههههههههه ..
جاسم: صبر و بعدين الوالد بيقول لك ..
خالد: والله مااقدر انطر ..
احمد: هذي اللي ناقص بعد اطيح الميانه معاك ..
خالد: اووووووووووه انت لا تحرني بعد ..
احمد: انطر مثلنا ..
جاسم: شنو يعني ؟؟
خالد: احمد من ورانا ..
احمد: ايه شفيها ..
جاسم: منو ؟؟؟
احمد: انت شنو تقصد بعد لا يكون من ورانا ..
جاسم: ايه ..
احمد: منو ؟؟
جاسم: فطيم ..
احمد: و انا رفيجه هند ..
خالد: انت شنو عرفك فيها ..
احمد: صارت سالفه و حبيتها ..
جاسم: اوب اوب ..
احمد: جب انزين .. و راحوا فوق ..

اليوم الثاني .. في الباص ...
بوفيصل: شنو رايكم نروح نشوف الشجره الكبيره ؟؟
فيصل: لا يكون بنركب ذاك الجبل ؟؟
بوفيصل: ايه شنو فيها ساعه روحه و ساعه رده ..
حمدان: انا بروحي ضعيف و بعد اركب هالجبل باختفي عمي حرام عليك هيا تباني ..
بوفيصل: والله حلو المكان ..
الكل: اوكي .. و رحنا ..
ركبنا الجبل و الله لا يحطكم في هالموقف والله شنو كان تعب ريلنا راحت فيها و بعدين الطلعه فوق تقطع النفس ..
خالد: احمدوه شيلني ..
احمد: طالع هذا انا خله اشيل عمري و بعدين انت ..
جاسم((الامارات)): عبود انت قوي و عندك عضلات دخيلك ..
عبدالله: انا الحين اتعبل فيك ولا في نفسي ولا في شهد فديتها ..
شهد: والله تعبتك ..
حميد: عمي يوسف ..
بوفيصل: شنو ؟؟؟
حميد: الغدى عليك و العشى بعد لمدة يومين ..
بوفيصل: ليش ان شاء الله ؟؟
محمد: ركبنا الجبل ساعه و كل الاكل مال السفره انهضم ..
الكل: ههههههههههههههههههههههههه ههههههههههه ..
بوعبدالله: الله يسامحك ياخوي ..
بومحمد: مره ثانيه مابسمع رمستك ..
هند: اذا كان في مره ثانيه ..
هيا: توبه ..
وقتها اتصل طلال اخو محمد فيه .. >> يعني بروحنا نعاني و انت الحين تتصل <<
محمد: افففففففففففففففف شو تبا ؟؟
طلال: مالت عليك من اخو ..
محمد: شو تبا الحين انا مشغول ..
طلال: ليش شو ياليس تسوي ؟؟
محمد: نركب جبل صار لنا نص ساعه ..
طلال: ويك ويك ويك ويك ..
محمد: اسكت باقي لنا نص ساعه بعد ..
طلال: كلكم ؟؟؟
محمد: لا نصنا اكيد كلنا خلااااااااااااص ريلي تعورني مااروم ..
طلال: محد ضربك على يدك عشان تركب انت اللي داق الصدر ..
محمد: انا مادقيت صدر ولا صبع انزين هذي عمك يوسف الله يسامحه ..
بوفيصل: اذا ماتبي تركب انزل الطريج مب بعيد ..
طلال: ههههههههههههههههههههههههه هههه مسكين انزين تعال شحال شبيهتي ؟؟
محمد: كاهي ارمسها .. و عطى هند الجوال ..
هند: آآآآآآآآآآآآآآآآآه الووووووووووووو ..
طلال: تشهقين شله بعد ؟؟
هند: تعبت ..
طلال: والله محد ضربكم على يدكم ..
هند: لا عشان نتغدى بعدين ..
طلال: انزين شحالكم ؟؟
هند: والله تمام شحال اليازيه ؟؟؟
طلال: تسلم عليج ..
هند: الله يسلمها ..
طلال: انزين عيل ممكن تصورون الروحه و الرده عشام اشوف و اضحك ..
هند: ضحكت بلا ضروس ..
طلال: انزين انزين باي كليت اليوم واااااااااااايد زفات ..
هند: سلم ..
طلال: يوصل .. و صكر ..
هند: يسلمون عليكم ..
الكل: الله يسلمهم ..
طبعا وصلنا و بعد عناء طويل و شفنا الشجره و كانت اغصانها مغطيه المكان كله و وحلوه القعده تحتها و تغدينا ..و الحين يا دور النزله ..
فيصل: شوي شوي لا تدبجون على ويهكم ..
الكل: ههههههههههههههههههههههههه ههههههههههههههههههههههههه هههههههه ..
فطيم((الامارات)): حميد شلني ..
حميد: سوري غناتي في هالمواقف نفسي نفسي ..
الكل: ههههههههههههههههههههههههه ه ..
فطيم((قطر)): و نعم الزوج اللي عندج سميتي ..
نوف: باباتي تعبت ..
محمد: تعالي .. شالها ..
احمد: الوحيده اللي مرتاحه بيننا نوف..
هند: عمي انا باشتكي عند ابوي ..
بوفيصل: انزين يصير خير ابوج اصلا مايقدر يقول لي شي ..

في البلاد ..
راح خليفه حق خالد ولد خالة هند ..
خليفه: شخبارك ؟؟
خالد: والله تمام و انت ؟؟
خليفه: انا بخير .. اممممممم بغيت اكلمك في موضوع ..
خالد: تفضل شنو ؟؟
خليفه: ابي اخطب اختك الصغيره ..
خالد: و هذي الساعه المباركه بس تعرف شلون عندنا الحين ملجه شنو رايك تخلينها بعدها ..
خليفه: ملجة منو لا يكون انت ؟؟
خالد: ههههههههههههههه وين لا ملجة علي ..
خليفه: شنووووووووووو علي ؟؟
خالد: خاطب اختي العوده ..
خليفه: سواها عيل ..
خالد: شفت شلون و احنا قاعدين ننطر و ندق صبع ..
خليفه: ههههههههههههههه الفال لك ان شاء الله و نعرس انا و انت في نفس اليوم ..
خالد: ان شاء الله بس انا اول واحد يدخل عليها و بعدين انت كيفك ..
خليفه: منو قال بخليك انا اول ..