[فيتامين سي]

كان اخر يوم لنا في تركيا و اليوم اللي بعده بنسافر خلاااااااااااص .. اهل الامارات بيرجعون بلادهم و احنا بعد .. اقترح علينا فيصل انه نروح رحله بحريه اسمها البصفور
>> اعتقد والله من زمان رحت و مااتذكر الاسامي عدل فلا تضحكون <<
و رحنا و اصلا ماكان في واااااااايد ناس يعني احنا و جم من واحد بس .. الماكن كان رهيييييييييييييييييب و هاليوم الهوا بارد .. هند راحت الجهه الثانيه من القارب و كان المنظر احلى بوايد لانه تبين فيه القصور و المتاحف اللي رحناها .. و هند كانت تصور الا فيصل اييها ..
فيصل: هااااااااااااا استانستي هني ؟؟
>> على فكره هند كانت تصور و نست الكيمره مشتغله و هم يتكلمون عاد الحين اسمعوا الفضايح خخخخخ <<
هند: ايه واااااااااايد ..
فيصل: اممممممم انزين اذا خطبتج بتوافقين علي ؟؟
هند: ........................................... >> رجعت شريط ذكرياتي لين ذاك اليوم اللي رفضت فيصل فيه شلون قلبه انكسر وانا بعد قلبي تقطع الف قطعه <<
فيصل: دخيلج لا تسكتين والله سكوتج يقهرني و بيط جبدي ماادري ليش كل مااسألج سؤال تسكتين دخيلج ردي ..
هند: تعال و جرب .. و راحت عنه ..
و بعد ماخلصنا رجعنا الفندق و تعشينا و قعدنا نرتب الشنط و كل شي ..

عند الشباب ..
احمد: والله السفره واااااااااايد كانت حلوه معاكم ..
حمدان: حتى انتوا والله وناسه ..
حميد: عاد هااااااا خالد لاتنسى تعزمنا على عرسك ..
خالد: انا خله اعرف شنو ردها بالاول و بعدين باعزمكم ان شاء الله ..
الكل: ههههههههههههههههههههههههه هه ..
عبدالله: عاد لا تقطعونا ..
الكل: اكيد ..

عند البنات ..
هند تكلم محمدوه في التلفون و طلعت برع عشان تاخذ راحتها ..
هند: هلا والله .. تمام الحمد لله و انت .. و ام خالد شخبارها الغاليه .. فديتها والله ماتستاهل اللي يصير لها .. باجر الفليل بنوصل .. ايه استانسنا .. ادري انه الحين المهمه الصعبه علي انا و لازم اقول لهم .. انزين خل باب ولا يدوه يقولون لهم هم اكبر مني و بيفهمونهم .. ادري اني اختهم بس بيكون وااااااااااااايد قاسي عليهم .. تخيل خالد خطب ساره و الحين بنطر الموافقه و جاسم يحب فطيم و ماادري شنو مصيرهم .. ادري بابا قال انه اي خبر ممكن يصدمها و بعدين اعتقد انه خبر خطوبة خالد وااااااايد بيفرحها .. ادري بس ممكن في اي لحظه يصيدها هالشي .. مادري شنو بيصير في خالد و جاسم .. انزين اوكي خلااص .. و صكرت ..
فطيم((قطر)): هالكثر تتكلمين ..
هند: محمدوه فديته ..
ساره: اهااااااااااااا شخبارهم هناك ؟؟
هند: والله الكل تمام ..
نوره: ماابا ارجع البلاد ودي ايلس هني زياده ..
هيا: شو و عيالج ؟؟
نوره: عند ماماتي ..
هند: شلون بدت قصة حبكم و شلون تزوجتوا ؟؟؟
هيا: انا عن نفسي انتي عارفه في ايطاليا ..
فطيم((الامارات)): انا انتي قصة حبج ويا حمدان عجيبه ..
ساره: و انتي فطيم ..
فطيم((الامارات)): قصتي انا كانت حزينه في البدايه و بعدين صارت سعيده للكل .. >> شنو اسوي لازم احط المحادثات عشان القصه تطلع احلى << يوم ملجتي على محمد ..


((مر الاسبوع و محمد كان مايتصل في اهله غير مره وحده لين وصل و الكل كان يحاتيه .. محمد في مصر عرفوه ربعه وليد و جمال على بنات وااااااااااايد و علموه على الشرب و صار مدمن .. و تعرف محمد على وحده اسمها مريم و و صار بينهم الحرام بس لين عرفة انه ملجته يوم الخميس غارت عليه هي كانت وااااااااايد تحبه و تعلقت فيه واااايد فأتفقت مع وليد و جمال انهم يخلونه يسكر قبل مايسير يملج عشان تخترب الملجه كلها و بالفعل خلوه يشرب لحد ماسكر و ماحس بالدنيا من حوله ساروا وليد و جمال و وصلوه البيت .. فاطمه انقبض قلبها و حست انه في شي بيصير فلبست عباتها بعد ماتعدلت و شيلتها و نزلت تحت .. محمد دخل البيت و الشباب كانوا قاعدين في الميلس و الملاج ينتظر .. حمدان و ذياب و صقر و حميد و طلال جاسم و عبدالله و خليفه و سلطان و هزاع انتبهوا عليه و ساروا له برع .. انصدموا لين شافوه كانت حالته حاله مب قادر يصلب عمره و يخربط في الكلام .. وقتها ظهرت فاطمه برع و انصدمت صدمة العمر لين شافت محمد بهالشكل .. قامت تصيح من الصدمه ..
طلال يزاعق: حمووووووووووود انت شو مسوي ؟؟؟
ذياب معصب: ايا النذل صدق انك مب ريال ..
و طاح في محمد ضرب و فاطمه اطالعهم .. عبدالله و خليفه ساروا حق ذياب يهدونه .. حميد بعد ما وخروا ذياب من عند محمد سار عنده و عطاه ذاك الكف السنع اللي منه طاح محمد على الارض و الدم مخيس ملابسه ...
فاطمه: لييييييييش يامحمد لييييييييييش حرام عليك تخرب علي فرحتي بهالليله حرام عليك ..
ساروا لها حميد و صقر ..
صقر: خلاص الغاليه ...
حميد: هو مايستاهل دمعه من عيونج ..
فاطمه: الله يخليكم طلعوني مابا اشوف شيفته ..
ركب حميد سيارته و فاطمه و صقر ركبوا ورى .. طول الطريج هي المسكينه تصيح و صقر يهدي فيها ..
حميد: خليني اوديج بيتنا ..
فاطمه: لالا مابا ابا اسير البحر ..
حميد: ان شاء الله ..
طلال و جاسم خذوا محمد و ودوه البيت عشان ينام و لين يوعى بيفهمون منه السالفه .. و استسمحوا من الملاج و سار .. ذياب كان معصب و واصله حده و قاعد يتحلف فيه ..
جاسم و طلال كانوا يتريون محمد يوعى من النوم عشان يفهمون منه السالفه .. وقتها وصل حميد مع فاطمه و صقر .. و ساروا فوق ..
صقر يقبض طلال من عقم كندورته: انتوا ماتستحون والله انه خايس و نذل ..
طلال: صقر انزين لييييش تعاتبني انا صدقني محمد مايستاهل فاطيم ..
محمد وعى من الرقاد من الصراخ اللي يسمعه برع .. اما باقي الشباب ساروا بيت بومحمد عشان هم عارفين انه صقر يمكن يرتكب جريمه في محمد .. طلع محمد و الكل التفت عليه و هو شاف فطيم ..
محمد يصيح: فطيم .... انا آسف سامحيني الله يخليج سامحيني ..
فاطمه: لييييييييييش يامحمد ليييييييييش حرام عليك .. و سارت تحت .. و محمد لحقها و الشباب وراهم ..
صقر: قلت لك خلني عليه ياجاسم ..
جاسم قبض صقر: خلهم يتفاهمون ...
محمد: دخييييييييييلج فطيم اسمعيني فطيم والله اني احبج .................... و سكت ..)) ..

تكمل فطيم: و انا الحين مع حميد ..
فطيم((قطر)): فديتج شكلج عانيتي وااااااااايد ..
هند: و انتي شهد ؟؟
شهد: انا عادي ..
ساره: انزين شنو رايكم نروح نقعد تحت في الكوفي شوب دامه اخر يوم .. و نزلنا ..
بس انصدمنا لين شفنا الشباب قاعدين و رحنا قعدنا معاهم ..
هند: شنو تسوون هني ؟؟
فيصل: اللي تسوونه انتوا ..
هند: احنا ياين نشرب شي دافي ..
خالد: لا احنا هدفنا غير ..
فطيم((قطر)): و شنو هو ؟
خالد: شفتي شلون انا قلت لهم لا يايين يغازلون ..
احمد: انت اللي قلت لنا خله نروح تحت ..
حمدان: انت داهيه ..
حميد: مثل جاسمنا ..
جاسم((الامارات)): ايييييييييه انا شيطان لو سمحت ..
فيصل: اونه بيرقع يعني ..
الكل: ههههههههههههههههههههههههه هههههههههه..
شهد: يلا عاد سولفوا ..
خالد: اانا بقول لج سالفه مره رحنا الشاليه مع الربع رفيجنا سيف لدغته الجيلي فيش و ماقدر يمشي عليها المهم تقريبا كان الفليل و اعتقد كنا انا و احمد نلعب كوره و جاسم و فيصل وشوي من الربع راقدين داخل و قاموا على صوت صراخنا جان يطلع جاسم اول واحد و يقول اييييييييييه شنو تسوون و تيي الكوره على خشمه طبعا احمد خذفها و المسكين يتم خشمه يصب يومين ..
الكل: ههههههههههههههههههههههههه ههههههههههههههههههههههههه ههههههههههه ..
جاسم((قطر)): والله كان يعور ..
محمد: انزين شو تشربون على حساب عبدالله ..
عبدالله: يلا اخر يوم .. و طلبنا ..
خالد: شنو رايكم نلعب ..
حمدان: استح على ويهك انت في كوفي شوب ياخي ماعندك حس اللباقه ..
خالد: لا انا اقصد انه كل واحد يقول احلى بيت شعر اعجبه ..
جاسم((قطر)): لمني و ضمني بأقصى حنانك ..
فطيم((قطر)): برحل مع دمعي و حزني و غرامي .. اكيد بلقى مع الهوى غير دربك ..
ساره: اشوف الموت بنظرة عيونك .. مثل مااانا اشوف فيها حياتي ..
هيا: روحي مثل الطير ترفرف ..
هند: روح بشر من ينطر فرقانا .. تفارقنا و لا يمكن نعود ..
خالد: ساكن اليوف و تسأل وين مكانك ..
احمد: وينك انت يا مبعد عن القلب همه .. ليتك ترد الصوت لا قلت وينك ..
فيصل: اذكر يوم جيتني و بصدرك حضنتني ..
حميد: لا تقل وداعا بل قل الى اللقاء ..
الكل: ههههههههههههههههههههههههه ههههههههههههههههههههههههه ههههه ..
حمدان: العن بوقلب(ن) معك العمر ماعاشه ..
عبدالله: تمنيت السعاده لو لحظه في حياتي تذوب .. و تمنيت الفرح جزء من عمري و ازمان .. كان الحب في حياتي له دروب .. بس ماعاد في قلبي للحب مكان .. مفتاح السعاده في قلب كل انسان له اسلوب .. و انت بأسلوبك صار قلبي هيمان .. >> كلماتي:: كسر الخواطر <<
شهد: تمنيت الموت ولا اشوفك حزنان .. صرت بحياتي حلم مكتوب ..
جاسم((الامارات)): حبي لها يغمرني .. في كل مكان من حولي .. و كل محطه من طريجي ..
محمد: تركني و انا احتاجه على الدوام .. بعدك ذبحني و خلى قلبي حطام .. في بحر حبك غارق بالاوهام .. سألتهه ليه تعذبني يااحلى غرام .. و انا على شاطيء فؤادي اهيم هيام ..
نوره: من طبعي اضحك للبشر و اخفي الكي .. عند البشر معروف طبعي مزوحي .. >> هالبيتين غاليين على قلبي لانه انسانه عزيزه عطتني اياهم <<
خالد: عيدوا عيدوا ..
هند: دخيلك تعلمني لا صارت الدنيا تعاندني لمن ابوح .. و لا صاروا اصحابي غراب عني وين يالغالي اروح ..
فطيم((الامارات)): غلطتي ياصاحبي اني وفيت .. و الوفا في هالزمن غلطة زمان ..
خالد: اشوفكم بديتوا تدخلون في الاحزان .. يلا يلا فوق خلونا انام باجر ورانا قعده من الصبح .. و راحوا ..

اليوم الثاني ..
رحنا المطار و الطياره كانت توقف في دبي و اهل الامارات نزلوا و احنا رجعنا بلادنا .. وصلنا و استقبلونا مايد و بومها و عبدالرحمن و بوجاسم ..
بوجاسم: الحمد لله على السلامه ..
بوفيصل: الله يسلمك شلونك اخوي ؟؟
بومها+بوجاسم: و الله تمام الحمد لله ..
هند: باباتي اشتقت لك .. و باسته ..
بوجاسم: و انتي بعد لج وحشه ..
جاسم+خالد: شلونك يبه ؟؟
بوجاسم: تمام الحمد لله و انتوا ؟؟؟
الشباب: تمام ..
عبدالرحمن: لج وحشه فطوم محد كان يطقني ..
فطيم: و انت بعد لك وحشه و بعدين يدي ارتخت لانها ماطقت احد مؤخرا ..
فيصل: شلونك عمي ؟؟
بومها: تمام الحمد لله ..
احمد: شخبارك مايد ؟؟
مايد: والله تمام و انت ؟؟
احمد: بخير ربي يعافيك .. و راحوا البيت ..
خالد: يبه ساره موافقه ولا لا ؟؟؟
بوجاسم: اوووووووه انت من ذاك اليوم تنطر مسكين ..
خالد: يبه عاد قول لي ..
بوجاسم: اذا مابغتك تبي من ..
خالد: يبه تحجي عربي ..
بوجاسم: موافقه ..
خالد: فديتها والله الغاليه ..
و راحوا بيت اليده ..
بوفيصل: ها خالد يقولون ساره موافقه ..
خالد: دريت ..
ام مايد: شنو السالفه ؟؟
بوجاسم: خالد خطب ساره و هي موافقه ..
ام عبدالرحمن: الله يرفقكم ان شاء الله و الفال حق الباقي ..
جاسم: مايد وين سيارتي ؟؟
مايد: هاك السويج ترى اغسلها كل يوم ..
خالد: شنو تبي يعني ؟؟
مايد: شنو رايكم في عشى ..
جاسم: على حسابك ..
مايد: اقول له اغسل سيارتك كل يوم يقول لي عشى على حسابك ..
خالد: من عنونا .. و راحوا ..
راحوا البيت و دخلوا على امهم و لقوها راقده في الغرفه فدخلوا غرفتهم ..
جاسم: شبلاها الوالده نايمه مب من عوايدها ..
خالد: مافيها شي ان شاء الله يمكن تعبانه و رقدت ..
جاسم: ايه .. انزين انا بروح انام ..
خالد: و انا بعد .. و كل واحد دخل غرفته و نام ..

اليوم الثاني ..
اتصلت هند في نوره رفيجتها .. نونة احمد ..
نوره: هلا والله ..
هند: اخبارج ؟؟؟
نوره: والله تمام و انتي يالغاليه الحمد لله على السلامه ..
هند: الله يسلمج ..
نوره: متى وصلتوا ؟؟
هند: امس الفليل ..
نوره: ها شنو صار هناك ؟؟
هند: والله كان وناسه مع اهل الامارات ..
نوره: انزين و بعد ..
هند: نونو بقول لج وااااااااايد مضايقني و مااعرف شلون باقوله حق خالد و جاسم ..
نوره: شنو ؟؟
هند: امهم ..
نوره: عسى ماشر شنو فيها ؟؟
هند: مريضه و لازم اقول لهم و الوالد يقول انتي اختهم فأحسن يسمعون منج و هي في احد وقت ممكن قلبها يوقف يعني هي وااااااااااااايد تعبانه مادري شنو اسوي ..
نوره: انزين هذي امهم و انتي لازم تقولين لهم ..
هند: والله خايفه من ردة فعلهم ..
نوره: لازم شي اكيد انهم بيعصبون بس لازم يعرفون ..
هند: انزين بقول لج بشاره ..
نوره: شنو ؟؟
هند: خالد خطب ساره ..
نوره: صج مبروك و وافقت ؟؟
هند: فديتها اكيد بتوافق على اخوي ..
نوره: انزين عيل اخليج و انتي اتصلي فيهم ..
هند: انزين .. و صكرت .. و اتصلت في محمدوه و قالت له تعال و ودني عند خالد و جاسم و قالت حق ابوها .. و راحت .

عند خالد و جاسم ..
راحوا عند امهم الغرفه و لقوها لحد الحين راقده و نزلوا تحت ..
خالد: شبلاها ماقامت ؟؟
جاسم: ماادري والله ..
خالد: من امس راقده لا يكون تعبانه و احنا ماندري ..
و توه بيتصل حق هند انها تيي الا هند اطق الباب ..
هند: هلا شباب ..
خالد: هلا فيج تصدقين توي باتصل فيج ..
هند: ليش شنو فيه ؟؟
جاسم: الوالده ماقامت من امس شكلها تعبانه ..
هند: اممممممممم قعدوا ابي اكلمكم ..
خالد: شنو ؟؟؟
توني بافتح حلجي و بقول لهم الا نسمع صوت ضربه قويه على الارض فوق و نروح كلنا ..
خالد: يمـــــــــــــــــــــــ ـــــــــــــــــــــــــ ه ..
كانت ام خالد طايحه على الارض و ماتتحرك ..
جاسم: شيلها و خلنا نوديها المستشفى و هند انتي اتصلي في الوالد و خله ايي هناك .. و راحنا ..
وصلنا المستشفى و الوالد وصل مع محمدوه ..
بوجاسم بصوت واطي: هند قلتي لهم ؟؟
هند تصيح: توي بقول لهم الا اطيح ..
بوجاسم: خلاااااص انا بفهمهم ..
و طلع الدكتور ..
خالد: دكتور شنو فيها الوالده ؟؟
الدكتور: صادتها جلطه في المخ و ارتفع ضغطها و من الطيحه صادها نزيف داخلي و مانقدر نسيطر عليه ياجماعه ايامها معدوده انا اسف .. و راح ..
جاسم: لا يبه الدكتور جذاب يبه هذي الغاليه ..
و دخلوا الغرفه ..
كانوا مركبين عليها قناع اكسجين و جهاز القلب .. خالد ماقدر يشوفها بهالحاله و طلع برع و محمدوه طلع معاه
>> خالد واااااااااااااايد مع امه يحبها حب ماتتخيلونه حتى جاسم بس خالد اقرب لها هي بعد قريبه من قلبه واااااااااااااايد و مايقدر يتخلى عنها هي الام الوحيده اللي عرفها في حياته شنو بيصير فيه اذا تركته و راحت عنه << .
. و جاسم قعد يكلمها ..
جاسم: يمه دخيلج قومي لا تروحين احنا بدونج مانسوى شي ..
بوجاسم: خلاااااااص جاسم خلها ترتاح ..
جاسم: لا يبه خلني هذي الغاليه شلون تبيني اهدها ..
فتحت ام خالد عينها ..
ام خالد بصوت واطي: وصلتوا الحمد لله على السلامه ..
جاسم: سلامتج يالغاليه ماتشوفين شر ..
ام خالد: وين اخوك ابي اشوفه .. و ناداه ..
خالد: ماما ادري انج تتغلين علينا يلا عاد قومي تراج غاليه واااااااايد ..
ام خالد: لا تقول ماما انت كبرت ..
خالد: لو اكبر بتم صغير في نظرج و بقول ماما .. يااحلى ماما في الدينا ..
ام خالد: خلاااص يالغالي انا بموت ..
بوجاسم: لا تقولين هالكلام ..
ام خالد: وين هند ؟؟
هند: كاني يالغاليه ..
ام خالد: يمه حطي بالج على خالد و جاسم ..
هند: انتي بتقومين ان شاء الله و تحطين بالج عليهم ..
ام خالد: طلعوا شوي ابي اكلم هند .. و طلعوا ..
هند: خير امري ..
ام خالد: وصيتي في درج المكتب .. و كل شي حق خالد و جاسم في ملف ابيض مع الوصيه روحي اقريها لهم ..
مسكت يدها و بست راسها و هي تشهدت و سلمت روحها و طلع صوت توقف جهاز القلب ..
الشباب: لاااااااااااااااااااااااا اااااااااااااااااااا ..
و دخلوا الغرفه و لقوا هند تصيح و حاطه راسها على صدر ام خالد و تشهق ..
خالد يهزها: يمه قومي لا تسوين فيني جي ..
جاسم: خالد خلاااااااص تعال ..
خالد يصرخ و طلع من طوره: لاااااااااااااااااااااااا هي ما ماتت ..
بوجاسم: خالد خلاااص ..
محمدوه: خالد تعال معاي ..
خالد: قوموا عني انا بقعد عندها ..
بوجاسم صرخ: خــــــــــــــــــــــــ ــــــــالـــــــــــــــ ــــــــــد ..
خالد يطالع هند و مشاعر الانتقام و الغضب تملكته: انتي تعرفين السالفه ..
هند: كنت بقول لكم اليوم بس صار اللي صار و انا كنت يايه عشانكم ..
خالد: خشيتي عنا مرض الوالده انتي .................................................. ............... و عطاها ذاك الطراق المسكينه اللي فر لها مخها و من قوته طلع صوت و اصابعه طبعت على يدها .. و مسكه محمدوه و طلعه ..
جاسم: هند انا ..........................................
هند: روح وراه محمدوه مابيقدر عليه .. و راح ..
بوجاسم: والله ماكان لازم احملج المسؤوليه ..
هند: .................................................. . ..
بوجاسم: انزين انا بروح اوقع على الاوراق و بيي .. و راح ..
هند حطت يدها على خدها مكان الطراق و شافت ام خالد و قعدت تصيح من قلب عليها فرقاها .. فرقا انسانه طيبه و حنونه تحب عيالها .. و رجع بوجاسم و راحوا ..
غسلوها و دفنوها .. خالد كان قاعد في عزى الرياييل اللي كان في بيت اليده و لابس نظاره شمسيه عشان عيونه ماتبين لانها محمره من الصياح بشكل ماتتخيلونه ..
سيف: عظم الله اجرك يالغالي ..
جاسم: اجرنا و اجرك ..
سعود يكلم جاسم بصوت واطي: شخبار خالد ؟؟
جاسم: من توفت الوالده مانطق بكلمه ولا ياكل ولا شي ..
خليفه: مب زين والله ..
قام خالد و طلع برع و قعد في الحديقه .. و فهد و محمدوه وراه ..
فهد: ياخي انطق بكلمه ..
محمدوه: خالد والله مب زين اللي تسويه في عمرك والله حرام عليك ..
فهد: تعال اكل لك شي ..
بوجاسم: خلوه على راحته ..
فهد: ترى انت ماقاعد تعاند الا نفسك .. و قاموا عنه ..
جاسم: خالد تعال تغدى ..
هز راسه بمعنى لا ..
اتصل بوفصيل في اخوانه في الامارات و قال لهم السالفه و بعدين يومين بيوصلون و الشباب كلهم ..

شنو بيصير في خالد و جاسم الحين ؟؟
وين بيعيشون ؟؟
والله صطار خالد وااااااااااااااااايد يعور ..