[فيتامين سي]

بعد يومين الكل كان قاعد الكبار و اهل الامارات و الشباب كلهم و البنات ..
محمدوه: وين خالد و جاسم ؟؟
فيصل: صار لهم 3 ايام قاعدين في البيت ..
مايد: رحنا لهم بس محد يفتح الباب و جوالاتهم مصكره ..
هند: محمدوه ودني لهم ..
بوجاسم: لا ..
هند: انا قلت بروح لهم يعني بروح يبه هذول اخواني ..
بوجاسم: متأكده ماكفاج اللي ياج في المستشفى ..
هند: ابيع روحي عشانهم .. و راحت هي و محمدوه .. انت روح الحين ..
محمدوه: منو بيردج ؟؟
هند: الله اعلم ان مارديت باجر طرشوا لي اسعاف .. و نزلت ..
باب الصاله الخشب كان مصكر فراحت من باب المطبخ الوراني و كان مفتوح الحمد لله و دخلت .. البيت كان مظلم و كئيب بعد ام خالد و وااااااايد بارد .. جاسم قاعد على الارض و ضام ريله لصدره و قاعد و الدموع تنزل و خالد قاعد على الكرسي و منزل راسه .. هند لين شافتهم قعدت تصيح والله اشكالهم تقطع القلب مايسوى عليهم ..
هند: احم ..
جاسم التفت بس تم قاعد مكانه و خالد رفع راسه و قام و يا عندها .. و هي قلبها يرقع خوف منه طبول من بعد ذاك الطراق و هي وااااااايد تخاف منه طلع خالد المتوحش ..
خالد: اطلعي ..
جاسم: خالد هذي اختنا ..
خالد: انت جب .. ليش خشيتي عنا ..
هند: كنت بقول لكم بس صار اللي صار ..
توه بيرفع يده عليها شكله مب عاجبه الكلام الا يصرخ جاسم عليه ..
جاسم: خـــــــــــــــــــالـــ ــــــــــــــد خلااااااااااااااص اللي ياها منك كفايه مب انت اللي كنت تقول تبيها تعرفنا و نعرفها عشان نعيش مع بعض و الحين تعاملها جي هذي اختك الوحيده ..
خالد: جذبت علينا ..
هند: مامنك فايده .. و طلعت الجوال بتتصل في محمدوه الا خالد يقبض الجوال و يحذفه على الكرسي >> مافيني بعد يكسره لي <<
خالد: ليش دايما تتهربين ؟؟
جاسم: خالد يوز عنها ..
هند: خله.. قول شنو عندك ؟؟
خالد: لا تخليني اعيد كلامي مرتين ليش تتهربين ..
جاسم: و هي جاوبتك ..
هند تصيح: ماعدتوا جاسم و خالد اللي اعرفهم انتوا مب اخواني انتوا وحوش اللي اعرفه انكم جبال ماتهزها ريح لو شنو كان و الحين تغيرتوا ليتني ماعرفتكم ولا ياني منكم كل هذي .. و انت خالد هذي بدل ماتترحم عليها تقول لي ليش خشيتي عنا انا ماخشيت عنكم والله ماكان قصدي بس ..............بس اخخخخخخخ طلعت مب كفو .. و رحت المكتب ..
خالد: شنو تسوين ؟؟
جاسم: هند شفيج ؟؟
خالد: هند طلعي من هني ..
هند طلعت الوصيه و قعدت تقراها و بنبرة حزن على صوتها و دموعها تنزل ......

(( خالد و جاسم مااوصيكم على اعماركم و اختكم بعد تراها نظر عيني و حتى انتي هند حافظي على اخوانج ولا تخلينهم يتفرقون ترى والله يحبونج لو مهما سووا فيج ولا تزعلون على فراقي انا بينكم و اشوفكم في كل لحظه و دقيقه .. خالد انا دريت عنك لين خطبت ساره و الله يهنيك معاها ابوك قال لي ابيك تتزوجها و لا تخلي وفاتي تخرب عليك انا ابي اشوفك مستانس في حياتك كع اللي اختارها قلبك .. و انت ياجاسم ادري انك تحب و قلب الام يحس بكل شي .. هند انتي قلبج من ذهب حافظي على اخوانج و كونوا مع بعض ولا تتفرقون لو شنو صار فيكم انتوا محد بينفعكم الا اذا كنتوا مع بعض .. في ملف ابيض فيه كل شي حلالي كله باسمكم و هذي اخر هديه مني لكم ... الغاليه امكم )) .. و سكتت هند ..

حطت الوصيه على الطاوله و الملف الابيض و راحت خذت جوالها و بتطلع بس شلون ماادري .. ..
خالد: لحظه انتي كنتي تعرفين بالوصيه ؟؟
هند: امك قالت لي في المستشفى ..
جاسم: و ليش ماقلتي لنا ؟؟
هند: ليش وانا قدرت اكلمكم الله يخلي اخوك و طراقه نساني كل الحجي و بعدين انا حاولت اتصل فيكم بس محد يرد ..
خالد: هند انا اسف ..
هند: وين اصرفها كلمة اسف على خدي الثاني اللي مب متورم ..
خالد: سامحيني كنت .................................
هند تقاطعه: لا تكمل شفتك مره في لندن و عصبت و من يومها انا اخاف منك الله يعين ساره عليك بس الحمد لله انها ماشافت و انت بهالحاله جان هي قالت ماابيك انت وحش ..
جاسم: قعدي عاد ترى احنا يواعه ..
هند: حق المصلحه مافي احسن منكم ..
خالد: يلا عاد سوي لنا شي ناكله .. و دخلنا المطبخ ..
طبعا الكل قام يتصل على جوال هند بس ماترد لانه خالد صكره و هي نست تفتحه و بوجاسم خاف عليها و قال لا يكون خالد سوا فيها شي لانه مينون و مايقدر يسطر على نفسه و راحوا بوجاسم و بومحمد و بوعبدالله و بو سلطان و بوراشد و قعدوا يطقون الباب لانه كان مقفول .. في المطبخ كانت هند تسوي لهم شي ياكلونه و سمعوا طق قوي على الباب و جاسم بكل برود راح و فتح الباب و السندويش في يده ..
جاسم: شفيكم يبه كسرتوا الباب ..
بوجاسم: وين هند ؟؟
جاسم: في المطبخ مع خالد ..
بوجاسم: شنو تسوون ؟؟
خالد: هلا يبه ..
بوجاسم: و اخيرا نطقت ..
جاسم: و نطق الحجر ..
الكل: ههههههههههههههههههههههههه ههههه ..
هند: شخباركم اعمامي ؟؟
الكل: تمام ..
بوراشد: على بالنا خالد سوا فيج شي ؟؟
هند: اخوي شنو بيسوي فيني و بعدين انا روضته ..
بوسلطان: انتوا ليش ماييتوا بيت يدتكم ؟؟
جاسم: حالتنا ماكانت تسمح ..
جاسم عطى بوجاسم الملف الابيض ..
جاسم: تفضل يبه ..
بوجاسم: شنو ؟؟
خالد: حلال امي ..كله باسمنا ..
بوجاسم: انزين بحط في حسابكم ..
بومحمد: شباب ممكن تحلقون ماتشوفين اشكالكم حتى الحمار بيخاف منكم ..
خالد: انا تعبان و ابي انام ..
جاسم: باتوا عندنا اليوم و بعدين روحوا بيت يدوتي ..
بوعبدالله: هيه خلاااص حلت المشكله ..
راحوا بوجاسم و هند البيت و بوعبدالله و بوسلطان و بومحمد و بوراشد ناموا عند خالد و جاسم و قعدوا يسولفون الفليل ..

اتصلوا في شيخه و قالوا لها عن السالفه انه ام خالد توفت و قالت انها ماتقدر تيي الا بعد شهرين .. جاسم ماشاف فطيم موليه وقت العزى لين الحين و هو مشتاق لها >> ترى هي بعد مشتاقه له << .. احمد ميت و يبي يشوف نوره بس مافي فايده في هند يقول لها بس لمحه قالت له بعد الخطوبه .. فيصل بعد ماشاف هند الا لمحها مره وحده في العزى و بعدين خلااااص .. مايد ماادري شنو سالفته ليش دايما متضايق و امه تحن عليه اخطب مها و هو مب راضي شنو فيه ؟؟!! الله اعلم .. عبدالرحمن الوحيد اللي مرتاح مايعرف طريج للحب ولا الحب يعرف درب له يكمل دراسته و بيسافر برع بيروح عند شيخه بيكمل دراسته هناك .. مريم بنت خالة هند اجلت ملجتها عشان ام خالد يعني مايصير تتزوج و ام عيال خالتها متوفيه .. خليفه متحرقص و يبي يخطب عاشه بس خالد قال له بعد ملجة علي و مريم .. حسن يمكن يحب و يمكن لا ماادري فيه .. بعدين بتعرفون .. ساره من زمان ماشافت خالد و مشتاقه له يعني صارت خطيبته الحين لانه خطبها رسمي و هي وافقت عليه ماشافوا بعض من يوم العزى و الحين مروا اسبوعين و ماشافها و شكله وااااايد متغير طالعه له لحيه خفيفه بس فديت اخوي شكله حلو بكل شي ..

يوم الخميس ..
كانوا مايد و فيصل و احمد و خالد و جاسم و عبدالرحمن قاعدين في ميلس الرياييل مال بيت بوجاسم و ساره و فطيم و هند قاعدين في المطبخ و يسوون العشى حق الشباب .. فطيم راحت غرفة هند لانها خلصت الشغل اللي عليها و راحت تقعد على النت تكلم شيخه .. و هند و ساره في المطبخ يسولفون ..
هند: شفيج شكلج متضايقه ؟؟
ساره: تبين الصراحه انا وحده مااستحي و بقول لج انا اشتقت حق خالد و صار لي اسبوعين ماشفته ..
هند: هههههههههه والله حالتكم حاله شوفي خالد واااااايد تغير و هو بعد ترى مشتاق لج واااااااايد بس اونه مايبي يعترف ماادري ليش ؟؟؟
ساره: مااحس اني مخطوبه ..
هند: لا تلومينه ..
ساره: انا ماقلت شي و انا بعد عاذرته بس ودي احس اني مخطوبه ..
هند: انزين بتحسين بعدين الحين روحي ودي الاكل حق الشباب ..
ساره: ماابي انتي روحي ..
هند: انزين .. و خذت الاكل و ودته ..
عاد هني بدت نذالة هند ..
هند: خالد روح المطبخ في بعد صحن مايبته ..
خالد: شمعنى انا ..
هند: لا ترادد و روح .. و ساره كانت هي بتييب الصحن بس بعدين غيرت رايها و قعدت في الحديقه و الجو كان حلو و هوى يعني رهيب كان ..
خالد طلع و شافها في الحديقه و طقع حق هند و الصحن و راح حق ساره ..
خالد: احم ..
التفتت ساره و انصدمت لين شافته والله كان شكله غير و لحيه خفيفه عنده و عيونه فيها لمعه حلوه و كانه الدموع شوي و بتنزل و عيونه فيها واااااااااااااااايد كلام بس مب عارف يقوله ..
خالد: اول مره تشوفيني ؟؟
ساره: ايه .. عظم الله اجرك ..
خالد: اجرنا و اجرج يالغاليه .. >> ياحلات الكلمه ولا طلعت من اخوي عاد ساره تشققت <<
ساره: شخبارك ؟؟
خالد: مب بخير ..
ساره تستعبط تبيه يتكلم: ليش اكو وش حلاتك وش زينك مافيك الا العافيه ..
خالد: مب شكلي بس العوق فيه شي ..
ساره: شفيه العوق ؟؟؟
خالد: زعلان علي ..
ساره: افااااااااااااااااا ليش ؟؟
خالد: صرصوره انا اسف والله كنت مب في حال الاسبوعين اللي فاتوا والله وفاة الوالده واااااااااااايد مأثره فيني ماكان قصدي اهلمج انا اسف و حقج علي ..
ساره: لا تتأسف ماالومك هذي امك و بعدين نقدر ننطر شنو ورانا ..
خالد: تحبيني ؟؟
ساره: انا بروح داخل .. و قامت الا يقبضها من يدها ..
خالد: ردي علي بلييييييييييييز ..
ساره: قلت لك بروح داخل ..
خالد: والله مااهدج الا لين تردين علي ..
ساره: خالد دخيلك ..
خالد: لا ابي اسمعها منج ..
ساره بعفويه: حبيبي عاد خلني ..
خالد: ياحلات هالكلمه لا طلعت من شفايفج ..
ساره: اووووووه مصختها ..
خالد: حطي عليها ملح ..
ساره: بدأ يستعبط الحين شنو يسكته ..
خالد: احبج ..
ساره بخدود متورده: و انا بعد يالغالي ..
خالد: شنو انتي ؟؟
ساره: احبك ..
باسها على راسها و راح داخل عند الشباب و هي راحت داخل و الويه خلااااااااااااص ..
فطيم: شنو فيج ؟؟
ساره: ولا شي ..
هند: احم احم ..
ساره: عيش و لحم .. انا يوعانه ..
هند: ماتنلامين .. و قعدوا يتعشون ..
بعدين دخلوا الشباب و قعدوا مع البنات ..
مايد: ها ساره شنو شعورج و انتي مخطوبه ؟؟
ساره: لا عادي ولا كأنه شي صاير ..
جاسم: ايه صح ماتشوفين ويهج طماطه ..
الكل: ههههههههههههههههههههههههه ههههههههههه ..
احمد: و انت مايد مانويت تخطب ؟؟
مايد: لاااااااااااا ..
خالد: ليش كاهي مها موجوده ..
مايد: لا ماابي ..
فطيم: كيفك ..
عبدالرحمن: انزين يلا انا تعبان و ابي انام ..
و الكل راح و مابقى الا هند و جاسم و خالد ..
هند: ليش ماتيون تعيشون عندنا ..
خالد: ماادري والله ..
جاسم: يمكن الوالد مايرضى ..
هند: شنو مايرضى انتوا عياله و بعدين انا بروحي الفليل و ابي احد يونسني ..
خالد: انزين بنشوف الوالد و امج بعد ..
شوي الا ام جاسم و بوجاسم داخلين البيت ..
ام جاسم+بوجاسم: السلام عليكم ..
الكل: و عليكم السلام ..
ام جاسم: ها تعشيتوا ولا تبون اسوي لكم شي ؟؟؟
خالد: لا تسلمين تعشينا ..
و قعدنا في الصاله نشرب جاي ..
بوجاسم: اقول شباب ؟؟
الشباب: نعم يبه..
بوجاسم: ليش ماتيون تعيشون عندنا ؟؟
ام جاسم: ايه الصراحه البيت واااااااايد كبير و انا مرات اقعد بروحي و بعدين مانبيكم تقعدون بروحكم في البيت هناك فتعالوا هني و كل واحد عنده غرفه خاصه فيه ..
خالد: تصدق يبه احنا كنا نفكر في الموضوع و كنا بنقول لك اليوم ..
بوجاسم: زين عيل من باجر تعالوا ..
جاسم: و فكرنا نبيع البيت ذاك ..
هند: ليش ؟؟
خالد: تبون الصراحه مانقدر نعيش في البيت مره ثانيه ماادري احس انه بدون امي مو شي ..
ام جاسم: انزين انا وين رحت ؟؟؟
جاسم: انتي على العين و الراس بس هذي الوالده ..
خالد: انزين ممكن اناديج يمه ؟؟؟
ام جاسم: اكيد و انا واااااااايد بستانس ..
بوجاسم: و انا اقدر اناديج يمه ؟؟
ام جاسم: انت لا بس العيال ..
بوجاسم: افااااااااااااااا عيل شنو اقول لج ..
هند: حبيبتي .. حياتي .. عمري .. غناتي .. روحي .. قلبي .. حبي .. عشقي .. هواي اللي اتنفسه .. نبض قلبي ..
خالد: القاموس كله عند هند ..
الكل: ههههههههههههههههههههههههه هههههههه ..
جاسم: يبه و اذا تبي بنعلمك ..
بوجاسم: لا مشكورين اعرف هالقاموس و حافظه ..
هند: انزين علمنا ..
ام جاسم: انتوا ماتعرفون عيل منو يعرف ..
خالد: حشا علينا تونا صغار ..
بوجاسم: كل واحد كبر ثور و حمار و يقول انا صغير و الله انقهر و انا شكبري ..
خالد: محد قال لك تكبر ..
جاسم: يمه مايصير علي اجل ملجته عشانا ..
ام جاسم: هو يبي ..
خالد: انزين مايصير و احنا بنكلمه ..
بوجاسم: على راحتكم ..
ام جاسم: انزين متى بتخطب بتملج على ساره ؟؟؟
خالد: ماادري ..
بوجاسم: اصبر شوي و بعدين انا باتفق مع عمك ..
خالد: اوكي و قولوا لها اذا تبي اي شي انا حاضر ..
جاسم: خف علينا من الحين عاد ..
خالد: مب انت الاطرش في الزفه ماتدري وين الله قاطك لعنبوك اخطب و فكنا و خل عرسنا في يوم واحد شنو رايك ؟؟
بوجاسم: والله فكره حلوه و بيكون احلى عرس ..
جاسم: لا ماابي ..
هند: و اخت المعاريس وين راحت ؟؟
خالد: انتي فوق الكل يالغاليه و انا بنفسي بوديج عند احلى صالون و مصمم و كل شي ..
جاسم: بس طبعا ماتطلعين احلى من حريمنا ..
هند: مايحتاي تقول انا انافسهم اصلا و اكيد باطلع احلى منهم ..
ام جاسم: و انا اقول على منو طالعه خقاقه ..
بوجاسم: على اخوانها اكيد ..
جاسم+خالد: شنووووووووووووووووووووو و احنا طالعين على منو ؟؟
بوجاسم: على عمكم يوسف ..
هند: الاعتراف بالحق فضيله يبه ..
بوجاسم و ام جاسم راحوا فوق و انا و جاسم و خالد قعدنا على الللاب توب و دخلت النت و نوره كانت اون لاين ..
جاسم: انا بروح احط راسي شوي تحت في الصاله ..
خالد: ايه روح .. و انا بحط راسي على السرير انزين هنوده ..
هند: انزين ..
جاسم: بل يبي الفكه ..
البنـــــــ((زهر))ـــــــفس ج: هلو ماي زوجة ولد عمي ..
اسيـــــــــــــــ((الصمت)) ـــــــــــرة: اووووه هلو ماي دير ..
البنـــــــ((زهر))ـــــــفس ج: شلونج يالغاليه ؟؟؟
اسيـــــــــــــــ((الصمت)) ـــــــــــرة: والله تمام الحمد لله و انتي ؟؟؟
البنـــــــ((زهر))ـــــــفس ج: والله تمام الحمد لله ..
اسيـــــــــــــــ((الصمت)) ـــــــــــرة: شخبارج اخوانج الحين ؟؟؟
البنـــــــ((زهر))ـــــــفس ج: والله بخير الحمد لله صابرين ..
اسيـــــــــــــــ((الصمت)) ـــــــــــرة: بيعيشون عندكم ؟؟؟
البنـــــــ((زهر))ـــــــفس ج: ايه اكيد ..
اسيـــــــــــــــ((الصمت)) ـــــــــــرة: انزين شنو اخبارج مع فيصل انتي ماقلتي لي شنو صار هناك معاكم !!!!
البنـــــــ((زهر))ـــــــفس ج: شنو اقول ولا شنو اخلي صار شي ماتتوقعينه ..
اسيـــــــــــــــ((الصمت)) ـــــــــــرة: شنو حرقتي اعصابي شنو شنو قولي لي بسرعه ..
البنـــــــ((زهر))ـــــــفس ج: الله يسلمج اللي صار ...
قال لي فيصل: انا يا هند ما كنت اقصد كل الكلام اللي قلته وكل اللي سوته فيج لان انا ياهند احبج واموووت فيج وامووت ع التراب اللي تمشين عليه حتى يوم كلمتج وقلت لج ابيج تروحين تخطبين غالية كنت ابي اعرف ردة فعلج ولوشفت رد فعل واحد منج يخليني اعرف انج تحبيني جان على طول رحت وتقدمت لج انتي وما تقدمت حق غالية لكن بسكوتج وصمتج انتي اللي ضيعتي على نفسج فرصة ان نكون مع بعض فضلتي السكوت وقلتي حق سارة وغيرها ما يقول لي عن اللي بقلبج وابيج تعرفين ان انا كنت اعرف انج تحبيني لكن ما توقعت انج لما تعرفين اني بتقدم حق غالية بتسكتين ولا بتقولين شئ وبتروحين تخطبينها لي انتي يوم كنتي تسوين اللي تسونه كنت اموت واحيا الف مرة لكن انتي ولا على بالج مع ان انتي كنتي تتعذبين مثل ما انا اتعذب..
اسيـــــــــــــــ((الصمت)) ـــــــــــرة: هندوه قوي الكلام اللي قاله .. انزين وانتي شنو قلتي له ؟؟؟
البنـــــــ((زهر))ـــــــفس ج: قلت له ..
هند: حرااام عليك يا فيصل انت شقاعد تقووول تحبني وتموت فيني بس تجرحني بكلامك وكنت تبي تمد ايدك علي أي حب هذا يافيصل اللي تتكلم عنه..
فيصل: الحب اللي خلاني واقف الحين جدامج لان لولا حبي لج جان لقتيني بين الاموات الحين..
هند قاطعته بسرعة وبدون ما تحس: سم الله عليك يعل عدوينك..انتبهت ع اللي قالته فاستحت ونزلت راسها..
فيصل ابتسم: اكبر دليل ع حبج لي الكلام اللي قلتيه الحين يا هند انا ادري ان انا فرطت فيج وانا اعرف انج تحبيني وانا احبج لكن كنت ابيج تبينين لي انج تحبيني ما كنت ابيج تقولينها بس ع الاقل تلمحين لي يا هند انا كنت خايف لايكون حبج لي مجرد حب مراهقة لا اكثر ولا اقل كنت اتعذب وطبعا احمد ما خلاني لحالي ابدا تم فوق راسي كل يوم يذكرني فيج وانا اتعذب كل يوم اكثر من اليوم اللي قبله..
هند: وش اللي خلاك تكلمني بالطريقة اللي كلمتني فيها واللي خلاك تبي تمد ايدك علي يا فيصل..
فيصل: كنت مقهور منج ومن معاملتج لي معاملتج كانت قاسية يا هند كنتي ما تعطيني ويه وتحاولين تتجنبيني قد ما تقدرين انا ما كنت اقدر استحمل وهذاك اليوم اللي كنا طالعين فيه المستشفى ادري اني غلط عليج وااايد لكن ابيج تعذريني لاني كنت مقهوور ارجوج يا هند سامحيني ارجوج..
هند: ما اقدر يا فيصل ما اقدر ارجوج قدر اللي انا فيه انا عايشة تحت ضغط مو طبيعي وما اتوقع ان راح اقدر اسامحك لان كرامتي ما تسمح لي اسامحك يا فيصل..
فيصل تعب خلاص: يعني يا هند راح تمين طول عمرج زعلانة مني وما تكلميني..
هند: شوف يا فيصل راح اكلمك بصفتي بنت عمك كاخت لك لكن حب وزواج مستحيل يا فيصل مستحيل..
فيصل تحطم نهائيا بعد الكلام اللي قالته هند: خلاص يا هند اللي تبينه راح يصير..
اسيـــــــــــــــ((الصمت)) ـــــــــــرة: خس الله بليسج .. انزين و شنو بعدين ؟؟
البنـــــــ((زهر))ـــــــفس ج: رحت و ماصارت نص دقيقه الا انا راجعه له .. و قالت لها السالفه ..
اسيـــــــــــــــ((الصمت)) ـــــــــــرة: طعلتي مب هينه بعد تقولين له شعر ..
البنـــــــ((زهر))ـــــــفس ج: شفتي شلون انزين حتى هو قال لي ..
اسيـــــــــــــــ((الصمت)) ـــــــــــرة: شنو ؟؟؟
البنـــــــ((زهر))ـــــــفس ج:
لايمكن ولافكرت بيوم انسااك
ومهما غبت عن عيني اشوفك وانت بغيابك ..
"" اشوفك ""
صوره حلوه تصبرني بعد فرقاك
ونااار الشوق يحرقني بدمع صاار بااسباابك
ولو جسمي يصير بعيد ترى قلبي جلس ويااك
وقلبك صار من حظي ومهما صابني صاابك
"" احبك ""
يابعد عمري وشمعة حبنا ذكرااك
احبك حاضر وغايب واحب الليل لاجاابك
" خيااالك ""
هو رفيق الليل
الا سبحاااان من سوااك جميل اخلاق
ولك صوره جميله تقتل احبااابك
"" حزين ""
وطااالت الفرقى واناا صابر وااقول اهواااك
غريب الدآر يااحبي واقول اموت واحيااابك
"" ومهما قلت ياحبي ""
حيااتي كلها تفداك
انااا ودي اقربلك واصير اقرب من اهدااابك
بااواصل وحدتي واطلب من المولى عسى القاااك
ترى حبي رضا حظه وانا
ياحظــ برضاااابك..
اسيـــــــــــــــ((الصمت)) ـــــــــــرة: يه يه يه شنو هالكلام لالالالا انا مااقدر عليكم انتوا الاثنين طلعتوا مب هينين ..
البنـــــــ((زهر))ـــــــفس ج: قومي انزين ترى استحي ..
اسيـــــــــــــــ((الصمت)) ـــــــــــرة: بعد هالكلام كله وين تستحين هاااااااااااا جليلة الحيا ..
البنـــــــ((زهر))ـــــــفس ج: دخييييييييييييلج قصرتي انتي و احمدوه ذاك اليوم على التلفون اشكره عيني عينك مغازل استحوا على ويهكم انا قاعده ..
اسيـــــــــــــــ((الصمت)) ـــــــــــرة: اووووووووه الحين بتذلنا ..
البنـــــــ((زهر))ـــــــفس ج: لا فديتج ماعااش اللي يذلج والله ..
اسيـــــــــــــــ((الصمت)) ـــــــــــرة: انزين و شنو بعد ؟؟؟
البنـــــــ((زهر))ـــــــفس ج: ولا شي ..
اسيـــــــــــــــ((الصمت)) ـــــــــــرة: اوكي عيل انا باطلع الحين شكلج مشغوله ..
البنـــــــ((زهر))ـــــــفس ج: ايه خلود راقد على السرير و جسوم تحت في الصاله ..
اسيـــــــــــــــ((الصمت)) ـــــــــــرة: انزين عيل سلمي على ساره ة فطيم ..
البنـــــــ((زهر))ـــــــفس ج: اسلم على اخت ريلج ..
اسيـــــــــــــــ((الصمت)) ـــــــــــرة: يالسخيفه ..
البنـــــــ((زهر))ـــــــفس ج: اراهن انه ويهج صار احمر ..
اسيـــــــــــــــ((الصمت)) ـــــــــــرة: لا تصدقين انقلب اصفر و اخضر ..
البنـــــــ((زهر))ـــــــفس ج: انزين خلاص مايحتاي تقولين باسلم على احمد ..
اسيـــــــــــــــ((الصمت)) ـــــــــــرة: هندوه يالسخيفه .. و طلعت .. اوف لاين .. و طلعت هند لحفت خالد و نزلت تحت و شافت جاسم قاعد يطالع تلفزون بس اشكره راقد و لحفته و راحت تسوي لها شي في المطبخ ..
وقتها رن جوالها و كانت المتصله غاليه .. >> بــــــــــــــــــــــــ ـــــــــــــــــــــــــ ــــــل هذي مالت سنة يدي شنو اللي خلاها تتصل الحين <<
هند: الووو ..
غاليه: السلام عليكم ..
هند: و عليكم السلام منو ؟؟
غاليه: ماعرفتيني انه حبيبة فيصل ..
هند: اوووووووووووه صح نسيت تصدقين .. شنو تبين متصله هالحزه نسيت اووووه فاضيه عمل ..
غاليه: انا متصله اقول لج انه انا برد فيصل لي و بتشوفين ..
هند: شلون بتسوين جي و هو مايطيق يشوف شيفتج ؟؟
غاليه: انا رجعت و محد بيقدر يوقفني هالمره انا احبه و ابيه ..
هند: بس كانت غلطه منج انه قعدتي مع سلطان و خنتيه قبل يوم من ملجتكم ..
غاليه: كانت غلطه و انا ندمانه عليها ..
هند: انتي الحين ليش متصله ؟؟
غاليه: عشان اقول لج تنسين فيصل لانه هو لي ..
هند: انزين انزين .. و لوسمحتي لا تتصلين مره ثانيه .. و صكرت في ويهها ..
هند بدت تفكر و صج خافت من غاليه و اتصالها هذي البنت بتسوي المستحيل عشان ترد فيصل لو شنو صار فيها بترده و هي عند كلمتها هذي قطوه ام 7 ارواح بس الله يستر شنو بتسوي ..
(( هند )) .. والله بديت اخاف شنو بتسوي فينا بعد انا ماصدقت يطيح الحطب بيننا و الحين هي تيي و تخرب علينا والله حاله و شنو تقصد لين قالت انا رجعت و محد بيقدر يمنعني هالبنت انا اخاف منها من بعد اللي تسويه لو تبيع شرفها والله عادي عندها عشان ترد فيصل يالله .. الحين شنو اقول حق فيصل ولا لا .. بس مااعتقد انه جاده بكلامها شنو يعني تقدر تسوي .. حق منو اقول الحين .. مافيه الا هو ايه هو الوحيد اللي بيساعدني .. بس شنو اقول له اني احب فيصل و غاليه بتاخذه مني والله حلوه شنو بيقول عني .. افففففففففففف انا بقول له و يصير اللي يصير .. ماعلي هالمره من احد كله ولا تاخذ فيصل مني انا والله مااقدر اعيش بدونه ..
و اتصلت في محمدوه ..
محمدوه: حد يتصل في هالوقت ..
هند: ايييييييييه انت قوم ابي اكلمك ..
محمدوه: مقومتني من عز رقادي و تقولين لي ايييييييييييييه ابي اكلمك شنو تبين ؟؟؟
هند: غاليوه توها اتصلت فيني ..
محمدوه يفز من على السرير: شنووووووووووووووووووووووو ووووووو متى ؟؟؟
هند: اقول لك توها ..
محمدوه: ليش شنو تبي ؟؟
هند: قالت انا رجعت و انها بتسوي المستحيل عشان ترد فيصل لها ..
محمدوه: شنو تبي هذي ليش يعني تقول هالكلام ؟؟
هند: اقول انها تبي فيصل تحبه البنت و الله خايفه من كلامها الله يعين شنو بتسوي ..
محمدوه: شمعنى اتصلت لج ؟؟
هند: انت اخر من يعلم ..
محمدوه: شنووووووووووو ؟؟؟
هند: فيصل يحبني و انا احبه و جاسم و خالد و احمد و ساره و فطيم يدرون و ابوي ..
محمدوه: و انا الاطرش في الزفه ..
هند: شنو تبيني اقول لك انا احبه و اموت عليه مثلا ..
محمدوه: انزين يعني يوم طيحتج في المستشفى كانت بسبب فيصل ؟؟
هند: ماتحملت انه يخطبها و بعدين صادني هبوط سكر ..
محمدوه: و انا اقول ليش مابغيتي تقولين لي اثر به الحب ماخذ عقلج ..
هند: اوووووووووه الحين شنو بتسوي غاليه عشان ترد فيصل على قولتها ..
محمدوه: و الله مااقدر اروح حق البنت و اقول لها شنو بتسوين لازم تقولين حق فيصل ..
هند: شنووووووووو و شنو بقول له ..
محمدوه: تعرفين انا بقول له ..
هند: محمدوه والله وااااااااايد خايفه منها ..
محمدوه: انزين انزين دام انا موجود لا تخافين اوكي ..
هند: اوكي ..
محمدوه: انزين انتي الحين روحي نامي و باجر بمر عليج و بنطلع و بعدين بنشوف شنو بنسوي اوكي ..
هند: وين بييني رقاد الحين ..
محمدوه: صلي ركعتين و اقري سورة البقره و نامي ..
هند: انزين .. والله مادري شنو اسوي بدونك ..
محمدوه: كنتي بتكونين بروحج ..
هند: هههههههههههه .. تسلم ..
محمدوه: يلا روحي سوي اللي قلت لج عليه ..
هند: انزين .. و صكرت و سوت اللي قال لها و نامت في على الكرسي تحت في الصاله .. الكرسي اللي عند جاسم ..

غاليه مالت سنة يدي .. شنو بتسوي ؟؟
فيصل شنو بيكون موقفه من هند ؟؟؟
هند يتكره فيصل ولا لا ؟؟؟
شنو بيصير في ملجه مريم و علي ؟؟؟