[فيتامين سي]

اليوم الثاني في بيت بوفيصل .. الظهر الساعه 2 ..
بوفيصل: اختج ليش متصله ؟؟
ام فيصل: مادري قالت انها تبي تيي تزورنا ..
فيصل: لها ويه بعد ..
بوفيصل: فيصل لا تقول جي عن خالتك مهما كان لازم تحترمها ..
احمد: ليش هي تستاهل الاحترام ولا بنتها ..
ساره: يمه اللي صار مب شويه دخيلج مانبيا تيي ..
ام فيصل: مهما كان هذي اختي و خالتكم و لازم ماتقطعون صلة الرحم ..
فيصل: ليش هي خلت فيها صلة رحم اصلا .. انا طالع مااقدر اقعد في مكان و هي موجوده فيه ..
احمد: خذني معاك .. و طلعوا و بوفيصل بعد ..
ساره: صفينا انا و انتي يمه شنو تبين نسوي ؟؟
ام فيصل: ههههههه انزين شنو رايج نتغدى و هم كيفهم ..
ساره: انزين لانهم قالوا بيتغدون برع ..
ام فيصل: شخبار خالد وجاسم من بعد وفاة المرحومه ؟؟
ساره: احسن من قبل هند تقول ..و بيعيشون عندهم ..
ام فيصل: زين عيل .. الله يصبرهم ..
ساره: يمه ليش تتوقعين خالتي بتيي اليوم مع غاليوه ؟؟
ام فيصل: ماادري بس قلبي مب متطمن ..
ساره: انزين عيل انا بروح ابدل و بيي .. و راحت ..
الساعه 4 العصر وصلت ام غاليه و غاليه معاها و غاليه كانت شكلها غير عن اخر مره ..
غاليه+ام غاليه: السلام عليكم ..
ساره+ام فيصل: و عليكم السلام ..
ام غاليه: شلونج اختي ؟؟؟
ام فيصل: هلا والله الحمد لله بخير و انتي شلونج ؟؟
ام غاليه: عايشين ..
غاليه: شلونج خالتي ؟؟
ام فيصل: هلا حبيبتي انتي شلونج ؟؟
غاليه و بكل ثقه: تمام الحمد لله ..
ساره: هاتي عباتج ..
غاليه: لا انا بروح اعلقها .. و راحت شافت الخدامه .. تينا >> اسم الخدامه << هاج حطي هذي في غرفة فيصل تحت السرير ..
الخدامه: ان شاء الله مدام .. و راحت ..
و رجعت الصاله ..

بعد 4 ايام ..
فيصل دخل غرفته و حس بشي غريب مايدري شنو بس هالايام هو واااااااايد يتجنب هند و مايكلمها ولا يطق لسانه لسانها و اذا شافها يمين يروح يسار حتى احمد لاحظ عليه هالشي و هند بعد شنو سالفته محد يعرف ..
في يوم الاثنين راحوا خالد و جاسم حق علي ولد خالة هند ..
علي: هلا والله بالشباب ..
خالد: شخبارك ؟؟؟
علي: والله بخير و انتوا ؟؟
جاسم: احنا تمام ..
علي: حياكم ..
خالد: علي احنا بغيناك في موضوع ..
علي: آمروا ..
جاسم: مايآمر عليك عدو بس يوم الخميس نبيك تسوي ملجتك ..
علي: شنوووووووووووو ؟؟؟؟
خالد: احنا ندري انك مأجل ملجتك عشان وفاة الوالده بس مايصير جي يعني انت لين تعرس بينفتح الباب لنا ..
علي: ههههههههههههههههههههههههه ههههه بس ......................................
جاسم: ولا بس ولا شي احنا نبي نساعدك بعد شنو رايك الكوشه علينا و الطاولات و العشى و البوفيه ..
علي: لا شباب هذي وااااااااااااااايد يكفيني حضوركم ..
خالد: أحنا نبي نسوي شي ..
علي: لو تقعدون عندي هذي يكفي ..
جاسم: مب على كيفيك مريم مثل اختنا الصغيره و نبي نسوي لها شي ..
علي: قلت لكم مايحتاي ..
خالد: انت وين بتسوي ملجتك ؟؟
علي: في بيت العروس ..
جاسم: انزين عيل خل كل شي عليها كفايه انك اجلت ملجتك وااااااايد ..
علي: قلت لكم لا ..
خالد: لا تناحس مب زين لك انت معرس الحين ..
جاسم: لا تخلينا ندفع لك تذاكر شهر العسل بعد ..
علي: لالالالالالا انزين خلاص ..
خالد: اوكي يوم الخميس العصر كل شي بيكون جاهز ..
علي: انتوا ليش تسوون جي ؟؟
جاسم: عشان تردها في عرسنا ان شاء الله ..
علي: ههههههههههههههههههههههههه هههههههه من عنوني ..

حجزت هند لها في الصالون و ام جاسم و ام علي ام المعرس و عاشه و ام خالد ام العروس و العروس بيتعدلون في البيت بتييهم وحده و هند بتروح بروحها الصالون و ساره و فطيم في البيت و مها معاهم ..
و نوره رفيجة هند و سميه اللي بيون الملجه اما الباقي مايقدرون ...
راحوا هند و ساره و فطيم السوق و وداهم خالد وجاسم و عبدالرحمن ..
خالد: مو تتأخرون خذوا اللي تبونه و طلعوا احنا ورانا شغل ..
ساره: ماادري شنو وراكم ..
جاسم: شغل ..
خالد: انزين هنوده زفة العروس عندج ..
هند: ايه ..
عبدالرحمن: انزين تعالوا يلا خذوا اللي تبونه ..
و راحوا البنات ياخذون لهم اطقم ذهب حق الفساتين .. و بعدين خذوا لهم مكياج و هديه حق مريم العروس اللي هي بتكون طقم الماس و سلة عطور و صندوق خشب عليه زخارف بالذهبي و داخله فساتين نوم و طقم الحمام اكرمكم الله .. و بعدين خذوا لهم ملابس طلعه و خرابيط البنات .. و بعدين رجعوا البيت ..
جاسم: انتوا من متى مارحتوا السوق ؟؟؟ >> يتطنز الاخ <<
هند: يمكن من كم من يوم ليش يعني ؟؟؟
خالد: ماخليتوا شي ماخذيتوه ..
ساره: احنا بنات و لازم نكشخ مب انتوا بس ثوب و غتره و عطر و اقلط عند رفيجك ..
هند+فطيم: ههههههههههههههههههههههههه هههه ...
عبدالرحمن: فقرتونا ..
فطيم: اللي يقول انتوا اللي دفعتوا ..
خالد: لا حشى ماادري منو عشااكم ..
ساره: يعني الحين بتذلونا على العشى مشكورين ..
خالد: ماعاش اللي يذلج .. اقصد يذلكم ..
الكل: ههههههههههههههههههههههههه ههههههههههه ..
خالد: مااقدر امسك عمري يدام خطيبتي ..
هند: مبين ..
جاسم: انزين عبدالرحمن يوم ملجة علي تعال انت و مايد و فيصل و احمد باتوا عندنا في الميلس البراعي و السهره بتكون صباحي شنو رايك ؟؟
عبدالرحمن: انزين ..
هند رن جوالها و كانت نوره اللي متصله لها .. نونة احمد ..
هند: هلا والله ..
نوره: هلا فيج اخبارج ؟؟
هند: تمام الحمد لله و انتي ؟؟
نوره: مااعرف شنو البس حق الملجه ..
هند قامت: اي شي ..
نوره: ماادري ..
هند: انزين بقول لج شي ..
نوره: شنو ؟؟
هند طلعت في الحوش: فيصل يانوره فيصل ..
نوره: شنو فيه ؟؟
هند: مايعطيني ويه ..
نوره: يعني شلون ؟؟
هند: يعني لين يشوفني دايما يتهرب و المكان اللي انا فيه هو يطلع منه و اذا انا كنت يمين هو يسار ..
نوره: ليش انزين انتي سويتي شي ؟؟؟
هند: لاااااااااااااا ولا شي ماادري شنو فيه احسه يكرهني ..
نوره: انزين دام انتي متأكده انج ماسويتي شي عيل كلميه ..
هند: مااقدر اقول لج يتهرب مني حتى لين نكون بيت يدوه قاعدين يتصل في احمد و يقول له اذا انا موجوده ولا لا ..
نوره: بل بل لهالدرجه كارهج ليش انزين ؟؟؟
هند: انا شاكه في غاليوه الخايسه ..
نوره: ليش ؟؟
هند: اتصلت ذاك اليوم و تهدد تقول اني رجعت و برجع فيصل لي و بتشوفين شكلها نفذت تهديدها ..
نوره: شنو تعتقدين سوت ؟؟؟
هند: ماادري بس ورى هالسالفه .. شنو اسوي الحين ؟؟
نوره: والله ماادري انزين اسألي احمد يمكن يعرف ..
هند: ماادري بشوفه .. و بسلم عليه ..
نوره: يالسخيفه ..
هند: انزين عيل اخليج و انتي روحي نقي شي تلبسينه يوم الخميس ..
نوره: انزين .. و صكرت ..

الفليل الساعه 12 ..
ام فيصل و بوفيصل و احمد و فيصل كانوا قاعدين تحت في الصاله يطالعون تلفزون .. شوي الا ينزل سلمان و توه قايم من النوم و يحك راسه و يصيح .. راح و قعد في حضن فيصل ..
فيصل: سلماني شنو فيك حبيبي ؟؟؟
احمد: ليش قمت من النوم ؟؟؟!!!
سلمان: اخاف ..
ام فيصل: من شنو تخاف ؟؟
بوفيصل: كلنا قاعدين تحت لا تخاف ..
سلمان: لا انت ماتعرف باباتي انا اخاف من الجني اللي بيحني يدي و ريلي .. >> ترى الولد يمشي و هو راقد و هو يقول هالكلام الحين و هو راقد و مايحس بعمره <<
الكل: ههههههههههههههههههههههههه ههههههههههههههههههههههههه هههههههههههه ..
فيصل: ههههههههههه ليش هو ياك و قال لك ..
سلمان: اييييييييه قال لي اذا قمت من النوم بيحنيني ..
احمد: انزين روح نام مره ثانيه عشان مايسوي فيك شي ..
بوفيصل: اتذكر فيصل لين كان صغير كان يمشي في نومه ..
فيصل: صج متى ؟؟
ام فيصل: مره الساعه 1 الفليل سمعنا صوت في الحوش لين انت كنت في اول ثانوي اعتقد و لين نزلنا تحت لقيناك في السياره و مشغلها و شوي و بتطلع من البيت و الحمد لله ابوك لحق عليك ..
>> يعني اول ثانوي الحين صغير <<
احمد: عشان تعرفون من صغره و هو يحب السيارات ..
الكل: ههههههههههههههههههههههههه ههههههههههههههههههههه ..
فيصل: انزين سلماني تعال فوق انا بنام عندك و بشوف اذا ياك اليني بقول له روح حق احمد انزين ..
سلمان: انزين ..
فيصل: تصبحون على خير ..
احمد: خذني معاك عشان ماايي عندي و يروح عند الوالد و الوالده ..
بوفيصل: عيل بنيي انام عندكم ..

يوم الخميس .. ملجة علي و مريم ..
كان العصر الساعه 5 و مريم و عاشه ينطرون راعية الصالون تييهم عشان تعدلهم .. طبعا مايحتاي اوصف لكم شعور مريم كانت واااااااايد خايفه و ماتقدر تقعد مكان واحد و تقطع في الحجي و الله حالتها حاله هاليوم .. و عاشه تهدي فيها بس ماشي فايده البنت اريحه فيها .. و خالتي نوره اللي ام خالد ادور يمين و يسار و اجهز مني و مناك و تصرخ على اللي ياي و اللي رايح شوي و تفلع الخدامه و تذبح الدريول .. حوش بيتهم كبير فمروا خالد و جاسم اخوان هند و وصلوا الطاولات و عدلوا كل شي على اساس انها هدية علي و مريم و كل شي كان مرتب و حلو ..
مريم: هالجلبه هندوه وينها ؟؟
عاشه: في الصالون و بتيي بعدين ..
مريم: انزين ليش تأخرت ؟؟
عاشه: هذي اللي بالعن شكلها الحين قلت لج هي في الصالون ..
مريم: انزين و سي دي الزفه وينه ؟؟؟
عاشه: هند بتييبه هي قالت من ساعه لين اتصلت ..
مريم: انزين انزين خلاااااااااااص باسكت ..
يات راعية الصالون و يدت في عاشه و الثانيه بدت في مريم و ام علي ام المعرس و ام جاسم و ام خالد خالتي نوره بعد قاموا يعدلونهم ..

في الصالون الساعه 6 و نص ..
هند كانت بروحها و خلصوا شعرها و الحين بتبدأ في المكياج ..
مالت المكياج: والله انتي حيرتيني ..
هند: شله ؟؟؟
مالت المكياج: ماادري شلون احط لج مكياج ..
هند: شفيه ويهي ؟؟!!
مالت المكياج: انتي ويهج طفولي و مب حلو عليج المكياج الثقيل ولا الغامج و بعدين وااااايد بيضه ماشاء الله عليج ..
هند: انزين ممكن بسرعه لو سمحتي لانه العروس وااااااايد خايفه و تنطرني ..
مالت المكياج: منو العروس يعني شنو تصير لج ؟؟؟
هند: بنت خالتي ..
مالت المكياج: مبروك الفال لج ..
هند: الله يبارك فيج ..
بعد ماخلصت هند من المكياج و طلع عليها واااااااااااو رهيب و وايد يغيرت و يوا جاسم و خالد و خذوها ..
وصلت هند و على طول راحت فوق ..
مريم: انتي وينج ؟؟
هند: توى والله مخلصه ..
مريم: انزين طلعتي حلوه و صكيتي علي ..
هند: لا فديتج انتي وااااااايد احلى مني انا خوفي يستخف عليج ..
عاشه: اذا من الحين هو مستخف شنو بيسوي لين يشوفها ..
هند: بيغمى عليه ..
البنات: ههههههههههههههههههههههههه هههههههههه ..
فطيم: انزين انا و ساره بنروح تحت ..
عاشه: خذوني معاكم مريم صكت راسي .. و نزلوا ..
هند وقفت يدام المنظره و قعدت تتعدل ..
مريم: هند شنو فيج ؟؟؟
هند: ولا شي ليش ؟؟
مريم: انتي متضايقه ..
هند: لا بالعكس في احد يتضايق في يوم ملجة بنت خالته ..
مريم: اعرفج كتومه و ماتقولين حق احد اللي في قلبج ..
هند تقاطعها: انتي اليوم يتتزوجين و لازم ماتهمج هالسوالف فلوسمحتي ابتسمي ..
و هني يات المصوره و خذت هند و قعدت تصورها و طلعت وااااااااااااااااااايد حلوه في الصور .. نونة احمد يات و سميه و عبير انا الباقي ماقدروا ايون ..
عاشه كانت لابسه فستان بيج و مشمشي .. فطيم فستانها احمر و اسود .. ساره لابسه فستان وردي و بطيخي .. هند ذهبي و بني .. نونة احمد بنفسجي و وردي .. سميه احمر و ابيض و اسود .. عبير فستانها ازوق فاتح و برتقالي .. اما العروس مريم لابسه فستان ماروني و لونه واااااااااااااااااايد حلو غريب و طلعت رهييييييييييييييييييييييي يييييبه زين علي مايستخف عليها .. نزلت و طلعت حلوه و مشت بخطوات ثابته و حطت لها هند الزفه و طلعت حلوه وايد ..

عند الشباب ..
كانوا قاعدين في بيت بوجاسم في الميلس البراعي بعد ماطلع الملاج ..
علي: انزين متى بنروح ؟؟
خالد اخو العروس: صبر اختي مابطير ..
جاسم: مسكين مستعيل ..
خليفه: العوق ينطره ..
الكل: ههههههههههههههههههههههههه ههههههههههههههههههههههههه ههههه ..
فهد: و انت خالد اخو جسوم متى بتملج ؟؟؟
خالد: الله اعلم ..
جاسم: بعد ملجة علي ان شاء الله ..
خليفه: لااااااااااااااااااااااا انا باخطب بعد ملجة علوي ..
علي: معرس و تقول لي علوي ..
الكل: جــــــــــــــــــــــــ ـــــــــــــــــــــــــ ـــــــــــــــــــــب ..
علي: ليش طرطنقي عندكم ..
سيف: لا طربوش ..
الكل: ههههههههههههههههههههههههه ههههههههههههههههههه ..
سعود: منو بتخطب خلوف ؟؟
خليفه: مالك شغل انت ماعليك الا تحضر و ترزف بس..
خالد: انزين بانطر و بنشوف نهايتها ..
حسن: وين فيصل و مايد و احمد و عبدالرحمن ؟؟؟
جاسم: فيصل ماادري وينه اتصل فيه مايرد و احمد و الشباب الحين في الطريج ..
خالد اخو العروس: شنو ماتدري وينه ..
خالد: نتصل فيه مايرد ..
سيف: لا يكون فيه شي و انتوا خبر خير ..
جاسم: ماادري مع انه متفقين اليوم نبات مع بعض اليوم ..
شوي الا يدخل احمد و مايد و عبدالرحمن ..
الشباب: السلام عليكم ..
الكل: و عليكم السلام ..
مايد: مبروك يامعرس ..
علي: الله يبارك فيك يالله الفال لك ..
عبدالرحمن: يصير خير بعد 7 سنين ..
احمد: وييييييييييييه تفاول عليه ليش قول بعد قرن من الحين ..
الكل: ههههههههههههههههههههههههه هههه ..
مايد: ها شخبارك ؟؟
عبدالرحمن: اهم الشي النفسيه ..
علي: عال العال و فرشت اسناني بسيجنال المتطور الجديد ..
سيف: نعناعه ..
سعود توأمه: لمون ..
الكل: ههههههههههههههههههههههههه هههههههههههههههههههههه ..
خليفه: وين فيصل ؟؟؟
احمد: قال الحين بيي ..
جاسم: عيل ليش مايرد علينا ..
احمد: ماادري ..
فيصل توه ياي: السلام عليكم شنو فاتني ..
الكل: و عليكم السلام ..
فهد: فاتك نعناعه و لمون ..
فيصل: افااااااااااااااااااااااا اااااااااااااااااا عيدوا عيدوا ..
سيف: سعود نعناعه ..
سعود: سيف لمون .. و تحاضنوا ..
فيصل: انا جرجير ..
فهد: انا بقدونس ..
علي: مالقيتوا الا تتحجون عن الاكل و الواحد يوعان ما ماكل من الصبح ..
خالد: ليش ريجيم ..
حسن: لا يفوتك من النوع القاسي ..
جاسم: ليش شنو تبي تصير كيس مخفوس ..
الكل: ههههههههههههههههههههههههه ههههههههههههههههههههههههه ..
خالد: فيصل ليش ماترد علينا ..
جاسم: ايه والله من العصر نتصل فيك ..
فيصل: سوري والله كنت مشغول ..
جاسم: سامحناك ..
علي: اوووووووووووووووووه يلا عاد نبي نروح ..
حسن: مستعيل على رزقه ...
فهد: اول ولد على اسمي ..
خليفه: و الثاني علي انا ..
جاسم: الثالث محجوز لي ..
حسن: انا اخوك خل الرابع لي انا ..
علي: ليش بييب درزن ..
احمد: و خل معاهم عصير بو نص ..
الكل: مال اول ...
و طلعوا الشباب و اتصل خالد في هند و قال لها انهم الحين بيون و سلمان كان اصلا مع البنات .. مريم في البدايه خافت بس بعدين عادي الحياه حلوه ولا كأنه شي صاير .. لبسها على الشبكه و بعدين راحوا الميلس و قعدوا يصورون .. طبعا عاشه فجت مناحه و هند بعد و راحوا داخل مع البنات و الشباب وقفوا برع مع سياراتهم و سلمان طلع قعد عند فيصل ابوه الثاني .. و الحريم قعدوا يتعشون ..
فيصل: انزين شباب اسمحوا لي انا بروح ..
حسن: وين اقعد تعشى ..
فيصل: لا مشكور ..
جاسم: لا يكون مابتي اليوم الفليل ..
فيصل: لا تخاف مابفوت لحظه ..
سلمان: بيي معاك ..
فيصل: انزين يلا .. و راحوا ..
في السياره ..
سلمان: زوجتي اليوم وااااااااااايد حلوه ..
فيصل: منو ؟؟
سلمان: هنوده ..
فيصل: شلون شكلها ؟؟؟
سلمان: حلللللللللللللللللللللللو ه واااااااااااااااااااااااا اااااااااايد و لين رقصت احلى و احلى ماادري من وين تعلمت و بعدين فستانها وااااااااايد حلو الكل مدحها و سمعت ماما تقول انه في وحده تبي هند حق ولدها ..
فيصل: و انت ترضى ؟؟؟
سلمان: لا طبعا ..
فيصل هالايام واااااااااااااااايد يتجنب هند و مايقعد وين ماهي قاعده مايدري ليش صار له جي مره وحده كرهها في يوم و ليله يحس بأنها تقززه لين يشوفها و يحس بعد انه جبده تلوع لين يشوفها مايدري ليش بس هو مشتاق لها واااااااااااااااايد و خاطره يكلمها ..