[فيتامين سي]

الساعه 12 ..
جاسم و خالد مروا على هند و راحوا البيت .. في السياره ..
خالد: هاااااااااا شخبار العروس ..
هند: عادي الحياه حلوه ..
جاسم: سمعت انج صحتي ..
هند: ايه ..
خالد: انزين تصورتي ؟؟
هند: الصور بتطلع يوم السبت و انا بروح اخذها ..
وقتها رن جوال هند و تشائمت لين شافت الرقم ..
هند: شتبين ؟؟؟
غاليه: قلت لج بخلي فيصل يهدج و ايي لي ..
هند: شسويتي ؟؟؟
غاليه: اللي مايخطر على البال ..
هند: انا بروايج و كل شي بيرتد عليج و مااكون هند اذا ماراويتج شغلج بس هالمره كل شي بيكون علني ..
غاليه: انتي مو في موقف يخليج تهددين فيصل قاعد يتهرب منج هالايام خلاااااااااااااص انسيه ..
هند: كل اللي تسوينه انا باعرفه و بتشوفين .. و سدت الخط في ويهها ..
جاسم: منو هذي ؟؟
هند: ولا شي ..
خالد: هند شفيج ؟؟
هند: قلت لك ولا شي ..
جاسم: هند كفايه لا تخشين عنا شي احنا اخوانج و لازم نعرف شنو فيج ..
هند: ولا شي ولا شي .. و تصيح ..
وصلوا البيت و راحوا الشباب عيال عماتهم و اعمامهم يتعشون بس فيصل ماراح معاهم .. و هند راحت بدلت و لبست بجامه ازوق فاتح و البنطلون مالها خفيف و لونه ازوق فاتح و مخطط ابيض و القميص ابيض عليه دبدوب .. و راحت الميلس تفرش للشباب .. وقتها فيصل دخل و راح الميلس عشان يحط اغراضه بس انتبه على حركه في الميلس و طل من الباب و شاف هند و الدموع في عيونها و تنزل على خدها المتورد و بالبجامه و تفرش لهم و شعرها المفتوح و الملفوف و نازل على ويهها و خدودها المتورده و عيونها اللي تلمع .. شكلها كان يطير العقل حلوه .. قعد فيصل يطالعها و خلاااااااااااااااااااص حاس انه في شي يمنعه من انه يقرب منها ولا يقول لها شي يحس بدوخه لين يشوفها .. هو عارف انه هالشي غلط بس مايقدر يمنع نفسه .. يحبها و يموت على ترابها و يعشقها شنو يسوي .. مب عارف من وين هالشعور ياه فجأه الله يلعن هالشعور ..
>> الله لا يحطكم في هالموقف <<
و بعدين راحت داخل و الشباب دخلوا الميلس و قعدوا يشوفون DvD ..
الساعه 1 و نص ..
دخلت هند النت و لقت طلال ولد عمها من الامارات و شبيهها اون لاين و هو دخل عليها ..
ســـــر((الليل))مـــــــــد : هلا والله بشبيهتي ..

البنـــــــ((زهر))ـــــــفس ج: بالمهلي اخبارك ؟؟

ســـــر((الليل))مـــــــــد : تمام الحمد لله و انتي ؟؟؟

البنـــــــ((زهر))ـــــــفس ج: تمام شخبار اليازيه ؟؟؟

ســـــر((الليل))مـــــــــد : تعابل محمد و ناصر ..

البنـــــــ((زهر))ـــــــفس ج: شخبار الباقي ؟؟؟

ســـــر((الليل))مـــــــــد : الكل تمام و يسلمون عليكم و الخماسي المرح شحالهم ؟؟؟؟

البنـــــــ((زهر))ـــــــفس ج: ساره وافقت على خالد و ملجته بعد مده قصيره جاسم تمام و احمد ان شاء الله بيخطب رفيجتي و مايد تمام و عبدالرحمن بعد بخير ..

ســـــر((الليل))مـــــــــد : انتي شحالج ؟؟؟

البنـــــــ((زهر))ـــــــفس ج: انا تمام ..

ســـــر((الليل))مـــــــــد : شو له ماتحدرون عندنا ؟؟؟

البنـــــــ((زهر))ـــــــفس ج: ودي بس شنو اسوي مشغولين ..

ســـــر((الليل))مـــــــــد : اوكي يمكن حنا نيي عندكم شو رايكم في هالمفاجأه ..

البنـــــــ((زهر))ـــــــفس ج: حياكم والله احلى مفاجأه ..انزين اليازيه ربت و الريم بعد ولا لا ؟؟؟

ســـــر((الليل))مـــــــــد : قريب ان شاء الله و الحلو انهم في نفس الاسبوع ..

البنـــــــ((زهر))ـــــــفس ج: بشرني اوكي .. شخبار اعمامي و حريمهم ؟؟؟

ســـــر((الليل))مـــــــــد : بخير و بويه وااااااااااايد يسأل عنج ..

البنـــــــ((زهر))ـــــــفس ج: فديته والله وصل له سلامن حار مني ..

ســـــر((الليل))مـــــــــد : يوصل يالغاليه ..


البنـــــــ((زهر))ـــــــفس ج: اوكي اخليك الحين بس لا تقطعونا ..

ســـــر((الليل))مـــــــــد : افاااااااااااااااا عليج في القلب انتوا .. و طلعت هند ..

عند الشباب تحت ..
فيصل: انا باطلع شوي ..
جاسم: وين بتروح نص الليل ..
فيصل: باتكلم في التلفون ..
خالد: انزين بس لا تغازل وااااااااايد خل لنا شوي ..
احمد: ليش انت مقصر ..
خالد: احم احم خلونا نطالع الفلم .. و طلع فيصل اتصل في يعقوب ..
يعقوب: هلا والله بالغالي ..
فيصل: هلا فيك شخبارك ؟؟؟
يعقوب: والله تمام و انت ؟؟؟
فيصل: تعبان ..
يعقوب: شفيك بعد انا اخبر انكم تصالحتوا !!!
فيصل: تصدق انت الوحيد اللي يفهمني ..
يعقوب: شنو صار تهاوشتوا ؟؟؟
فيصل: لا بس كرهتها ..
يعقوب يصرخ: شنووووووووووووووووووووووو وووووووووووووووووووووو ؟؟؟
فيصل: بط اذني بعد ..
يعقوب: شلون انزين مو انت ذابح عمرك عشانها ..
فيصل: لا السالفه مو جي فجأه كل مااشوفها اتقزز و تصيدني دروه في راسي و اذا هي شرق انا اروح غرب ولا يمين انا اروح يسار و اذا هي فوق انا اروح تحت ..
يعقوب: حشى الجهات الاربع .. ليش انزين شنو صار لك ؟؟؟
فيصل: ماادري ماادري والله مره وحده جي و اليوم شفتها كانت تصيح و دموعها على خدها والله كسرت خاطري شنو اسوي يعقوب الحقني والله مو بيدي مادري مشاعري متضاربه احبها بس والله مااقدر اقرب صوبها ..
يعقوب: انت شاك في شي ؟؟
فيصل: يعني من بعد مايات خالتي لنا هي و بنتها اللي هي خطيبتي سابقا بدأ هالشعور ..
يعقوب: لا يكون حنيت حق خطيبتك ؟؟؟
فيصل: اخوووو لا طبعا انا احب بنت عمي بس ماادري شنو اللي يخليني اكرهها ..
يعقوب: تعرف شلون انا بييك باجر ..
فيصل: لالالالا لا اتعب عمرك مايحتاي ..
يعقوب: مب على كيفيك و بعدين انا من زمان ماشفتك ..
فيصل: انزين عيل حياك ..
يعقوب: و بنشوف شنو سالفتك ..
فيصل: انزين عيل .. اخليك ترتاح سوري اتصلت فيك هالوقت ..
يعقوب: لا عادي بعدين احسن لانه اليوم عندنا عرس في الفندق و انا قاعد بروحي ..
فيصل: هههههه اوكي .. و صكر .. و دخل لهم .. ها تأخرت ولا لا ؟؟؟
جاسم: فاتك المقطع الحلو ..
فيصل: اوووووووووووه عيدوا عيدوا ..
خالد: مافي عشان مره ثانيه تروح و تغازل و الفلم مايتفوت ..
احمد: فديتك انا بقول لك بس بعدين ..
فيصل: انجلع انزين .. و طلع برع قعد في الحديقه لانه الجو واااااااااايد حلو ..
(( فيصل )) .. شنو صار بالضبط ليش مااحب اكون قربها ليش ؟؟!! هالحجي صار بعد ماياتنا خالتي و غاليه .. معقوله يكون السبب هم و انا ماادري .. بس شلون هي لا قربت مني ولا شافت رقعة ويهي حتى شنو صار بالضبط ؟؟!! .. انا لازم اضغط على عمري و اقرب من هند لو شنو بيصير فيني .. احبها والله احبها و مااقدر اتخيل حياتي دونها شنو فيني آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آه يافيصل اعرف شنو فيك .. معقوله كرهت هند و السبب غاليه .. لااااااااااااااااا لا يكون بديت احن حق غاليه مثل ماقال يعقوب .. مستحيل مستحيل شنو قاعد تقول فيصل انت مينون ترجع حق اللي خانتك .. صحيح كلامج ياهند طلعتي انتي الطاهره و غاليه طلعت الخاينه .. و قعد فيصل يفكر و يطحن لين ماتعب و قال بس .. و وده المسكين يعرف السبب و ليش صار فيه جي .. و بعدين دخل .. و كانت الساعه 3 ..
فيصل: شباب انا ابي انام ..
خالد: ايه والله تعبانين ..
جاسم: و انا اقول السهره صباحي ..
مايد: الحين الساعه 3 و باجر ورانا صلاة الجمعة ..
عبدالرحمن: يلا عاد جسوم صكره خلاااااااااااااص ولا بتنام برع اليوم ..
جاسم: لا يبه اذا جبي بروح حق هنوده بنام عندها ..
فيصل: لالالالا اقعد فديتك جاسم ..
جاسم: ادري فديتني يلا انثبر مكانك ..
احمد: بس ماانصحكم تنامون عند جاسم ..
جاسم: شله بعد شنو سويت ؟؟؟
احمد: اللي يبي يقوم الصبح و جزء من اعضاءه مفقود ينام عند جاسم ..
خالد: الصراحه انا مجرب قمت الصبح و عندي الم فظيع في بطني ..
مايد: و منكم نستفيد ..
و كل واحد فيهم رقد على صوب .. و هند لحد الحين ماقدرت تنام من زود التفكير و هذي اللي متعبها و قعدت لين اذان الفجر .. و لين اذن اتصلت في جاسم بس الاخ بالزور رد عليها لا و يصرخ بعد ..
جاسم: شتبين ؟؟
هند: قوموا اذن الفجر ..
جاسم: انزين انزين ماماتي اي شي ثاني ؟؟
هند: ايه و انتوا رادين من المسيد خذوا لي كيمه و جباتي و كرك ..
جاسم: من عنوني و انا اقول طالعه على منو على فصول بو بطن خايس ..
هند: فضح الولد ..
جاسم: هههههههههههههههههههههه اوكي الحين بنقوم .. و صكر .. عاد هني بدت نذالة جاسم ..
راح و خذى ماي بارد و كت عليها و هم قاموا يصرخون و طلعوا من الميلس يصرخون و يركضون ورى بعض بالماي .. وقتها كان بوجاسم نازل تحت بيروح المسيد الا يشوفهم بهالحاله ..
بوجاسم: ايييييييييييييييييييييييي ييييييييييييييييييييييييي ييييييييييييييييييه انتوا شنو ؟؟؟
فيصل: يعني شنو احنا عمي بشر ..
بوجاسم: عن العبط شنو انتوا ليش تسوون جي من الفجر ..
مايد: خالي هذي جاسم كت علينا ماي بارد ..
جاسم: يبه كنت ابي اوعيهم و هم مايقومون الا بهالطريقه ..
عبدالرحمن: انت يني اخر واحد ترقد و اول واحد تقوم ياخي انت نومك وااااااااايد ثقيل شلون قمت ؟؟؟
جاسم: حبيبتي اتصلت فيني و قومتني ..
فيصل: منو هي قول لنا عاد ..
بوجاسم: حبيبتك هااااااااااااااااااا .. >> خوش ابو بوجاسم الحين بدل مايهاوشهم يلعب معاهم بالماي زين مسكين مانط له عرج بروحه مافيه حيل ابوي الغالي << و راح و خذى ماي بارد و قعد بوجاسم يركض وراهم في الحوش بالماي و هي يصرخون و تنزل لهم ام جاسم بالشيله مالت الصلاه الطويله ..
ام جاسم: ايييييييييه انتوا الناس رقود ..
بوجاسم و في يده غرشة الماي: هذي هم .. و يأشر عليهم .. هم اللي قالوا لي العب معانا ..
خالد: يمه هذي هو اللي رش علينا ماي ..
مايد: ايه صح مرت خالي هو اللي قام يلحقنا بالماي ..
احمد: طبعا بعد ماعطانا محاظره دينيه ..
الكل: ههههههههههههههههههههههههه ههههههههههههههههههههههههه ههههه ..
وقتها طلعت لهم هند و هم قاموا مره ثانيه يركضون ورى بعض بالماي و يدام ام جاسم و هي اطالعهم و تضحك على خبالهم و تدعي الله يخليهم لبعض وقتها قام بوجاسم و رش ماي على هند و خيسها ..
هند: يبـــــــــــــــــــــــ ـــــــــــــــــــــــــ ـــــــــــــه ..
بوجاسم: تعالي لعبي معانا ..
فيصل: يلا عمي الحين بيقيم .. و طلع ..
هند لاحظت عليه و عصبت شنو فيه هذي والله راويج ياغاليوه ان ماعرفت شنو سويتي في فصفص فصولي مااكون هند .. و دخلت داخل .. صلت و نزلت تحت المطبخ تسوي لها شي تاكله و ام جاسم صلت و راحت تنام .. رجعوا الشباب من المسيد و راح خالد المطبخ و هند كانت قاعده ..
خالد: هلا خيتو ..
هند: هلا ..
خالد: شنو تاكلين ؟؟
هند: صمون و رهش ..
خالد: اكيد الوالد معلمج هالحركه ..
هند: ايه ترى واااااااااااااايد حلو ..
خالد: انزين سوي لنا ..
هند: و شنو تبون بعد ؟؟؟
خالد: كرك ..
هند: من عنوني و اييبه لكم الميلس ..
خالد: لو سمحتي ..
هند: حاضر .. و قعدت تسوي لهم .. طبعا مابيكفيهم 5 سندويشات و سوت لهم وااااااااااايد .. و بعدين ودته لهم ..
هند: تفضلوا .. و على طول فيصل طلع من الميلس .. >> حشى البنت كأنه فيها جرب على طول طلع << و لحقته ..
فيصل: هند روحي داخل .. و هو معطها ظهره ..
هند: شوفني ..
فيصل: ماابي اعيد كلامي روحي داخل اخوانج داخل الميلس ..
هند: اخواني مالك شغل فيهم كللامك معاي انا مابروح قبل ماتحط عينك في عيني ..
التفت فيصل و حس انه روحه بتطلع من صدره خلاااااااااااااص مايقدر يوقف زياده ..
هند: شنو فيك ؟؟
فيصل: ولا شي روحي داخل يلا ..
هند: انت شبلاك انا شنو سويت فيك عشان تعاملني هالمعامله هاااااااااااااااااااا ليش انا فيني جرب ولا عنقز عشان تبتعد عني قول ماتتكلم ليش ؟؟؟
فيصل: مافيني شي ..
هند: و عينك تقول غير هالكلام فيصل انا شنو سويت فيك هاااااااااااااااااااا قول لي شنو اذا غلطت عليك انا اسفه و اذا جرحتك بكلمه سامحني ترى مو قصدي ..............................
يقطاعها فيصل: انتي ماسويتي شي انا اللي فيني العيب مب انتي ..
هند: مافيك شي انت تتوهم ..
فيصل: لا انا فيني شي بس مب عارف شنو مب عارف .. و بصوت واطي و يقرب منها شوي .. في شي بيعدني عنج بس ماادري شنو هو ماادري شي مايخليني اقرب منج ..
هند: .................................................. ................................ و تنزل دموعها ..
فيصل: هند انا احبج و مستحيل اتخلى عنج لو يذبحوني .. انا ولا شي بدونج بس ماادري هل هو حبي لج اللي بيعدني عنج ولا ...........................................
هند: اسكت اسكت دخيلك ماابي اسمع زياده انت لو تحبني جان عرفت شنو فيك .. تغيرت مره وحده .. >> في هالوقت كلش مايات غاليه على بالهم هم الاثنين <<
فيصل: احس اني بموت لين اقرب منج انتي تذبحيني .. مره وحده كرهتج و ليش مادري شنو السبب ..
هند: دام هذي شعورك تجاهي عيل انا ابادلك نفس الشعور .. و راحت داخل .. و طلعوا الشباب ..
جاسم: شنو فيك ياخي مب على طبيعتك ؟؟؟
فيصل: يلعن الساعه اللي حبيت فيها اختك .. و طلع برع ..
خالد: شنوووووو شفيهم ؟؟؟
مايد: انا بروح وراه و انتوا شوفوا هند .. و راح ..
راحوا جاسم و خالد حق هند ..
جاسم: هند شنو صار ؟؟؟
خالد: و ليش فيصل يقول يلعن الساعه اللي حبيت فيها اختك ؟؟؟
هند: يلعن الساعه اللي انا حبيت فيها فيصل ..
جاسم: شنو فيكم قولي تحجي ؟؟
هند: ماابي اتكلم في الموضوع انزين ..
خالد: انزين نبي نعرف شنو فيج ؟؟؟
هند: مافيني شي بس خلوني بروحي ..
جاسم مسكها من يدها بقو: قولي لي شنو فيج تراج وااااااااااايد مصختيها هند واااايد سكتنا عنج ..
هند: بتضربني جاسم ..!!!
خالد: جاسم هد يدها ..
هند: اطلعوا برع اطلعوا .. و قامت تصيح ..
حضنها جاسم و قعد يهديها: خلاااااااااااااااص انزين انا اسف و الله ماكان قصدي ..
مايد راح ورى فيصل طبعا لحقه بالسياره لين وقف فيصل و نزل له مايد ..
مايد: فيصل شفيك طلعت جي ؟؟
فيصل: مافيني شي ..
مايد: شنو هالكلام اللي قلته .. انت تحب هند ؟؟؟!!!
فيصل: و انت اخر من يعلم ..
مايد: ليش شنو صار لك مره وحده انقلب حالك ؟؟؟
فيصل: ماادري شنو فيني والله ماادري ..
مايد: ليش تقول هالكلام دامك تحبها ؟؟
فيصل: خلاص مابي اتكلم في السالفه صكرها ..
مايد: انزين على راحتك بس تعال معاي نرجع البيت ..
فيصل: لا انا بروح البيت مااقدر اقعد في مكان هي فيه ماقدر اقعد بعد الكلام اللي قلته ..
مايد: حد يقول جي حق وحده يحبها ..
فيصل: شدراني فيني ..
مايد: انزين حاسب على عمرك لا تسوق بسرعه ولا بعطيك مخالفه ..
فيصل: وييييييييييييييييييييييه نسيت انك شرطي ..
مايد: لا والله ..
فيصل: هههههههههههههههه يلا فارج بروح البيت ..
مايد: ترى بغلك في السجن ..
فيصل: قصورك انت بعد ..و راح و مايد رجع بيت بوجاسم ..
بوجاسم: وينه فيصل ؟؟
جاسم: راح البيت يقول انه تعبان ..
بوجاسم: او نتوا بعد روحوا ناموا لانه اليوم الغدى بيت يدوتكم ..
عبدالرحمن: ان شاء الله بس انت خذ معاك جاسم و رقده عندك ..
جاسم: شله بعد انا شنو سويت ؟؟
خالد: يبه مايخلينا انام ..
مايد: خالي بيقعد يرفس لين مانقول احنا بس ..
احمد: اذا تبينا الصبح نقوم سالمين مافيها شرخ ولا ناط لنا عرج خل جاسم ينام داخل البيت ..
جاسم: مالت عليكم انا بروح حق هند .. و راح ..
دخل العرفه و لقاها واقفه في البلكونه و تصيح لحد الحين ..
جاسم: مايسوى علينا حبيتي هالــفيصل يالغاليه خلااااااااااااااااااااااا اص ..
هند: لا تقول يالغاليه اكره هالكلمه ..
جاسم: هند ممكن تقولين لي شنو فيج و شنو صار ؟؟؟
هند: ماابي اتكلم في الموضوع دخيلك ..
جاسم: على راحتج ..
هند: ايه صح شبيهي طلال يسلم عليكم ..
جاسم: متى كلمتيه ؟؟
هند: من ساعه على المسن ..
جاسم: اليازيه ربت ولا لا ؟؟
هند: هالاسبوع هي و الريم مرت هزاع ..
جاسم: انزين بابا يقول انه اليوم الغدى في بيت يدوه ..
هند: فديتها والله اشتقت لها يدوتي ..
جاسم: انتي مااجف الدموع اللي في عينج .. مايخلص خزان الدموع مالج ..
هند: ههههههههههههههههههه من عينك بيخلص ..
جاسم: هنوده دام ربج كاتب انه تكونين حق فيصل محد بيقدر يمنعكم ..
هند: الله يسمع منك ..
جاسم: هند قولي احبك يافيصل ..
هند: شنووووووووووووووووو ؟؟
جاسم: قوليها دخيلج ..
هند: لا انت فيك شي اليوم ؟؟
جاسم: ترديني ..
هند: والله احبه ياجاسم و هالكلام طالع من قلبي ..
جاسم ابتسم: تسلمين ..
هند: و انت متى بتخطب فطيم ؟؟
جاسم: لين يملج عليج فيصل ..
هند: حرام عليك تنطر البنت ..
جاسم: فطيم اذا تحبني بتنطرني ..
هند: بقول لك شي عن فطيم ..
جاسم: شنووووووووووو ؟؟
هند: ذاك اليوم كنت اكلمها على المسن و كانت وااااااايد متضايقه .. تتذكر لين هاوشتوا في الشركه و قلت لها انك تحبها ..
جاسم: ايه ..
هند: انزين هي من حبها لك قالت لي على المسن ...........
كانت الساعه جفافي يوم كنت بتسري ..
كانت اللحظه سحابه تبتعد عن ظامي ..
تحت جلدي كل عرق(ن) صاح بدري بدري ..
و ماوعيت الا غيابك ينهمر يدامي ..
جاسم: فديتها والله .. انزين و انا بعد عندي قصيده لها ..قريتها و ااااااااااااااااااااااااا ااااايد عجبتني ..
هند: شنووووووووو ؟؟
جاسم: سجليها و بطرشها لها رساله صوتيه ..
هند: حركات اخوي .. يلا ..
جاسم:
تسألني حلوة المبسم ..
متى انت قبلتني على فمي ؟؟
تحدثت عني و عن قبلة(ن) ..
فيا لك من كاذب(ن) ملهم ..
فقلت اعابثها: بل نسيت ..
و في الثغر كانت و في المعصم ..
فإن تنكريها فما حيلتي ؟؟
و ها هي ذي شعلة(ن) في دمي ..
سلي شفتيك بما حستاه ..
من شفتي شاعر مغرم ..
الم تغمضي عندها ناظريك ؟؟
و بالراحتين الم تحتمي ؟؟
هبي انها نعمة نلتها ..
و من غير قصد(ن) فى تندمي ..
فإن شئت ارجعها ثانيا ..
مشاغفة للفم المنعم ..
فقالت و غضت بأهدابها ..
اذا كان حقا فلا تحجم ..
سأغمض عيني كي لا اراك ..
و ما من صنيعك من مأتم ..
كأنك في الحلم قبلتني ..
فقلت: و أفديك ان تحلمي .. هند: غربل الله بلسيك شنو هذي ..
جاسم: قويه ها .. و طرشها ..

يلا عرفتوا شنو صار بين فيصل و هند .. عاد الحين شنو بيصير ؟؟؟
بتطلع شخصيه قديمه مره ثانيه .. منو هي ؟؟؟
غاليه شنو سوت حق فيصل ؟؟؟