[فيتامين سي]

اليوم الثاني ..
الكل اجتمع في بيت اليده الا فيصل .. ام عبدالرحمن و ام مايد و ام مها و ام جاسم راحوا المطبخ يجهزون الغدى و الرياييل و الشباب و البنات قاعدين مع اليده في الصاله ..
هند: شلونج يدوه ؟؟
اليده: هلا بالعروس والله ..
احمد: و انا المعرس ..
اليده: انت انا اللي بختار لك البنت اللي تيي على مزاجي ..
احمد: لااااااااااااااااااا البنت موجوده يدوه ..
فطيم: ايه يدوه انا اعرفها ..
اليده: لا يكون وحده من خايساتك اللي تكلمهم ..
احمد: لا هذي جسوم اللي يكلم مب انا ..
جاسم: بعد كفايه امس كتيتوا علي ماي بارد و خليتوني انام في الصاله بروحي تحت و الحين تحط السبه على راسي ..
الكل: ههههههههههههههههههههههههه ههههههههههههههههههههههههه ههههه ..
بومها: شله رقدت في الصاله ؟؟!!
خالد: عمي جسوم واااااااااااااايد يرفس ..
مايد: يلعب مصارعه و هو راقد ..
فطيم اطالع جاسم: من صجك انت ..
جاسم بيب يحرجها: ادري تفكرين لين تنزوج شنو بنسوي بس بعدين ذيج الساعه بيحلها الف حلاااااااااال ..
الكل: ههههههههههههههههههههههههه ههههههههههههههههه ..
فطيم: سخييييييييييييف ...
ام مها: تفضلوا على الغدى ..
و الكل قام يتغدى ..
بوعبدالرحمن: وينه فيصل ؟؟
بوفيصل: لين طلعنا من البيت كان راقد ..
احمد: ايه امس مارقد موليه ..
اليده: و هند وينها ؟؟
خالد: بروح اشوفها .. و راح الغرفه و لقاها راقده فلحفها و طلع .. راقده في الغرفه ..
بومايد: ليش شنو فيها ؟؟
جاسم: امس مارقدت عدل ..
وقتها اتصل حسن ولد خالة هند في احمد ..
احمد: هلا والله ..
حسن: اخبارك ؟؟
احمد: تمام و انت ؟؟
حسن: ماشي حالنا .. اقول شنو رايكم اليوم الفليل نروح الشاليه و نقعد لين ماا الله يشوف لنا ..
احمد: اوكي .. الا شخبار المعرس ؟؟
حسن: قاعد يتغدى معاها ..
احمد: مب احنا طاح حظنا قاعدين ..
حسن: شفت شلون ..
احمد: انزين عيل انت اتصل في التوأم و خليفه و فهد و انا بقول حق الباقي ..
حسن: بس الكباب عليكم ..
احمد: و انت شنو بتييبون ؟؟
حسن: الجدور و الكافي و العصير ..
احمد: و محمدوه اللي بيطبخ ..
حسن: بدون ماتقول ..
احمد: انزين .. الدراجات جاهزه ..
حسن: لا والله يبي لهم تصليح ..
احمد: انزين و الطراد ؟؟
حسن: لا موجود لحد الحين مااخترب ..
احمد: ههههههههههههه اوكي عيل الساعه كم ؟؟
حسن: الساعه 9 ..
احمد: انزين .. و صكر ..
عبدالرحمن: منو ؟؟
احمد: حسن يقول اليوم الساعه 9 الشباب في الشاليه ..
مايد: انا مااقدر ايي عندي تدريب اليوم ..
عبدالرحمن: و انا بعد مااقدر ..
احمد: عيل احنا نفسنا بنروح ..
جاسم: انزين و الكباب على منو ؟؟
احمد: احنا ..
خالد: خلاااااااااااااااااص عيل انا بييبه ..
بوجاسم: شاليه منو بتروحون ؟؟
احمد: عيال خوات مرتك ..
ام جاسم: بتروحون مع علي و حسن و خالد ..
احمد: ايه و بنقعد لين يوم الاحد دامه اجازه..
ام فيصل: احمد اتصل في اخوك ..
احمد: ان شاء الله .. و اتصل .. الووو ..
فيصل: هلا احمداني ..
احمد: اصغر عيالك انا ..
فيصل: لا فديتك اخوي ..
احمد: انزين انت وينك ؟؟
فيصل: قاعد في البيت ..
احمد: انزين انت عجيب في تتبيل الكباب روح اشتر لنا 5 كيلو كباب و تبله في البيت لانه اليوم الساعه 9 بنروح الشاليه مع الشباب ..
فيصل: احلى خبر سمعته انزين خلاص ..
احمد: مابتيي بيت يدوه ؟؟
فيصل: لا ماابي بس سلم عليهم ..
احمد: انزين شنو بتتغدى ؟؟
فيصل: رهش و صمون و كرك ..
احمد: ههههههههههههههههههه هذي قدرك ..
فيصل: انزين انزين باي .. و صكر ..
احمد: فيصل بييب الكباب ..
جاسم: بيتبله هو ؟؟
احمد: ايه ..
ساره: بس ليته يعرف وين البهارات ..
احمد: صبري شوي و بيتصل ..
الكل: ههههههههههههههههههههههههه ههههههههههههههههههههه ..
راح فيصل و شوى الكباب و راح البيت يتبله ..
البنات ساره و فطيم قعدوا عند اليده الرياييل راحوا و الحريم بعد و ماقعدوا الا احمد و جاسم و خالد و اتصلوا في محمدوه و قالوا له تعال و يا قعد معاهم .. بس احمد راح البيت عشان ياخذ له ملابس حق الرحله و منها بيروح بيت بوجاسم و ياخذ شنطة خالد و جاسم و يرجع و بعدين بينطرون فيصل يوصل و بيروحون ..
محمدوه: يعني لازم انا اللي اطبخ ؟؟
خالد: انت اللي طبخك حلو بيننا ..
محمدوه: بس جاسم اللي يقطع البصل ..
جاسم: لا حبيبي كل شي جاهز ..
محمدوه: انزين انزين اففففففففف ..
احمد: وينه فصول ليش تأخر ؟
اليده: يمه فطيم روحي ييبي دواي من داخل ..
فطيم: ان شاء الله .. و قامت و جاسم قام رواها ..
جاسم: احم احم ..
فطيم: درينا انك هني ..
جاسم: وصلتج الرساله ..
فطيم: مشكور ..
جاسم: اعجبتج الابيات ؟؟!!
فطيم: شنو هذي ياخي انت كلامك قوي ..
جاسم: شفتي شلون بتاخذين واحد مايستحي ..
فطيم: ادري ..
جاسم قرب شوي منها ..
فطيم: جاسم بودي دوى يدوه ..
جاسم: انزين صبري شوي بقول لج شي ..
فطيم: شنو ؟؟؟
جاسم: انتي تحبيني ؟؟؟
فطيم: شنو ؟؟؟
جاسم: تحبيني ؟؟؟
فطيم و الويه احمر: ايه احبك ليش تسال ؟؟؟!!
جاسم: اذا طولت بتنطريني ؟؟
فطيم: طولت في شنو ؟؟
جاسم: انا وعدت نفسي انه مااخطب ولا اسوي شي الا لين فيصل يملج على هند ..
فطيم: ............................. بنطرك يالغالي و مافي شي بيفرقنا غير الموت ..
جاسم: فديتج والله ادري انج وااااااااايد بتصبرين بس انا اسف ..
فطيم: لا تتأسف عادي .. انا اصلا محجوزه لك ..
جاسم: ادري يدوه بروحها قالت ..
فطيم: انزين بروح ..
جاسم: لحظه قبل ماتروحين .. و مسك يدها و باسها و هي راحت على طول .. استحت ..
اليده: ليش هند ماقامت ؟؟ ساره روحي شوفيها ..
ساره: ان شاء الله .. و راحت ..
دخلت على هند و لقت الغرفه وااااااايد بارده و هند راقده على السرير و ماقادره تتحرك ..
ساره: هند هنوده قومي حبي ..
هند: اممممممممممم مااقدر ..
ساره: شفيج ؟؟؟
هند: تعبانه ..
ساره مسكت راسها: راسج حااااااااار .. و راحت حق الشباب .. خالد هند راسها حار وااااااااااايد ..
خالد: شنو ؟؟ و قاموا هو و جاسم ..
جاسم: هند هنوده ردي علي ؟؟
خالد: ساره روحي ييبي جهاز السكر ..
ساره: ان شاء الله .. و راحت ..
جاسم: هند قومي حبي و تعالي اوديج المستشفى ..
هند: مااقدر اقوم ..
ساره: هاك ..
قاس خالد سكرها و طلع 70 .. >> سكرها وااااااااااااااااااايد نازل و الحمد لله مادخلت في غيبوبه <<
جاسم: ساره ييبي قطعة كافي ..
ساره: هاك ..
خالد: هند اكلي هالقطعه .. و بعد ماكلتها ..
جاسم: مااعتقد بنروح اليوم خلنا نوديها المستشفى ..
هند: لااااا روحوا طلعوا انا بنام عند يدوه اليوم ..
ساره: لا تخافون علينا انا بنام عندها و فطيم بعد ..
جاسم: لا ..
هند: روحوا عاد .. لا تمصخها ..
خالد: انزين بس اتصلي فينا اذا في شي ..
ساره: انزين ..
قامت هند و طلعت برع ..
اليده: شلونج يمه الحين ؟؟
خالد: يدوه حطي بالج عليها سكرها نزل ..
هند: مافيني شي الحمد لله كاني مثل الحصان انتوا روحوا ..
فيصل: السلام عليكم ..
الكل: و عليكم السلام ..
احمد: هند اذا انتي تعبانه مابنروح ..
هند: قلت لكم لا عادي روحوا شنو فيكم الكل قاعد عندي ..
فيصل: شنو فيج ؟؟
هند: ....................................... ..
جاسم: نزل سكرها ..
فيصل: كليتي كافي ..
هند: ايه .. و راحت تشرب لها ماي ..
محمدوه: انزين يلا نروح قبل الجو مايتكهرب ..
جاسم: يلا يدوه تبين شي ؟؟؟
اليده: لا يمه بس حاسبوا على عمركم انزين ادري فيكم تسرعون ..
احمد: ان شاء الله .. و طلعوا .. جاسم و خالد في سياره و احمد و فيصل في سياره و محمدوه في سياره و معاه الاكل و الاغراض ..
وصلوا الشباب الساعه 11 و نص الفليل لانه الطريج وااااااااايد طويل و بعد كان زحمه ..
حسن: جان ماوصلتوا ؟؟
جاسم: والله كان زحمه ..
خليفه و فهد و سيف و سعود كانوا موجودين ..
الشباب: السلام عليكم ..
الباقي: و عليكم السلام ..
احمد: شخباركم شباب ؟؟؟
الكل: تمام ..
محمدوه: وين معرسنا ؟؟
خالد ولد خالة هند: معرسنا في المطبخ يقطع البصل ..
الكل: ههههههههههههههههههههههههه هههههههههه ..
سيف: هذي هدية زواجه ..
خالد: والله حرام عليكم .. و طلع الكيمره و صوره ..
علي: خلود يالخايس لا تصور ..
خالد: بطرشه حق مرتك ..
علي: خلود ..
جاسم: خلود حرام عليك ..
سعود: انزين وين الكباب خلونا نسج يلا ..
و قعدوا محمدوه و سعود و خليفه يسجون و حسن يعابل الفحم و جاسم و خالد (1) و (2) يغسلون الجدور ..
اما فهد راح يتبل الدياي حق باجر الغدى .. و قعد يقطع البصل و الفلفل الاخضر و ((المطامط)) يعني الطماط
((miss wardy هذي حرقه اكتبيها في الدفتر ))
و الطماط و الصلصه و البهارات . وسوا صلصلة البيتزا و تبيل فيها الدياي و حطها في الثلاجه ..
سيف: شنو تسوي فهد ؟؟
فهد: اتبل الدياي حق باجر ..
سيف: شنو حطيت فيه ..
فهد: تبلته بصلصة البتزا ..
>> انصحكم اجربونه والله حلو انا سويته <<
فيصل كان قاعد على الكرسي و ساكت يطالع البحر و سرحان في شي ..
محمدوه: احمد شنو فيه اخوك ؟؟؟
احمد: بعدين بعدين ..
و بعد ماخلصوا قام محمدوه يشوي و الشباب قاعدين كلهم مع بعض ..
خليفه: اقول الهبلان الاثنين ..
جاسم+خالد: شنوووووووووووووو ؟؟
خليفه: يحليلكم تعرفون نفسكم ..
جاسم: شتبي ؟؟؟
خليفه: تتذكرون لين كنا نغني في حفلات الثانويه ؟؟
خالد: انا و جاسم نغني و انت و سيف و سعود ادقون ..
سيف: انزين غنوا لنا ..
خالد: وين الطيران ..
طلعوا الطيران و سعود يدق و سيف يدق على الطاوله و خليفه بعد يدق و خالد و جاسم يغنون
>> ماشاء الله صوتهم واااااااااااااااااااايد حلو <<
جاسم بصوت واطي حق اخوه: اقول خلود هالاغنيه شنو رايك نهديها حق فيصل ..
خالد: انزين بس شنو ؟؟؟
جاسم: سرمد الليل ..
خالد: قويه هذي ..
جاسم: صبر علي بخليه يندم على الساعه اللي قال فيها يلعن الساعه اللي حبيت فيها اختك و بخليه يرجع لها ..
خالد: انت ليش تسوي جي يمكن عنده اسبابه ..
جاسم: ادري انه يحبها و لازم نخليهم يرجعون حق بعض لو مهما كلف الثمن ..
خالد ولد خالة هند: يلا عاد ..
علي: يلا عاد انا معرس غنوا لي ..
جاسم: لا مب هالمره .. هالاغنيه اهداء حق فيصل ..
فيصل: شنو الاغنيه ؟؟
خالد: سرمد الليل .. يلا شباب اعزفوا ..
و بدوا يدقون و خالد و جاسم يغنون و فيصل يطالعهم .. هو فهم قصدهم بس سكت .. وصلوا عند المقطع اللي يقول (( اشتكي البدر بمواويلي و انثر اشواقي على ضيه )) و هني بدأ فيصل يغني بدال جاسم و خالد و صوته ماشاء الله وااايد حلو يعني يمكن فيصل احلى صوت بين الشباب .. و على اخوانا طلعوا جوالاتهم و يسجلون صوته .. مسكين كان يغني من قلب شنو كان مشتاق حق هند والله مايقدر يعيش بدونها بس لو يعرف شنو فيها .. و بعد ماخلص ..
الشباب: برافو برافو ..
فيصل: شكرا شكرا .. اخجلتوا تواضعي ..
سيف: فيصل انت من متى ماغنيت ؟؟
فيصل: بــييييييييه من زمان ..
محمدوه: اول خمس حبات خلصوا ..
و قعدوا الشباب ياكلون .. وقتها رن جوال فيصل و لين جاف الرقم رجع شريط ذكرياته لورى و تذكر شنو سوا هالولد فيه و شلون عامله .. بس رد عليه ..
فيصل: الووووووو ..
.......: السلام عليكم ..
فيصل: و عليكم السلام ..
.......: فيصل صح ؟؟؟
فيصل: منو معاي ؟؟
.......: انا اسف اني اتصلت في هالوقت ..
فيصل: لا عادي بس منو ؟؟؟
.......: انا عمر اخو سلطان ..
فيصل: هلا اخوي ..
عمر: بغيت اقول لك شي..هي رساله من سلطان ..
فيصل: ليش سلطان شنو فيه ؟؟
>> مهما كان هذي رفيجه و لازم يساعده .. فيصل بالعكس ماشايل في قلبه شي على سلطان هو سامحه <<
عمر: سلطان يبيك تيي المستشفى ..
فيصل تخرع: لا يكون صار فيه شي ؟؟
عمر: عنده السرطان ..
>> اسمحوا لي مااقدر اقول لكم نوع السرطان <<
فيصل وقف: شنووووووووووووو من متى ؟؟؟
عمر: من مده طويله ..
فيصل: ليش ماقال لي ؟؟
عمر: من بعد اللي صار بينكم طلع فيه المرض و صدقني فيصل هو ندمان على كل اللي سواه و تاب و يبي يشوفك .. ترى ايامه معدوده ..
فيصل: شنووووووو معدوده .. انزين انت ليش مااتصلت فيني ؟؟
عمر: هو مارضى ..
فيصل: الله يسامحه ليش ماقال لي ..
عمر: هو بس يبي يعرف اذا انت مسامحه ..
فيصل: انتوا وينكم ؟؟
عمر: في المستشفى .. ترى هو مايدري اني اتصلت لك و قال لي بعد ماانا اموت قول له ..
فيصل: لا زين قلت لي الحين .. اوكي انا ياي ..
عمر: لا تيي في هالليل ..
فيصل: لا الحين بيي في حد عندكم ؟؟
عمر: لا حياك و فيصل بسرعه .. و صكر ..
فيصل: انا رايح ..
>> هني الصراحه فيصل قطع قلبي عيونه انترست دموع .. يعني مهما كان هذي رفيجه و مابيخليه وقت الشده و بيوقف معاه <<
الشباب: وين ؟؟
فيصل: بروح و بارجع لا تخافون ..
احمد: وين بتروح ؟؟
فيصل نزل راسه: .......................................... ..
سيف: فيصل شفيك ؟؟؟
فيصل: سلطان مرقد في المستشفى فيه السرطان ..
الكل: شنووووووووووووووووووووووو و ؟؟
طبعا فيصل ماعطاهم فرصه يتكلمون و راح على طول و كان يسوق بسرعه جنونيه .. و الساعه 2 و نص وصل المستشفى .. و شاف عمر قاعد برع يدام الغرفه و يقرأ قرآن ..
فيصل: وينه الغالي ؟؟
عمر: داخل .. نايم ..
فيصل: عادي ادخل ؟؟
عمر: روح .. و دخل فيصل ..
اول مادخل انصدم واااااااايد شلون كان شكله قبل و شلون شكله الحين واااااااااااااايد متغير من المرض و شكله مب سلطان الاولي كان قناع الاكسجين على ويهه و جهاز القلب عليه بعد و غير الاجهزه الثانيه الصراحه مااقدر اوصف الموقف واااااااااااااااااااايد صعب علي ..
فيصل قرب من عند السرير و مااقدر اوصف لكم شعوره .. مشاعره كانت متضاربه و مايحس بالدنيا غير انه ماسك يد سلطان و قاعد عنده و الدموع غصبن عنه نزلت من عينه على رفيجه ..
فيصل: سلطان .. سلطان قوم ..
سلطان حس بشي في الغرفه و فتح عينه .. ماصدق انه فيصل قاعد عنده .. استانس وااااااااااايد و ردت ابتسامته اللي تاخذ العقل .. يعني بمعنى ثاني ردت له الروح ..
سلطان: فيصل انت هني ؟؟
فيصل: بكون قربك لا تخاف ..
سلطان: من قال لك ؟؟
فيصل: اخوك عمر انت ليش مااتصلت فيني لين عرفت شنو فيك جان سافرنا انا و انت عشان تتعالج برع ..
سلطان: الموت ارحم لي ..
فيصل: لا تقول هالكلام انت بتعيش ان شاء الله و بنشوفك معرس انزين و بتشوفيني انا بعد ..
سلطان: انا ماابي غير انك تسامحني ..
فيصل: انت رفيجي و انا من زمان سامحتك بس ليش ماقلت لي هاااااااااا ؟؟
سلطان: بعد اللي سويته فيك و تيي لي الحين ... و ضغط على يد فيصل من الالم .. آآآآآآآآآآآآآآآآآه ..
فيصل: شوي شوي على نفسك لا اتعب روحك ..
سلطان: انا خطبت غاليه بس ماوافقت علي .. فيصل انا خسرت كل شي امي و ابوي تبروا مني و اخواني بعد و خواتي و كل هلي الا عمر اللي تم معاي الله يخليه .. فيصل انا بموت و ابي ربي يكون راضي عني ..
فيصل: اهم شي انك تبت و خلاااااااااااص و ربك مسامح ..
سلطان: انا اسف على اللي سويته فيك .. والله نادم ..
فيصل: اشششششششششششش ارتاح انت الحين عشان باجر تقوم مثل الحصان .. >> فيصل كان يقص على عمره بهالكلام مسكين والله <<
سلطان يمد يده و يعطي فيصل ورقه: هاك ..
فيصل: شنو هذي ؟؟؟
سلطان: وصيتي خلها عندك و لين اموت بعد اسبوع افتحها ..
فيصل: لا تقول جي ترى ازعل عليك ..
سلطان: فيصل انا تعبان والله تعبان و حاس انه لساني ثقيل و مااقدر افتح عيني ..
فيصل: ارقد ..
سلطان: لاتروح مكان ..
فيصل: انا عندك مابروح مااقدر اهد اخوي بهالحاله ..
ارتاح سلطان و رقد و يده في يد فيصل .. و كل دقيقه يضغط عليها من الالم .. دخل عمر عليهم الساعه 3 لانه سمع صوت جهاز القلب يوقف.. و انتبه على فيصل انه منزل راسه و حاطها على يد سلطان و ساكت بس ماينسمع الا صوت صياحه .. >> بتقولون الريال عيب يصيح بس في هالوقت و هالموقف الواحد غصبن عنه تنزل دمعته والله .. صدقوني انا جربت و شفت الموت لين صار لي جي .. تخيل انك تفقد رفيجك و انت معاه من كنتوا صغار و الحين بعد ماكبرتوا ياخذه الموت منك جي بلمح البصر .. كان هالموقف على فيصل وااااااااااااايد صعب .. شي كبير على قلبه و مايقدر يتحمله .. الله لا يحطكم في ههالمواقف ان شاء الله و بيعدكم عنها يارب و تشوفون السعاه كل يوم من حياتكم <<
عمر مب مصدق: فيصل انت ليش تصيح ؟؟
فيصل: سلم خلاااااااااااااااااص ..
عمر: لا انت شنو قاعد تقول سلطان ماراح انت كذاب ..
فيصل: الله يرحمه ..
عمر يصيح من قلبه و طاح من الغصه: لاااااااااااااااااااااااا اااااااااااااااااااااااا انـــــــــــــــــــــــ ت شنو تقـــــــــــــــــــــــ ــــــــــــول اخــــــــــــوي ما مات انت كذاب هو الوحيد اللي بقى لي لااااااااااا كله ولا سلطان هو الوحيد اللي كان في قلبي هو اللي حبيته اكثر من اي حد فيصل دخليك لا تقول لي انه راح ..
فيصل: انا اسف ..
عمر: مااقدر اعيش بدونه مااقدر فيصل لااااااااااااااااااااا .. و راح صوب السرير يهزه .. سلطان عن العبط انت و حركاتك السخيفه قوم عاد لا تسوي فيني جي ..
فيصل يبعده عن السرير: عمر خلااااااااص تعال معاي ..
عمر: لا خلني انا ابي سلطان ..
دخلوا الدكاتره ..
الدكتور: بنوديه المشرحه ..
عمر: تخسون الا انتوا ..
فيصل: دكتور احنا بنغسله ..
الدكتور: انزين ..
و اتصل فيصل في احمد ..
احمد: فيصل شفيك ؟؟؟
فيصل: سلطان مات ..
احمد: شنوووووووووووووووووووووو ؟؟؟
فيصل: تعالوا المستشفى بنوديه بيت يدوتي و بنغسله ..
احمد: انزين الحين بنيي .. و صكر ..
سيف: شنو صار احمد ؟؟
احمد: سلطان مات ..
الكل: شنووووووووو ؟؟؟
احمد: يلا تعالوا نروح .. و راحوا ..
وصلوا المسشتفى الساعه 4 و نص طبعا مع السرعه و شلون كانوا يسوقون مثل الميانين .. دخلوا و لقوا عمر قاعد و فيصل يهدي فيه ..
احمد: عمر عظم الله اجرك ..
عمر: اجرنا و اجرك ..
اتصل فيصل في يدوه ..
هند: الووو ..
فيصل و صوته متغير: هند وين يدوه ؟؟
هند: كاهي .. يدوتي فيصل يبيج ؟؟
اليده: الوو ..
فيصل: يدوتي ..
اليده: فيصل شفيك ؟؟
فيصل: رفيجنا مات و بنييبه البيت عندج عشان نغسله ..
اليده: تعرفون شلون ؟؟
فيصل: ابوي و عمي محمد و عمي وليد و بيعلمونا ..
اليده: انزين منو مات ؟؟
فيصل: سلطان ..
اليده: ويييييييييييييه عظم الله اجرك ..
فيصل: اجرنا و اجرج .. و صكر .
ساره: يدوه شنو فيه فيصل ؟؟
اليده: رفيجهم سلطان مات و بيغسلونه هني ..
هند: اطلع الكفن و كل شي ..
اليده: ايه يمه روحي .. و انتي فطيم اتصلي في خوالج و قولي لهم ... و ساره تعالي معاي ورى و خلينا نقول حق الدريوله يطلعون الطاوله الكبيره و يحطونها في الحمام .. اكرمكم الله ..
ساره: ان شاء الله ..
اتصلت فطيم في بوجاسم ..
بوجاسم: هلا فيطم ..
فطيم: خالي يدوه تقول تعال انت و خالي وليد و خالي يوسف هني ..
بوجاسم: ليش الحين الفجر ..
فطيم: رفيج الشباب متوفي اعتقد اسمه سلطان و بيغسلونه الشباب هني ..
بوجاسم: انزين عيل احنا في الطريج .. و صكر ..
يابوه الشباب و وصلوا الرياييل و هند طلعت لهم الكفن و كله شي و دخلوا يغسلونه .. فيصل و احمد و عمر و محمدوه و بوجاسم و بومها و بوفيصل معاه داخل .. اما خليفه و فهد و سيف و سعود و جاسم و خالد قعدوا في الميلس و اتصلوا في مايد و عبدالرحمن و يوا بعد .. اما هند و ساره و اليده و فطيم كانوا قاعدين في الغرفه .. شوي الا يسمعون صوت واحد يصرخ بصوت عالي ..
عمر: هدوني اخوي ماراح ..
>> لحد الحين تحت الصدمه مسكين <<
الشباب يحاولون يهدونه بس مافي فايده اخر شي مسكوه و قعد في الميلس ..
بوجاسم: عمر وين ابوك و اخوانك ؟؟
عمر: يا بوجاسم الكل تخلى عن سلطان الا انا رحت معاه و الوالد تبرى مني انا و هو و كنا عايشين مع بعض و قبل 9 شهور اكتشفنا انه سلطان عنده السرطان و تفشى في جسمه و مارضى يتلقى العلاج ولا سافر برع و ماقال حق احد الا اليوم اتصلت انا في فيصل و صار اللي صار ..
بوفيصل: يعني يا فيصل انت كنت قاعد عنده ..
فيصل منزل راسه: يبه اقول لك مات بين يدي ..
الساعه 10 الصبح ودوا سلطان و دفنوه و لحد الحين ابوه و اخوانه مايوا ولا دروا .. اصلا ولا يفكرون انهم ايون .. الناس تجمعوا بيت اليده كان عزى الرياييل هناك ..

الكل انقلب حاله من بعد وفاة سلطان الله يرحمه .. فيصل ماكان يبين وااااااااااااااااايد .. و احمد دايما مع الشباب في الميلس .. خالد و جاسم من العزى لين البيت و من البيت لين العزى و يروحون المسيد مع الشباب .. اما الشباب الباقي واااااااااايد كانوا متأثرين بوفاته .. و بعد 4 ايام من العزي راح بوجاسم و بوفيصل و فيصل و عمر بيت بوسلطان عشان يقولون له عن ولده ..
بوسلطان: انت لك ويه تيي بعد ..
عمر: يبه انا ياييب معاي ضيوف ..
بوسلطان: خير شنو تبيون ؟؟
بوجاسم: سلطان مات ..
بوسلطان: ابركها من ساعه مسود الويه ..
بوفيصل: استح على ويهك هذي ولدك من لحمك و دمك و تقول عنه جي ..
بوسلطان: سود ويهنا شنو تبي اقول عنه ..
فيصل: ولدك مات من السرطان و كان يقول لي ليت الوالد موجود عشان يسامحني بس انت شكلك ماعندك ذرة احساس .. و راح السياره ..
بوسلطان: السرطان ..
عمر: ايه يبه كان دايما يسأل عنك ..
بوسلطان: من متى ؟؟
عمر: من 9 شهور تقريبا و قبل 4 ايام توفى الله يرحمه ..
بوسلطان: انزين تقدر ترجع البيت ..
عمر: مستحيل ارجع لك لو شنو سويت لي انت تخليت عنا انا و سلطان من البدايه .. على العموم انا بسافر برع بكمل دراستي و يمكن ماارجع .. و راح هو الثاني السياره عند فيصل ..
بوجاسم: زور ولدك في قبره اكيد بيستانس .. و راحوا الجماعه ..
بوفيصل: الحين وين بتروح يا عمر ..
عمر: انا حاجز حق اسبانيا بروح اكمل دراستي هناك ان شاء الله ..
بوجاسم: شوف تقدر تعتبرنا اخوانك و اطلب اللي تبيه ترى مايعيبك الا لسانك ..
عمر: تسلمون و ما تقصرون عندي كل اللي احتاجه ..
فيصل ساكت و ما كان يتكلم و يفكر في غاليه .. يعني هي من بعد مايات بيتنا و انا منقلب حالي ماادري شنو فيني .. مره وحده كرهت هند ليش ؟؟؟!! .. و ليش هي رفضت سلطان .. انا لازم اعرف شنو سالفتها .. بكلمها و بشوف .. و رجعوا .. في الميلس الشباب كانوا قاعدين في ميلس بوجاسم ..
جاسم: عمر اليوم تعال نام عندنا ..
خالد: الا انت متى بتسافر ؟؟؟
عمر: باجر الساعه 8 الصبح ..
مايد: انزين اغراضك جاهزه ؟؟
عمر: ايه ..
فيصل: متأكد انك تبي تسافر ليش ماتقعد معانا ؟؟؟
عمر: مااقدر اقعد في مكان سلطان كان فيه .. ماقدر قلبي مابيتحمل فراقه اذا قعدت على الاقل هناك دراستي بتشغلني شوي ..
احمد: اذا تبي اي شي اتصل انزين ..
محمدوه: احمد تعال بغيتك شوي .. و طلعوا قعدوا في الحديقه ..
احمد: هلا ..
محمدوه: شفيهم هند و فيصل بعد شنو فيه ؟؟؟
احمد: الله يسلمك مره وحده فيصل كره هند ماندري ليش حتى هو مايدري ليش يعني مايطيق يقعد في مكان هي فيه و يقول انه يحس روحه بتطلع من صدره مايقدر يقعد معاها في نفس المكان و ذاك اليوم ماادري شلون طلعت منه هالكلمه و قال يلعن الساعه اللي حبيت فيها اختك ..
محمدوه: قويه والله ..
احمد: ماندري شنو فيه يعني احنا ساكتين و بعدين ان شاء الله بنشوف شنو فيه ..
محمدوه: ماتعتقد انه احد مسوي له عمل ..
احمد: مادري ..
محمدوه: يعني انا اعرف واحد سوت له بنت عمه عمل عشان ماياخذ غيرها و الحين شوفه كل ماخطب يفسخ الخطوبه ..
احمد: يمكن بس منو اذا كان هالكلام صح ؟؟
محمدوه: وحده تحب فيصل ..
احمد: مادري .. >>
هو مايات على باله غاليه لانه السالفه صارت من زمان <<
محمدوه: انزين خلنا ندخل .. و دخلوا ..
عبدالرحمن: شباب انتوا يواعه ولا بس انا ..
جاسم: امبلى انا يوعان ..
فيصل: بوكرش بسك اكل ..
جاسم: عدال يا بو بطن ..
الكل: ههههههههههههههههههههههههه ههههههههههههههههههههههههه ..
خالد: الحين بدوا يتهاوشون ..
مايد: انزين شنو تبون تاكلون ؟؟
عمر: انا خاطري في رهش و صمون ..
جاسم: حتى انت تعرف هالاكله ..
عمر: من و احنا صغار ناكلها و سلطان كان وااااااااايد يحبها ..
خالد: انزين بروح اقول هم سووا ..
فيصل: لا اقعد انا بروح .. و راح .. اتصل في ساره و قال لها جهزوا العشى و انا بيي باخذه ..
ساره: هند الشباب يبون عشى ..
هند: شنو يبون ؟؟
ساره: صمون و رهش ..
هند: كلهم ..
ساره: ايه ..
هند: ليش فطيم اليوم مايات ؟؟
ساره: مادري عمه مريم تقول انها راقده لانه امس سهرانه تقرأ قصه ..
هند: انزين يلا نروح نسوي لهم ..
راحوا البنات و سووا لهم الصمون و الرهش و عصير طبقات هند سوته ..
هند: شخبار فيصل من بعد العزى ؟؟
ساره: زين .. بس ما يتكلم واااااااااااااااايد ..
هند: انزين شخبار نفسيته ؟؟؟
ساره: زينه بس يا هند فيصل وااااااااايد تغير ماادري شنو فيه .. احاول اعرف شنو فيه بس مب راضي يقول لي ..
هند: انزين احمد ما حاول يعرف شنو فيه .. يعني هو واااااايد قريب من احمد ليش مايحاول يعرف شنو فيه ..
ساره: احمد يحاول معاه بس مب راضي يقول حق احد .. و سمعته بعد يقول انه بيروح البحرين عند يعقوب ..
هند: تصدقين احسن له خله يغير جو و يرتاح ..
ساره: محد اللي قاعد يعاني من هالسالفه غيرج انتي ..
هند: انتي اصلا عرفتي شنو قال اخوج حق خالد و جاسم ..
ساره: لا شنو ؟؟
هند: يلعن الساعه اللي حبيت فيها اختك ..
ساره: شنووووووووووووو ؟؟؟
هند: بالله عليج في احد يقول هالكلام حق وحده يحبها .. هذي اذا كان يحبني ..
ساره: لا تقولين هالكلام فيصل وااااااااااااااايد يحبج .. اكثر من نفسه والله بس لو اقدر اعرف شنو فيه ..
هند: هو قال انه يكرهني جي مره وحده .. يا ساره كل مادخلت مكان و هو كان قاعد فيه اول مايشوفيني يطلع كأنه فيني جرب ..
فيصل واقف عند الباب: منو قال اني مااحبج ..
هند: افعالك تثبت هالشي ..
فيصل: عمرج مابتفهميني ..
هند: انزين انا بقره .. و توها بتطلع من المطبخ مسكها من يدها ..
فيصل: لا تعطيني ظهرج و انا اكلمج ..
هند: انت شكلك اليوم وااااااااايد رايق و ناوي على شر .. فيصل راسي يعورني و تعبانه فلو سمحت ممكن تهد يدي و تخليني في حالي ..
فيصل: طال لسانج واااااااااااااااااايد ..
هند: بعيدها مره ثانيه .. روح بشر من ينطر فرقانا .. تفارقنا ولا يمكن نعود .. روح قول حق غاليه ..
فيصل: و هذي شنو دخلها في السالفه ؟؟؟
هند: اللي صار فيك منها هي ..
فيصل: شتقصدين ؟؟؟
هند: انت ذكي اعرف بنفسك .. و طلعت ..
ساره: ودني البيت و تعال ارتاح ..
فيصل: انزين انتي روحي السياره و انا بقول حق الشباب اني بروح .. و راح و ساره راحت السياره ..
عمر: على وين ؟؟
فيصل: اسمحوا لي بروح البيت ..
عمر: مابتسلم علي ..
فيصل: انا بوصلك المطار بروحي .. و راح ..
وصلوا البيت و اول ماشاف سلمان فيصل ركض صوبه و شاله فيصل ..
ام فيصل: ان شاء الله اشوف عيالك قبل مااموت ..
فيصل: بتشوفينهم ان شاء الله .. صرصوره .. ممكن تروحين ترتبين غرفتي ..
ساره: الله يعيني على الوصاخه .. اففففففففففففففففف و بعد الله يعين مرتك ..
فيصل: روحي روحي ..
ساره: ان شاء الله .. و راحت ..
ودت هند الاكل حق الشباب و طلع لها خالد و خذى الاكل و هي رجعت داخل ..

ساره راحت تنظف وصاخة فيصل .. اقصد غرفته ههههه .. المسكينه خذت المكينه و قعدت تخم الغرفه و بعدين مشت الطاولات و عدلت العطور و الصور اللي على الكوميدينو .. كان فيه صوره حق فيصل و هند لين كانوا صغار و هالصوره كانت في العيد و فيصل كان لابس ثوب و غتره و عقال و كاشخ الولد و هند بالفستان الوردي و الابيض و مسويه عناقيز في شعرها و حاطه ريشه ورديه و فيصل يبوسها على خدها و يعطيها ورده حمره .. قاصين عليه قالوا له عطها الورده و يتتزوجها لين تكبرون ..
>> فديتنا رومنسيين من وحنا صغار <<
و بعدين رتبت ملابسه اللي في الكبت ..
ساره: افففففففففففففففففففففففف ف شنو هالولد وين عايش يالله .. صج حجرة عزابي .. شنو هذي ..
الملابس كانت في صوب و الملابس السبورت كانت في صوب ثاني و الحاله لله .. و بعدين قالت بتغير الفراش مال السرير .. اول ماشالت الفراش لقت كيس اسود و استغربت شنو هذي و شنو يابه تحت سرير فيصل .. المهم خشته عندها و بعدين كملت شغلها و نزلت تحت ..
ساره: خلصت ..
فيصل: تسلمين ..
ساره: انت من متى مارتبت غرفتك ؟؟
فيصل: من زمان شله ؟؟
ساره: مع احترامي و تقديري لك ياخوي انت حمار حشى مب غرفه زباله و العياذ بالله شنو هذي ..
سلمان: عشان تعرفين انه اخوج العود وصخ ..
ساره: في هذي صدقت ..
فيصل: بس فضحتونا ..
ام فيصل: لا عادي نعرف فضايحك انت و اخوك ..
فيصل: خبز يدج يمه لازم تعرفين كل شي ..
ساره: بس في اشياء ماتعرفينها ..
ام فيصل: شنو يعني ؟؟
ساره تروح المطبخ: ماادري سألي فيصل .. و راحت ..
فيصل: ساروه بيي معاج ..
ام فيصل: تعال تعال ..
فيصل: يمه انا يوعان و ابي اكل شي ..
ام فيصل: اشرد اشرد بس بعدين باعرف ..
سلمان: يمه انا بقول لج عادي ..
ام فيصل: شنوووووووو قول لي ؟؟؟
سلمان بصوت واطي حق امه اونه عشان فيصل مايسمع: يمه فيصل واااااااااااااااايد يسألني عن هند ..
ام فيصل: اهااااااااااااا و انت شنو تقول له ..
سلمان: اكر الحجي كله ..
ام فيصل: ههههههههههههههه مثل احمدوه اخوك مايعرف يسكت ..



الفليل دخلت هند النت و لقت ساره اون لاين و دخلت عليها ..

البنـــــــ((زهر))ـــــــفس ج: هلاااااااااااااااااااا والله ..

** يا روح روحي ** فداك العمر و سنيني **: اهلين اخبارج ؟؟

البنـــــــ((زهر))ـــــــفس ج: اخباري يحطونها الساعه 9 ..

** يا روح روحي ** فداك العمر و سنيني **: ها ها ها ها ها ها .. ضحكتيني ..

البنـــــــ((زهر))ـــــــفس ج: اشوفج هزيتي الشاشه من زود الضحك ..

** يا روح روحي ** فداك العمر و سنيني **: هههههههههههههههههه .. انزين براويج صوره و قولي لي شنو هي اوكي ؟؟؟

البنـــــــ((زهر))ـــــــفس ج: اوكي .. و صورت ساره الكيس الصغير بالكيمره و نزلتها على الكمبطوطر (( كمبيوتر على قولة سلمان )) و طرشتها حق هند ..

** يا روح روحي ** فداك العمر و سنيني **: ها وصلج ؟؟

البنـــــــ((زهر))ـــــــفس ج: ايه .. وين حصلتيه ؟؟؟؟؟

** يا روح روحي ** فداك العمر و سنيني **: تحت سرير فيصل ..

البنـــــــ((زهر))ـــــــفس ج: شنو ؟؟؟!! انزين شلون لقيتيه ؟؟؟

** يا روح روحي ** فداك العمر و سنيني **: كنت انظف غرفته و لين غيرت الفراش لقيت هذي تحته ..
البنـــــــ((زهر))ـــــــفس ج: قلتي حق احد ؟؟؟؟

** يا روح روحي ** فداك العمر و سنيني **: لا لحد الحين قلت اقول لج اول شي يمكن يطلع شي مهم ..

البنـــــــ((زهر))ـــــــفس ج: انتي من صجج ماعرفتي شنو هذي ؟؟؟؟!!!!

** يا روح روحي ** فداك العمر و سنيني **: لا والله شنو لا يكون شي جايد ؟؟؟

البنـــــــ((زهر))ـــــــفس ج: هذي عمل احد مسويه حق فيصل ..

** يا روح روحي ** فداك العمر و سنيني **: شنووووووووووو ليش انزين ؟؟؟!!!

البنـــــــ((زهر))ـــــــفس ج: شدراني اسألي اللي مسويه ..

** يا روح روحي ** فداك العمر و سنيني **: في احد في بالج .. تتوقعين منو ؟؟؟؟

البنـــــــ((زهر))ـــــــفس ج: امممممممممممممممممممم .. و هني هند تذكرت غاليه .. انا اعرف منو و صدقيني بتنصدمين لا قلت لج ..

** يا روح روحي ** فداك العمر و سنيني **: ياتني صدمات واااااااااااايد في حياتي جربيني اتحمل اي شي .. منو في بالج ؟؟؟

البنـــــــ((زهر))ـــــــفس ج: غاليه بنت خالتج ...

** يا روح روحي ** فداك العمر و سنيني **: شنوووووووو ليش شاكه انه هي ؟؟؟؟!!!!

البنـــــــ((زهر))ـــــــفس ج: اتصلت فيني ذاك اليوم الفجر ........................................ و قالت لها السالفه لين يوم ملجة مريم و علي ..

** يا روح روحي ** فداك العمر و سنيني **: مب معقول هي تسوي جي يعني توصل لهالدرجه لالالالالا هي بس تهدد ..

البنـــــــ((زهر))ـــــــفس ج: و شنو تتوقعين كره فيصل لي .. صدفه .. انا ماسويت شي عشان يكرهني .. اكيد هذي غاليه ماغيرها ..

** يا روح روحي ** فداك العمر و سنيني **: انزين اذا كانت هي شلون دخلت غرفته و حطتة العمل تحت السرير ؟؟؟

البنـــــــ((زهر))ـــــــفس ج: مب انتي قلتي لي ذاك اليوم انها يات بيتكم ..

** يا روح روحي ** فداك العمر و سنيني **: ايه صح و بعد قلت لها عطيني عباتج بعلقها قالت لا انا بعلقها .. و بعدين راحت بس لاااااااااااااااا على طول ردت ..

البنـــــــ((زهر))ـــــــفس ج: هذي ساحره ولا شنو ..

** يا روح روحي ** فداك العمر و سنيني **: تعرفين شلون الخدامه كانت يايه و يايبه العصير معاها و بعدين غاليه خذت الصينيه منها و قدمت لنا العصير ..

البنـــــــ((زهر))ـــــــفس ج: اهااااااااااااااااا يعني الخدامه اللي حاطه العمل ..

** يا روح روحي ** فداك العمر و سنيني **: و غاليه قالت لها سوي جي ..
البنـــــــ((زهر))ـــــــفس ج: بنت خالتج على غبائها بس طلعت ذكيه شوي ..

** يا روح روحي ** فداك العمر و سنيني **: انا اراويج فيها ان ماغسلت ويهها في القاع مااكون ساره ..

البنـــــــ((زهر))ـــــــفس ج: لااااااااااااااا خليها على فيصل هو خله يتفاهم معاها و يعرف انه انا ماسويت شي و عشان يتعلم مره ثانيه مايقول لي هالكلام .. و بعدين انا باحقره و بشوفه شلون بيقدر يعيش بدوني ..

** يا روح روحي ** فداك العمر و سنيني **: حبي حتى انتي ماتقدرين تعيشين بدونه ..
البنـــــــ((زهر))ـــــــفس ج: ادري لا تذكريني ..

** يا روح روحي ** فداك العمر و سنيني **: انزين شلون اقول حق فيصل ؟؟!!

البنـــــــ((زهر))ـــــــفس ج: انتي اخذي اخوج بالزين و عطيه العمل و قولي له انه غاليه سوت لك هذي عشان تكره هند و بعدين خليه يفتش في جوالها عن رقمي و بتشوفين بيحصله .. عاد بعدين كيفها هو يتفاهم معاها ..
** يا روح روحي ** فداك العمر و سنيني **: انتي طلعتي شريره ..

البنـــــــ((زهر))ـــــــفس ج: صرصوره انا من الحره اللي فيني اقول هالكلام ولا انا فديتني طيبه و على نياتي ..

** يا روح روحي ** فداك العمر و سنيني **: اذا انتي على نياتج منو الشرير عيل ..

البنـــــــ((زهر))ـــــــفس ج: انتي الشريره ..

** يا روح روحي ** فداك العمر و سنيني **: فديتني انا ملاك ..

البنـــــــ((زهر))ـــــــفس ج: فديت مرت اخوي والله .. انزين ماعليج بسلم على خالد لا تخافين و مايحتاي توصين ..

** يا روح روحي ** فداك العمر و سنيني **: ياويلج ..

البنـــــــ((زهر))ـــــــفس ج: هههههههههههههه على بالج باسكت ..

** يا روح روحي ** فداك العمر و سنيني **: لا عاد ..

البنـــــــ((زهر))ـــــــفس ج: ترى خالد قاعد عندي ..

** يا روح روحي ** فداك العمر و سنيني **: شنوووووووووو جذابه ..

العــــــــ((الولهان))ـــــ ــاشق ((خالد)): هند مااجذب انا قاعد ..

** يا روح روحي ** فداك العمر و سنيني **: احم احم هلا خالد ..

العــــــــ((الولهان))ـــــ ــاشق: هلا فيج اخبارج خطيبتي ؟؟؟

** يا روح روحي ** فداك العمر و سنيني **: تمام الحمد لله انت من متى قاعد عند هند ؟؟؟؟

العــــــــ((الولهان))ـــــ ــاشق: توى والله ماعرفت شنو قلتي عني ؟؟

البنـــــــ((زهر))ـــــــفس ج: اخليكم بروحكم احسن .. عادي على المسن ..

العــــــــ((الولهان))ـــــ ــاشق: لا هند قعدي ابيكم في موضوع ..

** يا روح روحي ** فداك العمر و سنيني **+ البنـــــــ((زهر))ـــــــفس ج: شنووووووووووووو ؟؟؟

العــــــــ((الولهان))ـــــ ــاشق: حق السوالف مافي احسن منكم ..

** يا روح روحي ** فداك العمر و سنيني **: انزين قول احنا نسمع ..

العــــــــ((الولهان))ـــــ ــاشق: صرصورتي هالموضوع واااااااااااااااااااايد يهمج ..

** يا روح روحي ** فداك العمر و سنيني **: شنو قول حرقت اعصابي ..

العــــــــ((الولهان))ـــــ ــاشق: انا ابي املج ..

البنـــــــ((زهر))ـــــــفس ج+ * يا روح روحي ** فداك العمر و سنيني **: شنوووووووووووووو ؟؟؟

العــــــــ((الولهان))ـــــ ــاشق: هههههههههههههههههههههههه انا ماقلت بانتحر قلت ابي املج ..

البنـــــــ((زهر))ـــــــفس ج تشققت: متى ؟؟

العــــــــ((الولهان))ـــــ ــاشق: على الاسبوع الياي ..

** يا روح روحي ** فداك العمر و سنيني **: انت شنو قاعد تقول انا لحد الحين ماخيطت فستان ولا شي ولا جهزت عمري ..

شوي الا جاسم يدخل النت و يلقاهم كلهم اون لاين وسوت هند له انفايت .. عشان يساهم في حل موضوع الملجه .. >> حشى بيحلون قضايا مجلس الامه <<

رمــــــــــ((الحب))ـــــــ ـــاد ((جاسم)): ولكموووووووووووووووو ..
الكل: هلا فيك ..

رمــــــــــ((الحب))ـــــــ ـــاد: شنو صاير بالضبط انا قاعد اقرأ ملجه و فستان ..

العــــــــ((الولهان))ـــــ ــاشق: ولا شي قلت حق ساره اني ابي املج ..

رمــــــــــ((الحب))ـــــــ ـــاد: انزين شنو يعني ؟؟؟

** يا روح روحي ** فداك العمر و سنيني **: يعني انه انا ماخيطت لي فستان ولا جهزت عمري ..

البنـــــــ((زهر))ـــــــفس ج: انا عندي لكم حل ..

الكل: شنووووووووووووووووووو ؟؟؟

البنـــــــ((زهر))ـــــــفس ج: جسوم انت شكو تقول شنو ؟؟

رمــــــــــ((الحب))ـــــــ ـــاد: شفيج اتأقلم مع الموضوع عشان بعدين بيي دوري ..

العــــــــ((الولهان))ـــــ ــاشق: شنو حلج ؟؟؟

البنـــــــ((زهر))ـــــــفس ج: نروح كلنا الخبر ولا الحسا ولا البحرين ولا اي مكان و ناخذ لج انتي يا صرصوره الشبكه و تختارينها مع خالد .. و بعدين ناخذ لنا قطع حق فساتين الملجه و نخيطها و اذا على الموديلات انا راسمه واااااااااااايد موديلات و محد لابسها من قبل شنو رايج ؟؟؟

** يا روح روحي ** فداك العمر و سنيني **: الفساتين على ماتتخيط يبيلها وقت ..

العــــــــ((الولهان))ـــــ ــاشق: شوفي انا عندي حل ثاني ..

رمــــــــــ((الحب))ـــــــ ـــاد: شنووووووووووووووو ؟؟؟

البنـــــــ((زهر))ـــــــفس ج: بعد قال شنووووو ..

رمــــــــــ((الحب))ـــــــ ـــاد: اوووووووووووووووه انتي جب ..

العــــــــ((الولهان))ـــــ ــاشق: سمعي صرصورتي نروح كلنا مثل ماقالت هند و نختار الشبكه و اذا على الفستان خليه علي انا ..

** يا روح روحي ** فداك العمر و سنيني **: شنو يعني ؟؟؟

العــــــــ((الولهان))ـــــ ــاشق: يعني اذا انتي جاهزه و تبينا نملج من باجر الفستان بيكون عندج بس ماباقي الا تختارين الشبكه و نكون خلااااااااااااص و الكوشه و الطاولات و كل شي بيكون جاهز في يومين ..
الكل: شنووووووووووووووووووووووو ووووووووو ؟؟؟

** يا روح روحي ** فداك العمر و سنيني **: الفستان عندك !!!!!!!!!!!!!!!!!!!!!!!!!!

العــــــــ((الولهان))ـــــ ــاشق: ايه انا و هند رحنا الخياط و خيطنا فستان على قياسج طبعا اذا صرتي دبدوبه هذي شي ثاني ..

البنـــــــ((زهر))ـــــــفس ج: احم احم انا باطلع ..

** يا روح روحي ** فداك العمر و سنيني **: قعدي قعدي شنو سالفتكم انتوا الاثنين ؟؟؟

رمــــــــــ((الحب))ـــــــ ـــاد: ايه شنو سالفتكم ؟؟؟

البنـــــــ((زهر))ـــــــفس ج: خلود صكه بلوك و دليت ..

رمــــــــــ((الحب))ـــــــ ـــاد: لالالالا باسكت و بعدين صرصورة خالد انتي ماعليج الطاولات و الكراسي و البوفيه و كل شي علينا احنا الشباب و الورود على هند و فطيم ..

العــــــــ((الولهان))ـــــ ــاشق: يعني حتى الكبار مايحتاي يتدخلون في السالفه بس عليهم ايون الملجه و يدوه تبارك لنا ان شاء الله ..

** يا روح روحي ** فداك العمر و سنيني **: والله ماادري شنو اقول ..

العــــــــ((الولهان))ـــــ ــاشق+ رمــــــــــ((الحب))ـــــــ ـــاد+ البنـــــــ((زهر))ـــــــفس ج: قولي انج موافقه ..

** يا روح روحي ** فداك العمر و سنيني **: ههههههههههههههههه موافقه ..

البنـــــــ((زهر))ـــــــفس ج: كولولوششششششششششششششششششش ششش ...

رمــــــــــ((الحب))ـــــــ ـــاد: و مباركين عرس الاثنين ..
>> عاد انتوا كملوا انا مااعرف <<

العــــــــ((الولهان))ـــــ ــاشق: خلاااااااااااص عيل انا بكلم ابوج وابوي و ان شاء الله كل شي بيكون بخير ..
الكل: ان شاء الله .. و طلعوا ..


الفليل الساعه 10 و نص ..
فيصل راح حق اليده ..
اليده: هلا يمه تعال حبيبي ..
فيصل: من قدي فديتني حبيبي بعد ..
اليده: انت شيخهم كلهم ..
فيصل: ادري مايحتاي تقولين ..
اليده: خقاق ماادري طالع على منو ؟؟؟
فيصل: على عمي محمد ..
اليده: فديت بوجاسم والله مافي مثله اثتين ..
فيصل: لو كان فيه اثنين منه جان الدنيا خراب ..
اليده: ههههههههههههههههههههه غربل الله عدوك خله يسمعك مابيزوجك هند ..
فيصل: انتي شنو تقصدين يدوه ؟؟
اليده: على بالك مااعرف اللي في قلبك يالغالي .. انا اعرف انك تبي هند على بالك مااشوف عيونك اطير يمين و يسار اذا هند قاعده ..
فيصل: هههههه كشفتيني ..
اليده: على بالك انا هينه .. بس شنو فيك هالايام احسك مو على بعضك .. صاير شي في البيت ؟؟
فيصل: لا يدوه صايره حـــــرب في قلبي ..
اليده: بسم الله عليك و على قلبك الغالي شنو فيك ؟؟
فيصل: يدوه انا مابخش عنج انتي تعرفين اني احب هند صح ؟؟
اليده: ايه يمه اعرف مب شي يديد ..
فيصل: انزين في هالفتره الاخيره انا صرت ....................... يعني ..... كرهت هند ..
اليده: يالله بالستر شله بعد ؟؟!!
فيصل: ماادري يدوه احس انه روحي بتطلع من مكانها اذا قعدت معاها في نفس المكان ولا احس بدوره على راسي ماادري و كل مااشوفها احس انها ...... يعني بالمختصر المفيد صرت اكرهها و ماادري ليش ..
اليده: حد يكره هند والله ماعندك سالفه ..
فيصل: انزين شنو اسوي ساعديني ..
اليده: شنو صار لك بالضبط ؟؟
فيصل: ماادري و بعد .................
اليده: شنو سويت ؟؟؟ >> يدوتي تعرف له اذا مسوي شي <<
فيصل: ذاك اليوم قلت حق اخوانها يلعن الساعه اللي حبيت فيها اختكم ..
اليده: شنووووووووووووو صج ماعندك مذهب حد يقول جي .. احمد ربك مادفنوك و انت حي ..
فيصل: اووووووه يدوتي والله ماكان قصدي هندوه نرفزتني ..
اليده: لا والله شلون هذي بعد ؟؟!!
فيصل: يدوه انا ماابي شي بس ابيج تقرين علي دخيلج ..
اليده: انزين تعال .. و قعدت تقرأ عليه قرآن ..
هو حط راسه على ريلها و هي تقرأ عليه .. ماادري شنو اقول بس من ويهه احسه ارتاح وااااااااااااااااااااايد .. و بعد ماخلصت يدوتي ..
فيصل: تسلمين يالغاليه احس اني مرتاح ..
اليده: زين يبه خل الرحمن دايما في صدرك ..
فيصل: ان شاء الله بس بغيت اقول لج اني بسافر البحرين الفجر ..
اليده: ويييييييييييييييييييييييه شله بعد ؟؟
فيصل: بروح عند يعقوب رفيجي من زمان ماشفته ..
اليده: ايييييييييييه فديت قلبه سلم عليه ..
فيصل: ان شاء الله يوصل ..
اليده: بس حاسب على عمرك ادري فيك حمار و تسوق بسرعه ..
فيصل: خخخخخخ حمار مره وحده يدوه شوي شوي علي ..
اليده: اعرفكم عيالي و انا اللي ربيتكم ..
فيصل: لا ان شاء الله بسوق شوي شوي ..
اليده: ايه يمه ابي اشوفك معرس ..
فيصل: بتشوفيني و بتشوفين عيالي بعد .. ماتوصين على شي من هناك ؟؟
اليده: لا شي يمه بس ابيك ترجع لي ..
فيصل: شنو رايج ارجع لج و معاي حرمه ..
اليده: شنووووووو لا تخليني احبسك الحين انت مابتاخذ غير هند فاهم ؟؟
فيصل: ان شاء الله دام الضابط العود تكلم مانقدر نكسر كلمته ..
اليده: ايه هذي الكلام اللي ابي اسمعه ..
فيصل: و بعدين انتي عارفه انه هند في خاطري من زمان و لين رفضتني اول مره ماتدرين شنو صار فيني ..
اليده: ادري فديتك بغيت تموت بسم الله عليك ..
فيصل: يعني حتى انتي تعرفين شعوري ..
اليده: انزين عيل يلا فارج ابي انام و لو سمحت صكر الباب وراك ..
فيصل: طرده هاااااااااااا ..
اليده: ايه طرده وريني عرض كتافك ..
فيصل: تتحجين مصري بعد ..
اليده: ليش على بالك بس اعرف اتكلم خليجي انا اعرف اتكلم لغه هالسبلان العنقليز ..
فيصل: اذا انتي اسمهم ماتعرفين تقولين له بتعرفين تتكلمين لغتهم والله حاله ..
اليده: you don’t know هااااااااااا شتبي بعد ماادري شنو قلت بس صفيت لك كلمتين على بعض .. و مااعرف شنو معناهم ..
فيصل: ههههههههههههههههههههههههه ههههههههههههههههههههههههه هههه ..
اليده: يا فيصل انا عشت مع عمك محمد 7 سنين في لندن عشان يخلص دراسته و ياخذ الدكتوراه و الحمد لله خذاها ..
فيصل: و النعم فيج والله .. فديتج يدوتي ..

اتصل فيصل في بوجاسم و قاله بوجاسم تعال انا في الشركه .. >> ماادري شنو يسوي في الشركه الحين اجازه <<
فيصل: السلام عليكم ..
بوجاسم: هلا والله و عليكم السلام تعال اقعد ..
فيصل: شلونك عمي ؟؟
بوجاسم: الحمد لله و انت ؟؟؟
فيصل: آآآآآآآآآآآآآآآآآآآآآه الحمد لله على كل حال ..
بوجاسم: شنو فيك ؟؟؟
فيصل: ولا شي بس بغيت اقول لك اني بسافر اليوم الفجر البحرين ماتوصي على شي من هناك ؟؟
بوجاسم: لا تسلم انا ماابي شي ..
وقتها اتصلت هند .. و حط بوجاسم على السبيكر ..
هند: هلا باباتي ..
بوجاسم: هلا فرفورتي ..
فيصل: ههههههههههههههههههههههههه ههههههههههه يليق عليج هالاسم هنوده ..
هند: اوووووووووووه هلا فيصل ..
بوجاسم: ها يبه شنو بغيتي ؟؟
هند: بترجع حق العشى ولا لا ؟؟
بوجاسم: ايه بارجع مو تخلصين انتي و امج العشى عني ..
هند: لا في وايد .. ليش ماتيي انت بعد تتعشى فيصل ..
فيصل: لا تسلمين اقول انا بسافر البحرين ماتبين شي من هناك ؟؟
هند: الله البحرين ابي متاي و ابي موز مجفف و بعد هذي السمبوسه الصغيره اللي داخلها اللحم ..
بوجاسم+فيصل: ههههههههههههههههههههههههه ههههههههههههههههههههههههه ههههههههههههههههههههههههه هههههههه ..
فيصل: مب لحم ..
هند: عيل شنو ؟؟؟
فيصل: مااعرف بس مب لحم هو شي حلو ..
بوجاسم: ندري انه حلو ..
فيصل: انزين عيل انا اترخص باروح اجهز شنطتي ..
هند: انزين باي .. و صكرت ..
بوجاسم: فيصل احس انه في شي في خاطرك ..
فيصل: انا غلطت وااااااااااايد على هند ياعمي بس في النهايه ان شاء الله بتكون لي انا ..
بوجاسم: الكل يتمنى هالشي .. و طلع فيصل و بوجاسم راح البيت ..

وصل فيصل البيت الساعه 11 و نص ..
بوفيصل: وين كنت يالغالي ؟؟
فيصل: اول شي رحت حق يدوتي و بعدين رحت حق عمي محمد في الشركه ..
ام فيصل: انزين تبي عشى ؟؟
فيصل: لا مشكوره يمه انا بروح اجهز شنطتي ..
احمد: وين بتروح ؟؟
فيصل: البحرين ..
سلمان: لاااااااااااااااااااااااا ااااا .. و قعد يصيح .. واااااااااااااااااااااااا اااااااااع لا تروح ..
فيصل: انزين انا مابتأخر بس يومين و بارجع اوكي ..
ساره: لا ترجع و يدك فاضيه انا ابي هدية ترضيه على تنظيفي للمزبله اللي انت عايش فيها ..
فيصل: حشى انتي و هندوه مايصير ماتطلبون شي ..
احمد: ليش هند شنو قالت تبي ؟؟
فيصل: متاي و سمبوسه اللي فيها لحم على قولتها و موز مجفف ..
ساره: حتى انا بغيت نفس الشي و فطيم بعد ..
بوفيصل: لو انتوا خوات ماادري شنو تبسوون ..
ساره: بنكون احسن خوات ..
احمد: انتوا تعرفون شنو الشي المشترك بينكم انتوا الــ3 ؟؟
ساره: شنو ؟؟؟
احمد: انه ماعندكم خوات بس اخوان ..
فيصل: الحمد لله انه في منهم بس 3 ولا جان الدنيا اختربت ..
الكل: ههههههههههههههههههههههههه ههههههههههههههههههههههههه هههههههههههههههههه ..

في بيت بوعبدالرحمن ..
فطيم و عبدالرحمن كانوا سهرانين على فلم اكشن و قاعدين يبلعون في البوب كورن و البيبسي و الكافي ..
بس كله بلع و بلع و بلع ..
عبدالرحمن: فطوم ..
فطيم: اممممممممممممممممممممممم .. قاعده تاكل الحين خلوها ..
عبدالرحمن: ابي اتزوج ..
فطيم غصت: كح كح كح شنووووووووووووو كح ؟؟!!
عبدالرحمن: ماقلت لج بانتحر انا قلت ابي اتزوج .. >> ماتلاحظون كلمة بانتحر الشباب كلهم يقولونها في قصتنا والله حاله <<
فطيم: انزين شنو اسوي لك يعني ؟؟
عبدالرحمن: في وحده في بالي ..
فطيم: اوووووووووه حماني .. منو منو ؟؟؟؟
عبدالرحمن: ادري اني ماعرف درب للحب ولا الحب يعرف لي درب بس شنو اسوي شفتها مره و دشت خاطري ..
فطيم: انزين و منو سعيدة الحظ اللي بتاخذ اخوي الحنان ..
عبدالرحمن: حنان في عينج قولي امين انا الحين حنان و انتي يا بطه ..
فطيم: اسكت ينرفزني هالاسم ..
عبدالرحمن: انا يوم عرسج شنو بسوي باكتب على بطاقة العرس بطه و اسم ريلج ..
فطيم: ها ها ها ها عشان تلعب العصاه على ظهرك ..
عبدالرحمن: ها ها ها ماتقدرين ..
فطيم: لا تتحداني .. انزين خلنا مني انا الحين و ندخل في موضوع مجلس الامه منو اللي في بالك ؟؟؟
عبدالرحمن: تتذكرين ذاك اليوم لين هند سوت عزيمه و احمد عزم الشباب بعد ..
فطيم: اييييييييييييييييه ..
عبدالرحمن: هي طلعت اخر وحده طويله شوي ..
فطيم: بس مااعتقد توصل لطولك انت عملاق ..
عبدالرحمن: قولي ماشاء الله ..
فطيم: تفووووووو تفوووووووووووو .. بعدين شنو مواصفاتها ؟؟
عبدالرحمن: قلت لج طويله بيضه و كانت لابسه عبايه و عليها شك بالبني و الذهبي و ماسكه شنطه بنيه بعد و اتذكر ركبت سياره مع واحد اعتقد اخوها و الله اعلم ..
فطيم: ههههههههههههههههههههههههه ههههههههههه .. عرفت منو هي و الحمد لله البنت تناسبه يعني هم الاثنين يناسبون على بعض هي خبله و هو خبل ماادري عيالهم شنو بيطلعون ..
عبدالرحمن: ليش تضحكين ؟؟؟
فطيم: مالقيت الا اخبل و اهيل واحده فينا ..
عبدالرحمن: يعني عرفتيها ؟؟
فطيم: فديتها والله هالبنت تصدق تليق عليك واااااااااااااااااااااايد و هي حبوبه و طيبه و على نياتها بس حزة الحزه لا تكلمها ..
عبدالرحمن: ماعليج بروضها ..
فطيم: اخاف هي اللي تروضك مب انت ..
عبدالرحمن: انزين منو هي ؟؟؟
فطيم: ريم ..
عبدالرحمن: حبيت الاسم ..
فطيم: شوف اذا انت جاد بكلمك عنها ..
عبدالرحمن: ايه جاد ..
فطيم: انزين عيل هي ريم في علمي و نسبتها امممممممم اعتقد 90 ..
عبدالرحمن: لا عيل شاطره طالعه علي ..
فطيم: انت من الشطاره تقوطر ..
عبدالرحمن: انزين انزين ممكن تكلمين الوالده عنها ..
فطيم: اوكي .. و اخيرا مابغيت تعرس بل ..
عبدالرحمن: انزين متى بتكلمين الوالده ؟؟؟
فطيم: باجر ان شاء الله ..

الساعه 7 الفجر في بيت بوجاسم ..
عمر كان نايم عند جاسم و خالد على اساس انه فيصل بيوصله المطار ..
جاسم: وينه فيصل ليش مايا ؟؟
عمر: ياخي اتصل فيه طيارتي الساعه 8 ..
خالد: اهم شي اغراضك وديتهم و خلاص ..
عمر: بعد اخاف اتأخر ..
جاسم: لا فيصل الحين بيي ان شاء الله ..
فيصل يدخل عليهم: السلام عليكم ..
الكل: وعليكم السلام ..
عمر: وينك تأخرت ؟؟
فيصل: كان عندي شغله في البيت و لازم اسويها و الحين ييت ..
خالد: انزين يلا لا يتأخر الولد ..
جاسم: حط بالك على نفسك اوكي و اذا تبي اي اتصل و احنا في الخدمه ..
عمر: والله مستحي منكم ماادري شنو اقول ..
خالد: قول انك تحبنا و خلاص ..
عمر: احبكم .. و سلموا على بعض و طلعوا ..
في السياره ..
فيصل يعطي عمر كيس: تفضل ..
عمر: شنو هذي ؟؟
فيصل: هديه مني عشان تتذكرني ..
عمر: شنو هي ؟؟؟
فيصل: افتحها و شوف ..
فتحها عمر و كانت ساعه الماس ماركة GIVENCHY و معاها دفتر مذكرات خشب و مكتوب عليه بالذهبي بسم الله الرحمن الرحيم .. و عليه نقوش يعني بالمختصر المفيد وااااااااااااايد حلو الدفتر ..
عمر: ليش كلفت على نفسك انا مااستاهل ..
فيصل: لا بالعكس انت تستاهل و زود ..
عمر: شله الدفتر ؟؟؟
فيصل: عشان تكتب شنو صار معاك هناك و بعدين انا بقراه ..
عمر: انزين عيل ..
فيصل: مااوصيك على نفسك انزين ..
عمر: ان شاء الله ..
فيصل: توك صغير ماتبي نصايح ؟؟؟
عمر: لا مشكور سلطان اخوي الله يرحمه ماقصر تصدق كنا انا و هو بنسافر برع عشان نخلص دراستنا ..
فيصل: الله يرحمه ..
عمر: فيصل انا ماابي اسافر و انت شايل في خاطرك على سلطان ..
فيصل: مافي شي في خاطري عليه ابد غلط و تاب على غلطته و انا مسامحه ..
وصلوا المطار و تخاشموا و سلموا على بعض و راح عمر داخل و فيصل ضرب خط البحرين ..

منو بيشوف فيصل في البحرين ؟؟؟
و اخيرا عبدالرحن بيخطب مابغى ..
شنو بيسوي فيصل في غاليه لين يعرف السالفه ؟؟؟
عرس خالد و ساره قريب ولا لا ؟؟؟ اصلا متى بيخطبها ؟؟