[فيتامين سي]

وصل فيصل البحرين و راح الفندق عند يعقوب ..
يعقوب: هلا والله بالطش و الرش و الماي اللي في غرش ..
فيصل: فديتني والله شخبارك ؟؟
يعقوب: تمام و انت يالغالي ؟؟
فيصل: تمام ..
يعقوب: شكلك تعبان تعال فوق ..
فيصل: الغرفه المعتاده ..
يعقوب: هالجناح باسمك .. و راحوا ..
اول مادخلوا انصدم فيصل لين شاف واحد قاعد على الكرسي و يطالع تلفزون .. هني التفت الولد عليهم ..
فيصل: جمالوه ...
جمال: فيصلوه ..
يعقوب: سبالوه تعرفون بعض ..
فيصل: جمال مال اول ..
جمال: ههههههههههههههههههههههههه هههههه .. هلا والله ..
فيصل: هلا وفيك .. و تخاشموا ..
جمال: الله يسلمك كنا في الثانويه مع بعض ..
فيصل: يالفتان كله منك فصلونا يومين ..
جمال: ههههههههههههههههههههههههه ههههههههههههههه ..
يعقوب: لااااااااااااه السالفه فيها انه انا بروح اييب العشى و انتوا قعدوا و لا تقولون السالفه ..
فيصل: انزين انزين .. و راح يعقوب ..
جمال: شتسوي هني ؟؟
فيصل: ياي اخذ لي فترة نقاهه و انت ؟؟
جمال: انا بعيش هني ؟؟
فيصل استغرب: و اهلك ؟؟
جمال: هلي الحمد لله موجودين والله يخليهم ..
فيصل: عيل ؟؟؟
جمال: تزوجت من سنتين و قبل شهر تقريبا توفت حرمتي في حادث سياره مع اخوها و ماتت الله يرحمها و ولدي اللي في بطنها بعد مات و اخوها الحين الحمد لله بخير فضبطت اموري هناك و دخلت شريك مع يعقوب في الفرع الثاني من الفندق ..
فيصل: عظم الله اجرك والله ماكنت ادري ..
جمال: اجرنا و اجرك .. بس انت وين اختفيت ..
فيصل: الجامعه و مشاغل الدنيا شنو نسوي بعد ..
جمال: الله يعين الجميع .. الا ماتزوجت ؟؟
فيصل: خطبت و ماوافقت علي و الحين قاعد احاول معاها ..
جمال: انزين البنت ماتبيك ؟؟
فيصل: بنت عمي احبها و تحبني ..
جمال: الله يتمم عليك .. و خذى رقمه .. انزين بعد شنو ؟؟؟
فيصل: ماابي اتكلم في السالفه ..
جمال: على راحتك بس اخر شي بتكر لي الكلام كله ..
فيصل: Don’t be so sure ..
جمال: تقص على منو انا كنت اقرب لك من نفسك ..
فيصل: ادري و ليتها هالايام ترجع .. الا انت ماتشتغل ؟؟
جمال: دكتور نفسي ..
فيصل: الله الله يل بو علم النفس ..
جمال: ايه شفيك مب انت لحد الحين تدرس ..
فيصل: سير لاااااااااااااااااااااااه بويه .. انزين انا بروح اتسبح و اذا ياب يعقوب العشى لا تخلصونه ..
جمال: ليش شايفنا بهايم ..
فيصل: ماادري .. و خذى شنطته و راح الغرفه .. و لين شاف شنطة جمال حذفها برع .. هذي غرفتي انا انت خذ الغرفه الثانيه ..
جمال: يالسبال .. لعنبوك ماخذ الغرفه الرئيسيه ..
فيصل: مب سبال كثرك و بعدين لازم لانه الجناح باسمي ..
جمال: انزين انا بروايك ..
فيصل: انزين .. و دخل ..
بعد نص ساعه رجع يعقوب .. و قعدوا على الطاوله ..
يعقوب: بوفصول وينك ؟؟
فيصل يطلع من الغرفه: ها ها كاني ..
جمال و يعقوب يصفرون: واااااااااااااااااااااااا اااااااااااااااو ..
جمال: فيصل شنو هالبجامه ..
كان لابس بجامة بربريز ..
فيصل: حلوه ها ..
يعقوب: انزين هاك اكلك ..
فيصل: اكل هندي كالمعتاد ..
يعقوب: ايه ..
فيصل: و انت جمال ؟؟
جمال: انا برستيجي مايسمح لي اكل اكل هندي انا عندي اكل ايطالي ..
يعقوب: خلك على صوب يا بوالبرستيج ..
جمال: طبعا ..
يعقوب: انزين شنو سالفة الفتان ؟؟؟
جمال: ههههههههههههههههههههههههه ههههههههههههههه ..
فيصل: انت بسك ضحك .. انا اقول لك .. لين كنا في الثانويه انا و احمدوه اخوي و خالد و جاسم بغينا نشرد من حصة الكيمياء و قررنا نروح المعصره و تونا بنشقح الطوفه الا ايي لنا الاخصائي و المدير و استاذ الرياضه الضخم و ينزلنا و يتصلون في عمي محمد و كله من تحت راس هالسبال جمالوه اللي قال لهم انه بنشرد و فصلونا يومين و حبسونا في البيت ..
الكل: ههههههههههههههههههههههههه ههههههههههههههههههههههههه ههههههههههههههههههه ..
فيصل: والله كله منك ذاك اليوم خسنا في البيت حتى الستي ماخلونا نروح ..
جمال: و انا رحت المعصره بعد المدرسه ..
يعقوب: تستاهلون ..
و هني اتصل احمد عشان يتطمن على فيصل اذا وصل ولا لا ..
فيصل: رد عليه انت جمال مابيعرفك ..
جمال: عادي العوزه ..
فيصل: انا عطيتك الضوء الاخضر سوا اللي تبيه ..
يعقوب: بس حط على السبيكر .
جمال: الووو ..
احمد: السلام عليكم ..
جمال: و عليكم السلام ..
احمد: الشيخ هذي جوال فيصل ..
جمال: لا الشيخ انت غلطان ..
احمد: اممممم اوكي مشكور و انا اسف .. و صكر ..
يعقوب: يحليله يتأسف بعد ..
و اتصل احمد مره ثانيه ..
جمال: الووو ..
احمد: الووو ..
جمال: هلا والله الشيخ ..
احمد: انا متأكد انه جوال فيصل ..
جمال: لا انت غلطان و بعدين من فيصل ؟؟
احمد: مالك شغل .. و صكر .. و اتصل على جوال يعقوب ..
جمال رد عليه: الووو ..
احمد: يالله انا وين مااتصل انت تطلع لي ..
جمال: شنو اسوي احبك ..
احمد: حبك برص منو انت و وين فيصل و يعقوب انا متأكد انه هذي جواله ..
جمال: مشكله القليل الادب ..
احمد: احترم نفسك ..
جمال: انا محترم نفسي بس انت شكلك ماتفهم قلت لك هذي مب جوال فيصل ولا الثاني هذا يعقوب ماادري منو .. و صكر في ويهه ..
الشباب: ههههههههههههههههههههههههه ههههههههههههههههههههههههه ههههههههههههه ..
اتصل احمد الجناح ..
جمال: الوووو ..
احمد: يالله منك ..
جمال: انت من وين تعرف هالارقام ؟؟
احمد: و بعدين معاك ..
جمال: بابا انت غلطان ..
سكت احمد شوي ..
جمال: انت واجد في قرقر ..
احمد: جمـــــــــــــــــــــــ ـــــــــالوه ..
جمال: هلا ..
احمد: شخبارك يالقاطع ؟؟
جمال: والله تمام و انت ؟؟
احمد: انا بخير .. الا انت وينك ؟؟
جمال: في البحرين عند يعقوب و فيصل توه واصل ..
احمد: اجتمعوا الحين الشله الفاسده ..
جمال: انا اخبر انه طلعنا هالاسم عليكم انتوا ؟؟؟
احمد: لا انتقل حق فيصل و ربعه ..
جمال: مو ربعك ربعه ..
احمد: ايه والله .. الا وينه السبال ؟؟
جمال: كاهو ..
فيصل: الووو ..
احمد: يالسبال انت ..
فيصل: يالشمبانزي انا مب سبال انا احلى منك انزين ..
احمد: متى وصلت ؟؟
فيصل: من ساعه و نص ..
احمد: انزين شخبار يعقوب ؟؟؟
فيصل: والله تمام و انتوا شلونكم ؟؟
احمد: الكل بخير ..
فيصل: شخبار فرفور ؟؟
احمد: اعتقد انك كلمتها قبل ماتسافر ..
فيصل: ايه ..
احمد: ليش تسأل ؟؟
فيصل: لحد الحين زعلانه مني ..
احمد: يمكن بس مااعتقد لانها اذا زعلانه جان ماقالت لك ييب لي السمبوسه الصغار ولا الموز المجفف ..
فيصل: هههههههههههههههههههه فديتها والله ..
احمد: انزين بغيت اقول لك خالد يبي يملج ..
فيصل: و اخيرا بيكون في فرح ..
احمد: بس في مشكله ..
فيصل: شنوووووووووو ؟؟
احمد: نبي شبكه لهم ..
فيصل: محلوله انا باتصل في خالد و باتفاهم معاه ..
احمد: انزين عيل ..
فيصل: بس فستان صرصوره وينه ؟؟
احمد: اما خالد عليه حركات هو اللي مخيط لها الفستان مع هند و امس ساره درت ..
فيصل: والله حركات هو و هند ..
احمد: انزين عيل اخليك .. لا تسهرون ..
فيصل: ان شاء الله يمه ..
احمد: باي .. و صكر ..
جمال: شنو بلاه ؟؟
فيصل: خالد بيملج على اختي ..
يعقوب: خلود ماغيره ..
فيصل: خلود ماغيره ..
جمال: والله كبرتوا ..
فيصل: العيال كبرت ..
و بعدين قعدوا يطالعون مسرحية باي باي لندن >> هالمسرحيه اموووووووووت فيها تضحك واااااااااااايد اعتقد انكم شفتوها <<
الساعه 4 الفجر .. نزل فيصل تحت و ركب السياره و قعد يدور فيها و الشباب راقدين ..
وقتها اتصلت فيه ساره اخته عشان تكلمه .. و تقول له عن سالفة غاليه ..
فيصل: هلا والله بالعروس ..
ساره: هلا فيك شخبارك ؟؟
فيصل: تمام و انتي ؟؟
ساره: بخير .. انت وين الحين ؟؟
فيصل: ادور بالسياره ..
ساره: وين عيل بغيت اقول لك شي بس لا تعصب ..
فيصل: شنو يالغاليه ؟؟
ساره: انا سألت هند شنو فيج انتي و فيصل و قالت لي انه انت وااااااااااايد متغير عليها و انا عرفت السبب ..
فيصل: شنو السبب ؟؟؟
ساره: انت الحين مرتاح ؟؟؟
فيصل: ايه واااااااااااااااايد احسن من قبل يعني حتى لين رجت اليوم بيت عمي عشان اخذ عمر اوديه المطار ماحسيت بتعب مثل كل مره ..
ساره: اهاااااااااااااا و يدوتي قرت عليك ؟؟
فيصل: ايه بس ليش شنو انتي تعرفين ؟؟؟
ساره: مب ذاك اليوم قلت لي انظف غرفتك ..
فيصل: ايه صح ..
ساره: انزين و انا اغير الفراش مال السرير لقيت كيس اسود صغير ..
فيصل: شنوووووووووووووو ؟؟؟
ساره: هذي طلع عمل .. في احد مسوي لك عمل ..
فيصل: ليش يعني و منو ؟؟؟
ساره: غاليه كانت تتصل في هند و تقول لها .................................................. ..............و قالت له السالفه ..
فيصل: الجلبه ..
ساره: هند شكت فيها و ترى هي واااااااااايد زعلانه ..
فيصل: قولي لها كان غصبن عني انا ماقدرت اقعد معاها ولا اجابلها كنت احس انه روحي بتطلع ..
ساره: انزين لين ترجع بتكلم غاليه ؟؟؟
فيصل: ماعليج انا باتفاهم معاها و هند خليها على انا بعد .. هالمره صج ابي ارضيها ..
ساره: اخ على الحب و مايسوي ..
فيصل: سمعت انه خالد يبي يملج ..
ساره: ايه ..
فيصل: انزين متى ؟؟
ساره: بنشوف ابوي و عمي ..
فيصل: الله يتمم عليج يارب و علي انا بعد ..
ساره: اوكي حبي اخليك الحين و انت روح نام ..
فيصل: اوكي .. و صكر .. و رجع الفتدق ..

اليوم الثاني ..
اتصل خالد في ابوه و قال له انه بييه الشركه و اتصلوا بعد في بوفيصل و راحوا كلهم الشركه ..
بوفيصل: شبلاك خالد ؟؟
خالد: عمي يبه انا ابي املج على ساره ..
بوجاسم: انزين ..
خالد: شنو انزين ابي املج والله تعبت و مليت من زو ماانتظر ..
بوفيصل: وااااااااايد انت مستعيل .. انزين البنت ماعندها الشبكه و الفستان و لحد الحين ماحجزنا شي ..
خالد: اذا على الفستان جاهز و الشبكه باتصل في فيصل و باتفهم معاه و الكوشه و الطاولات و العشى ماعليكم من شي كل شي اوكي ..
بوجاسم: شكلك مجهز كل شي ؟؟
خالد: ابي اصرف على ملجتي بروحي ..
بوفيصل: انزين و متى تبيها ؟؟؟
خالد: بعد اسبوع و انا قلت بعد انه نتصل في اعمامي و الشباب و البنات في الامارات ..
بوجاسم: انزين انا باتصل فيهم و وين بتسويها ؟؟
خالد: في بيت يدوتي ..
بوفيصل: انزين عيل مبروك من الحين ..
خالد: الله يبارك فيك ..
و طلع برع و اتصل في فيصل ..
فيصل: هلا والله ..
خالد: اهلين شخبارك ؟؟
فيصل: و الله تمام و انت ؟؟؟
خالد: ابي اتزوج ..
فيصل: ههههههههههههههههههههههههه ههه قريب قريب ان شاء الله بس الحين عندي لك مفاجأه ..
خالد: شنو ؟؟
و عطى فيصل الجوال حق جمال ..
جمال: الووو ..
خالد: هلا منو ؟؟؟
جمال: انت في واجد قرقر ..
خالد: جمـــــــــــــــــــــــ ـــــــــــال ..
جمال: الحمد لله عرفتني شخبارك يالمعرس ؟؟
خالد: تمام الحمد لله و انت ؟؟
جمال: انا تمام ..
خالد: وينك ماتبين ؟؟؟
جمال: شنو اسوي الحياه ..
خالد: ها ترى انت معزوم على ملجتي ..
جمال: مابفوتها عشان اتطنز عليك ..
خالد: عيل لا تيي ..
جمال: ههههههههههههههههههههههههه ههههههههههههههههههههههههه هههههههههههه ..
فيصل: هات هات خله اتفاهم مع هالياهل ..
خالد: انزين احمد قال لي اتصل فيك ..
فيصل: ايه اسمع دام انا في البحرين شنو رايك اروح اختار لك شبكات حلوه و اصورها و اطرش لك الصور و انت شوف و اختار ..
خالد: فكره حلوه اوكي ..
فيصل: انزين عيل بس شنو لون فستان ساره ؟؟
خالد: شوف هو لا بنفسجي ولا وردي لونه غريب ..
فيصل: انزين عيل عرفت شنو اخذ ..
خالد: اوكي عيل انا بروح احجز الكوشه ..
فيصل: سلم عليهم .. و صكر ..
جمال: ها شنو سالفة المعرس ؟؟
فيصل: باخذ له شبكه ..
يعقوب: انزين و متى بترجع ؟؟
فيصل: باجر ان شاء الله .. و انتوا بعد تعالوا الملجه ترى خالد بيزعل اذا ماييتوا ..
جمال: لا توصي احنا اول ناس مرتزين عندكم ..
الكل: ههههههههههههههههههههههههه ههههههههههههههههههههههههه هههه ..

**** أنا بأمس الحاجه لك
لا تبتعد محتاجلك
كلي وله مشتاقلك
أرجوك لا تبعد بعيد

تعال ياعمر الهنا
أنا بدونك من أنا
قلبي شقا وعمري عنا

والشوق في قلبي يزيد
أصارع أيام الزمان


أحس من دونك وحيد
أتخيلك دومك معاي
قمره تنور لي سماي
أفرح وأجدد بك هواي
وأحيا الامل بك من جديد

ياراحة البال وغلاك
ماحب في الدنيا سواك
أنا معك وأبقى معاك
حتى ولو تبعد بعيد

محتاجلك ****

شنو بيصير في ملجة خالد و ساره ؟؟
هند بيصير لها موقف مع فيصل شنو هو ؟؟؟
و خالد مستانس و طاير من الفرحه شنو بيسوي ؟؟؟؟