[فيتامين سي]

يوم الثلاثاء .. قبل الملجه بيومين ..
فيصل رجع البلاد و راح البيت ..
ساره: الحمد لله على السلامه ..
فيصل: الله يسلمج شخبارج ؟؟
ساره: والله تمام ..
فيصل: عيل وين الباقي ؟؟
ساره: طلعوا عندهم شغل و خلوني في البيت بروحي ..
فيصل: ايه لا تطلعين الا يوم الجمعه ..
ساره: ههههههههههههههه .. انزين وين الشبكه ؟؟
فيصل: مايبتها ..
ساره: شنوووووووووو ليش ؟؟
فيصل: لا تخافين يعقوب و جمال بييبونها ..
ساره: انزين فصول انا واااااااااااايد خايفه ..
فيصل: شله خالد مايعض ولا ياكل لحوم البشر ..
ساره: ماادري بس خايفه ..
فيصل: لا عادي انتي ماعليج بس خلي الرحمن في قلبج و خلاص ..
ساره: انزين مابتروح حق غاليه ؟؟
فيصل: ايه الحين بروح .. وين الكيس ؟؟
ساره تعطيه الكيس: متأكد ؟؟
فيصل: ايه .. و راح ..
وصل بيت خالته ..
ام غاليه: هلا يمه فيصل ..
فيصل: هلا خالتي وين غاليه ؟؟
ام غاليه: بروح اناديها .. و راحت ..
نزلت غاليه متشققه على بالها انه فيصل بيرجع لها ..
غاليه: هلا فيصل ..
فيصل: شوفي بييب لج اياها من الاخر لا يكون على بالج انه اللي سويتيه بيرجعني لج و كلي شوق و حنين حق حضنج انزين و لا تفكرين مره تتصلين في هند انزين و رقمها امسحيه من عندج فاهمه و ملجتي بعد شهرين و انتي اول المدعوين و في عرسي ان شاء الله انتي طاولتج بتكون عند الكوشه على طول على تشوفين مرتي و جمالها انزين .. و خذف عليها الكيس و طلع ..
(( فيصل )) .. شنو ارتحت لين قلت لها هالكلام و حسيت انه هم انزاح عن صدري بس الحين و الباقي علي انه اراضي هند و انا اعرف شلون ..
ساره وصل فستانها و كل شي جاهز تقريبا و حجزت لها وحده عشان تعدلها و فطيم و مها و و الحريم الكبار الا هند اللي قالت بتروح الصالون .. و نوره و الريم بيون الملجه انا سميه و عبير مابيقدرون .. الكوشه و الطاولات مايبي لهم الا تركيب و خلااااااااص .. طبعا اختيار جاسم و مايد و عبدالرحمن .. و الــــdj على احمد و الاغاني على البنات .. و فيصل عطى جاسم الشبكه و جاسم عطى هند عشان تحطها في باقة ورد و تعدلها و بتييبها يوم الملجه .. و يات لهم الحنايه و حنتهم و طلعت حناهم حلوه واااااااااااااااااااااايد ..
و اتصل بوجاسم في بومحمد في الامارات و قال لهم تعالوا .. اللي يا منهم بومحمد و بوراشد و حميد و طلال و فطيم و محمد و نوف و نوره .. اما الباقي اتصلوا فيهم و باركوا لهم ..

يوم الاربعاء .. في بيت اليده ..
ساره و فطيم((قطر)) و مها و الحريم الكبار ماكانوا موجودين في بيت اليده الا هند و بنات الامارات و الشباب و الرياييل و اليده .. البنات كانوا في المطبخ يجهزون العشى ..
نوره: والله وناسه و اخيرا في احد منكم بيعرس ..
فطيم((الامارات)): يلا الفال حق هند ان شاء الله ..
هند: لا توه ريض لحد الحين انا صغيره ..
نوره: شو صغيره مفروض الحين يكون عندج درزن عيال ..
هند: انا واحد وايد علي ..
البنات: ههههههههههههههههههههههههه ههههههههه ..
هند: يبتوا فساتينكم ؟؟؟
فطيم: هيه ..
نوره: و انتي شو لون فستانج ؟؟
هند: بعد مفاجأه ..
بوجاسم: ها بنات ماتبون مساعده ترى انا اعرف اطبخ ..
هند: يبه انت سوا لك بيض و بعدين ..
البنات: ههههههههههههههههههههههههه هههههههههههه ..
بوجاسم: لا تفضحينا يدام البنات ..
نوره: عادي عمي حتى الوالد مايعرف ..
طلال: شلون شبيهتي ؟؟؟
فطيم: انا اغار ..
طلال: من شو من هند ماعندج سالفه ..
هند: لا والله ..
نوره: بدوا يتهاوشون ..
بوجاسم: انا بروح ..
طلال: ماتبون مساعده ..
فطيم: ود الصحن ..
طلال: من عنوني .. و راح ..
و على العشى ..
بومحمد: ها خالد شحال النفسيه ؟؟؟
خالد: تمام عال العال ..
جاسم: جذاب من ساعه قاعد يتنافض ..
خالد: ماتقدر ترقع شوي و تقص عليهم ..
جاسم: انا مااعرف اجذب ..
احمد: انت بو الجذب ..
عبدالرحمن: افاااااااااااااااااااا الا خراط بعد ..ز
جاسم: خلودي ترضى علي ..
خالد: ِنو خلودي الحين انا معرس و تقول لي خلودي ..
مايد: خلودي تبي ااكلك ؟؟
خالد: انا ابي خطيبتي اتأكلني ..
بوفيصل: باجر ان شاء الله ..
نوف: انوده ..
هند: نعم حبي ..
نوف: بنام عندج اليوم ..
محمد: افاااااااااااااا نوفي تخلين بابا لحاله ..
نوف: خلاص انزين ..
هند: لا تعالي عندي ..
نوف: لا عشان باباتي مايصيح الفليل ..
الكل: ههههههههههههههههههههههههه هههههههههههههههههههههههه ..
محمد: هالبنات لسانها متبري منها ..
حميد: فاضحتك ..
بوراشد: انزين الحين كل شي جاهز ؟؟
بومها: ايه الحمد لله ..
اليده: ان شاء الله اشوف هند عروس قولوا امين ..
الكل: امين ..
هند: شله يدوني لحد الحين صغيره انا ..
اليده: شنو صغيره انتي و احمدوه هالسبال كله هالجمله على لسانكم ..
احمد: الحين انا شنو قلت .. لا ارتاحي يدوه لقيت اللي رضخ لها قلبي ..
اليده: زين عيل ..
بومحمد: وينه فيصل مابيين ؟؟
احمد: عنده شغل ..
جاسم: اي شغل الله يخليك هو جمال و يعقوب خامين الستي اليوم ..
خالد: من الصبح لين الحين ..
عبدالرحمن: فارشين لهم هناك ..
جاسم: جمال مال الثانويه ..
خالد: الفتان ..
مايد: انزين شنو رايكم تقولون سوالفكم في الثانويه ؟؟
احمد: اسكت انت عن الفضايح ..
حميد: انزين شباب خلونا نظر برع شو ميلسنا في البيت ..
و قاموا الشباب و راحوا البحر .. و اتصلوا في فيصل و خليفه و فهد و سيف و سعود و اجتمعوا كلهم ..
تعرفوا على بعض و كل شي و قعدوا يسولفون ..
محمد: حميد سمعنا قصيده ..
الكل: ايه يلا ..
حميد: اوكي هالقصيده قالها ربيعنا جراح الله يرحمه هو سمعها .. و اهداها حق حمدان في عرسه و انا بهديها حق خالد.. تقول:
تسمع بايل و الحدايق و الاهرام ..
ماهي عجايب يوم اناظر عيونك ..
عجايب الدنيا لها الوقت مادام ..
انهيتها يااروع اعجوبه بكونك ..
دار الزمن بها وخلاها حطام ..
من انا ماشفت روعة فتونك..
لك نظره ياصاحبي سهمها سام ..
منها انا طايع و اطلب عونك..
منها انا مجروح جرح من العام..
ولا نيتي انساك و اخونك ..
و طول انتظاري طال و الوقت بي حام ..
و اخاف من العذال عني يحدونك ..
و تدور بي دنياي و تخون الايام ..
و باقي حياتي اعيش فيها بدونك ..
و قتها احكم على قلبي اعدام ..
و العن بوقلبين عجز لا يصونك ..
و دام الهوى ياصاحبي بيننا دام ..
مجنون بحبك و شايف جنونك ..
خالد: صح لسانك ..
حميد: صح بدنك ..
خليفه: انزين ماكملنا سهرتنا مالت ذاك اليوم ..
فيصل: شنو كنا نغني ؟؟
خالد: سرمد الليل و نهديها لك ..
جاسم: انزين اللي بعده ..
طلال: سلمان حميد .. لبيه .. شو رايكم ؟؟
الكل: اوكي ..
طلال يعني و خالد و جاسم معاه و خليفه و الباقي يدقون .. >> والله وناسه <<

عند البنات .. في بيت اليده ..
نوره: ها هند شحالج انتي و فيصل ؟؟
هند: تهاوشنا مره ثانيه و صارت لنا سالفه ..
فطيم((الامارات)): شو صار بعد ؟؟
هند: غاليه بنت خالته .................................................. ......... و قالت لهم السالفه ..
نوره: شو هذي انسانه اصلا ؟؟
هند: تسأليني ..
هني اتصلت ساره متخرعه ..
هند: الوو ..
ساره: هنوده الحقيني ..
هند: شنو فيج بعد ؟؟
نوره: الحين بتظهر الف عله يوم الملجه ..
هند: هههههههههه شنو فيج ؟؟
ساره: منو هذي ؟؟
هند: نوره ..
ساره: قولي لها شنو سويتي في يوم ملجتج ؟؟
هند: شنو سويتي في يومك ملجتج ؟؟
نوره: عادي كانت حلوه ..
ساره: حطي على السبيكر عشان اكلمكم كلكم ..
هند: ها شنو فيج تكلمي ؟؟
ساره: اخاف و الشبكه مو عندي و ماادري وينها ؟؟
هند: ايخ صج نسيت الشبكه عندي انا باجر بييبها ..
ساره: ريحتيني انزين و الحين شلون اسوي شعري ..
فطيم((الامارات)): نفشه مثل شعشبونه ..
البنات: ههههههههههههههههههههههههه ههههههههههه ..
ساره: لا من صجي ..
نوره: سوي له رولات و رفعيه و حطي ورده من الباقه مالت الطاولات ..
ساره: انزين انتوا شو بتلبسون ؟؟؟
فطيم: بعد مفاجأه ..
ساره: و انتي هند ؟؟
هند: مفاجأه ..

يوم الخميس .. يوم الملجه .. في بيت بوجاسم العصر ..
جاسم: خالد قوم بسك نوم اليوم يومك ..
خالد: امممممممممممممممممم ابي انام خلني ..
جاسم: قوم روح شوف الطاولات و كل شي شنو فيك يلا عاد الشباب قاعدين يجهزون كل شي عنك يلا قوم ..
خالد: تعرف انك واااااااااااايد حنان ..
جاسم: قوم اتصل في هند و شوف اخبار صرصورتك يقولون وااااااااااااايد خايفه ..
خالد: حتى انا مب بس هي ..
جاسم: انزين يلا قوم ..
و تدخل عليهم ام جاسم ..
ام جاسم: انتوا لحد الحين ماقمتوا ؟؟
خالد: الحين الحين يمه .. و قام .. وين ثوبي ؟؟
ام جاسم: هند كوت لك اياه و سوت لك كل شي ..
خالد: الحين وينها هي ؟؟
جاسم: انا وديتها الصالون و بعدين بروح اخذها .. انت الحين قوم و تفجج من الفصله اللي انت فيها ..
خالد: يمه شوفي عنوني منتفخه ..
ام جاسم: من الرقاد ..
خالد: اووووووووووووووووه انزين انزين انا يوعان ممكن تسوين لي شي اكله ؟؟
ام جاسم: تعال تحت في كيك هند سوت لك ..
جاسم: و انا ..
خالد: بس حق المعرس ..
ام جاسم: يلا يلا بسرعه انتوا الاثنين عشان تروحون بيت يدتك ..
خالد: ساره وينها ؟؟؟
ام جاسم: في بيت يدتك عشان تتعدل ..
خالد: الحين بروح عيل ..
جاسم: لا الشيخ بتجابلني لين الساعه 9 الفليل و بعدين تدخل على عروسك ..
خالد: اففففففففففففففففف منك انزين انزين ..

في اليده ..
ساره ميته خوف يعني مايحتاي اوصف لكم شعورها .. و البنات يهدون فيها بس مافي فايده ..
فطيم((قطر)): خلاااااااااااااااص عاد و بعدين معاج انتي مب اول ولا اخر وحده تملج ..
ساره: اخااااااااااااااااااااااا اااااااااااااف شوفي قلبي شلون ددم ددم ..
مها: شوي شوي لا ينطر لج عرج ..
البنات: ههههههههههههههههههههههههه ههههههههههه ..
ساره: ليش هند مايات هني ؟؟
نوره: قالت ماتبيا .. و بعد المغرب بتيي ..
ساره: انزين و كل شي جاهز تحت ؟؟
فطيم((الامارات)): هيه كل شي اوكي ..
فطيم((قطر)) تفتح الكيمره و تثبتها على الطاوله بدون ما ساره تعرف و قاعده تصورها و هي تسولف و خايفه و تتحلطم و حالتها حاله .. انا البنات كانوا يعرفون فجي ابتعدوا عن الكيمره .. طبعا خالد قال لها .. و قال لها بعد خله هند تطلع في الكيمره عشان بعدين فيصل يشوفها .. طبعا بعد مايملجون .. >> والله مصاخه هااااااااااااا فيصل خله اول شي يتأسف لي و بعدين والله لحد الحين محتره من الكلمه اللي قالها <<
البنات طلعوا من الغرفه و يات راعية الصالون و بدت في ساره و في ثلاث بنات يعدلون الباقي .. و الكيمره لحد الحين تصور .. ساره اتصلت في هند ..
هند: الوووو ..
ساره: هلا انوده وينج انتي الحين ؟؟؟
هند: عطيني ساعه و بخلص ..
ساره: انزين بسرعه ..
هند: اوكي بس انتي لا تخافين ..
ساره: انا قلبي ماادري وينه .. >> بعد وينه عند خالد اما دلع بنات<<
هند: لا تخافين اخوي مايعض ..
ساره: الكل يقول لي بس انا اخاف العكس ..
هند: عادي حبي الا هو ريلج ..
ساره: اوكي بسرعه تعالي .. و صكرت ..
المهم يات فطيم((قطر)) و شغلت حق ساره اغنية 3 ايام و طلعت اونه عشان تطربها .. هي اصلا تبيها تغني .. و ساره ماصدقت تموت في هالاغنيه و قعدت تغني و تسوي حركات و حالتها حاله والله كان شكلها يفطس من الضحك ..

في الصالون ..
راعية المكياج: شنو لون فستانج ؟؟
هند: فيروزي و ذهبي و معاه فضي و بيج بس خفيف .. >> هو الفستان انا مااعرف اوصف الوانه بس وااااااااااااايد حلو طلع على هند <<
راعية المكياج: اوكي حبي ..
و قعدت تحط لها مكياج .. و بعد ماخلصت سوت لها شعرها و خلصت .. هند يوصل شعرها لين نص ظهرها و طبقات فسوته لها رولات من تحت و رفعته و سوت لها تسريحه واااااااايد حلوه طلعت عليها و حطت لها سلاسل مالت الفستان و طلعت رهيبه بمعنى الكلمه و حلوه .. و بعدين حطت لها لمعه على جسمها و حطت لها الماس صغار على طرف عيونها و طلعت جميله .. و بعدين اتصلت هند في جاسم و خالد و يوا خذوها ..
هند: انت مب لازم تكون في بيت يدوه ..
خالد: ادري امبلى لازم بس اخوج مايخليني ليش لانه ساره هناك و يخاف اطب عليها ..
جاسم: ايه شنو بعد انت ماتصبر ..
هند: ههههههههههههههههه احسن لك ..
جاسم: انزين اشوفج ؟؟
خالد: مايحتاي بعدين بنشوفها ..
هند: انزين و كل شي جاهز هناك ؟؟؟
جاسم: ايه الشباب اتصلوا و قالوا كل شي اوكي ..
هند: انزين و انتوا وين بتقعدون ؟؟
خالد: في بيتنا مع الرياييل .. و الساعه 9 بنيي ..
هند: يلا الله يوفقك .. و اضمن لك انك بتحط يدك على قلبك لين تشرف ساره ..
خالد: يعني ..
هند: اكيد ..
جاسم: يلا و انا متى اتزوج فطيم ..
هند: قريب ان شاء الله ..
جاسم: انا مابكسر بوعدي ..
هند: لانك سخيف ..
خالد: شنو يعني احنا نبي فيصل ياخذج و بعدين كل واحد يتزوج اللي يبيها ..
هند: اهم شي احمد يخطب نوره و خلاااااااااص ..
خالد: ايه احمدوه ذاك اليوم قال لي ..
جاسم: انزين و عبدالرحمن ؟؟؟
هند: مادري ..
خالد: و مايد ..
هند: مادري بعد ..
وصلوا بيت اليده و نزلت هند و الشباب راحوا بيت بوجاسم و الشباب كانوا هناك ..
هند دخلت الغرفه و الكيمره تصور من الساعه 4 العصر .. الحمد لله انه فطيم شحنتها عشان تكفي البطاريه لين الفليل ..
هند: هلاااااااااااااااااااا بالعروس ..
ساره: وينج انتي من الظهر انطرج ..
هند: كاني كاني ويصلت ..
ساره: هنوده والله اخاف ..
هند: سوسو عادي حبي هذي شي طبيعي و بعدين عادي صدقيني بتتعودين على الوضع ..
ساره: انزين الحين الساعه كم ؟؟؟
هند: الساعه 6 و نص .. يلا انتي لبسي و اذا تين مساعده انا موجوده ..
ساره: انزين .. و طلعت الفستان .. و دخلت غرفة الملابس ..
هند فضخت عباتها و قعدت تعدل شعرها ..
ساره: تعالي صكري لي الفستان ..
هند: انزين .. و راحت لها ..
ساره: الله شعرج و مكياجج حلو ..
هند: انتي احلى .. يلا طلعي اشوف الفستان عليج .. و طلعت ساره .. اشوف دوري ..
و الحبيبه ادور يدام الكيمره و تسوي حركات يهال .. >> اراهن انه خالد بيموت عليها و على حركاتها <<
ساره: و انتي وين فستانج ؟؟
هند: بروح البسه و بنادي المصوره تيي تصورج انزين ..
ساره: لا تتأخرين علي ..
هند راحت و قالت حق المصوره تصور سارونه .. و يات و خليتها تسوي كل الحركات و يدام الكيمره الثانيه .. ساره ما شافت الكيمره الثانيه مالت فطيم ليش لانها صغيره و ماتبين .. و بعدين فطيم حطتها بين اغراض .. راحت هند الغرفه و يات امها تساعدها تلبس الفستان ..
ام جاسم: شنو فيج يمه ؟؟
هند: ولا شي يمه ..
ام جاسم: عيونج تقول وايد ..
هند: بعد ..
ام جاسم: شنو بعد ؟؟
هند: ولا شي انا بروح اصور ..
ام مها: ماشاء الله عليج ياهند ..
هند: تسلمين مرت عمي ..
ام مايد: ان شاء الله اليوم يخطبونج ..
ام فيصل: لا حبي هند حق فيصل ..
الكل: امين ..
الحريم نزلوا تحت و البنات بعد لانها صارت الساعه 7 و بعض الاهل وصلوا .. و هند تمت عند ساره .. و نونة احمد وصلت مع الريم ..
ساره: هنوده فستانج حلو ..
هند: عيونج الحلوه حياتي ..
ساره: هند شنو فيج ؟؟
هند: ولا شي انتي شنو فيج ؟؟
ساره: لا تغيرين الموضوع ..
هند: اليوم يومج لا تكدرين خاطرج اوكي ..
ساره: شلون مااكدر خاطري و انتي متضايقه ..
هند: من قال انا متضياقه بالعكس انا مستانسه لج انتي خلود السبال ريلج ..
ساره: ايييييييييييييييييه ماارضى عليه ..
هند: اووووووووووه بدينا من الحين ..
ساره: ايه شنو بعد هذي خلودي .. >> لو يدري انج تنادينه خلودي ماتدرين شنو بيسوي فيج <<
هند: انزين انزين سمعتي شريط الزفه ..
ساره: لا ..
هند: بتعجبج ..
ساره: انزين اممممممممممممم شنو بغيت اقول صورتي ..
هند: ايه و انتي ؟؟
ساره: ايه ..
هند: انزين انا بنزل بشوف منو موجود و بيي لج انزين ..
ساره: انزين بس لا تتأخرين ..
هند: خوافه .. و نزلت .
عاد الحين ساره قاعده بروحها في الغرفه .. اونه الحين بتتدرب شلون تدخل الميلس على خالد ..
ساره تغير صوتها: السلام عليكم .. لالالالا شنو .. السلام عليكم .. طبعا تغير صوتها كل مره .. لا شنو بيقول عني وايد دلوعه .. >> ماتدرين انج بدلعج تذبحينه << .. شلونك خالد .. لالا مابقول شي .. استحي اهئ اهئ اهئ .. حبيبي خالد .. حبي خالد .. انزين شلون باقعد .. و قامت اجرب شلون تقعد .. جي .. لالا انزين جي .. لالا مابحط يدي في حضني .. انزين وين احطها .. انزين جي .. امممممممممم .. انزين شنو بقول له .. احبك خلودي .. >> ههههههههههههههههههههههههه هه << .. نظر عيني فديتك .. غناتي .. انزين شلون بصور معاه .. امسك يده ولا لا .. اووووووووووووووووه .. و قعدت تتعبث في الغرفه .. يات الحين بتلبس الكعب مالها لانه بعد شوي بتنزل .. افففففففففففففففف توهقت الحين ماقدر ادنع عشان اصكره .. و المسكينه تحااول ادنع عشان تصكره و شكلها يفطس من الضحك و هي تحاول .. تقولون الكيمره الخفيه .. و بعدين قامت تعدل شعرها .. و قعدت ترقص و تسوي حركات .. شنو فيها يعني قبل الزواج اصير خبله ولا يدام الولد .. و هالكلام كله طلع على الكيمره ..
ياتها فطيم((قطر)): يلا يلا بسرعه الحين بتنزلين ..
ساره: انزين انزين .. و نزلت ساره و البنات كانوا بنطرونها تحت عند الدري ..
فطيم خذت الكيمره و حطتها في الميلس اللي بيقعدون فيه ساره و خالد و ثبتتها بيت باقات الورد و صج ماكانت تبين .. عشان البنات يسمعون شنو يقولون المعاريس .. و راحت برع ..
ساره طلعت على الزفه اللي اختاروها لها و طلعت وااااااااااااايد حلوه مشت بخفه و بكل ثقه >> مو كأنها من ساعه خايفه << و بعدين قعدت و البنات قاموا يرقصون .. و بعدين راحوا عندها على الكوشه و قعدوا معاها ..
نونة احمد: والله ساروه كبرتي ..
ساره: يالله الفال لج يا مرت اخوي ..
نونة احمد: استحي لا تقولين هالكلام ..
فطيم((قطر)): انزين يلا تعالوا نصور .. و صوروا صوره جماعيه ..