[فيتامين سي]

الجزء الثاني


مهرة اخت سعيد و أحمد . .
مهرة مطلقة من يوم بنتها مها عمرها 3
المها : شعرها بني لين نص ظهرها وويها صافي مب بيضه ولا سمرا لونها حلو عيونها عسليات انفها متوسط الطول وطويله وهالشي محلي جسمها صوتها حلو وفيه نبرة دلع وعمرها 23 مخلصه دراسه .. درست تصميم داخلي بس هيه ما تشتغل .. علاقتها ويا البنات مش اوكي .. وفي شخص وايد قريب منها .. ما تنسى بسرعه وتنجرح من ابسط الامور ..

هيا : شعرها اسود وغليظ عيونها عسليه شراات اختهااا متوسطات الوسع بس رموشها الكثااف محلتنهم خدودها حمر حواجبها مرتبه رفيعه و جسمها حلو....وبعد علاقتها مش قويه ويا البنات عمرها 18 واول سنه في الجامعه اتميل لزايد وتتسرع فقراراتها وما اتفكر عدل قبل ما تاخذ قرار .. لو عصبت اتقول رمسه بس تندم عليها ..

المهااا : اوووووف ما ابا اسيير \ كانت تقصد العزيمه

هيا وبضيج : انا بعد

في يوم العزيمة كان الكل مرتبش
نوره لبست بنطلون اسود هاي ويست وقميص شيفون كحلي ورسمت عينها وحطت بلشر كان لونه على البيج وحطت روج احمر ولمت شعرها على تحت ..

منال لبست بنطلون اسود وقميص بينك رفعت شعرها واتجحلت وحطت مسكره وبلشر خفيف على البرتقالي وروج لونه فاتح

ساره ولبست فستان اسود وون لاين فوق الركب بشوي .. وخلت شعرها طلق بس حطت مسكره ورج بنك

عند البنات
ساره : مشاء الله عليكم ظاهرات حلواات

نوره : حبيبتي والله انتي اليوم مغطيه علينا ظااهره كيوت

ساره : شكراً ياروحي

منال وهي تستهبل : هااا تبيني اقول لرااشد عنج وعن نوره وضحكت ..

ساره وباحراج : اتعرفون انا ولا مره جيه حسيت اني قلت لرااشد شي حلو دوم ارد عليه عاادي

نوره : انزيين ليش عااد حراام كيفج بعديين بيمل منج

سارره : ماااا ادري والله مب باييدي احس احيانا اخااف

منال : حبيبتي سااره من شو اتخاافين ما في شي ايخوف هو ريلج بعدين لازم اتعااملينه بطريقه حلوه

سااره سكتت

نوره : انزيين امم راشد شافج اليوم

ساره : لااااااا

نوره : انزين ماااا عليييه انا بعلمج رااااشد وكانت اتصرخ رااشد رشووود

ساره : نوره بسس عااااد

نورره وهي ومتجاهلتنهااا : رااااشد

ساره ما عرفت شو اتسوي : اظهر احسن .. يوم يت تفتح..الباب راشد فتح الباب قبلها اول ما شافها خااافت يحرجهااا فظهرت بسرعه وسكرت الباب وراشد كان وااقف قريب من الباب فهي يوم ظهرت لزقت فالباب وكان راشد واايد قريب منها

رااااشد وبابتسامه : محلااااج

ساره كالعااده انحرجت وسكتت بس رااشد متعود .. فابتسم ابتسامه اتذوب ساره وهي من شافت ابتسامته ابتسمت ابتساامه احلى

راااشد : بذووب انا

ساره بدلع : هههـ

راشد قرب منها وفهاي اللحظه منال فتحت الباب وشاافت الموقف وبعد اصلن سااره بغت اتطيح لانها كانت متسانده على الباب ..

رااشد : بلااج بتكسرين حرمتيي حد يفتح الباب جذااا
منال : ههههههه جاانكم ****** مش حذاال غرفتي .. ماا فيني على المشااكل

راشد : هههههههههه

منال : ههههههههه ودخلت الغرفه " الله يهنيهم ياارب
نوره : آآمييين

فبيت سعيد والحين الساعه 4:30 الريم لبست dress سماوي طويل وبس اتجحلت وحطت مرطب
الريم : سييفووه طووف يلا بنروح عند شماا لان ما عندها حد يوصلها

سيف : شمااا !!!! منوو قال انا بمر

الريم : لااا تسهبل انا قلتلها بمر علييها ،، حرااام

سييف وهو معصب: مرررريي انزييين،، مكلفف فييها انا

الريم انقهرت من اسلووبه وتعرف انه كل يعاااند وما بيطييع :
كيييفك بقوول لمنصوور بيفووتك شكل شموو ( طبعا كانت تستهبل
)
سيف " من زماان ما شاف شما مع انه شما وايد ويا ريم وحتى انها عادي ويا زايد ومنصور واتحبهم شرا اخوانها لكن بين شما وسيف الوضع غير ومن زمان ما شافته "

سييف وبفضوول : رييمووه شمااا اتغيررت ولا مثل ماهي ؟!!!

ريم : شووووووه لا لا طووف تبا اتشوفها مر عليها

سيف :ويااا ويهججج

عاااد سيف يلس يتكشخ والرييم من متى وهيي تتريااه

الرييم : خييبه سييف هااي الكشخه كلها حق شمووه مالت علييها << يابتها باسلوب مصخره

سيف : ههه وانتي شراايج .. وظهروا
مرر سييف على شماا

شما كاانت لابسه بنطلون بيج غامج وقمييص عنااابي وكعب اسود وميكبها خفيف هيه ظهرت ومسكت عباتها لان العقم الي فيها اشوي وام شماا مايت ركبت السياره وسلمت

سيف والريم : وعليكم السلام

الريم : شحاالج

شما : بخير انتي شحالج

الريم : الحمدلله ، شموه خالو شحقه ما يت معاج

شما : اشويه تعبانه

الريم : اهاااااا << ومدتها .. سلامتها

شما :الله يسلمج حبيبي

سيف يوم قالت حبيبي يته ضحكه ما يدري ليش وابتسم

ريم : بلاااك << لانها شافته

سيف فزز : بسم الله .. ما فيني شي

الريم : اوكي اوكي خلاص << ووصلو بيت أحمد الريم بس حتى قبل ما يوقف سيف السياره فتحت الباب وطاارت اونها متولهه عااده وخلت شمااا .. شما يوم بغت تنزل عباتها علقت في الباب هيه ما انتبهت ومن مشت حست شي يسحبها انحرجت بس سيف ما شافها لانها ما كانت يالسه وراه يعني ما يبين

عااد هيه تمت مب عارفه كيف اتظهرها ولانها لابسه كعب ما قدرت توخي ( توطي عمرها ) علشان تظهرها ..

سيف : شما سكري الباب ابا اقفل السياره

شما وهي قافطه : هاااااه

سيف وباستغراب وشوي اتنرفز : شو الي هاااه

شما وهيه مش عارفه شو اتقول: ااه.اا... عبباتي < وهي تاشر بايدها
سيف حس انه عباتها علقت لان مره وحده صار نفس الشي ويا الريم وعند هالباب ياصوبها وهو مبتسم وشما اشوي خاايفه هو يتقرب عسب يظهر العباه وهي ترجع سيف اتنرفز عصب واتضاايج اشوي : ااااااووووووه اشفييج انتي ما باااكلج عنبوووه شو شايفتني ..

شما وقفت مكانها واونها بترقع : لاا ما يخصه بس انا قلت يمكن ما عندك مكان

سيف وهو يبا يضحك لانه يدري انها جذابه : والله ..

هيه سكتت وهيه قافطه ووقفت لين ما ظهرلها العباه و رااحت حتى ما قالت مشكور <<

سيف ضحك : ههههههههه وبصوت اشوي عاالي يعني هيه تقدر تسمعه : والله انا ما آآآكل

شما انصدمت صدت وراها لا ارااديا

شافته ابتسم سيف ومن ابتسم على طول صدت ورااحت وهي مستغربه وفنفس الوقت منحرجه..

دشت الصاله وسيف سار الميلس شما وسارت اتسلم على البنات وخالتها

الريم : خييبه انتي شو اتسويين ها الكثر بس تمشين

شماا : جب انتي خليتيني ورحتي

نوره : ليش شو استوى

شما : هههه دخييلكم لا تسألوون

الريم : يلااا عاااد قولي

منال : خلااص ما تبغي اتقوول مش غصب

الريم : الله يخليييج انتي اسكتي .. يلا شمووه شو صار

شما وهيه تضحك وخبرتهم بكل شي

الريم واشوي مستغربه ورمست باسلوب يضحك : اونه .. جذاابه

كل البنات ضحكوااا . سااره : هههههه شو الي جذاابه

الريم وهيه تضحك على عمرها : لااا يعني مب جيه بس ..

شما وقاطعتها : ارمسي عدل ولا اسكتي < ومره ثانيه كل البنات ضحكوا وريم قفطت

الريم واونها معصبه : بسسس عاااااد

ساره : ههههه اوكي

ودقايق ودشت خلود ( ام سيف ) وسلمت ونص سااعه ويت مهره وبناتها دشت مهره وسلمت اول شي على حريم اخوانها وقاموا البنات سلموا عليها وعلى هيا والمها

ويلس الكل يسولف الحريم في صوب والبنات في صوب ومها هيا في صوب

قامت منال : بنات انا بروح المطبخ ابغي اشرب مااي حد يبا شي

هيا وبدلع: لو سمحتي انا اباا بعد مااي

منال ومن ورا خاطرها : ان شاء الله من عيوني

نوره انقهرت ما تدري ليش : انزين حبيبي منول قولي للخدامه

منال : لاا عاادي اصلن الخدامات الحين مشغولات ف مش لازم بروح انا ومشت ..

فنفس هاذا الوقت زايد ومنصور توهم يوصلون يعني ومن نزلوا من السياره زاايد رن فونه زاايد : منصور انا برمس والحين بي << يعني كان يقصد اذا حد ساله عنه

منصور وفهم عليه : خلاص اوكي

سارت منال المطبخ وهي دايما اتحب اتحط ثلج فالماي فتحت الفريزر ما حصلت زقرت الخدامة ومايت قالت بتروح المطبخ الي برع ظهرت راحت المطبخ وزايد كان يرمس ويتمشى ولفته الباب مفتوح بس فظاوه ويوم وصل عند الباب شاف وحده داخل استحى وقال بيظهر لانه الي شافها حاطه الشيله على جتفها .. زايد لف منال حست انه حد هني صدت صوبه وعلى طول حطت الشيله

منال : منو ؟؟؟؟

زايد صد بيستسمح بس لما شاف منال استانس .. زايد : يا هلا بمناال

منال : اهلين ؟

زايد دش المطبخ منال خافت بس فنفس الوقت كانت اتحس بوناسه خاصة وهيه اتعرف مشاعر هالانسان اتجاهها واتحب انه يبين لها حبه

فمنال : نعم زايد بغيت شي ؟؟

زايد : لاااا

منال خافت : خلاص اوكي وخر ابي اظهر

زايد وباستغراب : ليييييش ؟؟!!!!

منال كانت خايفه وفنفس الوقت اتحس هالشي يرضيها : السموحة زايد !

زايد وبنظره حنونه اتقرب لين ما خلاص يعني ماشي مسافه من بينهم

منال حست انها تمادت : زاااايد لو سمحت !! كانت خايفه لاحد ايي .. ومش من شي ثاني لانها واثقه انها ماراح ايأذيها

زايد وايد اتلوم واستحى على ويه زايد : اسسفف !!!

ريم حست انه منال طولت فسارت المطبخ وما حصلتها ظهرت برع ودخلت المطبيخ ..

كانت مبتعده عنه وقلاص الماي فايدها فلما شافت الريم عطت زايد القلاص اصلا كانت شاربه منه وزايد اتحمس : مشكوووره

منال وهي اترد : العفو وظهرت

الريم مستغربه : شو السالفه

منال وهي اترقع : ولا شي رحت المطبخ عسب اييب ثلج وشفت اخوج وقالي يبا ماي

الريم وهي ابدن ما تبا اتركز فاقتنعت : هييييه اوكي وروحوا الصاله

ومنال صبت حق هيا ماي وودته عسب لحد يرمس وتمو يسولفون

منال رن فونها شافت رقم وحده اتسوي وياها البروجيكت ولازم اترد عليها:
اناا ببرمس .. وظهرت برع لان يعني اقرب مكان وهادي فتحت الباب حست حر وبعد حست بدوخه يمكن لانها مب ماكله شي ويت بتدخل بس
شافت واحد عاطنها ظهره ويرمس وبس سمعت ( بعدين بقولج ) وعرفت انه يرمس وحده !!! والتفت وراه وانصدم بمنال وفخاطره هااي مناااال ؟؟

منال واتحس كل شي فيهاا انجلب حتى الرمسه اتلخبطت عندهااا : أ..أأ...أأأ.أأ زأأأأأأيد !!!!!!!!!!
زاايد : أأأأ منولي والله والله .. ومنال قاطعته وهي ماسكه عمرها : أأممم آآآٍسفه
زاايد وبانفعال : لااا منال انتيي ..
ومره ثانيه منال قاطعته : بس بس ؟؟
زاايد ما عرف شو يقول : منال والله انه بسس جيه .. يعني .. ماكان عارف كيف يرقع السالفه
منال وبقهر : انت ما تستاهل الواحد يرمس وياك
زااايد :والله مناال اتسلى
منال اتنرفزت اكثر : تتسلىىىىىىىىىىىىىىى ماشاءالله !!!!!
زاايد : والله منال اسوي الي يرضيج واغير رقميي ؟؟
منال ثقلت عمرها : زين بعد اتغير رقمك !!
زايد وبعده متوتر : والله اباج تفهمين انها ما تهمني والله الي احبها وتهمني وحده
منال انقهرت بعدد قواااات عييييين وفبالها كيف جيه يقول هو يحبني : صدققق مااشي حياااا ماااالت ؟؟
زايد استانس من ردة فعلها وفباله انها اتغاار : اشفيييج منااال
منال اتضايجت اكثر وصاحت ( مستحييل الشي لازم ما يكلم غيري )
زااايد انصدم: منااال ليش اتصيحين
منال وهي اتحاول اتسكت عمرها : مالللك شغغغل
زااايد انصدم ما اتوقع اتصيح. : منوولي اناا .. بس منال ما عطته مجال وعلى طول دخلت بدون ما تسمعه ... سيف ظهر وشاف زايد : زاايد وينك يسألون عنك زاايد : يلا ييت
( الميلس مش واايد بعيد عن الصااله )
منال اول ما فتحت الباب شما كانت فويها على اساس بتظهر والكل صد عليها واستهم لما شافها
الريييم وبسرعه : بلاااااااااااج منووول ؟؟
بسس منال ما رامت اتسويي شي شو اقول كيف اشرح وعلى طول ركضت غرفتها هني قفزت عاشه من مكانها وخلود وقفت وكلهن وراها بس منال من الصياح ولانها ركضت على الدري وهي مش ماكله شي ولان فيها فقر دم من خلصت من الدري حست الدنيا اتدور فيها كانت واثقه انها بتطيح بعد ثواني وتحمد ربها انها بتفتك وبالفعل ثواني وكانت على الأرض (كلهم فزوا )
والحرييم يصرخون ولاحد عارف يتصرف الا شما ونوره الي ساروا عندها شما يلستها على ريلها ونوره رفعت ريلها وقالت لساره اتييب ماي الي ركضت على طول ويابت الماي شما مسحت اشوي على ويها لان منال ماكانت مول مش فوعيها لا حاسه بالي حويليها بس مش رايمه تتحرك ففتحت عينها شوي شوي
ولين ما صحصحت نوره : يلا خلونا انوديها غرفتها وقوفها ومشوها لين الغرفه وبعدين سدحوها على السرير والخدامه يابتلها عصير وخلوها ترتاح شوي وعقب بيشوفون شو فيها ..
والكل نزل تحت ومهره سالت وخبرتها عاشه باختصار ..
واشوي وهدت الاوضاع ..
الريم : بنات شو رايكم باجر نظهر
ساره : حراام ريومه منوول تعبانه وانتي اتفكرين فالظهره
الريم صخت
نوره وبجديه : هييه والله ساره منال ما عليها شر وهاي مش اول مره اتطيح تلقينها من قلت الاكل وبترتاح وان شاء الله بتصير اوكي .. شرايكم باجر بالسبت ..
ساره : ان شاءالله لما اتصير اوكي
هيا : انا بعد ودي اظهر بس ما ابغي السبت
الريم انقهرت : والله بكيفج نحن بنظهر السبت بتيين حياج الله ؟؟؟
الكل سكت ... الريم وشما ونوره كانوا واايد يسوون ويا هيا والمها ماكانوا يطيقونهم ويمكن هيا اشوي بس المها واايد اما منال وساره يعني ما يحتكون فيهم ..
المها بقهر : من قال هيا بتظهر وياكم ؟؟!!!
وقامت المها وسحبت وراها هيا وساروا صووب مهره وقالوا لها انهم يبون يسيرون مهره واايد عادي عندها فاستسمحت من الحريم وسلمت على الكل وظهرت..
نوره وايد اتحمست للظهره استانست وقالت للريم وشما يرقدون عندها الريم : اوكي انا بشوف ابويه واميه
شما : سوري حبيبي بس امايه تعبانه والسكري واايد متلخبط عندها لازم ارجع .... وكملو سولفهم لين ماصار المغرب ومر الوقت وتعشوا وخلاص يا الوقت الي بيسيرون فيه والريم رمست اهلها وعادي بيت عمها ولا عندهم شباب .. فابد ما كانوا يمانعون
شماا : ريماني انا كيف برجع
الريم : شراات ما ييتي
شما وعلت صوتها : لا تستهبليين رييييمو انا استحي اركب ويا اخووج!!!!!!! ويين ابااا ؟؟؟
؟؟؟
نوره ما رامت اتعلق لانها تدري ابوها ما بيخلليها تظهر الحين وخصوصا توها ماخذه الليسن فما يحب انها تظهر فليل
الريم : شمووو عاادي
شما وانقهرت : لاا انتييي مش صااحيه
نوووره : هيي شميييم عاادي ؟؟ شما على طول يا فبالها سيف لانه هاك اليوم قاللها شميم وابتسمت
نوره استغربت توها متنرفزه : شوو يااج ؟؟
شما وهي اترد عمرها طبيعية : لا ماشي خلااص اوكي ريم رمسي خالو خلود عسب اترمس سيف وتي ويانا ..
والريم رمست امها وخلود رمست سيف ... وفالسياره
خلود : سييف امييه مر الجمعيه بغيت ااخذ اغراض
سيف : أن شاءالله .. ومر الجمعيه
شما وهي ما تبا اتم ويا سيف بروحها : خالوه تبيني انزل وياج
خلود : لا الغاليه ما بتعبج ما بطول ربع ساعه
سيف وفيه ضحكه على شكل شما وعلى امه : خييييبه امااايه ربع ساعه وما بتطولين
شما ضحكت : هههههه << عااد سيف ما صدق من نزلت امه شاف وحده بتركب سيارتها وجيه اونه عااد يسوي جو صفررر : محلاااهااا
شما انقهرت وفخاطرها بخصووووصه واصلا البنت واايد عاااديه و بجفاا : مش من زييينهااا ؟؟؟
سيف وهو كاتم ضحكته : حشا بلاااج جييه ترمسيين .. شووه اتغارين
شما قفطت وعصبت : لااااااا والله ماشي شغل اغااار ؟؟؟
سيف : هههههههههههههههه
شما وانها معصبه اكثر وجيه رمست بدلع : مااا قلت نكته اوكييييي
سيف اتخبل باسلوب يخليه الواحد يستحي : ويي فديييتهم المعصبين
شما استحت وما ردت عليه وتمت صاخه وهو بعد لان ما عنده شي
وبعد وقت كان الكل فيه ساكت
سيف وبنفس الاسلوب الي كان يرمس فيه : شمااا يا عمريي بسالج
شما " اوييه بلاه " : اامر بس مره ثانيه لا اتقول لي عمري اوكي
سيف ويبا يعاندها : لا بقول
شما ضحكت وقالت بتاخذها مصخره وياه وبتخلي عمرها عادي عسب ما يحط شي فباله ... : ههههههه احم ادري المهم شو بغيت ؟
سيف : امم شمييم شعرج شو طوله << ما عنده شي يسوي جو بسس\btw سيف كان يحب الشعر الطويل
شما استغربت : همم طوييل يعني ليين .. اممم جييه طويل المهم طوييل
سيف ضحك : ههههه ... اناااا احب الشعر الطويل .. فديييييييييييييت اناااا
شما انحرجت وبدلع ومدت الرمسه : سيييييف عيييب
سيف بغا يرمس بس امه يت على طول شاف شما من المنظره بنظره خلتها اتنزل راسها
ووصلوها وقبل لا تنزل
خلود : سلمي على امج وقوليلها ما اتشوف الشر
شما : الشر ما ييج خالللوه ... ر بي يسلمج .. باي ونزلت
( وهيه اتفكر بسيف من زمان ما شافته ولا يلست وياه بس اتحيد انه يوم صغار كان يقوللها انه يحبها والي تذكره انه دوم كانو يقولون شما لسيف وسيف لشما بس ما تدري اذا سيف يكن لها اي مشاعر ولا هو بس يستهبل عليها وما تدري شهو هالشعور الي الحين اتحس فيه من زمان ما كلمته بس من عقب هاك اليوم عقب ما كلمته ما تدري شو ياها صح ما صار اي شي من بينهم بس بدت تحس بشعور غريب )
في سيارة زاايد من اول ما ظهروا هو ومنصور وهو صاخ اصلا من عقب ما دش الميلس وهو متغير وفيه شي ؟
منصور : زاايد شوفيك ؟؟
زايد وكان متنرفز وماله خاطر يرمس فتم صاخ ومنصور عرف انه ما يبا يرمس وصل البيت ونزل منصور وزايد ظهر وفباله مليون شي ...
عند البنات منال قامت وسارت الصاله ..
الريم : اهلاااااااااااان .. سلامات يا قلبي في المها ولا فيج
نوره : بسم الله البنت في بيتها انتي بلاج جيه
منال : ههههههههه الله يسلمج يا قلبي
الريم وهي ترمس نوره : ها شفتي كيف اهم شي ضحكت انتي الا ما تعرفين شي
ساره ومنال ضحكوا : هههههههههه
نوره وهي ترمس جد : المهم خلو عنكم منوول قوليلي شو ياج اليوم
منال وهيه تتذكر كشرت وبان الظيج فويها ما عرفت شو اتقول : ولا شي كلمت ربيعتي وضايقتني ؟
طبعاً محد مشت عليه السالفه بس سكتوا ونوره صدت على ساره جنها اتقولها كلميها بعدين وساره اكتفت بابتسامه ..
اما منال فسرحت وهيه تتذكر قبل 5 سنين هاك الوقت كان عمرها 15 كانوا ظاهرين كلهم على البحر وكان هاك الوقت بداية الشتاء والجو جنان تذكر انها كانت يالسه بروحها مجابله البحر وما حست الا بحد يحط ايده على عينها ابدن ما ميزت وما يا في بالها حد
منال : نواري
____ : لااا
منال يوم سمعت الصوت حطت ايدها على ايده وبدت تستوعب انها اييد ريال : رشووود
______ : بعد لا, وشل ايده من على عينها وقالها : احبج !!!!!!!! ومنال مصدومه .. روح وهيه اتحس باحراج وبس وبدون اي مشاعر ثانيه
( يقهر يقهررر كريييييه هو يحبني المفروض هو لي انا وبس لازم ما يكلم غيري )
اشوي وبعد ما يلسوا البنات نزلت عاشه اتطمنت على منال وعلى الساعه 1 كلهم رقدوا الا منال الي ما قدرت ترقد لين اذان الفجر صلت ورقدت ..
الساعه 9 كان الكل واعي الا ( الرييم ) نوره راحت ودقت باب غرفة عمها لين ما فتحلها راشد الباب وهو يحج شعره والي يشوفه ما يقول غير
( رقاااد للابد )
راشد وبدون اسلوب : هااه شتبين
نوره وهيه متضايقه واايد ومنقهره من البارحة وقايله لازم اتعرف شوالسالفه : اعوذ بالله .. ابا ساره
راشد : هيه راقده الحين وابتسم على جذبته
نوره وبضيج : اففف خلاص قولها بعدين اني اباها
راشد حس انها متضايجه وغمضته : خلاص خلاص هذي بقوللها وابتسم 5 دقايق وساره كانت عند نورة
ساره : صباح الخير
نوره : صباح النور
ساره وعلامات الاستفهام على ويهها تتريا من نوره ترمس
نوره : ساره حوبي اباج اتكلمين منال
ساره : الحين ؟
نوره : هيه حبيبي ، لاني من شوي دشيت عندها الغرفه وشكلها للحين ضايجه
ساره هزت راسها وسارت عن منال دقت الباب ودشت وابتسامتها على ويهها : صباح الورد
منال : صباح الحب لحوبي
ساره وهيه تيلس على السرير : يا ربي هذا كله حقي ..
منال وهيه تضحك : عيل حق منو
ساره : ههههه يا عمري انتي .. شحالج اليوم
منال : طيبه قلبي
ساره وبحنان : مش مشكله لو اتكلمنا عن الي صار ؟ والا بنضايق الحلوين !
منال ابتسمت ..
ساره وبنفس الاسلوب : منول قلبي انا اختج صح
منال وبسرعه : اكييييييييد حبيبتي شهالرمسه
ساره وبحنان : عيل دامي اختج ما بتخبين عني صح
منال نزلت راسها
ساره : منالي حبيبي ما ودي اضغط عليج بس الي يضايقج يضايقني ومش بس انا حتى نواري وايد اتحاتيج والي قلتيه البارحه مول ما دش عقلي !
منال من القهر قالت السالفه لساره وطرت سالفة البحر وهي قد ما تقدر اتحاول تتغاضى عن اشياء
ساره صح كانت مصدومه بس لازم كانت تتكلم : منال يا قلبي اول شي الشي ابدًا ما يستاهل وبعدين انتي مش قلتيلي انه هو قبل كم سنه قال يحبج
منال هزت راسها
ساره : انزين حبيبتي ليش ما فكرتي انه هو يمكن يقصدج وانا متاكده من هالشي ولو هو ماكان يقصدج انتي صدقيني ما بيقولج جيه !
منال رفعت راسها وسرحت اشوي هيه ما عطته فرصه يبرر يمكن جد يقصدها هيه ( الااا اكيييد يقصدني هو قال انه يحبني ومبين انه عاشقني ولو ما يحبني اكيد ما كان بييلس وياي فالمطبخ صح هو لي ويحبني )
منال ابتسمت : يمكن ! انزين سويير الحين انا بظهر وياج بس ما اباج اتقولين لنواري شي اوكي
ساره : امم اوكي بس انتي لازم اتكونين طبيعيه على شان لسالتني اعرف بشو ارد عليها اوكي
منال حضنتها بالقو : يا عمري يا ساره اشكر احبج انا واشكثر احب كلامج الجميل الي شراتج
ساره : هههههه يا عمري انتي لانج جميله اتشوفين كلامي جميل .. يلا الحين انتي وايد مصفره قومي ننزل نتريق ما اظن اتريقتي صح ..
منال : يلا
ونزلوا ونادوا نوره والريم وكلهم يلسوا بس من دون عاشه وأحمد الي كانوا من اول متريقيين
الريم وعلى الطاوله : الحين انتو ليش موعيني شو تبون فيني ذالينا حتى فرقادنا
راشد : هههههههههههه انتي اشهاللسان الي عليج
كلهم ضحكوا
الريم : قل أعوذ برب الفلق منكم ويودت قلاص الحليب وشربت بدفاشه ومره وحده نزلت القلاص وصرخت : اااااااااااه
كلهم صدوا عليها : من عييييييييييييينك احترقت
راشد : ههههههههههههههههههههههههه هه
نوره : ههههههههههههههههههههههههه ههههههههههههه
منال : ههههههههههههه يعني تبين تقنعيني انه حسد لسانج
كلهم فطسوا ضحك على الريم : ههههههههههههههههههههههههه ههههههههههههههههههههههههه ههههههههههههههههههههههههه ههههههه
وحتى نوره ولاريم بدوا يحسون انه منال ردت طبيعيه ..
بعدين راشد استاذن وظهر هو اساسا 24 ساعه ظاهر
وبعدها يلسوا يسولفون ونوره ما حبت تسال ساره عن شي مدام منال الحين اوكي هيه خلاص ما تبا اتعرف دام منال من نفسها ما رمست فاكيد ما تبغي اتقول ..
نوره : انزين يا بنوتتاتي يا جميلاتي ما قلتولي وين تبون اتسيرون
الريم : السينما
ساره ما حبت السالفه اتحس راشد ما بيطيع
نوره رمست : احم الله يسلمج يا الريم بنت سعيد السينما ممنوع بدون الوالدة ونحن قلنا ظهرت بنات فدوري حل من الاثنين يا انج اتغيرين رايج يا انج تيلسين فالبيت
منال وساره : ههههههههههههههههههههههههه ه
الريم : انتوا عفانا الله طول الوقت تضحكون
ساره : بسم الله علينا تبينا انصيح
الريم : هيه صيحوا احسن مالت عليكم سيلانيات
كلهم ضحكوا : ههههههههههههههههههههههههه ههههههههههههههههههههههههه هههههه
نوره : OMG ريماني فضيعه .هههههههههههههههههههههههه� �ه
ساره ومنال بعد ضحكوا : ههههههههههههههههههههههههه ههههههههه
الريم : اخييييييييييييييييييييييي يييييييج علييينا
ساره ومنال ونوره : ههههههههههههههه
الريم وهي اتفر المخده على نوره : اسكتوا بس اسكنوا لوعتوا جبدي من الصبح سيروا هاتوا هالغبيه شمو خلوها اتعدل مزاجي
منال : ههههههههههههههههه خيبه اتعدل مزاجج
ساره : جيه خمر ؟
نوره : ههههههههه
الريم : هيه بلاكم فديت شمتييي هاي الويسكي مالي
نوره : ههههههههههههههههههههههههه ههههه يودت الفون واتصلت على شما وحطت على السبيكر