[اسطورة !]

البارت الخامس

أذناااي عشقت
!! تلك المقطوعه اصوات xxxxب الساعه
تــــك..تـــك..تـك
وكأنها
تعزف تراجيديا حزن عتيق..
علقت على اهرام الزمن
وقصة ليــلى والذئب تنعاد من جديد..هالمره تغيرت الشخصيات بدل ((الرداء الاحمر)) شرفي
انا ليلى بس مين هو الذئب؟


طاحت عينها على ظل طويل وقهقهات صاحبه واقترابه منها رفع ذقنها
وبهمس:شهرزادي
طلقة رصاص تطايرت بالهواء صرخت بأعلى صوتها:لاااااااااااااااااا� �اااا
للحظات شريط حياتها مر قدام عيونها

انتفظت ورجعت لورى لصقت بالجدار نزلت راسها بالارض
بسرعه:همم بالمزرع رفعت راسها اشر بأصبعه على فمه بالسكوت طلعت عينها لف ببطء
وبصدمه:.......!!
بسرعه طالعت فيه بذهول وكأن الدنيا ماراح ترحمها وراح ترمي الجمر تحتها
لا اراديا تمسكت بيده بقوة وشدت عليها ..مو مستوعب يتناقل نظره بينها وبينه

بصوت رجولي:جســـار واخيرا التقينا رفع حاجب
:صحيح ماتمنيت اللقاء بهالطريقه لكن طلع بينا رابط مشترك
جسار بغيظ:انا ما اشبهك يالمسخ
ضحك بخفه وبعصبيه:كالعاده كلامك اللي يسم البدن انت ولد الصربيه
مو ذنبي اذا كانت امي من صربيا مو ذنبي اذا ابوك ترك امك بنت الحسب
والنسب عشان بنت ليل
جسار بضحكة:رحم الله امرى عرف قدر نفسه
اشر بيده:رجب جيبها ..طلعت عينه قرب رجب بصرخه منه
انتفظ ورجع لورى
لف على رجب وبسخرية:خفت منه ..مشى ناحيتها بيمسكها كانت يده اقرب
دفه بقوه من صدره رفع سبابته:ويمين معظم لو تمس يدك هالنتنه لأقطعها
قرب منه وصار مواجهه مايفصلهم شيء ويتبادلون نظرات
كره& حقد

بلعت ريقها من نظراتها بسرعه بترجع للغرفه الا بصوته:ليلى
معطيته ظهرها وقفت بنبرة امر:لمي اغراضك راح تروحين معي
رجب باعتراض:بس ..اشر بيده :لو ماتسكت لأخليك تروح ورى
الشمس همم وش رايك
لؤي اشتعل نار:ورحمة امي ما اخليها لك وخرج من البيت بكبره
التفت عليها:ماسمعتي؟
تصنمت بالاحرى فهت تخصرت:لا والله انا مزاد علني
جسار:5 دقائق انتظرك بالسيارة بتتكلم سفهها وعطاه ظهرها
رجع :على فكره ما احب اللي يأخرني ويأشر بيده عجلي
وخرج

دخلت الغرفه
البنات حلا وغلا..
حلا:راح تروحين معه وتتركينا؟
ضحكت بخبث:ومن قاله؟

طالع بساعته مرت 5 دقائق و10 و15 دق الباب
فتح رجب ويتثاوب وبصوت عالي:ليلى يقطع عمرك ماشفنا منك
الا الشر تعالي
طلت غلا وبأبتسامه:ليلى نائمه
شد على قبضة يده بقهر:قولي لها نوم اهل الكهف يعني امداها
وخرج..واقفه عند الشباك بعدت الستاره تشوف جات عينها بعينه
بسرعه اشر بيده لعينه بمعنى "انا مراقبك"
لوحت له بكل برود وقفلت الستاره ..
حلا:قلت راح تتخلين عنا
اشرت لهم يجون عند سريرها غلا حطت راسها على حضنها
وحلا على صدرها قد ايشش تمنتهم لميس اختها للحظه
لكن مو كل شيء نتمناه بالهدنيا ببلاش لازم ثمن!!
سمعت صوت سيارته رجعت راسها لورى وشريط حياتها بالاحرى
لاينفك ان يفارق عينيها المتعبه ..
^^^^^^^^^^^^^^^^^^

طالعه الدرج وبيدها كاس مويه
سميرة بأستغراب:من اللي اتصل؟
سميه تغير لون وجهها:هاذي ام ثامر تعزمنا على ملكة ثامر
سميرة بأستغراب :ملكته متى طلع ولهم عين بعد صدق اللي استحوا ماتوا

خروجه من السجن ...وملكته.. نزل عليها الخبرين
مثل الحجر لاطاح على العصفور الصغير
ماقدرت رجولها تشيلها جلست على الدرجه نزلت راسها بحضنها
وتكتم بكائها رفعت راسها على اليد الصغيرة اللي على كتفها
عادل يمسح دموعها:ليش تب تت تبكين؟
غاصت بعيونه البريئة تمنت لو تتبادل الدور معه لحظه وتكون بعمره بالبرآة ولاتكبر
وتشوف صفعات الحياة لها..
هزت راسها :مافي شيء تعال معي شبك يدها بيده ونزلوت تحت
عادل:ندى
نزلت لمستواه :عيونها
ابتسم:حح حليب ..بكت وهزت راسها وحطت الحليب على النار
وسرحت بسراب النار ماصحت الا لما طشر طفت عليه بسرعه ..

8 مســاء
ماسكه بيدها عادل:ماراح اتأخر بروح للمستشفى موعد عادل راح اجيب عشاء
ناديه:طيب
وخرجت شافت العقود مزينه البيت بغيظ:الله لايهنيكم وركبت الليموزين..


تــــك ...تك..تــك
واحيانا نفقد نسمع صوت xxxxب الساعه رغم اللي حولنا يسمعونها
يمكن لأننا ركزنا نظرنا عليها وتمنينا لو الوقت يرجع فينا لورى شوي ..شوي بس

بالبيت المقابل وبالسطح

حيث تتعالى اصوات الدق وصراخ الاطفال
الكل مشغول وبنفس الوقت مبسوط بهالمناسبه

وقفت قدام الجرس متردده تدقه او لا انفتح الباب وخرج عيال دفوها توجعت
تحاملت على وجعها ودخلت

:الف الصلاة والسلام عليك ياحبيب الله محمد

حملتها رجولها لنعشها وطلعت اول درجه ..:كللووووووووووووش
مدت امه طقم الذهب يلبسها ..وطلعت وصلت اخر درجه
اخذ السلسال الذهب الخفيف على قد حاله ولبسها..
كللووووووووش:
كانوا امه جنبه وتزغرد بصوت عالي وهو الابتسامه شاقه حلقه
اما العروس لاتعليق ماصدقت يجي ويتقدم لها..
وما انتبهوا لهاذيك العيون من ورى الغطا اللي غرقته الدموع ..العيون اللي سهرت
ليالي حتى تفكر فيه ..ما انتبهوا لليد اللي كانت ترجف ..اليد اللي كانت ترد على رسائله
..وكانت تكتب اشعار الحب والشوق وحفظتها..
بصوت راجف:ثامر!!
هالمره ماكان يسمعها صوت الدق كان عالي ..وكان ثامر مشغول
بعروسته الجديدة ..
لفت امه لمحتها اشرت يوقفون الدق وبصوت عالي:ولقيت اللي تستحقك
ياولدي بنت الحسب والنسب تربية اختي جميله اسم على مسمى الله يحفظها
ويكفينا شر الحساد هه وطالعت فيها

استغرب كلامها بالاحرى نظراتها لف وطاحت عينه بعينها
عم المكان فجأة الهدوء ..بهمس:ندى
جميلة رفعت راسها على ذكره اسمها تعرف ان يحبها وكان خاطبها شافتها
ودها بهاللحظه تصيح بأعلى صوتها وتقوله انا المفروض اكون مكانها
انا اللي اكون لابسه لك الفستان وتلبسني الدبله.. ودها تبكي لكن العيب منعها
تبغى تتحرك وترجع لغرفتها وتحتضن وسادتها لكن رجولها خانتها ومو شايلتها

امه اشرت يكملون دق وبدأو يدقون وسط نظرات الكل لها عطته ظهره ندى ونزلت
الدرج وكانت هاذي اخر نظرة يلمحها منها واخر لقاء بينهم صحيح هي اختارت الفراق بالبداية
من خوفها من اشياء كثيييره لكن ماكان نسته وبدلت احد مكانه مستحيل!!

^^^^^^^^^^^^^^^^^
نرجع ليومين ورى
في قصــــر الاميرة هيا ..

ترشدهم العامله المغربيه :تفضلوا من هنا
ناديه عينها تتفحص المكان ومفهيه ..
سميرة:ماشاء الله لاحول ولاقوة الا بالله ماشاء الله لفت شافتها لكزتها
ناديه:هاا
سميرة:وجع اذكري الله لا احد يشوفك يقول مو شايفه خير
ناديه كملت وعينها على الديكور الجبسي الذهبي على اشكال حمامات وزهرة اللوتس
ويتوسطه مساحه كبيرة الزجاج البلوري بغصه:اصلا عادي بيتنا احلا منهم
سميرة ضحكت وهزت راسها:المهم الستر والعافيه ..
خرجوا الحديقه الخارجيه المخصصه للضيوف غير حديقه القصر
ناديه بأنبهار من التنظيم:واااو
لمحتهم بهمس واشرت :شوفي وصلوا
مها اختها:توصي فيهم زين
وقفت هيا :لاتوصين حريص نسلنا الجديد وغمزت
مها:ههههه
توجهت لهم وصافحتهم:ياهلاا ومسهلا
ناديه بتصافحها سحبتها وحضنتها وتسلم عليها بحفاوة :وش هالزين اللي مخبيته ياسميرة
طالعين على حلاوتك
سميرة بخجل:من ذوقك ..اشرت لهم:تفضلوا ومسكت ناديه من كتفها وتسولف معها

عادله بتفحص:معناته اكيد هاذي اللي راح تخطب له سلمان واضح من الاهتمام
جواهر بقهر: هذا اذا صارت له
عادله بهدوء:مو كذا خليها علي مثل ماطاروا غيرها راح نطيرها ماراح ازوج سلمان
الا بأختياري
لفت وجهها بغيظ منها..

هيا بصوت عالي:ههههههههههه الله يسعدها تعالي اعرفك على بنات اختي راح تحبينهم
طالعت بأمها:روحي يمه ..مسكت يدها ومشت معها وتعرفها على البنات وتمسح على شعرها
بهالوقت جات من وراها:مساء الخير
وقفت سميرة :مساء النور وسلمت عليها ..اشرت:انا الاميرة مها اخت هيا
سميرة:ياهلا ..وجلسوا يسولفون حوالي ساعه استأذنت منها
شافت هيا مسكت يدها وسحبتها وبسرعه:انتي من جدك راح تزوجين سلمان
بنتها؟
هيا:عجبتك؟
مها بضحكة وتهوي على نفسها:المح سراب النار من اللحين اذا امها كذا كيف بنتها
هيا بحماس:لهالسبب انا قاعده اسوي هالشيء

تعدل روجها عند المرايات طبقت شفاتها رفعت راسها جات عينها بعين جواهر
ومعها الثنتين اللي مسكوها بالزواج
طالعتها من فوق لتحت بأستنقاص بتقرب بصوت جهوري:جوااهر
بسرعه لفت وانحنت :سموك
مها قربت :وش قاعده تسوين هنا؟
سكتت بلعت غصتها ..بقوة:انا قاعده اكلمك جاوبيني؟
رفعت راسها وبقهر:ليش تسوون فيني كذا همم عشاني ماجبت له ولد والا بنت
طيب مو بيدي تبغون تزوجونه وحده .
.قاطعتها مها بصرخه:اعرفي حدودك يامره وقربت منها
:اللي قدامك مو عادله اللي قدامك الاميره مها بنت عبدالعزيز تحركي روحي لعمتك يلا ..
طالعت فيهم بقهر مسكت فستانها ومشت بسرعه..اما ناديه المسكينه بطنها اختبص حست بالخوف من كلامهم
قربت مها منها وبحنان:تعالي حبيبتي البنات يسألون عنك وخرجوا راحت مع البنات
وجالسه بالطاولة اللي جنبها عشان تترصد أي حركه ممكن يسوونها..

عادله وعينها على مها وسميرة:قالت كذا؟
جواهر بكذب وتزيد:وقالت منهي عادله وتتكلم وتتكلم وكبر حقد عادله على سميرة
اللي من شافتها وانقلب حالها ..

انتهت الليلة بسلام
ناديه تفسخ حلقها لفت وماسكه يدها على قلبها:وهذا كل اللي صار لو شفتوا
اهتمامهم فيني
سميه بحماس:شكلهم بيخطبونك
حمرت خدودها ونزلت راسها:وجعع
سميه:هههههه خجلتي ؟
لفت:ندى انتي وش رايك؟
لكن ندى مو بعالمهم حاطه يدها الملفوفه بشاش ابيض على خدها وتفكيرها اخذها بعيد بعييد

^^^^^^^^^^^^^^^^^^^^

بالجهه الاخرى وبقصر الاميرة هيا
جالس مع عماته هيا ومها ..
سلمان بحسره:ياليتهم مارحوا وشفتهم"يقصد عماته"
هيا:الجيات اكثر ان شاء الله يزفونك..
سلمان بنص عين:عروس جديده لا
بيقوم مسكته:حلفت عليك اسمعني طيب هالمره
وجلسته غصب عنه:اول شيء خلني اتكلم لك عنها غييير والله
سلمان اشر لها تتكلم هيا:لو شفتها راح تتخبل وتوصفها ...
هيا:وغير كذا ذكية وحلوة وعليها مشيه مووت ..مها طلعت عينها:هيا حرام عليك مايجوز
سلمان بنفسه"متهنيه وعايشه معه ولادريتي عني ونسيتيني" بأبتسامه
سلمان بمكابره:ومن قال مايجوز بتصير زوجتي على سنة الله ورسوله
صاحت هيا بحماس:احلللف
لفت بقوة:سمعتي والله كنت حاسه انها راح تكون من مودك
مها بفرحه:الله يتمم عليكم بخير
سلمان:ماكأنكم مستعجلين يمكن البنت ماتوافق
هيا بثقه:بتوافق وبهمس:ومن مايوافق على سلمان بن سعود اللي عمته هيا
ضحك بقوة:هههههههههههههه والنعم فيها ..قام:يلا انا استأذن
هيا بسرعه:نام عندنا.
.سلمان بنص عين:لاتخليني اهون
هيا دفته من كتفه:يلا اشوف تأخرت على بيتكم ماصدقتك توافق ..
سلمان:ههههه تصبحون على خير وخرج..
رمت نفسها على الكرسي:آآه ما احلا هاليوم
^^^^^^^^^^^^^^^^^^

بالجهه الاخرى..
مشت بوهن وعدم تصديق من الخبر اللي سمعته..وفاته بحادث سياره
بكت وتألمت ونست الدعاء
كانت دائما تردده"اللهم من اراد بي سوء فأجعل تدميره في تدبيره"

حطت راسها بحضنها وبكت بقوة رغم اللي سواه معها الا انها كان جزء منها يرفض
كرهه وغبطه يمكن لأنه الحب الأول!!
غفلت وما اهتمت عدم ارتياحها بصلاة الاستخاره وتملكت عليه وهو باطل وعاطل حتى تفتك من زوجة
اخوها واختل توازنها وانلسعت من السنة النيران ..
دخلت بسرعه حطت يدها فوق بعض:يووه يووه اشوف يوم توفى ابوك مابكيتي مثل كذا
وبشماته:احسن تستاهلين هذا اللي فضلتيه على اخوي المتعلم هه اللي معه شهادات الدنيا
واشرت بيدها:خليك ابكي على اطلالك اشوف وحررره لك غصبا عنك بكره بتحضرين معي زواجه
مسحت دموعها بقوة:ماني رايحه مكان
تخصرت سلوى:يمه ياقلبي وليش ان شاء الله ..وبسخرية:لايكون مسويه حداد عليه
دفعة بلاء اساسا هو راس المصايب اللي صارت لنا لا بالله الا انتي
بصرخه:اطلعي برا فاطمه
تخصرت دلال:واذا ماطلعت وش بتسوين؟
قامت وبعصبيه دفتها برا رفعت صوتها الممزوج ببكائها
فاطمه:هاذي اخر مره اسمح لك تدخلين غرفتي بهالطريقه سمعتي وقفلت بوجهها
تطاير شعرها دلال:يمه منك عمى بعينك تربية امك ياقليلة الحياء فاطموه هين ان ماوريتك
ما اكون اسمي دلال وتشوفين يالنحس من وراك مات ابوك ومات هالمغلوب امره
لكن يا انا يا انتي
فاطمه بصوت اعلى وقريبه من الباب:اللي ماتطولينه بيدك طوليه برجلك
كشت الباب دلال ودخلت الصاله وتصيح على عيالها:ليش ماتدرسون هاا؟
ولدها:يمه عمتي فاطمه عيت ماتذاكر لنا
لوت فمها:عمتك ماهي فالحه الا بالشقق
:وش شققه يمه؟
دفته:يلا انقلع ذاكر الله ياخذ عمركم وافتك منكم

رمت نفسها على السرير زفرت دقت على امها رد زوجها قفلت بوجهه
وبضيق:ناقصتك انت

^^^^^^^^^^^^^^^^^

سميرة سكتت :.....................
هيا:الوو
سميرة:هلا معك ان شاء الله اشوف رايها ورأي ابوها وارد لك خبر
هيا:على خير ان شاء الله..وقفلت منها
سميه بغمزه لناديه اللي نزلت راسها:هاذي الاميرة ؟
سميرة:ايه تخطب لولد اخوها
سميه بحماس:تخطب ناديه حسيت من كلام ناديه واهتمامهم فيها
طالعه الدرج وبيدها صحن فشار وبايسن:لا ندى
سميه بصرخه:وشوووووو
جلست على الكنبه مدت رجولها اخذت الجهاز وتقلب بالقنوات
ناديه بغصه:يعني تخطب ندى لولد اخوها ..
لفت على اسمها وبسرعه:موافقه قولي لها موافقه
طالعوا ببعض بصدمه ..

كان هذا جواب ندى لسميرة قبل يومين خلونا نرجع لها شويات ...فور مارجعت من ملكة ثامر
دخلت غرفتها فتحت درج الكومدينه دائما كانت تقول اخته ان يحب الشعر الطويل
كانت تطوله حتى ترضيه ..ماحست نفسها الا ماسكه المقص وبدأت تقص شعرها ويطيح بالارض
فتحت الباب:ندى شفتي رضاع بسرعه صاحت:ندى لاااااا
بتاخذ منها المقص سحبته منها وجرحت يدها ..سميه بصرخه:ندى
فتحت الباب بالمفاتيح سمعت صوت صرختها طلعت بسرعه وعادل يجري وراها
فتحت باب غرفتها طلعت عينها من شعرها اللي بالارض ويدها اللي تنزف قربت منها سميره
وبتأنيب:لييش ليش تسوين فيني كذا تبغين تموتيني هاا جاوبيني ؟
سميه مسكتها:يمه خلاص
بكت بحرقه ورمت شنطتها بالارض:ماراح ترتاحون يابنات خالد الا اذا قهرتوني اهىى سميرة
وراحت لغرفتها..

وقت الفجر شافت باب غرفتها مردود طلت لقتها تصلي دخلت وجلست تنتظرها وعينها
على الشاش اللي بيدها سميرة:يوجعك؟
رفعت راسها ندى:هاا لا اقولك شيء بس ماتخاصميني اليوم رحت لملكتهم
اشرت لها تقرب عندها جلست عندها ندى نزلت دموعها وبتوجع
:بغيت اموت
بتوجع عليها ماتقدر تنهرها او تقولها شيء لأنها بيوم كانت مثلها مشاعرها مو بيدها
سميرة بهمس مسكت خدها:الله بيعوضك بواحد احسن منه وبضحكة:وش رايك تنامين عندي
مثل زمان
لا اراديا ابتسمت وفيه احلى من حضن الام ..قفلت نور الاباجورة حطت راسها على كتفها
ونامت بهدوء للحظه جاء بباله"ليه ما اقدر اطلعك من قلبي ياخالد ليه كل شيء كان غير
ولا صار اللي صار " غمضت عينها وغفت ..
صحا عادل عدل جلسته فرك عينه بيده الصغيرة عبس بغيرة اخذ مخدته وعباية سميرة المرميه بأهمال
على الصوفا وخرج الصاله انسدح على الكنبه ونام<<غيوور لأبعد درجه

بهذاك اليوم ..لأول مره ماينتبهون للساعه سلموا انفسهم للنوم

ماعدا اثنين ..

الاول ببلكونة غرفته بعد الشرشف الابيض عن اللوحه اخذ الفرشه
وبدأ يرسم غروب وسراب طيور وقف رسم مسح يده وبتمعن لها ناقصها شيء
رسم قفص وبداخله عصفور وكلام عمته مايفارق باله لحظه..هي العصفور الحبيس
لقفصه رسم خطين تحته بالاحمر مثل الدماء

الثاني يتقلب ماجاه نوم ابى فتح نور الاباجورة وقف قدام المرايه وعينه على ذقنه
اللي بدأ ينبت فيه الشعر وعينه المحمره والهالات السوداء تحتها وبغيظ
جسار:وش علاقة لؤي فيك ياليـــلى ..تظنين نسيت موتته لا وربك النار كل يوم تشتعل بصدري
راح يجي وقتك لاتخافين اذا بقيت فيك عقل لاتسلمين علي انبسطي هاليومين
نهاية الاسبوع مصيرك بيدي وربك

^^^^^^^^^^^^^^^^^^^^^
مشت بمكان مجهول عينها تتفحص المكان بخوف وحذر
رفعت راسها النجوم تغني ونور القمر الساطع يعكس المكان المظلم
ابتسمت بخفه
صوت زمجرة خلفها اجبرها بالألتفات بسرعه عينها على الأسد اللي واقف قدامها وقفت بخوف بلعت ريقها
شدت يدها غمضت عينها من اقترابه منها
فتحت عينها على المرأة العجوز المبتسمه وبيدها ظرف مسكت يدها وضعته بيدها
وقفلتها..صحت بسرعه وقلبها يدق بقوة صار هالحلم ملازمها كل يوم
بعدت اللحاف طلعت تشرب مويه شافته انحنت وشالته للغرفه دفته وخرجت
جلست بطفش ويدها على خدها وغرقت بالتفكير بالحلم وب 3 شهور اللي كانت مثل الجمر لها

اما ليـــلى غارقه بالنوم ومو عارفه اللي منتظرها من جسار

وفاطمه كل شوي يتنغص نومها عين مفتحه وعين مغمضه دق الباب بقوة فجعها بسرعه نطت
دخلت ورفسته دلال:قومي الساعه صارت 5 ونص جهزي فسحة العيال وقربت منها
ليش وجهك وارم اشوف ومسكت وجهها بقوة نفظته
دلال: لايكون تبكين عليه احسسسن ماجاك هذا ربي فيك يلا فزي لاخلصتي سكري الباب علينا
لايدخل احد او تدخلينه بعدين لك يومين ماعطيتيني الراتب
فاطمه بقهر منها:قصدك نصه
دلال بكرهه:اللي هو مو من صالحك لأشلك من ثيابك هاذي وارميك عند امك
وقتها تنبسطين مع زوجها
فاطمه بصراخ:لحد هنا وبسسسسسس ما اسمح لك
دلال :تسمحين والا ماتسمحين الكل عارف قصتك هنا ماجبت شيء من عندي بنفسه
اللي اخترتيه وتبكبكين عليه هو اللي فضحك وعافك وهج مالومه بسرعه فزي وخرجت
فاطمه تفلتها بالهواء:ياخذ روحك يارب
دلال بصوت عالي:فاطمووه..
رمت مخدتها اللي حاضنتها على الباب وقامت خرجت شافتها فارشه سجادتها
فاطمه بهمس:والله من كثر الايمان ..دخلت المطبخ فيها نوم نعسانه مانامت
اخذت اكواب الحليب انفلت منها كوب انكسر وطلع صوت
قطعت صلاتها دخلت المطبخ وعينها على الاكواب:الله يكسر راسك قولي نعم ماتشوفين
بجية عثمان:وش فيكم؟
لفت وتخصرت:تعال ياعيوني شوف بنت الشرف اختك كسرت اكوابي اللي شريتها
فاطمه بهمس:دلال والله انفلت من يدي ما اقصد
دلال رفعت صوتها:الا تقصدين تحرقين قلبي شوف اختك هاذي مالها مكان عندي
خلها تروح تذلف عند امها يلا لفي اغراضك يلا وتأشر بيدها وانت ماراح تشرق هالشمس
الا وانت راميها عند امك ان شاء الله بالشارع مايهمني
وخرجت لحقها عثمان :بس يافاطمه زوج امي مايبغاها ..
دلال رفعت صوتها:والله ماني مسؤوله لايكون خلفتها ونسيتها اختك عاله على كبدي وعيت
ماتنزل من هنا وتأشر على بلعومها
عثمان:تكفين يادلال امسحيها بوجهي هالمره طلبتك ماتقصد نروح انا وياك اليوم
ونشتري درزن اكواب وكل اللي تبغينه وش قلتي
ضربت يدها على صدره:مثل ماقلتك يا انا ياهي كفايه متحمله كلام الناس بالداخله والخارجه
بسرعه دخل المطبخ واقفه وعينها عليه

نظرت له بخذلان مفروض يكون سندها وظهرها بهالدنيا
ومايتركها ولايسمح لأي كان يغلط عليها تمنت يوقف دلال عند حدها ويقولها الا اختي
كرامتي من كرامتها هي الداخله وانتي الطالعه ..المره بدالها الف مره الا الأخت
لكن كل هذا امنيه ..نزل راسه وبهمس:فطوم روحي بوسي راسها واعتذري عشان
ماتخليك تروحين دلال قلبها طيب
نزلت دموعها ورى بعض وبغصه:ليش وش الغلط اللي سويته عشان كسرت كوب
هه بذمتك ابوي وش يحس فيه بهاللحظه وهو بقبره لما يعرف ان بنته الوحيده اللي وصاك
انت واخوك عليها بهالحاله بيسامحكم هاا مسحت دموعها بعنف:والا لما يعرف
انكم كليتوا حقها وماتصرفون عليها ريال واحد بالعكس وبصوت عالي هي اللي تصرف عليكم
وعلى حريمكم لما تزعلونهم وتجون فاطمه عطينا 300 فاطمه الله يخليك عطينا 500
بحده:فاطمه اشتغلي خدامه لحريمنا ولعيالنا فاطمه كدي مكدة الحمير المهم راحتكم

دخلت حطت يدها على خصرها:اسمعيني انتي ما اكون بنت محسن ان خليتك عندي
وجرتها من يدها وخرجتها فتحت باب الشقه ودفتها وقفلت الباب
عثمان:دلال افتحي الباب
دلال بقوة:شوف ان وطت رجولك برا هالباب ماتلوم الا نفسك مالك رجعه
عثمان بضيقه:هاذي اختي طيب خليني اعطيها ملابسها واوديها لأمي
قلبت عينها وتعدته فتح الباب مسكها من يدها:تعالي فطومه
دخلت معه راحت لغرفتها لقته نافشه ملابسها رمت كيس زباله :بسرعه حطيهم لاعاد
توريني وجهك سامعتني وخرجت

بأنكسار جلست على ركبها تلم ملابسها وتحطها بالكيس بقوة ..
عثمان مد لها بلوزتها خذتها منه بقوة وحطتها بالكيس
بعد عشر دقائق طلعت وشايله الكيس بيدها اصلا ماكانت ملابسها كثيره ماتعنت ابدا
جالسه تشرب شاهي وحاطه رجل على رجل ..طنشتها فاطمه بتخرج
:للحظه وقفي مشت ناحيتها اخذت الكيس من يدها بقوة ونثرته:نفتش يمكن
سارقه لنا شيء او ماخذه اثر لنا وتسحرينا
عثمان:دلال
دلال عطته ظهره ورجعت تشرب شاهيها:والله ماقلت الا الصدق
نزلت للارض ولفت ملابسها المنثره قربت منها وبقوة:لاتغترين بقوتك هاذي بيجي
يوم لك يادلال والله ما انساك بدعواتي عليك بكل صلاة فرض والا نافله وبعد
كل آذان راح ارفع يدي كل يوم وادعي ربي وراح يكون لك نصيب من هالدعاء
راح ادعي وين ماتروحين ان تلقين قدام وجهك مصايب لاتحصى ولاتعد ولايبارك لك
لا بمالك ولا عيالك ومثل ماتكلمتي بشرفي بالمجالس ان الله يبتليك بنفسك وبأغلى ماعندك
لاتخافين كل ظالم وله يومه واذا ربي ماخذا حقي بالدنيا ماراح ينساني بالاخره

طلعت عينها من كلامها بالاحرى دعاويها انتفظت بداخلها وساكته
لفت وعطتها ظهرها ومشت بهدوء ثواني حتى خرجت من المكان ركبت السياره وعينها
على الشوارع حطت راسها على الشباك حطت يدها على عيونها تمنع الشمس اللي بدأت تشرق
وعثمان يتناقل لها النظر كل شوي
لاحظت مسار الطريق متغير صحراء لفت بسرعه:وين رايحين؟
عثمان:تتذكرين عمة ابوي اللي اسمها فاطمه سميتك
بسرعه:العجوز المخرفه وش يوديني عندها
عثمان:ماائتمن عليك الا عندها بعدين هي وحيدة راح تونسين وحدتها
سكتت وتكتم قهرها بداخلها ..بعد ساعتين وصلوا دخلوا مدخل القريه
عينها على العيال اللي يركبون باص ابيض استعدادا للمدرسه وقف سيارته نزلوا وطلعوا البيت
اللي فوق جبل مرتفع شوي عن باقي البيوت وقديييييم الباب مفتوح بصوت عالي:ياولد ياولد
لفت وبيدها عجين الخبز وواقفه عند التنور وبصوت عالي:من انت؟
عثمان:انا عثمان ولد حمد ولد اختك عرفتيني ..
العجوز:هاااه وشوو وش تقول؟
جات عينها بالمكان صحيح من برا قديم لكن الحوش يشرح الصدر
فيه شجرة الليمون واللوز والتوت غير الريحان المزروع بين البخشات
صحت على صوتها:مطوله بوقفتك هاذي

لفت تدوره مالقته طار عقلها خرجت وتشوفه يخرج من القريه صاحت:عثمااااااااااان انتظرني الله يخليك لاتتركني
عثمااااااان
نزلت الجبل تعركظت رجولها وطاحت صاحت:آآه تحاملت على نفسها ووقفت ويدها
مجروحه وركبتها وتلحقه ماقدرت تجري زياده وقفت نزلت دموعها حست بألاعين اللي تراقبها
رجال القريه التفوا على صوتها والعيال ..رفعت راسها للعجوز اللي واقفه بتلة الجبل وماسكه عصاتها
وعينها عليها ..هبت نسمة هواء بارده رفعت راسها لفوق وبتنهيده :يااااااارب

^^^^^^^^^^^^^^^^^^^^^
نزلت من السياره ومعها مرافقتها عينها على البيت
:هذا بيتها هه بيت سميرة...
تقدمت خطوة دقت الباب مرافقتها..
نزلت جري:انا بفتح
فتحت بسرعه ...طالعتها بحقد وبنظرات تفحص من فوق لتحت دفتها
ودخلت وبصوت عالي:سمييييييره سميره
سميه عقدت حواجبها:مين اللي يصيح؟
سميره باستغراب نزلت وبسرعه :هذا انتي
عادله بصوت عالي:لاتفرحين كثير باللي تخططين له ولدي ما ازوجه وحده مثل هاذي
وتأشر على ناديه
سميره بقوة وقفت بوجهها وعبست:تكلمتي عن تربيتي لبناتي وماقلنا شيء
شغلتي واسطاتك ليفصلوني من وظيفتي وخسرتيني بعد ماقلت شيء وبصوت عالي:
لكن تدخلين بيتي بهالطريقه الهمجيه وتهددين بناتي لا يابنت الاصول مو معناته انك بتطولين وتتشمخين
علي ان كانك مغتره بأسمك فكلنا عيال تسع شهور وخلقنا من تراب ومصيرنا الحفره مثل ما انتي الاميره عادله
روحي اسألي من يكون جد سميره الرشيـــ... وراح يعلمونك مثل ماحكمتوا حكمنا ..قبل ماتدخل رجولك بيتي
كنت رافعه السماعه حتى اعتذر عن هالخطبه للأميره هيا لكن وقفتك هاذي خلتني اغير رأيي
راح اوقف مع بنتي وراح ازفها بنفسي قدام عيونك وراح اوريك تربيتي اللي خلت هيا بنت عبدالعزيز
وسلمان بن سعود يخطبون بنتي من بين بناتكم واللحين تفضلي وعطيني عرض اكتافك ماعمري
طردت احد من بيتي لكن اللي مايحشم نفسه لاينتظر من الناس يحشمونه ..

طلعت عيونها من كلامها ماقدرت ترد عليها الجمتها لفت على ناديه:معناته تحملي اللي راح يجيها
سميره بأنفعال:الاصبع وهي الاصبع اللي بتطول وحده من بناتي راح اقطعها يلا تفضلي فتحت الباب واشرت تخرج
خرجت :راح نتواج ..ماكملت الا قفلت الباب بوجهها وماسكه صدرها من الغيظ
جات عينها بعينها اشرت بيدها لهم حضنت كل وحده بقوه ..همست بأذن ندى
:دام فيني نفس يايمه لاتخافون الا من ربكم ما احد يقدر يأذيكم الا لاصرت تحت التراب
سميه بخوف:ليش عينها كانت على ناديه ؟
سميره ماتنكر الخوف اللي دب قلبها مو منها خوفها على بناتها تغير الجو:
وش رايكم اسوي لكم العشاء
البنات يصوت عالي سوا:لااااااااااا
سميره بخوف:بسم الله وشفيكم ؟
سميه بضحكة:سميره اللي لها فتره سنين مادخلت المطبخ واعتمدت علينا بتطبخ لنا عشاء
سميره رجعت خصلها الرماديه وبغرور:احمدوا ربكم بس وطلعت الدرج
عينهم عليها ..يقولون كل فتاة بأبيها معجبه لكن كانوا معجبين بأمهم من اهتماماتها تنافسهم
بالجمال وشخصيتها الشبابيه والجاده بنفس الوقت
مــــخــــرج :
وان ضاقت بنا فـــ (يــــــارب))
انتم اعلم بنا ..تعلم مانجهله
وانت ارأف بنا ممن في الكون ..انت معنا عندما يخذلوننا
مطلع على قلوبنا وعالم بحالنا ..يارب يارب

توقعـــاتكم ..
ليــلى وقصتها مع الرجل والمعرفة المشتركه بينه وبين جسار؟
عادله وجواهر وسكوتهم لهيا؟ وناديه طعم وانرمى ممكن يأذونها؟
سلمان وقرار موافقته ؟
ندى وسر الحلم الذي يراودها كل يوم؟
فاطمة وبداية لعيشه جديدة تقدر تتأقلم؟