[فيتامين سي]

الجزء 25


ابتسمت امها واتجدمت تريد اتسلم عليها بس احزان ما عطتها فرصه قامت بسرعه غرفتها ..
ام احزان خذت الكتاب وراحت اتودييه ..
خذاه اخوها منها ..
بارك الملاج لعبدالله وربعه نفس الشي باركوله وبدا الكل يستأذن ..
ومن راحوا وحتى خالها راح .. دخلت ام احزان .. ومدت ايدها اتسلم على عبدالله .. الي سلم عليها وهو يسمعها اتقول : مبروك عليك احزاان ..
حس بالاشمئزااز منها والقهر .. بس حس انه لاز يرد عليها وقال : الله يبارك فيج ..
ام احزاان : احزاااان يلااااا الريال بيروح .. تعالي
عبدالله شافها بنظره .. احزان دقت الباب ودخلت كل المشاعر الي حلمت فيها اختفت .. ما حست بالاحراج او اي شي .. كل الي حست فيه الاهانه ..
ام احزان : شنطتج ويين
احزان بصوت اقرب للهمس : فالصاله ..
عبدالله : عن اذنج يا ام احزان ممكن اسير الصاله علشان اخذ الشنطه ..
ام احزاان وبدلع : اكيييد ولو هذا صار بيتك ..
عبدالله ما كانت له اي ردة فعل غير انه مشى وراها ووصل للصاله وخذا الشنطه .. وقال : خلي احزان تلحقني السياره ..
وطلع .. ام احزان : احزااان رووحي السياره ينتظرج ..
احزان مشت وطلعت برع البيت صدت اتشوف هذا البيت ودعت انها اتكون اخر مره اتشوفه فيها ركبت السياره بهدوء .. ما عرفت شو اتقول : السلام عليكم
عبدالله : وعليكم السلام .. شحالج ..
احزان : الحمدلله ..
عبدالله حرك السياره وبعدهم كانوا فالفريج بس ..
عبدالله وبجمود : احزاان عطيني تلفونج ..
احزان وبخوف : هاا !!
عبدالله : فونج !!..
احزان وبخوف عطته الفون وشهقت وهي اتشوف الفون يطير من الجامه ..
وعبدالله يرجع ورا ويدوس الفون بالسياره .. وشهقت مره ثانيه وهي تسمع صوت الفون وهو يتكسر ..
وقف عبدالله ونزل وشل الفون من على الارض .. ورجع السياره ..
احزان فهمت ليش سوا هذا كل ( علبالك بكلم .. هه هذي بس البدايه )
عبدالله طلع فون من جيبه وفراه عليه : استخدمي هذا بس لو بتكلميني ..
احزان وبعصبيه : اشتقصدد يعنييي ..
عبدالله وهو يعلي صوته : انا ما قلتلج لا ترفعين صوتج ..
احزاان سكتت بخوف وخذت الفون من حضنها .. تمت طول الطريق ساكته .. لين ما وقف عبدالله عند عماره شكلها راقي وقال : انزلي ..
نزلت وراه وهو شل الشنطه ودخل .. ركبت معاه الاليفيتر .. شافته يدق على الدور الثالث .. وقف الاليفيتر ونزلت منه معاه .. وصل للشقه فتحها .. ودخل ودخلت وراه ..
شغل عبدالله الليتات .. كان الشقه مفروشه ومرتبه ونظيفه ..
عبدالله : اسمعي يا احزان .. هذا بيتج وبيت امج ما اتطبينه .. لو بغيتي اتكلمين امج تستأذنين مني بالاول ما تشبرين برع الشقه بدون اذني والتلفون يا احزان التلفون بس تتصلين لي منه بس انااا رقمي مسيف فيه .. وان يوم خذته عنج ولقيت فيه باسوورد ما بتلومين الا نفسج .. صوتج ما يعلى يا احزان .. لا تسأليني وين ساير ولا وين بتي .. وان دريت انه حد درا بزواجنا منج ولا من امج .. اترحمي على نفسج وطلع ورضخ الباب ورااه ..
احزان للحين وااقفه مكاانهااا .. مصدوومه من الي صار .. تبغي تستوعب الحياه اليديده الي اتمنتهاا .. حست بالدموع الي ما تذكر انه في يوم تركتها يلست على الارض بكل الم .. وظهرت منها شهقة الم وبعدها شهقة حزن والاخيره كانت شهقة قهر ..
عبدالله من طلع ركب الاليفيتر بسرعه ونزل لسيارته .. ما صدق انه وصل السياره ..
غمض عينه يبغي يستوعب الي قاله .. عبدالله الطيب الحنون يطلع منه كل هذا حتى هو مب مصدق نفسه .. صح هو ما يحب الغلط ويمكن ينجلب لشخص ثاني اذا سمع بالغلط بس احزان هو يدري انها كانت مجبوره بس الحين هي زوجته لو ما في اي شي يربطهم غير ورقه الا انها صارت عرضه وهو مسؤول عنها ويشمئز وينقهر لما يتذكر كيف كانت حياتها وخصوصاً وهو يتذكر انها بنفسها قالت عرفت وايد غيرك ..
حرك السياره بقهر .. وهو ما يدري شو يسوي .. او وين يسسير ..
الساعه 10 .. احزان منسدحه على السرير بس مب قادره تنااام .. رن الفون .. شافت اسم عبدالله خافت وردت بسرعه ..
وصلها صوته الي سببلها رعب .. واما هو فوصله صوتها الطفولي الرقيق ..
عبدالله : هلا احزان ..
احزان : آمر عبدالله
عبدالله وبحنان : اشتبين تاكلين ..
احزان : ما ابي شي
عبدالله : شو يعني ما تبين شي ؟؟ ما يستوي ترقدين بدون عشا
احزان : عبدالله والله ما ابي شي ..
عبدالله وبددا يتنرفز : احزان لا اتنرفزيني ..
احزان وبخوف : خلاص اي شي ..
عبدالله : باي ..
احزان دفنت راسها بالمخده .. وما تدري كيف رقدت ..
بعد نص ساعه .. وصل عبدالله دق الباب ومحد فتح .. اتصل ومحد رد .. بدا الشيطان يلعب فراسه .. وفكره تيبه وفكره اتوديه نزل بسرعه اييب المفتاح الثاني من السياره ورجع وفتح الباب بكل عصبيه .. دخل وهو يشوف الليتات كلها مفتوحه .. عبدالله دور بعينه ما لقاها .. حط الاكل على الطاوله .. وفتح باب الغرفه بدون ما يدق الباب شاف بعد الليتات مفتوحه بس مبين انه حد على السرير .. اتقرب وشافها نايمه .. شعرها سايح .. ومبينه واايد بيبي وبريئه وهي راقده .. مسك الفون .. وفتحه شاف انه الرصيد ما نقص منه ولا فلس وهذا يعني انها ما رمست حد ..
عبدالله وبحناان : أحزااان ...
: احزان .. احزاان يلا عشاا ..
عبدالله ما سمع منها رد .. حط يده على جتفهاا وهزها شوي وهو يناديها .. فتحت عينها اشوي اشوي وفزت بخوف ..
عبدالله ابتسم : يلا احزان عشا ..
احزان يلست على السرير .. حست بالاحراج وهي ببجامتها وشكلها المبهدل ..
عبدالله حس انها منحرجه .. : يلا تعالي بترياج فالصاله ..
احزان : اوكي ..
طلع عبدالله .. قامت بسرعه .. واتغسلت .. مشطت شعرها وطلعت من الغرفه ..
عبدالله لا ارادياً ابتسم لما شاف شكلها ..
قصيره .. ولابسه بجامه بينك .. وشعرها فاتحتنه .. شكلها قمة فالبراءة ..
حست بالاحراج لما شافته يبتسم .. : يلا تعالي واشرلها تيلس حذاله ..
يلست بهدوء .. وقام عبدالله يفتح الاكل .. ولما خلص ..
عبدالله وبحنان : قولي بسم الله واكلي ..
كان المكان هدوووء .. احزان ما كان عقلها معها كل الي اتفكر فيه نهاية هالحياة .. اما عبدالله فكان فعالم احزاان وبس كل شي يمر في باله احزان وحياة احزان ..
خلصوا من الاكل ..
عبدالله : احزان انا بسير .. قفلي الباب ورقدي ..
احزان وهي اتحس بالخوف فعمرها ما باتت فمكان روحهاا .. بس لازم تتعود .. فقالت : إن شاء الله ..
قام عبدالله وغسل ايده وبعده طلع ..
لمت بقايا الاكل ونظفت المكان .. وراحت الغرفة اتحاول ترقد .. بس ما قدرت ..
مرواان : امييه، محمد كلمنيي قالي يبغي هيا حق ثاني
ام مرواان وهي مستاانسه: انزيين قلتله انك مواافق
مروان: امييه كييف اقووله مواافق وانا ما شاورت البنت
ام مرواان وويها انجلب وبعصبيه: شو اتشااورهااا البنت شورها فاييدك انتتت، قوول لاخووك انك مواافق
مرواان: اميي استهدي بالله، انتيي ليش مستعيله وبعدين انا لاازم اسأل البنت
ام مرواان بعصبيه وهي تصررخ : هياااااااااااااا ... ياااا هييياااا
هيا وبصدمه: بسمم الله شووفيهااا هذي
شووق : مااا ادريي عنهااا ..
هيا طلعت من الغرفة للصاله بسرعه ..
ام مرواان : هذي هيا يتتت يلا اسألهاا
مروان وهو مصدوم من امه سكتت ..
هيا بخوف : شو فيي
مرواان : ثاني ولد عمج خطببج ..
هياا وبصدمه: نعمممم ؟؟؟!!!!
ام مروان : شو الي نعم يقولج ولد عمج حطبج
هيا وهي اتحس بتنفجر من القهر: اكيد مب مواافقه ولفت سايره لغرفتهاا
ام مروان وبحقد: لاازم تربية مهره ..
هيا وقفت مكاانهااا بصدمه رمشت مره ومرتين وثلاث تبا تستوعب الي قاللته توه حست الدم يفوور بعرووقها.. ما تدري تتكلم ولا اتقوول وتذبحهاا ولا ولا ولا !! بس كل الي قدرت اتقوولك : خلااص انا مواافقه ..
وسارت غرفته ..
ام مروان : يلا كلم اخووك
مرواان ما يدري شو يقوول ما يدري بشوو يحس اصلا وطلع من الصاله
شوق وهي يالسه على السرير : بسم الله هيا شو فييج
ما سمعت اي رد من هياا .. شافتها تتوجه للحمام .. وخلت الباب مفتووح
شوق قامت بسرعه بخووف وسارت ورااهاا .. انصدمت وهي اتشووف هياا تفتح الماي البارد وتغسل ويهها .. مره ومرتيين وثلاااث
شوق بخووف : هياا شوو فييج ..
هيا ما ردت علييها ..
شوق وبخووف اكبر وهي اتشوف هيا اتجفف وييهاا بالكلينكس وتطلع من الحمام وتنسدح واتغطي عمرهاا ..
شووق خافت وطلعت من الغرفه بسرعه .. لغرفة الوعد والمها
دقت الباب ودخلت ..
شوق : المها ممكن تيين شوي
المها شافتها باستغراب وطلعت من الغرفه..
المها: شو صااير
شوق : ماا ادريي هياا اشفييها .. يدوه نادتها ومن رجعت الغرفه ما اتكلمت اسالها ما اترد علي ..
المها وبخوف ركضت لغرفة هيا .. شوق ما لحقتها حست انه اتم ويا اختها احسن ..
المها دخلت الغرفة : هيااا !!!
هيا عقت اللحاف ويلست على السرير ..
المها : بسم الله علييج !! شوو فييج
هيا انفجرت اتصصيح
المها بخوف ركضت وحضنتهااا .. : حبيييبييي شووو فيييج لااا اتصييحيييين
هيااا وبقههرر : اكرررهههمممم مهاااوي اكرههههم كلللهممممم ... كلللههممم
المها وبخوووف : بسسم الله شوو صاااير !!
هياا: هالحقيييييير كللله منهههه كلللله منههه
المهاا وبفجع : منوووو
هيااا : ثااانيييي كللللله منههه
المها وهي مب فاهمه شي : انتيييي انزيين لاا اتصييحيين وفهميينيي كللل شي
هيا وهي تمسح دمووعها بقهرر : بكللل وقاااااحه بكللل وقااحه يخطبنييي
المها وبصدمه : خطببببججج !!!!!
هيااا : شفتيييي كيييف حقققيير
المهاا : وانتيي ليييش جييه مسويه فعمرج .. لا اتواافقين وخلاااص
هيا : انا واافقتتتت
المهااا وهي مصدوومه : شووووووووووه ؟؟؟؟؟؟؟؟؟؟؟؟
هيا وبجمود : لما قلت لا .. قالت تربية مهره
المها رمشت بعينها .. حست لسانها انرببط ..
هيا ودموعها تنزل بقهر، بحزن، بشووق لامهاا : هذي منو علشان تتلكم عن اميي .. اسويي كلل شيي ولااا يغلطووون علىى امييييه كللللل شيييي
المها حست الدموع تتجمع فعيونها مب قادره تنطق بشيء كلمه كلمه وحده ما قدرت اتقوولهااا ..
هيا: مهااوي لميينيي ,,,
المهااا لمتهااا بقووه وصااحت ويااهااا .. كل الي كانت تتذكره فهالوقت امهااا وبسسس ...
هياا : اشتقتلهااا .. خلاااص ماا اقددرر اعييش من دوونهاااا ... ابيييهاااا ترججععع مهااااوي ابيييهااا ترجججع
المهاااا وهي تحس قلبهااا يتقطع: الله يرحمهااا هياا الله يرحمهاااا ..
شوق كانت واقفه عند البابب .. حست بالخوف وهي تسمع صوتهم.. اترددت لو تدخل ولا .. وكل الي قدرت اتقووله من عند الباب وبصوت يقدرون يسمعونه هيا والمها : انااا برقد عند الوعد .. المها انتي رقدي ويا هيا وساارت
حست هيا بالامتناان لشووق هيه محتاجه لحضن اختها الي اتحس رييحة امهااا فييه.. بعد صياح داام فتره بعد الجرووح الي انفتحت من يديييد ..
المها : هياا انتي لا اتعذبيين عمررج .. انتيي استخيييري ولو كان ثاني بيضرج الله بيبعده عنج، ولو الله كاتب انج تاخذينه لو شو ما صار بتاااخذيينه، لا تفككرين انه الظروف هيه الي تجبرج ، فكري بالقدر وانه كل شي مكتوب
هيا: يااا ربب ..
صباح الأحد..
كانت متحمسه واايد لاول يووم دواام.. حااسه بشعوور حلوو ,. لبست ونزلت تحت ما لقت احد اكييد كلهم في دواماتهم .. طلعت ركبت مع الدريول .. وقالت له وين يسير ..
نزلت بخطوات هادية وفنفس الوقت وااثقه .. دخلت وهي اتحاول تمنع اي شعور بالتوتر .. اتجدمت تسأل عن مكتوب المسؤول هنيه والي هو المدير .. ووصفولها مكانه .. مشت بهدوء وشافت السكرتيره ..
الجوهره : السلام عليكم
السكرتيره بنظرات لا مبالاه : عليكم السلام
الجوهره حست بعدم الراحه : أنا الجوهره .. أ.أليوم اول يوم دوام لي..
السكرتيره وقفت بغرور وقالت: لحظه
اتجدمت لغرفة المدير دقت الباب وثواني وطلعت وهي مبتسمه : ادخلي ..
الجوهره استغربت من سر الابتسامه بس ما اهتمت لها وايد دقت الباب ودخلت وسلمت : السلام عليكم ..
رفع المدير راسه وانصدم مثل ما الجوهره انصدمت وابتسم بصدق وقال: وعليكم السلام ورحمة الله وبركاته ..
الجوهره وهي اتحس بالتوتر ما عرفت شو اتقول ..
المدير : اتفضلي ..
يلست الجوهره وهي ساكته .. حست كل الكلام الي كانت مرتبته انها اتقوله اتبخر وهي مب عارفة شو اتقول الحين ..
المدير : اسمج الجوهره صح ..
الجوهره : هييه انا الجوهره ****** .
المدير : يا هلا .. اتشرفنا بوجودج معانا
الجوهره وهي تبتسم : الشرف لي ..
المدير : طبعاً انتي اتعرفين فاي قسم راح اتداومين ..
الجوهره : ايه الشؤون الماليه ..
المدير : واكييد عارفة القوانين والشروط ووقت الدوام ..
الجوهره : هيه عارفة
المدير : طيب الجوهره .. تعالي معاي ..
الجوهره وقفت بتوتر وهو مشى جدامها .. من طلعوا من المكتب حست انه الكل يشوفها .. ما تدري ليش نظرات الاستغراب يعني .. وصلها لقسمها ..
المدير : السلام عليكم
شافت الكل وقف وهو يرد السلام ..
حست بهيبة هالانسان وبان الناس تحترمه مب لانه مدير وبس لا لشخصيته اول شي ..
المدير : هذي الجوهره .. موظفه يديده، ما اوصيكم عليها ..
الكل: إن شاء الله
المدير : الجوهره اذا بغيتي اي شي الكل راح يساعدج وطلع
من طلع حست بالنظرات الناريه من الموظفات، اما الشباب فكانوا يشوفونها بنظرات غريبه ما قدرت تفهما ..
اتجدمت وحده منها وسلمت عليها : انا ميثه .. اعتبريني زميلة عمل ..
الجوهره ابتسمت ..
ميثه : اتفضلي هني مكتبج ..
كانوا عدة مكاتب وبينهم حواجز بس مش غرف ..
الجوهره راحت للمكان الي ميثه اشرت لها فيه ..
ويلست : مشكوره ميثه
ميثه: العفو حبيبتي واي وقت تحتاجيني فيه، انا موجوده
الجوهره : ما اتقصرين
ميثه لفت بتسير وعقب رجعت وقالت : الا بسألج انتي اتعرفين المدير
الجوهره باستغراب : لييش ؟
ميثه : لا لانه غريب يعني هو بنفسه يوصلج ويوصينا عليج
الجوهره وهي اتحس بالاحراج وما حبت يحطون في بالهم اي شي : اييه هو يقربلي ..
ميثه : اييه يعني انتوا اهل
الجوهره : همم ..
ميثه: ايواا .. زيين عيل عن اذنج وسارت ..
الجوهره ما اتوقعت انه الانسان الي اسمه ناصر يطلع هو مديرها ..
مرت دقايق وهي يالسه .. ما كان عندها شي اتسويه للحين وما اتعرف من وين تبدا ..
حد دق على طرف خشب المكتب رفعت راسها واستغربت
الجوهره : نعم ؟
الي كان واقف : انا عبدالله ..
الجوهره عقدت حواجبها باستغراب : خير، اقدر اساعدك بشي
عبدالله وهو يبتسم : لا طبعاً ما تقدرين اتساعديني بس انا اقدر اساعدج فشغلج
الجوهره ( صدق وقااحه ) : لا شكراً ما احتاج مساعده من احد ولو احتجت ميثه موجوده ..
عبدالله : هيه بس ميثه ترا قيل وقال ..
الجوهره : ممكن اتوضحلي كلامك
عبدالله : ميثه قالت انه لج علاقه بالمدير
الجوهره رمشت بعيينها : كيف يعني لي علاقة بالمدير
عبدالله ( محلاا هالعيوون ) وهو يبتسم : هذا الي قالته بالحرف الواحد الجوهره لها علاقة بالمدير
الجوهره وهي ما عجبها الكلام : هيه انا قلتلها انه هو يقربلي واعتقد هي ما عرفت اتوصل الكلام عدل .. في شي بعد ..
عبدالله : انزيين انا حاب انه اندردش مع بعض لو ممكن
الجوهره وبعصبيه : طبعاً مش ممكن، وممكن تروح على شغلك وما تزعجني ..
تقريباً اغلب الي فالقسم سمعواا ..
عبدالله وهو حس بالاحراج : ليش العصبيه انزيين .. وقبل لا اترد عليه الجوهره شافت ريال ثاني يوقف جدام مكتبها
: خير شو صاااير
الجوهره : نعمم
: شوو قاللج ؟؟؟
عبدالله : وانت اشلك
الجوهره : ما قالي شي خلاص ممكن اتروحون
: انت ليش تي صوب مكتبها
عبدالله وهو معصب : وانت اشدخلك ..
: انت ليش تزعجهاااا
سمعوا صوت خطوات سريعه
ميثه : عبدالله وحمداان شو صااير شفييكم
الجوهره وقفت بخوف : خلاص اشفييكم انتوااا روحووا
حمدان وهو يدز عبدالله: انت لا تقرب منهااا مره ثانيه
عبدالله وهو يرجع يدز حمدان : وانتتت ليششش تتدخل
الجوهره خلاص وهي حست انه ثانية وبتصييح وهي اتشوف كل الي فالقسم التم والكل يشوفها باستحقار
الجوهره خذت شنطتها وطلعت عنهم من القسم بكبره بخووف
ميثه : انتووواا بلاااكم جنكممم يهالل
عبدالله : هو ليش يتدخل
حمداان : انتتت ليش تزعجهاا ؟؟؟
ميثه بعصبيه : بسس بسسس كل واااحد على شغله ..
الجوهره طلعت بخوف من القسم وهي ما تبغي ترجعله مره راحت للحمام بسرعه .. وهي اتحس بالراحه لانها بعيده عن كل هالفوضى ..
وقفت جدام المنظره وهيه تشوف نفسهااا ( اوووف هذيل اشيبوون !! شسوييي انااا الحيين ) عدلت شيلتها وطلعت من الحمام ..
وهي تمشي راجعه للمكتب سمعت موظفتين يتكلمون : هذي بس اول يوم دوام لها وسوت كل هالمشكلله
الموظفه الثانيه : هيه والله شفتييهم كيف يتظاربون عشانها
الجوهره كملت مشيها ولاجنها سمعتهم .. لما وصلت عند قسمهاا ما قدرت تدخل حست بالخووف، بالاشمئزاز بالتوتر وكل شي رجعت خطوه ورا، ومره وحده طلع في ويهها حمداان : تعالي ..
الجوهره خافت ورجعت مره ثانيه وراا ومشت بسرعه وهيه اتدق على الدريول ومن رد عليها : اكررم تعال بسرعه ..
وراحت مره ثانيه للحمام تتريا اكرم يوصل بعييد عن كل هالناس، ربع ساعه وشافت الدريول يتصل طلعت بسرعه من المكان كله وعلى السياره ..
رجعت البيت وبسرعه دخلت وهي اتحسس بالامااان
صعدت فوق وطلعت ميره فويههاا : انتيي شوو ماا عنددج اليوم دواام
الجوهره وهي تستوعب الي سوته وانه طلعت من الدوام : امبلاااا ..
ميره : عيل ليشش رجعتيي ..
الجوهره وهي اتحس بالخوف : ماا اعررف ,,
ميره : الحمدلله والشكر، الظاهر انه من اول يوم راح تنفصلين .. وسارت عنهاا
الجوهره سارت غرفتها وهي ما تدري شو سوت اصلا في
الظهر .. منال بما أنها في جامعة الشارجة فماكانت عندها اجازه .. كاانت توهاا رادة من الجامعة .. كانت حاسة بتعب فضييع يمكن لانها ما كلت شي للحين .. من وصلت ودخلت الصاله شاافت امها وبعد ما سلمت عليه : امييه شو الغداا .. لا تخليني انتحر واتقولين لحم
ضحكت عاشة : هههههههه امسوين كل خير .. يلا بدلي وانزلي
منال : إن شاء الله ..
وصعدت اتبدل ملابسها.. وهي طالعة من غرفتها طلعت في ويهها ساره ..
ساره : مناال عنددج جالكسي ربيل
منال : لااا ، ليشش ما قلتييليي كنت بييبلج وانا يايه
ساره : ما ادريي ..
منال : انزيين خلااص بتغداا وبسير اييبلج ..
ساره ابتسمت : شكراً يا قلبيي ..
منال : خلي عنج، اتغديتيي
ساره :هيه الحمدلله
منال: الحمدلله، يلا انزين بتغدا وبسير
ساره : اوكي ..
وبعد ما خلصت منال سارت تييب حق ساره الي تبغيه..
عند الريم يالسه في الصاله وسرحانه .. دخل زاايد وهو توه رااد من الدواام
زايد : السلام علييكم
الريم : ........
زاايد وهو يعلي صوتهاا : ريووووم
الريم فزت : هاااااا!!! بلاااك
زايد ضحك : ههههههه وسار ويلس حذالها .. اسللم اشحقه ما اترديين
الريم : مااا سمعتتت
زاييد وهو يحس انه ويهها متغير : شووفييج
الريم : اتخييل للحيين ما حصلت فستان
زايد كان بيضحك علييها بس عقب غمظته لانها متضايقه وبحنان: رييم حبيبتي انتي اتضايجيين عمرج عشان موضوع ما يستاهل بسيطه الفستان بتحصليينه
الريم: اناا سرتت واايد اماااكن ومالقييت
زايد : خلاص ما علييج بندور يووم وبودييج اي مكاان وبتدورين
الريم وهي مستانسه : إنزييين
زايد : انزيين ويين امييه وابوويه
الريم : طلعواا
زايد : ويين
الريم: سارواا يتغدوون
زايد : وليش ما سرتي ويااهم
الريم : شو اسوي محد عزمنيي، بتعزمنيي انتتت
زايد : هههههههه ويااا ويهجج، والله تعبااان بتغدا وبريح، خلييها وقتت ثااني
الريم : اووه عيل بتعزمني على العشااا
زاايد: ههههههههههه انتي على كييفج شوو
الريم: الله يخليييك قوول هييه
زايد: خلاص يصير خيير..
الريم: يصير خيير يعني لااا
زايد: الريييم خلااص عااد
الريم: اووف اوووف منكممم
زايد : خلييهم اييبولي الغدا فوق
الريم : انزييين .. وسار زايد فوق
الريم وهي اتصرخ على الخداامه عشان اتحط لزاايد الغدا دخل سيف ..
الرييم : هلاااااا والله هلااااااا
سيف وهو يشوفها بنظره: هبللة ؟؟
الريم : عفاانااا الله شو قلتت الحييين
سيف : خلييهم اييبونلي الغدا
الريم : لاا والله خداامتكم اناااا
سيف وهو يصد عليها : شوو قلتيي ؟؟
الريم وبخوف : إن شاء الله إن شاء الله
الريم وهي اتصرخ : كااارلييي حطييييييييي حققق سييييييييييف غداااااااااااااااا ووودييييييه فووووووووووق
سيف : ما اتعرفين اتقومين من مكانج واتسيرين اتقولين لهااا، صكيييتييي رااااسييي بصوووتج
الريم (طراارر ويتشررط) : اوككيي اسفه
سيف سواا طااف وساار فووق
بعد دقاايق رن فوونها
الرييم : هااااااااا
سيف: ويين الغداااا!!!!
الريم : شوو عااايش فمجاعة انتتت، اترياااا
سيف وهو معصب : قومي شوفي الغدااا لا اي الحيين اسحبج من شعرج
الريم وبخوف : انزيين وماسمعت اي رد منه لانه سكر
قامت المطبخ ومالقت حدد
الرييم : لاا والله
وطلعت برع وهي اتصرخ على الخدااماات ومحد ردد علييهاا
الريم : شووفووا الهرووم انتووو .. سارت غرفتهم ودقت الباب بالقو وفتحته
شافت وحده منسدحه والفون باييدها والثانيه عند المنظره وبعصبييه : لااا والله اناا من سااعه ازقركم وكل وحده اونهااا ما تسسمع
كارليي : والله انا ما يسمع ..
الريم : سبحاان الله لا تيلسين تخورطين علي سيري حطي حق سيف وزايد غدااا وودييه فووق ويوم بيي منصور بعد حطييله غداا
كارلي بخوف: إن شاء الله
الريم: وانتييي الثانيه قومي ويااهاااا
الخدامه الثانيه : زيين زيين
الريم وهي تطلع من الغرفه : غصباً عن ويهج زيين
ودخلت دااخل وصرخت عشان يسمعونهاا : دقييييقتيين ان ماا شفتت الاكل ياوييلكمممم وسارت فوق وهي تتحرطم علييهم
عند المها وهي يالسه ويا الوعد شافت البووم كبير محطوط فوق الكبت اول مره تنتبه علييه وبفضول : وعوود هذا شوو .. وهي اتأشر علييه
الوعد : هذا البوم عرس حمد وشوق
المها وهي مب مستوعبه : حمدد وشووق ؟؟؟؟ منوو هذيل
الوعد وهي تضحك : حمددد وشووق عياال عمكك ؟؟
المها وبصدمه : حمدد وشووق متزوجيين
الوعد وبنفس صدمة المها : لييه انتيي ماا تدريين
المها وبغرابه : لاا
الوعد : تبيين اتشوفيينه
المها : بعديين بعديين
الوعد : اوكيي..
المها وهي متضاايقه من سالفة هياا والحين يووم درت حست عمرهاا غرييبه من بيينهم ؟؟ كييف عايشه وياهم وما تدري اتضايقت اكثر بس ما حبت اتبين للوعد وحاولت تلهي عمرها باي شي ثاني..
عند هيا وشوق وبعد ما هيا خبرت شوق عن ثاني
شوق : هياا والله ثاني زييين وطييبب .. كل انساان يغلط
هيا : دخييلج شووق لا اتكلمييني عنهه
شوق : أستغفر الله ، انتي لو تميتي حاطه في بالج فكرة انه هو مب زيين فعمرج مما رااحت تتقبليينه ( هيا كانت مستغربة من تسرع ثاني هو قاللها اتكلم هيا بس هي مالقت فرصة وهو على طول خطبها ، شوق : يحاول اقنعها يا ثاني )
هيا : شووق انتيي مبب حااسه فيينيي ، الحيين لو قاللوج ردي لحمدد بترديين عاادي ؟؟؟
شوق وهيه حست بالجرح : هيا لا تربطين الاشياء في بعضها حمد مب ثاني وانا مب انتي !!!
هيا وهي حست انها جرحتهاا : شووق اناا آآسفه
شوق وهي تيلس حذالها : تبين الصدق لو حمد يبيني انا برجعله، بس هيا والله انا ما اجذب عليج ثاني زييين وبعدين محد معصوم عن الخطا الله يسامح نحن ليش ما نسامح ..
هيا ما عرفت شو اتقوول وسكتت ..
اليوم الي بعده .. الجوهره وهي حاسه بالخوف من انهاا اتدااوم بعد الي صار امس .. بس كانت مجبوره انهاا اتداوم
وصلت بس اليوم ما قدرت تدخل بثقه مثل البارحه .. ومن دخلت حست الكل يشووفها والكل يتكلم عنهاا .. وقعت على حضورها وهي تدري انها متأخر نص ساعه لانها كانت اتفكر انها ما تداوم بس في النهاية داومت .. راحت لقسمها ومن دخلت
وحده من الموظفات بغرور قالت : روحي المدير يباج
حست الجوهره بالخوف وبالتوتر بس مشت متوجه لغرفة المدير ..
ومن شافتها السكرتيره على طول قالتلها : دخلي
حست بالخوف اكثر وانه مثل ما يقولون المدير يترياها دقت الباب ودخلت ..
نظراتها كانت جامده اتحسه معصب ..
المدير ناصر : اتفضلي
اتجمدت الجوهره ويلست بتوتر ..
ناصر : اعتقد انتي تدرين ليش انتي هني
الجوهره وهي فاهمه علشان امس وانه ما كملت الدوام
ناصر وتوبيخ : الجوهره هذا دوام مش لعب، مش على كيفج متى ما تبغين اتداومين اتداومين ومتى ما تبغين اتكملين دوامج اتكملينه، انتي هني لازم تلتزميين بشغلج
الجوهره وهي حاسه انها بتصيح من الخوف وبصوتها المرتبك الناعم : أ..ناا أعتذر
ناصر وبعصبيه : وأعتذاارج مرفووض الشغل شغلل يا الجوهره .. وانتي موقعه عقد بالتزامج فييه
الجوهره وخلاص دمووعهاا تهدد بالنزوول : اناا ما ابي ادااوم في قسميي
ناصر وهو معصب : ليييش !!! ( ناصر كان يدري انه سبب عدم التزامها بالدوام الشي الي مخلنه معصب لكن فنفس الوقت يدري انه الي سمعه امس من سكرتيرته عن الي صار في القسم عن موضوع حمدان وعبدالله هو الي معصبنه اكثر يدري انه سكرتيرته نقالة كلام وس يدري انها لو تبالغ في الكلام الا انها ما تييب شي من عندها ما يدري ليش معصب واايد من هالسالفه)
الجوهره وبخوف : بسس انا مش مرتااحه
ناصر : شوفي يالجوهره اذا عن موضوع عبدالله وحمدان خليج محترمه ومحد راح يقرب منج
الجوهره وجنه حد عطاهااا كفف ( هذااا شوو يقووول ) ما انصدمت منه انه درا بالموضوع قد ماا انصدمت من كلاامه ( يعنيي شوو يقصصد ) الجوهره وهي معصبه : مديري على العين والراس بس انا ما اسمحلك تغلط علي وانا محترمه غصباً عن الي يرضى والي ما يرضى وجان انت موظفينك مش محترميين فهذا ما يشملني ودوام وش مدواامه وعندك عقدك جان تبي شقه ولو ما تبي المحاكم موجوده وده وقوللهم اني مش ملتزمه بالعقد .
وقامت من مكانها معصبه بس صوت ناصر المعصب خلاها توقف مكانها بصدمه
ناصر وبعصبية الدنيا كلها يمكن يتقبل كل شي الا انه حدد يقلل من احترامه ويرفع صوته علييه : الجوهره انا يوم بكلمج لا توقفين وتعطيني ظهرج فااهمه
الجوهره وهي اتصد عليه واتحاول تخفي خوفها سكتت وما عرفت شو اتقوول حست انهاا يتطالعهاا بكل تفحص عينها يت في عينه ونزلتهاا بسرعه بتوتر
ناصر وللحظات حس بانه قلل من احترامها ولو هو ما سوا هالشي جان هيه ما علت صوتها : انا اعتذر الجوهره
الجوهره من اعتذر منها خلاص حست بتصييح غمضت عينها ورجعت تفتحهااا .. كان مبين من عيونها انها بتصيح وخاصة من صوتها لما اتكلمت : انا مالي ذنب انا والله ما طلبت منهم شي هم الي يو وكبروا الموضوع
ناصر وهو يحس بمشاعر غريبه وخاصة من صوتها الناعم الي واضح منه انها على وشك انها اتصيح .. ابتسم بحناان ..
الجوهره حست بالاحراج من ابتسامته ويهها احمر وناصر ما غاب عن عينه هالشيء ..
ناصر وقف : اوعديني انه الي صار مايتكرر
الجوهره : إن شاء الله ..
ناصر : تعالي
مشى جدامها ومشت وراه ولما وصلوا القسم دخل ناصر وعكس ملامح الطيبه انرسمت على ويهه ملامح الغضب : السلام عليكم ، يا جماعه الي صار البارحه ما ابغييه يتكرر نحن في مكان عمل ، والجوهره لحد يزعجها مفهووووم
الكل : مفهوووم ..
ناصر : وأن سمعت أي شكوى منها على أي أحد فيكم ما راح يحصل طيب .. وطلع .. حست الجوهره بالاحراج ولكن فنفس الوقت قلبها يدق بسرعه حست بالوناسه لانه دافع عنهااا وفنفس الوقت حست بأنها شي من بين الموظفين ..
يلست ورجعلها شعور ما اتحبه ودايماً تحاول تتخلص منه الي هو الحقد، حست انها حاقده على حمدان وعبدالله وميثه من الي صار وتدري انه مشاعر الحقد ما تقدر تتخلص منها بسرعه وخاصة انه هذيل الناس هم الي سببوا لها مشكلله كبييره ..

نهاية هذا الجزء .. شكراً لكل من يتابعني ويشجعني .. في إنتظار تعليقاتكم