[فيتامين سي]

الجزء 26

منار وهي يالسه وتتريا يدتها تتكلم .. لانه دقت عليها من الصبح وقالت انها تباها
منار ملت من اليلسه .. وما صدقت انه يدتها اتكلمت
ام الوعد : مناارووو
منار : ها يدووه اسمعج
ام الوعد : في ناس يبون يخطبون الوعد، والكل يمدح الولد انتي كلمي الوعد لابد تقنعينها انا عيزت منها كل ما يانا واحد ما ترييده
منار وهي مستانسه : إن شاء الله يدوه بس قوليلي شو اسم الريال علشان اقوللها
ام الوعد : سلطان بن **** **** ***** ناس طيبين والنعم فيهم
منار: إن شاء الله، من ايلس وياها بكلمها ..
الريم وهي منسدحه خلاص مب قادر تفتح عيينهاا : مااامااا خلاااص اناا بسسير ارقدد شو تبييين فينيي
خلود : هييه بس رقاااد طوول النهار وسهر آخر الليل
الريم : ياخي شو تبون فينييي عنديي اجااازهه خلوونيي اتهناااا فييها
خلود : يلسيي يلسيي بقوولج شي
الريم واعتدلت في يلستها وبفضول : هااهااا شوو قووليي
خلود : اسميييج انتييي ..
الريم : يلاا مااما قوولي
خلود : زاايد اخووج يبغي يخطب ..
الريم : شو هذا شهر الخطبه العاالميي لا سمح الله ..
خلود : هيه والله ما ادري شو ياينهم الناس كلهم يبون يخطبون
الريم : فااضيين ترااا فاااضيين ما عندهم شغل ولا هدف في الحياة
خلود : انزين اسمعيني عاد زايد قال يبغي المها
الريم وبصدمه : المهاا !!!!!!!!!!!
خلود : بسم الله الرحمن الرحيم شو قايله فرعون انا
الريم ( المهاا ومنال شوو ؟؟؟ ) : انزين وشو قلتيلي
خلود : والله انا قلتله يشوف غيرها عن المشاكل
الريم : اي مشاكل بعد
خلود : انتي تدرين بابوها الله يهدييه
الريم : بس لاا هذا شو يخصصه بعد
خلود : كييف ش يخصه ترااه ابوووهااا
الريم : ما عليينا منه لو زايد يبغي المها والمها تبغيه هو ما يخصه، بس مب جنه توه النااس
خلود : هيه انا قلتله هو قال ما عنده مانع بيترياها
الريم: اكللم مهاوي
خلود : هيه انا بغيتج اتكلميينا وتسألينها جان هيه ما عندها مانع علشان ما نحرج البنت ونحرج عمارنا
الريم : خلاص إن شاء الله قريب بكلمهاا
خلود: إن شاء الله ..
يالسه برووحها فالصاله مجابله التلفزيون .. الي اصلا ما تدري الفلم عن شوو .. تفكييرهاا بعييد حااسه فالهشقه .. بالغربه .. بالضياااع .. حاسه انهاا وحييده ما تدري شو معنى حياتهاا .. عبدالله ما اتعرف شو موضعه بالضبط .. غمضت عيينها ورجعت تفتحهااا اتمنت واايد تطلع من حيااتهاا مع امهاا بس ما اتوقعت مثل هالحيااه .. اتحس بالفرااغ وانه ما عندهاا شي اتسوييه .. هيه خلصت الثانويه ويلست فالبيت .. ما كانت تباا تدرس بس الحيين تبغي شي يملي علييها حياااتهاا ( لو فكرتي تدرسين يا احزاان .. من راح ايودييج واييبج .. عبدالله اكييد عنده حيااته وما راح يفضاا ؟؟ انزيين يمكن فييه بااص صحح اكييد !! ) : اوووففف .. وقفت بتملل .. وراحت عن الدريشه .. مررت نظرها بسرعه على الاماكن القريبه .. وطاحت عيينهاا علىى صالون ..
أحزاان : ارروح ؟؟!! هيه خلنيي ارووح .. على الاقل يمر الوقت اشوي .. راحت غرفتها واتلبست بسرعه ..
احزاان : ادقله اخبره ولاا ؟؟!! ( ذكرت اسلووبه يوم عطاها الفون ) اووف ولو قلتله وما رضىى هو اصلا يشك فيني ولو قلتله اكييد ما بيرضى .. واذاا درى انيي رحت .. لا لا كييف بيدري ؟؟ يمكن ايي ؟ لا ليش بيي .. هو حتى وقت الغدا اتصل وقالي الثلاجه ملياانه .. ما كلف على نفسه .. بروح والي فيها فيها ..
خلت الفون على السرير وطلعت .. وهي طالعه فتحت شنطتهاا .. امهاا تقريباً خذت كل الي عبدالله عطاها ايااه بس عطتها مبلغ بسيط ضحكت احزاان مع نفسهااا ( باعتنيي وهو اشتراني ) ..
نزلت بسرعه وطلعت .. شافت الشارع ابتسمت وهي حاسه بالحريه ونسمات الهوااا الي تلامس ويهها ..
عبرت الشارع وراحت للصالون .. فتحت الباب .. سلمت ..
شافت الصالون شبه فاضي ومحد فييه احتاارت ( انا شبسوي الحيين ) واشوي وشافت حرمه نازله من فوق وهي متحنيه .. ابتسمت سنييين سنييين طوييله ما اتحنت من كانت فمرحلة الاعداديه وهي ما اتحنت ..
احزان : لو سمحتي .. ابي اتحني ..
الحرمه الي هيه مالت الصالون : روحي فوق ..
احزان سارت فوق وكان المكان فاضي الا من الحنايات .
احزاان : ابي اتحناا ..
الحرمه : اختاري صوره ..
احزان شافت الصور وعيبها شي كان بسيط : ابغي مثل هذا ..
الحرمه : تعالي ..
يلست احزان : ابغي اييدي وريلي ..
الحرمه : اوكي وبدت اتحنييها ..
وهو فالسياره ما يدري شوفيه يحس برغبة كبييره بانه يشووفها .. ويهاا الطفولي .. جمالها الهادي .. شعرهاا الي من امس وشكله في باله عبدالله ( انت شفييك .. خلاص خل البنت في حالها .. ليش افكر فييهاا .. ) مسك الفون واتصل فيهاا .. رن ورن ورن .. محد رد
عبدالله باستغراب : ليش مااترديين ؟؟؟؟ ذكر امس كيف افكاره ودته لبعيييد : حرااام ما بظلمهاا.. احزاان بنت زيينه والي كانت اتسويه ما كان برضاهاا .. يمكن ما انتبهت عليه .. وجع يدق مره ثانيه ومحد رد .. ومره ثالثه ..
عبدالله : يمكن رااقده ؟؟ حتى لو رااقده اكييد كاانت بتنش !!
عبدالله : يمكن فييهاا شيي ؟؟!!!! يمكن اليوم ما اتغدت !! ورجع يتصل ومحد رد ..
وامتلا راسه افكاار .. وما لقى نفسه الا وهو يدق باب الشقه.. محد فتح .. دخل المفتاح فالباب وفتح الباب ..
عبدالله : احزااان ... ما لقى رد على طول سار غرفتها .. ما شف حد فتح باب الحماام ومالقى حدد .. انتبه على الفون الي على السرير .. طلع من الغرفه وهو يزقرهااا : احزاااان .. ياا احزااان .. دور فالمطبخ .. مافي حد
عبدالله بعصبية الدنياا كلهااا : هذيي ويييين ساااااارررت وييين !!!!!!
عق الغتره الي كان لابسنها على الكرسي بعصبيه : ويييينهاااااا ويييييينهااااا !!!!!!
ويا في بالهااا امهااا خذتهاا .. دق عليييهااا ووصللها صوتها الي يشمئز منه : هلااا والله ..
عبدالله : احزاان وياااج ؟؟!!!
ام احزاان وبلا مبالاة : لااا .. شوو لا يكون شردتهااا ..
عبدالله سكر في ويهااا وركض غرفتهااا فتح الكبت وهو يتخيل انها شردت بس لقا كل ملابسها فالكبت .. مسك شعره بقهرررر وصرخخ : ووييييييييييييينججججججججج ججج !!!!!!!!!!!!!
احزاان وهيه توهاا مخلصه ريلها وبدت فاييدهاا .. بعد نص ساعه خلصت من اييدهااا .. بس ما قدرت اترووح تنتظر ريلها اتجف ..
مر الوقت .. الساعه 8 خلاص رييلهاا جفت واييدهاا بعد توهاا خلصت وخوزت الحنه وغسلت ايدها وريلها .. حاسبت وطلعت من الصالون .. مشت ووصلت للعماره وما انتبهت على سيارة عبدالله ابداً والي كان موقفناا اشوي بعييد .. وصلت الشقه دخلت المفتااح وانصدمت انه الباب مب مقفول :معقوله ما قفلته .. فتحت الباب وانصدمت وهي اتشوف عبدالله .. سكرت الباااب بهدوووووء
وعكس الهدوء هذا عبدالله وبكل عصبيييه : انتييييي وييييين كنتيييييي ويييييين
احزان وبخوف اخفته : رحت الصاالون ..
عبدالله وبعصبيه شاف ايدهاا : وليششششش ماا اتكلمتيييي ليييش مااا قلتييي ..
احزان وبخوف : الي يقول يعني لو قلت كنت بترضى .. اظن كنت بتقول بتطلع وياا واااحد ..
شاافت نظراات الغضب واتجدم عبدالله منهااا : انااا مااا قلتلللج ماا اتشبريييين برررع ..
احزاان وهي معصبه : والله انا مش عايشه فسجججن .. ومحد جبرك تتزوجني .. انا جييه بعيش وبسير ويين ماا ابيي ومب عاجبنك طلقني وفك عمرك ..
اسمهااا الي هز الشقه .. اسمها الي انقاال بكل عصبييية بكل قهر خلاها تركض الغرفة واتسكر البااب وتقفله .. عبدالله حمد ربه انهاا ركضت من جداامه ولا ما كان يدري شو كان بيسوي فيها.. احزاان وبخخوووف خذت نفس.. وتمت فالغرفه .. ساعه كامله وهي مصدوومه من الي صاار .. ما اتوقعت يعصب لهلدرجة .. توها بس استوعبت انهاا للحين بعباتها عقت العاباه .. وبدلت فتحت شعرها الي ما اتحب اتلمه ..
احزاان : اكييد ساار .. طلعت من الغرفه
بس انصدمت انه عبدالله للحين فالصاله.. ما عرفت شو اتقوول وهي اتشوف نظرات عبدالله .. الي ما كانت نظرات عصبيه بالعكس كانت نظرات استحقار .. شافها بقهر وقام وطلع .. احزان كل الي حست فييه بالضضيق من نظراته بس احساسها يقوللها انه عبدالله دايما بيتم يشوفها على انها وحده من الشارع ولو حاولت اتحسن علاقتها فيه فهالشي ما بيتغير ..
عبدالله ركب السياره وبقهر وهو يتذكر كلامها ( والله انا مش عايشه فسجججن .. ومحد جبرك تتزوجني .. انا جييه بعيش وبسير ويين ماا ابيي ومب عاجبنك طلقني وفك عمرك ).. علىىى باالهااا انااا ميت عليييهااا ولااا شوو .. هيييه تحمدد ربهااا اصلاا انيي طلعتها من الي كانت فيييه .. كااان معصبب منهاااا يحس ضغطه ارتفع منهااا ما يدريي شوو يسوييي وما لقى نفسه الا وهو راجع البيييت وفغرفة الجوهره ..
الجوهره وبخوف : بسم الله الرحمن الرحيم، عبدالله شوو فييك ..
عبدالله وهو ينسدح على السررييير: آآآه جوووجو ماا ادريي شوو اسويي خلاااص اناا مب قاادر افكررر بشي مبب قااادر
الجوهره وهي تيلس حذاله وتمسح على شعره بحناان: بسم الله عليك، اشفييك
عبدالله :احزااان اناا ماا ادريي يوووم اشووفهااا شو يستويي ، احتقرهااا جوووج والله انه يوم اشووفها واتذكر الي كانت اتسوييه احس اني ابغيي اذبحهااااا..
الجوهره : عبدالله والله ما اعرف شوو اقوولك، بس انت من البداايه الي سوييته كان غلللط، هالبنت انت ما دام اتعرف هيه كييف كاانت ما راح تقدر تنسى هالشي لانك ما تبي تنسااه اصلا، خلااص عبدالله انت الي كنت تباه هو انك تساعدها واتطلعها من الي هيه فيه صح ولااا..
عبدالله: صححح
الجوهره: خلااص عيل اتركهاا فحالهااا، انسى انهاا زوجتك، انت قلت انها تحتاج حد يساعدها وانت سوييت الي علييك، خلاص خلها في حالها ولو هيه صدق تبي تتغير فبتتغير.. فكررر فيي شي ثااني عبدالله خلااص
عبدالله: اناا بخطب ..
الجوهره وبصدمه : عبدالله!!!!!! انت شو اتقووول بالاول خلص من احزااان وبعدييين قول بخطب
عبدالله: جوجو انا احزاان ما رااح اخلص منها في يوم ولييله .. خلااص انا ما اتزوجتها عشان اوقف حياتي..
الجوهره : بسسس كيييف بتخطب وانت بالاصل متزوج اكيييد البنت ما بترضى
عبدالله: وليش بالاساس تدري!!!
الجوهره: عبدالله اشفييك انت ما اتفكر شوو .. يعني بتجذب على البنت
عبدالله: جوجو انتي بتميين اتلوومني ولا بتساعديني
الجوهره: لا حول ولا قوة إلا بالله العلي العظيم، ومنو بتخطب
عبدالله وبسرعه: نوره بنت عمو عاشه
الجوهره وبصدمه: انتتتتتتتتت اتخبببللللللللتتتتت !!!!!!!!
عبدالله نزل راسه
الجوهره: عبدالله اذا انت صدق ناوي تتزوج فكر في اي وحده الاا وحده من الاهل .. لا اتخرب حيااتناا كلهااا. عبدالله انتي وييين عقلك تدري لووو بعدين دروا شو بيصصير ما بتخترب علاقتك انت ونوره بس لا كلنااا !!!!
عبدالله: الجوهره انا ما ابغي اخذ اي وحده
الجوهره: عبدالله البنات الزيينات واايد، بسس نوووره انسساااهاااا، لااا اتفكر فييها ابداااً ابدااً ..
عبدالله: ليش ما توقفين وياي
الجوهره: عبدالله انا معاااك، بس نوره لااا عبدالله نورره لااا
عبدالله قام من على السرير وبقهر : يلا انا طالع .. وطلع من الغرفه
الجوهره وهي اتحس بالضيق تدري انه عبدالله خذا بخاطره بس الي سوااا غلط والي بيسوييه غلط اكببر ( لييش ما اتفكر بالعوااقب عبدالله لييش ؟؟!! )
مر هاليوم واليوم الي بعده ..
عند الوعد ما كانت مصدقه الي اتقووله منااار اتحس انهاا تحلمم وانه كل شي يصير مزح ..
الوعد وهي اتصيح : منااار انتي ماا تمزحيين صحح
منار وهي مستااانسه : والله والله ماا امزحح
الوعد : كيييف كيييف سلطااان خطبنييي كييف انااا موو مصدقققه
منار وهيه حاسه بالخوف : ما ادري انا كل الي اعرفة قلتلج ايااه، هااا اقوول ليدووه انج مواافقه
الوعد : اكيييييييد انااا مموااافقه اكيييد
منار : ومع هذا وعوود استخييريي
الوعد : إن شاء الله، اذا امي سألتج عني قوليلها اني طلعت ..
منار : إن شاء الله وطلعت
الوعد صلت الاستخاره مع انها مب مرتاحه لانها عطت موافقتها بسرعه بس تدري انها لا يمكن ترفض وبعدها اتلبست وطلعت كانت اتلف بالسياره ما تدري وين اتسسير وناااسه ولا هي فحلم ما كانت تدري ..
ام الوعد ما صدقت أن الوعد واافقت ودعلتها من كل قلبهاااا انه الامور تمشي على خيير .. وبس تتريا ام سلطان تتصل فيها وتسألها عشان تعطيها الخبر الاكيد
الوعد عقب ما اشوي يلست في صالونها واشوي لفت بالسياره رجعت البيت والغريب انها بس من حطت راسها على السرير ناامت بدون مهدئات وبدوون اي شيء ..
وعند منصور الي كان يشوف التلفزيون وفاطس ضحك على الفلم مع انه مب اول مره يشوفه
خلوود كانت اتشوف ضحكة منصور الي من زمان ما سمعتهاا: ياا بووي ساامحيينيي
منصور وهو ناسي الموضوع شاف امه الي تمسح دمعتهاا بطرف شيلتها وبداا يستوعبب باس راسم امه : اميييه مسموووحه لا تنزل دموووعج يلعنيي افدااا هالرااس
ومسك ايدها وباسهاااا ..
خلود : جان تباني اخطبلك البنت الحين اسير
منصور : ههههههههههههههههههههه فدييييتج اميييييه .. ماا عليييه تووه الناس
خلود : استسمحلي من البنييه .. ما ابااك اتشل في خاطرك علي عشانها
منصوور : افاا عليييج، رضااج اولل وعقب ندى يلا عن اذنج انا بطلع
خلود : اتحمل بعمرك ولا تتأخر
منصور : إن شاء الله
بعد شهر .. موضوع خطبة هيا انتشر الكل صار يدري انه هيا مخطوبه لثاني وعرسهم بقى عنه شهرين تقريباً .. الريم حست انه الحين الوقت صار مب مناسب عشان اتكلم المها ..
شما اتحاول قد ما تقدر انها ما اتفكر بخلافها ويا سيف وتتجهز وملجتها بعد شهرين او ثلاثه ..
الريم اتحس انه الامور ماشيه تمام ومرتاحه واايد وخاصة انها حصلت الفستان الي كانت فخاطرها ..
ساره بطنها بدا يبين شوي وبدت حالتها تتحسن
الجوهره بدت تتأقلم بشغلها وبعد هاك اليوم صح محد ازعجها الا انها للحين اتحس بعدم الراحه واخوانها شاغلين تفكيرها ..
سلطان تعبانه نفسيته من يتذكر انه هو خطب ووللحين ما يدري منو هي خطيبته ولا فكر يسأل
عبدالله أحزان شاغله باله يحاول ما يتكلم معاها وايد واذا اتكلم معاها لازم اتصير مشكله
الوعد حالتها بددت تتحسن صح احيانا ما تقدر ترقد بدون المهدئات الي انها واايد قللت منهم
هيا كل ما حد يكلمها عن موضوع العرس اتعصب ورفضت انها اتسوي عرس الا انه يدتها مارضت وغصباً عنها بتكون في حفلة
المها تدعي انه حياة اختها اتكون زينه وانها اتحب ثاني وتقدر اتعيش وياه
منال اتحاول انها ما اتفكر في زايد واذا طرا على بالها تتذكر انه هيه الي رفضة حبه وخربت كل شي وتحاول تعيش حياتها بهدوء .
روضه اختفت من حياة الكل .. واخبارها قلت
اما البقية فمافي أي جديد في حياتهم ..
اليوم المنتظر واليوم الي المفروض سلطان اي ويشوف خطيبته .. ام سلطان والجوهره يو قبل أسبوع وشافوا البنت والجوهره حمدت ربها انه الوعد ما تذكرتها يمكن لانها ما كانت في وعيها هاك اليوم او يمكن لانها ما اهتمت الا لوجود سلطان لكن الاهم من هذا كله انها ما تذكرت الجوهره ..
واليوم يت بس أم سلطان مع ابو سلطان وسلطان .. وبعد ما اتكلموا الريايل سلطان كان يحس بشعور غريب حاس انه هو يعرف هالمكاان بس كيف؟؟ اما انه سمع بعنوان هذا المكان او غيره بس اتجاهله ..
ولما خلصوا كلام ويا الوقت الي سلطان يشوف فيه الوعد .. حمد قاله انه يتفضل معاه الميلس الداخلي .. سلطان مشى معاه وهو مب حاس باي مشاعر هو حتى اسم البنت ما سأل عنه دخل الميلس ويلس .. وبعدها طلع حمد عشان ينادي الوعد .. دخلت الوعد مع حمد وما كانت تدري اذا اتسلم او لا
سلطان من شافهاا غمض عينها بسرعه ورجع يفتحهاا ..
يبغي يستوعب الي يشوفه هذي الوعد ؟؟ كييف ؟؟ وليش
الوعد شافت نظرات الغضب في وييهه شافت الصدمه وشافت القهر .. اسودت الدنيا في وييها وللحظات استوعبت انه سلطان مب راضي ؟؟ بس كيف ما كانت تدري
حمد : الوعد يلسي
اسمها خله مشاعره تقووم من سباااتها الطويل خله قلبه يدق من يدييد بس لا ماكانت دقات حببب كثر ما كانت دقاات شوووق للوعده الي راحت وتركته ..
حمد : الوعد اذا عندج اي سوال اي شي اتكلمي
الوعد اكتفت بأنها هزت راسها بلا
حمد : سلطان اذا عندك اي شي تكلم
سلطان رفع راسه ويت عينه فعينها .. وبعدها رفع ايده بمعنى انه هو ما عندها شيء ..
ودقيقه وحمد قال للوعد انها اتروح خلاص وبعدها طلع سلطان ..
منار كانتت تتريا الوعد تطلع الي من طلعت على طول سارت غرفتها ..
وبس 10 دقايق واستأذنت ام سلطان وسارت .. الي شافوا سلطان من الدريشه كانوا مصدومين لابعد درجه والي هم البنات .. وكل وحده 100 فكره في بالها بس محد اتجرأ يتكلم مع الوعععددد .. وشهد واسما رسموا قصه مع نفسهم اما شوق فشكت انه في موضوع بس ما اتكلمت ..
منار على طول دقت الباب على الوعد تبغي اتعرف شو صار .. اول دقه وثاني دقه وثالث دقه انفتح الباب بكل قوه وفزت منار وهي تسمع صوت الوعد المعصب والي كانت ترمس بعيييد عن اللهجة السعوديه الي اتعودت تسمعها من الوعد : انتي كنتي تدرين انه سلطان ما يدريي ؟؟
منار وبصدمه : كييف يعني ما يدري
الوعد وبعصبيه : منااار لا تستغبيين سلطااان اما انه مغصوب او ماكان يدري بأنه بيخطبنيي !!
منار وهي خافت انه حد يسمع هالحوار دخلت ويا الوعد الغرفة وسكرت الباب وانصدمت من شكل الغرفة الفراش على الارض . العطور كلها على الارض . كل شي على الارض
منار : وعود انتي شو اتقولين منو قالج انه سلطان ما يدري
الوعد وبعصبيه : انا اقولج انه ما يدري وهو مب راضي ولو تبيني احلف ف والله انه سلطان ما يدري .. منار لا اتخليني ادري من غيرج انتي لج اييد فالموضوع ؟؟؟
مناار وبخوف : الوعد انتي هدي وخليني افهمج كل شي.
الوعد : اتكلمي بسرعه ..
منار وبدت اتقوللها كل شي من يوم الجوهره اتكلمت في باسكن روبنز لين ما شافتها فالمول ولين الي صار آخر شي
الوعد وهي اتحاول تاخذ نفس يهدي اعصابها : وانتي منو سمحلج تخبرين العالم كله واتسوين اعلاان منوووو ؟؟
منار وهي اتصييح : انااا كلل الي كنت ابااه اني اصلح الي خربته
الوعد : ومننوووو قاللللج صلحييي اليي خربتيييه منااار انتييي ليييش تتدخلييين في حياااتي لييش ماا تفهمييين انه سلطاااان يكرهنييي
منار وهي معصبه : بسسسس بسسسس كل ما قلت شي قلتي يكرهنييي ويكرهنييي سلطاان ماا يدريي عن اي شي ما يدريييي انتيي لييين متى بتسكتييين ليين متىىى
الوعد وهي معصبببه : انتيييييي مااااللللجججج شغغغل ماااللجججج شغللللللل ، الله ياااااااااااخذنيييي ويفككم منييييي .. وراحت تلبس عبااتهاااا بعصبييه
منار وبخوووف : وعووود وييين سااايره
الوعد : جهنننننننمممم ، واذااا سألوووج وييين انااا قووليييلهم فالصااااللللوننن زيييييييين
منار هزت راسها بخوف وطلعت الوعد من البيت معصبه .. ركبت سيارتها وحركت وهي ما تدريي ويين اتسير واستسلمت لضعفهاا وقااامت اتصيييييح بكللل الللم بكلللل قهههر وبكل حسره ما تدري كيف وصلت لهذا المكااان وقفت وحطت رااسهاا على السكااان وهي ميتته صيااح..
سلطان ما كان مستوعب الي يصيير ، يبغي يعرف اذا الي صار صدففه اول لااا وكل الاحتمالات اتقوله بان الي صار ما كان بسبب احد ، كيييف الوعد كييف البنت الي اتمنى انها اتكون خطيبته طلعت هيه نفسهاا كيييف !!!! هو ما قرر انه يخطب الا علشاان ينسااهاا ترجع وتطلعله من يديييد كيييف ، صوورتها مب راضيه اتغييب عن باله ..
الساعه 12
الكل ميتمع فالصاله ام الوعد اتصييح والباقين يهدوونهااا
ام الوعد : ياا حسرتيي علىى بنتييي وييين ساارت وييين
كلله منجج انتيي كلله منججج
مايد : يدووه منار اشدخلهاا الحيين
ام الوعد وبقهر : منهااا هييه هيييه كله منهاا لييش اتخلييها تطلع ..
منار وهي ذابحه عمرها من الصياح .. سكتت
ثاني وحمد من متى وهم يدورونها فونها فالبيت وراحوا صالونها قبل كم ساعه قالولهم انها ما يت هنيي ..
منار وهي اتطرش مسج ما تدري شو الهدف منه ..
الجوهره وخلاص على وشك انها تنام لما شافت مسج من مناار فزت لانها كانت تبغي اتعرف شو صار بعد ما الوعد شافت سلطان وانصدمت ب ( الجوهره الوعد طلعت من البيت وللحين ما رجعت ما ندري وينها )
الجوهره حست بالخوف اذا صار شي بهالانسانه سلطان شو بيصير فيه ..
ما تدري كيف وصلت لغرفته ودقت الباب ..
الجوهره : سلطااان نااايم ؟؟
سلطاان : لااا ..
الجوهره : سلطان الوعد محد يدري ويينهاا
سلطان وهو مب قادر يستوعب الجوهره شو اتقول وشو علاقتها بالوعد : شووووو ؟؟؟؟
الجوهره : سلطان لا تسألني عن شي الحييين
سلطان وهو خاايف : الجوهره انتي شو اتقولين
الجوهره : البنت يدورونها مب لاقينا طلعت من البيت
سلطان ما يدري ليش نش وخذا سويجه ولبس كندورته وعلى طول نزل تحت وفي باله مكان وااحد ..
اتصل للجوهره ومن ردت عليه : اسأليلي عن سيارتها وسكر اشوي وصلها مسج باسم السياره ورقمها ..
وصل للمكان وما انصدم لانه شاف سيارتها ..
نزل بسرعه
فزت وهي تسمع صوت دق على الجامه فتحت عينها تبا تستوعب شو صار او الساعه كم .. السياره مسكره والساعه مب شغاله .. دورت فونها وذكرت انها ماشلته وياها صدت على طول على الجامه وانصدمت
فتحت باب السياره ونزلت بسرعه وهي اتشوف سلطان واقف جدامها الوعد بصدمه : سلطاااان !!!!!!
سلطان وبعصبيه : انتييييي ياااااهللل !!!!!!!! لييش هالحركااات
الوعد وهي اتشووفه بصدمه ..
سلطان : رجعيي بيييتكممممم .. وعطااهاا ظهره
الوعد وبأمل : سلطااان .. ما اتوقعت يرد عليها بس انصدمت ب : يا عيوون سلطااان
الوعد وهي اتصييح : بسس اسمعنيييي
سلطان وهو يصد عليها : كاافي وعديي كافي عذاب ..
الوعد : اسمعنيي .. دخييلك اسمعنييي
سلطان وهو ما يبغي يرووح : اتكلميي
الوعد : انااا ماا خليييتك سلطااان اناا مثلك ما كنت ادري عن شي سلطان انا سنتيين سنتيين كنت فغيبووبه قمت وانا ما ادري عن شي كنت ابي اكلمك بس ما كنت ادري عن كل الي صار ..
سلطان وبصدمه وهو مب مستوعب اي شي : انتي شو اتقولين
الوعد وهي تشرحله كل شي من الألف للياء ..
سلطان ما كان قادر يستوعب .. ما كان قادر يتكلم حروفه خانته يحاول يجمع الكلمااات بس مب قادر
الوعد : سلطااان انااا احبببببك انااا ما ابيي اعييش من دوونك انااا تعبت من غييرك تعبت سلطاااان خلااص ما اقدر اتحمل اكثر ارجعلي ولا خذني وياك
سلطان : احببببببججججججج
الوعد وهي اتصيييح : اوعدنييي مااا اتخلييينييي
سلطاان : اوعدج غير المووت ما يفرقنااا
الوعد وهي اتصييح : سلطاااني ساامحنييي
سلطاان : تبيني اساامحج على شي انتي مالج ذنب فييه تبيني اسامحج لاني جرحتج ولا لاني خليييتج
الوعد وهي اتحط ايدها على ويهااا وتصييح من خااطرهاا اتصييح اللم ، حزن وعذاااب داام سنيييين اتصييح سعاده ولااا غييره .. ما حست الا بحضن سلطاان يحتوييييهااااا ..
سلطااان : اووووووووششش بسس ماا ابغييي اشووفج اتصييحييين ,, اوووش
الوعد ما قدرت تكتم صياحهااا لين ما سلطان بعد عنهاا ,,
الوعد وهي تمسح دمووعهاا .. شافت سلطان واقف مبتسم : ماا قدررت اكرررهج !! كل الي قلته من وراا قلبيي
الوعد : ما جرحني كلامك كثر فرااقك يا سلطاان ، ما ابي اتذكر شي ابي انسى كل شي صار ..
سلطان : واناا ابغي انسى كل شي، الا الدلوعه الي حقرتني وما رضت اترد عليي ايااام ..
الوعد وهي تذكر : ههههههههههههه اتصدق انه مرت ثمااان سنييين سلطان ثمااان سنيين
سلطان وهو مستانس على ضحكتها : اشووفج ما تتكلمين سعودي
الوعد : ههههههههههههه خلاااص ودرتهااا ..
سلطان وهو مبتسم : من متىى
الوعد وهي تبتسم وتبين اسنانها : من اليوووم ..
سلطاان : افداااا الابتساامه ..
الوعد : فداااااا لككك ..
سلطاان : يلااا رجعيي يدورونج
الوعد وهي مستغربه : سلطان الساعه كم
سلطااان : 12 ونص
الوعد شهقت بصدمه : سلطان انت من قالك انهم يدورني لايكون منااار !!!
سلطاان : لا الجوهره قالتلي
الوعد : وانت كيف دريت اني هنييي
سلطان : تعالي بقوولج كييف
الوعد اتقربت منه ..
سلطان بهمس : لانيي احببج دريييت لانيي اعشققج درييت لان اول مره شفت الوعد شفتها هني .. بس كانت صغيرره ، الحيين اشووفهاا وهي كلهاا اغراااء ..
الوعد وويها احمرر : سلطااان انااا لااازم اروووح
سلطاان وهو يغمزلها : واناا لاازم اوصلللج
الوعد ضحكت وركبت سيارتها .. وسلطاان مشى وراها لين ما وصلت البيت ..
دخلت الوعد والكل فز
ام الوعد قامت وحضنتهاا بالقوو : لييش ياا امييه اتسويين فييني جيييه لييش
حمد وبعصبيه : انتييييي وييين كنتييييي ..
مناار : وعووود وييين رحتييي
الوعد : ما ادري نمت في السياره وما وعيت الا توه
حمد : لا والله وانتي ليش تطلعين بدون ما تاخذين فونج
الوعد وبخوف : آآآسفه
حمد وهو معصب : والله حالللله .. وطلع
الوعد : وهي اتشوف الكل يتطالعها ,, حست بالاحراج : اسسفه .. وسارت غرفتهاا .. انسدحت على السرير .. وشاافت 5 مسجات ..
الاول : احبج
والثاني : احبج
والثالث : احبج
والرابع : احبج
والخامس : اموت في حبج
الوعد ضحكت بسعاده وطرشت مسج : وانااا اعييش عشاان حبببك .. اعششققكك
وصللها مسج : شوو استوى ؟؟
الوعد : هزأوني
سلطان : ما يستحون
الوعد : كنت لازم اخبرهم اني كنت مع سلطاني
سلطان : لا كنت لازم انزل وياج
الوعد : علشان بذبحوني
سلطان: يخسوون، ما يقربون وعدي وانا موجود, كيف كنت بخطب غيرج ؟؟
الوعد: ما كنت بتخطب غيري لانا ربنا كاتب انه نكون لبعض
سلطان : ودي انسى كل شي ..
الوعد : وانا ودي اعيش من يديد معاك بسس
سلطان : اريد الوقت الي عشته بلياج يرجع واعيشه وياج
الوعد : إن شاء الله الحياة جدامنا وبنعيش كل الي اتمنيناه ..
سلطان : دقيقه ..
ومن شافت المسج رن الفون .. ردت علييه واتفاجأت بدخول المهاا ..
سلطاان : الوووه .. بس ما سمع ردد ..
وثواني وسمع : دقييقه بسس.. وقامت وراحت الميلس على استغراب المها .. الي شكت في الموضوع وبس ما اهتمت وسارت تنام ..
في الميلس الوعد : هلاا ..
سلطاان : ويين سرتيي
الوعد : هذي المها بنت اخوي دخلت !!
سلطان : منوو المهاا !!!
الوعد : قصه طوييله
سلطاان : اباا اسمع كل شي ..
وبدت تتكلم الوعد وتتكلم واتخبره كل شي وحتى المهدئات الي تاخذهم ما خبت عنه .. ومن خلصت
سلطان وهو يحس بانها اتعذبت اكثر عنه مب متخيل انها لجأت لدكتور نفسي كل هذاا عشاانه وبالم : وعدييي انااا آآآسفف
الوعد : سلطااني ماا ابييك تتأسف بس ابقى ويااي
سلطاان : بأذن الله انااا ويااااج، وعد انتي لازم اتخليين هالحبوب الي تاخذينهاا
الوعد : احاااول يا سلطاان احاااول ,,
سلطاان : احببجججج .. وابغييي ارقدد اللييل علىى صووتج
الوعد وهي تضحك : اشتقققتت لكلااامككك
سلطاان : وانا اشتقت لضحكتج ..
ومر الليل ..

نهاية الجزء 26 في انتظار تعليقاتكم