[دلوعه وااايد]

الوالد(ابو ثامر): يمشي ويعدل شماغه رايح للدوم...
شاف ام ثامر سالها: ماجاكم خبر عن جويج؟؟ ..
(ام ثامر) لاوالله لحد الان ولاشئ..
(ابو ثامر) يصيرخير,,يصير خير,, وطلع
________________
الساعه 2 الظهر ....صحى محمد مصدع راسه من السقاير اللي كثر منها قبل نومه لتخفف المه !! (كانت ام ثامر تشيك على غرفة ولدها مره بكل ساعه ,,كان الكل ينظر لمحمد نظرة استعطاف لانه متعلق بجوج بزياده) ..
فتحت ام ثامر الباب,,وقالت صح النوم يمه تبي فطور؟؟....(محمد):لا....
(ام ثامر) :طيب تبي غداء توه جهز,,
(محمد) لا...
(ام ثامر) طيب ياحبيبي اللي يريحك وطلعت...
( محمد مو من عادته انه يرد على امه بهالجفاف !..لكن امه حنت عليه هالايام وعاذرته.......
محمد بعد ماشيك على جوالاته طلع من غرفته متوجه لمكتب جوج
( جوج كثير تحب مكتبها ,,ودائم تجلس فيه,, مكتبها ذات اللون البني الفخم يعتبر مكان مقدس عندها.....ملئ بالكتب الثقافيه,,,
وكتب تطوير الذات,, وكتب علم النفس,,وكتب تخصصها,, وغيرها من الكتب ...)
فتح محمد باب المكتب وقال في نفسه غريبه من جوج تروح وماتقفل مكتبها !!!
دخل وجلس عالكرسي ,, رائحة عطرها عالقه بالمكتب ,,,الجرائد ملقاه على طاولة مكتبها,,,
رفع السماعه على الخدم بالمطبخ,,,
(الخادمه) الوو ...
(محمد) سوليتا سويلي كابتشينو وجيبيه لمكتب جوج ...
(الخادمه) اوكي
جلس يناظر بالجرائد ,,كانت الجرائد بتاريخ قبل اليوم اللي سافرت فيه جوج....جلس محمد يفكر ويربط المواضيع , واستنتج ان هناك شئ صار لجوج قبل السفره بيوم !!
التفت محمد يمين يسار ,فتح الادراج, يوجد فيها مجلات,اوراق تخص الجامعه,وغيرها من الاوراق الملئيه بخربشاتها وببوحها
(يبحث محمد عن شئ او سلك يوصلها لسبب غموض سفرتها )
لم يعثر الا على خواطر تبوح فيها وقت فراغها ,,, امسك بورقه مكتوب فيها ...
(والدي).. اتصدق انني اشتقت اليك ! اشتقت لكلامك الذي لم اسمعه,,اشتقت لحنانك,, اشتقت لكلمة ابوي انطقها بيوم ,,فقد صورك التي بقيت بعد وفاتك,,وسيرتك الطيبه التي اسمعها حتى الان ,,,,,,,الخ)..........
دمعت عيون محمد وخنقته العبره ,قفل الورقه ورجعها بالدرج,,مايبي يكمل الباقي ,,مايبي يعرف انها كانت تحتاج لابوها بشده) جلس محمد بمكتب جوج وهو يشرب كابتشينه ,ويتامل بكل جزء بمكتبها ,,يفتقدها,,يحتاج لها ،،
____________________
(في روما) ....
عشق روما مغروس بقلب جوج,,لاشك تعتبر بلاد الاساطير وعاصمة ايطاليا ,,يكثر فيها الاثار التاريخيه والمتاحف الفنيه الشهيره ,, روما غير عن كل مدينه او دوله زارتها جوج!!
تعتبر بلاد العجائب,, حتى ان الصور التذكاريه التي التقطت لجوج ولبنات عمها حاطتها بالبوم لحاله,, لان هالصور غير عن كل الصور التي التقطت لها عبر السنين !
اختارت جوج هالمدينه خصيصا لانها في كل مره تزورها تذهل باماكن واثار رومانيه ماكتشفتها من قبل ......لذلك ايقنت ان رووما ستنسيها همها ...!
بعد مارتاحت يومين بشقتها بدا وقت برنامجها وتجولها,,,
اتصلت
على سائق التاكسي الامريكي, رام , الذي اخذت رقمه بعد ماوصلها من المطار وتعاقدت معه لمدة اسبوع ,,,,
(جوج) :good morning ram
(رام): good morning gog
(جوج) com know to go to the street via : condotty i want shopping
(رام) ok ........
وصل سائقها بعد خمس دقائق من اتصالها ,,راحت جوج للتسوق في شارع كوندوتي ,,(يعتبر هالشارع من اهم الشوارع للتسوق ,,فيه اشهر المحلات ودور الازياء العالميه مثل جوتشي ,,بولجاري,,وفالنتينو,,جوج كانت تحس بغرابه,,تتسوق بمفردها ,,لكن كثرة المحلات وكثرة الاشخاص جعلت وقتها يمر بدون لاتحس
________
قررت جوج بعد عمل شوبينق شاق ومتعب ان تروح لمطعم ,,وجاء فبالها مطعم (برجولا)
يعتبر افخم مطعم في روما والطباخ فيه الماني وهو (هاينزبك) الحائز على شهادة كافه النقاد بانه رقم واحد منذ سنوات ,,لاينافسه في هذه الدرجه اي طباخ ايطالي,,دخلت جوج المطعم الرائق ,,,ابتسم لها الوايتر( النادل) واقترب منها رحب بها وسالها ,,اذا معها اشخاص او شخص يريد الحضور,,,جوج ردت على النادل (لا) .......
استغرب النادل من دخول فتاه جميله ,,فاتنه,,لايوجد معها من يرافقها لمشاركتها في عشائها !!
تحت جو رومانسي لامثيل له,,,جلست جوج تنتظر اكلها وهي تتامل من حولها ,,عشاق,,اصدقاء,,صديقات,,
(جاء فبالها محمد)
قالت بنفسها (سبحان مغير الاحوال) قبل 6 سنوات عزمها محمد عالعشاء تحت جو عاطفي, حالمي, تحت تاثير عباراته المعسوله التي تجعل قلبها طائر في الهواء.........
يقطع شريط ذكرياتها صوت النادل,,miss ,do you went a few drinks before dinner
(جوجno (
(النادل)may i ask question (ممكن اسالك سوال),,
(جوج) of cours, yes (طبعا,تفضل),,
(النادل) why you sad (لماذا انتي حزينه)
................
سوال النادل عن حزنها اللي يسكن بعيونها فاجائها حتى انها ارتبكت ماتدري وش ترد(النادل) احس باحراجه قدام جوج فقدم لها اعتذاره,,(النادل) صار يهتم بجوج وطلباتها طول فترة عشاءها حتى انها بعد ماخرجت,,راح معها وفتح باب التاكسي مودعا تلك الفتاه الحزينه,,,,,,

رجعت جوج لشقتها بعد يوم متعب الا انها استمتعت وهي تتسوق وتتجول بشوارع روما,,,جوج مستلقيه ع سريرها,,جاها فضول تفتح جوالاتها ,,,من اول مافتحتها وصوت المسجات ماهددت ولاتوقفت,,,جوجو عارفه انها رح تلاقي هالكم الهائل من المسجات ,,تردت انها تفتح اي مسج منها,,,قالت (اقرا المسجات؟ اوماله داعي اعور راسي ,,,,امممممم بسم الله رح ابدا)
بدت جوج تقرا مسجات محمد محتوى رسائله كانت طلب استعطاف واسترحام منها انها ترد عليه او تطمنه ع الاقل ,,
ماهتمت جوج بكل هذي التوسلات ,,الا انها في اخر مسج صعقت لما قريته ,, كان موعد ارسال المسج قبل ساعه من فتح جوالها ,,كاتب بهالمسج
((جوج والله العظيم لوماتصلتي لاجيك برووما وادورك بشارع,شارع وبكل مكان لين اطلعك من تحت الارض))!!
(جوج) يمه (مخترعه)!!وش عرفه اني بروما !!,,,اخاف يسويها ,,افففف يارربي وش اسوي الحين !.........
( محمد وصل لمرحلة ماقبل الجنون,,,ماينلام حبيبته تترك الدنيا وتهج ,,,
قرت جوج مسجات ساره وديمه وريما كانت كلها متفقه على نفس الاسئله ,,نفس العبارات,,نفس الصدمه,,من ضمن مسجات ساره كان مكتوب هالنص((جوج,,,الدنيا ظلمه بعيوني,,احس انك مو موجوده بالحياه,,,احس اني بفقدك للابد ,,كلامك اللي ارسلتيه لي كل يوم اقراه عشرين مره وابكي,,,اررحمي اختك الله يسعدك))
كلام سارونه ادمع عيونها ,,تذكرت المها وتذكرت سبب رحيلها بكت بصوووت مرتفع ,,بمكان الغربه لااحد بجانب جووج ,,
حتى ام جوج ماتسال عنها الا مره بكل 3 شهور,,منغمسه بحياتها مع زوجها واولادها,,,انجبت ام جوج 4 اولاد فقط وعلاقة جوج فيهم رسميه لان امها اخفت عنهم ان عندهم اخت ,,وعرفو بعد ماكبرو وصارو مو متقبلين جوج او بالاصح مو متقبلين ان تطلع لهم اخت فجاه,,,,ام جوج لاتعتبر مثالا للام ,,جوج تشتاق لابوها اللي مات من طفولتها اكثرمن امها اللي على قيد الحياه
____________________
جوج تفكر تقول لهم على اللي صار....على اللي خلاها ترحل..على اللي خلاها تسافر....او تسكت؟؟ او ترسل لمحمد حتى يعذرها او ..........
جوج محتاااااااره ماتدري وش تقول؟؟وش تسوي؟؟ وكيف تتصرف؟؟
فجاه رن جوالها
(شهقت جوجو من الفجعه نست انها ماقفلته,,ناظرت بالجوال المتصل^حمووودي^ جلست تناظر بالاسم مو قادره ترد,,طفا الاتصال وثواني سريعه الا بالاتصال الثاني من محمد,,اتصل مره ثانيه وثالثه ورابعه وخامسه ,,
وبعدها ارسل لها رساله ,,فتحت جوج الرساله وهي خائفه مكتوب بالرساله(انا جايك بالمطار).......
(جوج) :هااااااااه؟ حمودي بيجي لالالالا,,,,,,,مو معقوله ياربي....رفعت راسها للسماء وهي تبكي,, بكت جوج لان سرها كان صعب في بوحه وكيف تبوح لمحمد وسبب الجرح هو والده!! وعمها .....
كان اللي يفصلها بينها وبين وصول محمد 6 ساعات فقط ,, استرخت جوج تبي تاخذ غفوه ماقدرت من التفكير,,,
(سالت نفسها مليون مره اقول له ولا لا؟؟........وسالت نفسها عشرين مره,,طيب كيف اقول له كيف ابدا؟.......
تمر الساعات وراء بعض الا ان جاء وقت وصول محمد ,,,كل
ماقترب موعد وصوله اكثر كل ماتزيد نبضات قلبها,,
جوج جالسه ع اعصابها وقفت على نافذتها تناظر في الشوارع, في البشر, في المحلات, في السيارات,
(صوت المسج) يلفت انتباه جوج,, راحت شافت جوالها المسج كان من محمد كاتب:
(انا توني وصلت مطار روما,,لو ينقفل جوالك مايصير خير,,ارسلي اسم الاوتيل اللي انتي فيه).....
ارسلت له جوج اسم الاوتيل (دي روسي) مو مصدقه جوج ان سبع ساعات راحت في التفكير والتوتر!! ومو مصدقه ان محمد وصل بهالسرعه ,,
قالت بنفسها...ليه كذا الساعات تركض ؟؟ لييييييييييه؟؟
اتصل عليها محمد: الوو...
جوج: الوو
محمد:جوجو مو مصدق اني اسمع صوتك ؟؟ مو مصدق!! ليه كذا تسوين فيني,,,ليه ترووحين وتاخذين قلبي معك
جوج ماقالت ولا حرف الا ان دموعها سبقتها قبل حروووفها
محمد بصووت عالي : جوجو لاتبكين,,,انا بالتاكسي وقريب من الاوتيل,,ثواني واوصلك,,,,
قفل محمد من جوج وقلبه مقبوض للاخررررر,,حاس ان اللي صاير لجوج شى كبير,,شئ مجهووول
محمد سال السواق اكثر من مره كم باقي ونوصل ؟؟ مره رد عليه 15 دقيقه ومره 10 دقائق ومره 5 دقائق .....
الا ان وقف عند اوتيل جوج ,,,نزل محمد مسرع قال للسواق خل الشنط بالسياره بعد نص ساعه انزل ,,,
اخذ رقم غرفة جوج من الرسيبشن......اتصل ع جوج : انا عند الباب ....جوج: هااااه
محمد:قلت عند الباب ,,,,,,,,,
جوج مو قادره توقف من الرهبه , من الموقف الصعب,,,,فتحت جوج الباب : وهي تلمح طول محمد وضخامة جسمه ,,ماحطت عينها بعينه الا لمحه بعد مانتبهت ان محمد يناظرها بنظرات تعجب,, وجهها الذبلان ,, وجو شقتها الكيئبه كانت مبررات لحزن جوج الغامض ,,,,
جوج صارت ترتجف بعد ماجلست هي ومحمد عالكنبه ,,,محمد بصوت هادي :جوج انتي بخير ؟؟
جوج ردت على محمد ببكاء قطع قلب محمد عليها,,,,مسك بيدها وعيونه مدمعه ,,حاول انه ماينهار هو ايضا امامها ,, قال لها بصوت مخنوق: جوجتي الله يرحم اهلك قولي لي وش فيك ؟ وربي احس عمري ماعشت احداث غريبه الا لما سافرتي,,,,ترا مابي اعاتبك ليه رحتي ؟ وليه سافرتي بروحك , بس قولي من اللي زعلك وررربي رح انهي حياته ع يدي ,,بدت جوج تبكي اكثر وبصوت مرتفع ,,,
جلس يناظر محمد بجوجته ينتظرها لين تهدى ,جلس يناظر بشعرها,بنعومتها, بضعفها,,,
رفعت جوج راسها وقالت: محمد بقول لك ,,بس لاتقول لاحد وخصوصا ريما وديمه ,,مابي ابوهم يصغر بنظرهم
محمد: هاه ..ابوووي ! وش فيه ابووي؟؟ وش دخله ؟؟ بدت جوج تشرح وش صار معها مع عمها بالتفصيل .....
((بيووم كان ابو ثامر بعمله جلس يدور على اوراق مهمه ضائعه ,, راح لمكتب محمد اللي بجوار مكتب ابوه,, سكرتير محمد ماقدر يمنع ابوثامر من الدخول ,,لان اللي بيدخل ابوه مو شخص غريب...محمد كان دائم ينبه سكرتيره بان يمنع ايا كان من دخول مكتبه اثناء غيابه ,,
دخل بوثامر وبدا يفتش باوراق محمد المنثوره على طاولته وماحصل اوراقه,,فتح الادراج جلس يقرا ورقه,,ورقه
لقى ابوثامر ملف مغلف ومغلق بالكامل,, صار يفتح اللزق اللي موجود عالملف^^قرا الملفات,,كانت الملفات تتضمن على مجموعه من املاك محمد مسجلها باسم جوج,,
صرخ بو ثامر اييييييش؟؟وش فيه محمد ماعنده عقل !!! يكتب اهم 4 مواقع ومحلات باسم جويج ؟؟ليه من تكوون ؟؟ لهالدرجه غاسله مخه ))
ابو ثامر صحيح انه ربى جوج ويحبها لكن تغيررت مشاعره 180 درجه بعد اللي قراه باوراق محمد ,,,ابو ثامر يحب المال , ورغم انه عايش بخير الا ان الطمع معمي قلبه.....
اخذ الملف بو ثامر وراح للبيت ,, وقال لوحده من الخدمات روحي نادي جوج ضروري ,,كان ذاك اليوم ماعندها جامعه,, نزلت جوج ودخلت المجلس وهي مبتسمه وقالت آمر ياعمي تقول انك تبيني
كانت نظرة بوثامر مملؤه بالحقد عليها ....
رمى الملف على وجه جوج وقال لها اقري وتعرفين انا وش بغيت
فتحت جوج الملف وهي ترتجف ..وتقول عسى خير ياعمي,,
جلست تقرا المكتوب ...مو مصدقه ان محمد مسجل نص املاكه باسمه ..جوج: وش ذا ياعمي؟؟ ......
بوثامر: مسويه نفسك ماتدرين ,,,,هاالحركات ماتمشي علي ,,,تغسلين مخ ولدي وتقولين وش ذا !! نتعب ونكد ليل ونهار وتجين انتي تاخذين كل شئ بارده مبرده ,,,ماقول الا حسبي عليك يامحمد مالقيت الا هذي تطالع بوجهها ,,سحب الملف بقووه من يد جوج وطلع من المجلس.........
جوج مو قادره رجوولها تشيلها من الصددددمه !! كلام عمها مثل السكاكين اللي تنغرز بالقلب ,,
كلام عمها انهى حياتها بل تمنت انها توفت قبل لاتسمع اللي سمعته ,,جوج مو مستوعبه ان عمها عشان الفلوس يسوي فيها كذا,,كان كلام عمها مثل اخر كلمة بالافلام the end(النهااااايه)
صعدت جوج لغرفتها منهاره ورمت بنفسها على سريرها بعد مافتحت لابتوبها وحجزت ع اقرب رحله لروما وبقيت يوم كامل بغرفتها..
,,,,,,,,,,,,,,,,,,,,,,,,,,,,,,,,,,,محمد بعد ماسمع كلامها نزل راسه وبكى ,, مومصدق ان ابوه
يصير انسان سيئ عشان فلوس !! جوج: بصووووت عالي انا كرهت كل شئ يامحمد,,كرهت عمي وكرهتك وكرهت البيت وكرهت حياتي وكل شئ كلللللل شئ وتدخل في نوبة بكاء شديده ,,,
ماكان بيد محمد شئ يسويه الا انه شاركها بكائها,,شاركها جرحها,,شاركها صدمتها,, بعد فتره طووويله من البكاء قال محمد لجوج: امسحي اللي سواه ابوي بوجهي ,,اصلا هذي فلوسي وانا حر فيها حتى لو ارميها بالبحر ماله دخل,,وانتي ملكي انا واملاكي هي املاكك وان شاء الله اذا تخرجتي من الجامعه نتزوج ونكون اسعد زوجين..
جوج بصوت مخنوق: محمد ابي اطلب منك طلب واذا تحبني لا
تردني........
محمد:عيوني لك آآآمري
جوج: ابيك تلغي كل شئ كتبته باسمي ,,وزواج انا كنسلته وابيك تنساني وانا بعيش بروحي مااابي احد
محمد: وش تقوووولين؟؟؟!! صاحيه انتي !!
جوج: ياليت تسوي اللي ابيه باسرع وقت
محمد: جوج انتي كل شئ بحياتي ,,انتي قطعه مني ,, انا مقدررر اعيش بدونك ,,وربي الكل يحسدنا عالحب اللي عايشين فيه ,,
قاطعته جوج: محمد اطلع برا...
محمد حس ان الارض تهتز من تحته ,,وان الجدران تدور فيه ,,حتى جوج كان بينه وبينها مثل السحاب ,, كلام جوج خلى كل شئ بالكون يصمت حتى xxxxب الساعه اجبرت عالتوقف ,,
محمد مسك بيد جوج متوسل لها ,,بس جوج اصرت على كلامها واجبرت محمد انه يطلع برا,,,
اقفلت جوج باب شقتها وطاحت من طولها ,,تبكي على بابها ,,تبكي على جرحها,,وتبكي على وحدتها,,,,
محمد خرج من الاوتيل ,,تائه مايدري وين يروح,,وكيف يروح ويخلي جوج وراه تنزف الم,, لما نزل كان السائق منتظره ومعصب لتاخير محمد,,,ركب السياره وقال للسائق وقف عند اي اوتيل موجود بهالشارع.......
______________________
عالغداء جالسين ريما وديما وابوهم وامهم
ابوثامر:وين الشباب؟
ام ثامر:كلهم بدواماتهم
ابوثامر:وينه محمد؟ ماشوفه جاء مكتبه اليوم
ام ثامر:والله ماشفته يوم طلع,,بس مقفل غرفته اذا ماخاب ضني انه سافر لجوح
ابوثامر: هااه !! سافر لها ,,وليه يسافر هي مثل ماراحت تعرف ترجع
ام ثامر: خله يسافر ماهدت باله من يوم راحت,,الله يطمن قلب ولدي
ريما: ياررررب يرجع ومعه جوج
ديمه: يووووه وش كثر اشتقت لها
__________
محمد بعد مادخل غرفته بالاوتيل اخذ جواله يبي يتصل على ابوه
رن جوال بو ثامر وهو داخل غرفته بعد ماخلص غداه ناوي ينام
بوثامر:الووو
محمد بصوت هادي:هلا
ابوثامر: انت وشهوله تطير لها خلها ترجع بروحها,,مثل ماعرفت تروح تعرف ترجع
محمد: مو شغلك !! هذا شئ يخصني
بوثامر: هاه.....تكلم ابوك كذا ماتحشمني ياللــ ,,,,,,
قاطعه محمد:انا عرفت وش سويت لجوج...ماقول الا ان الدنيا دواره ..مثل ماظلمت هاليتيمه بيجي يوم احد يظلمك,, وايه صح شغل معد ابي اشتغل معك ,,مابي اشوف ايميلات الشركه توصلني مع السلامه...طوط,,طوط ,,,,,,
ابو ثامر جلس يناظر بجواله مو مصدق هالكلام من محمد وجلس يتحسب عليه...((انسحاب محمد من شغله اقلق ابو ثامر,, لان محمد دائم معه,, ثامر لما ياخذ اجازات يتكفل محمد بالقيام بمهامه وبمهام اخوه على اكمل وجه))
مشكلة جوج مع عمها كانت سر مخبى عن الجميع ماعدا جوج,ومحمد,والعم..
___________________
في الجامعه,, داومت ساره بعد انقطاع اسبوع ,,كانت اسئلة بنات الشله وصديقات جوج تسبب لها ازعاج ,,ردت عليهم ساره انها تعبانه ورح ترجع بعد ماتخف,,ساره صارت ماتجلس مع البنات تحظر محاظراتها وتطلع,, عدم وجود صديقتها معها يمثل بالنسبه لها انكسار لانها ماتعودت على غياب جوج
,,,,,,,,,,,,,
محمد رغم التعب ..ورغم الارهاق ..ورغم تحطم احلامه.. حلم الزواج بجوج,,حلم طفولته اللي كبر معه,, رغم كل هذي المتعاب والالام ,,الا انه مو قادر يجيه النوم
ولع سقارته ووقف عند نافذته ليطل عالشارع,,ناظر بالمحلات وبالناس,,وبالمطر,,ناظر باوتيل جوج اللي بالشارع المقابل,,
تعمدت محمد ان يسكن باوتيل قريب منها ,,حتى يحافظ عليها وينتبه لها من بعيد,,تامل بالمكان اللي تجلس فيه على انغام كاظم الساحره ,,اراد محمد ان يسمع هالاغنيه بالذات لانها تذكره بجوج بل قال لها مره ان هالكلمات احس انها مكتوبه فيك,,
((فرشت رمل البحر ونامت وتغطت بالشمس,,وصارت مثل النار اعصابي يمتى الحلوه تحس,,,,طيووورك يابحر تغازلها وتشرب من ايدها,,,,, وامواجك تركض فرحانه وتبوس رجليها,,,,والرمل يذوب من الغيره يحضنها يغطيها,,,,وانا مثلك يابحر واكثر معجب جدااااا بيها,,,,,,,,,ياصاحبة الجسد الخمري ,,,رمل البحر ادفى او صدري,,,,من عمري لعمرررك ياعمري ,,انتي تمني وبس,,,,,
ياااااا شمس انتظري ولاتغيبي ,,,,خليني استمتع بحبيبي,,, هي حياتي هي نصيبي هي حبيبتي وبس))
غنى محمد مع كاظم هالمقطع الاخير ودمعت عينه (( هي حياتي ,,هي نصيبي,,هي حبيبتي وبس))
.............
محمد صاحب القلب الحنون,,صاحب الابتسامه الساحره,, تحولت حالته من حالة رجل الى حالة طفل ضائع,,,,
قرار جوج اللي محت كل شئ كان راسمه محمد في طريق المستقبل,,كانت جوج وحدها مستقبله ,,وحدها جنته,,وحدها حياته,, بل الاكسجين اللي محمد كان يتنفسه
في الصباح في اليوم الثاني,,,,اتصل محمد على امه وخبرها انه وصل بالسلامه,,وانه شاف جوج وهي بخير ,,وقال لها طمني البنات ريما وديمه,, وقال ان جوج كانت متضايقه منه لانه زعلها بدون لايدري,,وعشان كذا سافرت,,وخبرها انه كم اسبوع بيجلسون ورح يرجعون,,وبعد دعوات ام ثامر الحلوه المعتاده قفل محمد الخط ........

................................................