[دلوعه وااايد]

محمد بعد ماقفل من امه,,حس انه يبي يتكلم مع جوج ,,يبي يرجع المياه لمجاريها,,اتصل على جوج,,,
محمد: جوج بنطلع مكان نتكلم فيه
جوج:محمد انا قلت لك اللي بينا انتهى,وانساني الله يخليك
محمد:جوج اللي تبينه رح يصير,,بس خلينا نطلع ,,شوفي الجو جنااان واحس الاماكن اللي دائم نزورها تنادينا,,,انسي اني محمد واعتبريني صديق يشاركك بجولاتك,,,
جوج:ساااااااكته
محمد:يلا انا ابي اتجهز والبس نطلع نفطر مع بعض
جوج:اوكي..اجل تعال عند الاوتيل,,انا متفقه مع سائق يوصلني كل يوم
محمد:اوكي دقائق واكون عندك
_______
نزلت جوج من الاوتيل وهي رافعه شعرها وحاطه الروج البينك الفاتح,, والجاكيت الطويل اللي يوصل لركبتها وشايله بيدها شنطه
كان بانتظارها محمد,,مدت يدها لمحمد وسلم,,محمد قال لها صباح الحب وردت عليه صباح النور,,ركبو التاكسي ومشو
,,,,,,,,,
السائق الامريكي رام اللي يتميز بمظهره الانيق وملابسه المرتبه
(كان مصدر ازعاج بالنسبه لمحمد) رام طول الطريق يسولف مع جوج ,,وجوج تاخذ وتعطي معاه,,,,محمد ساكت لانه مجرد صديق مثل ماقال لجوج,,,,
كانت جوج تناظر بالشوارع والمحلات والمعالم ,,مرو من عند معلم تاريخي وهو(نافورة تريفي) يعتبر هالمعلم من ضمن المعالم التاريخيه اللي لها ذكريات عند جوج ,,اللي كل شخص يزور هالنافوره لابد ان يلقي فيها قطعة نقود,,ومن الاساطير التي تروي عن هذه النافوره ((ان كل من يلقي بداخلها قطعة نقود,,لابد وان يعود مره ثانيه لروما))
_________
وصلو للمطعم ,,ووصل فطورهم,,كان فطورهم هالمره غير,,مافي تعليقات ساخره,,اومزح وضحك,,ولافيه سوالف عن المستقبل كعادة جوج ومحمد,,,,,,
كانو يفطرون وهم ساكتين,,بعد ماخلصت جوج فطورها جلست تنتظر محمد يخلص,,حاولت تشغل نفسها باي شئ ,, مسكت جوالها جاء فبالها ساره لانها ماطمنتها ,,كتبت مسج لساره
((ساروونه حبيبتي,,انا بخير لاتشيلين هم,,كل مافي الموضوع اني زعلت من محمد,,ومحمد معي,,ان شاء الله كم اسبوع ونرجع))
كذبت جوج نفس كذبت محمد رغم انهم ماقالو لبعض!بعد ماخلص محمد فطوره,,,,,قام هو وجوج وركبو التاكسي,,قالت جوج لمحمد انها تبي تزور معلم تاريخي وهو(المدرج الروماني)
رحب محمد بفكرتها وقال اللي يريحك,,يتميز هالمدرج ببناءه المذهل ,,يوجد به درج كبير,,وكل درجه مرتفعه عن الاخرى,,والابواب كبيره والجدران ضخمه وقويه,,وكان المكان يعيش فيه العمالقه,,,تجولا بهالمكان لمدة 5 ساعات,,جوج ماحست بالوقت ,,كان المكان جدا رائع,,غادرته جوج وهي تقول لنفسها ان شاء الله ارجع له مره ثانيه,,,بعد رحله ممتعه قررت جوج انها ترجع لشقتها,,قالت لمحمد:انا تعبت خلاص ابي ارجع
محمد: وانا بعد مثلك مشينا مشي كثير,,جوج محتاجه شئ من السوبرماركت,,,,,,
جوج: لاشكرا كل شئ موجود عندي,,رجعت جوج لشقتها بعد ماصعد محمد معها لين دخلت ,,,
محمد بعد ماوصل جوج رجع لاوتيله ....كانت الساعه 9 ونص المساء ...
اتصل محمد على سكرتيره ,,,طلب منه ان يجمع كل الاوراق والملفات والمستندات الخاصه ويحتفظ بها عنده,,لما يرجع ,,وقال لسكرتيره بعد ماتجمع اغراضي سلم مفتاح المكتب لابوي!! تفأجا السكرتير من طلب محمد ,,,حاول ان يعرف ليه؟ بس محمد ماقال له شئ او اي مبرر,,,,,,,,,,,,,
استرخى محمد عالكنبه ,,بعد مااخذ جواله,,جلس يناظر بصوره وبصور جوج لما كانو بجده,,صور بالبيت وصور بالسياره وصور بالمطعم ,,, كل الصور كانت تشير الى انسجام محمد بجوج وتوافق ارواحهم,, كانت الصور تعطي اشاره لمحمد انه كان عايش بسعاده,,, عايش سنين وحبيبته معه كل يوم يشوفها,,ويتكلم معها,,يطلعوون,,يسهرون,,يتسوق ون,,خلاف حال اغلب العشاق اللي يعيشون سنين من الفراق والحرمان,,,
نظر محمد للسماء وقال,,الله يسامحك يابوي,,مالقيت الا جوج تقسى عليها,,ياليت قسيت علي,,ياليت جيت وواجهتني قبل لاتروح لها,,,,,,,,
جوج كل ماناظرت بمحمد تتذكرعمها يوم ظلمها,,عشان كذا قررت ان تنهي علاقتها بمحمد,,وتلغي فكرة الزواج من راسها ,,,,,
قرار ابتعادها عن محمد ماكان سهل عليها ابد,,قلبها ينزف جرحا اخر غير جرح العم,,,تدري انها رح تعاني شهور,,سنين,,بس اصرت على كلمتها عشان تثبت لعمها انها مو طمعانه بفلوس ولده مثل مايقول,,,وانها ماتهمها الماده مثل ماتهمه هو))
,,,,,,,,,,,,,,,,,,,,,,,,,,,

جوج كانت دائم تقول لمحمد انها تحتاج للاشياء المعنويه اكثر من الاشياء الماديه,,,,قالت هالكلام يوم اهداها محمد عقد الماس في عيد ميلادها الثالث والعشرين,,,,مثل أي يتيمه بالدنيا تحتاج الى من يمسك بيدها ويوصل بها الى بر الامان ,,خصوصا لانها فقدت ابوها,,وامها تخلت عنها ,,,,,
سماء روما كانت سوداء اللون تمتزج بها حمره غامقه ,,كأنها تشارك العاشقان احزانهم ,,كيف لا ! وهي شاركتهم اجمل لحظات عمرهم لما زاروها قبل سنوات,,,
جوج جالسه تتفرج عالتي في وتاكل شيبس,,صوت جوالها يعطي منبهاً لوصول رساله اليها,,,اخذت جوالها وكان المسج من ريما بنت عمها تقول (ارحمينا ياجوليت تهجين وماتقولين لنا !عشان حمودي زعلك ,,آآآآآآه منكم لايقين على بعض اثنينكم مجانين ,,عمووما ارجعو بسرعه حدنا مشتاقين لكم ننتظركم)
ابتسمت جوج بسبب لكاعة بنت عمها,,وبنفس الوقت حزنت ,,لانهم يعتقدون ان الموضوع سهل,,ومايدرون انهم تحت سماء وحده ومتزاعلين,,وجروحهم تنزف على بعض,,,
,,,,,,,,,,,,,,,,,,,,
مع بداية صباح اخر,,صباح مدينة روما الساحره ,,صباح مدينة العشاق,,,صباح رومانسي بحت ,,,صحى محمد بعد مادق منبهه على الساعه السادسه صباحا ,,البرد كان مشتد شوي,,ومحمد يتثاقل بالقومه ,,الا ان وراه مخططات ناويه براسها اجبرته عالقومه
بعد مااخذ دش ولبس ونزل من الاوتيل ,,يبي يستاجر سياره ,,راح للمحل اللي دائم يروح له واستاجر سياره لمدة اسبوعين ,,,
محمد مااتصل على جوج ,,لانه ناوي اسبوع كامل يبتعدون عن بعض عشان كل واحد يفكر براحته,,,
محمد فضل الابتعاد ليفكر بعممممممق كيف يحل هالمشكله ,,وخصوصا هالمشكله معقده من 3 اطراف (جوج, بوثامر,محمد) محمد يضعف كثير قدام جوج تكون عواطفه وقتها هي المتحكمه فيه وبتفكيره,,فقرر الابتعاد ليفكر بعقله مو بقلبه
,,,,,,,,,,,,,,,,
جوج صحت من نومها ناظرت بجوالها ,,استغربت مالقت أي اتصال او مسج من محمد,,بعد مافطرت نزلت لتكمل جولاتها مع سائقها
,,,,,,,,,,,
محمد تعاقد مع (حارس شخصي) ليقوم بمراقبة جوج بدون لاتحس,,صار كل ساعه يتصل على مراقب جوج ,,وعرف تحركاتها والشوارع والمحلات اللي تروح لها ,,اهم شئ انه يتطمن عليها
,,,,,,,,,,
صح ان جوج انغمست وراء الشوبينق والموضه والازياء ووراء الاثار والاماكن التاريخيه والرومانيه,,الا ان قلبها لايهدا في السؤال عن محمد,,تسال نفسها غريبه مختفي محمد؟؟غريبه مااتصل؟ ماارسل ! معقوله 7 ايام لاحس ولاخبر!!
يقطع حبل تساؤلاتها المسج اللي ارسله محمد لها يقول
(الى حبي ,,جوج مهما ابتعدي عني تاكدي مردك لي,,مردك للقلب الحنون,,ماهو غرور ماقلت هالكلام الا انا متاكد منه,,عموما انا تعمدت اني مااتصل اسبوع عشان مابي اضايقك اولا,, وثانيا عشان نفكر بقرار مصيري لحياتنا قبل لانرجع السعوديه ,,الجوء يساعد عالتفكير بهدوووووء وبعمق,,اذا احتجتي أي شئ انا موجود,,وتحت امرك)
جوج فكرت بكلام محمد,,وكلمة قرار مصيري اوجعت قلبها ,,لانها في حالة تشتت ذهني وعاطفي ,,في حالة جرح والم ,,حست باحتياج شديد لمحمد,,احتياج يفوق حاجز الكرامه,,وحاجز الثقل,,بكت من قلبها لضياعها,,,
,,,,,,,,,,,,,,,,,,,,
في الصباح نزلت جوج مع سائقها رام,,كانت مشتتة التفكير,,ماتدري لوين تروح,,اقترح عليها سائقها بعد ماعطف ع حالتها ,,انها تروح لساحة (نافونا)
تتميز هذي الساحه بكثرة الرسامين يعرضون لوحاتهم للبيع,,لوحاتهم تتميز بقوة الدقه وبافكارها المدهشه,, تجولت جوج بهالمكان ولفت انتباهها احد الرسامين في عمر الاربعين شعره ابيض للكتف اقتربت منه جوج ,,يقوم هالرسام برسم الاشخاص بأعجووبه ,,اذهلت جوج برسماته وطلبت منه ان يقوم برسمها,,جلست عالكرسي بعد ماسلمته الفلوس,,رغم ان مدة رسمه تستغرق ساعتين ,,الا انها انبسطتت كثير بعد ماسلمها لوحتها ,,كان الرسام طول مدة الرسم يأمر جوج انها ماتتوقف عن الابتسامه لانه اعجب بابتسامتها الناعمه,,شكرت جوج الرسام ,,واثنت عليه وقالت له انه رسام بارع,,مبددددع,,وخطيرر
جولتها لهالمكان تعتبر فريده من نوعها لانها رفعت من هرمون السعاده لديها ,,,,,,,,,
رجعت جوج لشقتها ,,اخذت شور,,شغلت التي في ,,وبالها ساهي للاخرر ,,سهت جوج بمصيرعلاقتها بمحمد!! كيف رح تكون؟؟ وش اللي يصير ؟؟ ومتى ؟؟ وغيرها من الاسئله ؟؟؟؟؟؟
تذكرت اول ماوصل محمد لها,,يبكي عندها متوسلاً منها ان لاتربط انتهاء علاقتهم بتصرف ابوه,,,,تذكرت انه كان المسؤل عنها خلال السنوات الماضيه,,,تذكرت الهدايا,,تذكرت الصور,,كان شريط ذكرياتها يمر امامها سريعا,,بهالشريط اثبت لها ان محمد ولاعمره زعلها بيوم,,,اوحتى ضايقها بكلمه,,لما كان ثامر يهاوش البنات الثلاثه على التاخير بالرجوع للبيت,,,كان محمد يقول له مالك دخل بجوج,,ثامر قال لمحمد اكثر من مره ان جوج مثل اخته ولازم يهاوشها حالها حال ديمه وريما,,الا ان محمد مااقتنع بكلام اخوه يخاف عليها,,يخاف احد يضايقها,,,,
دمعت عيون جوج وقالت بنفسها,,,ياررربي شلون قلت له هالكلام ؟؟وكيف قلت له اطلع برا؟؟وكيف قلت له انساني؟؟
لاشعورياً اخذت جوالها واتصلت على محمد ,,,محمد طار من الفرحه مو مصدق ان جوج متصله رد محمد:هلالا والله
جوج بصوت واطي:محمد كيفك؟؟
محمد:بخير ياقلبي,,آآمري
جوج مو قادره تتكلم بكت بصوت عالي,,كان صوت بكائها يتعب قلب محمد
قال لها:جوج فيك شئ؟؟
جوج:صممت من طرف جوج
محمد:انا جايك الحين,,,مع السلامه
قام محمد من طوله مسرررع رايح لجوج
جوج ماقامت عشان تحط عطر مثل عادتها,,ولاقامت تحط روج,,او تنسق بلبس تلبسه امام محمد,, الشئ الوحيد اللي سوته انها تحاوووول تمسك نفسها من البكاء امام محمد,,,
رن جهاز شقتها,,قامت تمسح دموعها,,وفتحت الباب,,
بعد ماجلسو وجوج راخيه راسها ماتبي محمد يشوف اثار البكي
محمد:وش فيك قلبي
جوج:بكلام متقطع,,,محمد انا اسفه
محمد امسك بيدها:على ايش يارروحي
جوج:انا قسيت عليك وقلت لك كلام مدري وشلون قلته,,صح انك مالك دخل فأبوك بس ,,,,,,,,,وتبدا بنوبة بكاء
محمد هدا جوج وقال لها: انا مقدر وضعك,,ومو زعلان منك,,انا اصلا مقدر ازعلك منك,,جوج انا عاذرك على كل شئ سويتيه ,,جرحك هو جرحي,,انا قاطعت ابوي ,,وانسحبت من عملي
جوج:هااه,,الله يخليك يامحمد لاتسوي كذا ,,الحين عمي يكررهني
قاطعها محمد:انا اعرف كيف اتصرف!! المهم انتي لاتكدرين خاطرك,,وانا جيت هنا عشان اخدمك,,عشان احميك,,
جوج اخذت جرعات من كلام محمد المعسول,,الذي هون على جرحها,,,وقف محمد بعد ماتاكد ان جوج بخير,,,مسح على شعرها وقال لها ابيك الحين تنامين زين,,,عشان بكرا باخذك نتمشى من بدري
جوج:ابتسمت وقالت ان شاء الله
طلع محمد من عندها بعد ماقبل يدها,,ترك وراءه طفلته,,وحبيبته,,
جوج بعد ماارتاح قلبها نامت ليلتها الاولى بدون دموع كسابق ايامها الماضيه ,,,

.....................................
في الصباح صحى محمد بنفسيه ممتازه,,,,,اخذ شور,,لبس البدله الرسميه ذات اللون البيج,,,,تعطر بمجموعه من العطور,,ناظر بالمرايه وابتسم لظهور شكله بالمظهر الكلاسيكي الفخم,,,
نزل محمد من اوتيله رايح لجوج,,,وقف عند اوتيلها ينتظرها,,
رائحة العطر اللي تفوح من محمد كانت سبب لانجذاب الفتيات له,,ليست فقط الرائحه,,بل مظهرره ,ظهر كرجل جنتل ووسيم ومغري,,محمد لم يهتم باحتكاك الفتيات ولا بمحاولتهن للتقرب منه ,,,,,
التفت فقط لجوجو وهي تنزل من درج الاوتيل مبتسمه وخجلانه
(جوج طلعت اكثراثاره وجماااال من محمد,,,الجاكيت الابيض الفرو وروجها الاحمر وشعرها البني الناعم,,ومشيتها الكيوت,,وابتسامتها الناعمه,,,,كيف ماتطلع مغريه وهي جلست ساعه ونص قدام المرايه تتكشخ)
فتح لها محمد باب سيارته وقال لها ياهلا بالطله ,,جوج بابتسامه هلافيك
___________
عند بائع الورد يقف محمد ينتظر البائع يخلص من تجهيز الباقه,,17 ورده حمراء لفت بتغليف لون ابيض لتبدو باقة ورد فاااتنه وفخمه,,,اخذ محمد الباقه وهو مبتسم ,,,رجع للسياره ومدها لجوج,,وقال: هل تقبلين هذي مني يااميرتي؟
جوج:ههههههههههههه مو لائق عليك الفصحى ابد
محمد:ايوالله مو لائق بس وش نسوي نتميلح,,عشان تخفين علينا وترحمينا
جوج:هههههه
,,,,,,,,,,,,,,
بعد تجول بالسياره لمدة ساعتين وقفو عند نهر,,يزين هالنهر البط الابيض اللي منتشر فيه,,,,جوج ومحمد جالسين يتأملان بهالمنظر
ناظر محمد بجوج وقال لها:تصدقين جوج
جوج:ايه اصدق ليه مااصدق؟!!
محمد: تو الدنيا حلوت بعيني,,لاني جالس معك
جوج بابتسامه:يسلموووو
محمديسلمو) بس! مافي تعليق ثاني
جوج: مثل شنهو؟
محمد:جوج لاتتلكعين ,,قولي وش شعورك الحين؟
جوج:اممممم خلاص طيب,,شعوري نفس شعورك بالضبط,, يعني كنت تائهه,,ضايعه,,مدري وش اسوي,,والحين....
محمد عيونه طايره بجوج:والحين شنهو؟
جوج:يووووه حمودي انحرج كذاا
محمد: ههههههههههه
طيب ياجوج خلينا نتكلم عن المشكله شوي ونحط لها حلول
جوج:حلول مثل شنهو؟
محمد:مدري نفكر مع بعض
((بعد التفكير وبعد القرارات اللي اتخذت,,قررو الاثنين اذا رجعو السعوديه انهم مايبينون لاحد عن موضوع العم,,جوج كانت شوفة عمها بعد الرجوع صعبه حييييل عليها,,محمد قال لها ان لازم يكونون احسن منه,,,حتى هو اللي هاوش ابوه ومااحترمه,,عاهد نفسه انه اول مايوصل رح يسلم عليه,,عشان محد يحس,,عشان استقرار العائله فقط,,وعشان استمرار سعادتهم,,,))
بعد ماوصل محمد جوج لاوتيلها,,امسك بيدها قبل لاتنزل وقال لها:
جوج اطلعي الحين ريحي وان شاء الله بالليل بمرك نطلع نتعشى,,فيه موضوع لازم اناقشك فيك
جوج: وشهو الموضوع طيب؟
محمد: عالعشاء رح تعرفين
__________________________

في المطعم وتحت انغام اغنية تايتنك ذات الكلمات الرومانسيه الرائعه
يتناولان العاشقان عشاءهما.....
محمد يبدأ في تعليقاته المرحه ويسكت,,ويبدأ يقول كم كلمه وبعدين يطووول ساكت!! محمد مشغول بموضوعه وشلون ومن وين رح يبدأ !!
جوج: حمودي,,مبين الموضوع شاغلك مرره,,يلا قول وش عندك
وارتاح
محمد:جوج صدق الموضوع شاغلني بس مو كثر تفكيري به,,انك تتقبلينه او لا !!
جوج انا اخذت قرار مع نفسي وضروري ضروووري توافقين الله يخليك,,لاتمانعين هالقرار بمصلحتنا حنا الاثنين,,
تقاطعه جوج: طيب وشهو هالقرار!!!
محمد: حنا لازم نتزوج اول مانوصل السعوديه..
جوج: هااااه,,,بدري,,وكيف الجامعه؟
محمد:لحظه..لحظه..كل شئ حسبت حسابه ,,,اولا:جامعه عادري رح تكملين..وثانيا: انا ياجوج معد أبي اسكن مع ابوي في بيت واحد
صعبه كل مااشوفه اتذكر انه ظلمك,,وحتى انتي صعبه عليك تسولفين وتضحكين مع ابوي,,ادري بتجامليني وتقولين رح اصبر عشانك,,لا لا لا موضوع ابوي حسااااااس جدا,,عشان كذا قررت حنا الاثنين لازم نبتعد عن بيت ابوي,,,شقتي رح أثثها سريع ونسوي العرس بسرعه,,
جوج جلست تناظر بمحمد وساكته تقلب الموضوع بعقلها وقالت:محمد والله مدري وش اقول,,خصوصا هالزواج ماكان فبالي ابد
محمد:لاتقولين ولاشئ ,,انا رح اتصل على واحد من اصحابي اثق فيه وبذووقه,,,ابيه يأثث الشقه بالكامل,,عشان بس نرجع أجهز تجهيزات العرس بسرعه...
جوج: محمد جد احس موضوع الزواج يوتر
محمد:يوتر بايش؟ كل شئ تامرين فيه رح اسويه,,انتي عارفه هالشئ مايحتاج اعيده عليك,,انتي خلي عنك هالدلع بس
جوج: ههههههه مو دلع,,,بس بجد حددده يوتر
محمد: ههههههههه
بعد ماخلصو عشاءهم,,اعطى محمد هديه لجوج(ساعه ودبله) ألبسها الدبله وطلعو من المطعم وحدهم مستأنسين
,,,,,,,,,,,,,,,
قرار الزواج,,,كان الحل الوحيد لمشكلتهم لانهم محتاجين العيش تحت سقف واحد,,وتحت استقلاليه بعيده عن تحكمات العم وجبروته