[دلوعه وااايد]

كان نهاية سهرة البنات روقآآآآن على اغاني اليسا ,,وسوالف
عن اخبار كل وحده فيهم,, لانهم لهم فتره ماشافو بعض ,,
اجمل مافي صداقة البنات هو اشتياقهم لبعض ,, والاجتماع
بعد انشغالهم بالحياه التي تشدهم الى منعطفات تبعدهم كل
البعد من الالتقاء ببعضهم ...
كل الصبايا انبسطووو كثير بهالجمعه المفاجئه والاهم من
كذا انها تحددت بيوم الكل كانو فيه فاضين....
.........................
بعد انتهاء الحفله ,,صعدو البنات لغرفهم كانو كثيررر مبسوطين
بشوفة صديقاتهم,, بس جووج كانت مررررهقه كثير
جوج اول مادخلت غرفتها رمت نفسها عالسرير
ريما: ههههههههه جوج وش فيك؟ امسحي الميك اب ع الاقل
جوج: ريوووم ,,,وربي مافيني حدددي تعبانه
ديمه: طيب خليك 5 دقائق نسولف شوي
جوج: ديموووووه بجد مالي خلقك,,خلوني انآآآم
ديمه: هههههه خلاص بدت الاخلاق تقفل,,صدق من قال النوم سلطآآن
طلعو ريما وديمه من الغرفه وجلسو يسولفون لين الصباح
....................................


هذا بالنسبه لحفلة البنات ,,اما جمعة الاولاد كان ملخصها
عباره عن كرة قدم ,, كرة طائره ,, شوي ,, سبآآآآآحه
الى نهاية الفجر

________________
من البكرا في المغرب ,,
نزل محمد من غرفته ,, لقى امه تتقهوى بالصاله عند tv
بروحها
محمد: مساء الخير يمه ,, وحب ع راسها
ام ثامر: ياهلا وغلا يامساء الورد
محمد: غريبه وينهم البنات ؟؟!
ام ثامر: والله من بعد حفلتهم البارح ماشفتهم ~ نائمين
محمد: ايه مو منهم من الرقص
ام ثامر بتعجب: هاااه ~~وانت وش دراك انهم رقصو
محمد: هههههه البارح لما جيت اخذ لبسي ,,سمعت صوت الاغاني
ام ثامر: اها ,,,ماقلت لي وش سويت بشقتك ؟؟
محمد: الشقه شبه جاهزه,, بس ناقصها رتوشات قليله
ام ثامر: الله يوفقكم
محمد: امين ,,,امييين
ام ثامر: ماكلمت ابوك ؟
محمد: لاوالله ,, بس بكلمه اليوم ان شاء الله
محمد: يلا سلام ,,تآمرين بشئ
ام ثامر: ابد سلامتك

...........................................
ام ثامر جالسه بروحها نادت الخدامه وقالت لها روحي صحي
البنات,,صعدت سوليتا لغرفهم
نزلت ريما وشعرها منكوش ويالله تشوف طريقها
ريما: هااه يمه ,,وش بغيتي ؟
ام ثامر: بدري,,وش هالنوم ! ابيكم تتقهوون معي ,, مو حلوه
القهوه بروحي
ريما: اوكي ,,اوكي باخذ شور وانزل لك
ام ثامر: صحي ديمه وجوج معك
ريما: لاجوج خليها تنام ترتاح
ام ثامر: طيب
________________________
ركب محمد بسيارته واتصل ع ابوه
ابوثامر: آآآالو
محمد: السلام عليكم
ابوثامر: وعليكم السلام
محمد: كيفك يبه
ابوثامر: بخيرالحمدلله,,,شلونك انت؟
محمد: بخير الله يسلمك ,, متى راجع ؟
ابوثامر: والله مدري الظاهر مطووولين
محمد: اجل مستأنسين ؟
ابوثامر: ايوالله الحمدلله
محمد: دوووم ان شاء الله,, توصي شئ ؟
ابوثامر: سلامتك
محمد: يلا في امان الله
ابوثامر: وانت بحفظه

قفل محمد الخط,,آآصوات اصحاب ابوه وسوالفهم وضحكهم تدل
على انه عآآآآآآيش جوه للاخر,,
ابوثامر منغمس كثيرر بحياته الخاصه مع اصدقائه ,,حتى انه
يقضي شهر كآآآآآمل مع اصحابه خارج السعوديه ,,ونادراً يسافر مع عائلته ..
.............................
جات ريما عند امها
ام ثامر: نعيماً
ريما: ينعم عليك
ام ثامر: اصب لك قهوه؟
ريما: ايوالله ياليت ,, حتى بعد الشور نعساااانه
ام ثامر: محد قال لكم اسهرووو لين الصبح
ريما: عاد تدرين يايمه,, ان عادتنا السهرر دائم
ام ثامر: والله مو زين,,نامو بدري واصحو بدري,, ذبحتني الوحده من الظهر جالسه بروووحي
ريما: هههههههه طيب خلي نومك مثلنا
ام ثامر: اعوذبالله,,,انا الصح من سنين وهذا نظامي,, المهم كيف حفلتكم البارح؟؟
ريما: والله انبسطنا كثير,, ليه ماجيتي تسلمين ع البناات؟
ام ثامر: والله قلت اخليهم ياخذون راحتهم
ريما: ههههههه لهالدرجه ثقل !! تدرين صاحباتي يموتون بسوالفك
ام ثامر: لاثقل ولاشئ ,, بس صاحبات جوجو يستحون مني
ريما: تصدقين يايمه,, رقصنا رقص حق سنه
ام ثامر: هههههه هذا اللي ذبحكم الرقص
ريما تشرب القهوه وهي مستمتعه : لبى قهووتك يمه هذي اللي
تروق المزاج
ام ثامر: عووافي,, اقول ريوم المسلسل اللي شفناه البارح على أي قناه؟؟ ماخليت ولا قناه ماحطيت عليها ,,مالقيته!!!
ريما: أي مسلسل؟؟
ام ثامر: المسلسل الخليجي اللي البارح
ريما: ههههههههههههههههه
ام ثامر بتعجب: وش فيك تضحكين؟؟
ريما: يمه الله يهديك كانت الحلقه الاخيره
ام ثامر: مسرع !! ماشفت منه الا كم حلقه
ريما: هههههه انتي تابعتيه معنا على الاخير
,,,,,,,,,,,,,,,,
جلست ريما مع امها يتقهوون ويتفرجون بالتي في
الساعه 12 صحت ديمه وجوج وكالعآآآآده سهر عالافلام والمكسرات
,,,,,,,,,,,,,,,,,
في اليوم التالي
قسمت جوج جدولها لتجهيزات العرس بمساعده ريما وديمه
كان التقسيم عباره عن شوبينق,,صالون ,,برنامج مكثف للعنايه بالبشره,, بروفات للمكياج,, وبروفات للفستان
جوج بتذمر: اففففففف والله مافي وقت نهائي
ريما: انتي هونيها وتهون,, لاتجلسين تتذمرين ,,وبعدين انتي حلوه ماتحتاجين لاهتمام مكثف
جوج: يوووه ادري ,,بس لاتنسين الاسبوع الاخير قبل العرس ابيه ريلالالاكس مابي اطلع ابد
ريما: ولايهمك انا وديوم نطلع نجيب الاغراض الناقصه وانتي ريحي ع قولتك ريلاكس
جوج: الله لايحرمني منكم,, وتحضن ريما
دخل محمد: احم ~ احم ترا اغار
جوج: ههههههههههه
ديوم: اقول ياشين التميلح..وبعدين ليه تدخل كذا بدون احم ولادستور,,طق الباب ع الاقل
محمد: والله الباب كان مفتوح,,لو مقفل دقيت الباب,, وبعدين وش دخلك انتي ,هذي غرفة جوج وانا امون
جوج: خلاص,,خلاص ماتخلون هواشكم
محمد: ايه صح,, جوج ابي اوريك الشقه بكرا وبناخذ معنا البنات
جوج: ايه بس انا سويت برنامج من بكرا يبدأ ,, والوقت مره ضيق
محمد: طيب يلا اجل الحين اذا ماعندكم شئ
ريما بحماس: ايه ماعندنا شئ
محمد: يلا ابي انزل السياره وبسرعه تعالو
جوج: ريما نادي ديوم ويلا
لبسو البنات عباياتهم وهم نازلين من الدرج
ام ثامر: ع وين لابسين العبايات؟
ريما: رايحين نشوف شقة حمودي
ام ثامر: الله معكم وانتبهو ع نفسكم
.................................
في السياره
سمح محمد للبنات بالكشف لان السياره مضلله بالكامل
محمد: وش تبون تسمعون؟
ريما: راشد الماجد
ديمه بصوت عالي: لالالالالا عبدالمجيد
محمد: وانتي ياجوج وش تبغين ؟
جوج: اممممم أي شئ موجود عندك
محمد: طيب انا بشغل السي دي الموجود ,,ونشوف وش يطلع,,ترا مدري وشهو ...
شغل محمد السي دي كان مكس ,,مجموعه من الاغاني الخليجيه
ديمه: هههههههه السي دي ارضاء للكل
وصلو للشقه ,,تغطو البنات استعدادً للنزول ,,دخلو الشقه شغل محمد النور
ريما: وآآآآآآآآآآآو
ديمه: حركات وش هالذوووق
محمد: طبعا هذا مو ذوقي,, ذوق طلال ,,جوج لازم تجيبين صورك بحطها فالبيت
جوج: الصوره الوحيده اللي بجيبها صورة الرسام
محمد: أي رسام ؟؟
ديمه: ايوالله تهبل الصوره
جوج: رح تشوفها اذا جبتها
ريما مدت يدها عالتحفه اللي على طاولة الطعام
محمد بصوت عالي: بننننننت
ريما: بسم الله,, بس بشوفها عجبتني التحفه
ديمه وجوج: هههههههههههههههه
.............
بعد ماتفرجو بالشقه رجعو للبيت عشان ينامون بدري ليبدا تطبيق جدول جوج من الصباح
,,,,,,,,,,,,,,,,,
[ في الصباح
صحو البنات وبعد الفطور راحو للمول ,,ذوق جوج
يشابه ذوق ريما وديمه ,,لذلك كل وحده اتجهت بالمول
اتجاه بروحها ,, كلفت جوج ريما بالميك اب والعطور,,
وكلفت ديمه بشراء الاكسسوارات والساعات,, بينما جوج
كلفت نفسها بالمهام الاصعب ,,,
بدأ مشوار كل وحده بالبحث والشراء لينتهي المطاف بهم
الساعه12 ظهراً حيث وقت الاذان وتقفيل المحلات
خرجو من المول الى الكفي مع سائقهم
ريما: عمرانتبه للأغراض ترا بنطول بالكفي رح نتغدا
عمر: اوك مدام
.........................
في الكفي كانت سوالف البنات حول مشترياتهم وعن الاشياء
اللي باقي ماشروها
ديمه: جوج شريت لك ساعات تهههبل بنشوفها اذا رجعنا البيت
ريما: وحتى انا شريت لك كل العطور اللي بغيتيها ,,وزدت عليها
كم عطر وكم شغلات حلووه بتعجبك ان شاء الله
جوج: ههههههههه صبركم علي ,,,خلونا نتغدا بالاول حددي جوعانه
ديمه: والله انا مافيني صبر,,يوووووه وش كثر احب الشوبينق
ريما: وش فيه الطلب تأخر ؟!
وصل طلبهم بعد 15 دقيقه من الانتظار
تغدو ورجعو البيت
........................................
البنات عند جوج بغرفتها
جوج: ي الله شوفو كيف الغرفه امتلأت بالاكياس
ريما: الله يعينك ,,نادي الخدامه ترتب معك
جوج: اكييييد بس مو الحين ,,لما ارجع من الصالون المغرب
ديمه: جوج انا بروح معك الصالون ,,وانتي ياريوم تجلسين
مع ماما
ريما: اوكي ,,ايوالله مافيني اطلع,,ابي اريح لشوبينق بكرا
.........................
جوج اعجبت بالأغراض اللي شروها لها ريما وديمه,,
شالو عنها عبء ثقيل ,,ونص الهم راح بمساعده البنات
لها ,,,,,

اسبوعين راحت بين الصوالين والمولات والبروفات ,,
كانت ساره من ضمن القروب وقفت مع جوج وقفة اخت
نظراً لضيق الوووقت
,,,,,,,,,,,,,,,,,,,,,,,,,,,,,,,,,,,,,,,,,,
( في البوتيك )
ساره وديمه وريمه والمصممه اللبنانيه داليا جالسين ينتظرون
جوج تطلع من غرفة الملابس ,,لتلبس فستان زفتها بعد اخر
بروفه لها ,,,طلعت جوج من الغرفه وعلى وجهها ملامح
الفرح والرضا على الفستان
ساره: واااااااااو يهبل
الصممه داليا: شو محلاك ,,طالعه بتجنني
جوج: يابنات ,,,احس مشيتي صعععبه بالفستان,,,اجل وشلون بالزفه!!
داليا: كل العرائس بيحكو هيك,, لان اول مره بتلبسي فستان اوفر,,ومعروف فستان
الزفه يختلف عن كل فستان,,,بس طالعه كأنك برنسيسه هنياله زوجك
ريما: هههههههههه وينك ياحمودي ,,تشوف هالزين
ديمه: هههههههههه
جوج: الحمدلله الفستان وخلصنا منه,, بس باقي شوية شغلات
............................................
رجعو البنات وساره معاهم للبيت ,,دخلو الحوش
ديمه: واااااو سياره بابا ,متى جاء ؟
جوج نبضات قلبها زادت
ساره رميت بالغطاء على وجهها : اكيد بيكون داخل البيت
ريما: عادي ,, هويعتبرك مثلنا,,نسلم وندخل
دخلو البنات,,وكان ابوثامر جالس ينتظر الخدامه تجيب له شماغه بيطلع
ريما بصوت عآآآالي: ياهلا ,,,ياهلا تو مانور البيت
ابوثامر: ياهلا وغلا
سلمت ريما وبعدها ديمه وبعدين جوج
جوج: شلونك عمي
ابوثامر:الحمدلله بخير
وقفو البنات جمب ابوهم,,ناظر ابوثامر بساره وهي واقفه بعيد
ابوثامر: من هذي؟؟
ساره: انا ساره ,,شلونك يابوثامر عساك طيب
ابوثامر: بخير الحمدلله,,وين كنتو يابنات؟
ريما: كنا بالبوتيك,,وش فيك تأخرت مابغيت ترجع من المخيم
ابوثامر: والله الجو كان حلو,,وقلنا نمدد المده اكثررر
ابوثامر يسولف مع البنات وعيونه بجواله اللي ماهدا من الاتصالات
جابت الخدامه شماغه ولبسه وقال للبنات: انا طالع ,,,تبون شئ
البنات: سلامتك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
دخلو البنات غرفة التي في ليكملون سهرتهم مع بعض ,,البنات مدمجين بسوالفهم وبقهوتهم قالت
ساره: جوج ,,وش شعورك الحين,,وعرسك مابقى له الا سبعه ايام
جوج بتذمر: لالالالالالا كل ماقرب العرس ,,كل مااتوتر اكثر
ريما: اهم شئ طريقة المشيه ,,لاتنسين اللي تدربتي عليها وقت البروفه
ساره: عاد انا كل يوم بجي عندك,,عشان بفقدك بعد العرس,,يوه احس نفسي ابي ابكي
ديمه: وش فيكم ؟؟ لاتقلبون الجو لفلم هنددي مانبي دمووع ههههههههه
جوج: ايه طبعاً تعالي كل يوم,, والله انا اللي بفقدكم ,,كل هالاسبوع بنكون كلنا مع بعض
ريما: ونااااااسه هههههههههه
.................................................. .................
سبعه ايام فقط تفصلهم بين ليله تعتبر عن الف ليله وليله,, ليله لطالما حلم بها محمد لتجمع
به بحب بدأ من الطفوله,,,حب عذري تربى ونما بقلبه حتى وصل لمرحلة الشباب ,,,ليله تجمع
فتاه نآآآآآعمه برئيه بفارس احلامها التي لم ترى الاهو ,,ولم يدخل قلبها الا هو,,,,هو وحده من
كان يحتل الصداره بقلبها,, هو وحده من كان يشغل تفكيرها وقلبها,,هو وحده اميرها وحبيبها ,,
ليله كهذه جهزت لها ام ثامر هديه قيييييييمه جداً,,,لاتقدر بثمن ,,كانت هديتها لمحمد وجوج البوم
يحمل صورهما في مراحل الطفوله ,,,كتبت في الصفحه الاولى من الالبوم نصائح لهما لحياتهم الزوجيه
ليقتديان بها طوال حياتهما ,,بينما باقي الكلام يحتوي على ادعيه تدعي لهما بأن السعاده لاتفارقهما
حينما كانا,,غلفت الالبوم لتسلمه لهما بيوم الزواج
.................................................. .......
عبث مااكتب سيدتي
احساسي أكبر من لغتي
وشعوري نحوك ,,يتخطى
صوتي ,,يتخطى حنجرتي
عبثاً ما اكتب ؟؟!!
مادامت كلماتي ,,اوسع من شفتي
أكررها كل كتاباتي
مشكلتي,, انك مشكلتي
,,,,,,,,,,,,,,,,,,,,,,,,,,,,,,,
الساعه 11 ونص صباحا
الكل صاحي استعداداً ليوم مميز لمناااااااسبه مميزه ,,,فتحت الباب ريما ع جوج
ريما: جوج كلمت مدام نسرين ,,تقول رح يجون بعد الظهر
جوج: اوكي
ريما: تقول لك مدام نسرين لاتحطين ولاكريم على وجهك ,,عشان الميك اب تقول انها
جايبه كريمات خاصه
جوج: اوكي ,,,ريوم انزلي تحت شوفي فطوري وينه؟؟ تأخرت سوليتا بسرعه بليززز
ريما: اوكي ,,اوكي
.............................
الشباب ثامر ومحمد ونواف كانت مهامهم خارجيه ,,ام ثامر اتصلت ع ولدها نواف
ام ثامر: الو
نواف: هلا يمممه
ام ثامر: وينك ؟
نواف: ابي اجيب سيارة محمد من المحل وراجع للبيت
ام ثامر: طيب وانت راجع جيب غداء واحسب حساب طاقم الصالون ,,وصديقات جوج جايين قبل العصر
نواف: والسواق وينه ؟؟
ام ثامر: راح للمحل يجيب اغراض حاجزينها
نواف: اوكي
ام ثامر: يلا ياقلبي لاتتأخر,,,بأمان الله
................................................
الساعه 3ونص العصر
وصلت ساره واختها مها,, دخلو عند جوج بغرفتها,,ساره كالعاده صرخت وحضنت جوج
مها: مبرووووووووك ياعروس
جوج: الله يبارك بعممممرك
ساره: كيف النفسيه ؟
جوج: حددددددي متوتره ,,,,اجل كيف شوي بالقاعه !!!
مدام نسرين خبيرة المكياج : كتير متوتره جوج ,,وهاد ثاني كوب نعناع عم تشربه
البنات: هههههههههههههه
جوج: ايه ابيه يخفف التوتر ويكون ريلاكس للجسم,,,بس ابد مانفع
مدام هبه مصففة الشعر : يلا ياديمه اجي دورك ,,خلصت من الماما
جات ام ثامر عند ساره واختها وسلمت عليهم
مها: ماشاء الله ياخاله طالع شكلك يهههبل
ام ثامر: الله يسعدك يابنتي,, وعقبالكم نفرح فيكم
..............................
الساعه 7 ونص االعشاء
( ام ثامر والبنات وساره ومها) كانو جاهزين تماماً وبدأ الاستعداد للذهاب للقاعه
لاستقبال الحضور,, بينما جوج وطاقم الصالون جلسو فالبيت لتجهيز العروس
,,,,,,,,,,,,,,,,,,,,,,,,,,,,,,,,,
رن جوال جوج ناظرت بجوالها,, علامات تعجب واستغراب على وجه جوج لان
المتصل امها ردت جوج: هلا ماما
ام جوج باركتها على العرس وطلبت من جوج عنوان القاعه ,,وتعذرت لانها ما
وقفت معها لانها كانت مسافره ومارجعت الا قبل يومين ,,,
جوج لم تحبط ,, ولم تحزن لان امها عودتها على غيابها من صغرها
مدام هبه: هي امك ؟
جوج: ايه
هبه: وينها هلا ؟ ليه مش موجوده بيناتكم
جوج: ماما متزوجه من زمان,,وكانت مسافره
غيرت جوج الموضوع
جوج: مدام هبه ,,ابي تسريحتي مثل اللي بالصوره بالضبط,,لاتنسين
مدام هبه: تكرم عينك
..........................................
( في قاعة العرس)
جلست ام ثامر وريما وديمه وساره ومها عند الاستقبال وبجانبهم خوات ام ثامر وبناتهم
قالت عبير بنت خالة ريما وديما لريما : مين البنتين اللي جالسين جمب ديمه؟
ريما: صديقات جوج
عبير: خوات ؟
ريما: ايه
عبير: ماشاء الله مو باين
,,,,,,,,,,,,,,,,,,,,,,,,,,,,,,
ديمه بصوت واطي لساره: سارونه وينهم البنات ماجو؟
ساره: كلمت لمياء ,,تقول نص ساعه ويوصلون
ديمه: يلا اوقفي ,,دخلو حريم بيسلمون
ساره: ههههههههه اليوم بينقص كم كيلو من وزننا ,,من كثر مانوقف ونجلس
ديمه: يافرحتك ,,,مو هذا اللي تبين ,,تموتين بالدايت
ساره: طبعاً
........................
الساعه 10
مدام هبه وهي تقفل سستة فستان جوج: طالعه بتجنني,,بلشي حصني نفسك
جوج وقفت عند المرايه تسريحتها الناعمه ومكياجها اللبناني يظهر شكلها اكثر براءه وجمال
مدام هبه: شوفي كيف طلع الميك اب ,,بيضوي مشان كريم النظاره
جوج: ثانكس ,,مدام هبه
مدام نسرين ومدام هبه ,,ساعدو جوج بالنزول وركوب السياره
جوج للسواق : عمر ,,وصلني للقاعه وبعدين توصل مدام نسرين واللي معاها للصالون
عمر: اوكي ,, مدام
..................................
جوج وهي بطريقها للقاعه وصلها مسج ,,طلعت جوالها من الشنطه كان المسج من محمد يقول فيه
( الف مبرووووووك ياعروس,, الله يهنينا ببعض للابد)
ابتسمت جوج وارسلت له ( الله يبارك فيك ,,, امين ياقلبي )
دخلت جوج القاعه لتبدأ جلسات التصوير مع المصوره الفلبينيه بداخل غرفتها المخصصه لها ,,
ريما وديمه وساره ومها باركولها واخذو صور معها ,,
ديمه: جوج بعد ماتخلصين تصوير,,ااتصلي عشان باقي البنات رح يجون
جوج: اوكي,,اوكي,, جيبيهم مع بعض عشان بيدخل محمد
ديمه: اوك ,,يلا باي ,,,
وطلعو
............................................
( في قاعة الرجال)
محمد جالس وبجانبه ثامر ونواف وابوه وطلال وبعض من اصحاب ابوه
ابو ثامر طلع من جيبه مفتاح ومده لمحمد
ابوثامر: هذي هديتي الوحيده لك...مفتاح مكتبك ابيك ترجع له بعد شهر العسل
محمد: مشكور يبه,, بس انا بديت بشغل ثاني ,,فتحت لي محل واشرف عليه
ابوثامر: مو مشكله ,,زيادة الخير خيرين
محمد: بس والله صعبه يبه ,,,اجمع بين شغلتين كل وحده اصعب من الثانيه
ابوثامر: طيب اجل مو الزامي تجي يومياً,, تعال متى مافضيت حتى لو يومين فقط انا راضي
محمد: مشكور يبه,, تحت آآآمرك
,,,,,,,,,,,,,,,,,,,,,,,
محمد كل شوي يناظر بساعته ينتظر جوج تتصل عليه,, راح الوقت في استقبال التبريكات
من الحضور
طلال: محمد ,,اذا احتجت أي شئ اليوم او بكرا دق علي اخوانك تعبو اليوم
محمد: مشكور ياطلال,, والله ونعم الاخو تعبتك معي
طلال: يارجال خل عنك هالخرابيط,, لاتعب ولاشئ
محمد: ههههههههه الله يوفقك يارب
.............................
رن جوال محمد ,,كان المتصل جوج تبيه يجي عشان التصوير,,دخل محمد على غرفة جوج
ومعاه امه محمد بابتسامه: مبروووك ياقمر
جوج: هههههههه يبارك فيك,,هذي ثاني مره تبارك
محمد: ايه وبوصل للعاشره
محمد وجوج : ههههههههههههه
ام ثامر: الله يوفقكم ,,محمد ترا هديتي لكم ,,حطيتها في بيتك تلاقيها على طاولة الطعام
محمد: مشكوره يمه.. الله يطول بعمرررك
اخذت ام ثامر صوره مع ولدهل وجوج وطلعت,, محمد وجوج يلتقطون الصور فجأه ,,يدق الباب
جوج للفليبينيه : شوفي مين ؟
فتحت الباب ,,كان اللي عند الباب ام جوج,,ابتسمت جوج لامها وسلمت عليها وباركت لها,,
نظرات تعجب من محمد مايعرف ام جوج وخبره فيها ايام الطفوله ,,,اام جوج كانت منحرجه من محمد
ومدت يدها لمحمد وقالت:الله ,,الله ماوصيك على بنتي
محمد: في الحفظ والصون ياخاله
اخذت ام جوج كم صوره مع بنتها ومحمد ,,وطلعت ,,جوج دمعت عيونها لانها تجلس فتره طووويله
ماشافت امها,,محمد لمح دموع جوج اللي بعينها وقال وهو مبتسم: يلا نكمل تصوير ,,ولاطفشتي ؟
جوج: لا هههههه ضحكه خفيفه
,,,,,,,,,,,,,,,,,,,,,,,,,,,,,,,,,,,
انطفأت الاضوااااااء لتبدأ زفة جوووج ومحمد ,,,,
صديقات جوج صعدو للكوشه لاستقبال صديقتهم ,,,جوج ومحمد واقفين عند باب قاعة الحضوور
وبجانب جوج امها
ام جوج: يمه ,, خليك طول الوقت مبتسمه عشان يطلع شكلك حلو بالفديو,,تراه فديو العمر لاترتبكين
جوج: ان شاء الله يمه
ناظرت جوج بمحمد : وش فيك ساكت ؟
محمد: بصرآآآآآآحه مرعوب
ريما جات عند جوج
ريما: جوج لاتبدين تمشين الا لما تسمعين صوت الميوزيق
ريما: اوكي
ريما: حررركات ياعريس طالع خقه,,,وعدلت بشت اخوها وراحت
,,,,,,,,,,,,,,,
بدأ صوت الميوزيق يملأ القاعه قالت جوج بسم الله يلا ندخل
اغاني الزفه اللي انزفت عليها جوج ,, كانت من اختيارها هي ومحمد ,,كانت الاغاني مجموعه
من اغاني ماجد المهندس واليسا
,,,,,,,
الفرحه اللي انا فيها دي كلها ترجع ليك
وانا جنبك راضيا ومرتاحه لكل ما فيك

سبت انا كل الدنيا عشانك
وهشاركك حضنك ومكانك
وبقولك يا حبيبي حياتي انا ملك ايديك

مين زينا ياحبيبي الليله قولي في مين
انا حاسه من كتر الشوق اننا رايحين

على دنية حب هتجمعنا
والكون كلو دا مش هايسعنا
وهاعيش اسعد واحده
انا وانت سنين وسنين

ياه ع الفرحة دي اللي انا فيها
يوم بالدنيا دى ولياليها
وحياتي اللي بحلم بيها
هعيشهالك حبيبي

وايه تاني في حياتي ناقصني
وانت في حضني وانت لامسني
من كل العيون احرسني
انا ملكك حبيبي
,,,,,
جوج تمشي وبجانبها امها
رولا صديقة البنات لساره: مين هذي اللي تمشي مع جوج؟
ساره: هذي امها
رولا: ماشاء الله ,,كأنها اختها ,,اول مره اشوفها
ساره: ايه مو دائم تزور جوج ,,بس اتصالات بينهم ,,انا شفت صورها عند جوج
رولا: وليه ماتزورها؟
ساره: ام جوج داااائم مسافره ,,الظاهر بحكم عمل زوجها
رولا: اهاا
,,,,,,,,,,,,,,,
تنتهي اغنية اليسا وتبدأ اغنية ماجد
إنسى كل الناس خليني احضنك
غمض عيونك وانسى بحضني نفسك
انسى عمرك وانسى عمري
امتزج بيا وصير عطري
ليش وانا وياك احس بالوقت يجري
انسى كل الناس.. كل الناس.. خليني احضنكـ
هذي اول مرة احس كلي عشق
انطيني فرصه اتنفسك اخاف اختنق
وياك انت تأكدت اني قبلك ماعشت
وعلى كل لحظه بدونك ياحبيبي تندمت
انسى عمرك وانسى عمري
امتزج بيا وصير عطري
ليش وانا وياك احس بالوقت يجري
انسى كل الناس.. كل الناس.. خليني احضنك
,,,,,,,,,,
جوج تمشي وعينها عالكوشه على صديقاتها لان تجمعهم وبعددهم الكبير كان ملفت للنظر ,,
بينما محمد عينه على امه وريما وديمه ,, ويبتسم لهم
محمد خرج بعد ماوصل جوج للكوشه ,,وبعد ماسلمو عليه خالاته وباركوله ,,,بخروج محمد
فسخو البنات عباياتهم ,,وقامو بالرقص امام جوج ,,
جوج تضحك على حركات لمياء الفكاهيه لان هي مسمينها نكتة الشله ,,لمياء تعمدت انها
تبالغ بحركات الاستهبال عشان محد يبكي على جوج,, او هي تبكي بنفسها على فراق صديقاتها
مرت الزفه بسلالالالالام بدون بكي
,,,,,,,,,,,,,,,,,,,,
بعد الزفه قام الحضور لتناول العشاء,, بينما جوج مشيو معها صديقاتها ,,الا ان وصلت الباب
الذي يخرجها على سيارة محمد,, حضنت جوج صديقاتها وودعتهم لتبدأ حياه زوجيه ,,
مسكت ريما بيد جوج لتساعدها على الدخول بالسياره فتحت الباب,,
كان محمد واقف عند السياره ومعه طلال,, طلال لما شاف الباب انفتح راح ركب سيارته ومعه
بالسياره نواف ليوصلا العريس ,, الى بيت الزوجيه
,,,,,,,,,,,
وصلو العرسان للبيت ,,
صعد محمد مع جوج ليساعدها بالصعود ,,بسبب ثقل فستانها,, بينما نواف ركب سيارة محمد
ووقفها بالباركينق ,,ليسلم المفتاح للحارس ,,ليوصله لمحمد,, وراحو هو وطلال
,,,,,,,,,,,
محمد رمى بالبشت على كنبة المدخل,, ونزل شماغه ,,بينما جوج دخلت غرفتها لتبدل ملابسها
رن الجهاز,, فتح محمد الباب الا بالحارس السوداني ,,بارك لمحمد واعطاه مفتاحه
.............
محمد ناظر بطاولة الطعام ,,شاف هدية امه ,,صندوق مغلف قام يفتح التغليف ,,طلعت جوج من غرفتها
جوج: مين اللي كان عند الباب؟
محمد:الحارس أعطاني مفتاح السياره
جوج: اها
محمد: شوفي هدية امي ,,متحمس اعرف وشهي؟!
جوج : بجد ,,يلا افتحها,,وانا بعد متحمسه
فتح محمد الصندوق الكبير ,,,كان بداخله البوم ,,فتح اول صفحه مكتوب فيها
( الى محمد )
لا اصدق اني اشوفك اليوم عريساً ,,لااصدق ان الايام والشهور والسنين مرت بسرعه هاااائله ,,
كهذه السرعه ,,الى الان اتذكر مراحل حملي بك,,ومراحل ولادتي ,,وكأنها ذكرى كانت بالامس!!
الى الان ,,اتذكر مراحل دراستك ,,والايام التي كنت ادرسك فيها ,,كلي فخر بأني انجبت طفلاً كبر
وتربى على يدي ,,حتى صار رجلاً ,, بل اصبح عريساً ,,,التوفيق امامك عزيزي ,,
,,,,,,,,,,,,
محمد وجوج يقرون الكلام مع بعض
محمد: ي الله ! امي بهالكلام بتخليني ابكي
جوج: الله ,,ياعمري ياخاله كلامك ذهب ,,يلا نكمل الباقي
,,,,,,,,,,
ام ثامر ماكتبت لمحمد فقط ,,بل كتبت لجوج ايضا ,,وكتبت كلام لهما معاً ,,نشوف كلامها لجوج
( الى بنتي جــــــوج)
اعلمي مهما كبرتي ,,ومهما نضجتي ,,تبقين بعيني طفله اخاف عليها اينما تذهب !!
وحتى الان وانتي بين يدي ابني ,,اخاف عليك واقلق كثيراً ,,لذا انتبه على طفلتي
واوصيك بها يا محــــــــــــمد ,,
،،،،،،،،،،،،،،
جوج: ي الله حتى انا ,,شكلي ابي ابكي !!
,,,,,,,,,
( الى محمد وجوج معـــــــــــاً )
اليوم تبدأن حياه زوجيه سعيده بأذن الله ,,تتطلب هذه الحياه الصبر , والمثابره ليست
حياه سهله كحياتكما السابقه ,,بل تحتاج الى عزم والى التزام ,,وتزداد صعوبه بعد الانجاب
لذلك انصحكما ان تكونا عوناً لبعض قلبا وقالبا ,, وان تكونا مكمل بعضكما للاخر ,,لذلك
انا جمعت كل صوركما بمراحل طفولتكما المتعدده ,,لتكون ذكرى لكم اولاً ,,ولاحفادي ثانياً
واسعدكما الله دوماً وابداً ,,
...........
محمد وجوج طالعو في بعض : وآآآآآآآآآآآآآآآو
جوج بحماس : يلا افتح الصفحات الباقيه
محمد : طيب يلا
,,,,,,,,,
كان ترتيب ام ثامر لالبومهما يفووووق الوصف !!!
رصدت اولاً صور لمحمد وثانيا صور لجوج وثالثا صورهما معاً ,,يتوافق هذا
الترتيب مع ترتيب كلامها في بداية الصفحه كلام لمحمد,,وكلام لجوج ,,وكلام لهما معا,,
محمد وجوج اعجبا كثيراً باخر فصل ,,فصل اجتماعهم بالصور ,,كل صوره تحكي لهما
ذكريات طفوووليه خاصه
محمد: فديتك يايمه,,,وربي على كثر الهديا اللي وصلتني ,,مافي مثل هالهديه
جوج: ايه وحتى انا مثلك ,,عاد تصدق فيه صور لي ماذكرها!! مدري وين كانت مخبيتها خالتي!!؟
محمد: حتى انا لي صور اول مره اشوفها,,بصراحه مافيني صبر انتظر لين اشوف امي عشان اشكرها
واخذ جواله وارسل لها رساله شكر,,عبر له عن شعوره اللي ماينوصف بهالبوم ,,ووعد امه ان يحتفظ فيه للابد..
...........
جوج: يالله !!! ماوددي اقفل الالبوم ,,,تجنن الصور
محمد: لاقفليه ,,عشان بوريك مفاجئتي
جوج: بجد ,,,يلا
طلع محمد من جيبه ورقه,,وقال لجوج اقريها ,,اخذت جوج الورقه كان مكتوب فيها
,,,
اقسم ان اجعلك تحبين الحياه ..
وان احنو عليك دائماً ..
وان اتحلى بالصبر الذي يقتضيه الحب ..
وان اتحدث عندما تحتاجين لكلماتي ..
وان اشاركك الصمت عندما لاتحتاجين الى حديثي..
وان احيأ في دفء قلبك دوماً ..
وادعوه منزلي دائما ..
,,,,,,,,,,,,,,
جوج خلصت قراءتها وبعيونها ذهووول وسعاده ,,كانت هالعبارت والجمل في الفلم الذي تابعاه
معاً ,,حيث يقسم البطل بيوم زواجه بهذا القسم لحبيبته ,,واعجبت جوج بهذه الكلمات ,,واراد محمد
ان لايحرمها متعة هذا الكلام بالواقع ,,ليهديها هذه الورقه ,,التي علقتها جوج على تسريحتها
لتستمتع بهذه الكلمات كلما رأت نفسها بالمرأه ,,,