[princess sara]

مقدرتش استنى لما الخاتمه تنزل واعلق عليها هي والفصل الاخير سوا
كالعاده اعذريني يا كاري على التأخير

قد ايه المواجهه بين مهند وحبيبه قويه وصعبه
حبيبه مكنتش حاسه بأي حاجه وهي واقفه قصاده ... لا حاسه بالضعف ولا الالم ولا الخجل ولا اي حاجه
يمكن عشان بتمتلك حب يحيي وبقيت عارفه هي عايزة ايه وانها قادره تواجهه اي حاجه تقف قصادها
بس مكنتش متوقعه ان مهند هيطلب منها انها تفكر تاني ومتتسرعش بالزواج من يحيي
انا كنت فاكرة انه هيطلب انها تسامحه وتكمل حياتها كأنه مكنش موجود
بس هو عمل كده عشان خايف عليها لتندم بعد كده شكله لسه مش عارف انها بتحب يحيي وبتعشقه
وفي الاخر هو عارف ان حبيبه مش هتكون ليه مهما حصل
وفي الاخر برضه عرف يحيي هو ايه بالنسبه ليها ... عرف بأصعب الطرق
اعتراف حبيبه بالحب تجاه يحيي وكل اللي عمله عشان يساعدها ويخليها تعرف طريقها وانه ساعدها اولا ثم ساعد نفسه عشان يقدر يحصل عليها
كده مهند فهم كل حاجه والاحسن انه يبتعد من سكات واهو ابتعد بس صلح كل اللي عمله قبل ما يروح
اعترافه ليحيي انه ظلم حبيبه وادعى عليها وانها من اطهر البنات ... حركه شريفه منه عشان يرجع كل حاجه لاصلها وكمان يفهمهم انه مش وحش اوي كده

ام خلود لسه عايشه بعد كل اللي حصل
الحمدلله ان خلود وخليل محصلهمش حاجه من الحقير فواز ده
شكريه هتبقى كويسه بس هتاخد وقت كبيييييييييييييييييير لحد ما تتغلب على تأنيب الضمير اللي حاسه بيه وهي شايفه اولادها اللي اتخلت عنهم خايفين عليهم ومهتمين بيها
انتي عايزة ايه اكتر من كده ؟؟ حاولي بقى تعوضيهم على اللي حصل منك بس الاول تسامحي نفسك على اللي عملتيه

رباب شكل عندك عقده كبيييييرة اتجنن واعرف تفاصيلها
بس هي ليه شايفه انها لما تحب اللي تحبه هيكسرها ويسيبها ويلجأ لواحده تانيه
خافت من اللي شافته بيحصل مع اخواتها
اينعم هما عانوا شويه الا انهم وجودوا سعادتهم مع اللي يستحقهم وبيحبوهم
ياعيني صدمتي رقيه باللي قولتيه
وياعيني شكلك هتطلعي عين عبدالرحمن باللي بتفكري فيه ده

بعد اللقاء اللي حصل مع اسيا كده ابصم بالعشره ان حذيفه القديم مبقاش موجود نهاااااااائي
هو كان محتاج حد يطلعه من الظلمه اللي كان فيها واهو بوجود خلود وحبها ال جدااااااااا قدروا ينقذوه وكمان وجوده بين اهله من تاني ساعدوا كتيييييييير

بس انت يا حذيفه مجنون
يعني البت متشيكه وعلى سنجه عشرة كأنها عروس في ليله زفافها
تقوم انت تبوظ كل ده عشان عجبك خلود المجنون ام شعر منكوش
بس انت براحتك يعني اعمل اللي انت عايزه
مادام اعترفت بحبك ال جدا جدا جدا انت كمان
واخيرا طرزان لاقي جين وعاشوا في حب جدا جدا جدا

شروق البت المزة الصغيرة دي اهلا بيكي في العائله
طبعا انبهرتي برضـــــــــــــــــــــا ... طبعا مين ميشوفش رضا القلوب ومينبهرش بيه
بس كويس انك مش فتاه خجوله وخايفه من اللي انتي داخله عليه
انتي شكلك عايزة تعيشي حياه طبيعيه زي اي بنت ... والحمدلله شايفه ان الكل متقبلك وفرحان بيكي وده ساعدك على انك تتعودي عليهم وتتأقلمي معاهم بسرعه

يحيي وحبيبه بقى لحد اخر فصل وانتوا بتتخانقوا كده
بس شكلهم اخر مرة يتخانقوا فيها ... لانهم طلعوا كل اللي قلبهم
بس عاجبني عناد حبيبه وهي بتقوله اللي حصل بالقطاره وفي المقابل خدت منه اللي هي عايزه وعرفت سر المكالمه الغامضه اللي سمعتها دي
وفي الاخر طبعا مكانهم بقى مع بعض ... يلا انتو ا تستاهلوا بعض ولايقين على بعض
عقلي بيقولكوا مبرووووووووووووك يا حلوين ^_^
وقلبي بيقولكوا طظ فيكوا يا وحشيـــــــــــــــــن >_< سوري بس انا مع مهند للنهايه

كاري الفصل يجنن بجد روعه جدااااااا
الروايه كلها تحفه اصلا ... بجد تسلم ايديكي يا رائعه
في انتظار الخاتمه ان شاء الله