[فيتامين سي]

الجزء 28

عند ساره ورااشد ساره تاخذ ملابس للبنات وهو ياخذ للأولاد ..
نوره : ههههههههههه انتوووااا لييش مستعيلييين اشفييكم جيييه
راشد : انتي اووش بس اسكتيي
نوره : انزيين اتريوا لين ما يقولوكم لو بنت ولا ولد
ساره : اناا احسس انهااا بنتتتت
رااشد : لا لا انا احساسي يقوول ولللددد
نوره : انا اقول اتخلوون احساسكم لنفسكم واايد احسن
اشوي ويت منال ويايبه وياها دريس وااايد صغيير : سااااررره شوووفييي هذاا وااااااايييدد كيوووت
ساره : يااربييييييي ... وااايد حلللووو هااتيييه
راشد وهو يشووفهم بنظره : لا والله ..
نوره وهي تضحك خذت اول بدلة ولاديه شافتها : راااشد شوووف هذيي وااايد كيوووب
راشد : اشووف .. الله وااايد حلووه هااتييهااا ...
ساره ومنال : ههههههههههههههههههههههههه
راشد وهو يبتسم لساره : افداااااااااااج ...
نوره : احممم ..
ساره وبخجل : فداااك كليي ..
منال : يلا يلا بسكم شووفي شووفي ملابس
نوره : هههههههههههههه ...
في الطياره محد اتكلم هيا طول الوقت ساكته وثاني يبغي يتكلم بس يحس انها بتعصب ..
بعد 8 ساعات تقريباً كانوا في لندن .. كاان برردد مشش ثللج يعنيي بس الجو بارد ..
طول الوقت وهممم ما اتكلموااا بولااا شي ..
وفي الفندق ..
هيا وبجمود : خذ سريرين ..
ثاني حمد ربه قالت سريرين ولا غرفتين : بس أنا حاجز كل شي من زمان
هيا وببرود : شوفيها غير !
ثاني : إن شاء الله ..
هيا ( اووف يقهر يقهر اشحقه كله يسمع الي اقووله يعني اونه هو الطيب مالت بس اقوول ماالت )
في الغرفة اول ما دخلوا كانت شي صاله صغيره وبعدين الغرفة .. ثاني على طول انسدح على السرير بتعب هيا طبعاً ما كانت تدري انه ثاني للحين مواااصل صح هي بعد كانت تعبانه ومب راقده عدل بس طبعاً غير عن ثاني ..
هيا : شوه بترقد ؟؟
ثاني استاانس انهاا كلمته : ماا ادرييي ميييت تعببب
هيا وهي تفتح الشنطه واتظهرلها ملابس : سلامتك .
ثاني طاار من الونااااسه : ربي يسلمج
هيا حست من صوته انه مستانس بس اتجاهلته ودخلت الحمام اتبدل .. هيا يلست على الكرسي مسكت الميك اب ريموفر مسحت الميك اب وبعدهاا فتحت شعرهااا .. وثاني اتخبل وهو يشووف شعرهااا ..
هيا صدت علييه شافته كيف مندمج فيها وقالت : وين القبلة ؟؟
ثاني : دقيقه .. وطلع فونه وشاف وين واِشرلها .. بعده دخل هو يبدل ويتيدد .. وطلع وصلى حذالها لانها ما كانت مخلصه .. بس خلصت قبله .. انسدحت على السرير وهي اتحس بالتوتر ..
بعد ما خلص ثاني .. هيا : ابغيي ارممس المهااا ..
ثاني : إن شاء الله باجر بطلع بطاقة وبتكلميينها ..
هيا : أنزيين ..
ثاني : شو تبين تتعشين ؟
هيا : لحظه بس سؤال الحين الساعه كم
ثاني ضحك : 8 ..
هيا : اووه، امم عادي عندي اي شي ..
ثاني كان مستانس لانها اتكلمه .. مش مثل البارحه بيصبر علييهااا ما يباا يخسرهااا ..
__________________________________
الساعه قريب ال11
صح اختها ما كانت ترقد وياها بس الحيين اتحاتييهاا واتحس انها بعيييده ...
اما شوق فاتحس بفراغ الغرفة هذي مع انها عاشت فيها 18 سنهه بس الحيييين اتحس كل شي تغيرر ..
اليوم الي بعده ..
دخلت قسمها متوجهه لمكتبهااا استغربت وهي اتشووف ورده على مكتبهااا .. مسكتها بسرعه اتدور اذا تحتها كرت ولا شي بس مالقت اي شي استغربت منو الي يايبلها ورده .. رفعت راسها اتدور بعينها شافت حمدان يشوفها وهو مبتسم .. امه عبدالله فكان مشغول بالي جدامه ..
كانت بتسير وبتهزأه بسس هدت ( انتي اشفييج يمكن مب هو اتسيرين واتفشلين عمرج لييش ؟؟ بس ليش جيه يشوفني وهو مبتسم ؟؟ اكييد هو ! لا لا يمكن مب هو .. اووف بس انزيين يابها الي يابها ) خلتها على المكتب ويلست ..
الظهر عند شوق دخلت الخدامه الغرفه وهي اتخبرها انه حمد ينتظرها في الميلس استغربت وحست بالتوتر وفنفس اللحظه بسعاااده .. راحت الميلس وسلمت ..
حمد : وعليكم السلام .. شوق يلسي شوي اريد اكلمج
يلست شوق بتوتر تترياه يتكلم وانصدمت وهيه تسمع : شوق انا شارنج واباااج بتسامحيني وترجعيينلي ؟؟
شوق رمشت بعينها كمم مررره تبا تستوعب شو يقول : واذا ما رجعت شو راح يصير ؟؟
حمد : اكيييد بتميين جييه ولا تتحريين شي ثاني بصير
شوق فهمت انه ما بيطلقها : يعني لو ما بغيت ارجع بتخليني جييه للأبد ؟؟
حمد : انتي شو رايج ..
شوق وهيه توقف بتسير : على الي سويتي فيني يا حمد انا ما ابي غيييرك .. وطلعت ..
ابتسم بانتصاار ، بسعاده ، يدري انه شوق اتحببه وكان واثق انه بترجع بس ما كان يدري انها بكل سهوله بتوافق : يلا انزييين تعالي ويين ساايره ..
شوق وبصدمه : الحيييين ؟!!!!!
حمد وهو يبتسم : متى عيل باجر ؟؟؟!!!
شوق : لا برجع عندك بعد ما هيا ترجع من السفر
حمد بصدمه : شووووووو ؟؟؟؟
شوق : اشفييك بسم الله !!
حمد وبعصبيه : هيا ما بترجع الا بعد 6 شهور
شوق ضحكت : ههههههههههه لحظه انزين بقول للخدامه اتلم اغراضي وطلعت ..
حمد ابتسم وهو يترياها تي .. بعد نص ساعه شوق دقت الباب ودخلت وبس قالت : وعود ومهاوي انا بسير ويا حمد
الوعد وبصدمه حاولت تخفيها : اا..ااوكيي
المها ابتسمت : الله يسعدج ..
طلعت شوق ورجعت مع حمد .. دخلت البيت وياه شافت عمها .. سلمت علييه الي حضنها بالقووو .. ابتسمت على حنانه .. ام حمد على انها شريره شوي الا انها قالت : هلا فيج .. نورتي
شوق ابتسمت ..
في مكان ثاني ،، ثاني دخل وهو شال كتبه توه راجع من المعهد هيا استغربت انه ثاني يوم داوم اتوقعت على الاقل اسبووع ما يدااوم ..
ثاني : يلا تلبسي بنطلع نتغدااا ..
هيا وهي كانت متملله لانها يالسه طول اليوم فالفندق رضت ..
الساعه 12 فليييل .. وصل لدريشة غرفتهااا واستانس لانه لقاها مفتووحه .. رش من البترول الي عنده على الستاره وفر الملبق وركض ..
استانس ( انا ارااااويييج ياا شوووق مااا نسيييت اليي سوييتييه )
المهااا كانت رااقده لكن الوعد لا
الوعد : سلطااانييي اشممم رييحة دخااان
سلطان وبخوف : شووو !!! من ويييين
الوعد وهي خايفه : ما ادري احس فالبيييت
سلطاان : لا تيلسوون في البييت طلعووااا ..
الوعد : اشوي وبكلمككك ..
سلطاان : لا لا بتمم وياااج
الوعد : اوكييي .. المهاااا ... مهاااااوييي قوووميييي المهاااا
المها قامت وهي تحاول تفتح عيينهاا : شووفييي وعوود ؟؟
الوعد : قومي ما تشمييين
المها وهي اتحاااول اتشمم : شوو هذااا ؟؟؟؟
الوعد وبخوف : ماا ادريي يقوومي نطلع ..
المها قامت بسرعه ويا الوعد ومن فتحواا باب الغرفة زاادت الريحه واكتشفوا انها من غرفة شوق ..
المها اتجدمت بتفتح الباب ..
الوعد : مهووي يا مينووونه شتسويين
المها : بشووف شو السالفه يمكن يتهأي لنا وفتحت الباب وانصدمت بالنار الي تاكل الغرفة صرخت بالقو .. وركضت هيه والوعد .. الوعد سارت اتقوم امها والمها ابوهااا ..
طلعوا من البيت بسرعه واتصلوا على المطاافي ..
من الصريخ والحشره الكل قام ولان فللهم في أرض وحده كل حد قام يطللع .. والكل يسأل ..
وبعد ما طفوا الغرفة وكل شي .. لقى واحد من الاطفائيين مدخن فالغرفة وطبعاً كانت الخدامه مخلتنه فالغرفة فاتوقعوا هو السبب وما كانوا يدرون بأن السبب هو حمييييد ..
وبعد ما طفوا الحريجه كان الكل ميتمع فبيت بومايد ..
حميييد انصدم وهو يشووف شووق ..
يدتهم : وااحسرتيي علىى بييتييي
بومايد : امييه ما علييه اهم شي سلامتك البيت يتصلح
حمد وهو يمسك شوق عسب يسيرون ..
بوثاني : اميه والمها تعالي انتي والوعد عندي البيت فاضي,
امه : لا لا اناا ما اقددررر منهدد حييليي مااا اقدررر بباات اللييله هني
الوعد : عيل انا والمها بنسير امييه ..
وساروا مع ابو ثاني والكل قام ينسحب بهدوء .. فالغرفة الوعد مسكت الفون وانصدمت انه سلطان للحين على الخط دخلت غرفة الملابس وبصوت اقرب للهمس : سلطااانيي انت للحييين مااا سكررت
سلطاان : كيييف اسككر وااناا احااتييج
الوعد وهي اتخبره كل شي وسلطاان مصدوم ..
عند حمد شوق واقفه وسرحانه هيه انتبهت على صدمة حمييد بس ما تبغي تربط الاشياء ببعضها .. ما حست الا بحمد يحضنهااا : لووو ماا يييتييي ويااااي !!! لوو صاار فييج شي؟؟؟
شوق : خفت ؟؟
حمدد : ماا ابغيي اتخييل شو كان بيستويي ..
شوق : حمدد ..
حمد : يا عيوون حمدد انتيي ؟؟
شوق : انت اتحبنيي ؟؟
حمد : لو اقوولج انه فحبي لج انا ما جذبت علييج بتصدقيين
شووق وهي تبتعد عنه: حمد انا احس فحياتي كلها ما استانست، ما ارتحت ، تعبببت والله تعبت والله احياناً اتمنى لوو اختفي من هالحيااة ..
حمد : اوووووش .. تعالي وحضنها بكل حنااان ..
عند حمييد ( أنااا شوو كنتتت بسوووي لو ششوق كاانت فالغرفة!!! اناا كيييف ما فكرررت، الحمدلله يا رب الحمدلله انها ما كانت فالغرفة، أعوووذ بالله من الشيطان الرجيم، حمييد كنت بتذبح البنتت .. أستغفر الله يارب أستغفر الله)
هيا وهي اتصرخ : وواااااييييييي
ثاني وهو فاطس ضحك : الحييييييييييين هذاا واايد مخوفنج ..
هيا وهي اتشوفه بنظره : ثاني بلا سخافه ، الفلم مب حللوو غييرررره
ثاني : لاااا الحيييين بيخلص
هيا قامت وفتحت الليت لانه كان مسكر ..
ثاني : يا خوااافففه
هيا : لا اصلاً التلفزيون شغال والليت مسكر يعور العين
ثاني وهو يعقد حواجبه : والله !!
هيا : هيه بعد شو ؟
ثاني : ههههههههههه أنزييين أنزيييين، صحح اليووم خذت بطاااقة ما دقيتي لاختج
هياا : صددق ، الحيين بتصلل
ثاني : الوقت متأخر اكييد رقوود باجر ان شاء الله
هيا اتنرفزت : اوووف .. وانسدحت وغطت عمرها بترقد ..
بعد اسبوعييين بروتينهم العادي ..
منال وهي راده من الجامعه متضايقه من كم يوم وهي اتفكر في زاايد .. ما تدري شو هالمشاعر هل هيه اشتاقت للاهتمام فيها ولا حب زاايد كبر!!
منال ( اووف اناا اشفيينييي اشفيينيييي )
عبدالله : يلا أحزان تسيرين وترجعين بالسلامه
أحزان : الله يسلمك، شكرااً عبدالله انا فعمري كله ما بنسى الي سوييتليي اياااه
عبدالله : مع السلامه ..
أحزاان ( أحببككك ) : مع السلامه ..
مشت عنها وهي تحارب المشاعر الي انولدت فيها من عرفت عبدالله ..
الساعه 6
هيا بدت تتعود على ثاني .. هو حنووون وااايد وياااهااا يعاااملهااا بطيييب ما يعااندهااا، مخلنهاا على رااحتهاا كبر في عينهااا وااايد اتحس تستانس يوم تيلس وياه بس للحين اتحس بالجرح ..
هيا وهي تفتح شعرهااا ..
ثاني : هيااا خليينييي امشطط شعرررججج
واستغرب وهو يشوفها توقف وتشل المشط وتيلس جدامها وتعطييه المشط .. ابتسممم من خاااطره ما اتوقع انها اتسوييله سااالفه .. وبدا يمشط شعرهااا بس شوي شويي
هياا وهي تضحك : ثاااانييي ترااا والله شعررر مبب ذهبب مشط عاديي لا تستوي واايد رقييق
ثاني : هههههههههههه أخااااف أعووورررج
هيا قلبها دق بسرعههه وانرسمت ابتسامه خفيفه على شفايفها بس ثاني ما لاحظ لانها عاطتنه ظهرها وبعد ما خلص ..
هيا : ثاني اباا اكلللم مهااوي ..
ثاني وهو بعطيها الفون : إن شاء الله ..
خذت هيا الفون وسارت الغرفة ودقت لمهااا
المهاا : هلاااا قلبيييييييي هلاااا
هيا : حبيييييييبتيييي ولهتتتتت عليييييييييج
المها : وانااااااااااااا اكثثثثرررر يااا قلبييييي، هااا شووو مسويييه وياا ثاني
هيا ابتسمت : ولاا شييي
المها : كيييف يعنيي ولاا شي
هيا : ماا علييج مني قوليلي شوق شحالها وياا حمد
المها : ما ادري والله الظاهر تمااام ( لانه المها خبرت هيا انه شوق رجعت لحمد )
هيا : الله يهنيييهااا
المهاا : لييش طيرتيي الموضوع قولييلييي شو مسويه
هيا وباحراج : ما ادري بس ثاني زيين
المها وهي تضحك لانه كان يبين من صوتها انهاا منحرجه : ههههههههههه شوو يعنييي زيييين؟؟؟
هيا : يعنيي طيببببب ..
المها : بس طيببب
هيا : مهاااوي
المهااا :هههههههههههه انزييين انزييين ..
هياا : يلاا انا بخلييج الحيين بكلمج مره ثاني ان شاء الله
المها : انزين قلبي ديري بالج على عمرج
هيا : إن شاء الله
هيا دخلت الغرفه وقالت : ثاني خلنييي اردد
ثاني وهو مب فاهم : ويين اتردييين ؟؟
هيا : ويين يعنييي ؟؟؟
ثاني : هياا انتي تستهبليين ولا شو
هيا : ليش عادي انا برجع وانت تم هني ادرس
ثاني : هياا ترااج زووجتيي !!
هيا ولاول مره اتحس بالاحراج من ثاني .. ويهها احمر وثاني لاحظ هالشي
طلعت من الغرفة وهي تحمد ربها انه ثاني صابر وما غصبها على شي ..
واشوي وطلع ثاني من الغرفه ويلس حذالها : هياا انتيي زعلتيي ؟؟
هيا سكتت ما عرفت شو اتقول هيه مب زعلانه ما اتعرف اتحدد مشاعرها
ثاني : هياااا اكللمجج انااا
هيا : نعم ؟؟
ثاني : أسألج زعلتيي
هيا : لا ما زعلت
ثاني : هياا اناا كل الي ابااه انج ترضييين علييي
هيا وقلبهاا بدق بسرعه : ولييش تبيني ارضىى ؟؟؟
ثاني ارتبك ما يدري اذا الوقت مناسب عشان يقول ولا يسكت احسن وقال : لاني ابااج ترضيين
هيا وهي تعقد حياتها : يعني هذاا جواااب
ثاني : عادي اسالللج
هيا : أسأأللل
ثاني : انتي ما تبيني صح
هيا وبتوتر : شو تقصد ثاني
ثاني : انتي ما تبيني وما كنتي تبيني صح
هيا : ثاني انا ما بجذب علييك انا ما كنت اباااك
ثاني : انزيين ليش وافقي
هيا : انت ليش تبغي اتعرف
ثاني : فضوول
هيا : لانه يدتك قالت ( تربية مهره )
ثاني وهو مصدوم من يدته يدري انها سليطة اللسان بس ما اتوقع انه حتى عن الاموات تتكلم ..
ثاني سرح لبعيد وهو يفكر ( ثاني البنت ما تبااك انت ليش جابرنها تيلس ويااك ؟؟ ليش ما اتخلييهاا اتعيش حياتهاا انت مب تباها اتكون سعيييده لييش اتكدرهاا ؟؟ بسس اناا ابااااهاااا انااا احبهااااااااااا هييهه لييش ما تفهم )
هيا ( هو شوفييه لييش سرحح ؟؟ لا يكونن زعل !! بس انا قلت الصدق ما جذبت بعدين هو الي سألني انا اشدخلني؟؟ بس يمكن زعل حراام !! )
عند احزاان قررت من اليوم الي وصلت فيه انها تنسى كل شي تنسى انه عبدالله زوجها تنسى انه بيتزوج وتنسى حياتها الجدييمه تنسى احزاان الي عانت وتبتدا صفحه يديده تهتم لدراستها وبس لكنهااا ما تنسى اول حب في حياتها ( عبدالله) الي مهما سوا مهما جرحها ومهما شك فيها يبقى الانسان الي انقذها من الي كانت عايشه فيه )
اليوم الي بعده المها منسدحه رن فونها فزت ..
المها : هلاا رييميي قلبيي
الريم : احمم هلاا حوبي العذري
المها : ههههههههه هلا يا عمري
الريم : شحالج وشو الاخبار عند هيا
المها : الحمدلله ، انتييي شخباارج
الريم : تمااااامم انااا، الا مهاااوي ما اتحسيين هالسنه كل حد انخطب فييهاااا وكللل حددد بيعرس
المهاا : هيييه قصدج فيي عاايلتنااا
الرييم : هيييه ، اقوولج مهووي
المها : ها مهوي ؟
الريم : شسمهه .. لوو يعنيي انخطبتيي بتواافقييين
المهاا : شوو هالسؤااال ..
الريم : سؤاال يعنييي
المها : ماا ادرييي
الريم : انزيين بقوولج شييي كنت ابا اقوولج ايااه من فتره بس ما لقييت وقتت
المها : قووولييي
الريم : زاايد يباا يخطبج
المها : قوولي رييم
الريييم : شوو اقووول قلتلج زاايد يبااااا يخطببببببججججج
المها وهي تستوعب كان في بالها انه اول ما الريم قالت هيه اتخيلت الجمله ومب صددق ..
الرييم : وييين سرتييي
المهاا : رييميي بكلمج بعديين انزيين
الريم : اوكي حبيبتي
المها غمضت عيينها بالقو .. هذا هو الي تتمنااااه بس ليش خاايفه .. ليشش خايفه اتغووص في بحر زاايد من يديييد البحر الي اول مره غرقت فييه اتخااف هالمره تغرق من يدييد وتموتت فيييه ..
بعد اسبوع
سلطان كلم الوعد علشان الملجة .. بس الوعد قالتله انه ما تبا تملج بدون ثاني .. وسلطان اتقبل الي تباه ..
شما ما في اي يديد في حياتها غير انه ملجتها قربت
المها للحيين كلاام الريم في راسها وما تدري شو اتسوي
هيا وثاني كل وااحد في قلبه كلام للثاني
شوق وحمد بعد العذاب عايشين في سعاده
ساره وراشد كل وااحد مستانس اكثر من الثاني على الطفل الي بينور حياتهم
احزاان في عالمها الخاص وعبدالله يحاول ينسى احزان
الجوهره لا جدييد غير الورود الي صارت بين فتره وفتره تلقاهم على مكتبهاا ..
يوم الأحد بداية الأسبوع ..
الجوهره دخلت المكتب وهي متوقعه تلقى الورده الي تلقاها كل احد .. رفعت راسها واستغربت من عدم وجود حمداان الي الظاهر انه مب مدااوم واكتشف انه الورود مش من حمداان ,, عبدالله ابداً من بعد هاك اليوم ما ازعجها فهي ما تتوقع الورود منه ( ياربي هالورود من منو ؟؟)
العصر عبدالله وهو يكلم امه
عبدالله : امييه اناا ابغي اعرس
منيره : عين العقل .. بس بعد سلطاان
عبدالله : امييه سلطاان شكله مطول وانا مستعيل
منيره : ومنو تباني اخطبلك
عبدالله : اي وحده بس اتكون زيينه وانا ما يهمني شكلهاا
منيره : كيف بعد ما يهمك شكلهاا يعني اخطبلك وحده شينه
عبدالله : ههههههههههه لا مبب جييه
منيره : ياللوتي انتتت ، شراايك في نوره بنت خالك ماشاءالله جمال واخلاق
عبدالله ( نوره ) هو شلها من باله بعد كلام الجوهره بس الحين خلاص احزان طلعت من حياته صح مش للنهايه لكنها تقريباً طلعت وهالمره امه اختارتها : الي اتشوفينه انتي ..
منيره : خير إن شاء الله ..
بعد اسبوع ..
عاشه : ها يا امييه شوو قلتيي ؟؟
نوره : خلاص انا موافقه..
استخارت والي فيه الخير الله بيجدمه .. الي في بال نوره انه عبدالله ريال زين ومب غريب وهي ما عندها اي سبب علشان اترده .. ودرت انه هو مستعيل ويبغي يملج بسرعه ..
ساره وهي مستاانسه : منااال توأأأأم توأأأأأم
منال وهي تحضنها بالقو : حبيييبتييييي مبرووووووووك
ساره : لو شفتييي راااشد فديييته كيييف طااار من الوناااسه
منال : يالله يارب يسهل عليييج ويقر عيينج بشوفتهم ..
ساره : آآآمييين يااارب .. بروح اخبر نواااري
عند هيا وثاني ..
هيا : ثاني يلااا عااااد قوووم
ثاني : هياااا تعبااااان
هياا : من شوو تعبااان انت ما سويت شي اليووم طول اليوم في الفرااش
ثاني : انزيين ويين تتبيين اتسييرييين
هياا : اي مكااان اي مكااان
ثاني : خلاص انزيين قومي اتلبسي
هيا وهي مستاانسه : وااايد وااايد شكراً وسارت اتبدل
استانس لانها استااانست ..
في يوم ملجة شمااا ..
الكتاب كتبته قبل اسبوع ..
يالسه على كوشتهاا وهي متوتره قلبهاا يدق ويدق وسيف يلبسها شبكتها يلس حذالها وقال : واخييييرااااا
شما كانت للحين شاله في خاطرهااا
سييف : أفااا الحببب للحييين زعلانه
شما : اناا مبب زعلاانه
سيف : كلل هذاا ومب زعلاانه .. خليينا انسيير داخل وانا اعرف كيف اراضيج ..
شما شافته بصدمه وسيف ابتسم بخبث وهو يضحك وفي الميلس سيف وهو لاصق في شما
سيف : شميييميييي
شما وبحياا : نعمممم
سيف وهو يتقرب ويبووسهاا على خدهااا بالقوو : احببببببجج
شما حست انها بتصصيييحح : سييف خووز عنيي
سيف وهي ينتبه على نبرة صوتهاا حضنهاا بالقو : والله والله احببببج
شما صاحت : وانااا احبببككك وبسس تعببت من المشاكلل
سيف : إن شاء الله ما بتصصير مشااكل .. اناا اسففف وحقجج علييي يلااا عااد ابتسميي
شماا وقفت ..
سيف : وييين ؟؟؟
شماا : دقييقه بس وسارت للمنظره الي معلقة ومسحت الي نزل تحت عيينهااا ورجعت لسيف الي كان مبتسم وهو يتطالعهاا
سيف : احلللللى شماااااااا
شما ابتسمت باحرااج : شكراًاا
سييف وبخييبة امل : بسسس شكراًا
شما ضحكت : شوو اقوول
سيف : قوولي احبببك
شماا وبهيااام : احببببك
وانفتح الباب بكل دفاشه ..
سيف وبصدمه : الريييم ؟؟؟!!
الريم : يلاا يلااا بسككك خلاااص خلل شمتيييي في حاللهاا
سيف : هاااهااااي هذا اول ماما شمتجج الحيين هي لسييف وبس
شما ضحكت باحرااج سيف صد علييها بابتساامه
الريم : فاحلااااامكك .. ورن فونها ابتسمت باحراج وهي تشوف احمد يتصل
سيف : هااا منووو
الريم وهي معصبه : يلاا يلاا ماا لخصك واطلع ولا خالو خديجه بتييك
سيف وشما ضحكوا والريم طلعت عشان اترد
الريم : هلااا
احمد وبعشق : قلبيييييييييي انتييي
الريم : هههههه
أحمد : افدااا الضحكه انااا
الريم : تتفدااااك
أحمد : ابااا اشوووفج اتصورييليي
الريم ضحكت باحراج : انزييين ..
احمد : يلاا يلاا الحيييين
الريم : هههههههه إن شاء الله
عند سيف حضن شماا : يلاا قلبييي انااا بسسيررر ..
شما ما قالت شي
سيف : بوللله على هالويييه
شما وباحراج : وانااا بوللله علييييك ..
سيف طلع فونه ولصق في شمااا واتصور وياها
بعد ما روح سيف انصدمت شما بامها الي تحضنها بالقو بكل سعاده ورضا صاحت في حضنهاااا اشتاااقت لحنااانهاااا .. واخيراَ رضت عليها
بعد شهر ونص ..
اشكثر حنتت علييه عشاان يخلييهااا اتسسير الا تحضر ملجة نوره وعرس الريم الي بعد ملجتها بيوميين ما تبا اتفوت مناسبتين كفايه ملجت شما الي فوتتها ووافق على انها اتسير الاربعاء ترجع الاثنين ..
فالمطار ثاني ما يدري كيف وواافق انها اتسير بس الحين ما يقدر يكسر بخاطرها ويردهااا .. وهي ما قالت لحد انها بترجع الا لشوق ..
ثاني : هيااا اتحملييي عللى عمرج ..
هيا وهي مستانسه : إن شاء الله
ثاني : من توصلين دقي وكلمينيي انزيين
هيا : إن شاء الله ..
ثاني كان وده يسلم عليها يحضنها بس يدري انه مستحيل ..
هيا وصلت اليوم الثاني الفجر وفالمطار كان حمد وشوق يتريونها ..
اول ماشافت شوق حضنتها بالقو تقريباً شهرين ما شافتهاااا
هياا : حبيييييييييبتييييي ولهههتتت ولهههتتتت علييييج
شووق : يا عمرييييي انتييييي وانااا اكثرررر
حمد : بس انزييين فشلتوونااااا خلااص
هيا : ههههههه شحالك حمدد
حمد : توه الناااس ، اشووفج مستانسه وين الي هاك اليوم اتصييح في السياره اتقوولي ثاني يشووفنييي
هيا وهي تذكر السالفه : ههههههههههههههههههههههههه ه للحييين انتتت تذكر
حمد : ههههههههههههههههه يلا انزين طوفوا..
المها وهي اتحس بحد يلعب في شعرها ومن فتحت عينها فزت بخوف
هيا : هههههههههههههههههه صبااااااااحججج هيااا
المها تبغي تستوعب قامت وحضنتهااا بالقو : يااا عمرييييييييي انتييييييي كييييف ردييييييتييييييي
هيا : ربججج بعددد
الوعد قامت على الصوت وباستغراب : انتوو ردييتووواا ؟؟؟؟
هيا وهي اتسلم عليها وتحضنها : لا بس انا، وبرجع بالاحد ..
هيا وهي ذكرت انها ما دقت لثاني طلعت من الغرفة واتصلت ..
ثاني وبشوق وااضح : وصلتيييي
هيا واتحس قلبها يدق : هيييه
ثاني: الحمدلله على السلامه
هيا : الله يسللمكك ..
سكتوا لثواني .. وبعدين ثاني اتكلم : يلاا انا بخلييج ترتاحيين ..
هيا ما عرفت شو اتقول
ثاني : مع السلامه
هيا : مع السلاامه وقبل لا اتسكر سمعت
ثاني وبسرعه : هيااا
هيا وبتوتر : آمر
ثاني وبألم وهو مب مقتنع : هياا انا ما ابغي اجبرج على شي لو ما تبين ترجعين خلاص سوي الي يريحج ، مع السلامه وسكرر ..
هيا حست بشعور غريب حست للحظات انها حقيره وللحظات حست بالكره لنفسها وبعديين بالغضب ( ليش ما يبيني ارجع خلاص بهالسهوله بيتخلى عني )
عدا هاليوم على خير الا على نوره الي كانت ميته توتر لانه باجر ملجتهاا حاسه بالضيج ما تدري ليش مبب مرتاحه ابداً بس اتحاول تقنع عمرها انه هذا كله خوف ..