[لامارا]

ــــــــــــــــــــــ


البــــــــــــــــــــــ ــــــــ (18) ــــــــــــــــــــارت



بــرد..رياح مخيفه..هدوء..وانقباضات قلب



ياذاك البعيد عود
وامسح عن عيناي الدموع
فبدونك روحي لن تعود
وبك انطفئت كل الشموع
..بقلمي..


اماه عودي فالخوف قد تمكن مني ....






قامت ونظفت بنطلونها اللي علق فيه التراب وورق الشجر رفعت عينها للجمس اللي طلع من بوابة البيت :قليل ادب كان على الاقل سو نفسه ماسمعني
وقفت تنتظر سهاد بس سهاد مالها حس
: اووووووف وينها ذي لي حول العشرين دقيقه وانا منتظرتها
لفت راجعه للفيلا وهي تفكر بالشخص اللي جلس يغني معاها وتنهيداته اللي طالعه من قلب



دخلت على الصاله ولا لقت البنات سمعت اصواتهم جايه من المقلط راحت له وفتحت الباب بقوه : سهـــــــــــــــاد
استحت لما جت عينها على البنت الغريبه اللي معهم
هديل:هههههههههههههههههه لاحياة لاحياة يا اختاه
رفعت حاجبها لهديل وهي تتوعد فيها
ناظرت في سهاد المتخبيه ورا ساره ونوف : احم السلام عليكم
الكل بضحكه: وعليكم السلام
تقربت من ندى اللي وقفت وبادلتها السلام :حياك يالغلا
عذاري بابتسامه :تفضلي استريحي
ندى المبهوره من جمال عذاري اللي وضح لما تقربت منها : زاد فضلك حبيبتي
شهد:عذور هذي ندى صديقتي اللي تكلمت لكم عنها
ندى باعجاب وبصوت عالي: هــذي عـــذاري
ناظروا لها البنات باستغراب
قالت عذاري بابتسامه حلوه: تشرفت فيك قلبي
ندى باحراج :الشرف لي والله
جلست عذاري مقابل ندى بجنب سهاد اللي تبتسم ببلاهه
عذاري من بين سنونها: اجل تتركين وتقولي شوي وارجع هاه
سهاد بنفس الابتسامه الهبله:وربي وربي اخذتنا السوالف
عذاري : ههه حسابك بعدين
ناظرت لها سهاد بتكشيره: لارحمه
لفت لها عذاري: وش قلتي
سهاد بضحكه: احـــــــــــــبك

عينها عليها ولانزلتها..وربي ما الومك يانايف هي كذا وباقي ماخلصت 13سنه اجل كيف لو كبرت بسم الله عليها...
تلاقت عيونها مع عيون عذاري وازاحت عيونها بسرعه تشغل نفسهابسوالف مع شهد وتفكيرها عند اخوها

ناظرت عذاري لشكلها :ابد مو بخالين مره العجوز ومره صديقة شهد ليكون في شكلي شي غلط
سهاد: وشو تبطبطين انتي فيه
عذاري : هاه ولاشي
استغربت سهاد وسكتت










وصل بيت جدته بعد دقايق من اتصالها عليه
فتح باب البيت شافه هدوء وقف بنص الصاله وهو مستوحش هالوحده اللي فيها جدته: ناصر النذل مايعرف يصطبل >يجلس < بهالبيت
صوت عليها بس مالقى أي رد
:يمــــــــه شريفه
جاه صوتها من مكتب جده: تعال انا في مكتب جدك
توجه له ولقى الباب مفتوح دخل عليها : السلام عليكم
الجده شريفه: وعليكم السلام .. اشرت على مكان بجنبها .. تعال اجلس هنا
تقرب منها وعينه على المكتب اللي له زمن ما انفتح بابه : ماشاء الله يايمه اثاريك معتنيه فيه حتى ذرة غبار مافي
الجده شريفه: هيه هيه اكيد بااهتم فيه هذا سر جدك الله يرحمه
جلس بجنبها وهو عاقد جبينه: ســـر
واجهته وقالت بجديه: ايه سر
زاد استغرابه وحاوطته افكار كثيييره وده يعرف هالسر اللي متخبى بهالمكتب من زمن ولاحد راح يدري عنه غيره وليه جدته اختارته هو بذات نفض راسه من هالاسئله وناظر لجدته وهو يهيئ نفسه للي بيسمعه







حورية حب في منتصف الطريق اوشكت على الغرق





فتح لها باب الشقه ويده الثانيه بيدها مافكها
ابتسمت عبير بمحبه:تسلم حبيبي
ناظرخالد لها بنظرات كلها حب:ربي يسلمك لي
دخلت للغرفة لجل تفك عبايتها لكنها صرخت من اليد القويه اللي لفتها له.....
حست بحرج كبير لما شال عبايتها عنها بقوه ومسحها بنظره اعجاب ..سحبها لحضنه وطوقها باذرعته بقوه
غمضت عيونها بشده من قوة ضمته استنشقت ريحة عطره العالقه بملابسه وهمست باحراج: حبيبي
خالد: اشششششش خليني
ابتسمت وطوقته بيديها وشدته لها
دفن وجهه بشعرها ودمعة عنيده من عينه نزلت قال بخفوت :شديــــــــــــــــني
رفعت راسها بس يده رجعته لصدره وكلام الدكتور يتردد بباله همس بحب باذنها: احبـــــــــك
رفعت راسها وناظرت بعيونه وحست بحزن بنظراتها
تلمست باناملها عيونه بهدوء
ابعد اصابعها عن عيونه و تلاقت عيونهم
همست بصدق: اعشقك ياخالد
دنق عليها ونسى كل دنياه مايبي شي في هاللحظه غير انه يروي عطش مستقبل يمكن فيه ماتكون هالحبيبه معااااه










فتح نافذة الغرفه وابتسم من المنظر اللي شافه كان الثلج مالي باريس كلها



.. دخل يديه بجيب جاكيته الصوف ولف على دقت الباب
مشى بتكاسل لين الباب فتحه شاف موظف خدمة الغرف
الموظف: سيدي حان الان وقت وجبة الافطار والمائده قد جهزت بحسب ما امرت به
عادل بدون اهتمام: حسناً حسناً ميرسي
الموظف: استأذن
قفل عادل الباب وتمغط بكسل سحب حاجيات الاستحمام ودخل الحمام يستحم وبباله مصااااااااااايب






وصل عمته سعاد لبيتها وحرك السياره بسرعه وقف عند الاشاره ولف على جدته بقوه: وش وداكم عندهم
ناظرت له وهي تدور بعصاها بين كفوفها: وداني اللي وداني وش دخلك
وصل ضغط نايف لــH: كان كلمتيني انا اوديك بدل ماتبهذلي عماتي معك
الجده هيا: مابغينا نشغلك ويلا حرك ترا الاشاره اشتغلت
رجع راسه لقدام وهو ناوي يمسكها بالبيت
رفع عينه للمرايا وشاف ندى تاشر له باشارات مافهمها
رجع نظره لطريق وبداخله حماس وفرحه من كل اللي صارله اليوم








ازعجته رنة الجوال طلعه من جيبه ورد بعيون مغمضه وصوت رايح من النوم: الو
هديل بخرعه: بسم الله مين انت
راكان بنوم: انا السكني >ـ< الجني بسم الله عليكم >.<
ماسمع أي رد : الو هديل الــــو وين رحتي
فتح عيونه بهدوء من اللي يسمعه











ام سطام: هدييييييييييل ياهدييييل
جت هديل تركض من الدرج: جاااااااااااااااااااااااا ااااااااااااااااايه
ام سطام بانزعاج من صوتها: هب عليك وش هالصوت
هديل بهبلنه: اجابة النداء يالغاليه
ام سطام: لاعزه من نداء
هديل بضحكه: الموهم امريني وش معاها هديوي مناديتني
ام سطام بقلة حيله: يالله انك تعقلها وتزينها علي وكاد اتبارك بحياتي
هديل بطرف عينها: هاه ترا بأمشي
ام سطام: هههههههههه مالت عليك وش اقول بس
هديل: قولي بعد وجداني واحاسيسي انتي
جت ام هدى على كلمة هديل: ارحميني يالخنساء
هديل وهي تناظر لامها: حنون هذي دايما تكسر روح التعليم فينا
ام سطام: هههههههههههه والله ماينكسر هالتعليم الا من هبلنتك المهم اللحين روحي دقي على اخوانك شوفي ويينهم فيه
هديل: اجل على كل دقيقه تروح من مكالمتي عليها 10
ام سطام وهي تصرفها لجل تختلي بام هدى السرحانه في الارض: باعطيك 50
نطت هديل بفرحه وركضت لغرفتها
جلست ام سطام بجنب زوجة اخوها: علامك يا ام هدى
تنهدت ام هدى بحسره: هدى يا ام سطام كاسره ظهري










نطت على السرير واخذت جوالها بعد اربع اتصالات جاها صوت غريب مو صوت راكان
:الو
هديل: بسم الله مين انت
: انا السكني
سكتت بخوف ونزلت الجوال على السرير وركضت تنادي البنات لجل يشهدون معاها الحدث
: الو هديل الــــو هديل يوووه علينا وين راحت هذي

دخلت الغرفه وهي تسحب في شهد
شهد: اييييي يدي وجع وش بلاك انتي
هديل: شهووووود جني جني جني >ـ< بسم الله علينا
شهد بخرعه: وشوووووو وينه
مسكت هديل فك شهد ولفت براس شهد لجهة الجوال: في الجوال
شهد وهي تفك نفسها من هديل: تستهبلين انتي
هديل: وربي ما اكذب تعالي اسمعي
شهد: تيب انتي على مين داقه
هديل: على راكان بس مو راكان اللي رد
شهد: يمكن يمزح معك
هديل : والله مو صوووووووته
شهد بدت تخاف:بسم الله الرحمن الرحيم
جلست على السرير وهي تبسمل ناظرت لهديل وتشجعت سحبت الجوال وحطته على اذنها: الـ ـ ـو
ابتسم لما حس بدفئ يسري بجسمه
شهد: الو
:...............
ناظرت لهديل: مافي شي
هديل: يمكن قفل
حطت الجوال قدام عيونها وشافت ركون على الخط: لا باقي على الخط
هديل : طيب اقري المعوذات
غمضت شهد عيونها وهي ودها هالجني يتكلم: بسم الله الرحمن الرحيم
((قل هو الله احد۝ الله الصمد۝ لم يلد ولم يولد ۝ ولم يكن له كفوا احد))

غمض عيونه بهدوء والابتسامه ما اختفت عن وجهه ابد

’’صارت لي خخخخ,,’’








ناظرت لمشاعل اللي احتضنت مهند ونامت معاه في غرفة خالد
شالت سلاف اللي تلعب وتضحك ببراءه وطلعت لصاله لجل ماتزعجهم
جلست سلاف على رجولها وهي تلعبها وضحكها الطفولي مالي المكان
حياة: حبووبتي تبين ننا يلا ماما اسوي اللحين لك رضعه وتنامين اووك
ضحكت على ضحك سلاف اللي مو فاهمه شي
رفعتها على يديها ونزلتها معها المطبخ
اخذت حقيبة حمل الاطفال ولبستها وجلست سلاف فيها
صخنت لها مويا وسوت لها رضعتها
جلست على طاولة الطعام وهي ترضع سلاف وتمسح باصابعها على راس سلاف: ليتني مثلك ياسلاف لا افهم اللي ينقال لي ولا افكر بلي ينقال اضحك على كل جرح وابكي اذا جعت
حتى ايام طفولتي ماني متذكره منها شي تدرين ليه ياروحي ..تقربت من وجهه سلاف اللي ترضع والنعس بدا يجيها.. لان عمتك فقدتك الذاكره بشكل كلي


رجع لغرفته وهو متناسي عطشه اللي قومه من النوم صوتها المجروح ودموع القهر اللي بعيونها نساه كل شي





دخلت على غرفتها على طول وقفلت الباب لجل مايلج راسها بالاسئله
دخل مسرع للبيت وشاف ندى بصاله: وين جدتي
ندى: هههه تلقاها مستعده للنوم
كشر بقهر وتوجهه لدرج بيصعد لغرفته بس تذكر شي ورجع لندى: ندوووووووووووي
ناظرت له بمكر: خييييييير
نايف بابتسامه: كيف اليوم انبسطي
ندى وهي تلم عبايتها اللي رمتها بجنبها باهمال: اييييييييييه ومرررره
قامت من عنده: تصبح على خير ياقمر
ناظر فيها بهدوء وهو وده يسطرها
وقفت بنص الصاله ولفت له: ايه نسيت اقلك
ابتسم نايف: وشوو
ندى بضحكه: ياصغر الفرح في قلبي ويا كبر الالم والاه
ههههههههههههههه ..ركضت لدرج بسرعه قبل مايلحقها..
تفشل بعد ما استوعب انها حكت لهم السالفه بس سرعان ماتناسى ..تمدد على الكنبه وابتسامه تزين ملامحه : ياترى حرام اللي انا اسويه
دخل يده بجيبه وطلع اربع صور منه وبكل صوره تزيد عقدة الذنب عنده








فتح الابجوره وتكى بجنب حب حياته .. نايمه بهدوء وبكل راحه
ناظر لعيونها الناعسه تلمسها بخفة وتلمس كل جزء بوجهها
دنق وطبع قبله حنونه على جبينها
نزل راسه لرقبتها وغاص معها بأحلامها اللي يتمنى من كل قلبه انها تكون سعيده
: ربي يبقيك لي ويبقيني لك ياعبير








طلع من عند جدته وحمل ثقيل على قلبه : اه ياجدي الله يرحمك ويسامحك
شاف ضوء سياره غريبه تدخل لحوش جدته تقدم منها واستغرب من اللي جايهم بهالوقت




انتظروا البقيه...