[لامارا]

ــــــــــــــــــ


الـــــبـــــــــــــــــ ــــــ (19) ــــــــــــــــارت

استغفر الله العظيم من كل ذنب عظيم...

حنــــانك

سأقول لك باختصار..حنانك سبب من اسباب جنوني بك..





احساس فقدك موجع يا ابي,,,


..
..
..
..
قفل الملف اللي بيده بعد ماوقع الاوراق اللي فيه
رفع عينه على جينفر اللي يقول: مباركاً لك سيد طلال قد تمت التوثيقات ولم يبقى سوى اجتماعنا بالسعوديه
ابتسم عادل بمسخره على حاله
حط الملف على الطاوله وحط القلم فوقه ووقف لجل يصافح جينفر اللي مد له يده
ودع جينفر ومشى لجناحه : كثرت جمايلي عليك ياطلول

..خلف تلك القسوه جمال بستان..



فتح عيونه على وسعها: سمووووووور
حرك سامر شعره المبلول : هب على هالديره فيها برد ماهوب صاحي
رفع نظراته لجمال المصدوم من وجوده: هيييي يالاخو وش شايف انت
جمال: ماني مصدق سمور راعي البر والقنص في امريكا
:هههههههههههههههههههههههه� �هههههه
التفتوا على ضحكة خليفه اللي دخل الشقه ورمى بالمظله عند الباب
سامر: كملت علي
خليفه: وهو صاج انا من شفتك سميت على امريكا من شرك
جمال: المهم اللحين وش جايبك هنا
سامر: بلا عليكم ماتبوني انتم ولا وش سالفتكم
جمال: والله اني مستغرب
جلس سامر بجنب خليفه مقابل جمال: جيت الله يسلمك لجل بحث التخرج ويمكن اقدم على دراسات عليا
جمال و خليفه بذهول: سبحان مغير الاحوال
عصب سامر واخذ الخداديه وضرب فيها خليفه وقام لجمال اللي انحاش للغرفه







12:55 الظهر

: يمممممممه
ام بدر من المطبخ: تعالي انا بالمطبخ
ركضت للمطبخ وطلت براسها من باب المطبخ: هاي مامي
ام بدر: وعليكم السلام ورحمة الله وبركاته
بدر من وراها: واه ههههههههههههه شوفي خشمك بالارض ارفعيه
لفت عليه وهي رافعه حاجبها: خير سيد بدر
بدر : احم احم ابد بس ممكن توخرين لاني بادخل المطبخ
خلصت ام بدر تقطيع خضار وقامت للمغسله لجل تغسل يديها: هنادي وش تبين مناديتني
لفت لـ امها بعد ماكشت بدر: كنت باقولك سامر دق
ام بدر بفرحه: ليه ما ناديتيني
هنادي:حرام عليك يمه صوتي راح وانا انادي عليك
ام بدر: المهم وش اخباره ووش قالك
هنادي: قال انه وصل وسب سبتين في امريكا وقفل
بدر وهو يرجع الكاس بعد ماشرب مويا: ههههههههه هو كارهها من عدم
ام بدر: الله يستر عليه ما سألتيه لقى جمال ولا لا
هنادي : هو عطاني فرصه اصلا
تنهدت ام بدر: الله ييسر امره


نزلت بعد ماخذت لها شور تريح فيه نفسها من بعد تعب المدرسه
توجهت لطاولة الطعام وشافت الكل بانتظارها جلست بجنب حسام وهي مالها نفس للاكل الكل اللي تبيه انها تنام: السلام عليكم
الكل: وعليكم السلام
الجد: وين لمى
عذاري وهو تحس بخمول:حطت راسها ونامت
راكان بتعقيده: عذور وش فيه وجهك كذا
الكل لف عليها
عذاري: مافيني شي بس نعسانه اهئ
حسام بحب: كلي لك لقمتين واطلعي بعدها نامي
ابتسمت هديل: لو انكم مو اخوان كان زوجناكم من زمان
سكت حسام ورجع يكمل اكله
عذاري بضحكه وهي تمسك ذراع حسام وتقول ببراءه: يالـــــــــــــــــــيت
ضحكن ام سطام وبنتها لكن خمسة اشخاص كان الهدوء جوابهم..الجد و العم وعياله..
طالت نظرة سطام في حسام اللي شاد على الملعقه وتعقيدت وجهه اللي وضحت اكثر بعد اللي قالته عذاري
عذاري بطفوله: بس احسن شي وهو اخوي لاني من صغري وانا اعتبره اخو لي لا اكثر
نزل سطام عينه وركزها على صحنه متناسي كل الاوهام اللي جت بباله







بعد شهر
11/7/ 1429
الخميس

حنان بعصبيه: لين اللحين ماصحو
ام سطام: لا صحيتهم كلهم هدي نفسك انتي
حنان: رفعن ضغطي
ام سطام: انتي بس اهدي وكل شي بيتيسر

جت تركض
:يمممه
لفت ام سطام وبنفس الوقت لفت حنان: هلا يمه
ناظرت لهم لمده وهي ساكته ماتدري ليه حست بالنقص بلعت غصتها وهي توجه الكلام لخالتها: عمي يبيك
طلعت من عندهم بسرعه والغصة خانقتها
قامت ام سطام من وراها وعينها عليها وهي حاسه ان فيها شي والدليل انها قالت عمي ماقالت ابوي مثل كل مره .... اه ياسهاد الامانه صعبه بالحيل ...

صعدت لفوق وعينها تناظر لكل شي في هالدور
هي ماهجرته كل مره تقول لشغالات ينظفنه
وقفت قدام الباب اللي له اربع سنين ما انفتح لا احد الا لها
طلعت المفتاح من جيبها وفتحت الباب بهدوء
لفحتها ريحة امها بالغرفه دخلت بقلب خايف قفلت الباب من وراها بيدين مرتعشه
مشت لنص الغرفه وعينها تتأمل كل شي فيها
ماتغير فيها شي دايما تتدخل وتنظفها بنفسها ولاعمرها راح تهملها
مشت لتسريحه ..ناظرت للعطورات وكل مستلزمات امها وابوها
رفعت يدها بوهن لجل تمسح دمعتها اللي نزلت
رفعت عينها للمرايا وبكت اكثر من اللي كان مكتوب
... لاحرمني منك يالغاليه ولا من دلوعتنا عذاري...
:بس انا انحرمت منكم يايبه
لفت لسرير وهي تناظر لصورة امها اللي فوق السرير
مسكت على قلبها وتمددت على السرير وهي تدفن وجهها لجل ماحد يسمع بكاها






يحس بفرحه مع شوي توتر كانه اول مره يتزوج
رفع عينه لامه اللي رايحة وجايه وملعوزه نفسها مع الخدم
ابتسم بخفوت وتوتره كل ماله يزيد
: طـلــــــــــــــــــــــ ول
تخرع من الشهقه اللي جاته لف عليها : لابارك الله بشيطانك طيحتي قلبي
عبير:هههههههه سوري يا اخي العزيز
طلال: هاه وش بغيتي
عبير بضحكه: ليه جالس هنا وراك ماتروح عند الحلاق
طلال بابتسامه: ايه تبيني اروح اللحين لجل تمشورني امك ويخرب وجههي
عبير: ههههههههههههه عريس ولزوم تتعب
طلال: بس مو اول زواج لي
ناظرت له عبير وسكتت
وقف وقرب لعندها وهو يبتسم لها: شوفي مين وراك
مشى وخلاها صاعد لغرفته
لفت عبير وشافت الكوافيره اللبنانيه مبحلقه بعيونها في طلال
عبير: مدام روعه
لفت لها روعه: اهلين مدام عبير كيفك
عبير : الحمدلله ليه تأخرتي عسى ماشر
روعه:شو بسوي هيدا هي الرياض وهيدا زحمتها
عبير: اوك تفضلي معي
روعه: اسم الله عليه هيدا هو العريس صح
عبير برفعة حاجب: لا هذا زوجي
انقلب وجهه روعه وسكتت







ناظرت لساعة الجوال وتأفأت :اللحين بعرف ليه مستعجلين علي كذا
سهاد : لا والله ومتى بتجهزين ان شاء الله
هدى بضجر: باقي الساعه 4 ونص يمديني اتجهز بعد المغرب
ساره: لا مايمديك هم بيجون عـ ساعه 8 وربع
هدى: اوووف ومين قالكم اني باتصلح له
عصبت سهاد: وليه ماتبين تتصلحين له
هدى بضجر: مو شغلك
سهاد: هذي اللي بتجنني
ساره وهي محتاسه بينهم: سهاد انتي اطلعي وانا باقنعها
هدى: ما ابي احد يقنعني ورجاءاً خلوني لوحدي
طلعت سهاد وصفقت بالباب وراها
جلست ساره بجنب هدى: لو تطردين فيني لين بكره ماني طالعه وبعدين عيب عليك تقهرين امك كذا كافي انها على اعصابها من الصبح وامس طول اليوم تفكر فيك
على الاقل تجهزي لها ولنا وشرفيها وشرفي ابوك المسكين اللي من الصباح وهو مقابل الذبايح
دنقت هدى وهي تفكر بكلام ساره
رفعت راسها وناظرت لساره: باسوي كل شي عشان امي وابوي بس لكن له والله مايشوف مني شي








طلعت من غرفة امها وابوها بعد مامسحت وجهها من اثار الدموع نزلت بخفه من الدرج وهي تحاول تدفن كل حزنها بقلبها
لفت بتروح على المطبخ بس استوقفها صوت خالتها حنان
حنان: عذاري
لفت عليها وشافتها جالسه بصاله: هلا خالتي
دققت حنان بعيون عذاري المنتفخه من البكي: وش فيك حبيبتي تحسي بشي يوجعك
عذاري: لا ابد بس بطني شوي يوجعني
ابتسمت حنان : اجل اقوم اسويلك قرفه
توهقت عذاري: هاه لا لا خالتي لاتتعبين نفسك انتي اللحين روحي اجهزي وانا اسوي لي كاس حليب
حنان : طيب بس لاتتأخري لجل تروحي تجهزي ترا البنات كلهم اجهزوا مابقى الا انتي
عذاري بابتسامه: من عيوني







نزلت وبيدها اربع فساتين شافت جاسم ونايف وابوها بصاله
ندى: السلام عليكم
الكل: وعليكم السلام
ابو نايف: هلا هلا ندوشتي وينك يابوك مالك أي حس اليوم
ندى بابتسامه: اليوم انا مشغوله
جاسم: وش هالشغل اللي شاغلك بالحيل
ندى : اليوم انا معزومه على ملكة اخت صديقتي
ابو نايف: ايييه ذكرتيني ..لف لجاسم..جسوم يبه قم روح على محل...... وخذ الهدايا من ترا لها يومين ونسيت امر اخذها
ندى: ولمين هالهدايا
ابو نايف: جدتك وصت معي تقول بتعطيها للعروس وامها
ندى: اها المهم اللحين شوفو هالفساتين محتاره مدري وش بلبس
تكلم نايف اللي كان مشغول بلابه: اشوف
فرشت كل فساتينها قدامهم واختلفت اراء ابوها وجاسم
رفعت عينها لنايف بطفش: وانت سيد نايف وش رايك
نايف وهو يصب له فنجال قهوه: اطلعي البسي عباتك وتلقيني منتظرك في السياره
ندى: وين بنروح
نايف بحب: باروح اخذلك فستان على ذوقي ومنها امر بك المشغل
ندى بفرحه: صــــدق
نايف: ايه ويلا عجلي قبل ما اغير رايي
ركضت ندى بسرعه على غرفتها قبل مايغير هالمزاجي رايه
ابو نايف : الله يسعدك يابوي
نايف:ولو يبه ماسويت شي
رشف من قهوته ورجع عينه على لاب توبه وغصة حزن بقلبه على اخته







دخل البيت وهو متقرف من حالته: الله يسامحك ياجدي كرفتيني اليوم كرف
ناظر لساعة جواله وشافها سبعه ونص: اووه ماراح يمديني امر الحلاق
رفع عينه لشي الاسود اللي مدنق على الطاوله اللي عليها المبخره وباين من شكلها انها تتبخر
...خخخ هذي هديلو ..
تقرب بخفه منها وهو ناوي يخرعها مسكها من معصمها ولفها بقوه عليه وهو مطلع لسانه لها
فتح عيونه على وسعها من اللي شافه
هديل بألم: وجـــــــــــــــــــــــ ــع
ناظر للي لابسته و مانزل عينه من عليها ابد
هديل: وش فيك فك يدي تراك وجعتني
بهتت ملامحه وفكها بسرعه : اسف
ناظرت له هديل باستغراب: راكان وش فيك
طال النظر لها : عذاري لاتشوفك ياهديل
سكتت هديل بعد مافهمت عليه
مشى من عندها وموجة حنين اغرقته لماضي مستحيل انه يرجع









جالس بنص الصاله وهم قدامه تأمل كل وحده فيهم هم عنده اغلى شي بهالدنيا
سهاد:سم يايبه وش بغيت منا
يحيى:انا جمعتكم اللحين لاني باقولكم اللي انتم ودكم تعرفونه او نقول اللي تبون تسمعونه مني
انشدوا البنات لكلام ابوهم
كمل يحيى:تعرفون اني تزوجة امكم من غير رضا ابوي بس اللي ماتعرفونه ان ابوي تبرا مني
..دنق و الالام الماضي تمر قدامه...كان يبيني لبنت عمي وهي اكبر مني بواجد بس انا رفضت وصارت مشاكل كثيره جلسنا على هالمشاكل سنتين كامله
..ابتسم بوهن.. وكنت انا توي مخلص العشرينات
..رفع عينه لزوجته...تعرفت على اهل امكم وحبيتهم وحبوني لين ماصار بيننا نصيب
..رجع عينه لبناته... بعد ما خطبتها من ابوها جيت على طول فاتحت ابوي بالموضوع واستعنت بباقي اخواني وعماني لجل يوقفون معي بس ابوي الله يرحمه كان راسه يابس
قابلني بصفع والشتم ..قال بضحكه.. عاد انا هنا لجل احمي حبي رحت واخذت معي اخواني علي وكريم وامي وملكت على امكم
سهاد: ياعيني ياعيني
حنان : ههههههه اسكتي خل ابوك يكمل
يحيى بابتسامه: وتزوجت بعد ملكتي بشهر ولما اخذت امكم ورحت عند جدكم طردني وتبرأ مني وحرمني من نصيبي بالحلال
لكن طول فتره زواجي اخواني ماقاطعوني ابد كانوا على تواصل دايم معي
وخالتي شريفه كانت باليوم تتصل علي ثلاث مرات
ماحسيت معها الا بالحنان والحب من بعد ما اخذني ابوي من امي عاملتني احسن معامله واعتبرتني واحد من عيالها
اما سالفة ليه خبيت عليكم سالفة عماتكم
بعد ماتوفت امي اخذهم ابوهم وسكنوا بمكان ثاني غير بيتهم القديم واللي جى ببالي هذاك اليوم قلت اكيد انهم نسوني لان وقتها مالقيت لهم أي اثر الا بعد ماولدت امكم بشهد عرفت مكانهم وكنت بازورهم بس لما دريت ان هدى تزوجت رجال تاجر ومعروف بطلت اروح لهم والى الان ما ادري وش السبب اللي منعني
انا ماقلت لكم يابناتي هالكلام الا لاني ابيكم تبيضون وجهي اليوم عمانكم يحبونكم وعمرهم ماقصروا معاي بشي لجل كذا ما ابي أي وحده فيكم تشيل بقلبها عليهم
هدى : وسالفتي مع طلال
ناظر لها ابوها وسكت
وقفت هدى : على العموم يبه لاتوصي بنشيلهم فوق روسنا ولاراح نقصر معاهم بشي مو بنات يحيى اللي يطلع منهم العيب
مشت من عندهم وهي بقلبها الكثيير من الكلام اللي لازم تسم به بدن طلال








ركبت السياره بعد ماحطت اغراضها اللي اشترتهم بشنطة السياره: نيوووف حبيبي
ناظر لها : وراك شي اخلصي وش تبين
ندى بضحكه: ابيك تمر سمر وهنادي يبون يروحون معي المشغل
نايف: اوف اوف متى امداك تعلمينهم
ندى بتكشيره: وش اسوي انا احب استشيرهم بكل شي تعرف عاد بنات مثلي واذواقنا تتشابه
نايف: وشمعنا هنادي وسمر ليه ماتاخذي شيماء ولا لمياء
ندى: اتصلت عليهم بس تراهم مشغولين مع اهل العروس تعرف جيرانهم وكذا ولابد انهم يساعدونهم
نايف: صبر صبر اهل العروس مين
ندى بابتسامه لها عدة معاني: هم انفسهم اهل الحب
نايف: نــدى احكي اللحين بصدق
ندى: والله عيال يحيى السرحي هم قرايب عيال التركي
نايف بابتسامه: ادري ماجبتي شي جديد
ندى: مالت بس
تقهقه نايف على تعصيبة ندى اللي يحب يرفع ضغطها


وصل لبيت خالته وعطت ندى سمر رنه لجل يطلعون
طلعن وركبن ورا
سمر وهنادي بصوت خافت: السلام عليكم
مايدري ليه ميز صوت سمر : وعليكم السلام
حل في السياره هدوء غريب
توتر نايف من هالهدوء حس بقلبه يدق مثل الماضي
تعوذ من ابليس بسره وهو يحاول يجيب صورة عذاري بباله بس ماقدر






... ايتها اللعينه حلي بـ أرضي ولاتغادري الا بـ إذني...


لفت حول نفسها وهي تشوف شكلها بالمرايا ابتسمت باعجاب لنفسها
جلست على سريرها وهي تقول اذكارها
سمعت رنة جوال ناظرت لجوالها اللي بجنبها بس شافته مقفل ولارن .. يمكن جوال لمى...
راحت لسرير لمى ومالقت جوالها
تتبعت الصوت لين ماوصلت تحت السرير ولقت جوال تحته
مدت يدها وسحبته
رفيقة دربي يتصل بك
:ذا جوال شهود
ضغطت الزر الاخضر وجاها صوت ندى اللي تسولف مع شخص عندها وناسيه الخط
..
..


نزل على الحديقة القريبه من الحي الساكن فيه الجو دافئ والحياة في باريس غير

رفع عينه على الطفلين اللي يلعبون حول امهم
اغراه هالمنظر وانرسمت ابتسامة تسامح على شفاه لا اول مره من بعد سنين طويله مرت عليه
رن جواله ورد على طول جاه صوت عبير العالي اللي تهاوش فيه لانه كسر كلمتها ولا رجع على الموعد اللي لازم يرجع فيه لجل يحضر ملكة طلال
رفع راسه لسماء وهو منصت لترنيمات اخته الحنون






انتـــــــــــــــهى
توقعاتكم

ابلغني وابلغكم المولى رمضان ورزقني ورزقكم خير الحسنات واثابني واثابكم على القيام والصيام
كل عام ونحن الى الله اقرب