[لامارا]

ـــــــــــــــــ


البـــــــــــــــــــ (20) ـــــــــــــــــــارت


لا اله الا انت سبحانك اني كنت من الظالمين...


ضجيج حياتي اصبح لايطاق





رن الجوال بس ماحد رد عليها ....اوووه ياشهد ويينك...
وصلوا للمشغل نزلت الجوال من اذنها ومسكته بكفها اليسار
قبل ماتفتح الباب امتدت يده ومسكت يدها اليسار بقوه لين ماطاح الجوال
رفعت عينها له وفهمت انه يبيها بكلمة راس
لفت براسها على البنات : بنات انتو اسبقوني للمشغل لين ما اصرف قروشاتي من اخوي
هنادي بضحكه: طيب
بعد ماتأكد انهن نزلوا تكلم بسرعه: اتصلي على جسوم او خليهم يتصلون على بدر لجل يرجعكم للبيت
عقدت حواجبها باستغراب: وليه ماتبي ترجع لنا انت
:عندي شغل مهم باخلصه ويمكن اطول
ندى بعدم تصديق: بس انت قلت لي ماعندك شغل اليوم
نايف بقلة صبر: ندى خلاص ماني براجعلكم يعني ماني بر اجعلكم
ندى بضجر: نايف ترا اعرفك زين من وقت ماطلعت سمر السياره وانت ساكت...ناظرت لكفه اللي ماسك كفها... والدليل توترك وانت تسوق ...ناظرت لعيونه ... اذا انت باقي تحمل لها مشاعر اجل ليه رفضت تخطبها
نايف بتوتر وضح على ملامحه: وش هالكلام ومين قال لك اني احبها اصلا انا ما اعتبرها الا بنت عمه وانتهينا
ندى باصرار حتى تعرف حاله المتلخبط: قول هالكلام لجدتي بس لاتقوله لي وان كان باقي على حبك لسمر فا انصحك فك نفسك من ذيك المسكينه اللي ربطت نفسك بها من غير شورها
نزلت دموعها غصب وهي جاهله سبب نزولها ماتدري شفقه على حال عذاري او غضب من كذب اخوها
رفعت يدها من تحت النقاب وهي تمسح دموعها اللي موراضيه توقف قالت بصوت متهدج: راجع نفسك يانايف مابقى لك الا سنتين
تنهد بهم على حاله: اللحين ليه الصياح
رفعت عينها المدمعه :ما ابي اللي صار لامي يصير لعذاري
انصدم من ردها ولا قدر يرد عليها
مسحت دموعها ونزلت بسرعه وهي تقول: باتصل على جاسم يجيلنا روح انت ارتاح

مشت وعيونها تحرقها كل ماتذكرت الماضي اللي ماتحبه ابد
:سامحيني يمه








نزلت الجوال وهي في حالة ذهـــول
.... ليه انذكر اسمي ووش علاقتي باخوها ...
رفعت عينها للمرايا والوساوس تهاجمها من كل مكان







امريــــــــكا

حست بدوخه قويه رفعت يدها لراسها وهي تتمدد على القنفه بوهن
نطت سوسن عليها : بيشووووووووووو
فتحت عيونها ونفسها كل ماله ينقص
تخرعت سوسن من شحوب وجه بشاير: بشاير فيك شي
بدت بتتكلم بس قطع عليها الكحه القويه اللي جاتها
سوسن بربكه: بشاير انتي تعبانه
قامت من عندها وهي تنادي على ام بشاير
: خالتي نسرين خااااااااااااااااالتي
طلعت من الغرفه وهي متخرعه: وش فيك
سوسن بعيون مدمعه : بشاير مدري وش فيها الحقي عليها
ركضت بسرعه لصاله وشافتها متمدده بخمول تقربت منها وهي تسمي عليها: عيني يابشاير
لفت على سوسن : اسرعي جيبي لي بخاخ الربو بغرفة بشاير
ركضت سوسن ودورت بكل ادراج الغرفه لين ماحصلته
قالت بخوف وهي تناول ام بشاير البخاخ: تفضلي
اخذته وبخت بختين لبشاير اللي بدت تتنفس وتكح
فتحت عيونها بتعب وهي تشوف وجهه امها وسوسن
ابتسمت :وطلعت غاليه يا ماما
ضربتها سوسن بقوه على كتفها: ياحمااااااره طيحتي قلبي
جلست وهي تمسك كتفها بألم : ما الحمار الا انتي
قامت ام بشاير من غير ماتقول كلمه
بشاير : ماما
لفت عليها : نعم
دنقت راسها : ماما انا اسفه
فهمت عليها امها : ماصار الا الخير بس مره تانيه خلي البخاخ معك
كملت امها طريقها لغرفتها
ناظرت سوسن لبشاير:تزاعلتو انتي وامك
حركت بشاير راسها بنفي
سوسن بحنيه وهي تمسد شعر بشاير: يعني تعبك سببه هو
اجهشت بالبكاء وسحبتها سوسن حتى تفرغ بكائها على صدرها


تكت على الباب وهي تسمع بكا بنتها وجعها قلبها
....لاتعيدي اللي صارلي يابنتي انسيه خلاص انسيييييييه...








انفتح باب الغرفه وتظاهر بسرعه بنوم
عقد جمال حواجبه من الظلام اللي قابله فتح اللمبه
وعينه راحت على سامر المتلحف بالبطانيه ولاظاهر شي منه
تقرب من السرير وهو يدور على الاوراق اللي ضاعت منه
: ياربي وين راحت هالاوراق
تعب من الدواره وبعدها طلع تارك الاناره مفتوحه
لما حس بخروج جمال رفع البطانيه عن عيونه
جلس وهو يطلع الاوراق اللي كانت مرميه تحته بعبث
رفع الورقه اللي زادت من حيرته وقلقه واكدت له اشياء كثيره كان متلاهي عنها
....
سا اسمعك وسأغلق عيني عن رويتك
وسأرفع يدي لتأكيد دعوتك
سأنطق بحبك مهما كلفني الامر
لا ابالي بمن يحبك ولا ابالي بذلك القلب الذي احبك
لكن اعلمي بان جمال هو الذي سيدفن معك
سمر كوني بانتظاري
......







جت لمى تركض لهم : اهل العرييييييييييس وصلوا
قامت هديل وهي تنادي على عذاري السرحانه: عذووووووور تعالي معي تحت
قامت عذاري من غير أي كلمه
ناظرت ساره فيها وهي حاسه ان عذاري فيها شي
سهاد بهمس: سوير وش سلافة فستان هديل
ناظرت لسهاد : هالفستان كان هدية عذاري لخالتي بس
..سكتت لدقايق وهي تبلع غصتها ..
سهاد بلوم لنفسها : سارونه قلبي انا اسفه ماكان قصدي اذكرك بشي موجع ...اطالت النظر لساره اللي تحاول تتماسك...وش رايك نروح لهدى ناظري شلون متوتره
حركت راسها بالموافقه :انتي اسبقيني عندها وانا بالحقك
وقفت سهاد وهي تسب بنفسها على غبائها








وقفت بنص الدرج ولفت بوجهها على عذاري اللي خلفها
شبكت اصابعها مع بعض بقلق: عذووور
ابتسمت عذاري لها لانها عارفه وش اللي تبي تقوله هديل: طالع عليك يهبل
سكتت هديل وماعرفت ايش تقول
مسكت كتف هديل : هدول لاتحسي بشي ولايأنبك ضميرك والله من جد طالع عليك حلو والاهم من ذا كله انك احيتي الروح اللي داخلي به
رفعت عينها لعيون عذاري وهي تدور ورا الصدق بكلامها بس ما لمحت الا الدموع المتجمعه فيها
ابتسمت لها :خلينا ننزل الضيوف وصلوا وماهي حلوه مانستقبلهم مع خالتي وامي
مشت من عند هديل وهي ترمش بعينها لتخفي دموعها
ابتسمت للمى اللي واقفه معهم بصمت مدت لها يدها ومشوا لجهة الضيوف

هديل بهمس لنفسها: والله مالبسته الا عشانك ياعذاري








دورة بكل مكان ولالقته عفست شنطتها ولالقته: ياااااااربي ليكون طاح بشارع

سمر : لا ان شاء الله يمكن نسيتيه بسياره
ندى وهي تتذكر : اييييييييييييه اللحين تذكرت طاح من يدي بسيارة نايف.. يااااااربي وش اسوي اللحين ماني حافظه رقم جاسم
طلعت سمر جوالها: طيب منتي حافظه رقم نايف
ناظرت لها ندى بنظرة بارده : لا ولا ابي ادق عليه
عقدت سمر جبينها من نظرة ندى لها : وعلامك تناظرين كذا
عضت شفايفها بغضب : ما ابيه هو اللي يرجعني ابي جاسم
هنادي جت من بعد ما قصت واستشورت شعرها: تتا وش رايكم ...لفت حول نفسها...
نزلت ندى عيونها الغاضبه لشنطتها اللي بحضنها
ورفعت سمر جوالها لاذنها لجل تكلم بدر
ولا احد عطاها رايه





صعد لغرفته بعد ماسولف مع جدته بس باله كله بكلام ندى له وبلي كانت على جوال ندى
تمدد على سريره وباله مشغول

بعد مانزلت ندى من السياره جلس لدقايق يستوعب كلامها له ...وش دراك ياندى عن الماضي ااه ياربي ليه كل ماشفت سمر يختبص حالي ..
سمع مثل الصوت البعيد ينادي باسم عذاري
تلفت حوله وهو يسمي بالله فتح نافذة السياره وعلى باله ان الصوت من برا بس ماجاه الا ضجيج السيارت والناس قفل النافذه وعينه جت على نور بسيط من الفراغ اللي بين مقعده والمقعد الامامي مد يده واخذ مصدر هالضوء
استغرب لما شاف جوال ندى واللي زاد من استغرابه ان فيه خط شغال باسم توأم هناي حط الجوال على اذنه وهو يستمع لصوت فيه الربكه
:ابد والله مافيني شي بس كنت افكر بالاكسسوار اللي راح البسه
:طيب عذاري وش رايك بفستاني

فتح عيونه على وسعها ...عـــــــذاري وش جابها على جوال ندى ... انصت لانفاسها اللي طلعت بمجهود قوي بعد حبسها لها

بتنهيده خفيفه واضح فيها الالم: طالع عليك يهبل
هديل تغير الموضوع: امممم خلينا نشوف لك اكسسوار
وش رايك بالاكسسوار اللي اخذه لك حسام

انقطع الخط
تبقى لدقائق على حاله وهو مو مستوعب اللي حصل
...عذاري سمعت كل شي لحظه لحظه يانايف هي ماتدري عن شي بس ياربي انذكر اسمها ..

تقلب على سريره بحيره وهو يدعي بداخله انها تنسى كل شي سمعته






جالس بجنب ابوه والتوتر الشي الوحيد اللي واضح على ملامحه
تقدم منه وهو يصب له القهوه : تفضل
رفع عينه لشخص اللي يناوله الفنجال: زاد فضلك
حسام وهو يطيل النظر فيه : المعذره بس كأنك مو غريب علي حنا تقابلنا قبل كذا
طلال وهو يرشف فنجاله ويرجعه لحسام:ما اعتقد
حرك حسام كتوفه : يمكن
ناظر طلال لعيون حسام ولكونه دكتور عرف ان عيون حسام ماهي بخير قال بتسأؤل:عينك
ابتسم حسام :كنت اعمى بس رد الله لي نظر وحده منهم
طلال وكانه تذكر: ايييه ذكرتك اللحين
حسام باستغراب: يعني تقابلنا
طلال: ايه لما طحت قبل اربع سنوات انا كنت المشرف على حالتك وقتها
حسام بابتسامه وامتنان: ياهلا بدكتوري
طلال بضحكة : هلا فيك بس قولي ليه ماعاد سويت العمليه
حسام: سويتها بس مانجحت
طبطب عبى كتف حسام : خيره لك
حسام : الحمدلله
استأذن منه ووعده بالرجوع بعد مايقهوي الضيوف
ناظر في المجلس الواسع والفخم دنق بألم...اخ ياعمي اكرموك الغرب وحنا اهلك ما اكرمناك...
رفع راسه على ذكر اسمه : ســـــم
استغرب سطام منه: سم الله عدوك خالي يحيى ينادي عليك وماتسمعه
ناظر للجهه اللي جالس فيها عمه وشاف المأذون بجنبه
قام بعد ما اشر له عمه وهو يدعي باليسر بكل خطوه مشاها








شربت قهوتها وعينها على حنان اللي تضيف ضيوفها بربكه واضحه عليها: يا ام هدى
رفعت حنان راسها: سمي ياخاله
الجده شريفه: استريحي وانا امك ماحنا بضيوف قومي البنات يقومن بالضيافه
حنان بابتسامة : ولو ياخاله ماتزين لي القعده والبنات يشتغلن وانتم اهلنا وقدركم عالي
الجده شريفه: الله يعلي مقامك يا ام هدى
قامت حياة لعندها : هاتي عنك ياعمه
حنان: لا حبيبتي اجلسي واستريحي ماهي بعدله لي
حياة : بتزعليني منك ياعمه
حنان بقلة حيله: اجل تفضلي
ابتسمت لها وهي تاخذ ثلاجة القهوه وتصب للمعازيم
صادفت عذاري توزع الحلويات على الطاولات ..ماشاء الله عليها تهبل هالبنت...

عند مدخل المطبخ
تقربت منها بعد ماصبت للجميع : السلام عليكم
لفت عذاري عليها : وعليكم السلام
ناظرت لعذاري باعجاب ..ماشاء الله عليها ..:تبيني اساعدك بشي
بابتسامة بانت منها الغمازه القريبه من شفايفها:تسلمي ياقلبي انا توني انتهيت منهم
حياة وهي تذكر الله عليها بادلتها الابتسامه : ماعرفتك على نفسي انا حياة بنت عم هدى
عذاري : عاشت الاسامي
حياة: عشتي حبيبتي
عذاري: وانا اعذاري بنت عمة هدى وسهاد وشهد

: حـــــــــــــــــياة

لفوا على الصوت اللي رج المكان
و..................




دخلت البيت ولقت جدتها بوجهها
الجده هيا: ليه تأخرتي كل هالوقت
ندى :تأخر علينا بدر
الجده هيا: اجل عجلي علينا شوفي الساعه كم
صعدت ندى بسرعه لغرفتها وهي تبعد اي تفكير يعكرها
بدلت ملابسها ووقفت قدام المرايا وهي تفك حلقها وتلبسه
انفتح الباب لفت للباب وايدها باذنها

نايف: ممكن ادخل
ندى : تفضل بس اذا معك سالفه اجلها لبعد ما ارجع ..رجعت عينها للمرايا ..
نايف: بس السالفه ماتتأجل
ناظرت له من المرايا : طيب احكي اسمعك
نايف : عذاري سمعت كل اللي قلناه بسياره
لفت بصدمه : وشوووووووووووووو






وصل اخيرا ناظر للفلتين اللي بجنب بعض وتصميمها متشابه من الخارج بكل شي
ماكان وده يرجع ولاكان وده يحضر لكن اللي جى بخاطره كيف بتكون ردة فعل طلال له
ابتسم بصخريه لنفسه: يمكن تشهد طلاقك منها للمره الثانيه ياطلال

مشى بجهة المجلس اللي شافه مليان بالرجاجيل
:العفو والصفح ولا الشده والبغضاء ياخوي







انتـــــــــــهى