[شمالية الهوى]

~ آلبُآرَتِ آلّحْآدٌيَ عَشْرٌ ~




• كُلَمْاٌ اِلْتُآمّتُ جٌرْوُحَ عَمِيْقَهِ




• آنُوْلَدُ جُرّحً آكُوّنْ بُهْ غَرٌيْقَهٌ




فهد : اطلعي لغرفتك ولا عاد اشوفك تسمعيـــن .
طلعت غيداء تركض وناداها فهد ووقفت " اللهم طولك ياروح " : نعم .
فهد : اللبس العاري لاعاد اشوفه عليك .
غيداء : طيب . وطلعت لغرفتها وفتحت الباب وجلست ع السرير وبلعت غصتها " آآآه ياجدتي ليتني ميته معاك ولا تعذبت بحياتي كذا "
رن جوال غيداء وردت بـ : هلا .
مدى : هلا والله بالعروس .. اش اخبارك ياقلبي ؟
غيداء بعد ماخذت نفس عميق : بخير الحمدلله .
مدى : غيود فيك شي فهد مضايقك كالعاده ؟
غيداء : لا بالعكس مو مضايقني والحين اسعد ايام حياتي كلها وانا معاه .. ماتصدقين قد ايش مبسوطه .
مدى بفرح : ياجلعه دوم .. بس غريبه قبل زواجكم كنتي خايفه منه .
غيداء : الحين صار لنا اسبوع من زواجنا وتعودت عليه وانا عبالي انه عصبي وطلع احلى الناس .
مدى : الله يعينك اذا عصب والله يقلب الدنيا فوق راسك .
غيداء " كل يــوم وهو قالب الدنيا على راسي " : اش اقولك بس اخوك مافيه منه .
مدى بمزح : حتى انا ؟
غيداء : هههههه حتى انتي .
مدى : هههههه الله يديم سعادتك ياقلبي والله فقدتك اسبوع وتو اسمع صوتك وانتي ما كأنه عندك صديقه تتصلين عليها .
غيداء : عارفه اني مو فاضيه لك الحين وليش اتصل عليك .
مدى : ايه بس متفرغه لفهيدان .
غيداء بمزح : ما اسمح لك تقولين فهيدان .
مدى : هههههههههه والله انه محظوظ فيك ماشاء الله عليه .
غيداء : مع السلامه مدى انا عروس ومو فاضيه لك .
مدى : طيب بسألك اشلون الاجواء بميونخ ؟
غيداء : برد موت والفجر والعصر ينزل ثلج .
مدى : يابختكم ماشاء الله بالرياض حر موت .. مع السلامه حبيبتي .
غيداء : مع السلامه .
وقفلت منها ونزلت الجوال ع الكومدينو ولبست البالطو الاسود حقها وطلعت للبلكونه وخذت نفس عميق " آآآه ياحلاة الجو "


***

سلطان : بدر انا مو رايق لك قولي اش عندك .
بدر وهو يجلس ع الكرسي : سلطــان اترك الشغل اللي بيدك وكلمني .
رمى سلطان القلم ع المكتب وشبك يدينه ببعض : تفضل قول وش عندك ؟
بدر : امم .. مو عارف اشلون افتح الموضوع .
عصب سلطان : بدر اذا كان عندك شي قولي إذا ماعندك شي تفضل انا الحين بمكان شغل .
بدر : بسألك عن نايف وعامر وينهم والمكان اللي هم عايشين فيه مشبوه رحت له وشفت كل اللي عندهم مصانع خمور .
عقد سلطان حواجبه : مصانع خمور ؟
بدر : ايه واغلب الاستراحات اللي عندهم مشبوهه .
سلطان : بس هم غير مكان بعيد عن اللي عندهم وعلى كثر ما نداهم مخدرات قريب منهم ماشفنا عندهم مصنع خمور ولا خمور .
بدر : طيب وينهم الحين مايردون على جوالاتهم ولاهم بالبيت ولا بالمزرعه ولا بفيلتهم والحارس يقول من امس طلعو من المزرعه ولسه مارجعو.
سلطان : يعني ويــن راحو ؟
بدر : علمي علمك .
سلطان : هذي غلطة ابوي وعمي يوم اقولهم اخذوهم عندكم ولا يطلعون من البيت وهم يقولون كلها شهر وهم رايحين من هنا .
بدر : الحين مو وقت العتاب شكلهم انقتلو روحو شوفو المزرعه لأن الحارس رفض يدخلنا انا وناصر .
سلطان : خلاص .. بلغ المباحث وهم يروحون المزرعه ويشوفونهم .
بدر : والله مالي خلق اروح المباحث .
سلطان وهو يعطيه بطاقه : بطاقة المقدم فارس اتصل عليه وقوله .
بدر : يله سلام ياصاحبي وان شاء الله نلقاهم .
سلطان : ان شاء الله .


***

وريف : سارونه ياقلبي ابي منك طلب بس ماترديني .
ساره بابتسامه : اطلبي .
وريف : ابي صوره لفهد .
طالعتها ساره : وبس .
وريف : اذا عندك صورته بزواجه اعطينيها .
ساره وهي توقف : اكيد ماما عندهــا صور فهد .. بس ليش تبينها ؟
وريف : احب فهد وابي صورته بزواجه .
ساره : الولد خلاص تزوج لاتفكرين فيه .
وريف : انا بنت عمه وانا اشرف من زوجته بنت الشوارع .
ساره : والله قهرني فهد يوم تزوجها لااا بعد امي وابوي ومدى يقولون فهد مايناسبه إلا غيداء .
وريف : لهالدرجه فهد رخيص عندهم يزوجونه لبنت الشوارع ؟
ساره : المشكله انه فهد هو اللي جابها من الشارع وهي ماعندها كرامه ولا رفضته يوم خطبها .
وريف : آآآه ياكبر قهري على ولد عمي بس صدقيني ماراح اخليها تتهنى معاه .
ساره : وش بتسوين مثلآ ؟
وريف : اهدم بيتها .. انا عندي فكره جهنميه راح تودي غيداء بستين داهيه .
ساره : مع اني ما اعرفها ولا شفتها إلا بزواجها ويوم كانت هنا احس انها بريئه .
وريف بقرف : وع وع مابقى إلا بنت الشارع بريئه اقول سارونه حبيبتي انتي شكلك مــو فاهمه بنت شارع .
ضحكت ساره : لا لا فاهمه بس البنت اخلاقها عاليه .. ماعلينا منها بروح اجيب لك صوره لفهيدان .
وريف : يله بسرعه .


***

فهد : غيداء بكره بنرجع للرياض .
طالعته غيداء : اوك .. بس احنا تو جالنا اسبوعين واحنا هنا .
فهد : وبعد اسبوع رمضان ولازم نرجع .. بنت عمي وريف راح تضايقك ولو بس فكرتي تتكلمي عليها ياويلك وياسواد ليلك .
غيداء باستغراب : وريف ؟ ليش تضايقني وش مسويه انا ؟
فهد : انتي غبيه ولا اش سالفتك .. وريف تحبني وهي قليلة ادب وتتمرد كثير ولو جات عندي لاتستغربين منها .
غيداء : اهــا .. بس فيه احد يقول لبنت عمه قليلة ادب ؟
فهد بخبث : ايه فيه اتوقع لو خالد ولد عمك عرف عن سالفتك قال عنك قليلة ادب .
نزلت غيداء راسها للارض وطالعها فهد وندم : إلا انتي ماتبين تشوفين امك ؟
غيداء : لا .
فهد : ليش ؟
غيداء : كذا ما ابي اشوفها انا عندي كرامه واللي مايبيني انا ما ابيه سواء امي ولا غيرها .
فهد وهو يوقف : طيب بنروح للسوق تشرين لاهلك هدايا ولمدى وساره انتي عروس لازم تشرين لهم هدايا .
غيداء : بس خواتك ما اعرف ذوقهم وبنت الفقر مايعجبهم ذوقها .
طالعها فهد : انتي الحين مو بنت فقر انتي زوجة فهد اليحيى .. وخواتي مو لهالدرجه .
غيداء : بس بعين اهلك ابقــى بنت فقر .
فهد بعصبيه : والله شكلك تحبين المشاكل انتي ماجيتي عند اهلي ولا شفتيهم بعد زواجنا ولا تدرين هم يحبونك ولا يكرهونك .
غيداء : لا عرفت انا اش اعني لهم .. وريف وساره جو عندي بزواجي وقالو لي العايله اش معتبريني .
فهد : اللهم طولك ياروح .. اش قالو لك وريف وساره ؟
غيداء : انا بنت شوارع وقالو بعد كلام غير هذا .
فهد وهو رافع حاجبه : وهم كذبو يوم قالو كذا ؟
عصبت غيداء : انتم مو عارفين ظروفي ومو بس الكلام هذا اللي قالو لي كلام كثير بس انا انزه لساني ما اقوله .
فهد : طيب انتي ليش دايم معصبه ؟
غيداء : انت اللي تنرفزني .
فهد : يله روحي البسي عبايتك بنروح السوق واشري لخواتي اي شي بس اهم شي انه هديه .
غيداء : طيب .


***

رونق : بكره زوجة فهد بتجي متحمسه ابي اشوفها .
فاتن : انا شفتها اكثر من مره حلوه بكل حالاتها بس كرهتها خلاص .
الجوهره : حرام عليك يام بسام انتي مو عارفه وش ظروف البنت .
فاتن : قولي لي وش ظروفها اللي تطلعها بالشارع بالهيئه والشكل اللي شفتها فيه ؟
الجوهره : بإختصار زوجة عمها بتشغلها بدعاره .
شهقت فاتن : وين الخوف من الله ؟
الجوهره : والله غيداء معذوره لو سوت اللي هي سوته وهي مامسها احد .
سهى : هي على بالها انها بكذا انقذت نفسها ؟
الجوهره : على الأقل حافظة على شرفها .
نوره : مهما كان اللي سوته اشوا من انها تشتغل بدعاره .
الجوهره : واخو زوجة عمها وزوجة عمها بعد اكبر دعاره بالخليج .
فاتن : اعوذبالله فيه ناس كذا ؟
الجوهره : وفيه ناس اكثر من كذا الله يهدي الجميع .
راوين : وين مدى ؟
الجوهره : تجهز الحفله مع منظمة الحفلات .
راوين : عن اذنكم بروح عندها .
وقفت رونق : شكله مافيه احد متحمس لشوفة غيود إلا انا وميدو .
راوين : ههههه لا لا حتى انا واتوقع عمتي الجوهره .
الجوهره : اكيد هذي زوجة الغالي .


***

اماني وهي تحضن غيداء : راح اشتاق لك .
ابتسمت غيداء : وانا اكثر .
وسلمت غيداء على ماريا : تجونا بالرياض ok .
رويد : ايه ان شاء الله بنجيكم بالعيد .
صافحة غيداء رويد : لبئ قلبك .
طالعه فهد : هيه ياولد خلك انت مع آزيال زوجتي لا تتغزل فيها .
ضحك رويد : تراها زوجة خالي مو غريبه يعني عادي مثل خالتي .
فهد : لا لا فيه فرق .
اماني : مع السلامه فهودي والله ونستونا بالاسبوعين هذولا مــع انكم ماتجون إلا ساعتين من كل اسبوع .
فهد بابتسامه : مع السلامه .
ومسك فهد يد غيداء وطلعو لطيارتهم الخاصه واقلعت الطياره وغيداء خايفه .
وصلو بعد الرحله المشقه اللي تقريبآ 12 ساعه وهم بالجو وصلو ارض الوطن وغيداء ابتسمت " يالبئ ارضك يالسعوديه "
فهد وهو يسلم على سامي : الحمدلله على السلامه ياطويل العمر .
فهد بابتسامه : الله يسلمك .
طلعو فهد وغيداء لسيارة الاستقبال مرسيدس وركبو وراء وطلعو للبيت ونزلو وهو ماسك يد غيداء انفتح الباب وكان استقبالهم روعه فيه شريطه حمراء ع الباب والبيت مضيء اضاءة الشمعات اللي مايله للون البرتقالي الهادي ابتسم فهد وهو يمسك يد غيداء ويقصون الشريطه : اكيد هذي حركات ميدو .
ضحكت مدى : ومين اللي عنده ذوق غيري ؟
وسلمت على فهد : الحمدلله على السلامه .
فهد : الله يسلمك .
وراحت لغيداء وسلمت عليها : بعد عمري غيود والله اشتقت لك من زمان عنك .
غيداء بابتسامه : وانا اكثر .
جات الجوهره وسلمت عليهم : هلا والله بالعرسان تو مانور البيت .
فهد : منور بوجودك يالغاليه .
الجوهره : بكره ان شاء الله بنسوي لكم حفله استعدو .
فهد : لا يمه مايحتاج حفله .
الجوهره : ليش مايحتاج ؟ انت غالي وغيداء غاليه وحفلتكم لازم تصير ان شاء الله .
فهد وهو يمسك يد غيداء : انا كل لحظات عمري سعاده مع غيود .
الجوهره بابتسامه : الله لايفرقكم ويخليكم لبعض .
طلعو لجناحهم وفتح فهد الباب ودخلو وانبهرت غيداء من جناحهم فخم وفخم حيل .
وقال فهد وهو بطريقه لدورة المياه : انا باخذ لي شور وانام .
غيداء " حتى انا بنام تعبانه مره "
ودخلت بالغرفه وخذت لها بيجامه وراحت لغرفة تبديل الملابس ولبستها وطلعت للغرفه واخذت لها مخده من السرير وشغلت المكيف البارد ونامت على الاريكه .
ودخل فهد وهو لابس بيجامه ونام ع السرير .


***

سهام : ايه وصلت للريــاض تقريبــآ الساعه 9 الصباح واكيد مو مخليه اهلها بتجي تسلم علينا .
عبدالرحمن : ايه احنا اهلها مهما كان زوجها .
خالد : طيب يمه انا ابي اتزوج .
سهام : لا لا لسه صغير وانا ما ابي ازوجك وحده تاخذك مني .
خالد : يمه ترا زوجتي مو ضرتك تصير مثل بنتك .
سهام : عارفه بس انا ما ابي ازوجك الحين .
عبدالرحمن : ليش وش يمنعه مايتزوج الحين .. مو ناقصه شي .
سهام : بالاول يتوظف وبعدين يطلع لي بالافكار هذي .
صبا : اي والله تكفى خلود تزوج هناء بنت خالتي ع الاقل القى وحده بعمري تجلس معاي مو كأني غريبه فالبيت .
خالد : لا ما ابي من بنات خالاتي .
سهام : اذا كان ماتبي من بنات خالاتك من تبي تتزوج بنته ؟
خالد : مافيه احد معين بس انا ابي اتزوج وحده ماتقرب لي .
عبدالرحمن : والله لو قايل لي انك بتتزوج وتبي الزواج كان مــــن زمان مزوجك بنت اخوي .
خالد " ياليت يايبه "
سهام بإندفاع : الحمدلله انها تزوجت ولا تزوجها ولدي .
طالع عبدالرحمن سهام : ليش غيداء وش فيها ؟
سهام بابتسامه : م م ماقصد بس هي بنت عمه ... وو ..
قاطعها عبدالرحمن اللي وقف : الحمدلله ان ربي رزقها بواحد احســـن منك ومن ولدك وربي اغناها عنك .
نزلت كريمه مع الدرج بهدوء : ابن عمي .
عبدالرحمن : هلا كريمه .
راحت له كريمه ونزلت دموعها : اخي اكرم استشهد اليوم .
عبدالرحمن : ايـــش ؟
كريمه زاد بكاها : ماما مالها حدا إلا انا بدي اروح لامي .
وقفت سهام : دوري لك احد يوديك لأمك .
طالعها عبدالرحمن : وانتي اش دخلك شي مايعنيك لاتتدخلين فيه .
كريمه : ابو خالد بدي اروح لأمي اليوم .
عبدالرحمن : يصير خير ان شاء الله .. بكره تروحين لأمك .
كريمه : اخي مات اليوم وامي لحالها هناك انا شو بيصبرني لبكره اذا انت ماتئدر اليوم انا ادبر حالي .
عبدالرحمن : يله جهزي اغراضنا بروح ادور لي على حجز لسوريا .
خالد : يبه مافيه حجز على سوريا روح للاردن بعدين تطلع لسوريا على سياره .


***

الجوهره : اش اخباركم ؟
فهد : الحمدلله بخير .. وين ساره وابوي وسلطان ونايف ؟
الجوهره : ابوك بالوزاره وساره طلعت مع وريف وسلطان كالعاده مايجي إلا بعد الساعه 11 ونايف بالشرقيه .
فهد : اش صار على موضوع نايف وعامر .
الجوهره بابتسامه : ماصار شي قررو يسافرون لألمانيا بعد شهر .
فهد : اييه نسيت يمه تسلم عليك اماني .
الجوهره : يابعد عمري الله يسلمها .
نزلت مدى مع الدرج : غيود تعالي شوي .
فهد : لا لا ما اسمح لها تروح مع احد .
مدى وهي تعقد حواجبها : فهد لاتصير سخيف .. غيداء تعالي .
وقفت غيداء : عن اذنكم .
وراحت لمدى وطلعو لغرفة مدى وسكرت مدى الباب : غيود مارحتي لاهلك ؟.
غيداء : لا .
مدى : اممم طيب حبيت اشكرك على الهديه ياذوق وربي انها اغلى هديه عندي .
ابتسمت غيداء : تستاهلين اكثر .
مدى : طيب بتروحين لاهلك ؟
غيداء : اكيد بروح هذولا اهلي لازم اسلم عليهم .. تصدقين ميدو اشتقت لبيتنا اسبوعين ماشفته واشتقت لعمي .
مدى : والله ما توقعت انك راح تزورينهم بعد اللي سهام سوت بك .
غيداء : هذولا اهلي وزيارتهم واجب وهذي صلة رحم مايصير اقطع فيهم .
مدى : بس لا اوصيك خذي معاك مرافقه ترا ماتدرين وش مجهزه لك زوجة عمك .
تنهدت غيداء : والله من يوم انخطبت ونظراتها لي تهديد وتتوعد فيني بس اجي لبيتها واشوف اش راح تسوي فيني .
مدى : قلت لك خذي مرافقه والله ضروري اصلآ فهد مايحب وحده من قريباته تروح لناس بدون مرافقه .
غيداء : بس اللي بروح لهم اهلي .
مدى : قولي لفهد .
غيداء : ومافيه إلا اني اقول لفهد .
مدى : يالبئ قلبك غيود طلعتي حلوه من بعد ماتزوجتي بس احس انه وزنك زاد شويه .
ضحكت غيداء : ههههههه اسمن شوي شوي الين اصير نفس وريف .
مدى : ههههههههه ترا وزنها 70 .
طق باب الغرفه ودخل فهد : سلام عليكم .
غيداء ومدى : عليكم السلام .
فهد : غيداء لاتطلعين من هنا سلطان وناصر هنا .
غيداء وهي تطالع بساعتها : بس انا بروح لأهلي .
فهد : خلاص انا بنزل تحت واصرفهم واتصل عليك وتطلعين لجناحنا اوك ؟
غيداء : اوك .


***


عامر : جالنا تقريباً اسبوعين واحنا هنا وابوي يقول ارجعو وجارح احتمال يقول لأهلنا .
تأفف نايف : واحنا اش اللي جاب لنا جارح .
عامر : هو يحاول يلعب علينا واحنا مو سهلين الى الدرجه اللي توقعها احنا اذكى منه وبكثير .
نايف بابتسامه : آآه بس لو جارح يطيح بيدي مره ثانيه والله لأقتله .
عامر : وتدري ان القتل يوديك وراء الشمس .
نايف : قلت لو يعني ماقلت اني بقتله .
عامر وهو يوقف : نايف تعال معاي بنسوي لنا غداء .
نايف : ماتحس انك من بعد ماتركت المخدرات وانت صاير نشيط حيـــل وبس بتشتغل ؟
ضحك عامر : ماعندي شي غير الشغل حتى جوالي ماعادت اطيقه .
نايف : عامر ترا مو طول عمرنا بنعيش كذا راح نرجع لحياتنا الطبيعيه بالمانيا .
عامر : اكيد لأنه العيشه هذي مو عيشة اوادم .
نايف : والله تعودت على المخدرات والبنات والبارتي صارت حياتي بدونهم ممله .
عامر : والله حتى انا بس بالمانيا ءامن لنا من هنا على الاقل هناك فيه ديسكو وفيه كنيسه نقدر نسوي فيها كل شي وفيه بارتي كل يوم .
نايف : احنا لازم نرجع .. ونسكن مع اهلنا برمضان وبعدها نروح لألمانيا وهناك لاحسيب ولا رقيب .
عامر : خلاص بكره نروح للرياض .
نايف : جارح اليوم راح للرياض الله يستر لايقول لأهلنا .
عامر بثقه : لا افا عليك الرجال وعدنا وعد شرف ماراح يخلف وعده وهو قال الوعد على شرفه .
نايف : والله احس انه يبتزنا بس عشان نعطيه فلوس ولا هو ماراح يقول لاهلنا .
عامر : لا لا والله واضح انه جاد .
نايف : طيب يله تعالي نسوي لنا غداء .. بس اش نسوي ؟
عامر : اي شي ينبلع اهم شي نتغدى .
نايف : طيب بنطلب من المطعم والله جوعــان والساعه 4 وانا لسه ماتغديت .
عامر : لا يارجال تعال للمطبخ بنسوي اي شي خلاص احنا بنعتمد على انفسنا .
نايف وهو يتكتف : اش الطاري نعتمد على انفسنا .
عامر : يافالح احنا بنعيش بالمانيا 6 سنوات ومالنا إلا اننا نتعلم نطبخ .
نايف : ليش مافيه خدم ومطاعم هناك ؟
عامر : بذمتك مين اللي 6 سنوات بياكل اكل خدامه او مطعم .
نايف بابتسامه : لاتنسى ان امون هناك ونروح لها وتسوي لنا اللي نبي .
عامر بسخريه : إلا اش رايك نعيش ببيت امون ؟
ضحك نايف : انا ماقلت نعيش عندها بس يعني اذا كنا نبي ناكل من طبخ البيت اماني تسد اللازم .
عامر : ويعني اماني بتتحملنا كل اسبوع 3 ايام ؟
نايف وهو يدف عامر : يله يله يالفهيم خلنا نطبخ .


***

لبست غيداء عبايتها وطرحتها ونقابها وخذت شنطتها وطلعت وراء فهد وبهمس : فهد انا خايفه اروح بروحي لبيت عمي ابي اخذ معاي مرافقه .
فهد بابتسامه جانبيه : تراه بيت اهلك اللي رايحه له مو بيت غرب .
غيداء بهمس وهي توقف جنبه : بس انا خايفه من زوجة عمي هي تهددني بس ادخل بيتها .
فهد : خلاص خذي لك حارسه ومرافقه .
غيداء : طيب انت بتسلم على اهلي ولا اروح بروحي ؟
فهد : لا اكيد بروح معاك .
وطلعو بالسياره واستغربت غيداء اول مره تطلع مع فهد بدون بودي قارد وسايق واول مره تشوف فهد يسوق .
وصلو بيت عبدالرحمن ونزلت غيداء ونزلت وراه المرافقه والحارسه الشخصيه لها .
ورنت غيداء الجرس وانفتح الباب : هلا حياك .
دخلت غيداء وفـهد استقبله خالد .
وصلت غيداء الصاله ونزلت عبايتها واعطتها المرافقه ووقفو المرافقه والحارسه قدام الصاله .
ونزلت سهام تمشي بسرعه دخلت الصاله وطالعت بغيداء اللي تسولف مع صبا : مسرعك رجعتي .
وقفت غيداء : هلا عمتي .
سهام بعصبيه : عمت عينك ان شاء الله وش جابك ووش تبين ولا بس بتقهريني انك ثريه ؟
استغربت منها غيداء : عمري مافكرت بالشي هذا ياعمتي وانا ابقى غيداء مهما كان زوجي .
سهام وهي تجلس : خلاص اجلسي .
جلست غيداء " غريبه حتى سلام ماسلمت علي .. مو مهم اهم شي تفكني من شرها "
سهام وهي تحط رجل على رجل : وش حقه الحرس اللي هنا ؟ ولا بس تبين تقهريني وتحريني انك زوجة فهد اليحيى ؟
غيداء ماتدري اش ترد عليها : فهد مايرضى اطلع مكان إلا ومعاي حرس خلاص صرت مهمه بالمجتمع .
صبا بود : ياقلبي ياغيداء والله ماشاء الله احلويتي .
سهام : وامك وينها ؟
غيداء : امي ؟ .. هــا .. ايه ببرلين بس مارحت لها .
سهام : بتسكن بالسعوديه ولا خلاص مستقره ببرلين ؟
غيداء بابتسامه وبكذب : لا اعتقد انها قالت بعد 6 اشهر بتسكن بالرياض او جده .
خذت سهام نفس عميق : اش اللي جابها ؟
غيداء : ما ادري .
وخذت غيداء الكيس الكبير واعطته لسهام : تفضلي عمتي هذي هديه مني .
خذتها سهام ونزلتها بالارض : وصرتي تجيبين لي هدايا ياغيدوه ؟
خذت غيداء الكيس الثاني : وهذي هديتك يا صبا .. اتمنى انها تعجبك .
صبا بابتسامه : اكيد بتعجبني دامها منك .
وطالعت غيداء بسهام وبتردد : و.. وين كريمه وعمي ؟
ابتسمت سهام : مو موجودين .. راحو لسوريا اخو كريمه مات .
غيداء : لا حول ولا قوة إلا بالله من متى راحو ؟
سهام : تقريبآ الساعه 11 الظهر .. ماعلينا منهم مو ناويه تشرين لعمك بيت بحي راقي .
طالعت غيداء بسهام وعقدت حواجبها : وانا اش دخلني عشان اشري لعمي بيت ؟
سهام : انتي تمشين على ذهب الحين وابيك تشرين لنا بيت ع الاقل تعتبرينه ايجار اللي عشتي فيه هنا .
غيداء بجرأه ولآول مره قدام سهام : انا عشت هنا ببيت عمي وبخير عمي ماعشت ببيتك وانا اولى ببيت عمي منك .


...


فهد : شخبارك يا خالد ؟
خالد بعد ما اعطى فهد فنجال القهوه : الحمدلله بخير .. اش اخبارك انت ؟
فهد : الحمدلله بخير .
خالد : دوم ان شاء الله .. صدق اللي سمعناه عن نايف وعامر .
فهد بصدمه : وش سمعت ؟
خالد انحرج " شكله مايدري بالسالفه " : انه المافيا بيقتلونهم .
فهد بإرتياح : آهــاا ايه ايه صدق .. إلا انت وش عرفك ؟
خالد بابتسامه : ماشاء الله القنوات مو مخلين ولا خبر يطلع عنهم إلا ويغطونه .
فهد بيغير الموضوع لأنه مل وطفش منه : انت تدرس ؟
خالد : ايه .
فهد : ماشاء الله .. اي سنه ؟
خالد : السنه الثالثه بجامعة الملك سعود قسم هندسه .
فهد : ماشاء الله .
وقطع عليهم سوالفهم الرسميه صرخه قويه هزت البيت كله .


***

رويد : يمه الله يخليك لاتفشليني مع آزيال انا عزمتها وهي الحين جايه .
اماني بقهر : ماراح افشلك بس هذي اخر مره العله تدخل بيتي انا مايشرفني وحده مثلها ومثل اخلاقها تدخل بيتي .
رويد : حرام عليك مامي والله انها حبوبه .
اماني : حبتها القراده ن شاء الله .
ضحك رويد : ياحلوك يايمه وانتي معصبه .
نزلت ماريا تركض مع الدرج : يمه يمه.
وقفت اماني : نعم نعم وش فيك .
ماريا وهي تضحك : يمه نجحت .
اماني : مبروك ياقلبي عقبال شهادة الجامعه ان شاء الله .
رويد : مبروك ماريا .. بس اش نجحتي فيه ؟
اماني : ههههههه انت نسيت انها ماخذه دوره بكتابة اللغه العربيه .
رويد : اوووه صح مبروك ماريا واخيرآ بتكتبين عربي .
ماريا : وانت ليش ماتتعلم الكتابه العربيه .
رويد : مو وقت العربيه الحين ويكفي اني احتسي عربي .
ضحكت اماني : ههههههههههههه ياحلو احتسي معاك .
رويد : هههههههههه .
ماريا : هههههه حلوه حلوه بس لاتعيدها .
رويد : وعلى ايش تضحكين ترا كلام ابوك وجدك وعمامك كلهم كذا .
رن الجرس وقف رويد : هذي آزيال تكفين يا ماريا عطيها وجه ابيها توسع صدرها شوي .
ماريا : ولا يهمك راح اوسع صدرها .
اماني وهي تمسك ذراع رويد : ترا ما اقدر اخليك معاها لازم اجلس معاكم .
رويد : اكيد ولازم .


***

خالد : انا بروح اشوف اش صاير .
جلس فهد " هذا صوت غيداء وانا متــأكد "
طلع فهد جواله اللي يرن ورد بــ : هلا مدى .
مدى : هلا بك .. هاا وين رحتو لكم اكثر من ساعه .
فهد : اش فيك ما كأنه البنت عند اهلها .. مع السلامه بعدين اكلمك .
ووقف : وش صاير ياخالد ؟
خالد بتوتر : امم .. صارت مشكله بين زوجتك وامي .
فهد : طيب قول لغيداء تجي .
خالد : حاضر .
وبعد دقايق دخلت غيداء وهي تبكي وطالع فهد بالكف اللي على خدها الايسر ورفع وجهها فهد : مين اللي مسوي فيك كذا ؟
انهارت غيداء وضمها فهد على صدره : خلاص لاتبكين .
رفعت غيداء راسها : خلاص بنمشي .
فهد : يله .
دخلت المرافقه والحارسه الشخصيه لغيداء ومدت المرافقه العبايه والشنطه لغيداء : تفضلي ياطويلة العمر .
لبست غيداء عبايتها وطرحتها وطلعت مع فهد اللي ماسك يدها ويهديها .
ركبو بالسياره .
وطالع فهد بغيداء : خلاص يابنت خلاص حصل خير .
غيداء بين شهقاتها : اي خير اللي حصل ؟
فهد : غيداء يله امسحي دموعك وخلاص احنا الحين بنروح البيت .
غيداء : ما اقدر اقابل احد وانا بالحاله هذي .
فهد : خلاص نروح للبيت واطلعي لغرفتك وانا اجيب لك عذر .
غيداء وهي تبكي : بس مدى والله ماتخليني لازم تسألني .
فهد : إلا عمك وينه ؟
غيداء : سافر لسوريا عشان اخو زوجته مات .
فهد : ليش هي زوجته هذي سوريه ؟
غيداء : لا هو متزوج وحده سوريه من 7 اشهر .
فهد : خلاص العذر ان عمك رايح لسوريا وسوريا بالحاله هذي .
غيداء تحاول توقف البكاء : وانت ماشاء الله دايم الحلول عندك جاهزه ؟
فهد بابتسامه : اكيد .
وصلو البيت ونزلو غيداء وفهد وفهد ماسك ايد غيداء : لاتبكين خلاص واطلعي على غرفتك .. وجعل يدها للكسر .
غيداء " وجعل لسانك للقص يعني ماتحس وانت تجرحني باليوم مليون مره "
وطلعت غيداء لغرفتها وهي مغطيه وجهها وتمشي بسرعه .
وجلس فهد ع الكنبه قدام عمته فاتن اللي قالت وهي تطالع فهد : وش فيها ست الحسن والدلال ماتبي تسلم علينا ؟
فهد : روحي يامدى لغيداء هي تبكي عشان عمها مسافر لسوريا وماتدري هو يرجــع ولا يستشهد .
وقفت مدى : بس عادي عمها سافر لسوريا قبل شهر .
فهد : بس مو كل مره تسلم الجره .. وتذكر الكف اللي بوجه غيداء .. خلاص مدى خليك انا بروح لها .
جلست مدى جنب عمتها اللي تأفف : ما ادري اش جاه فهد يتزوج الحشره هذي .
مدى : عمتي خلاص وربي قهرتيني غيداء مو عاجبتك خلاص مو لازم سب وشتم حتى تكسبين فيها اثم .
ابتسمت فاتن : والله ما ادري لو اخلاقها احسن من اخلاقي واخلاقك انا ما اعرفها .
مدى : ودامك ماتعرفينها ليش تسبينها ؟
فاتن : والله ما ادري من القهر فهد الغالي يتزوج هذي .
مدى : والله ياعمتي غيداء مافيه منها الله يسعدها .

...

فتح فهد باب الغرفه وشاف غيداء جالسه على كرسي التسريحه وتتأمل الكف اللي بخدها : غيداء .
طالعته غيداء : نعم .
فهد وهو يجلس ع الاريكه : ممكن تجين تقولين لي السالفه كلها ؟
غيداء : مافيه سالفه كالعاده سهام اعطتني كف مافيه جديد .
فهد : وليش تعطيك كف يعني كذا بدون سبب ؟
غيداء احتارت وش تقول .
طولت لساني عليها وضربتني !
تنهدت غيداء : انا تماديت بالكلام معاه .
عقد فهد حواجبه : يعني اعدائك كثار .
غيداء بعصبيه ومو حاسبه حساب للي تقوله : مو اعداء بإختصار هي قالت اعطيني اجار سكنك طول الفتره اللي كنتي فيها ببيتي وانا قلت لها اني عايشه على خير عمي وببيت عمي مو ببيتها واعطتني كف .. ارتحت الحين ؟
فهد بابتسامه : ياحلوك وانتي معصبه .
ابتسمت غيداء وهي تحاول انها تخفي ابتسامتها : اقول فهد بكره فيه حفله لنا ووجهي كذا .. هههههه اش بيقولو عني ؟
ابتسم فهد لأبتسامتها اللي سحرته : آآه .. الحين اجيب لك كريم بس 6 ساعات وهو رايح اثار الكف .
غيداء : والله الكف معلم بوجهي مره ماكأنه ايد حرمه اعوذبالله .
فهد : ههههههههههه ليش ايدين الحريم ناعمه لدرجة انه الكف مايطلع له اثر .
غيداء : تقدر تقول .
فهد وهو يحط يده على مكان الكف : والله الكف محليك بزياده عن اول .
طالعته غيداء ومستغربه منه : عمر الضرب ماحلى احد احسن من اول .
فهد وهو يوقف ويعطيها بطاقه : هذي بطاقة دكتورتك حسينه اتصلي عليها وقولي لها تجيب لك كريم .
غيداء : اوك .. مشكور .
ضحك فهد : هههه العفو .
غيداء " يالبئ قلبك .. ياليتك يافهد طول عمرك مروق مثل اليوم "
تذكرت غيداء ببيت عمها يوم ضمها فهد وابتسمت " وهـ فديتك .. فيه شي غريب يجذبني لفهد طول الاسبوعين هذولا كان يجرحني ويسب فيني بس انا تعلقت فيه وبقوه "
خذت غيداء جوالها واتصلت على حسينه : الوو .
حسينه : السيده غيداء ؟
غيداء : ايه .
حسينه : هلا بتس .
غيداء عرفت انها حرمه كبيره من لهجتها وصوتها : هلا بك دكتوره اذا فاضيه اطلعي لغرفتي الحين .
حسينه بخوف : سلامات وش فيتس ؟
ابتسمت غيداء " هذا اسلوب دكتوره .. الله يسامحك يافهد اش هالدكتوره " : بس فيني اثار كف على خدي واذا عندك علاج تعالي .
حسينه : خلاص شوي وانا عندتس .
غيداء : مع السلامه .
وسكرت المكالمه ودخل فهد وطالعته غيداء : اش هالدكتوره عجوز ؟
فهد : اممم تراها دكتورة امي وخواتي يعني .. اا تصلح للحريم .
انحرجت غيداء ومسكت ضحكتها ونزلت راسها وهي تحاول انها ماتضحك .
وفهد انحرج " اش قلت انا لو ساكت احسن " : طيب تبيني اغيرها لك ؟
غيداء : ايه غيرها .
فهد : خلاص .. من بكره ان شاء الله اجيب لك دكتوره .
دخلت د.حسينه وطلع فهد .
وجلست الدكتوره على السرير : سلامات يابنيتي منهو اللي مسوي بتس كذا ؟
غيداء : صارت لي مشكله مع وحده واعطتني كف .
طلعت حسينه الكريم من الشنطه الطبيه واعطته غيداء : خذي هذا ان شاء الله ثمان ساعات وهو رايح .
غيداء : مشكوره يعطيك العافيه .. تقدرين تمشين .
حسينه : الله يعطيتس العافيه ويرزقتس بالذريه الصالحه .
وطلعت حسينه وقامت غيداء وجلست ع كرسي التسريحه وحطت من الكريم على اثار الكف اللي معلمه بوجهها .
انفتح الباب بقوه وارتطم بالجدار واحدث صوت قوي .