[شمالية الهوى]

~ آلُبَآرْتّ آلٌثَآنّيٌ عَشْرّ ~



• مُآتَ قُلْبَيّ




• وَمٌآلُحَيْآتُيَ طّعَمُ




طالعت غيداء بوريف ووقفت وهي تشوف وريف تروح لها بخطوات سريعه .
وصلت وريف قدام غيداء وابتسمت : ماخاب ظني فهد يكرهك وهذا اول الخير كف .
دخل فهد : لا والله إلا خاب ظنك يابنت عمي .. وغيداء تبقى زوجتي وتاج على راسك سواء حبيتها ولا كرهتها .
تغطت وريف ووقفت غيداء جنب فهد وهي تشوف وريف بتضربها وصرخ فهد بعصبيه : وش مدخلك هنا يله انقلعي ولا عاد اشوفك .
وريف بدلع : واهون عليك انا بنت عمك تطردني عشان الغريبه ؟


***

خالد : يمه والله فشلتيني مع الرجال .
سهام : انا سهام تكلمني الحقيره كذا واسكت لها ؟
صبا : والله يايمه ضيعتي كل شي ضيعتي حلمي اللي كنت اتمناه من زمان اني اصادق وحده كل الناس خدم لها .
سهام : هههههه والله طالت وشمخت غيداء الناس لها خدم تحلم .
صبا : يمه يكفي انها زوجة فهد اليحيى ويكفي لو اطلع معاها يوم واحد مع زميلاتي بيقدروني ويحترموني .
خالد : الى الدرجه هذي البنات يفكرون كذا صدق غباء .
صبا وهي توقف : لا مو غباء والله فيه فرق كبير بين الثريه اللي عايشه حياتها برفاهيه وعز ووحده فقيره حافيه منتفه مثلي .
سهام بعصبيه : وغيداء بترجع بعد كم شهر مــطلقه هذي مو بنت سنعه عشان يصبر عليها زوجها اولآ نصرانيه .
قاطعها خالد : يمه هذي بنت عمي ما ارضى عليها وهي سنيه وامها هي النصرانيه وما اسمح لأحد يقول عنها كذا .
سهام : قال ايش قال ما اسمح لأحد يتكلم عليها .. ليه اش بينك وبين النصرانيه ؟
وقف خالد : يمه لاتطلعين من المله عشان قهر وغيره مامنها فايده .
سهام وهي تحط يدها على خصرها : من ايش غيرانه ؟
خالد : يمه انتي بنفسك قلتي انك مقهوره من غيداء وحظها وانها تزوجت فهد اليحيى .
صبا : آآه بس لو عندي ربع حظها .
طلع خالد من عندهم وركب بسيارته وطلع من حيهم " ياربي اش اللي قاعد يصير عندي ؟ غيداء حبيبتي اللي قلبي مادق إلا لها تزوجت وامي بالطالعه والنازله تسب فيها وانا ما اقدر امسك نفسي واتهور إذا احد تكلم على غيداء وش هالحاله ؟ ووش هالعيشه اللي ماتنطاق "
وصل الاستراحه ونزل ودخلت : سلام عليكم .
مشاري : عليكم السلام .
خالد بضحكه : هههه اش فيك جالس بروحك ؟
مشاري بابتسامه : مافيني شي بس بنت خالي انخطبت اليوم .
ضحك خالد : والله حظي انا وياك طايح .
مشاري : والله ما ادري القاها من الدينا ولا منك كل شي فينا يتشابه .. اقول خلود .
طالعه خالد : هــلا .
مشاري : انا عندي اخت وحيده وانت عندك اخت وحيده اش رايك نزوج خواتنا لبعض ونتناسب .
ابتسم خالد : والله ياليت ونسبك والله يشرفني .
مشاري بضحكه : والله جد وترا احنا رجال يعني كلمتنا عهد وميثاق .
خالد : خلاص بكره اخطب اختك وانت تخطب اختي بعد العيد ان شاء الله .
مشاري : وليش انت اللي بكره ليش مو انا ؟
خالد بإستهبال : لأن انا بنت عمي تزوجت قبل بنت خالك يعني حتى انا لازم اتزوج قبلك .


***

فهد وهو يمسك يد غيداء : تهونين ونص والغريبه هذي زوجتي .. وانتي احقر بنت شفتها بحياتي اشلون تدخلين كذا بدون استئذان لا بعد وتجين تكلميني صدق انك وقحه بنات عمي وربي ولا مره شفتهم اخر مره شفتهم يمكن قبل 10 سنوات او اكثر ولا انتي كل يوم وانتي بوجهي .
طلعت وريف وطالعت غيداء بفهد : حرام عليك اش الكلام هذا ؟
فهد : يعني عاجبك الوضع وحده غريبه تدخل هنا وبدون استئذان وتقولين حرام اقولها كذا .
غيداء : والله غريبه البنت هذي حيل .. وجريئه .
جلس فهد ع السرير وتمدد وهو يقول بقلبه
" بس مو اجرأ منك يوم طلعتي بالشارع "
جلست غيداء ع الطرف الثاني من السرير : فهد مــمكن سؤال ؟
جلس فهد : اسألي .
غيداء بتوتر : ااا.. لا خلاص .. ماله داعي سؤالي .
فهد لاحظ توتر غيداء : طيب اش فيك اسألي .
غيداء : بس ماتعصب .
ابتسمت فهد : ماراح اعصب .
غيداء : ليش انت ماتبي تعرف قصتي ماتبي تعرف ليش انا طلعت من بيت عمي بالشكل اللي شفتني فيه .
فهد بعد ما اخذ نفس طويل : ما ابي اسمع قصتك اكيد انك مظلومه فيها ماراح تقولين لي الصدق .
نزلت دموع غيداء : طيب اشلون بنعيش حياتنا واحنا على الحال هذا .
فهد : ولا يهمك كلها كم شهر واطلقك وترجعين لبيت اهلك انا بس تزوجتك عشان استر عليك وانتي زوجتي بالاسم فقط .
شهقت غيداء وهي تبكي وحطت يدينها على وجهها وحالتها يرثى لها .
طالعها فهد : ادري كلامي جرحك وجرحك كثييير بس انا ما ابيك تبنين احلامك معاي وما ابيك تنصدمين من واقعك .
غيداء بين شهقاتها : آآآه حياتي كلها جروح وآلام انا خلاص تعودت على كذا بس ارتحت بالاسبوعين اللي راحو من الضرب وعلى بالي بعيش كذا طول عمري .
حس فهد بتأنيب الضمير : والله يا غيداء الكلام اللي قلته لك ع الاقل يوعيك شويه وتعرفين انك مو انتي شريكة حياتي .
غيداء بصوت مبحوح من آثار البكاء : خــلاص ارجوك اسكت كافي جروح .
فهد : انتي تحبيني ؟


***


وريف : ساره اخوك طردني واهانني قدام غيداء .
ضحكت ساره : تعيشين وتاكلين غيرها .
وريف : طيب ليش كذا انا بنت عمه يطردني .
ساره : والله انتي عارفه فهد مايحب احد يتدخل بخصوصياته وممتلكاته مهما كان .
وريف : يعني انا تدخلت بخصوصياته ولا تعديت على ممتلكاته ؟
ساره : ايه دخلتي جناحه واكيد طولتي لسانك على حرمته .
صرخت وريف : لاتقولين حرمته حرمت عيشتها ان شاء الله هي خادمه له .
ساره : ههههههه والله انك فاضيه رايحه للبنت بغرفتها الخاصه بعد وجايه تقولين انها خدامه لفهد .
وريف : صدقيني فهد يكرهها ويحبني انا بنت عمه ومتربيه ومتعلمه ومثقفه وبنت اليحيى ولا هذي بنت الفقر وبنت الشوارع .
ساره : وريف اشوفك مطيحه ببيتنا هالايام وش عندك ؟
وريف وهي تحط رجل على رجل : لايكون بتطرديني من بيت عمي بس ؟
ساره : لا هذا بيت عمك اجلسي فيه مثل ماتبين بس كل شي وله حدود غرف العيال ماتدخلينها وهذي من اهم العادات بمجتمعنا البنت ماتطلع قدام الولد بالشكل اللي انتي تطلعين قدام اخواني فيه .
وريف : والله اني ما اطلع قدام اخوانك إلا فهد بس .
رفعت ساره حاجبها : اش معنى فهد ؟
وريف : لآنه مايجوز وحده تتغطى عن زوجها .
ضحكت ساره بقوه : ههههههههههههههههه ويجوز وحده تخرب بيت ولد عمها عشان حبها الاعماء له .
وريف : ساره لاتضحكين علي وشوفي بعد كم شهر مين زوجة فهد انا ولا هي .
ساره : لا ياقلبي ريحي راسك من التفكير هي زوجة فهد الاولى والاخيره وحبه لها يثبت لي انه ماراح يتخلى عنها .
وريف بتحدي : انا وريف اليحيى مايصعب علي شي .
ساره : كفو .. بس قدام فهد السهل يصعب عليك ولو انك تحبينه صدق كان سعادته تهمك .
وريف : اكيد احبه ولو ما احبه كان مارفضت اللي تقدمو لي قبله ومن بينهم سعود ولد عمي صالح .


***


رفعت غيداء راسها ومسحت دموعها : لا لايمكن احب شخص يقتلني باليوم الف مره .
كانت الاجابه مثل ماتوقع فهد : طيب ليش كل هالبكاء ؟
غيداء : لأني ارتحت وحسيت بالامان وكم شهر برجع للجحيم وزود على هذا يقولون لي مطلقه .
فهد : واذا كان مطلقه اش فيها ؟
غيداء وهي تبكي : انت عارف وجهة نظر المجتمع للمطلقه واسم مطلقه راح يكون اضعاف اضعاف عشية النكد اللي راح اعيشها .. وانت من الاول ليش تتزوجني وتدخلني بمشاكل حرام عليك انا انسانه عندي احساس ؟
فهد تمنى انه انقص لسانه ولا جرحها : ما ادري ليش تزوجتك بس ابوي هو اللي قالي عشان استر عليك .
طالعت غيداء بفهد : بليز اطلع .
وقف فهد : خلاص غيداء انسي الكلام اللي قلته لك .. بكره عندنا حفله ولازم تطلعين بأفضل حالاتك .
غيداء وهي تكي : خلااااص اطلع مو متحمله جلستك هنا .
طلع فهد وسكر باب الغرفه ونزل تحت وهو اخلاقه زفت : مدى وينها ؟
طالعته فاتن : انت ماتعرف تقول سلام عليكم .
عصب فهد : مــدى وينها ؟
وقفت فاتن : فــهـد وش فيك ؟
فهد : مافيني شي بس غيداء جالسه تبكي عشان عمها عجزت لأهديها .
فاتن بخوف : طيب وش سالفة حسينه ليش طالعه لغيداء ؟ اش فيها غيداء يافهد ؟
فهد وهو يجلس : مافيها شي بس حسينه طلعت لها عشان تعطيها مهدي .
فاتن : حالتها صعبه لهالدرجه .. انا بروح اشوفها .
فهد : لا لا عمتي ماينفع تروحين لها هي ماتعرفكم .
فاتن : لو ماتعرفنا بتتعرف علينا وخلاص هي وحده منا وفينا .
وطلعت فاتن مع الدرج وطقت باب الجناح ودخلت : غيـــداء .. غيداء .
سمعت غيداء صوت الحرمه الغريب عليها وقامت وغسلت وجهها وشافت شكلها بالمرايه وجهها مورم من البكاء .
فتحت الباب : هــلا .
راحت لها فاتن وسلمت عليها ومسحت على شعرها : ياقلبي لاتعذبين نفسك بالبكاء ماراح ينفعك وعمك ان شاء الله بيرجع .
شهقت غيداء وصارت تبكي اشد من اول وحضنتها فاتن : خلاص حبيبتي مايصير تبكين عمر البكاء مانفع بشي .
مسحت غيداء دموعها : خلاص اجلسي هنا انا بغسل وجهي وبجيك .
جلست فاتن ع الكنبه اللي بالصاله الصغيره " ياقلبي عليها ما ادري ليش انا قسيت عليها "
دخلت غيداء وابتسمت وابتسامتها اخفت نص حزنها اللي واضح على وجهها : انا فاتن عمة فهد .
غيداء : هلا بك تشرفت بك .
فاتن : وانا اكثر ياقلبي .
غيداء : شخبارك ؟
فاتن : انتي اللي شخبارك ؟
هزت غيداء راسها بإيجاب : الحمدلله بخير .
فاتن : غيود ياعمري مايصير تبكين كذا بكره عندك حفله ووفيه حسادك اكيد بيفرحون عليك حاولي وجاهدي نفسك بس اهم شي ماتنزل دموعك .
غيداء : ان شاء الله .
فتحت فاتن فمها وبصدمه : غيداء اش هذا اللي بوجهك .
حطت غيداء يدها ع مكان الكف " حسبي الله عليك ياسهام "
دخل فهد وطالعته فاتن : فهد اشلون تضرب البنت كذا حرام عليك .
فهد : مو انا وان شاء الله تنكسر يد تنمد على غيود .
فاتن وهي توقف : طيب مين اللي ماد يده عليها غيرك .
فهد : تعرفين حسادها كثار وهالكف من وحده منهم .
وقفت فاتن : عن اذنكم اخليكم على راحتكم .
وطلعت فاتن وجلس فهد جنب غيداء اللي وقفت : انا بروح انام .
فهد وهو يطالع وجهها : خف كثير اثر الكف ان شاء الله ساعتين كذا وهي مختفي .
غيداء وهي تمسح دموعها " والجرح اللي بقلبي اشلون يختفي وكم يبي له مده عشان يختفي "
فهد " انا اشلون جنيت على المسكينه ؟"
دخلت غيداء بالغرفه ولبست بيجامه برمودا والبلوزه جبنيز اسود وعليها دوائر ابيض وتمددت على الاريكه ونامت .
ودخل فهد وشافها نايمه ومو مرتاحه بنومها من عقدة حواجبها وشالها وفتحت عيونها وشهقت وهي تطالع فهد .
نزلها فهد ع السرير وغطاها باللحاف وهي بدأت بدوامة بكاء جديده " آآه يافهد اشلون حبيتك الحين ما اقدر على فراقك اسبوعين ونص تعودت عليك كثير "
طلع فهد من البيت وركب بسيارته واتصل على سامي : الوو .
سامي : هلا بك .
فهد : سامي ابيك تروح الحين للشركه الحين انا جاي .
سامي : على امرك .. انا الحين رايح للشركه .
فهد : مع السلامه .
وصل الشركه ونزل وطالع فيه ناصر اللي كان طالع : لا لا مو معقوله فهيدان بدون بودي قارد لا بعد وهو اللي يسوق .
فهد بمزح : ليش مكسر مثلآ ؟
ناصر : لا بس ما ادري وش اللي جايك .
فهد بابتسامه : نويصر وش اللي جايبك للشركه ؟
ناصر : جاي نيابه عنك ياعريسنا .
فهد : ان شاء الله اخدمك بعرسك .
ناصر : وانا متأكد انك مو خادمني .
فهد : اقول يله انقلع والله وقفتنا قدام الباب غلط .
ودخل فهد وطلع لمكتبه وجلس ع الكرسي ونزل شماغه ومسح شعرها بتوتر " ياربي انا ليش قلت لها كذا .. لا لا احسن عشان ماتتعلق فيني "
دخل سامي ووقف فهد : هلا سامي .
سلمو على بعض بالخشم وجلسو .
طلع فهد جواله وقفله وطالع بسامي : اش الاخبار ؟
طلع سامي النوته : طال عمرك فيه لقاء لك بتاريخ 3 من رمضان على قناة (,,,,) وينتظرون الموافقه .
فهد : لا ما ابي اطلع على التلفزيون الفتره هذي انا عريس .
ابتسم سامي : وبيوم العيد الاول فيه لك استضافه من مهرجان (,,,,) .
فهد : ولا هذي مو موافق عليها .. المهم اش اخبار الشركات ؟
سامي : كل شي على مايرام - وطلع الفايل السماوي - هذي كل الحسابات اللي بالاسبوعين اللي راحــو .
فتح فهد الفايل وهو يحاول انه يلقى اي شي يشغله عن التفكير بغيداء .
طلع سامي من الشركه بعد مأذن له فهد .
فتح فهد جواله واتصل على غيداء : الو .
غيداء بصوت كله نوم : نعم .
فهد : هااا غيداء صليتي العشاء ؟
غيداء : ايه مصليه .
فهد : طيب مع السلامه .
وقفل الجوال " اش هالسؤال البايخ كان قلت لها اني بتطمن عليها "


***


الجوهره : فاتن اعقلي اش دخلك بمشاكلهم ؟
فاتن بضحكه : ام فهد اش هالكلمه تقولين لي اعقلي .
الجوهره : هههههه والله على تفكيرك اقولك اعقلي .
فاتن : طيب والله منقهره منه زوجته منهاره ومتقطعه من الصياح وهو طالع للشغل .
الجوهره : خلاص هم متفاهمين ولاتنسين انهم عرسان لسه ماتعودو على بعض .
فاتن : ايه صح عرسان ويمكن مخليها تاخذ راحتها بس البنت ماتستاهل .
الجوهره : سبحان الله ام بسام تقول كذا ؟ وش صاير ؟
فاتن : والله احب غيداء مدري اش السبب مهما سبيتها ابقى اغليها واعزها .
الجوهره : والله لو لفيت العالم كله مابلقى لفهد احسن منها الله يخليهم لبعض .
فاتن : امين .. والله احس ان البنت بريئه لو ماشفت بعيني انها متنكره بلبس ولد كان اقول اكيد يكذبون علي .
الجوهره : خلاص انتهت السالفه وهي غلطت والغلط يتصلح .
نزلت مدى تحت : سلام عليكم .
الجوهره وفاتن : عليكم السلام .
مدى بعد ماجلست ع الكنبه : وين غيود ؟
الجوهره : اتوقع انها نايمه .. لأنها ماتفتح الباب .
مدى : غريبه هي قايله لي بتجي الساعه 9 عندي وتشوف فستانها اللي اخترت لها والحين الساعه 10 وهي ماجات .
دخل فهد وسكر الباب وبمزح : عمتي ما كأن عندك بيت لازم تروحين له .
طالعته فاتن : وما كأن عندك زوجه مخليها منهاره وطالع لشغلك .
فهد : طيب ابيها تاخذ راحتها مو من المنطق اني بقابلها .
الجوهره وهي تروح لفهد : مين اللي ماد يده على غيود ؟
فهد بهمس : ما ادري تقول وحده ماتعرفها ولا تدري مين .. عن اذنكم .
وطلع فهد لجناحهم وفتح الباب واتجه للغرفه وفتح الباب وشاف غيداء جالسه ع الاريكه ومعاها دفتر وتكتب : سلام عليكم .
غيداء وهي منشغله بالدفتر اللي هي تسكر : عليكم السلام .
جلس فهد جنب غيداء : انا اسف على اللي صار .
طالعته غيداء وكان ودها تقتله جاي بكل برود ويقول اسف : حصل خير بس قول لزوجة المستقبل تقصر الشر .
ضحك فهد : ومين زوجة المستقبل هذي ؟
غيداء بقهر : وريف .
فهد : الله لايقوله والله ما اتزوجها لو يقتلوني .
رجعت غيداء شعرها وراء ووقفت : بكره الحفله انا بروح عند ميدو بشوف فستاني.
مسك فهد يدها وجلسها جنبه : ليش مارحتي تختارين فستانك بنفسك ؟
غيداء : مامعاي وقت وبعدين انا كارهه الحفله هذي .
فهد : ليش ؟
غيداء : ما ادري مافيه سبب بس من ربي كرهتها يمكن عشان اللي صار لي قبلها .
فهد بعد ماباس يدها : خلاص سامحيني .
غيداء وهي عاقده حواجبها : قلت لك حصل خير .
ترك فهد يدها وطلعت غيداء وراحت لغرفة مدى ودخلت بعد ماطقت الباب : ميدوو .
سكرت مدى لاب توبها : هلا غيود واخيرآ جيتي .. وينك ؟
ابتسمت غيداء : كنت عند فهد .
مدى : ياحبي لك وش سالفة المناحه اللي صارت اليوم ؟
بعلت غيداء ريقها : عمي رايح لسوريا .
مدى : طيب واذا .. ليش تبكين ؟
غيداء : خايفه على عمي .
مدى وهي تطالع اثار الكف على خد غيداء : كأنه هنا مكان كف ؟
ابتسمت غيداء : الحمدلله راح اثر الكف يعني اذا حطيت ميك اب ماراح يطلع واضح.
وقفت مدى : بجيب لك فستانك .


***


وريف : يمه بكره انا بقهر غيداء بحرق قلبها .. ابيها تنقهر مثل ماقهرتني .
نوره : تعوذي من الشيطان ولاتسوين شي للبنت والله حرام .
وريف بغصه : ومو حرام عليها تقتل حبي لفهد تطعن قلبي يمه حسو فيني من شهر وقلبي ينزف دم انا احب فهد ولا راح احب غيره .
نوره حزنت لحال بنتها : ياعمري ياوريف اللي ربي كاتبه لك بيصير بس انتي قليلة ادب وعند العــايله كلها انتي قــليلة ادب واخر شي من قلة الادب طلعتي لغرفة غيداء تهددينها .
وريف : وربي يايمه اني ماكنت اعرف ان فهد موجود والله لو كنت اعرف لأقص رجلي ولا اعتب باب جناحهم .
نوره : طيب ليش تسوين كذا انا ربيتك احسن تربيه دلعتك خليتك على راحتك ليش قلة الحيا تجري فيك مجرأ الدم اش المبداء اللي انتي سالكه بحياتك يعني اني اتكلم مع ولد عمي اللي احبه مثل ما ابي وفهد محرم لي وغيره مايجوز يشوفك ؟
وريف : يمه فهد مصيره بيتزوجني .
تنهدت نوره : الله يصلحك .. بدر لايسعمك تقولين كذا ولا تتكلمين بفهد والله ليقتلك .
وريف وهي تمسح دموعها : يمه بس ابي مبرر واحد لفهد يوم تزوج بنت ابليس وتركني ؟
نوره : هو بس بيستر عليها وانتي اشرف منها وهي من الشارع يعني مستحيل فهد يتركها عنده هو اعلى منها .
وريف : طيب يمه فهد ماخطبني ولا يبيني انا اش اسوي اذا كان احبه وهو طــعني بخنجر حبي .
نوره : وريف حبيبتي اللي خلق فهد خلق مليون واحد غيره وانتي بنت عبدالمحسن اليحيى كل الناس يتمنونك .
وريف : ليش انتو مو فاهمين الحياه ليش انتو ماتتطورون شوي انا احب فهد يعني ما ابي غيره .
نوره : انتي اللي فاهمه الحياة غلط ولد عمك تزوج وخلاص لاتفكرين فيه وغيداء صارت وحده منا وفينا .
وريف بحرقه : يمه اش ذنبي اذا كان انا احب ولد عمي ومن صغري واملي فيه وانا كل ماشفته يزيد حبي له تجي وحده من الشارع وتخطفه مني .. وضربت على صدرها بقبضة بيدها .. آآآآآه ياكبر قهري .. آآآه ياحلمي اللي صار سراب .
نوره : خلاص ياعمري لاتقولين كذا والله اني حاسه فيك بس ربي يعوضك ان شاء الله .
وريف وهي تبكي : الله ياخذها مثل ما اخذته مني الله يحرمها السعاده مثل ما احرمتني من فهد .
نوره وهي تحضن وريف : خلاص ياروح امك والله قطعتي قلبي لاتدعين عليها ولاتنسين انه لك ملك يقولك مع كل دعوه ولك بالمثل .
وريف : يمه لاتلوموني على اي شي اسويه لغيداء .. يكفي اني من شهر عايشه بنار عايشه بعذاب ومافيه احد حاس فيني .
نوره : لاتضرين البنت بشي ترا الدنيا دواره وماتدرين وش اللي ربي يكتب لك .
دخل بدر وطالع بوريف اللي تبكي وامها جالسه جنبها وتهديها : وريـــف وش صاير ؟
وريف وهي تبكي : خلاص يابدر اختك حياتها مالها طعم .
بدر بخوف وهو يجلس على الارض ويمسك يدين وريف : وش صاير قولي لي ؟
وريف زاد بكاها : بس ابكي عشان .. عشان .
قاطعها بدر وهو يوقف : عشان فهد تزوج هااا ؟
نوره : لا هي عقلها مو صغير عشان يصير تفكيرها كذا .
بدر : اكيد من سوالف البنات ودلعهم كل هالبكاء .
نوره بابتسامه : اي والله صدقت .


***

طالعت غيداء شكلها بالمرايه وابتسمت برضا لابسه فستان تايقر كات وضيق يوصل تحت ركبتها ولابسه كعب عالي لونه اسود وعلى خصرها حزام اسود والميك اب اسود وفضي وكحلها الاسود مضفي الجمال على عيونها الفاتنه وشعرها رافعته بتسريحه حلوه ولابسه سلسال الماس مكتوب عليه fahad ودبلتها الماس .
طالعتها اخصائية التجميل الخاصه فيها : ولك شو هالجمال ما شاء الله هسه بتذهلين الكل .
ابتسمت غيداء : عيونك الحلوه .
طلعت الاخصائيه ودخل فهد لابس ثوب ابيض وشماغ .
عيونه واسعه وحاده وخشمه سلة سيف وله سكسوكه خفيفه شوي وهو اسمر بس مو مره وكله رجوله وملامحه حاده .
بإختصار ملك جــمال .
ابتسم فهد : يله غيداء بننزل تحت كلهم ينتظرونا .
راحت له غيداء تمشي بخطوات هاديه وفهد انبهر بجمالها وباس جبينها : ياعيني على الكشخه - وتذكر كلمة غيداء عن وريف زوجة المستقبل , وابتسم لغيداء - صدقيني زوجة المستقبل بتنهار .
غيداء " لا بعد وحاضره اللي هو حاط عينه عليها "
مسك فهد يدها وبهمس : تحمليني شوي لازم التمثيل قدام الناس .
غيداء بهمس مماثل : الله يعينني .
اطفوء الأضاءه وكانت الاضاءه باللون الذهبي والاحمر الهادئ ع الدرج حوط فهد خصر غيداء بيده ونزلو وهم يبتسمون وجلسو بالكوشه المزينه بالقلوب الحمراء .
وجلسو وطالع فهد بغيداء ومسك يدها .
وغيداء ابتسمت له وراء الابتسامه الف دمعه ودمعه .
وكانت وريف جالسه جنب ساره وتتعصر من القهر " آآآه لو انا مكانها "
اشتغلت الاضاءه وقال فهد بهمس لغيداء وهو يطالع بسلسالها : سلسالك روعه .
غيداء : ترا مو انا اللي مختارته ومدى هي اللي جبرتني البسه .. لايروح بالك بعيد .
تنهد فهد : لايروح بالي بعيد هااا ؟
غيداء : يعني تظن اني احبك ؟
فهد بابتسامه : وما استاهل الحب ؟
غيداء بتحافظ على كرامتها : لا .. واحد يطعن بشرفي وامس جرحتني وجروحي إلى الان تنزف وعبالك بحبك انت غلطت علي كثير .
فهد : خلاص غيداء قلت لك انا اسف .. وسالفتك بسمعها منك اذا طلعنا لغرفتنا .
غيداء : وانا ما ابي اقول خلاص .
فهد : ليش ؟
غيداء : خلاص ما ابي اتكلم .
فهد : غيداء والله لازم اعرف سالفتك امي كانت تكرهك عرفت السالفه وحبتك كثير .. وانا يمكن تتغير معاملتي لك .
غيداء : لا خلاص ما راح اتكلم بالسالفه هذي نهائيآ .
جات مدى : ماشاء الله عليكم سوالف ودق حنك ماكأنكم من اليوم جالسين مع بعض .
فهد بابتسامه : الله لايغير علينا .
مدى : امين يارب .. طيب اذا ممكن تعالو اقطعو الكاتو واجلسو معانا .
وقف فهد ومشى مع غيداء وبهمس : الحين بنجلس معاهم وخلي وضعنا اوك .
هزت غيداء راسها وصلو عند الكاتو اللي عليها صورة غيداء وفهد بيوم زواجهم وقطعوها مع بعض وابتسمو للمصوره وفهد حاضن كف غيداء .
جلسو فهد وغيداء معاهم بعد ماطلعو الحريم الغرب عنهم .
فاتن : يابعد عمري الف مبروك .. عقبال ما اعزمكم على حفلة مدى وبسام .
كانت مدى جالسه جنب عمتها نزلت راسها للارض بحيا وبهمس : ليش تحرجيني قدام فهد .
ضحكت فاتن : ياعيني على المنحرجه .
نوره : الله يوفقكم ويرزقكم بالذريه الصالحه ان شاء الله .
الجوهره : امين .
طالعت ساره بفهد وغيداء : اش فيكم مين اللي حطكم سايلنت .
ضحك فهد وغيداء ابتسمت : مو معطينا فرصه نتكلم .
سهى : من جد والله كل وحده تتكلم بعد الثانيه مو معطين احد فرصه بتكلم حشا كل هذا طاقه كلاميه .
فهد : هههههههههههههه .. وبهمس .. وش فيك ابتسمي ع الاقل .
ابتسمت غيداء .
وطالعت وريف بغيداء " امووت واعرف اش قال لها "


***

منصور بعصبيه : سلطان انت مـتأكد من اللي قاعد تقوله ؟
سلطان : يبه والله متأكد .
منصور : اشلون الرقم اللي اتصل علي مو من تبع المافيا ؟
سلطان : ما ادري من زمان وانا عارف الشي هذا .. الرقم مو مسجل بأسم وموقعه هنا بالرياض .
منصور : يعني اشلون هذا مو من المافيا واحد يلعب علينا ؟
سلطان : لا .. يمكن من المافيا بس ما يبي احد يعرف مين هو إلا هو اكيد مايبي احد يدري .
منصور : حسبي الله عليهم ماخلوني ارتاح طول يومي اعيش بهم وامسي بغم مايعلم به إلا الله .
سلطان وهو يضرب الطاوله بقبضة يده : والله لأجيب روسهم واخليهم يندمون على انهم في يوم من الايام تحدو عيال اليحيى .
منصور بعصبيه : انا مو ناقص ياسلطان وما ابي افقدك مثل نايف اللي بقى شهر ويتغرب وفهد اللي حاطهم براسه .
سلطان : يبه احنا تضررنا من المافيا كثير ويكفي ان سبب وفاة جدي المافيا .
منصور : لا ابوي مو المافيا السبب في وفاته .
سلطان : الادله الجنائيه اثبتت ان جدي مات من ماده سامه حطوها له مع الجلكوز .. ومين غير المافيا .
منصور : خلاص يا سلطان الملف هذا تقفل من 5 سنوات .
سلطان : بس يايبه انا اذكرك اننا فقدنا جدي والسبب المافيا وانا حلفت اني ما اخليهم انا بجرب الوحل معاهم يا قاتل يامقتول .
منصور بعصبيه وهو يوقف : انهبلت يا سلطان هم اكثر من الف شخص بمجموعه وحده اشلون تقول بجرب الحرب معاهم .
سلطان وهو يوقف : يبه انا عندي اكثر من 5 فرق عسكريه والفرقه فيها 25 ضابط انا مو بروحي وكل هذا ربي معاي وانا افك الناس من شرهم وهم يفسدون بالارض .
منصور : عساك على القوه ياولدي بس انتبه لنفسك واذا كان ناوي تتحارب معاهم خله بعد العيد .
سلطان : ان شاء الله .. بعد ما اشوف وش بيسوون بنايف وعمار .


***

بـــعــد مــرور اسـبوع ..

الجوهره بابتسامه : اعلنو بكره رمضان .. كل عام وانتم بخير .
منصور : وانتي بخير .
فهد : وانتي بخير يالغاليه .
طالع فهد بغيداء وبهمس : كل عام وانتي بخير غيداء .
غيداء بابتسامه وهمس : وانت بخير .
فهد وهو يطالع امه : وين مدى ؟
الجوهره : راحت مع بنات عمها للسوق وراحو يتمشون .
منصور : وليش ماراحت معاهم غيود تراها منا وفينا ماعادت غريبه .
فهد : لا انا بوديها السوق زوجتي ماتروح مع غيري .
الجوهره بابتسامه وهي تطالع بفهد وغيداء : الله يخليكم لبعض .
وقف منصور : انا بروح انام بكره لازم اصحى بدري عندنا مؤتمر بالوزاره .
الجوهره وهي توقف : وانا بروح انام صاحيه بدري .. عن اذنكم حبايبي .
وطلعت الجوهره مع زوجها لغرفتهم .
وطالع فهد بغيداء : غيداء ليش مارحتي معاهم للسوق ؟
غيداء وهي منزله راسها للارض : مكان وريف تروح له ما اروح له .
فهد وهو يرفع حاجبه : وش قصدك ؟
غيداء وهي تطالعه : ماقصدي شي بس هي تكرهني وانا ما ابي اغثها .
ابتسم فهد : وانتي ما تكرهينها ؟
غيداء : على ايش اكرهها هي ماسوت لي شي .
فهد : يعني وحده تحب زوجك ماتكرهينها .
خذت غيداء نفس عميق : ولو هي ماضرتني بشي والله يهنيها فيك .
فهد : يعني ما عندك غيره نهائياً ؟
طالعته غيداء : وعلى مين اغار ؟ على واحد يجرحني باليوم مليون مره .
فهد استغرب منها ووقف : لاتظنين اني بغير معاملتي لك ولا بحبك ترا انتي مثل ماكنتي بنت شوارع مو سكنتي عندي شهر يعني خلاص نسيت كل شي انا قلت لك شهور بس واطلقك .
وقفت غيداء وراحت تركض لغرفة مدى فتحت الباب ودخلت وسكرت الباب وجلست ع الكرسي ودخلت بنوبة بكاء .
" ياربي ليش انا صايره كذا على كل كلمه يقولها ابكي هو ليش مايحس فيني "
سمعت غيداء طق على الباب وقامت وغسلت وجهها ونشفت المويه بمنديل ورمت المنديل بالزباله وطالعة شكلها بالمرايه الدموع متحجره بعيونها ووجهها مورم من البكاء خذت نفس عميق ولفظت بـ " لا اله إلا الله "
فتحت الباب : غيــود وش فيك ؟
غيداء سالت دموعها ومسحتها : مدى انا تذكرت عمي اول رمضان بصومه بدونه .
مدى : ياقلبي ان شاء الله بيرجع .
ابتسمت غيداء من بين دموعها : ربي لايحرمني منك .. اسفه دخلت غرفتك بدون استئذان بس ما ابي اضايق فهود .
مدى بابتسامه : ياعيني .. خلاص روحي له تراه يناديك .
شهقت غيداء : وينه ؟
مدى : تحت .. يقولي نادي لي غيداء بسرعه .
نزلت غيداء مع الدرج بمهل " الله يعينني "
طالعها فهد اللي واقف بنص الصاله : تعالي بسرعه عندي لك خبر بمليون .
نزلت غيداء بسرعه وراحت عند فهد اللي مسك يدينها : عمك رجع من سوريا .
غيداء بفرحه : متى رجع ومين اللي قالك .
فهد : اتصل علي خالد وقالي شكل عمك مشتاق لك .
غيداء : طيب بروح لعمي مشتاقه له كثير ومشتاقه لكريمه .
فهد : وراح تلقين سهام .
طالعة فيه غيداء : ضرب سهام لي اهون علي من اللي يطعن شرفي وانا اشرف منه .
طالعها فهد وبصدمه : اش قلتي ؟
غيداء : اللي سمعته .
فهد من بين اسنانه : والله لو مو احنا عرسان وبليلة رمضان لألعن خيرك .. وتدرين يابنت الاصول انه حرام الزوجه ترادد زوجها ؟
غيداء : واذا كان زوجها ماينطاق ؟
فهد بسخريه : لو انها صدق بريئه وبنت اصول كان تكسب رضاه وتخليه يحبها .
غيداء خافت من فهد ومن نظراته وندمت على كلمتها : ط..طيب اروح لبيت عمي الحين ؟
فهد : لا انا مشغول .
غيداء : اروح مع السايق .
فهد : هههههه انتي تروحين مع سايق ليش شايفتني غبي ولا بتروحين لشلتك .
طالعته غيداء : احترم نفسك ولاتشك فيني كذا .
فهد : والله كل هذا انتي اللي جايبته لنفسك ولا تنسين انك طالعه لمزرعة شباب .
غيداء : بس انا مو مثل ماتوقعت مو مثل الصوره اللي انت متخيلها .
فهد : نسيتي انك بنت يعني شرفك مثل المرايه اذا انخدش مستحيل يتصلح .
صرخت غيداء : خلاص .