[شمالية الهوى]

~ آلُبآرَتِ آلثُآلَثً عِشْرَ ~




• نَقِشّ آلُزْمّنُ عَلِىّ جُبِيْنَيٌ




• يَ مُوْتَيّ كُيَفِ تّعٌتْلًيَنْيَ



فهد بهمس وهو يمسك وجهها بيدينه : المره هذي عدت على خير بس غيرها والله ماتعدي لك .. انقلعي جيبي عبايتك عشان تروحين لعمك .
مشت من عنده غيداء وجلس فهد ع الكنبه " اوووف ياربي كون لي معيناً "
لبست غيداء عبايتها وخذت شنظتها وكانت ترجف نزلت تحت ووقف فهد وطلع قبلها ومشت وراه ركبو بالسياره .
وطالعت غيداء بفهد اللي يشرب دخان بشراهه وهو معصب .
شدت غيداء على قبضة يدها " ياويلي انا وش سويت "
وبصوت يرجف : فهد .
طالعها فهد وبعصبيه : اش تبين انتي ؟
غيداء : خ..خ..خلاص ما ابي شي .
انتبه فهد لطريقه بعد مارمى زقارته .
وصلو بيت عبدالرحمن وطالع فهد بغيداء : ساعه بس وانتي طالعه والله اذا تأخرتي لو دقيقه لألعن خيرك .
غيداء : مو مسلم على عمي ؟
فهد : لا .
نزلت غيداء ودخلت ببيت عمها وطقت باب المدخل ودخلت بعد مارحب فيها عمها اللي ضمها : ياهلا والله بالغاليه .
ابتسمت غيداء لعمها وهي تمشي جنبه : الحمدلله على سلامتك عمي .
عبدالرحمن : الله يسلمك .
دخلو بالمجلس وسلمت غيداء على سهام وصبا وكريمه وجلست جنب عمها : مبارك عليك الشهر يالغاليه .
غيداء : الله يبارك فيك ياعمي .
سهام بابتسامه : شخبارك ياغيداء ؟
غيداء : الحمدلله بخير .
سهام : دوم يارب .
عبدالرحمن : وين فهد ؟
بلعت غيداء ريقها : فهد عنده شغل .
صبا وهـي توقف : عن اذنكم بروح اجيب العصير .
طلعت صبا .
وطالعت سهام بغيداء : ليش ماجاء زوجك خلاص احنا صرنا اهل .
غيداء : مشغول مايقدر يجلس هنا .
وقف عبدالرحمن : والله الجلسه ماتنمل معاك يا بنتي بس انا بروح لجيراننا مسوين لي قهوه تعرفين بكره رمضان ولازم نجتمع هناك .
غيداء : انا ببيت هلي ياعمي خذ راحتك .
عبدالرحمن : بس مو يوم ارجع وانتي ماشيه ترا بس ساعتين وراجع .
غيداء : والله ما اقدر على حسب شغل فهد .
عبدالرحمن : خلاص ان شاء الله تعوضينها بزياره ثانيه .
غيداء : ان شاء الله .
طلع عبدالرحمن وجلست سهام جنب غيداء وبين اسنانها : اش جابك ؟
طالعتها غيداء : ايش ؟
سهام وهي تقلد غيداء : ايش .. اقولك ليش جايه هنا ؟
غيداء : جايه اسلم على عمي .
وقفت كريمه : ام خالد انتي شو دخلك ؟
سهام : انتي اللي اش دخلك ولا نسيتي ان هذا بيتي وانتي حالك حال اي ضيفه .
كريمه بعصبيه : شو ؟ بيتك .. بيت ابن عمي يعني بيتي .
وقفت غيداء : صبااا .
دخلت صبا تركض : هلا غيداء .
غيداء : شوفي امك وخالتك .
صبا : ههههههههه شايفتهم اطفال يوم تناديني .
غيداء بابتسامه : لا يمكن عندك حل .
سهام وهي تجلس وتحط رجل على رجل : غيداء .
غيداء : هلا .
سهام : انتي خدامتي وبكل رمضان وانتي تشتغلين تحت رجولي والحين ماعندي احد جيبي لي خدامه .
غيداء " اوووف " : اعذريني عمتي .
سهام وهي تعقد حواجبها : اعذرك على ايش ؟
غيداء : ما اقدر اجيب لك خدامه .
سهام : ليش لايكون زوجك مايقدر ؟
غيداء : لا مو كذا بس انا لسه عروس ومستحيه اقوله كذا .
سهام بعصبيه : ترا زوجك عادي لو قلتي له امي اللي مربيتني تبي خدامه مافيها شي وهذا جزء بسيط تردين لي صدقتي فيك .
غيداء " ياربي تعدي هالليله على خير " : عمتي والله ما اقدر استحي منه بس ابشري بعد العيد راح اجيب لك خدامه .
سهام : ومين اللي قالك انك بتجلسين مع فهد الى بعد العيد .
غيداء بخوف : ليش ؟
سهام : صدقيني كلها كم شهر وهو مطلقك .
غيداء " ياربي لايكون قال فهد لأحد " : لا ان شاء الله .
صبا : والله ياليت .
طالعتها غيداء : اش اللي ياليت .
ابتسمت صبا : تتطلقين وتصير مصيبه لك وانتي كلك مصيبه والله لو امك اخذتها معك احسن .
وقفت غيداء وابتسامه : مع السلامه .. اشوفكم على خير .
صبا : يعني ماراح تتطلقين ؟
غيداء : الله هو اعلم عن الغيب والله ما ادري .
وطلعت غيداء وطالعت بالساعه وشهقت " ياويلي بقى دقيقه "


***

ولاء : لا وريف حرام بكره رمضان اشلون اعمل كذا .
وريف : وانتي اش عليك ؟
ولاء : اش علي ؟ ليش مو انا اللي بسوي كل هذي المصايب .
وريف : لاتنسين انك اخذتي من عندي 300 الف يعني انتي اللي دخلتي وماراح تطلعين بسهوله وتسوين اللي اقـــولك وانتي ساكته .
ولاء وهي تجلس على الكرسي : وريف ترا انا مو عبده عندك انا بنت خالتك لا تدخليني بمصايب .. يعني لو عرف ولد عمك بيتركني ؟
وريف : اوووف .. انتي ماتفهمين شي اقوله لك يتنفذ وبس .. ومو انتي اللي دخلتي نفسك بالسالفه هذي ؟
ولاء : عارفه وانا مازلت مصره على اني اسوي المصيبه اللي تبين .. بس بعد رمضان .
وريف بابتسامه جانبيه : ليش ربك مو موجود إلا برمضان ؟
ولاء طالعت بوريف : بس والله صعبه الليله طيب خليه بعد عشر ايام .
وريف : ليش انا قلت ابي بكره ؟ قلت لك ماتمر اول ايام رمضان إلا وغيداء مطلقه .
طق الباب ودخلت نوره : سلام عليكم .
وريف وولاء : عليكم السلام .
نوره بعد ماسلمت على ولاء : وانتي ما كأن عندك خاله لازم تسلمين عليها ؟
ابتسمت ولاء بخجل : خالتي انا اخاف ان بدر او عمي عبدالمحسن هنا .
نوره بابتسامه : وش اخبارك حبيبتي ؟
ولاء : الحمدلله بخير .
نوره : وين امك ليش ماترد على جوالها ؟
ولاء : اعتقد انها راحت عند جدتي .
نوره : عند امي ؟
ولاء : ايه .
نوره : وتروح لأمي ماتاخذك من انتي جالسه عنده ؟
ولاء : جالسه عند ابوي وزوجته عادي .
نوره : لا لا ياولاء اجلسي عندي الين ترجع امك .
وريف وهي توقف : لا لا يمه خليها تروح لأهلها احنا بناخذ راحتنا .
طالعت نوره بوريف : وريييف وبعدين معاك هذي بنت خالتك وكل يوم وهي جايه عشانك .
وريف : عارفه وبنت خالتي على عيني وعلى راسي بس اخاف نسبب لها احراج لأننا بنفطر بكره ان شاء الله عند عمي منصور يعني هي بتروح .
نوره طالعت بولاء : هااا ولاء تجلسين عندي انا خالتك بحسبة امك .
ابتسمت ولاء : اعذريني ياخالتي لازم اروح للبيت اذا وريف ماتبيني من يبيني غيرها .
وريف بعصبيه : ولاء ترا امزح معاك بس جد بكره بنروح لعمي منصور .
نوره : والله ياولاء ماتروحين لبيت ابوك وامك مو موجوده .
ولاء : طيب ياخالتي وش المشكله ؟
نوره : بكره اول يوم من رمضان وبتشتغلين لزوجة ابوك عادي عندك ؟
ولاء : لا انا ما ابي اشتغل بس اذا جلست هنا ابوي والله ما يعديها لي .
نوره بابتسامه : وبس هذا اللي خايفه منه ؟
ولاء : ايه .
نوره : ولايهمك انا اخلي ابو بدر يكلمه وهو ماراح يرده .
ولاء بعد ماباست راس نوره : الله لايحرمني منك .



****


ركبت غيداء بالسياره وهي ترجف طالعة بالساعه 11:00 " الحمدلله اني ماتأخرت "
طالعها فهد : ماشاء الله جايه على الموعد .
سكتت غيداء " ياربي هذا اش فيه ليش تغير ما كأنه فهد تغير بالمره .. بس انا استاهل اشلون اتكلم على رجال كذا "
فهد : غيداء .
طالعته غيداء : هلا .
فهد : احنا بليلة رمضان ليش زعلانه .
غيداء : مو زعلانه .
فهد : يعني طاح الحطب .
ابتسمت غيداء " فديتك " : ايه طاح الحطب .
فهد : احنا صح تهاوشنا بس كل غلطه تتصلح ومن اليوم وطالع لو راددتيني مابيصير لك خير تسمعين .
غيداء : انت والله تنرفزني .
فهد : مهما قلت لك مايجوز ترادديني .
غيداء : اوك .. فهد عندي سؤال .
فهد : اسـألي .
غيداء : اممم انت قايل لأحد انك بعد كم شهر بتطلقني ؟
فهد طالع بغيداء وعقد حواجبه : لا ماقلت لأحد احنا بيننا عهد اللي بيننا مايطلع لأحد .. بس وش مناسبة السؤال ؟
غيداء : بس كذا اسأل بشوف فيه احد عرف ولا لا .
فهد : اها.. لا مافيه احد راح يعرف .
غيداء : طيب بكره ابي اروح افطر عند عمي .
فهد : لا .
غيداء بقهر : طيب ليش ؟
فهد : انتي زوجتي ووجودك مهم .
غيداء : اوك .
فهد : طيب ليش تبين تروحين لعمك ؟
غيداء بتردد : ما ابي اشوف وريف .
فهد بابتسامه : غيداء لايكون تغارين من وريف .. تطمني مو هي اللي راح اتزوجها بعد ما اطلقك .
غيداء بصوت مخنوق : انت ليش تلذذ بتعذيبي .
فهد : غيود انتي تحبيني ولا اش عندك ؟
ماردت عليه غيداء .
ووصلو البيت ونزلو ودخلو مع بعض ووقفت مدى : ياهلا وغلا .
فهد : هلا بك .
سلمت مدى على غيداء : الحمدلله على سلامة عمك .
ضحكت غيداء : الله يسلمك .
فهد وهو يسحب مدى : تعالي ابيك بسالفه .
مشت من عندهم غيداء وطلعت لغرفتها ونزلت عبايتها وعلقتها ع الشماعه .
ودخلت دورة المياه وخذت لها شور ولبست برمودا اسود وبلوزه جبنيز احمر وجففت شعرها واستشورته وتركته مسدول وحطت روج احمر وكحل اسود ورشت من عطرها وطلعت للصاله وجلست ع الكنبه وحطت رجل على رجل وشغلت التلفزيون .
وسمعت صوت الباب ينفتح وحطت يدها على فمها " ياويلي فهد مايبيني اكشخ له "
طالعت فيه متسمر بمكانه ويطالعها نزلت عيونها بالارض وماتدري اشلون تطلع للغرفه وهو واقف قدامها مشت بتعدي من عنده ومسك يدها وباسها وتنهد : انتي احلى انسانه شفتها بحياتي .
غيداء بعد مابلعت ريقها : عن اذنك بروح اغير ملابسي .
ترك فهد يدها : اذنك معاك .
دخلت غيداء بالغرفه وهي تحس ان دمها يجري بسرعه لبست بيجامه باكمام طويله لونها ابيض وزهري ونامت ودخل فهد ونام بالجهه الثانيه من السرير .



***


التمو كل العايله على طاولة الطعام وينتظرون الاذان .
مدى : غيود وين فهد من الصبح ماشفته .
ابتسمت غيداء : رجع العصر من دوامه ونام وتو صحى .
وريف : فيه احد يداوم وهو عريس ؟
سكتت غيداء " الحقران يقطع المصران "
سمعو صوت الاذان وافطرو .
الجوهره بهمس لغيداء : حبيبتي لاتردين على وريف هي بس جايه للمشاكل والشياطين برمضان مربوطه .
غيداء بابتسامه : اش دعوه ياخالتي انا مستحيل ارد عليها .. واذا الشياطين مربوطه برمضان شياطين الانس باقيه .
الجوهره : الله يثبتك بعقلك .
دخلت ساره : غيداء رجلك يناديك .
وقفت غيداء : عن اذنكم .
الجوهره : اذنك معك حبيبتي بس ارجعي عشان تفطرين .
طلعت غيداء وشافت فهد واقف عند الدرج لابس ثوب ابيض ويبتسم لها : تقبل الله صيامك .
غيداء : منا ومنك ان شاء الله.
فهد وهو يمسك يدها : ابي اروح اصلي المغرب معاهم بالمسجد واذا رجعت القاك جاهزه عشان تزورين اهل عمك .
غيداء بابتسامه : لا فهد ما ابي اروح لبيت عمي خلاص .
فهد : ليش ؟
غيداء بضحكه وبصوت هامس : لأنه انا اللي راح اغسل مواعين الفطور وانا مالي خلق .
فهد بابتسامه : لا انتي وضعك الحين غير زوجة فهد اليحيى ماتخدم احد .
غيداء : ماراح يتغير شي انا بنت النصرانيه اللي راح اخدم سهام .. انا ما ابي اروح لهم .
فهد : طيب ليش البارح كنتي تقولين لي بروح لهم ؟
غيداء : لأني ما ابي اشوف وريف وشوفة سهام اهون من شوفة وريف .
فهد بهمس : غيووود اشك انك بديتي توضحين لي رموز حياتك .. تكرهين وريف لأنها تحبني وش تفسرين هذا ؟
غيداء بارتباك : لا لا .. ما اكرهها لسبب هذا .. لا انا اكرهها عشانها دايم تجرحني وتقولي بنت الفقر وتحرجني قدام العايله كلهم .
فهد : ولا يهمك كلامها انتي قهرتيها خلاص .
غيداء باستغراب : قهرتها بأيش ؟
فهد : يوم تزوجتك خلاص هي انــــتهت حياتها .
غيداء : مو كأنك قلت بتروح تصلي ؟
ضحك فهد : والله انتي اللي اخذتيني بالسوالف .. يلا بروح اصلي .
غيداء " الله معاك "
وطلعت لغرفتها وصلت المغرب وخذت جوالها ووصلتها رسالة واتس من صبا ( كل عام وانتي بخير )
غيداء " غريبه ليش تهنيني " وردت عليها ( وانتي بخير )
نزلت جوالها ونزلت تحت وجلست جنب مدى بعد ماردو عليها السلام .
جات الخدامه ومعاها صينيه فيها عصير ووزعت العصير وخذت غيداء عصيرها .
نوره : ياحلاة رمضان ايام زمان .
الجوهره : لا والله الحين اريح .
سهى : بس قبل لانتزوج احس ان رمضان مو حلو كل الشغل علينا .. خواتي لسه يشتغلون ببيوتهم .
الجوهره : هههههههه عادي انا اسوي فطور فهد كل يوم .
وريف باهتمام : عمتي ليش انتي اللي تسوين فطور فهد ؟
غيداء : لأنه ماياكل من يدين الخدم .
وريف وهي تطالع غيداء : وليش مو انتي اللي تطبخين ؟
الجوهره : فهد مايبي غيداء تطبخ .
ضحكت وريف : ولا هي بحسبة الخدم ؟
غيداء : اهم شـــي ان اسمي مرتبط باسم فهد .. غيداء زوجة فهد وهذا يكفيني .
مدى : والله ما شاء الله عليك سرقتي قلب اخوي وهو كان يكرهك بس الحين مايشوف غيرك .
ابتسمت غيداء وهي تقول بقلبها " لو تدرين ان اخوك جرحني وجروحه الى يومك تنزف "



***


في المانيا رمضان بالغربه غير حلاوته ناقصه .. غربه والمسلمين قليل عددهم .. وبرد قارس وفي المانيا مستحيل يسمعون صوت اذان .
اماني : رويد حبيبي ليش ماتاكل ؟
رويد : يمه باقي على اذان الفجر ساعه وربع معاي وقت اتسحر .
اماني : آآه الله يهديكم كان خليتوني اصوم عند اهلي والله اشتقت لرمضان ببلاد مسلمين ابي اسمع صوت الاذان .
رويد بابتسامه : ولا يهمك يالغاليه كلها 5 سنوات وانتي راجعه للسعوديه .
اماني : حسبي الله على ابليسك 5 سنوات مو شويه تراها كثيره مره .
ماريا : الله يوم نرجع للسعوديه وعمري 16 .
رويد : لا ان شاء الله تتزوجين الماني قبل لاترجعين للسعوديه .
اماني : لا ان شاء الله بنتي غاليه ما ازوجها إلا لواحد غالي ويستاهلها .
ماريا بابتسامه : صح مايستاهلني إلا اياد ولد عمتي ؟
رويد : اي والله ما يستاهلك إلا إياد وهو مايستاهل إلا انتي .
ابتسمت اماني : ياجعلني ازفك لإياد قولي امين .
ماريا : اميــــن .
طالعتها اماني : والله انك ماتستحين .
ماريا : مامي انتي والله اللي تقولين قولي امين .
طق الباب ووقفت ماريا : اكيد هذا إياد .
اماني : طيب خليه يجي يتسحر انتي وياه لازم تصومون .
ماريا : اوك .
وراحت ماريا وفتحت الباب وبإبتسامه : hello .
ابتسم لها إياد : hello .
ماريا : تقولك ماما تعال نتسحر عشان نصوم احنا كبرنا .
إياد : هههههه وامي تقول لاتصومون وتعذبون نفسكم انتم صغار .
ماريا وهي تمسك يده : طيب ليش واقف هنا يله بندخل نتسحر .
دخلو إياد وماريا وجلسو بعد ماسلم إياد على اماني وطالع رويد بإياد وبمزح : انت ماتصبر كل يوم وانت هنا اش تبي ياخي ؟
إياد : انا ما اجي عشانك .. طلع بماريا .. جاي عشان ماريا .
اماني : يا عيني ع الحب .
رويد وهو ياخذ جواله اللي يرن : هلا نايف .
نايف : ياهلا وغلا بولد اختي الغالي .
رويد : هلا بك اكثر .. اش الطاري ليش متصل علي مو عادتك .
نايف : افااا وانا توقعت ولد اختي بينبسط مثل ما انا مبسوط يوم اكلمه .
رويد بابتسامه : والله ياخالي اني مبسوط باتصالك بس مو عاده لك .
نايف : رويد انا ابيك بموضوع مهم بس يكون سر بيننا .
رويد بخوف : الله يخليك ياخالي لاتورطني معاك ومع المافيا ترا انا ما ابي اخسر شبابي مـــثلك .
نايف بعصبيه : الله يهديك يارويد انا اخاف عليك من نسمة الهوا اشلون ادخلك معاي .. وانا مالي دخل بالمافيا هم اللي اعتدو علي .
رويد وهو يوقف : طيب قول اش عندك والله اقلقتني ؟
نايف : عندك احد الحين ؟
رويد بهمس : خلاص انا بطلع لغرفتي .. وسكر باب غرفته .. هااا الحين ماعندي احد .
نايف : انت ماشاء الله عليك رجال وعمرك بحدود الـ 20 .
رويد بتوتر : تكفى ياخالي قولي اش عندك والله مو قادر اتحمل .
نايف : رويد لا تخاف انا ما راح اسوي لك شي .
رويد : عارف بس اختصر وش عندك انا بتسحر الحين مابقى شي على الاذان تقريبآ نص ساعه ويأذن .
نايف : ماشاء الله بتصومون اليوم الثاني احنا عندنا الساعه 9 بالليل .
رويد زاد خوفه : خالي الله يخليك قولي اش موضوعك والله خلاص فقدت اعصابي .
نايف : اش فيك يارويد ماتوقعتك كذا خواف انت رجال ويعتمد عليك .. انت تعرف مكان المافيا عندكم بالمانيا ؟
رويد : لا ما اعرفه ليش تسأل ؟
نايف : احنا بعد 29 يوم من الان راح نستقر بالمانيا 6 سنوات واذا كان تعرف مكان المافيا خبرني لأنه مقرهم الرئيسي بالمانيا .
رويد : لا ما اعرفه بس راح اعرفه ان شاء الله اللي يسأل مايضيع .
نايف : رويد اذا كان تعرف مكانه ابيك تفجر بالمكان كله قبل وصولنا بساعتين .
رويد بتوتر وهو يرجع شعره وراء : نايف انا ماراح انفذ اي شي من اوامرك هذي ولا ترا بقول لخالي فهد وش مخبين عليه انت وعامر .
نايف بخوف : وش اللي مخبين عليهم .. تكلم يارويد اش تعرف ؟



***


رن جوال غيداء وشافت الرقم غريب واحتارت ترد ولا لا .
وطالعها فهد : ليش ماتردين ؟
غيداء وهي تقفل جوالها : ما ادري مين اللي يتصل علي رقم غريب .
فهد بسخريه : ولا احد من خمتك ومن اشكالك متصل عليك يمكن مشتاق لك .. لك ثلاث اسابيع مارحتي لهم .
غيداء بغصه : فهد حرام عليك بعض الظن اثم انت ليش شكاك والله ما ادري مين اللي متصل واحنا برمضان ولازم نستغل الشهر هذا بالعباده والاجر مو بالشك وظن السوء .
فهد : اخر من يتكلم عن الاجر والعباده انتي .
طالعت غيداء بالارض " ياربي الهمني الصبر "
وقف فهد : انا بروح للشباب لاتطلعين من هنا .. فااااهمه .
غيداء : طيب ليش ما اطلع وش مسويه لك انا عشان تتركني هنا بروحي ؟
فهد بعصبيه : تنفذين اللي اقول وانتي ساكته .. والله لو طلعتي لأطلع لك روحك وانا قلت لك اي شي من جهتك مايخفى علي والله لو طلعتي من هنا لو بس دقيقه بتكون محسوبه عليك وراح اعرف .
غيداء : طيب انت ليش تراقبني ليش انا عايشه كذا ؟
فهد : انا ما اراقبك ومايشرفني اراقب وحده مثلك .
غيداء : طيب اشلون تعرف عني كل شي .
فهد : والله ما احط عليك مراقبين ولا مراقبات بس انا اعرف اذا انتي طلعتي ولا لا وانا والله اعرف عنك كل شي وسبق وقلت لك الكلام هذا .
انقهرت منه غيداء وجلست ع الكنبه وطلع فهد وسمعت غيداء الباب يتقفل .
فتحت جوالها وكانت فيه رسايل فتحتها وكلها ( غيود وينك قلبي من زمان عنك مشتاق لك )
فتحت فمها بصدمه " مين هذا اش عرفه فيني "
حذفت كل الرسايل والمكالمات .
ونزلت جوالها ع الطاوله .
مسكت راسها بيدها " ياربي وش اللي قاعد يصير فيني ليش حياتي كذا ليش كلها مشاكل وهموم وتعب .. ياربي عوضني في جنتك "
دخلت بالغرفه وجلست ع السرير وخذت لاب توب فهد وطالعة فيه لاب توب ابل ماكنتوش لونه ابيض ومنحوت عليه fahad al-yahya .
" غريبه كل شي خاص بفهد منحوت عليه اسمه .. سياراته ولاب توبه وجوالاته ومسدسه حتى الشركه كلها مكتوب عليها اسمه ليش اش السبب ..
انا ما ادري اشلون اعرف تفاصيل فهد هو مايعطيني فرصه اتكلم عن حياته "
فتحت الاب توب وهي ماتدري اش تسوي من الطفش ماتدري اش تشغل نفسها فيه .
قفلت الاب توب ونزلته بمكانه وطلعت لدورة المياه وخذت لها شور ولبست بنطلون وبلوزه لونها اسود .
وحطت روج برتقالي وحطت كحل اسود ولبست طوق برتقالي وجزمات برتقالي ابتسمت وهي تطالع بشكلها بالمرايه " ههههه ما ادري ليش معجبني شكلي الايام هذي كثير "
طلعت للصاله وجلست وانفتح الباب ودخلو 3 شغالات وحطو الاكل ع الطاوله قدام غيداء وهو عباره عن ( معجنات وورق عنب وبيتزا وسمبوسه وعصير برتقال وحلا وقهوه وشوربه )
سكرو الباب وقفلوه وطالعت غيداء بساعتها " اوووف ليش الوقت ملل وبطيئ الساعه الحين 11 ونص والاخ ماطلع إلا من نص ساعه "
خذت صحن شوربه وجلست تاكل .


***

رويد : خالي انا عارف عن سوالف التدخين .
نايف بعصبيه : التدخين مافيه شي وشوف فهد يشرب دخان ماحد قاله شي ولا حلال عليه وحرام علينا .. وبعدين مو بس السالفه هذي اللي انت مخبي قولي يارويد اش عندك .
رويد : الشي الثاني ما ابي اقوله بس انت اجبرتني والساكت عن الحق شيطان اخرس .. انتو تتعاطون صح ؟
نايف صدمه الجمته دقايق وقال بضعف : رويد انا ما اتعاطى اسأل عامر اننا مانتعاطى انا مستحيل اسوي شي يغضب الله .
رويد : انت لاتخاف من الناس خاف من ربك اذا واجهت ربك يوم القيامه اش بتسوي ؟
نايف : والله يارويد اننا خلاص ماعاد صرنا نتعاطى .. تعرف شي ثاني ولا بس .
رويد : ليش هو فيه شي ثاني انتو مخبينه بعد ؟
نايف : هاا .. لا مافيه بس اخاف تطلع علينا اشاعات .
رويد : يا خالي ترا كل شي بقوله لجدي منصور وهو يتصرف معاك .
نايف : رويد انت ولد اختي يعني ماتخاف علي ؟
رويد : لو ما اخاف عليك كان مادخلت نفسي بسالفتك انت وولد عمك .
نايف : طيب اطلب اش تبي بس تسكت الست سنوات هذي اللي بنعيشها عندكم .
رويد : هههههههه طفل انا يوم تقولي كذا ؟
نايف : رويد ارجوك لاحد يدري بالسالفه اذا كان انت تعزني وتحبني لاحد يدري بسالفة المخدارات والله اننا تبنا .
رويد : اوك وعد مني ما احد يعرف بالسالفه هذي .. بس بشرط ماترجعون للمخدرات .
نايف : خلاص ماعاد نرجـــع .
رويد : مع السلامه خالي بروح اتسحر والله جوعان .
نايف : مع السلامه .. بس هااا ترى انت وعدتني ووعد الرجال شرف .
رويد : والله ما اخلف وعدي .
وقفل من نايف ونزل جواله ع الكمدينو ونزل تحت ودخل بالصاله : باك .
اماني : هلا .. وين كنت ؟
رويد : اكلم النشبه اخوك .
اماني : هههههه حرام عليك .
رويد وهو يجلس جنب امه : ابي اكل .
اماني : من عيوني الثنتين بس اش تبي ؟
رويد : ابي بوتشي .
اماني : ماتكفي البوتشي تبي مكرونه .
رويد : فيه مكرونه ايطاليه ؟
اماني وهي تغرف له من المكرونه بصحن : اكيد .
رويد وهو ياخذ الصحن من امه : تسلم يدينك مامي .
اماني : اش رايك فطورنا الليله سفره سعوديه كامله .
رويد : ايه نبي اكل سعودي بس اهم شي مايكون فيه كبسه .
اماني : ههههههه عاد اهم شي عندي الكبسه .



***


دخل فهد ووقفت غيداء : هلا فهد .
طالعها فهد من فوق الى تحت : اهلين .. بس وش سر الكشخه هذي ؟ ترا انتي ماراح تغريني وتخليني احبك .
غيداء : انا ماقصدي اغريك واتوقع وحده مثلي ماينلفت انتباهك لها .
فهد : رحم الله امرء عرف قدر نفسه .
مسك فهد يد غيداء وجلسو ع الكنبه : غيداء انتي ليش تحسسين اللي حولك انك مبسوطه ؟
رفعت غيداء راسها وطالعت بفهد وهو ينتظر منها الجواب : مو انت اللي قلت لي خلي حياتنا زينه قدام الناس لو كنا نعيش بجحيم ؟
فهد : وكل هذا اللي تسوينه بس بتثبتين لي انك ماتخالفين اوامري مهما كانت ؟
غيداء : فهد اش فيك مو راضي عني مهما سويت لك .
فهد : انتي هدفك من هذا كله عشان اذا طلقتك يزعلون علي امي واوبوي صح ؟
تشجعت غيداء وبتحدي وإصرار قالت : وانت هدفك من الكلام هذا تبيني اخلف اوامرك وتلقى زله علي .
ضحك فهد بقوه : ههههههههههههههه انتي كل حياتك عثرات وزلات .
غيداء وهي توقف : اللي ربي معيشه حياه حلوه ويرضاها لايتطنز على غيره لأنه الدنيا دواره .
فهد : انا ما قصدي انك اقل مني انا اقصد زلتك اللي انتي عارفه .
غيداء : خلاص انتهى الموضوع فهد اذا كان كل يوم بتتكلم بالسالفه هذي طلقني .
فهد بابتسامه : راح اطلقك بس لاتستعجلين انتي لسه ماجاء لك شهر .
غيداء بقهر وهي تبكي : طيب اتركني بحالي مالك فيني دخل .
فهد : انا زوجك .
غيداء : واذا كان زوجي خلاص والله كرهتني بحياتي .
فهد بعصبيه : وانتي تبين تعيشين حياتك على كيفك لاحسيب ولا رقيب دامك على ذمتي ماراح اخليك توصلين شلتك .
مشت غيداء من عند فهد ودخلت بالغرفه وقفلت الباب وجلست ع السرير وسالت دموعها " حسبي الله عليك يافهد ياجعلني اشوفك ذليل "
شهقت بصوت خافت " لا ياربي انا وش قاعده اقول فهد مالي غيره .. آآآه يافهد "
طق الباب وسمعت صوت فهد : غيداء تعالي تسحري يله .
غيداء بصوت باكي : ما ابي اكل .
فهد : غيداء اذا مافتحتي الباب راح اكسره .
غيداء بين شهقاتها : خـــلاص ارجوك اتركني بحالي مو ناقصتك انا .
مشى من عندها فهد ونزل تحت : سلام عليكم .
الكل : عليكم السلام .
الجوهره : وين غيداء مابقى إلا نص ساعه ويأذن .
فهد وهو يجلس جنب مدى : ماتحب تتسحر شي ثقيل وهي تسحرت معاي .
مدى : طيب بروح لها .
فهد بخوف : لا لا لاتروحين غيداء بتنام .
ساره : اهــا بتنام يعني ماتدري انه بعد السحور فيه فرض اسمه صلاه .
طالعها فهد وسكتت ساره .
منصور : ساره لسانك هذا يبي له قص .
ساره : يبه انا ماقلت شي غلط بس بتنام قبل الصلاه .
الجوهره : خلاص خلاص اكلو قبل يأذن .


***

عبدالرحمن : والله اني مشتاق لغيداء كثـــير 15 يوم ماشفتها .
سهام : اكيد تكبرت علينا جاتنا بليلة رمضان واليوم 15 من رمضان وهي لسه ما جات ولا افطرت عندنا .
عبدالرحمن : لا اكيد ظروفها ماتسمح لها تجي غيداء ماتتكبر علينا احنا اهلها .
سهام : بصراحه يابو خالد بنت اخوك من يوم تزوجت ولد اليحيى وهي متغيره علينا حييل .
عبدالرحمن : يا سهام كم مره اقولك لاتحاولين تكرهيني ببنت اخوي .
نزلت صبا تركض مع الدرج : يمـــه .
سهام وهي توقف : وش فيك ؟
صبا بإبتسامه وبهمس : كريمه اغمى عليها .
سهام بخوف : وينها ؟
صبا : بغرفتي وهي جالسه تنظف الدواليب اغمى عليها عاد ما ادري وش صار لها .
جلست سهام جنب زوجها : ابو خالد .
عبدالرحمن : هـلا .
سهام : وين كريمه ليش ماتجي تاكل معانا ملاحظه عليها ماعادت تجلس عندنا .
عبدالرحمن : مسويه نفسك المظلومه اللي ساكته عن حقها ؟ اشلون تجلس عندك وانتي مو مخليتها تاخذ راحتها ببيتها .
سهام : انا يا ابو خالد .. وين العشره ووين الوفاء ولا انت خلاص من خذيت هذي وانت جاحد كل شي مسويته لك .
عبدالرحمن : وانتي اش سويتي لي عشان الشي هذا يرضيني .
سهام : خالد وصبا اكبر نعمه من ربي ولا كلامي غلط ؟
عبدالرحمن : لا مافيه شي غلط بكلامك بس كريمه راح تجيب لي عيال .
تذكرت سهام كريمه : ابو خالد من زمان ماطلعت معاك ابيك توديني السوق العيد قرب لازم اروح للسوق .
وقف عبدالرحمن : خلاص انا انتظرك بالسياره .
ابتسمت سهام وطلعت لغرفتها وخذت عبايتها ونزلت تحت : صبااا .
راحت لها صبا : هلا يمه .
سهام : انا الحين طالعه للسوق لاتروحين لكريمه ولا تصحينها ولا تطمنين عليها خليها تموت .
صبا : يمه اش هالكلام هذي زوجة ابوي .
سهام : اهم انا ولا زوجة ابووك ؟
صبا بعد ماباست يد امها : مافيه احد يهمني بالدنيا غيرك .



***

كانو كل العايله مجتمعين بمجلس ام فهد .
مدى : اش رايكم نلعب ؟
غيداء بهمس : اذا كان وريف بتلعب انا مابي العب .
مدى : ok وريف قلبي ممكن طلب ؟
وريف وهي تطالع مدى وغيداء : ليش اش قايله لك بنت ابليس ؟
مدى : ولا شي موضوع خاص بيني وبينها .
وريف وهي تحط رجل على رجل : ومن متى وبينك وبين بنات الفقر مواضيع خاصه ؟
مدى : وريييف لاتنسين ان هذي زوجة فهد تغيرت 081ْ الحين هي زوجة فهد اليحيى .
وريف بقهر : وراح تتطلق والله ماتعيش مع فهد طول عمرها فهد لي .
مدى : خلاص طيب اهدي وليش تصارخين كذا ؟
سمعو صوت فهد يصارخ بــأسم غيداء : غيدااااااء .
وقفت غيداء مفزوعه وطلعت لفهد وشافته رافع حاجبه ومعصب وينتظرها .