^تبا لقوانين تجعلني بعيدا عنكي^
اذن المغرب سموا بالله
خذا تمرة بيحطها بجوفه للحظة طرت بباله
"اول ماجات القرية ووقوفها قدامه وردها عليه المضحك
"منوره بأهلها" ولما شافها بغرفته وعيونها المدمعه وصرختها
اللطيفة على مسامعه..ووقوفها برا يوم زواجه ولما شاف عيونها المتكحله
وشكلها البريء لما غرقت بالغدير وخرجها ..وضحكتها العالية
ونقزتها لما صاحت وقالت"قدعه ياتومي" الوحيد اللي كان واقف يشوفها
يوم زواجه وهي تنط بكل حيوية
بلع غصته ماقدر يأكل شرب مويه وعينه بالارض ومحمره
رفعها لمناير اللي تاكل بكل حرية هي الوحيدة المستفيدة من هالصفقة
والزواج مرتاحه والأبتسامة شاقه حلقها ماحس نفسه الا رافع كأسة المويه
اللي بيده ونثرها بوجهها شهقت بفزع والكل وقفوا اكل
متعب بقهر مكبوت وعيونه بتخرج:انقلعي من وجهي لا اشوفك
"ويأشر بيده" صرخ :انقلعي ماتفهمين انتي
صالحه بخوف وقفتها معها وقاموا الكل استنكر حركته
لكن مايدرون براكين بصدره راح تنفجر بوجيهم يوم
العنود بخوف :متعب وش فيك؟
رفع عينه عليها وبضيق:ضايق يمه ضايق
ابوه نزل راسه يعرف حجم الغلطة اللي ارتكبها بحق ولده
حرمه من الانسانه اللي اختارها ولما صارحه رد عليه
بساطة "مطلقة ماتنشرى بريال"
ضحك بخفه وعينه بأبوه:اللحين من اللي ماتنشرى بريال يا ابو سالم
بنت اخوك والا المطلقة؟
قام عنهم وخرج صفق الباب بأقوى ماعنده
العنود بدموع مهما خبى الا تشوف شكله اللي ذبل وكأنه"
يقيم حداد على نفسه لا اكل ولاشرب زين ودائما سرحان وعصبي"
العنود بلؤم:
وش صاير ياابو سالم ليه ولدك بهالحاله ليه تخبون علي؟
زوجها بنفخه:مافي شيء ولاتتدخلين بشيء مايخصك يامره
"قام هو وخرج شاف متعب واقف بالحوش ويشفط سيجارة
استغرب متى متعب يدخن وهو اكثر واحد يهاوش اخوانه عن التدخين
قرب منه لاحظ وجهه المائل للسواد وشعره المبعثر خذا رشفة رماها بالارض
وداس عليها برجله لف شاف ابوه ابتسم بخفه وعدم رضا من ابوه
ودخل للمجلس الخارجي"
اليــوم الثاني..
لابسين عباياتهم اليوم بيرحون للرياض بيفطرون عند خالتهم مزنه
ودليم عازمهم للعشاء
مناير بخوف:خاله اخاف يسوي لي شيء؟
العنود تهديها:مابيسوي لاتخافين
دخل وعينه فيهم ابتسم لأمه وباس راسها:سامحيني على اللي صار امس
ماخليتكم تتهنون بفطوركم
العنود بحنية همست:احد يزعل من ضناه ان كان لك فيها نصيب
مافي احد بهالدنيا بيمنعك منها
"حس قلبه تقطع من سيرتها صارت تحتل تفكيره ليل نهار
لدرجة احيانا صار يطلع لبيت عمتها بالليل ويوقف عند الصخرة
متأمل انها ممكن تطلع من هالبيت واغلب وقته يكون عند الغدير
ويسأله كأنه انسان ..
متعب بضيق:تذكرها كانت بوسطك وكنت ناوي تاخذها
"ضحك بخفه" بس ماسمحت لك هالمره
رفع راسه للسماء ويدعي..قام من عنده وبباله يروح يراضي
امه بعد اللي صار امس ماخلاهم يتهنون بالفطور
صحاه من سرحانه صوت بنت صالحه الصغيرة اللي تمسك
ثوبه:يالله نلوح "نروح"
شالها بسرعه عض خدها:ما احلا هاللحمة بأكلها كلها لي
ضحكت :ههههههه
العنود عينه عليه وتدعي ربي يهدي سره..
جات عينه بمناير بسرعه لفها بكررره وحققد
:
:
بمكان اخر وتحديدا بالمزرعة..
فتحت عينها بصعوبة تحس راسها ثقيل بتقوم رجعت لها دوخه بسيطة
رجعت راسها على المخده فركت عينها بأصابعها واحداث البارح
ماتفارق عينها وكأنها لقطات سينما
دمعت عينها قامت بسرعه تمالكت على تعبها
فتحت الباب وخرجت للصاله شافته واقف ويكلم جوال ومعطيها ظهره
جات عينها على الشمعدان الابيض الكبير على الطاولة اللي بجنبها
شلته ورمته بقوة على ظهره لف بفزع وطلعت عينه من حركتها
"سلمان"
لما شفتها طايحه بالارض مغمى عليها حسيت الدنيا انصكت بوجهي
اول مره احس بخوف فظيع على انسان لهالدرجة يمكن لأن امرها
يهمني ولما جاتها طبيبة وكشفتها قالت عندها انخفاض بالضغط هي تظن
اني اخونها حطيت نفسي بموقع شبهه ..خليتها بالغرفة لين تصحى
وببالي ماراح تعتب خطوة وتشبر متر برا هالمزرعة قبل ماتسمعني وتصدقني
سهرت وانا جنبها ولاطب عيني النوم ودق علي عباس وطلعت اكلمه
حسيت بضربة بظهري بتخترق قفصي الصدري لفيت بفزع شفتها
واقفه ببنطلونها السكري وبلوزتها السوداء الشفافه وشعرها مبعثر
على وجهها المصفر ومبين عليها البكاء وعيني على الشمعدان اللي بالارض"
تكلم بعدم استيعاب:عباس بعدين اكلمك ..قفل وعينه عليها بذهول
دخلت الغرفة لبست عبايتها راحت للباب بتفتحه لقته مقفل
راحت للباب الخلفي مقفل لفت عليه ورمت شنطتها صرخت
ندى:افتح لي الباب ياعديم الرجوله
خلاص طفح كيله منها تهينه وتهين رجولته وترفع يدها"
ابتسم بسخرية ويقرب منها"
:ماراح تطلعين من هالمكان الا لتسمعيني
انا
حطت يدها على اذنها وسدتها وترفع صوتها:لب لب
"حس بقهر وهي تسوي هالحركات حتى ماتسمعه قرب منها ومسك يدينها
وبعدها عن اذنها وهي تدفه وتقاومه :بععععد عني
عرف انها ماراح تجي بالطرق السلميه قرب فمه لأذنها
سلمان بقهر:اللي ببالك غلط يامرييضه ماخنتك ماخنتتتتك"صرخ بالكلمة الاخيرة"
نزلت راسها حتى ماتسمعه ويقرب فمه لأذنها تدفه وهو ماسكها
فرق البنية بينهم غلبها ضربته على صدره وبقوة
ندى:كذااااااااب كذااب شفتك بعيني
"رفعت عينها عليه وعينه العسليه فيها تكلمت بحرقه"
ندى:كيف قدرت تسوي فيني هالشيء هاا كيف طاوعت
هذا "وتضرب جهة قلبه" انا وش سويت لك همم سهرت على راحتك
بالغربة وقفت معك لما كان الكل ضدك حطيت يدي بيدك وكنت معك بكل
صغيرة وكبيرة صحيح وشايله بداخلي روح منك
ماصار لنا الا ثلاث شهور لكن ماعمري قللت
من احترامك ابدا كيف اهىى اهىى ...
"نزلت راسها على صدره اللي تضربه بيدها النحيله
وتبكي بحرقة وتوجع تحملت كل شيء صار لها من اول
مادخلت لهالعالم ابتداءا من فصل امها وسجن ابوها
ومعاملة اللي بالقصر لها واخيرا وليس اخرا موقف الأمس"
تردد يرفع يده ليمسح على ظهرها ..رفع يده بيحطها
على ظهرها فيه شيء اجبره على التراجع بطبعه عاطفي وحنوون
مايتحمل يشوف دموع احد قدامه هالمره دموع ندى
همس بضعف:لاتبكين على شيء مايستاهل
بعدت عنه وطلعت عينها المتورمه من البكاء:مافي شيء يستاهل
انت امس دفنتني وانا حيه نحرتني من الوريد للوريد
"رجعت لطبيعتها تكلمت بسخرية" بس تعرف مابلومك
اصلا كلكم ماتحسون عالمكم المقرف ماراح تحسون باللي نحس فيه
ياتربية عادله
طفح الكل منها:هيي الزمي حدك
ندى بقوة:والا وسب تسوي بترميني مثل ماترمون الحريم
اللي مثلي والا بتوديني في ستين داهيه لحظه يمكن تفصلون امي
وتسجنون ابوي هههههه "عضت شفايفها" نسيت ان صار لهم هالشيء
بفضلكم سمووك
"سلمان"
لا لا هاللي قدامي مو طبيعية اللي يشوف شكلها الخارجي
يقول انثى بكل ماتعنيه الكلمه لكن مثل اللبوة هجومها علي وضربها لي
حسيت وجع بصدري من ضرباتها..والا كلامها اللي مثل السيف
واحد منه وسخريتها مني ونظراتها خلتني اتهور وما احس بنفسي الا
ساحبها من ذراعها واجلسها غصبا عنها على الكنبه
تضربه وتقاوم وتحاول توقف وهو يثبتها لتجلس
ترافسه برجولها دفها بقوة على الكنبة وصدره مقارب لصدرها
وجالس نص جلسه يبغى يكتم فمها اللي بدأت تخرج كلام
مثل ..يا ابن الشوارع.. يا..
بدخول خادمة التنظيف شافت وضعهم هو فوقها شهقت
نزلت راسها بسرعه:اوبس سوري سير
لفت وخرجت بسرعه
صرخت ندى بقهر:راح تظن شيء ثاني
تركها وبعد عنها وقف مشمئز منه وقميصه متقطع وحالته حاله
ويتنفس بصعوبه :واذا ظنت مو انا زوجك؟
عدلت جلستها وترجع شعرها المبعثر على وجهها وتعدل بلوزتها
اللي انفرطت من البداية للنهاية وصار البدي طالع وجهها محمر من العصبية
بقهر:كنت
كان معطيها ظهره لف ويتنفس بسرعه رفع سبابته:اطلعي على حقيقتك
انتي وكلامك السوقي الهمجي في احد بعمرك وبنت تقول هالكلام الفظ
على لسانها هذا عالمكم البسيط اللي ذبحتيني فيه يطلعكم بهالطريقة
لفت وجهها وبسخرية:اعذرنا سموك نسينا انكم متعودين على
ابشر سم طال عمرك هه "صرخت" من زين عالمكم اللي كله نفاق ورقه وعبوديه
يأس منها ومن لسانها شاف حطت رجل على رجل ولافها وجهها
فجرها بوجهها:ما انتي كفو احد ياخذ ويعطي معك بالكلام ياجاهله
مشى وتركها ..حطت يدها على راسها وهزت رجولها بتوتر
وتفكر بالخروج من هنا بأي طريقة
الطرف الاخر..
اذن المغرب وهي جالسه برا
طلت عليها ريم وبصوت عالي:يلا اذن تعالي افطري
تنفست بعمق هزت راسها ودخلت وتفكيرها عند سلمان
وفارس اللي
^
^
^
^
"خرجت بسرعه شافته واقف نطقت اسمه بذهول
:فارس!!
قرب منها والشرار يتطاير من عينه:وين كنتي يامدام يامحترمه
رحتي له رحتي لأمير احلامك وواقعك
روز بخوف:فارس لا رجاء لاتفكر اني
قاطعها ورافع اصبعه وحاطه على فمها:اشششششش
ماابغى اسمع اكاذيبك يكفي عشت معك 7 سنين وانا مدفون
رحتي له؟
نزلت راسها ضحك بسخرية:تدرين ليش جاي اول مره يدخل رمضان علي
بدونك وبدون عيالي وقررت ادوس على كرامتي وارجع عائلتنا من جديد
ونصير سوا مع بعض "طالعها بحسرة" لكن مثل ما انتي ماتغيرتي
ولا راح تتغيرين ولا اظن بيوم راح تكونين لي
نزلت راسها وشاده على عبايتها وتسمع صوت سلمان اللي يصيح
على الحرس اللي عند البوابة لفت بخوف واتسعت عينها
خوف ان فيه شيء لا اراديا لفت بتروح مسكها فارس من عضدها
وبرجاء:لاتروحين اذا موعشاني عشان العيال اللي تشتتوا
واحنا بعيد ماني بأمير ولا عندي ربع اللي عنده لكن عطيتك
اثمن شيء بهالدنيا عيالنا هذا مايساوي شيء بعيونك
نزلت دموعها قدر يخترق نقطة ضعفها همست
:اترك يدي يافارس ما انت محرم لي
نفظ يدها وبقرف:ماني محرم "رفع صوته" وهذاك ابن سعود
وش يكون لكك هاا ياهانم جاوبي ؟
صرخت بوجهه:احببه ارتحت احبه ولابعمري نسيته ولا راح
انساه ولو يدفنوني تحت التراب اعرف ان حبي له راح يندفن معاي
وما احد يقدر ياخذ مكانه بقلبي لأنه له وبس
صحت من سرحانها على صوت الملعقة اللي طيحتها تولين
على الارض ابتسمت بألم وتنفست بتألم وتسمع ابوها يقول
:اليوم فارس بيرجعك الله يصلح مابينكم يابنتي
"غصت باللقمة ومنزله عينها بصحن الشوربة اللي قدامها
وماتبغى تفضح دموعها اللي حفرت وديان على خدها
المورد وعين اختها ريم عليها حست بشفقه وحزن ..روز
ضحت اكبر تضحية عشان اثنين بس تولين وولدها الصغير
رفعت عينها على تولين اللي تشرب عصير ومبين عليها الفرحه
برجوع ابوها وامها لبعض جات عينها بعين ريم لفتها بسرعه "
بالطرف الأخر..
الخدامه تحضر الفطور شرب كأس مويه وشد قبضة يده عليه
ومو متصور ان اللي يفصله عن ماضيه وقديمه سياج حديدي
لكن هالمره فيه جدار امتن من السياج "ندى"
جلست على طرف السرير بعد ماشربت مويه ومو عارفه
اذا افطرت او لا تقول الخدامه انهم عطوها ادوية بعد الفجر
فضلت تختلي بنفسها وماتشوفه
"ندى"
وقفت قدام المراية وشعري مفتوح وعيني على نفسي
تتفوق علي روزه بجمالها المفتن وهداوتها ونعومتها ..هه
لكن انا ندى تربية سميرة اللي كبرت وانا اشوف قوتها وتهكمها
على ابوي المسكين ..كنت طفلة تراقبها و اوقف قدام المراية واقلد حركاتها
ونبرة صوتها ومشيتها لين صرت "سميرة المصغرة"
لكن سميرة خسرت زوجها انا ممكن اخسر سلمان بهالطريقة
لفت بسرعه وتكلمت بصوت مسموع:لا مستحيييل اللي مثل سلمان
وخائن ماعلى فرقاه حسوفه
"رجع صوت من جديد بداخلي ..بتكونين غبية اذا قررتي
تستسلمين بهالسرعه وتسمحين لهم يجتمعون مع بعض
وتفرحين عادله وتشمتين الاميرات فيك اصحي لنفسك لاتخسرين
اللي بنيتيه خلال هالثلاث شهور"
حطيت يدي على رأٍسي واحس صداع فظيع بيذبحني
بيقتلني مو قادره ابلع طعم الخيانه طعمها مررر
ولاسع يحرق رفعت راسي على صوت دق الباب وجاني
صوته الجهوري:ندى افتحي الباب
جرتني رجولي بالقوة وقفت عند الباب وفتحته
لقيته واقف نزلت دموعي عشوائيا واحس بألم يفجر
راسي مد باطن يده ومسح دموعها ..غمضت عينها بتعب
تكلم بعد تردد:باقي مو مصدقتني؟
"لاتستغربون تصرفاتي مثل سلمان اللي يظنون انهم يملكون
الناس اللي مثلي يستحقون اكثر من اتفل بوجهه ماتعودت
على الذل ومن من ..من سلمان ووردته اقصد شوكه
عسى الشوك يغص بحلقها وحلقه دفيته من وجهي مو طايقه اشوف
وجهه المزيف يحسسني لحظات اني حياته كله وساعات يخليني
يندم كثر شعر راسي اني وافقت على هالزواج النحس ياما نصحتني
امي لكن قلت لا انا قدها وفعلا انا قدها ..يمين معظم ياسلمان
بن سعود لأخليك حديث العائلة المالكة وبعرفكم من تكون ندى "
سلمان""
"هالغبية راح تجنني بتصرفاتها حسب ماعرفت من الدكتور
الخاص بالمزرعه ان ضغطها منخفض ومو زين للحامل
وعطيناها سوائل وفيتامينات وحديد من يصدق اللي قدامي هي
ندى نفسها اللي شليتها بنفسي كانت مثل الريشه اصلا تغيرت
بعد الزواج كانت عيونها فيها لمعة لكن ذبلت ظلمتها لما قررت
انتقم لروز واظن اقهرها بهالطريقة اصلا كنت بطلقها بعد 3 شهور
لكن حملها خرب كل مخططاتي انا سلمان اللي ماتعودت الا على
الحرية هالمره قيدتني ندى "
رمت نفسها على كنب الصاله بأهمال رافعه رجل ورجل منزلتها
ومرجعه راسها لورى وعينها بالسقف تحس وجودها معه بنفس
المكان يخنقها خصوصا انه جنبها ..شعور صعب ومر تحس
بطعم الخيانة لكن اللي يذبح هو انك تعطي لأنسان كامل الثقة
وتطيح عليه بموقف يفقدك ثقتك فيه ماعاد تحس معه بأمان
اشر للخدامه تحط لها الأكل قدامها
حطته الا بنفختها:شيييييييليه من وجهي
وقفت الخدامه مبهته بخوف مازدها تصرخ بالخدامه هي انسانه
مالها ذنب تكمل النقص اللي فينا لكن اعصابها انهارت بشكل فظيع ماتقدر تتحمل ..
ندى بسرعه طالعت بسلمان اخذت الصحون ورمتها عليه
بعد بسرعه وعيونه بتطلع كملت بسخرية:لاتلعب دور الزوج المهتم
هنا مافي سعود بن .."قالتها بسخرية"
سلمان بطفش منها رفع سبابته بتهديد:اذا مشيت لك
كل هالمهزله اللي مسويتها فعشان اللي ببطنك والا انتي
ينعاف معك كل شيء ويكون بعلمك راح اتزوجها ومجرد ماتولدين
راح تذلفين وراح اربي ولدي بنفسي
ندة بقهر تحاول تكتمه ضحكت بسخرية:الله يقويك اجل بس مو انت
اللي بتمسكني مع اليد بتوجعني تدري ليه لأنك بكل بساطه رخمه
"خلاص ماعاد يقدر يتحمل ماحس نفسه الا ساحبها ناحيته من بلوزتها وبغيظ"
بصرخه:لحد هاللحظه ماسك نفسي ومحترمك لكن طلعتي ما انتي وجه حشيمه
وش شايفه نفسك عليه هاا الحمدلله والشكر
ماتوصلين ربع اظفرها وهو اظفرها اجمل منك واهدى منك
ومؤدبه لكن انتي ماتفرقين عني بشيء شنب بهيئة انثى "يقصد روز"
"حست قلبها تقطع اشلاء والدنيا ظلمت بعيونها من يقدر يتحمل
هالأهانة ولايقارنها بوحده ماتسوى"
ابتسمت بخفه:
والله على الاقل هالشنب ارجل منك ياللي سعود يحركك يمين
وشمال
طلعت عينه دفها على الكنب لف بعصبيه وصرخ:
ماراح تطلعين من هالمكان لين ماتتربين على يدي يازفت ندى
وراح اقطع عن كل وسائل التواصل وقتها نشوف يا انا يا انتي
"خرج وموصل حده منها شالت جره فيها ورد وانكسرت بالارض
سمعت صوت الجره تفلت بالهواء وصرخت بقهر رحموها الخدم
رمت نفسها على الكنبه وتكورت وبكت حررقه وشاده على بطنها
اللي تحسه يتقطع"
:
:
:
بالرياض..
وصلوا اهل القرية بسلامه وافطروا عند خالتهم مزنه
ويتجهزون للعشاء اللي سواه دليم
كانت بالمطبخ متحمسه لجيتهم كثير من ظهر وهي تصلح صواني
حلى وكب كيك وفطائر وسلطات اشكال وانواع للعشاء
طل دليم عليها استغرب حماسها وهمتها حتى الفطور شربت مويه
واكلت حبه تمر ونقزت على شغلها اشر على اخته
:ماشاء الله والهمه وش عندها؟
ضحكت امها:عشان صديقتها الجازي
ابتسم دليم وجلس على الكنبه:ماكنت متوقع كل هالحب لهم
على العموم وديت التيس للمندي عشان ترتاحون
ابتسمت:جعلك ذخر لنا
بالجهه الثانيه..
كانت تتمكيج ومتحمسه:واخيرا بشوف هالخكريه قسم انها
وحشتني
صالحه بأستنكار:بنت لاتقولين عنها تسذا بعدين تزعل
الجازي تغيض مناير:لا فديتها قلبها وسيع وتنحط على الجرح
يبرى مو مثل غيرها
مناير قلبت عيونها وترسم عيونها
:
"الجازي"
خلصت كل شيء حضرت الحلا بصحونه والفطاير
وجهزت القهوة والشاهي ماباقي لها الا تلبس
نقزت بسرعه للغرفة تجهز لها ملابس وتسمع دليم يغايظها
يرفع صوته:الله وش زينه هالحلا بخلصه كله
فتحت الشباك اللي يطل على الصالة لأنه بيت شعبي
وبقهر:اذا اكلته راح اخنقك بيدي الثنتين
دليم من المطبخ يغايظها يرفع صوته:يازينه زيناااااااه هممم
صاحت بأستنكار:لااااااااااااا حلااااااااي
خرجت من الغرفة مثل الصاروخ وكأن ام خائفة على
ولدها "تشبيه متعوب عليه ههه"
دخلت المطبخ وفيها بكيه :لااااا ..
سكتت لما شافته يضحك بقوة ولابيده الحلا ولاهم يحزنون
اشر عليها:بخيله ما انيتي زي خوالك
لفت وخرجت رفعت صوتها:الا بتعبي رجاء
اخذت شور سريع خرجت نشفت شعرها استشورت شعرها
وبنص هي تستشور انفجر الفيش بوجهها صاحت ورمت الاستشوار
بدخول دليم :سلامات وش فيه؟
فاطمة ببكية :اكيد خرب الاستشوار لعن او الحاله
رفع حاجب دليم:ماخفتي على نفسك تخافين على استشوار؟
قربت فاطمة وفيها بكية:تدري وش معنى هالحياة والبشرية بدون
استشوار نهاية حياة البنات واملهم وكل شيء يااربي وش اسوي
بيجون اللحين
دليم متعجب :لاحول ولاقوة الا بالله كل ذا يسوي الاستشوار ؟
عرفت انه يتمسخر تخصرت:تتهزىء فيني قول لي اللحين
انا وش اسوي
دليم بدلاخه:خليه كذا والله زين والا خذي المكوى واكويه
طارت عيونها :احلف قول قسم شق مستشور وشق لا
تقول طالعه من مستشفى شهار
دليم هز راسه:والله انكم يالحريم نشبه الحمدلله ماني مره
ولاتزوجت كان بنهبل
خرج وتركها بين حيرتها رمت نفسها على ملابسها المنثوره بالارض
وصاحت بأعلى صوتها
لبست وخلصت امورها هالمره رجعت تاخذ لها شور وتجعد شعرها
القصير رفعت شعرها بطوق مخمل فيروزي
وفستانها كان قصير طايح اكمامه لونه بني مموج بفيروزي
ومكياجها كان درجات البني ماكثرت ..
سمعت صوت امها ترحب فزت وخرجت من الغرفة ..
ام فاطمة:ارحبوا يالله حيهم
دخلت العنود ووراها صالحه والجازي
سلموا عليهم قربت الجازي من فاطمة:وش ذا الخلاقين ياوجه الله؟
فاطمة فرطت ضحك"تتهزىء بكلام عمتها"
فاطمة:ههههههه استغفر الله المره ميته
الجازي بسرعه:ايه استغفر الله كله منتس لاشفت هالوجه
احس اني بخاوي ابو لهب بجنهم
صاحت صالحه:هاذي اللي بتكفرنا اللحين
الجازي بسرعه:اعوذ بالله استغفر الله ياربي لاتؤاخذني
قربت من فاطمه اللي سافهتها:عطيني خشمتس يالخكريه
فاطمة بهبال:كل ماسلمت عليك خشم يحكني خشمي
صالحه:هههههههه انقصفت الجبهه
الجازي بنص العين:ماعليه اني بوريتس شغلتس بس مو اللحين
بصوتها المزعج:اووف مطولين على هالحاله
"لفت فاطمة وانصدمت من وجودها نست اليوم ان متعب تزوج
ولا من مناير اللي ياما نشبت بحلقها بالقرية وياما تدقها بالكلام
بمجالس الحريم تغير لون وجهها ولاحظت صالحه"
فاطمة بهمس وخجل شوي:تفضلي يالله حيهم تفضلوا
دخلت مناير بالكعب على الفراش بلمت الجازي:ذي ماتعرف الحياء
تدخل بوسط البيت بكعبها
فاطمة بأبتسامة باهته:وش صار يابنت الحلال عادي اللحين كل الناس
كذا
صالحه بفشله:ولو ماهي عندنا هالعاده
دخلوا مجلس الحريم وفاطمة اخذت عباياتهم وعلقتها
وشوي جابت القهوة والتحضير اللي سوته وصبت لهم قهوة وجلست جنب
العنود والجازي
صالحه:ماله داعي كل هذا؟
ام فاطمة:والله ماهو من واجبكم واعذرونا على التقصير
الجازي بغمزه:انتي مسويه كل ذا؟
فاطمة :ايه
الجازي:وعند الرجال مثله؟
فاطمة بأستغراب من اسئلتها:ايه اكييد
الجازي بضحكة:عز الله اللي ماسرينا ذا الليل
استغربت فاطمة وماعلقت مافهمت كلام الجازي اللي كانت تلمح لمتعب
العنود حطت يدها فوق فخذ فاطمة وبحب:وشلون زينة البنات؟
فاطمة بخجل:الحمدلله بخير انتم اخباركم وكيف اهل القرية؟
العنود :مشتاقين لتس يا امي لما عرفوا اني بزورتس بلغوني السلام
فاطمة:جعلهم يسلمون
العنود بصوت مرتفع:اقول يا ام عدنان مالكم حق يوم خذيتوا بنيتي مني
انشهد ان القرية بدونها ماصارت تسوى تعودت كل يوم اصبح وامسي
بوجهها السمح
"حمرت خدود فاطمة وحست بخجل فظيع ياما حبت العنود اللي
اعتبرتها مثل بنتها ولافرقت بينهم حتى تحس احيانا انها احن
عليها من بناتها"
ام فاطمة بضحكة:ماعندي الا هي الله يحفظها ماعاد اتركها
"رفعت راسها فاطمة مستغربه كلام امها من متى نزلت الحنيه
عليها قامت تصب لهم ويوم وصلت لمناير"
مناير بدون نفس مدت الفنجان:اكرم ماعاد ابي منتس شيء
فاطمة بلمت والعنود انصفق وجهها وصالحة والجازي افتشلوا
ام فاطمة بنص عين:وش في بنتي يوم ماتبغين منها شيء؟
العنود بفشله:امسحيها بوجهي ياوخيتي البنت دفشه وماتقصد
مناير بقوة عين:لا اقصد ياعمه وانا مابي منها شيء ماهو من حبي لها يوم
جبتوني هنا غصبتوني والا انا اكرم من هالاشكال
تفشلوا من كلامها سكتوا دقائق..
فاطمة غيرت الجو ابتسمت:اخبار البنات ياخاله؟
امها عطتها نظره وحسستهم بأن صاير شيء
العنود بحزن على فاطمة اللي كانت تبلع حتى تمشي حياتها
:بخير يا امي يسلمون عليتس
وتعشوا ذيك الليلة وكانت الاجواء مشحونه ..
فاطمة اللي كان الحماس يملاها صارت بارده وتجامل
قد ماتقدر وتسمع سواليف مناير عن متعب وتتكلم بتفاصيل
مالها داعي خاصه فيهم..
اما متعب خلوني اروح له واعلمكم عنه
جالس بصدر المجلس وعينه على اخوان فاطمة"
من برا يبان انهم رجال ولكن خرطي الاول مبين عليه
ضعيف شخصية والثاني انتهازي ..
لكن مو هم اللي يشغلون باله لا الانسانة اللي داخل ياما دعى
ربه بصلوات التروايح وبكل فرض بالغربه ان ربي يطلعها بطريقه
ماكان يبغى يرجع لاخلص كان ناوي يشتغل هناك اضمن لكن
قرار الشيخه اللي نزل جاه مثل الصاعقه خصوصا ان ابوه تنازل
عن الشيخه له وشيء كبييييير بأسلومهم وان رده معناته خائب
لكن شافها اول مره وهي مو منتبهه بالعزومه اللي سووها له
الجازي بأبتسامه:هنا القبلة تبين جلال الصلاة
فاطمة بخجل منها:لا تسلمين متعوده اصلي بعبايتي
كان يكلم خويه فجأة شاف حورية طفللة جمييلة
الجميلات بتنورتها السوداء الطويلة والبلوزه السكرية الشفافه
وشعرها البني ..وقفت قدام المراية وتظبط روجها طبقت شفايفها
غمزت وتكلم نفسها:خقه توومي
ومره ثانيه زارتهم وكانت مع الجازي بالحوش
لابسه فستان مشجر قصير كت ومطلعها قمة البرآة
صحا على صوت دليم اللي قلطهم على العشاء
وبباله راح يسوي اللي في راسه ضيعها منه مره ماراح يضيعها
مره ثانيه واللي فيها فيها لا شيخه يبغاها ولاهم يحزنون
اليوم الثاني..
قرروا يروحون السوق هالمره العنود رفضت تروح معهم
وجلست مع اختها ومعها مناير اللي مو عارفه من اللي راح يروح
مع البنات..
دليم بصوت عالي وطفش:فاااطمة اخلصي ماصارت
جات بسرعه وتلبس نقابها:جييت ضاع نقابي وش اسوي
يالله لقيته
خرجوا وراحوا للمجمع ومتواعدين مع بعض ..
متعب ينتظرهم بالسيارة طالع بساعته يحس الوقت ثقيل عليه
الجازي دقت صالحه اللي تسكتها والجازي تضحك على شكله
صار مفضوح هو وفاطمة ..
الجازي بلعانه:يالله نفسي بحلا وفطائر فطومه
لا اراديا ابتسم ويلعب بمسبحته ويتذكر كيف امس اكل بدون تملل
خصوصا انها من يدها..
وقفت سيارة دليم اشر لمتعب اللي رفع يده يسلم
وقف السيارة دليم وقفلها بتنزل مسك يدها وحط الف ريال بيدها
رفعت عينها عليه وبسرعه:والله ما اخذها
دليم بسرعه:لاتحلفين علي هاذي كسوتك للعيد تقضي منها واذا بغيتي شيء
قولي لي سمعتي؟
"ابتسمت بممنونيه له لمعت عينها شكر وعرفان له الأنسان اللي وقف
جنبها وصرف عليها ومايقصر ولاحسسها انها ثقيله وعبء عليه "
فاطمة:كثر خيرك ماقصرت ارجعها لك بالافراح
دليم غمز:بعد مانخدمك بزواجك..نزلت راسها
نزلوا والجازي اشرت لفاطمة اللي ضحكت على هبالها
دخلوا المجمع وكانوا قدامهم دليم ومتعب..
ماقدرت تنزل عينها عليه نحف مو مثل اول وشكله تغير
لكن باقي هيبته وطبيعته البدوية المستمده من الصحراء
الممتزجه مع حضارته وشكلت منه فارس احلام لكل بنت..
لف متعب وبضحكة:انتشروا عليكم اللعنة
دليم بضحكة:ههههه لعن عدوك وش سووا لك؟
متعب وعينه عليها راح لخواته بعدت عنهم وعينها بعين دليم اللي يغازل
وحده معها ولدها وحامل بنرفزه:تراها متزوجه
فز دليم:لايروح تفكيرك بعيد بس شوفي كيف كحلتها مثل كحلتك ذي
كأنكم الجنيه اللي بمسلسل توق ههههههه
شهقت وضربته بكتفه:بسم الله علي لاحبيبي هاذي راسمه عيونها كلها
بالسوق خير رايحه زواج الاخت انا ما ارسمها الا بزواجات مناسبات كبيرة
دليم ينرفزها:اييه صدقتك اقول فاطمة خذي لك درازن كحل قالوا خلص كحلك
وسويتي مناحه بالبيت ههههههه ..
لفت بوزت وهو فقعها ضحك يعرف تحب شيء اسمه كحل
تعشقه:ههههههههههههه
|