[شمالية الهوى]

~ آلَـُبْآرّتٌ آلّرْآبُعَ عْشَرً ~




• آرَىْ طُيَفٍكّ فّيْ كُلَ مِكُآنّ




• خّلَآصُ يَكّفِيَ جُرْوّحُ آلّزْمَآنٌ




وقفت غيداء مفزوعه وطلعت لفهد وشافته رافع حاجبه ومعصب وينتظرها .
وقفت بمكانها ونبضات قلبها سريعه ومو قادره تتحرك وهي تشوفه يقترب منها ويمشي بخطوات سريعه .
مسكها مع ذراعها بقوه وطلع وهو يسحبها لغرفتهم رماها على الارض وقفل الباب .



***

صحت كريمه من اغماءها وهي تحس ان جسمها ثقيل وقفت بتعب وصرخت : ابو خااالد .
طلعت من الغرفه وهي تحس انها بتموت من التعب .
شافها ابو خالد وراح لها مسكها وهي تسندت عليه : وش فيك ؟
كريمه بتعب : مابعرف بدي اروح ع المستشفى .
مشو كريمه وعبدالرحمن وطلعو للسياره بعد مالبست كريمه عبايتها وصلو المستشفى وبعد ربع ساعه طلعت الدكتوره لأبو خالد : الف مبروك المدام حامل .
عبدالرحمن فرحان حيل ومو مستوعب اش قاعده تقول الدكتوره : ايش ؟ كريمه حامل ؟
الدكتوره : ايه حامل شو بك ؟
عبدالرحمن : وينها فيه الحين .


***


نايف : عامر انا خايف والله ما اقدر ابعد عن امي وابوي .
عامر : ههههههههه ماتقدر ايش ماسمعتك .
نايف : مو وقت استهبالك اقولك وش نسوي ست سنوات صعبه .
عامر : لا مو صعبه شوف اختك بالغربه من يوم تزوجت وعايشين احلى حياه .
نايف : طيب امي وابوي واخواني ماراح اشوفهم إلا بعد ست سنوات ؟
عامر بعصبيه : نايف اشوفك بديت تخاف ههههههه ترا كل الموضوع تهديد من المافيا وانا خايف على نفسي .
نايف : المشكله اني ما ادري اشلون اتصرف بدونك .
عامر : والله انا اللي اضيع اتوه بدونك .
نايف : خلاص انت من اليوم وطالع ماراح تاخذ حبوب .
عامر : والله ما ادري على حسب الحياه هناك اذا كان عشنا اول 6 اشهر اوك نشوف حياتنا صدقني المانيا ءامن لنا من هنا .
نايف بخوف : خلاص انا ما راح اخذ مخدرات يعني اشلون بعيش .
عامر بابتسامه : ومين اللي قالك ماراح تتعاطى راح نرجع للمخدرات .
نايف : بس بألمانيا رويد اكيد بيصير مراقب لنا 24 ساعه .
عامر : ندخل رويد معانا وننتهي من الخوف والقلق .
نايف : لااا ياعامر ما ابي اورط ولد اختي مثلي .
عامر : اي ورطه شوفنا نتعاطى ماصار لنا شي .
نايف : خلاص نجرب رويد معانا وهو لسه مراهق يعني مابيرفض .
عامر : ياليت .
نايف : احنا بطريقتنا الخاصه نقنعه .. إلا احنا متى نمشي لألمانيا ؟
عامر : قصدك متى موعد قتلنا ؟
نايف : ايه .
عامر : العيد الثالث .
نايف : يعني باقي تقريبا 18 يوم .



***

فهد بعصبيه : مين هذا اللي يرسل لك على الجوال ؟
غيداء وهي تبكي : والله ما ادري وما اعرف الرقم هذا .
فهد : عمري مامديت يدي على حرمه ضعيفه بس ما ادري اش اسوي فيك اقل شي اقتلك وافتك منك انتي عله على قلبي .
غيداء وهي توقف : والله يافهد والله ما ادري مين هذا .
فهد : اشلون ماتدرين مين وهو يعرف اسمك ؟ انتي قريتي الرساله ؟ فتح فهد الرساله ولف الجوال لغيداء ( حبيبتي غيود لايهمك فهد وراك حبيبك ماراح يخذلك تعالي لنا مثل كل يوم اذا راح لشغله ) .. وطالعها فهد .. ومسويه نفسك بريئه الناس بشهر خير وعباده وانتي هذا حالك ؟
غيداء تبكي بحرقه : فهد والله ما ادري مين هذا لا تشك فيني والله ما اعرفه .
فهد : انا شفتك كثرتي الحلف وانتي عارفه الدين واصوله .. خلاص راح اخذ الرقم واشوف من بأسمه وانا عارف انه من الدعاره حقتك بتأكد ابراء للذمه وبس .. وانتي مثل ماكنتي مجرمه مافيك ذرة حيا وكرامتك تحت رجولك وشرفك بالارض .. انا ما ادري اشلون ابوي وافق ان ام احفاده مثلك آآآه ياليتني ماعرفتك ولا اخذتك من المكان اللي شفتك فيه . وطلع فهد من عند غيداء .
وهي رمت نفسها ع السرير وانهارت " حسبي الله على من كان السبب .. حسبي الله على من كان السبب "
جلس فهد بالصاله وفتح رسائل الواتس اللي بجوال غيداء وشاف رسايل من نفس الرقم ومو مسجل باسم وغيداء ماقرت الرسايل .
" معقوله تكون مظلومه ؟ لا لا انا متأكد انه واحد من امثالها "
رن جوال فهد ورد بابتسامه تطفي شي من النار اللي مستعره بصدره : هلا يمه .
الجوهره : فهد وينك وليش تصارخ على غيداء لايكون بينكم شي ؟
فهد : ههههههه يمه تعرفين اشتقت لغيود هي بس عندكم قلت اذا ناديتها راح تتأخر وناديتها بأسلوب خلاها تجي تركض .
الجوهره : هههههههه والله ان اسلوبك اقلق امك الله يخليك لي ع بالي صار بينكم شي .
فهد : لا ان شاء الله مابيننا إلا كل خير .
الجوهره : دوم يارب .. مع السلامه حبيبي ما ابي اشغلك عن حرمتك .
فهد : مع السلامه .
نزل فهد جواله وشرب كاسة نعناع تروق اعصابه الثايره .
طالع بباب الغرفه المقفل " ياترى وش قاعده تسوين ياغيداء "

بمجلس الحريم .
وريف بابتسامه : عمتي شكلهم تهاوشو .
الجوهره بابتسامه : لا والله ماتهاوشو بس يقول مشتاق لمرته ويبيها تجيه بسرعه .
فاتن بضحكه : حسبي على ابليسه والله من اليوم جالي ساعه على اعصابي انا من يوم سمعت صوته على بالي بيقتلها .
مدى بتقهر وريف : فهد من بعد زواجه مايشوف غير غيداء ويحبها بجنون الله لايغير عليهم .
وريف : اللي اشوفه ان زوجة اخوك مو مرتاحه معاه ولازم يطلقها .
رونق : الى اليوم وانتي حاطه عينك على فهد خلاص الرجال تزوج .
وريف : ما اكون وريف بنت عبدالمحسن اذا ماطلقها فهد وتزوجني انا قريبته انا اولى به منها .
ساره : والله قاهرتني احس انها تتميلح او تتدلع .
الجوهره بعصبيه : ساااره حتى انتي قلبتي على زوجة اخوك .
ساره : يمه هذي من اعداء بنت عمي .
الجوهره : اختاري رضاي ولا رضاء بنت عمك ؟
ساره : اكيد يايمه بختار رضاك .. رضا الله من رضا الوالدين .
الجوهره : خلاص دامك تبين رضاي عدلي معاملتك لزوجة اخوك تراها مثل اختك .
وريف وهي توقف :عن اذنكم بروح للبيت الجو مشحون شوي ما كأننا باجواء رمضانيه وماكأنا اهل .
نوره : الله معاك حبيبتي .


***

مع اطلالة يوم رمضاني جديد دخل فهد مكتبه ووراه سامي .
جلسو على الكنب الراقي اللي يدل على فخامة صاحب المكان .
فهد : سامي الله يعافيك ابيك تشوف الرقم هذا من بأسمه .
سامي وهو ياخذ الورقه من فهد : على امرك .. ووقف .. عن اذنك الحين طالع اشوفه .
طلع سامي وفهد سند بظهره على الكرسي " لو الزفت هذي ماحلفت كان مانزلت نفسي وشفت مين المتصل عليها "
دخل ناصر : سلام عليكم .
فهد وهو يوقف وبابتسامه : عليكم السلام .. ياهلا وغلا .
ناصر وهو يجلس بعد ماسلم على فهد : هلا بك .. أنت وينك لي تقريبآ عشر ايام ماشفتك ؟
فهد بمزح : تعرف احنا المتزوجين مو مثلكم عندنا اهتمامات وزوجه وبيت .
ضحك ناصر : احس انك قاعد تتحسر على ايام العزوبيه .
فهد : لا الحمدلله يوم تزوجت ارتحت .
ناصر : الله يديم عليك الراحه .. ماتدري وش صار على نايف وعامر لي ثلاث ايام اتصل عليهم مايردون ومو بالمزرعه .
فهد بابتسامه : البارح ابوي وعمامي ونايف وعامر وبدر راحو لمكه بيعتمرون وثلاث ايام ان شاء الله وهم راجعين .
ناصر : افااا يعني انا وسلطان مو منكم مانعرف عنكم اي شي .
فهد : ههههههههه حتى انا ماكنت اعرف انهم رايحين إلا يوم اتصل علي ابوي وقالي انتبه على امك وخواتك ترا مافيه رجال بالبيت غيرك .
ناصر : طيب فهيدان اش رايك تروح معاي لجده بسلم على خالتي حصه لي سنه ماشفتها .
فهد : لا لا ما اقدر الحين خله بالعشر الاواخر .
ناصر : خلاص بسبعه وعشرين من رمضان نروح .
فهد : وانا وش مصلحتي معاك ؟
ناصر : صلة رحم لا اقل ولا اكثر وهي عجوز وماعندها احد غير بناتها يمكن تكون محتاجه شي ترا هي خالتي .
فهد بابتسامه : اقول نويصر لايكون حاط عينك على وحده من البنات .
ابتسم ناصر لفهد : لا انا اعتبر بناتها خواتي .
دخل سامي بعد ما أذن له فهد : سلام عليكم .
ناصر وفهد : عليكم السلام .
جلس سامي واعطى فهد الورقه : هذي فيها كل تفاصيل الرقم .
وقف ناصر : عن اذنكم عندي شغل .
فهد : اذنك معاك .
ناصر : لاتنسى موعدنا بعد عشر ايام نروح لجده تسمع .
فهد : خلاص بس انت ذكرني انا انسى كثير .
ناصر : ان شاء الله .. وطلع ناصر .
ووقف سامي : انا بطلع للبيت اليوم الفطور عندنا وابوي ملزم علي انك تجي معاي .
فهد وكل تفكيره بالورقه اللي قدامه : اعذرني وتعذر لي من ابوك والله ما اقدر اجيكم ولا عزيمته على العين والراس .
سامي : بس ما اسمح لك إلا وتجينا بالفطور الجاي .
فهد : حاضر اذا ماكان عندي شغل راح اجيكم .. سامي انت تعرف من باسمه الرقم اللي اعطيتك ؟
سامي : لا والله ما ادري لمين .. تامرني على شي ياطويل العمر ؟
فهد : سلامتك .
طلع سامي ورفع فهد يده ويدينه شبه مشلوله وسكر عيونه " ياربي انها ماتكذب علي وانها تصير ماتعرف الرقم "
قرا الاسم للمره المليون وهو مو مصدق اخذ جواله ومحفظته ونزل تحت بسرعه وركب بسيارته وطلع للبيت بسرعه جنونيه .
دخل بالبيت " لا إله إلا الله انا صايم ومايجوز اجرح صيامي عشان وحده ماتستاهل "


***

اماني : عبدالمجيد الله يخليك بنروح للسعوديه والله مشتاقه لأهلي واهلك .
عبدالمجيد : والله ميرو و رويد مو موافقين ليش نروح وهم مو موافقين ؟
اماني : عمرهم ماوافقو ان شاء الله .. طلبتك يا ابو رويد لاتردني بكره نمشي للسعوديه .
عبدالمجيد : من عيوني الثنتين بكره وانتي بالسعوديه .
اماني : تسلم عيونك الله يخليك لي .
عبدالمجيد : الله لايحرمني منك .
دخلو رويد وماريا اللي توهم راجعين من المدرسه ونزل رويد شنطته ع الطاوله وجلس جنب ابوه : hi my fmli .
ضحك عبدالمجيد : انا وامك عائلتك هههههههههههههه .
رويد : ايه انتو عائله .
عبدالمجيد : انا باخذ لكم اجازه من المدرسه .
رويد : لا يكون نرجع للسعوديه ؟
عبدالمجيد : إلا وعمتك الهنوف بتروح معانا .
ماريا بصراخ : yas .. يعني إياد بيروح معانا .
ضحك عبدالمجيد : ههههههههه الله يخليك لي .. ايه ان شاء الله يروح معانا .
اماني : رويد حبيبي ليش زعلان ترا كلها 10 ايام ونرجع بس الى اخر يومين برمضان ونرجع .
رويد : طيب انا ابي ادرس ما ابي اطلع من المانيا .
عبدالمجيد : تو بادين بالدراسه انت عندك شي ثاني ما تبي تخليه ؟
اماني : رويد لايكون تحب آزيال ؟
رويد : والله يايمه اعتبر آزيال صديقه بس .
عبدالمجيد : خلاص انت كبرت على مصادقة البنات وبعدين هي المانيه ومسيحيه .
رويد : يبه بس انا تعودت عليها بحياتي مستحيل اعيش بدون صديقه .
عبدالمجيد : اشلون اذا رحنا للسعوديه ؟ واستقرينا هناك ؟
رويد : انا ما ابي اطلع من المانيا خلاص هذا بلادي مسقط راسي .
عبدالمجيد : انت ماينفع معاك الدلع لازم اوديك للسعوديه عند اخواني الين يخلص شغلي 5 سنوات وانا راجع للسعوديه .
رويد : يبه الله يخليك ما ابي اروح هناك الجو مو مناسب .
عبدالمجيد : انت خذيت كل عاداتهم هنا وانت بسن المراهقه وانا خايف عليك ولازم ترجع للسعوديه .
اماني : ايه ياوريد انت لازم ترجع لبلادك خلاص .
رويد : بس يمه انا ما ابي انا تعودت على الحياه هنا .. اروح للسعوديه بس بفصل الشتاء .
عبدالمجيد : عندك خيارين اما تترك آزيال ولا ترجع للسعوديه .
نزل رويد راسه كل الامرين صعبات عليه .
يترك آزيال صعب عليه !
والاصعب من هذا انه بيعيش بالسعوديه .
احتار بين الامرين رفع راسه واخذ نفس عميق : خلاص انا ما راح اكلم آزيال ولا اقابلها بس ما ابي اسكن بالسعوديه .
عبدالمجيد : قلت لك انت بسن المراهقه وآزيال حتأثر عليك تروح معانا بكره للسعوديه واحنا نرجع وانت اجلس عند امي .
اماني بحزن : خلاص يعني ولدي راح يعيش بعيد عني ؟
عبدالمجيد : ولدك مو ضايع وهناك ءامن له انا خايف على ولدي .
اماني : بس صعبه اعيش بدونه .
عبدالمجيد : طيب تعيشون بالسعوديه وانا اجلس هنا خلاص حتى الهنوف بقى سنتين وترجع .
شهقت ماريا : اذا رجعت عمتي الهنوف انا برجع معاها .
رويد بقهر : تدرون ان بنتكم تحب إياد ولا تقولون لها شي ولا انا قومتو الدنيا على راسي .
عبدالمجيد : ماريا تحب ولد عمتها وهو مثل اخوها وعاشت معاه من صغرها وهو مسلم .


***

سكر فهد الورقه وحطها في جيب ثوبه وجلس على الكنبه بتعب : هلكني الشغل .
الجوهره : يابعد عمري وانت ليش تشتغل .. فيه الف واحد يديرون الشركه بغيابك .
فهد : بس مايصير كل الشغل عليهم هذا حلالي لازم اديره بنفسي .
الجوهره : الله يوفقك ويفتحها بوجهك ويرزقك من حيث لاتحتسب .
وقف فهد وانحنى عند امه وباس راسه : الله لايحرمني منك يالغاليه .
الجوهره : وش فيها غيود من امس ماطلعت من غرفتها ؟
فهد تذكر حالتها يوم طلع من عندها : انا بروح اشوفها .. عن اذنك يمه .
طلع فهد مع الدرج وفتح باب جناحهم ودخل وشاف باب الغرفه مقفل وفتح الباب وشاف غيداء مسنده ظهرها ع السرير وضامه رجلينها وتبكي .
اشفق فهد لحالها وجلس ع الطرف الثاني من السرير : غيداء انا اسف على كل اللي صار البارح .
غيداء : .........
فهد وهو يطالعها : طيب قلت لك اسف انا متهور سامحيني غيداء .
غيداء وهي ترفع راسها : اش اسامحك عليه انت كل يوم تجرحني مليون مره خلاص انا كرهتك .. كرهتك يافهد .
تحطمت كل آمال فهد : سامحيني والله ماتتكرر الحركه اللي البارح والعصبيه اللي شفتيني فيها .
غيداء بصوت مبحوح من البكاء : خلاص ماعاد فيه كلام بيننا انت شكاك تشك فيني عشان واحد فاضي قاعد يتصل علي .
فهد : بس هو كان يكتب اسمك بكل رساله ويعرف اسمي يعني اشلون عرفنا ؟
غيداء : وانا اش دراني والله ما اعرف عنه ولا شي .
ابتسم فهد : طيب انا عرفت مين اللي يتصل عليك .
غيداء : وانا مايهمني اعرف مين ولا ابي اعرف مين .
فهد : غيود ترا هذا كان بيخرب بيتك .. يعني ماتنتقمين منه ؟
غيداء : ع الاقل هو ماقال شي بس انت اللي خربت حياتي كلها اهانات وذل وجروح تنزف الى يومك واتوقع ماتندمل بس انت مرحلة خطر بحياتي وان شاء الله تعدي على خير .. وياكثر ماظلمتني ودعوة المظلوم مستجابه ولو ماعندك ام واخت عزيزات على قلبي كان ادعي عليك .. وربي مايخيب رجائي فيه وان شاء الله بينتقم لي منكم .
فهد بإستغراب : اشلون ظلمتك ومتى ؟
غيداء بقهر : تتهمني وتطعن بشرفي .
فهد : انا طلبت منك تقولين لي قصتك كامله بس رفضتي واكثر من مره رفضتي .
غيداء : وانت الى الان ماتبي تعرف قصتي بس الغريب بالموضوع انك دايم تقولي اعرفك اكثر من نفسك وانت اصلآ مو عارف قصتي .
فهد : طيب قولي قصتك الحين يمكن اكون ظالمك ليش لا .
غيداء بقهر : انت ماتحس يوم اقولك بقول لك كل السالفه وانت تقول لا وامس متكلم علي واليوم جاي عندي وبكل برود تقول قولي قصتك ؟
فهد : طيب ليش ماتقولينها لي الحين ترا خلاص يوم كنت ارفض كنت اكرهك .
غيداء : والحين بتقنعني انك حبيتني .
فهد : ما اكذب عليك انا ما حبيتك بس بديت اميل لك يمكن اعجاب واكيد يعني عشت معاك برتاح لك .. بس حب لا مستحيل .
غيداء : وانا كنت احبك بس للاسف كل يوم عن يوم كرهي لك يزيد .
فهد : ارحميني ياغيداء والله تعبت من كثر المشاكل اللي امر فيها بكل مكان لي مشكله ع الاقل ابي ارتاح ببيتي .
غيداء : ارتاح ببيتك خذ راحتك انا ما اذكر اني ازعجتك بشي او ضايقتك .
فهد وهو يوقف : غيداء الراحه مو اني انام واصحى واكل واشرب على كيفي وبراحتي .. انا ابي اغير حياتي معاك بصراحه كأنا اغراب .
غيداء : احنا اغراب وماراح يتغير حالنا على قولتك كلها كم شهر وافتك منك وتفتك مني .
ندم فهد على كل كلمه جارحه قالها لها : غيداء انا تغيرت خلاص رمضان غيرنا هذا شهر الخير ليش مانصفي نفوسنا ونقول طاح الحطب .
غيداء : هههههه رمضان له 16 يوم ماتذكرت انه شهر الخير إلا اليوم وامس ليش تطول لسانك علي واحنا برمضان .
فهد : غيداء يرحم امك ارحميني انا اعتذرت لك واقولك بكل ماتحمله الكلمه انا اسسف .
طالعته غيداء وجات عيونه بعيونها .



***


بسام : يمه ماصارت كل يوم وانتي رايحه تفطرين عند وحده من صاحباتك وما كأن عندك ولد يتمنى يوم واحد يفطر معاك .
فاتن بابتسامه : فديت ولدي اللي يتمنى يفطر معي .. ولا يهمك ياروح امك اليوم افطر معاك ولو تبي انا اسوي لك الفطور بنفسي .
بسام : لا يمه تعب عليك الفطور يسوونه الطباخات .
فاتن : ياجعلني اشوفك عريس قول امين .
ابتسم بسام : امين .
فاتن : الكلمه هذي طالعه من قلبك .
بسام : يمه والله تأخرو متى الملكه ابي اطلع مع حرمتي ابي اكلمها .
فاتن : قلنا لك بعد العيد .
بسام : بالعيد مو بتسافرون ؟
فاتن : لا انا ما ابي اروح بكل مكان وانا مع اخواني خلاص انا ابي اثقل ابي اجلس ببيتي .
بسام : يمه والله اتكلم جد هم بيسافرون بعد العيد اشلون نملك وهم مسافرين ؟
فاتن : اتوقع ميدو بتجلس عند غيداء مابتسافر معاهم .
بسام بضحكه : يعني اذا مدى ماسافرت مع اهلها نملك وهي بس مدى الموجوده وامها وابوها وش دورهم .
فاتن : هههههههههههه والله راحت عن بالي .. بس ولا يهمك مايجي عيد الاضحى إلا زوجتك ببيتك .
بسام : لا مستحيل تصير هذي مدى تقول الزواج بعد ثلاث سنوات ولاتنسين يايمه انها صغيره .
فاتن : صح انها صغيره عمره 20 سنه بس غيداء تزوجت وعمرها 20 عادي .
بسام : غيداء مو منا ولا نعرف عاداتهم وتقاليدهم وفيه ناس بوقتنا هذا بناتهم يتزوجون واعمارهم 20 و 21 .
فاتن : الناس يختلفون عن بعض وكل منطقه تفرق عن الثانيه لو بعادات بسيطه .. اول اهلنا كانو يزوجون البنت وهي عمرها 15 والحين 22 يقولون صغيره .
بسام : ايه جد صغيره .
دخل ابو بسام : سلام عليكم .
فاتن وبسام ردو السلام وجلس ابو بسام : بسام وراك ماداومت اليوم ؟
بسام : والله ضرسي يألمني شوي ورحت وخذيت مسكن ويوم صليت الفجر نمت وتو صحيت .
ابو بسام : الله يهديك .
فاتن بخوف على ولدها : متى يوم كنت تعبان ليش ماقلت لي ؟
ضحك بسام : هذا وانا مافيني شي خفتي اشلون لو قلت لك ان ضرسي يألمني .


***

فهد وهو يوقف ويتحاشى النظر لها : خلاص ماتبين تقولين سالفتك مو ضروري وعمرك ماقلتيها ان شاء الله .
غيداء وهي تسند ظهرها ع السرير : وتقول رمضان غيرنا ؟
فهد : ع بالي انتي ينفع معاك الاسلوب هذا بس انتي كبرتي الموضوع تبين تذليني عشان اطلب منك تقولين السالفه .
غيداء : للاسف انا ماينفع معاي الطيبه لأن كل ماعرفت احد وصار قريب مني يصير قاسي .. مدى وخالد هذولا اللي في قلوبهم رحمه .
طالعها فهد وهو رافع حاجبه : خالد ولد عمك ؟
غيداء : ايه .
فهد : حتى ولد عمك مثل خمتك يعني انتي مو غريبه على عايلتك .
غيداء بصراخ : هييي انت ثمن كلامك وولد عمي اشرف منك .
فهد بعصبيه : والله لو ما انا صايم وضربي لك يجرح صيامي لأشفي غليلي فيك عمري مامديت يدي على حرمه بس انتي شكلك متعوده .
غيداء : فهد الله يخليك ريحني خلاص انا ما ابي منك ولا شي كل اللي ابيه تبعد عني .
فهد بين اسنانه : هذا بيتي ومو انتي اللي تطرديني من بيتي .
غيداء : انا ماقلت لك اطلع من البيت كل اللي ابيه تطلع من الغرفه الين تطلقني وحلال عليك .
فهد : حاضر انا اوعدك ما ادخل الغرفه هذي وانتي موجوده .
وطلع من عندها وهي ثنت رجليها وضمتهم بيدينها ونزلت راسها على رجلينها وبدأت بدوامة البكاء .
صارت ماتدري وين الصح من الخطاء ..!
هي تحب فهد .. بس كرامتها اولى من قلبها ..!
" ياربي فرج همي والهمني الصبر وسخر لي فهد "
رفعت راسها وهي تسمع صوت صراخ طلعت من الغرفه وشافت فهد واقف وطالعها : ارجعي الغرفه مالك دخل باللي يصير انتي مجرد دخيله علينا ومالك فينا دخل .
رجعت غيداء وسكرت الباب وراها بقوه ورمت نفسها ع السرير " بعد ماكان يقولي انتي زوجتي منا وفينا الحين يقولي انتي دخيله كله مني انا اللي جبته لنفسي "
نزل فهد تحت وشاف ساره ووريف واقفات والموضوع بينهم وصل للضرب وقف فهد : خلاص .
طالعته ساره : فهد انا راح اقولك على كل فعايل الخاينه وريف .
فهد : عرفت كل شي .. وطالع بوريف وبنبرة تهديد .. والله ياوريف لو قربتي من زوجتي ولا حاولتي تشككيني فيها لألعن خيرك .
وريف بخوف : اش سويت لها انا ؟
طلع فهد الورقه من جيب ثوب ورماها عليها .
نزلت وريف لمستوى رجلينها ورفعت الورقه بيدين ترتعش " لا يكون عرف "
فتحت الورقه .
المالك : وريف عبدالمحسن محمد اليحيى .
الرقم : *******055
رقم الهويه : **********11
وطالعة بفهد : هذي مزوره انا مالي دخل .
فهد : انا كلامي مو معاك مع ابوك واخوك وشوفي بتعدي على خير او لا .. انتي بتهدمين بيتي ؟ والله يابنت عمي لو طلقت غيداء ماراح اتزوجك .
رمت وريف الورقه على الارض وخذت شنطتها وطلعت من البيت .
طالعت ساره بفهد : ترا هي جايه هنا عشان .
قاطعها فهد : عشان تدمر بيتي صح ؟
ساره : ايه هي كانت تبيني اخذ غيداء واحطها بشقق شباب وهـي تتصرف وراح يكون طلاقها قبل العيد .
فهد وهو يضرب الطاوله بقبضة يده : حقيرره .
ساره : فهد تراها بنت عمك .
فهد : واذا كان بنت عمي .. اهم شي تبعد عني بخيرها وبشرها .
وقف فهد : انا بروح اكلم عمي يشوف لبنته صرفه .
ساره : فهد تعوذ من الشيطان احنا الحين العصر خله بعد الفطور .. ووريف وحيدة ابوها اكيد ماراح يسوي لها شي .
فهد : بدر يقدر يسوي لها شي ويفكني منها .
ساره : اللي افهمه من كلامك انك بتسبب مشاكل بالعايله بس عشان الست هانم .
فهد : والست هانم تسوى العايله كلها .
انقهرت ساره : فهد احنا ما نبي نخسر عمامي عشان هذي اللي ماتسوى جزمتي .
فهد بعصبيه : ساره ثمني كلامك .
خافت ساره : ماقصدي بس الموضوع مايستاهل .


***


دخلت وريف جناحها وهي تمشي بسرعه متوجه لولاء اللي هي اتصلت عليها قبل لاتوصل البيت حسابها معاها عسير .
وريف وهي توقف قدام ولاء ومن العصبيه حتى عبايتها مانزلتها وطرحتها على كتفها وبصوت عالي : عمى فعينك ان شاء الله ليش مسجله الرقم بأسمي ياحقيره ياحيوانه .
ولاء بخوف : يعني من اسجله بأسمه ؟
وريف : انا مو قلت لك دوري لي اي واحد تسجلين الرقم بأسمه ولا انتي شكلك ماتفهمين .
ولاء وهي تبلع ريقها : انا اخاف على ابوي واخواني من فهد .
وريف بعصبيه : ياحقيره كان قلتي لي والله ماراح يخليني بدر ومامي مستحيل تمشيها لي .
ولاء : وريف خلاص كل شي انكشف وانتهى انا بطلع من السالفه ومالي فيك دخل .
وريف دفت ولاء بالارض بكل قوتها : اشلون مالك فيني دخل وانتي مدبره كل هذا ومسويه كل هذا .
ولاء وهي تبكي : انتي اللي قلتي لي انتي تامرين وانا انفذ .
وريف : انا ماقلت لك سجلي الرقم باسمي وحذرتك الف مره قلت لك دوري لك على احد تسجلين الرقم باسمه اشلون تسوين كذا ؟
ولاء : والله ما قدرت إلا باسمك وربي ما اقدر باسمي .
وريف : قومي يله انقلعي من هنا .. ولا عاد اشوفك .
ولاء وهي تبكي بقوه وتبوس يد وريف : انا بنت خالتك حرام عليك .
وريف بصراخ وهي تسحب يدها : قلت لك اطلعي .
وقفت ولاء اللي كانت جالسه على ركبها وتتوسل وريف انها ما تزعل عليها .
وطلعت ولاء .
ووريف خذت نفس عميق " يالله لايكون فهد بيقول لأبوي ؟ "
طق باب الغرفه ودخلت نوره : يمه وريف وش فيك ؟
وريف وهي تمسح جبينها بيدها : مامي مافيني شي بس حر برا .
نوره : انتي اش قاعده تقولين .. بنت خالتك طلعت من عندك تبكي وانتي تبكين وعبايتك مانزلتيها وش صاير ؟
وريف بدلع : ماصار شي بس صارت مشكله بيني وبين بنت اختك
نوره : طيب وش اللي صار معاك يوم رحتي لبيت عمك تو اتصلت على ام فهد تقول بنتك حاستنا .



***


كانت جالسه ع الكنبه وتفكر وش صار وليش فهد معصب عليها " قالي انتي دخيله " .
سالت دموعها " طيب ليش يافهد تخليني اتعلق فيك ليش تحببني بنفسك كل هذا انتقام ؟ "
دخل فهد وسكر الباب بقوه رفعت غيداء راسها وشافت فهد واقف : انقلعي لغرفتك .
قامت ودخلت بالغرفه وسكرت الباب وسندت ظهرها على الباب وهي تبكي " ياربي سخر لي فهد "
اخذ فهد شماغه وعقاله ومسكهم بيده وطق الباب وفتحت غيداء الباب : جهزي لي ملابس تكفيني يومين بسرعه .
وراحت غيداء وطلعت شنطة فهد وحطت فيها ملابسه ومدتها له اخذها منها فهد : انا طالع برحله اذا احتجتي شي من اهلي لايردك إلا لسانك .
غيداء بتردد : اا.. طيب تتأخر ؟
طالعها فهد : وانتي اش عليك تسألين ؟
غيداء تدور لها مبرر لسؤالها : اخاف يجي العيد وانت ماجيت وانا ما اقدر اروح للسوق .
فهد : اهااا لا تطمني تقدرين تروحين للسوق .. ومناسبات مثل هذي يجيك من فرنسا وبريطانيا من اشهر الماركات العالميه . مشى من عندها وهي رجعت وجلست ع السرير " ياربي هذا وين رايح ليش ماقالي "
رن جوالها وردت بـ : هلا خالتي .
الجوهره : يله تعالي افطري .
غيداء : اوك .
نزلت الجوال ع السرير ودخلت غرفة تغيير الملابس ولبست بنطلون اسود وبلوزه تيفاني وحطت شعرها ع جنب بربطه تيفاني وكعب عالي اسود وحطت روج زهري ونزلت مع الدرج وهي تشوف البنات يسلمون على منصور وصلت عند منصور وسلمت عليه بحيا : الحمدلله على سلامتك ياعمي .
منصور : الله يسلمك .
غيداء : عمره مقبوله ان شاء الله .
منصور : الله يتقبل منا ومنك .. شخبارك ياغيداء ؟
غيداء : الحمدلله بخير .
الجوهره : تعالو يابنات افطرو .
جلسو البنات ع طاوله الطعام ومنصور طلع من عندهم .
وطالعت ساره بوريف : ماتوقعتك تجين بعد اللي صار .
وريف بابتسامه : ماصار شي يمنعني ادخل بيت عمي .
نوره : لا اله الا الله وش فيكم خلاص حصل خير .
افطرو وكانت عيون وريف على غيداء والحركه هذي ضايقت غيداء كثير .
شربت غيداء من عصيرها : عن اذنكم بروح اصلي .
وطلعت لغرفة مدى وسكرت الباب ولبست شرشف الصلاه وصلت المغرب وجلست ع الكرسي وبعد دقايق قضتها غيداء بذكر الله دخلت مدى : نورتي الحته .
ابتسمت غيداء : منوره بوجودك .
مدى : بصلي وبننزل عند البنات .
غيداء : ما احب اجلس بمكان فيه وريف .
مدى : ليش ؟
غيداء : هي من قبل لايتزوجني فهد وهي تكرهني تذكرين حركاتها بالجامعه ومضايقتها لي كل هذا بس عشان البنات معجبين فيني انا وش ذنبي .
مدى : لأنه معجبتها واغلى مخلوقه عندها عفاف تركتها وراحت لك .
غيداء : وش هالحظ حبيبتها وفهد كلهم انا اللي اخذهم منها .. ياربي وش قاعد يصير فيني .
ابتسمت مدى : بس انتي الغالبه دايم .
غيداء : وياليتني ما غلبتها ولا ابي اغلبها هذي حطتني براسها .
مدى : بنت عمي واعرفها زين ولا مره نفذت شي من اللي هي تقول كل هذا تهديد بس .
غيداء ماتبي تضيق خلقها بطاري وريف : يله صلي ترا تأخرتي .



***

ناصر وهو يوقف : خلاص مشيت معاك ياخي لا تصارخ علي .
فهد : كل هذا اكل يله بسرعه بنمشي بقى نص ساعه على رحلتنا .
ناصر : طيب بس باكل شوي ترا والله مره جوعان .
فهد بعصبيه : ناصر وبعدين معاك يله تحرك .
مشى ناصر وراء فهد وركبو بالسياره .
طالع ناصر بفهد : فيه واحد ماجا له شهرين متزوج وهو راجع لشغله ومسافر وزوجته بالبيت .
فهد وهو يطالع ناصر : وانت اش دخلك انا وزوجتي متفاهمين .. قول ماشاء الله ترا عينك قويه .
ضحك ناصر : ما شاء الله عليكم .
فهد : انت ماودك تتزوج ياخي ابي افتك منك .
ناصر بابتسامه : قريب ان شاء الله بعد العيد بنعزمك على ملكتي .
فهد بضحكه : ياخي ملاحظ انه كل شي بيصير بالعايله بعد العيد .
ناصر : هههههههههه بعد العيد يعني اقرب وقت .
وصلو المطار وفتحو البودي قارد ابواب السياره ونزلو ناصر وفهد ووراهم حرسهم الشخصي وطلعو لطيارتهم الخاصه اللي اعلنت اقلاعها لجده.


***


نزلو غيداء ومدى للمجلس وجلست غيداء جنب الجوهره اللي نادتها .
وكانت وريف عيونها ماتنزل عن غيداء .. دخلت الخدامه ووزعت عليهم العصير .
نوره : ام فهد وين عيالك مالهم حس .
ابتسمت الجوهره : سلطان بشغله ونايف تو رجع من السفر وافطر وراح ينام عند عامر .
وريف بابتسامه : وفهد .
طالعتها غيداء بحقد .
ابتسمت ساره : وكل اللي سواه فيك فهد للحين تحبينه .
وريف : ايه احبه هو ولد عمي وانا اولى به من بنت الشوارع .
الجوهره بعصبيه : هذي زوجة ولدي وما ارضى عليها .
وريف : والله ياعمتي انا ماجبت كلام من عندي او كذبت عليها هذي حقيقتها .
كان كلام وريف على غيداء مثل الصواعق " بس مهما قالت ارحم من فهد "
فاتن : غيداء ماتردين عليها ماتتكلمين .
غيداء ببرود : وش اقولها .. دام فهد يحبني وراضي فيني على الدنيا سلام .
انقهرت وريف : يحبك وراضي فيك ؟ ع بالك كذبك هذا بينفعك راح تنكشفين على حقيقتك ياحيوانه يابنت الكلب .
نوره : وريف احنا بجمعة اهل مو بمعركه وبعدين اش هالالفاظ ؟
وريف : يمه عمري ماتلفظت على احد كذا بس هي اللي تجبرني اتكلم عليها كذا كل شي احبه تجي المنحوسه هذي وتاخذه مني .
ساره : طيب فهد قالك انه لو طلق غيداء ما راح يتزوجك .
وريف بصراخ : وانتي اش دخلك يعني لازم كل الناس يعرفون بالسالفه خلاص ارحميني .
غيداء " اي سالفه اللي هذي تتكلم عنها "
مدى وهي توقف : امريتا .
دخلت الحارسه امرتيا : طلعي وريف برا .
وريف بقهر: تطرديني من بيتكم عشان الحقيره هذي انا بنت عمك اللي من دمك تهينيني عشان غيدوه .
سحبتها امريتا وطلعتها برا مثل ما قالت لها مدى ووريف طلعت للبيت .
طالعت الجوهره بغيداء اللي واضح عليها التوتر : غيود .
طالعت غيداء بالجوهره : هلا .
الجوهره : فهد وين راح سألته قالي مسافر وطلع حتى ما اعطاني فرصه اكلمه .
بهتت ملامح غيداء واختفت الابتسامه اللي كانت مرسومه على وجهها .