[شمالية الهوى]

~ آلُبّآرَتُ آلْخَآمِسّ عُشِرٌ ~




• يَآزَمْآنُيُ يَكّفِيّنْيُ جَرْوُحَ



• مَآزْآلَ بِحُشَآيٌ جًرْحُ يَنِوْحُ




طالعت الجوهره بغيداء : وش فيك ؟
غيداء حست بنفسها : هااا لا ولا شي .
الجوهره شكت بالموضوع : طيب فهد وين رايح حتى مكالماتي مو راضي يرد عليها .
غيداء مو عارفه اش تقول وقف وهي تقول : مسافر بس شكله بيطول بسفرته .
وقف الجوهره ومسكت غيداء وشافت دموعها اللي مجتمعه بعيونها : غيداء صاير بينكم شي .
بكت غيداء ورمت نفسها بحضن خالتها وام فهد ضمتها وحست غيداء بالامان وهي بحضن خالتها .
الجوهره : قولي لي وش صاير ؟
غيداء بين شهقاتها : فـ..فـهد عنده شغل واضطر يسافر .. انـ..انا ماتعودت اجلس بالبيت بدونه .
الجوهره : خلاص ياقلبي ان شاء الله هو بيرجع .
وتركت الجوهره غيداء وطلعت غيداء لغرفتها ورمت نفسها ع السرير وجلست تبكي .
رن جوالها اللي كان جنبها وماردت ورن مره ثانيه وخذت الجوال وهي تشوف المتصل ( نبض قلبي ) .
فز قلبها وردت بـ : هلا .
فهد : وش قلتي لأمي وليش تشكين لها انا ماقلت لك ياويلك يطلع شي لأحد .
غيداء بين شهقاتها : وربي ماشكيت لها ولا قلت لها عن حياتنا .
فهد : طيب وش قلتي لها امي متصله علي عشانك تقول جالسه تبكين عشان سفرتي هذي بتطول .
غيداء : ايه خالتي سألتني انت وين مسافر وانا خفت ونزلت دمعتي وقلت لها انك راح تطول يعني اش اسوي ؟
فهد بضحكه : اجل ماتعودتي على البيت بدوني .
انحرجت غيداء وضحكة فهد دليل على انه مو زعلان منها وبدلع : فهوود ترا قاعده اسلك لك .
فهد " يالبى هالصوت " : طيب مره ثانيه اذا احد سألك وين قولي اني بجده .
غيداء : انت بجده ؟
فهد : ايه .
غيداء : اممم .. طيب عندي سؤال .
فهد بابتسامه : اسألي .
غيداء وهي ترجف : م..متى ترج..جع ؟
فهد بمزح : ههههههههههه كل هالرجفه بس عشانك ماتعودتي على البيت بدوني .. ان شاء الله ارجع بـ 27 .
غيداء : ترجع بالسلامه ان شاء الله .
فهد : غيداء لاتطلعين من البيت وترا حاط لك مراقبين .
غيداء : طيب انا لازم اروح لأهل عمي والله من زمان عنهم .
فهد : خلاص تروحين لهم بس تاخذين امي معاك .
غيداء ماهمها ان فهد يشوفها بالضعف هذا هو عارف ظروفها كلها : طيب .. اخاف سهام تفشلني قدام خالتي .
فهد : هههههههههه سهام امورها بالسمبتيك انتي شكلك مو عارفه شي يصير لأهلك .
غيداء بإستغراب : وش فيها سهام ؟
فهد : راحت للبحرين مع امها واخوانها .
غيداء بغيره : وانت اش عرفك ؟
فهد لاحظ غيرتها : اي شي يخصك يهمني ويهمني كثير .
غيداء : وانا مالي فيها دخل وهي ماتخصني .
فهد : لو شكيت واحد بالميه انه فيه شخص بيأذيك راح الغي وجوده من الارض .
غيداء " وش سر اهتمامه فيني وهو مايبيني " : فيك الخير والله .. طيب شوف لي صرفه مع بنت عمك .
فهد : وش مسويه لك ؟
غيداء : قبل شوي هي جرحتني يوم كنا جالسين مع الحريم .
فهد : اهااا ايه وصلني كل شي وانا اللي امرت انهم يطلعونها برا .
غيداء : وانت مايخفى عليك شي يمه منك .
فهد : هههههههههههه ترا اعرف كل شي يصير لك .
غيداء : طيب اشلون لايكون بس حاط رادار بالبيت .
فهد : ههههههههههه لا .. بس انتي تهميني كثير واخاف عليك يكفي انك على ذمتي وانا اعرف اخبارك اول بأول .
شهقت غيداء : طيب اشلون ترا مستغربه منك .
فهد : ههههههه اخاف تكشفيني مع السلامه .
ابتسمت غيداء : مع السلامه .
سكرت جوالها وابتسمت " يابعد عمري يافهود والله انك تنحب .. بس اذا عصبت ياويله اللي يجي بوجهك "
طق باب جناحها وراحت وفتحت الباب : هلا خالتي .
الجوهره : ياهلا بك .
وجلسو الجوهره وغيداء ع الكنبه .
الجوهره : غيداء حبيبتي قولي لي كل اللي صار بينك وبين فهد انا اتصلت عليه الحين ومو راضي يقولي هو وين .
غيداء بابتسامه : مابيننا شي الحمدلله .
الجوهره بابتسامه : الحمدلله .. بس ليش بكيتي اول ما سألتك عن فهد ؟
غيداء : اشتقت له ياخالتي وبعدين عايشه معاه شهرين كل يوم وكل ليله وهو عندي تعودت عليه بالمره صرت ما اقدر على فراقه .
تطمنت الجوهره على حياة ولدها مع زوجته وهي ماتدري انهم عايشين بجحيم : طيب هو وين مسافر وليش ؟
غيداء : مسافر لجده عنده شغل بس بيطول عشر ايام ويرجع .
الجوهره : ياقلبي ياغيداء والله ما الوم اللي حاسدين فهد عليك الله يجعل كل ايامكم افراح وسعاده .. من الحين تعودي على سفرات فهد ترا اذا صار لكم 6 شهور من زواجكم او سنه راح تكثر سفراته وخارج السعوديه ويمكن توصل الى شهر وشهرين .
شهقت غيداء : طيب ليش ؟
الجوهره : كل هذا عشان شغله الله يعينه ويرزقك انت وياه بالذريه الصالحه .
غيداء : امين يارب .



***


نايف : بقى 14 يوم بس ونسافر لألمانيا عامر بديت اخاف .
عامر : اثقل يا نايف هناك راح نفلها لا تخاف .
نايف : انا بفارق امي وخواتي واخواني وابوي وعمامي وخوالي وكل اللي اعرفهم لمدة 6 سنوات ترا مو سهله .
عامر : الحال من بعضه نفارق كل الناس ونختفي ولا احد يدري عنا ترا كلها كم شهر واهلنا ناسينا .
نايف : لا لا مستحيل ينسونا ترا احنا عيالهم وامي كل يوم تبكي عندي وتقولي لاتروح عني .
عامر بضحكه : ياخي حتى امي كل يوم تقول لي كذا .
نايف : والله انك خطير يا عامر ابوي من يوم كنا بالعمره وهو يمدح فينا .
عامر : افااا عليك حتى المافيا اقدر الغيها من الوجود .
نايف : ياليت .
عامر : نايف لايكون ماتبي تروح لالمانيا او مو مرتاح ياخي شوف اماني لها اكثر من 18 سنه عايشه هناك .
نايف : ع الاقل اماني تشتغل تقدر تشوف حياتها مو مثلنا .
عامر : طيب بتقنعني انك هناك بتشتغل ؟
نايف : اكيد بشتغل ولا من يصرف علي والله 20 مليون اللي انت تقول تكفي ماتكفينا شهرين ترا الوسكي هناك غالي مو مثلنا اهم شي يصرفونه .
عامر : خلاص كل ما احتجنا شي يحولون لنا اللي نحتاجه .
نايف : ياااغبي راح تتجمد ارصدتنا واحتمال تنلغي .
عامر : ايييه صح نسيت والله انك ذيب يا نايف .
نايف بمزح : اعجبك ؟
ضحك عامر : اكيد .
نايف وهو يوقف : يله بنروح نتسحر انا عازمك اليوم .
عامر وهو يوقف ويمشي مع نايف : انت ماتخلص عزايمك لي .
ضحك نايف : صدق انك ماتنعطى وجه .
عامر : ههههههههه لا والله انعطى وجه بس انت بكل وقت تعزمني .
نايف : ترا بكره فطوري عندك .
عامر : حياك الله البيت بيتك .. ممم وش رايك بكره مانصوم ترا والله تعبت .
ضحك نايف : تحس فيني انت خلاص وبكره ماراح نصوم .
عامر بتردد : بس حرام واللي يفطر يوم من رمضان عمدآ وبدون عذر كأنه قاتل نفس .
نايف بلا مبالاه ولا اهتم بالذنب العظيم اللي راح يرتكبه : ياشيخ فلها واذا كبرنا نتوب .
عامر : هههههههههههههههه خلاص .

***


المره العاشره تدق عليه ومايرد عليها .
طفشت منه " ياربي وش صار له "
قامت غيداء وخذت لها شور ولبست بيجامه ورجعت جلست بالصاله وخذت كتابها المفضل لا تحزن للشيخ عايض القرني .
كانت مستمتعه بكل حرف تقراه فاتحه الصفحه 38 وتقرأ ( اترك المستقبل حتى يأتي )
" الله يجزاك خير ياشيخ عايض استفدت من كتابك كثير الله يجعله بموازين حسناتك "
نزلت الكتاب وخذت كوب عصيرها الكوكتيل وشربت منه اول رشفه .
وشافت جوالها يرن رفعته وخاب ظنها توقعته فهد بس للاسف عمها : هلا عمي .
عبدالرحمن : ياهلا بهالصوت حيالله غيود .
غيداء : هلا بك عمي .
عبدالرحمن : وشلونك يابنتي .
غيداء : الحمدلله بخير .. شخباركم ؟
عبدالرحمن : الحمدلله كلنا طيبين .. وين انتي ليش ماتجين ؟
غيداء : والله ياعمي ماعندي وقت اجيكم وفهد مسافر .. اعذرني ياعمي .
عبدالرحمن : عاذرك ياحبيبة عمك بس كريمه ودها تشوفك وابشرك هي حامل .
ابتسمت غيداء : ماشاء الله الف مبروك .. طيب عمي تقدر تجيبها لي والله اشتقت لها .
عبدالرحمن : ماطلبتي بكره ان شاء الله تفطر عندك .
غيداء : والله لو فهد موجود لأسوي لكم احلى فطور بس مستحيه من عمي منصور .
عبدالرحمن : بس يكفي اني اسلم عليك .
غيداء : والله مشتاقه لك ياعمي .
عبدالرحمن : ياروح عمك انتي .. مع السلامه حبيبتي .
غيداء بحب لعمها : مع السلامه .
ونزلت جوالها ع الطاوله " ياربي لاتحرمني من عمي .. وابتسمت .. ولا من فهد "
كانت تنتظر فهد يتصل بس الوقت طال الساعه 2 ونص الفجر " جالي ساعه من اتصلت عليه وهو الى الحين ماتصل "
خذت جوالها وفتحت الواتس وكان فهد ( متصل الآن ) انقهرت غيداء " طيب ليش مايرد علي "
ارسلت له ( سلام عليكم )
قرا رسالتها ولا رد عليها .
انقهرت اكثر " ليش يسوي فيني كذا .. الساعه 10 كلمني مافيه احلى منه والحين مايرد والله قهر "
دخلت مدى بعد ماطقت الباب : سلام عليكم .
غيداء : هلا وغلا تو مانور البيت.
ابتسمت مدى : النور نورك حبيبتي .. من زمان عنك واخيرآ راح فهد .
طالعتها غيداء : ايـــش ؟
مدى : هههههه وربي امزح الله يرده لك بالسلامه .
غيداء : اميين يارب .
مدى : ياعيني ياغيود قبل شوي تبكين بس عشانه مسافر اشلون اذا تهاوشتو .
غيداء : الله لايقوله .
مدى : والله شكلكم تحبون بعض بقوه .. انا من يوم قلت لفهد ان وريف عندنا وتضايق غيداء بالكلام قال نادي امرتيا تطلع وريف من البيت ولا عاد تدخله إلا بإذن غيداء زوجك انهبل كل شي تحت امرك .
شهقت غيداء : وش قاعده تقولين وريف اشلون ماتدخل البيت إلا باذني ؟
مدى : والله هذا كلام فهد .
غيداء : حسبي الله على ابليسه اشلون يقول كذا اكيد وريف بتكرهني اكثر من قبل .
مدى : وانتي ليش مهتمه لها ؟
غيداء : اكرهها .
مدى : الله يعينكم على بعض .
غيداء : امين .


***


رويد بحزن : ازيال .
طالعته : whay ? ( ماذا ؟ )
اعطاها رويد الورقه وهو يبكي قرأتها ازيال وهي واقفه قدامه .

I looked at the sky and saw a number of their stars my love for you ..I saw the sea up waves reminded me Bhawki the agitation you
Not Love else you first and last passion ..

(I will leave to the national and Saudi Arabia .. Aesial because Atenseenni I will come back to you will not divide us one)
Frined you Roed

( نظرت الى السماء فرأيت بعدد نجومها حبي لك .. ورأيت البحر وبهيجان امواجه ذكرني بشوقي لك
لن احبب غيرك فأنت عشقي الاول والاخير ..

( سوف اغادر الى وطني المملكه العربيه السعوديه .. ايزيال لاتنسينني أني سوف اعود اليك فلن يفرقنا احد ,, صديقك رويد )

( *بقلمي )

وصرخت ازيال : what you do ? ( ماهذا ؟ )
رويد : i do'no . ( لا اعرف )
ازيال : i m aesial . ( انا ازيال )
مشى من عندها رويد وهو يتمنى انه مات ولا جاء اليوم اللي هو بيرجع فيه للسعوديه ويسكن هناك .
رجع للبيت وهو ضايق خلقه شاف اهله جاهزين وينتظرونه .
طالعت اماني برويد : اكيد كنت عند اللي ماتنسمى .
هز رويد راسه بإيه واخذ شنطته وطلع قبلهم ركب بالسياره ومسح دموعه وركبت جنبه ماريا اللي تبكي : رويد انت خلاص ماترجع معانا ؟
رويد : لا ماراح ارجع .
ماريا زاد بكاها : ليش ؟
رويد : اسألي امك وابوك .
ركبو عبدالمجيد واماني بالسياره الثانيه وطلعو للمطار وكان بوداعهم الهنوف وعيالها وزوجها وماريا جلست تبكي وهي تسلم على إياد : روح معانا .. ماما خلي إياد يروح معانا .
اماني بابتسامه : حبيبتي ان شاء الله إياد بيجي بالعيد .
طالعت ماريا بعمتها : عمتي تكفين اذا جيتو للرياض خلي إياد ينام عندنا .
الهنوف : ماطلبتي حبيبتي من عيوني لو تبين كلنا ننام عندكم .
ابتسمت ماريا ومشت مع امها وطالعت بإياد وهي تحس انه اخر مره تشوف ولد عمتها .
ركبو بطيارتهم وربطو الاحزمه واقلعت طيارتهم الى السعوديه .
طالع عبدالمجيد بولده اللي مو طبيعي ماتكلم بولا حرف من الصباح والحين الساعه 8 بالليل وهو انطق بولا حرف .
قام عبدالمجيد وجلس جنب زوجته : اماني .
اماني : هلا مجيد .
عبدالمجيد : شوفي رويد مو طبيعي من الصباح وش فيه ؟
اماني بهمس : زعلان عشانه بيعيش بالسعوديه تراها صعبه عليه خلاص تعود على المانيا .
عبدالمجيد : الله يعينه حالته هذي بتسمتر الى متى ؟
اماني : الله اعلم .. مجيد حبيبي والله خايفه على ولدي .
عبدالمجيد : لا تخافين عليه هو وراح يتأقلم على الجو بسرعه ويعيش مثل ماكان عايش بالمانيا .. إلا هو وين بيسكن ؟
اماني : بيت اهلي فيه غيداء وهي زوجة خاله وصعبه يعيش معاهم وهو يبي عمامه يدري ان سلطان ماراح يخليه ويمكن يدخله العسكريه .
عبدالمجيد : ايه عند امي ءامن لولدي .
طالعت اماني بعبدالمجيد : وش تقصد ؟
ضحك عبدالمجيد : امي راح تدلعه وتدلـله وانا ابي ولدي يعيش بدلال ودلع مو شده وقسوه وانا عارف سلطان والله مايخليه ولد عمتي اعرفه زين واخواني ان شاء الله بيعودون رويد على الصلابه وعلوم الرجال .
ضحكت اماني : تخيل شكل رويد بالثوب .
عبدالمجيد بابتسامه : الله يخليه لنا يارب .


***

الجوهره بابتسامه : حيالله من جانا ياهلا وغلا .
كريمه : ولك تكرم عينك إم فهد .
الجوهره : ياهلا بك حياك الله .
جلست كريمه ونزلت غيداء مع الدرج لابسه تنوره ميدي اسود بلوزه واسعه لونها ابيض باكمام طويله وماسكه من اخر يدها وضيقه من خصرها وشعرها مسدول وحاطه روج فوشي ولابسه كعب لونه ابيض وراحت لكريمه وحضنتها : ياهلا وغلا .
كريمه : اهلآ بيك .
جلسو على طاولة الطعام الجوهره , غيداء , كريمه , مدى , ساره .
وطالعت ساره بامها وهي متجاهله غيداء وكريمه ولا كأنهم جالسين معاهم : ماما متى تجي امون .
الجوهره : ان شاء الله الساعه 12 وهي واصله .
وقفت ساره : عن اذنكم .. اذا جات صلاة العشاء صحوني .
مدى : ياهبله مابقى عليها الى ساعه ونص .
ساره : وساعه ونص اشبع فيها نوم .. وطلعت .
وطالعت كريمه بغيداء : بدي اصلي .
وقفت معاها غيداء : عن اذنكم بودي كريمه للمصلى .
وطلعو كريمه وغيداء .
وطالعت مدى بامها : اش سبب كره سارونه لغيود ؟
الجوهره : كانت تبي فهد لوريف والحين تقول ان شاء الله بحريقه وريف وغيداء وفهد معاهم .. البنت هذي مدري وش فيها .
مدى : الله يهديها .
الجوهره وهي توقف : انا بروح اشوف البنت وش قصتها .
مدى : يمه والله ماينفع معاها الحكي .

...

بمصلى الحريم اللي جنب المجلس مكان مليئ بالروحانيه والايمان .
الجدران معتقه بزخرفه اسلاميه والفرشات لونهم عنابي وابيض وبالزاويه رفوف المصاحف ومكتبه فيها كتب دينيه .
غيداء بابتسامه وهي تصفط الشرشف وتحطه بالرف اللي مخصص لشراشف الصلاه " ياحلاة هالمكان "
طالعت بكريمه اللي خلصت الصلاه : كريمه خلتصي .
كريمه بابتسامه : ايه .. شو هيدا المكان الحلو ماشاء الله .
غيداء : عيونك الحلوه ياقلبي .. يله تعالي معاي ابيك بموضوع مهم .
كريمه : لكان يلا نمشي ع بيتك ؟
غيداء : يله .
وطلعو لجناح غيداء وفتحت غيداء الباب : ياهلا ومرحبا .
كريمه : تؤبريني .
ابتسمت غيداء : حياك اجلسي هنا .
جلست كريمه ع الكنب اللي بالصاله الصغيره تقريبآ 4×5 طالعة بالمجلس اللي هي جالسه فيه الجدران سماوي وبيج والكنب ايكيا اسود وسماوي وتلفزيون بلازما وطاوله صغيره من الزجاج تتوسط المجلس والمكان والبيت كله فخم وفخم حيل" ماشاء الله كل هيدا ليك ياغيداء ربنا يسعدكي "
طلعت غيداء من مطبخ التحضير ووراها خدامتين شايلين القهوه والشاهي والمعجنات والحلا .
ابتسمت كريمه : ولك شو هيدا الزين .
غيداء وهي تجلس جنب كريمه وبمزح : قولي ماشاء الله .
كريمه بابسامه : ماشاء الله عيني عليكي بارده .
غيداء : شخبارك مع الحمل ؟
ابتسمت كريمه : منيحه .
غيداء : دوم يارب .
كريمه : وانتي متى بتحملي وتفرحيني فيكي .
غيداء بحزن : هااا .. احمل ايه ان شاء الله قريب .
كريمه : شوو غيداء فيكي شي ؟
غيداء : لا بس انا اخاف من الولاده والحمل .. يعني دلع بنات .
كريمه : ولك تؤبري البي بحبك كتير انتي ودلعكي .
غيداء : ياقلبي انتي والله مو عارفه اشلون اضيفك .


***


منصور : وش هالحكي ياوريف ومين اللي قالك كذا ؟
وريف وهي تبكي طبعآ دموع تماسيح :امرتيا جات وطلعتني برا هي والحرس اللي معاها وقالت لي ان فهد يقول ماتدخلين البيت إلا بأذن غيداء .
وقف منصور وهو مصدوم من ولده : دواه عندي .. يطردك من بيتي وانا عايش .
وريف : عمي هو مايبيني اروح لحرمته وانا خلاص مستحيل اروح لها بس انا ابيكم اهلي عمي وعمتي والبنات انا ابي اروح لكم .
منصور : والله ماتنهانين ببيتي وراسي يشم الهوا .
وريف بابتسامه بين دموعها : الله يخليك لي ولا يحرمني منك يارب .
منصور وهو يمسح على شعرها : ويخليك لي .. يله اذا كان تبين تروحين معي للبيت تدخلين غصب عن اللي يرضى واللي مايرضى وانتي الداخله وهم الطالعين .
وريف : بس ياعمي انا ابيك تشوف السوسه هذي لاعاد تتكلم علي هي دايم تسبني وانا اسكت عنها .
منصور : مين غيداء ؟
وريف : من غيرها .
منصور : بس غيداء لها شهرين من زواجها ماشفت منها الزله ومحترمتنا والبنت واضح انها متدينه واخلاقها زينه .
وريف : حتى انت ياعمي توقف مع الغريبه ضدي كلكم ضدي حتى امي .
منصور : انا مو معك ولا معاها وانتي بنت اخوي وهي زوجة ولدي بحسبة بنات اخوي وبناتي وما ارضى لها الاهانه .
وريف بقهر : اشلون ماترضى لها الاهانه وهي تذلني وتشكك بشرفي قدام اللي يسوى واللي مايسوى .
منصور مو عارف اشلون ينهي الموضوع : خلاص يابنتي كلها ان شاء الله سنه وفهد متزوج عليها .
وريف بفرح : صدق ياعمي يعني بتزوجني فهد .
منصور انصدم من وريف : وش هالكلام ياوريف وين الحيا ؟
وريف : انا بس ابي قهر غيداء اللي الكل واقف معاها ضدي .
منصور : ان شاء الله بلقى لفهد العروس اللي تسعده سوا انتي ولا غيرك .
وريف " ياربي يكون من نصيبي "
منصور : يله ياوريف روحي البسي عبايتك وتعالي معاي للبيت .
وريف وهي بطريقها : ثواني وانا جاهزه .
جلس منصور ع الكنبه " معقوله كل الكلام اللي قالته وريف عن غيداء صدق ؟ "
دخل بدر : ياهلا بعمي .
منصور بابتسامه : هلا بك .
بدر : عمي ليش جاي هنا وانت ما اتصلت علي ولا على ابوي .
منصور : اتصلت علي وريف وجيت عشانها .
بدر : الله يصلحها هالبنت اكيد متكلمه على زوجة فهد .
منصور : وانت وش عرفك بالسوالف هذي .
بدر : امي تقولي على كل سوالف وريف مع زوجة فهد تبيني اخليها تترك البنت بحالها بس عجزت فيها .
منصور بإستغراب : توها تقولي ان غيداء هي اللي تطول لسانها عليها .
بدر : لا امي تقول وريف تتكلم على غيداء وتجرحها وتذلها بالرايحه والجايه وغيداء ولا مره تكلمت على وريف .
منصور : الله يصلح بينهم انا ما ادري ليش كل هالمشاكل .
بدر : الله يعين غيداء على لسان وريف .
منصور : الله يعينهم على بعض .
دخلت وريف وهي مبتسمه : يله عمي انا جاهزه .
وقف منصور : عن اذنك يابدر بوصل بنتي وريف للبيت .
بدر : اذنك معك .
طلعو وركبو بالسياره youkon اسود .
منصور : يله يامجدي روح للبيت .


***

الجوهره : ياهلا وغلا تو مانور البيت .
اماني وهي تحضن امها : ياهلا بك .. يمه اشتقت لك كثير .
الجوهره بعد مامسحت دمعتها : ياجعلني ما افقدك .
وسلمت على عبدالمجيد وماريا ورويد .
عبدالمجيد : شخبارك ياعمه .
الجوهره : بخير ياجعلك بخير .. الحمدلله على سلامتكم .. شخبارك ؟
عبدالمجيد : الله يسلمك .. وين العيال وعمي منصور ؟
الجوهره : منصور جاي بالطريق وفهد بجده .
عبدالمجيد : اهاا .. سلمو لي عليهم انا بروح لأهلي - وطالع باماني - بعد بكره ان شاء الله بجي اخذك .
الجوهره : لا ياولدي خلها عندي الى قبل العيد بيومين والله ماشبعت من بنتي .
عبدالمجيد : حاضر عمتي قبل العيد بيومين .
وطالع برويد : رويد .
طالعه رويد : هلا يبه .
عبدالمجيد : يله ابيك تمشي معاي .
رويد : لا يبه انا ابي اسلم على جدي وخوالي .
عبدالمجيد : يله ياولد ابيك تروح معي عمامك وجدتك ينتظرونك .
اماني : لا مجيد تكفى ابي رويد يجلس معي انت عارف انه مو راجع معانا .
عبدالمجيد : انا ابي رويد يتعود على الحياه بالقريه .
رويد : طيب يبه بس ثلاث ايام واروح لكم .
عبدالمجيد : بس ثلاث ايام ؟
رويد : والله لأجيك بس تكفى خلني عند جدي منصور بس شوي .
عبدالمجيد : مع السلامه .وطلع من عندهم وطالعة الجوهره باماني : وش فيه رويد ؟
اماني : يمه رويد لازم يستقر بالسعوديه خلاص كبر .
رويد : انا بروح انام .
وطلع من عندهم .
ماريا : يمه وين خالاتي وزوجة خالي ؟
الجوهره : ايه نسيت لأناديهم .
ورفعت السماعه : يله يامدى تعالو زوج اختكم طلع .
وبعد دقايق نزلو مع الدرج مدى وغيداء ووراهم ساره .
وسلمو على اماني وماريا .
اماني : شخبارك غيود ؟
غيداء بابتسامه : الحمدلله بخير .. الحمدلله على سلامتكم .
اماني : الله يسلمك ياقلبي .


***

مرت ثلاث ايام وغيداء مو عارفه فهد اش صار عليه مو راضي يرد على اتصالاتها .
تنهدت غيداء " الله يردك بالسلامه "
طالعة بالساعه 12 ليلآ .
" لازم اجلس مع البنات "
لبست بنطلون ازرق وبلوزه ابيض ونزلت تحت : سلام عليكم .
مدى واماني : عليكم السلام .
ساره تطالع غيداء من فوق لتحت : وش فيك اربعه وعشرين ساعه بغرفتك .
جلست غيداء وهي تقول : والله ما ابي اضايقكم ووجودي بينكم اكيد غلط .
اماني : افااا عليك ياغيداء وش ذا الحكي انتي وحده منا وفينا .
ساره بابتسامه : ودامك عارفه انه وجودك بيننا غلط ليش جايه ياخي احنا خوات جالسين مع بعض وش تبين ؟
وقفت غيداء وهي تتمنى انها ماتت ولا جات عندهم : عن اذنكم بنات شكلي جيت بوقت غلط .
وقفت اماني : والله ما تمشين وتسهرين معانا الليله وساره اذا الوضع مو عاجبها تذلف من هنا .
قامت ساره وهي تتأفف : انا الغلطانه اللي مقابلتكم .. اقرا رواياتي احسن لي من مقابل وجيهكم .
مدى : فكه .
جلست غيداء وهي منحرجه من البنات : والله مو معقوله اللي يصير اشلون تطردون اختكم عشاني انا غريبه بينكم .
اماني بابتسامه : اي غريبه انتي زوجة اخونا يعني اختنا ليش مكبره السالفه وساره يبي لها شوية تربيه عشان تمسك لسانها .
مدى : غيود غريبه هنا وانتي من اهل البيت ومو لازم كل مادخلتي عندنا يحصل لك موقف مثل كذا ترا ساره تستغل ضعفك .
غيداء : بس ساره يحق لها اللي تسويه انا دخيله عليكم غريبه اخذني اخوكم من الشارع وتزوجني اشلون تصير السالفه كلها مو راكبه على بعض .
ضحكت اماني : ههههههه فهود اعرفه زين والله لو مايبيك ولو مايحبك كان ماتزوجك .. قبل سنه ابوي حلف لو فهد مايتزوج وريف يزعل عليه وسافر فهد لألمانيا وجلس عندي شهرين ورجع والموضوع ماكأنه صار .. لو فهد مايبيك والله مايتزوجك صدقيني هو يحبك .
مدى : وقبل ثلاث سنوات امي زعلت على فهد شهر كامل وهي ماتكلمه عشانه ماتزوج العنود بنت خالتي يعني فهد يحبك .
غيداء بذهول : اشلون يحبني وهو .. وتذكرت تهديد فهد لها لو قالت اي شي يخص حياتهم ( وسكتت )
طالعتها اماني : وهو ايش ؟
غيداء بعد مابلعت ريقها : وهو من اول ماكان متقبلني .
اماني : والحين حياتك معاه اشلون .
غيداء ابتسم بألم : مثل السمن على العسل .
مدى : والله شكل اخوي طاح ومحد سمى عليه اول يخرج للشغل الساعه 6 الصباح ومايرجع الى 12 بالليل والحين يطلع الساعه 1 الظهر ويرجع 5 المغرب .
ضحكت اماني : ههههههههههه اي والله شكلها لاعبه بحسبته غيداء .
غيداء بمزح : طيب قولو ماشاء الله .
مدى : ههههههه ماشاء الله .. اخاف عيني حاره ومايرجع من جده الا وهو مطلقك .
تذكرت غيداء كلام فهد وانه راح يطلقها " ياربي اموت قبل لايطلقني "
اماني : الله لايغير عليكم ويرزقكم بالولد اللي يسعدكم .
غيداء من قلبها : امين يارب .
ابستمت اماني : بكره ان شاء الله يرجع فهد ونشوف هو يحبك او لا .
غيداء بصدمه : هااا بكره يرجع ؟
اماني وهي عاقده حواجبها : ليش هو ما قال لك انه بيرجع .



***


ناصر : ليش مانمشي الحين ؟
فهد : لا مافيه حجز الا بكره العصر .
ناصر : توبه مره ثانيه اروح معاك كل شي على كيفك انا اول مره اشوف واحد مثلك جدّي بكل شي حتى بوقت الفله والمزح .
فهد بابتسامه : احمد ربك اني وافقت اروح معاك لجده .. وش رايك نروح لخالتك الحين ونعطيها هدايا .
ناصر : يله نروح لها بس وين الهدايا اللي نعطيها ؟
فهد : نروح للسوق الحين .
ناصر : يله .
طلعو فهد وناصر من السكن وركبو بالسياره وقال ناصر للسايق يطلع لردسي .
وصلو المجمع ونزلو ناصر وفهد ووراهم الحرس .
دخلو محل الماس وطالع فهد بناصر : كم عندها بنت هي ؟
ناصر : امممم اربعه .
فهد : طيب اختار لنا الماس على ذوقك نبي ست اطقم .
ناصر : البنات مع امهم خمسه واحد لمين .
فهد : وانت اش عليك ؟
ابتسم ناصر : اهااا يعني للمدام .
فهد بمزح : مالك دخل .. يله اختار لنا بسرعه مامعنا وقت .
ناصر : ليه شايفني حرمه .
فهد بابتسامه : خلاص انا بختار واحد وانت تختار الباقين .
واختار فهد طقم الماس حلو مره وفخم : نويصر لاتاخذ لهم كذا اخذ لهم اقل ترا هي هديه لا اقل ولا اكثر .
ناصر : بس خالتي ماتلبس الماس اش رايك نشري لها ذهب .
فهد : خلاص تشري لها ذهب بس بسرعه .
اختار ناصر اربع اطقم الماس .
وطلعو ودخلو محل الذهب واختارو طقم وطلعو .
وطالع ناصر بفهد : وش فيك سرحان ؟
فهد : مافيني شي بس بنطلع من هنا ما احب اتمشى بالسوق .
ناصر : يله نطلع .
ركبو بالسياره وطلعو لبيت خالتهم ( ام سعد كبيره بالسن زوجها ميت وهي ماعندها الا اربع بنات وولدها سعد ويدرس بأمريكا )
نزلو ورن الجرس وفتحت لهم ام سعد : ياهلا غلا بعيالي حياكم الله .
دخلو وراها وجلسو بالمجلس .
وطلعت من عندهم وطالع فهد بناصر : والله فشله جايين بالوقت هذا الساعه 1 إلا ربع .
ناصر : ياخي تراها مو غريبه .
دخلت ام سعد ونزلت صينية القهوه ع الطاوله : حيالله من جانا .
فهد : الله يحييك .
ناصر : شخبارك ياخالتي ؟
ام سعد : بخير جعلك بخير .
فهد : وش اخبار البنات ؟
ام سعد : الحمدلله بخير .. وش اخباركم وش اخبار اهلكم ؟
فهد : الحمدلله بخير .
ناصر : محتاجه شي ياخالتي .
ام سعد : لا والله مو محتاجه شي الله يكثر خيركم ابو فهد جاني قبل يومين وغطى بيتي بالخير الله يطول بعمره .
فهد : انتي تستاهلين كل خير ياخالتي .
ام سعد بابتسامه : الله يسلم يمين ربتكم على الطيب .
ناصر : امين .
فهد وهو يعطي ام سعد طقم الذهب : هذي هديه مني انا وناصر ان شاء الله تعجبك .
سالت دمعة ام سعد ومسحتها وابتسمت : الله يخليكم لي يارب .
واخذ ناصر الاكياس اللي فيها هدايا البنات ونزلهم ع الطاوله : وهذي للبنات .
وقف فهد ووقف معاه ناصر : عن اذنك ياخالتي احنا لازم نمشي .
ام سعد : لا تسحرو معي .
ناصر : والله احنا بس جايين نسلم عليك .
ام سعد : يالله تسلمهم من النار .
طلعو فهد وناصر بعد ماسلمو عليها .


***

انتبهت غيداء لزلتها : هااا .. لا هو قالي بس يقول الليله بيرجع .
مدى : ههههههه اكيد ازعجتيه وانتي تسألينه متى يرجع وسكتك بإنه بيرجع الليله .
غيداء مو معاهم " اشلون بيرجع بكره وهو ما قالي .. ومن انا عشان يقولي عن شي يخصه "
وقفت غيداء : عن اذنكم .
اماني : غيداء وش فيك اختبصتي كذا فهد ما راح يتأخر كثير .
غيداء بعد ما اخذت نفس عميق : انا بروح انام تعبانه من امس مانمت .
اماني : سلامتك من التعب بس ياقلبي لا تاخرين على السحور لازم تجين .
هزت غيداء راسها بإيه ومانطقت بحرف وطلعت للغرفه " بكره بيجي ؟ "
اخذت جوالها واتصلت على فهد : الوو .
جاها صوته وشكله صاحي من النوم : هلا ياغيداء .
غيداء بغصه : ليش ماقلتي انك جاي بكره .. انحرجت قدام اهلك .
فهد : اوووه نسيتك وربي نسيت لأقولك .
غيداء بقهر : طيب ليش ماترد على مكالماتي ؟