[فيتامين سي]

بسم الله الرحمــــن الرحيم..
صباحكم جمعه طيبه طابت بذكر المولى
صباحكم الصلاه على قدوتنا وحبيبنا,,
وعطر لصحفنا 100استغفار
*
تشرفت بضيوفي الجدد..حياكم بين صفحاتي المتواضعه..
اتمنى يعجبكم البارت..وقتي كان ضيق ي الله قدرت
اعدل فيه..امس ماقدرت انزله والحين وربي بنزله
بعجل..لانو بطلع وماراح ارجع الا متاخر


البارتــــ السادس



بكيت ليلتها وناديت..ما فاد
وظليت أناديلك لك وأناديك وأعيد
عوّدحبيبي ليت اليام تنعاد
يا كثر ما تنسى حبيب المواعيد
بكيتك لحالي وأنا كنت معتاد
تموت وتتركني مثل ليلة العيد
كم كنت محتاجك تجي كنّك رقاد
تمطر من كفوفك صلاة وعناقيد
احتجت لك طفلٍ كسر قلب الأعياد
واحتجت لك طيش وشباب وتناهيد
واحتجت لك شاعر له أحباب وأضداد
واحتجت لك رجال يخشى المناقيد

احتجت لك .. واحتاج لك ظل وسناد
العمر ينقص واحتياجي لك يزيد

هي اللي اختارت الوحده بتصرفاتها المميته
طالع الناس اللي قباله كل واحد في حاله واكيد
همومه اكبر منه
ضغط على راسه بالم. وبحده..:كل شي بمزاجي لو
مــابي تشوفينها احلمـــ
قاطعته بصوت باكي يقطع القلب .وبهمس يعشقه
حيل ..:غـــانم تكــفى
غمض عيونه وهي يحس بقلبه يتحرك بعنف يمقته
وبهمس مشابه...:كنت بتموتينها بنفسك ولا حابه
اذكرك باللي سويتيه ؟؟كنت بتزلينها ولا ناسيه؟؟
فتحت فمها بصدمه..

وشلوون قلب الموازين لصالحه.
.واختار سالفه تجرحه وتجرحها..
ضغطت على بلعومها بقوه.. تمنع غصه جديده
تعورها وتفضح المهاا..
وقفت بضيق ..وشلون تفهمه قصه عيى يسمعها
قبل خمس سنوات ..
حاولت تشرح له قبل كل شي بس صدها ..بدون
حق رمى عليها الطلاق وتركهــا
متيقنيه ان تصرفها بدون علمه غلط
بس العواقب فوق تصورتها المحتمله بكثير
عشقها له اعمى عيونها وترك نار الغيره تفكيرها الوحيد..
حاولت تكبت غضبها عن اسوء ذكريات مرت بحياتها
تنهدت بالم وبغرور..:اعتقتد مايحق لك تتكلم في امور مرت عليها سنين..كل اللي ابيه بنتي ..ابي اكلمها ..
ابي صوتهاا..
رفع حاجب وهو يبتسم بسخريه .لو كانت قدامه
اكيد ما كان بيرحمها بعد كلامها اللي تجرأت تتمرد
فيه ..
عقابها ها لمره غيير ..بيحرق قلبها وبيتركها
مجروحه كسيره..:اممم الحين ماتقدر تكلمك جالسه
تتلعب مع حبيبتي ..وبصوت اعلى.ماتدرري عنك
شهقت بصوت ميت..قدر يرجع لها الصاع صاعين
عمره ماكان معاها كذا
ماعلمها القساوه والوجه البشع
بنته وحبيبته فوق طاقتها بكثـــير
ماقدرت تمنع دموعها ماتنزل .. عنده حبيبه و
بنته ..وانـــــا مين لي؟؟؟...
صوت بكاها قاعد يقطع قلبه ويشتته..
يبي يهديها .يمنع المها ,يكذب احروفه..
يبي يحرقها اكثر .يعذبها .يستمتع بوجعها..
حرقة السنين اللي راحت شاعله جواته ماطفت
بلعت ريقها وهي تحاول تجمع صوتها وبثقه كذابه..:
اجل خلها وياك مابيها عفتها مثل ماعفتك ..
مانتظرت وحشيته ولسانه المتسلط
سكرت الخط بينها وبينه
بسرعه قبل يعرف كذبها وتصنعهاا
رمت نفسها على الارض ..تبكي الم البعد والفرقى
تجاهلت جوالها اللي رجع يتصل برقمه الكريه
ماتدري عن الحقد اللي سببة كلامها الاخير..
روح لحبيبتك وانا بعيش حياتي بدونك وبدون بنتك
...
احمــد
.
.
وقف مستغرب في ايش تفكر لدرجه انها مانتبهت
له..
ابتسم بتسليه وهو يشوف ملامحها تتغير للغضب..
كح بصوت عالي وبسرعه ضحك بصوت اعلى بعد
مانقزت من مكانها بخرعه
ياهـــو يستمتع بتخويفها ووهبالها..
ي حبه لشقاوتها وجنونه..
طالعته بقهر ..بعد ما رمت عليه القلم..:سخيف
بعثر شعرها وهو يجلس بجنبها..:افـا سخيف مره وحده
حركة راسها بالنفي وهي تشد شفايفها..: لا لا قصدي سخيف ونذل ودوبــ و

سكر على فمها بيده ..طالعها بحده مصطنعه..:كفايه
احترميني على الاقل
ابعدت أيده بدون لاتعلق على كلامه.. شغلت التيفي
بصمت غريب عليها..ماعلقت ولاهوشته زي كل مره
طالعها بتركيز ..استغرب استسلامها وهدوءها
حس القلق بدى يتسلل لقلبه ..طالعها بخوف يكون
فيها شي كايد مخبيته عنه؟؟؟
قرب منها اكثر بعد ماكان بعيد ..وبقلق..:وعد فيك شي؟؟
حاولت تخفي توترها من قربه اللي صارت تلاحظه
دائما.. وبهدوء..:صاحبتي استلمت نتيجة مادتين لي
......كلها ما تبشر بخير
اول مره يشوفها حزينه تتكلم بهدوء. مسك يدينها
وعيونه بعيونها ..:تقدرين تعوضهينهم بالاختبار النهائي
صح؟؟؟
طالعته بتوتر ورجفه..
ماتبي يستمر ها لقرب والتفاهم
البعد اسلم لها وله..
ابتسمت بقوه وهي تسحب أيدها وتضرب راسه بخفه
..:ي مجنون فكر زين ها المدتين ما راح أعوض درجاتها مستحيل
عقد حواجبه وبستنكار.:مافهت ليش مستحيله؟؟
كتمت ضحتكتها وهي تتربع..:ابيها ترد العين عني.
اخفى ابتسامتها على استعباطها وبعصبيه مصطنعه.:
ي ويلك تجيني راسبه بذبحك
ضحكت بتسليه..:اجل اذبحني من الحين اختصر
على عمرك..
تنفس بعمق وهو يشوف ضحكتها عشقه المجنون.
رجعت تناظر المسلسل توهمه باندماجها مع الاحداث
طالعها بتمعن..ماتغيرت تي شيرت لون وبنطلون لون
مناقض تماما للون التي شيرت..
شعرها مرفوع بربطه على فوق ..
ملامحها حره من اصباغ المكياج وابداعه
مد ايده شبكها بيدها وبنبره مختلفه.:ـوعـــــد
شتت نظراتها بسرعه وهي تبلع ريقها بصعوبه.
ماتبيه الحبيب الرومنسي ..يكفيها احمد اللي
تعودت على طبيعته وقوته وكبريائه..
صدة وجهها للجهه الثانيه ... تسمعه يناديها بهمس
خاص فيه..
ماقدر يصبر مايشوف وجهها قباله .مشاعره تعصف
قلبه وتشتته..
مافيه يكابر اكثر ويطنش مشاعره
لف وجهها جهته ...ابتسم بعشق وواضح ..
شاده على عيونها بقوه ..عاقده النونه
رجفة اصابعه تحت ذقنها لخبطت افكارها
قرب وجهه منها اكثر.. صوت انفاسه اربكتها اكثر
مافيه صبر يكون بعيد عنها اكثر ويتعامل معها
برسميه
التقى معها رغم رجفتها ورفضها اللي مامنعه عنها
طوقها بتملك وهو يعبر عن مشاعره بطريقته المختلفه
غصب عنه تملكته وفازت بقلبه
وغصب عنها خضعت لقوته وهمسه
يعشقها ومايطيق وقته بددونها...
يغيب عن العالم بس تكون قربــه
....
ام قصي بالقصــر
.
.
جهزت الحلى مع عمتها اللي حبتها وارتاحت لها
ولباقي بناتها
نشفت ايدينها .. ناويه تطلع تصلي فرضها قبل
يجيون الضيوف
تحركت بنعومه جهة شروق اللي جالسه تجهز
العصير وبدلع.:شواقه ابي اطلع اصلي ممكن
تشوفين الدرب
شروق وعيونها على الصواني.:اطلعي حبيبتي
مافيه احد
تحركت بخطوات سريعه عشان تتاكد من اللي
ببالها
دخلت الغرفه بسرعه .اتجهت للبلكونه تتاكد
اذا لساته موجود او راح ؟؟؟
رجعت بخطوات بسيطه على ورا ء بعد ماعرفت
سيارته..
ليش فهــد يجي لبيت عمتها ويلتقي بالجد وعمها عبدالله
يكون وافق على شروطها؟؟
امتلت عيونها دموع ... تتذكر ردة فعله لما
طلبت طلاق زوجته الثانيه..رفض بكل غرور
ورفض اكثر انه يتنازل مقابل رجعتها له ..
طلبت الطلاق رد بكلمه وحده اشربي من البحر
يعني هالشي مستحيل..
تعرفه جبان اقل ضغط بيطلقها بسهوله
طالعة بطنها .. خايفه شكها يتاكد وتكون حامل
ماتحس باعرراض الحمل.بس املها تكون حامل
ويضطر يطلق ويرجع لها..
حلفت له ماراح ترجع له وعنده غيرها
يكفي بسببه اعتذرت عن دراسة الترم.
تذكرت حقدها الكبير على عزام ..حلف انه
راح يعذبها ويشوه حياتها وقدر يوفي حلفانه..
ابتسمت بقهـــر,,
اكيد مبسوط بشين حالي وقاعد يتشفى
سمعت صوت عمتها تنادي عليها
مشت بخطوات مهزومه للحمام ..تتخبى فيه منهم..
الين تختفي ملامح حزنها وتلبس قناع القوه
والكبرياء...
غمضت عيونها تمنع دموعها تنزل ..صوته في اخر
مكالمه ما راح عن بالها.
فهد بجمود..:اذا بترجعين حياك تجلسين مع امي
سالفه بيت لحالك انسي
بلعت ريقها بصدمه..اللي قاعد يكلمها غير عن فهد
المسالم الطيـــب.انسان جديد تجهله.
تنهدت بصمت وبياس.:اذا طلقتها مستعده اعيش بخرابه
ما اشتكي
تافف بصوت عالي وبطفش..:اعتقد مافي حل الا اطلقك
......لاتناسبيني ولا اناسبك
ضحكت بمرار مافاتته..:الحين تو تكتشف ي فهد الحين
مانناسب لبعض؟؟تاخرت كثير ي اخر انكساراتي

!!!!

....
قدام البحـر..خالد



جتني وقالـت خـذ بقايـا هدايـاك
وهاك الرسايـل وأعتبرهـا نهاايـه

وخل ذكرياتي والصور دووووم وياك
مابيـك تنسانـي وتنسـى هـوايـه
سحب سيجاره جديده بعد مانتهى من اللي قبلها
واللي قبلها..
يحرقهم بشراهه وباله لبعيــــد
كل يوم يمر بحياته تكبر همومه ومشاكله
..تنهد بتعب ماحد قاعد يحس بتعبه والمه..
تذكر طلاق وله وانهيارها بسبب الانسان الي وثقت فيه
حياتها خيبات×بفقد×بحرمان
ماقدر يقنعه يطلق زوجته ويكتفي بـ وله
ضميره يرفض يبني سعاده على تعاسه احد
لايام متامل ان زوجه المزعوم كذبه من عزام..
تاكد بنفسسه من اعتراف فهد عن صحة الزواج
تافف بصوت عالي ..بكره تنطوي احزانها باحسن منه
ومن اخلاقه..
بعثر شعره بضيق ومــلل
صوت بكاء شهد لساته يعذبه اكثر
ابتسم بالم. وله ماتحب فهد غير انه وسيلة امان تحتمي فيه..
بس شهد تعشق غانم وطاريه
كلهم بذمته .
.وعشمهم فيه كبير وبعيـيد
قلبه يعذبه اكثر بس يذكر انه سبب زوجها من صاحبه
اقنعها فيه ووعدها انه يحميها مثل ماعاشت ببيت
ابوها واكثر ..
ي ليتني مامدحت لك غانم ولاعرفتيه
ياليتني ماصدقته واحرقت قلبك فيه وعليه
طالع البحر بتشتت وارهاق لازم يكلم عبدالله يرجع
وتين .
.يكفي اللي قاعد يسويه في الطفله الصغيره .
مستحيل يجلس بدون لايسوي شي يريحه
صعب يتجاهل مشكله هو سببها من الاول..
قطع تفكيره صوت الجوال اللي دق اكثر من مره.
.رد بدون لا يطالع الرقم
وبجمود .هلا
تنفس بعمق ...زايد .. اقرب اصحابه اللي
مايخبي عليه شي ويا عزام
طالع البحر ..يسمع المطلوب منه .. اوراق
العمل لازم يرسلها بريد لمركز تابع لزايد وفرقته
عقد حواجبه كيف نسى عنها رغم حرصه بالعمل
حرك راسه بالايجاب وبهدوء.:اوكيه ساعه وتكون
عندك
زايد ركز بصوت خالد المتعب.. فز بقلق .. ناسي
موضوع التقارير وبقلق واضح..:خالد صاير معك شي؟
خالد بجمود..:ولاشي ي بن الحلال .والاوراق اللــ
قاطعه بقهر.. وضع خالد اللي قاعد كل يوم يدهور
اكثر من قبل يقهره ...:انت وينك الحين؟؟
تنفس بعمق وبهدوء..:قدام البحر
الحين تاكدت شكوكه .. صاير مع خالد شي كايد
ولا ماراح للبحر يشكي له ..
ويهرب من اهمومه..
قفل من خالد بعجله ..اتصل بعزام يلاقيه هناك
تعودو ثلاثتهم يشكون كل اللي بحياتهم لبعض
مستحيل ينسى غــانم اللي كان صديقهم الرابع
طلاقه من شهد قطع كل شي بينهم يربطهم
. تركهم من نفسه وعزام وخالد كرهو وجوده
وقف سيارته بعد مالمح سياره خالد على الطرف
مركونه
جلس بجنبه بعد ماسلم عليه واخذ اخباره
التزم الصمت منتظر خالد يتكلم ويريحه
سرحو لبعيد .وكأن البحر يفتح جروح مدفونة ميته
انظم لهم عزام وبان عليه الضيق من جوهم الكئيب
طالع بزايد وبتفكير.:اش رايكم نطلع البر كم يوم
وضع خالد مزعجه ويدري بعشقه للبر والقنص
مايرضى يشوفه ضايق ومايهتم لضيقه..
مالقى حل الا البر يسليه ويغير جوه
خالد بجمود.:انا عني اسمحو لي مالي خلق
زايد بعصبيه.:خالد وش هالحاله معك اللي يشوفك
يقول بنص الاربعينات شايب وشايل هموم الدنياء
ي خي ماتتعب ماتمل؟؟؟
ابتسم على كلام زايد وبضحكه.:افا صرت شايب
يعني ما عاد فيه احد يقبل فيني
عزام بسخريه.:اشوفك قاعد تفكر في الزواج عقب
ماحلفت لها ماتعرف غيرها..
طعنه جديد توسمة بصدره
هـــم جديد تنفتح اوراقه
تصلب جسمه ..شد على فكه بقوه .. انفاسه انحبست
جواته من قوة الالم اللي عصف فيه
زايد بقهر ..:عــزاام مايجوز لك ..وبعدين لاتنسى هالامور اتفقنا ندفنها
رجع عيونه على خالد اللي واضح عليه الجمود والحده
لازم يوقف عزام عند حده.. يكفى انه بدى ينسى عنها
تنهد بالم . قليل يفرحون وينبسطون مع بعض
طالع خالد اللي وقف وابعد عنهم .يمشي ..باله لبعيد
..قرب اكثر من البحر وكأنه ناوي يمحي
صوت افكاره باصوات الاموج القويه
مستحيل ينساها حتى لو ماذكروا طاريها
همومه اللي يفكر فيها ما جابة طاريها اليوم
ليش يجيبون ذكرها؟؟
مارحموه ولاقدرو حاله بدونها؟؟
ضغط على راسه بعجز ..لازم يطلعها من باله
ماهي له صارت لغيره ما يجوز له يفكر فيها
مايجووز له..مايجـــووز له
باعت برخيص.. ماتستاهل تزيده هم وتتعبه
.
اختنق وهو يتذكر كلام عزام عنها..تنهد بالم وباله
يعيد ذكرياته معاها..
.
.
يضحك مبسوط على تعليقات اصحابه ..التفت لوراء
لما سمع صاحبه صفر دليل اعجابه باللي كانت ماره
قريب منهم..
انصصدم من طاحت عيونه عليها .. لاهيه مع
صاحباتها تضحك وتاكل باسكن..كاشفه .شيلتها
على شعرها باهمال..
عض على شفته بقوه وهو يستغفر بصوت عالي

ضغطة ارتفع حده من تصرفها.. حسنها الملفت استفزه وقهره..
رجع يطالع اصحابه وباسلوب مرح مصطنع صرفهم
لمكان ثانـي
لبعيد عنها وعنه..
رجع عيونه عليها ..مقهور كيف سمح لها غانـــم
تطلع بهالشكل بدون غطاء يستر ملامحها
مشى جهتها بخطوات سريعه .بدون تفكير سحبها بايدها قدام الكل..
مايهمه احد ولايحسب احساب لكلامهم..
مافاتــه صدمتها وخوفها اول ماسحبها بقوه..
شهقت برعب ..طالعته بخوف ورجفه..
هدت مقاوتها بعــد ما عرفته
مسكت ايده بيدها الثانيه وبالم..:خالد بسك عورتني
وقف وهو يطالعها ..صدره يرتفع وينزل من الغضب
خافت من نظراتها ووجهه الي صايره ملامحه تخوف
ضغط على اسنانه وبحده..:من جابك هنا؟؟
بلعت ريقها وبتوتر.:غانم وشهد
رفع حاجب وبسخريه.:وليش يتركك اخوك دامه
مايعرف المسؤليه؟حتى الغطاء ماغطاك ماكانك تستحين؟؟
فتحت عيونها بصدمه وبدلع فطري.:انت مالك دخل
فيني .ولاعاد تسوي هالحركات مره ثانيه لانـــ
قاطعها بصرخه قويه وهو يجرها معه للمحل اللي
مقابلهم..:شوق ولا كلمه انكـــــتمي.
ضربة ايده باعتراض وبقهر..:شيل ايدك تعورني
طنش حركاتها اللي تزيده غضب
دخلها المحل .طلب نقاب ثقيل فتحته ضيقه
عيت تمد ايدها تاخذه وهو ياشر لها تلبسه
تجاهل حركتها المعارضه... قرب منها يلبسها النقاب
بصبر
رمته بحده بعد ماثبته بغضب
طالعها بحده وهو يرجع يلبسها بحرص
متجاهل صوت بكاها اللي يعذبه حيل ..رفض
ترجع لصاحباتها اللي كرهم ..اتصل بعبدالله عرف
مكانهم واتفق يجونه بالمكان اللي حدده.. مايبيها تروح لغانم ويشكون بشي ..واضحه بعيونها الدموع والزعل..
احتار كيف يتصرف عشان تهدى
وقف مشى وهو ياشر لها على محل الايس كريم
وببتسامه..:تعالي ناخذ باسكن
صدت عنه وبارهاق.:ابي غانم
مد ايده بتوتر ..مسك ايدها .سحبها بهدوء تجلس
مقابل له على الكراسي الموجوده بالمزروع
احساسه وهي جنبه يتعدى الحدود..
الذ واروع شعور يحسه لما يشوفها او يتكلم معها
ما كان يبي يزعلها ..تصرفاتها الطفوليه تقهره
الغطاء قاعد يرضيه بصوره كبيره
ابتسم ..تفرك ايدينها بتوتر وعيونها عليها..
شتت نظراته عنها وبعمق.:شوق انا مافرض عليك
اشياء غلط .. انت كبيره المفروض ماتكشفين وجهك
قدام الناس مابقى شي وتدخلين الجامعه وانت تصرفاتك
تصرفات اطفال
ضحك على نظراتها المصدومه من كلامه
وانبسط اكثر انها رجعت تتكلم ويتغير مزاجها
شدت على نقابها بضيق وبتافف.:وانت تصرفاتك
تصرفات الشياب الطيبين الله يرحمنا..انا مقتنعه
مابي اتغطى
ضحك اكثر متجاهل جملتها الاخيره ,,وبزعل مصطنع.:انا شايب ي البزر
ضحكت على ملامحه برضى.. قدرت تزعله. وبثقه.:
الا جد جدي بعد .مسكين بس كم يوم وتفطس واتصدق
بنقابك المعفن
ركز عيونه بعيونها الشقيه..:بس هالشايب بينشب لك
وعياله من بعده ماهم مقصرين
توترت من نظراته وخافت يكشف اللي جواتها له
وبتردد..:وش دخلني بعايلك بعد تبي تبلشني فيهم
ابتسم بحب وهو يهمس لها بعد ماطاحت عيونه على
غانم وشهد اللي جايين جهتهم.: مجبوره
تتحملين ابوهم اللي حلف مايعرف غير امهم
رجع لارض الواقع على صوت زايد.. يناديه للعشى
تنهد بالم..مابقى له الا الذكريات .. راحت
ماوفت له ..ولاتحملت الظروف ..
كره غانم وشهد وكرها لانها ماوقفت معه وقدرت تحل
الامور وتصبر مثل صبره,
مسرع مابعدته من حساباتها ورضت بولد العــم..
احترق قلبه عليها مثل ماحترق قلب عبدالله على بنت اخوه.
افترق عن صديق عمره وخسرها وخسر شهد بنفس السنه..
خسارته فيهم خذت نص عمره من التعب
الله اللي يعيضك ي قلبي المسكين
...
وعـد



حضنت نوره بقوه من وافقت تنام عندها.. ضحكت
بصوت عالي لما قرصة نوره على يدها لانها شدت
عليها وعورتها
نوره بالم.:وجعوه ي العصلى كسرتي عظامي.
تمددت بعد ماضربتها بخفه على راسها وبفخر..:احم اانا اوعيد مو حيا الله
نقزت وبصوت عالي ..:ي هبله عورتيني صار
راسي يقربع بسببك كل شوي طاقتني عليه..
كشت عليها ..:مالت عائلتكم حديد ماتعرف
القربعه..
كشرت وهي تسم على نفسها وعلى اهلها ..اخذت
البحث..يتناقشون بشكله النهائي..
وعد جابت العصير بعد ماخططت تسوي مقلب فيها.
التفتت على نوره المرتبكه بعد ماردت على الجوال
نوره بخوف وهي تمد الجوال.:احمد يبيك وبهمس
مره معصب
عقدت حواجبها وهي تاخذ الجوال وبنعومه:هلا احمد
احمد بقهر وصوته عالي .:انت متى تبطلين تطنيش
كم مره حذرتك تردين على جوالك لما اتصل .انت
ماتفهمين ولا كل هذا غباء
غمضت عيونها وبقهر مماثل.:ماسمعته
تنرفز اكثر من ردها البارد. وبغضب..:عمرك
ماسمعتيه ..انا اصلا مدري كيف متحملك.
قفل الخط قبل يسمع ردها..
حس انه بينجن لما ماردت ..
تعب يتصل ويتصل ..مافيه خبرولا احد يطمنه
طول الوقت متوتر عشان تعبها المستمر من فقر الدم اللي تعاني منه الفتره الاخيره
يخاف يصير لها شي وهو بعيد عنها
ماعرف انو نوره معها الا لما اتصل بابوه وخبره
عن نوره انها بتنام عندهم
حس بفرحه كبير مع خوف .. وجود اخته عندها
معناته مافيها شي ..صوتها اكبر دليل انها طيبه
ماعليها شر..
ماحس باصابعه اللي صارت بيضاء من كثر
ماكان شاد على جواله
تنفس بعمق .. مشتت المفروض ماهزئها واحرجها
قدام اخته
غلطت بنظره اللي ماحست بمشاعره وخوفه
عليها..
رفع عيونه على اصحابه .. لاهين عنه ..الراحه
اللي يحس فيها من ساعات تبخرت بعد اللي صار
تافف بصوت عالي وهو يدور على مفتاح سيارته
ناوي يقطع السهره اللي اتفق عليها مع اصحابها
. ويرجع لها
زعلان منها مقهور.. بس قلبه يبي يكون بنفس
المكان اللي يحتضن ريحة عطره
....
عنــد شهد



تكررت عقب البطا والتقينا = من عقب مامرن سنينٍ طويلات
في صدفةٍ فيها حشا مادرينا = ولاهقينا نلتقي عقب مافات
لاشك جابتها الليالي وجينا = رغم الفراق ورغم ذيك المسافات
في موقٍف بان التوتر علينا = لحظه تلين إبها القلوب القويات
قالت شلونك قلت ربك عوينا = الحمد لله عاضني عقب لوعات
الله رزقني في هنوفٍ تبينا = احيت خفوقٍ كان بعداد الأموات
هي نور عيني فرحتي والضنينا = ألقابها عن ظيقة الصدر سجات
قالت سليت وقلت عقبك سلينا = لكن عقب مالاعنا الحب مرات
قالت شلون وقلت لاتسألينا = مافات فات ولا تفيد الحسوفات
قالت تكلم قلت مهما حكينا = الدمع ماينفع عزيزٍاليامات
قالت نسيت وقلت لامانسينا = لكن قنعنا والقناعه من الذات
قالت أروح وقلت وش في يدينا = روحي عسى في كل خطوه سلامات
بصبر على فرقاك مهما حيينا = ولا تشوه صادق الحب زلات
قالت على ماكنت دنيا ودينا = تكرم ونكرم عن دروبٍ رديات
قلت اسمحيلي قبل لاترحلينا = يم الديار اللي علينا بعيدات
تراي ذخرٍ لاحدتك السنينا = اجيك مهما واجهتني صعوبات
من اليوم اخوك وغيرها ما بغينا = كلي فداك ان صار بالوقت ميلات
وتبسمت بإعجاب مدري حنينا = وتهشمت قدام عيني بعبرات
قالت فمان الله قلت انتهينا = واقفت تكلم نفسها بس بسكات
وقفت تقديرٍ لها ثم مشينا = دربٍ مشوه اهل القلوب العفيفات
امشي واردد ليتنا ماالتقينا = وش جابها عقب السنين الطويلات
ابتسمت بحب وهي تودع وله عند البوابه الفاصله
بين قصر الجد وقصر عمها خالد..
مدت ايدها وشبكتها بيد بنتها الصغيره..
مفاجئه خالد لها بجية وتين اسعدتها لابعد مدى
حنانه وتعاطفه معاها يعوضها عن ابوها وفقدانه
ضحكت براحه وهي تشوف عيون وتين تلاحق
فراشه ملونه تدور قريب منهم
ماقدرت تروح الدوام الا ووتين معها ..
شقاوتها صارت عشقها وراحتها..
تخاف تفقدها من جديد وينفطر قلبها..
مرت على جدها وعمها عبدالله سلمت عليهم وطلعت
لغرفتها بالدور الثانـي
فصخت عباتها وبسرعه شالت وتين ..صارت تبوسها
بقوه
وتين بقهر..:ماما اسناني تعورني عشانك
ضحكت بصوت عالي وبمرح.:لا يانصابه وتعرفين
تكذبين بعد
ضحكت مع شهد لانها كشفتها وضحكت عليها
نزلتها من حضنها وقربت تطلع ملابس مريحه لها
ولكتكوتتها
وتين ببراه..:ماما متى اروح العب مع فارس
تشنجت ايدها عن الحركه ..عيونها غورقت دموع
رغم كل شي تسويه الا ماهي قادره وتين تنسى
ابوها واخوها..
مالها الا ساعات بعد غيبة ايام وتسال متى ترجع لهم
بلعت غصتها وبتوتر.:اليوم العصر بروحك تلعبين
مع عمار وميس
حركت راسها علامه الرفض وبعبره.:بس ماحبهم
شالتها بحنان بالغ وبنعومه.:بس انا ماقدر اجيبه ي روحي لانه بعيد
صفقت بحماس بعد ماسكتت ثواني تفكر..:بكلم بابا يجيبه يلعب هنا..
تنفست بعمق..:حبيبي مايصير
حاولت تقنعها بطريقتها تنسى تكلم ابوها بس هي طفله
ماقدرت تنسى عن وناستها ولعبها
لبستتها بجامه نيمتها على السرير ..وعدتها تكلم ابوها بس تغير لبسها وتصلي
حاولت تتاخر قدر المستطاع الين تنام الوتين ..
ماتبي تكلمه بعد اخر خلاف صار بينهم..
صوته وهي يردد حبيبتي لساته عالق بذاكرتها..
...كل محاولاتها كانت فاشله
طوت سجدتها ..لفت تناظرها ..كيف جالسه تنتظرها
ملانه...
وتين بطفش.:يلا ماما
حاولت تسيطر على رجفتها ..اخذ جوالها تتصل
على رقمه
مدته بسرعه لوتين اول مافتح الخط ..بعد ماحطته على المايك
وتين بحماس..:بابا
عبدالله عدل صوته بعد ماكان مصدوم من اتصالها
المفاجى..وبحنان..:ي روح البابا انت..كيفك ي روحي
وتين بخجل طفولي.:بابا جيب فارس يلعب معي
ضحك بصوت يملاه الارهاق وبخشونه.:خلاص
تجهزي بعد شوي بمرك اوديك للبيت تلعبين
معه
يتكلم وباله مع اللي اتصلت لبنته ..متاكد انها قاعده
تسمعه وهو يسولف ..جاهل تماما عن ضحكته اللي قلبت حالها وتركت قلبها يدق بقووه
وتين بزعل.:لابابا جيبه هنا ماما عيت اطلع
رفع حاجب وبصوت مقهور وبقصد..:اعتقد الماما
تعرف مين اللي يكلمك خليها تبطل حركات اطفال
عضت شفايفها بقهر وبهمس وصله.:الله اعلم مين
اللي يسوي تصرفات ماسخه
قفل عيونه وبحده ارعبتها.:وتين اعطيني ماما وانت
روحي تابعي كرتون عشان اجيب لك فارس..
سحبت الجوال وعيونها على بنتها اللي تركتها وياه
لوحدهم ...تنفست بعمق وببرود.:نعـم
شد على اسنانه وبغضب ..:بنتي اليوم بمر اشيلها
ومتى ماحبيتي تعالي شوفيها ..سمحت لك كثير
بس انت مانك وجه نعمه..صدقيني لو خالد ماطلبني
يشيلها ولا ماطلتيها..
شهقت وبحده مماثله.:ماتقدرتاخذها مني.. انا اللي
تعبت عليها وانت عايش حياتك ماتدري عنها..
لاتتقوى بوتين لو سمحت
ضحك بقهر..:بليزانت بالذات لاتتكلمين عن
بنتي لولاي بعد الله ولا كان تخلصتي منها ..وبسخريه
اكثر..مثل اللي قبلها وقبلها.. والحين ماراح
اخسر بنتي كمان بهبالك بشيلها تعيش وياي..
شدت على شعرها بتوتر تحاول تخفيه
وبثقه مزيفه..:ماتقدر دام ابوي العود فيه بيذبحك
قبل تاخذها
رفع حاجب وبثقه اكبر.:ماراح يذبحني لما يعرف
اسبابي وخاصه عن سوايا حفيدته اللي مخدوع فيها
ضغطت على فمها تكتم شهقاتها وبصوت مخنوق..:
لاتظلمني كفايه .....صدقني انت ماتعرف شي
عقد حواجبه وبتجريح.:انتي بالذات اخر وحده
تنظلم .والحين كلامي اعتقد مفهوم واذا تبين
بنتك تعالي معاها ماعندي مانع
فتحت عيونها وبتعجب.:انت قاعد تستهبل وشلون
اجي بيتك وانــ
قاطعها بخشونه.:برجعك لاتخافين
سكت بعد ماسمع شهقه مكتومه جرحة قلبه ..
جالس يفرض نفسه بحياتها رغم كل شي
حس ان الثواني دهر من صمتها المييت
يبي يسمع جوابها.يبي يتاكد هو ايش بالنسبه لها
يبيها ترجع لذمته عشان يكسر غرورها ويادبها
من جديد
خمس سنوات تركها تعيش بحريه والحين لازم
ترجع تحت اعيونه وبامره
شهد بقوه..:مستحيل ارجع لك لو تمووت
انصــدم ..ماتوقع ردة فعلها بتكون بهالشكل
كان يحلم بس كل احلامه ســرااب
شد على جواله وبتكرار.:لو امووت؟؟!!
شهد بثقه رغم الرجفه اللي بينة بصوتها..:مستحيل
دامك متزوج وحده ثانيه..
ارتاح رغم النار اللي تشتعل جواته من
كلامها.
.ماهي رافضته.. رفضها على زوجته والحياه
المشتركه..
ماعترضت عن وجوده بحياتها ماحتجت
نسى عن غيره شهد بحكم خبرته عنها وعن الشريكة
بالذات
ولا أي مبرر ممكن يطفي اللي جواته
تنفس بعمق وهو كارها وبخشونه .:اللي عندي قلته
ولاتفكرين ممكن ابيع زوجتي عشانك ...ماعتقد
فيه مقابل يستاهل التضحيه..وبصوت اعلى يلا
في امان الرحمن
قفلت منه .. رمت جوالها على الجدار بقوتها
دموعها مغطيه الرويه عنهاا..مخنووقه مثل كل مره
تسمع صوته وكلامه
جلست بتهالك.:اكرهك اكرهك يالنذل انا اسواك
واسوها اكرهكم كلكــم
...
احمــد
ارتاح جزئيا وهو يفتح الباب .ضحكتها واصلته
صوت استهبالها مسوي جو يشرح نفسه
مشى بخطوات ثقليه ..دخل الغرفه اللي جالسين
فيها. طالع نوره ورجع ركز عليها وهو يرمى السلام
عليهم
جلس بجنبها بعد ما لاحظ أنها تتعمد ما تناظره..
ابتسم بخفه وهو يحط ايده على كتفها يقربها جهته
..:شكلي خربت عليكم وناستكم
ابتسمت نوره وعيونها على رغد المرتبكه وبعياره.:
وعد كانو بعض الناس فهمو على نفسهم
شال غترته بعد مالاحظ صمتها.. رماها على الطاوله اللي مقابلته
تمدد وحط راسه على فخذها .. لساتها تتجاهله ماتبيه
وبصوت رايق.:المشكله في الحبايب اللي لساتهم
يستحون مني
ارتبكت من بداية دخلته.. تدري انه حاس بزعلها ومتاكده انو نوره حاسه بالوضع

نطت بسرعه اول ما نتبهت على نوره تاشر انها بتتركهم لوحدهم
ساوات الخداديه تحت راسه بدون لاتناظره
وبتوتر.:بروح اجيب الكوفي ..
ماتبي تكون معاه لوحدهم,,
كلامه يجرحها بالصميم ,,
مااهي حمول جروح جديده
تنهدت بصمت
مثل ماتوقعت قام يلحقها للمطبخ.. تجاهلت همسه
باسمها ..بتتعبه مثل ماتعبها.. واقف بجنب الباب
يتكلم عن ندمه ..
قاعده تتحرك باليه ..متظاهره بعدم الاهتمام لوجوده
ماقدر يقرب لها بعد ماوقفته بالم واضح
وعد بغصه..:تكفى اطلع براء ماقدر اتكلم معك الحين.
ركز بعيونها..دموعها حايره بوسطها
احتار كيف يتفاهم وياها .
وجود اخته بالبيت يمنعه يجازف ويقرب منهاا

.انسحب بهدوء لغرفتهم الين تهداء
قرر بس تنام نوره بيرضيها وياخذ بخاطرها
فرحت انه سمع الكلام وطلع ..غسلت وجهها ونشفته
بعجله..
شالت الكاسات بهدوء..طلعت لصاله الجلوس
قبل يرجع لها ويحقق معها..
فزت بخوف اول ماجلست ووزعت الكوفي
لفت بخوف جهة الباب على صوته الغاضب .:
وعـــد تعالي بسرعه
ارتجفت بعنف ...مافيها تتحمل منه اكــثر
خافت من نظراته اللي قاعدة تهددها بالويل
ماقدرت توقف وتمشى لــه بثقتها المعتاده
قرب بخطوات سريعه .. متجاهل اختـه اللي
تناظره بتعجب من تصرفاته الغريبه عليها
طالعت وعد اللي بسرعه وقفت قباله .. قريب منها
مايفصله عنها شي وو
لاتغرك الضحــكه..

مخــــرج



كانت له عدّلَ عشر رقاب..
وكتبت له مائة ُحسنة ٍ،
ومُحيتْ عنه مائة سيئةٍ،
وكانت له حرزا ً من الشيطان يومه ذلك حتى يمسي
ولم يأت أحدّ أفضل مما جاء به إلا أحدٌ عمل أكثر من ذلك "

" من قال : لا إله إلا الله وحده لا شريك له ، له المُلك، وله الحمد ، وهو على كل شئ قدير فى يوم مائة مرة كانت له عدّلَ عشر رقاب وكتبت له مائة ُحسنة ٍ، ومُحيتْ عنه مائة سيئةٍ، وكانت له حرزا ً من الشيطان يومه ذلك حتى يمسي ولم يأت أحدّ أفضل مما جاء به إلا أحدٌ عمل أكثر من ذلك "
رواه البخارى 4/95 ومسلم 4/ 2071
* وعنه قال : ومن : سبحان الله وبحمده فى يوم ٍ مائة مرة ٍحُطت خطاياه ولو كانت مثل زبد البحر "
رواه البخارى 7/168 ومسلم4/2071
* وعن أبى هريرة رضى الله عنه قال :
قال رسول الله: : " من قال حين يصبح وحين يمسي: سبحان الله وبحمده مائة مرة لم يأتِ أحدّ يومالقيامة بأفضل مما جاء به إلا أحدّ قال مثل ما قال أو زاد عليه "
رواه مسلم 4/2071
* وعن أبى أيوب الأنصارى رضي الله عنه عن :
رسول الله قال : " من قال لا إله إلا الله وحده لا شريك له ، له الملك ، وله الحمد ، وهو على كل شئ قدير عشر مرات ، كان كمن أعتق أربعة أنفس من ولدّ إسماعيل "
البخارى 7/167 ومسلم بلفظه 4/ 2071
*






البـــــارت الجاي..الثلاثاء او الاربعاء..لو حصل عندي وقت فاضي بنزله قبل