[لامارا]

البــــــــــــــ (22) ـــــــــــــــــــــــار ت


سبحانك اللهم وبحمدك اشهد ان لا اله الا الله استغفرك واتوب اليك

طمأنينة حـــــب♥♥♥


هدوء انفاسك ولحن كلماتك
همس حبك وطهارة روحك
وذاك القلب الذي امتلكني
هل من الممكن ان تكون لي وحدي ؟!!





تقدمت منها عمتها عزيزه بابتسامه عريضه وشوق عميييييق
حضنتها برفق: حلويتي
تجمعت الدموع في عينها وهي تسترجع ذكريات هالحضن الدافئ


.. : عميييمه اهــــــئ
توها راجعه من الكليه وعلى طول لبيت اخوها يحيى وحيلها مهدود
فزت على بكى هدى اللي كان غلاها غير عن الكل : لا لا ياروحي وش فيك مين اللي ضاربك
مدت هدى يدها وقالت بطفوله: اهـــئ سعد ضاربني
سحبتها وهي تجلسها بحضنها : ياعمري انا اوريه هالسعد ليه يضربك

....
همست لعمتها ببحة بكا : اشتقت لك
ضحكت عمتها : راحت ايام ام سبع سنين
ابتسمت هدى وهي تفك نفسها من حضن عمتها لاتبكي اكثر : عميمه
ناظرت عزيزه لعيون هدى :ليه هالهم ياروحي
نزلت هدى نظراتها وسكتت
شدت عزيزه على يد هدى وهي توصيها بالقوه اللي تفقدها كل ماجابو طاري طلال








انتهى من عشاه : اكرمكم الله
توجهه للمغاسل بس انفجع من اليد اللي وقفته
لف وهو عاقد جبينه لكن سرعان مافك عقدته
العم يحيى: تبي تشوفها
رجفة توتر مرت عليه بلع ريقه بصعوبه ونطق بعكس اللي كان بيقوله : إيــــــــــــه
فك يد طلال وهو يحس براحه : اجل اجهز لجل ادخلك
مشى وخلاه يحاول يستوعب اللي فيه هو اللحين






توهقت هديل : قصري صوتك قطع في هالوجهه
هدى بعناد : ماني طالعه له
هديل : يالليل البعارين استح على وجهك موقفه خالي عند الباب ومتعبته
هدى بعصبيه : انا قلت من اول طلعه له ماني طالعه
هديل : وش اقول لخالي اللحين
هدى : قولي له هدى ماتبي تشوفه
: ههههههههههههههه تبينه يموت علينا
لفت هدى براسها على عبير وحست باحراج كبير
عبير بابتسامه تجلس بجنب هدى: خلاص انا انهيت لك الموضوع
هدى باحراج : انا
قاطعتها عبير وهي تمسك بيد هدى:ماصار الا كل خير
سكتت هدى باحراج وهي تسب بنفسها






امريــــــكا......

: جمـــــــــــــــــــــــ ــــــــــــــــــــال
جمال: ولزز يمسك بلاعيمك
رمش بعيونه بحركه سريعه :ياه على جدتي ودعاويها والله يا اني مشتاق لها
جمال : هههههههه يقطع شرك وش تبي مزعجني
سامر : وش رايك تطلع معي نتمشى
جمال وهو يتمدد على الكنبه ويمسك الريموت : مالي نفس
سامر بجديه : بس انا ابيك تطلع معي
رفع عينه لسامر وشاف الجديه بملامحه جلس وهو يطفي التلفزيون : مشينا




دخلت الشقه مع ام بشاير : بنااااااااات البيتزا وصلت
انوار من الصاله : حي الله الحامل والمحمول
سوسن: والله المحمول ماتدري عنها
بشاير : ههههههههه المهم انك عارفه نفسك
سوسن : اجل انقلعي مالك شي عندي
بشاير بجووع : لاااااااااااااااااااااااا اا
ام بشاير : ههههههه بدي يوم واحد ماتتهاوشوا فيه
بشاير حضنت انوار اللي بدت تفتح البيتزا : ربي يخلينا لبعض
انوار بقرف : وع وع وع وخرررررررررري قرف
شدت بشاير بعناد عليها واعتراضات انوار وقرفها من هالحركه زادت بعد مانطت سوسن عليهم
ابتسمت ..ربي يديم ضحكتك يابنتي...






انتهت الملكه من غير أي شي يذكر
صعدت لغرفتها بتعب رمت بنفسها على الكرسي
: اخخخخخخخخ ياظهري
لمى بنعاس: انا بنام اذا اذن صحيني
عذاري وهي تمسد بيدها على ظهرها : لمووي قومي بدلي على الاقل
لمى : هممم ماقدرت بنام
قامت لعندها وهي تسحب البطانيه من تحت لمى : على الاقل تغطي لاتاخذي برد
غطت لمى ومشت لغرفة التبديل وتفكيرها بالمكالمه اللي سمعتها
... سمر لاتكون هي نفسها سمر اخت هنادي
اهووووو اكيد ماقصدوني انا
,,ضربت راسها ,, انسي ياعذاري خلاص انسي ..

خذتلها بجامه ودخلت على الحمام اللي متصل بغرفتهم
فتحت الدش ودخلت تحته وهي متجاهله برودة المويا المهم انها تبعد كل شي يؤلمها





فتحت باب بيتهم وهي تتثاوب بكسل
ضربها سعد على فمها : كم مره اقلك غطي على فمك ..ابعد يده بسرعه بعد ما حس بلعابها فيها .. قرررف
مشاعل بضحكه: تستاهل
مرت حياة بهدوء من عندهم وصعدت على غرفتها
سعد وعينه عليها: وشفيها
مشاعل بحزن : شافت اعز صديقه لها بس ما عرفتها
سعد: مين
مشاعل : انا ما اذكرهم مره بس امي عرفتهم ..لو انت تذكر جيرانا القدامه على ما اعتقد محمود المنوار
سعد : اييييييه اذكره واليوم شفتهم في الملكه
مشاعل: ايه بنته هي اكبر سر بالنسبه لحياة
حرك يده على شعره: الله يعين
مشاعل بتغير جو: بيعطيك المفعول بعد 10 دقايق
ناظر لها باستغراب وبعدها صرخ لما فهم قصدها وهو يركض للحمام لجل يغسل يده وشعره






طلعت من الحمام وهي تجفف شعرها بالمنشفه اللي بيدها راحت عينها للورقه اللي على الكرسي
: الله يسامحك ياعبير ليه عطيتيني
نفضت راسها وهي تحاول تتجاهل امر هالورقه بس الفضوووول ذابحها وخصوصا انها من شخص تكرهه
رمت المنشفه من يدها وتوجهت للكرسي جلست عليها وسحبت الورقه فتحتها بتوتر ونبضات قلبها القويه اللي زادت من توترها
قفلتها بسرعه وهي تاخذ نفس : ياربي وش فيني توترت كذا
طالت نظراتها فيها واخيرا تشجعت وفتحتها

...............................
وبنتظر منك ياهدى موعد لقى وبنسمي هالوعد عُمر
زوجك/ طلال
......................





يوم جديد
9:40ص
قلبت الخبز بين يديها وعينها عليه
نزل باستعجال وشماغه بيده
..الله يستر كريم بيقتلني ..
وقف عند المرايا الكبيره اللي في المدخل
لبس شماغه باستعجال ومشى بيطلع بس صوتها التاعب وقفه
لف براسه وشاف زولها بالمقلط مشى لعندها وباس راسها: صبحك الله بالخير يالغاليه
ناظرت له :علامك مستعجل
جلس بجنبها وهو ماسك يديها : يمه تحسي بشي
حركت راسها بلا: بس فيني تعب بسيط من ليلة امس
طلع جواله من جيبه ضغط على جوال اخوه كريم جاه صوته المعصب
ناصر:السموحه يابو خالد انا ما اقدر اجي الشركه ...ناظر لملامح امه الشاحبه .. امي متوعكه شوي وابي اوديها المستوصف
هدت نبرات كريم الغاضبه : امي وش فيها
ناصر : مدري تقول حيلها مهدود من ليلة امس
كريم : اجل ودها وطمني
ناصر : ان شاء الله.. في وداعة الله
الجده شريفه : انت ماتفهم مافيني شي
ناصر : ملامحك ذابله والتعب هادك وتقولي مافيك شي
قام من عندها متوجه لغرفتها :باجيب عبايتك واجي .. رحمممممممممممه تعالي ساعدي ماما





امريــــــــكا...

غط وجهه بالمخده ماله خلق يداوم
سافر بفكره لكلام سامر معه
......
جلس بجنب البركه في الحديقه القريبه من شقتهم
سامر : جمال بسألك بصدق
جمال بلع ريقه : تفضل
سامر وعينه بعين جمال: تحب سمر
سكت جمال ولاقدر يزيح عينه عن عين سامر
سامر: من متى
جمال بهدوء:من وقت ماكنا صغار
سامر : ونايف يحبها من متى
وضحت الصدمه بملامح جمال
سامر وهو يبعد عينه عن جمال : يعني تدري ان نايف خطبها
جمال: انت وش دراك بذا كله
سامر بعصبيه : تؤامي يعني برايكم اني ما احس فيها
جمال : وش تبي اللحين من ذا كله
سامر : ابي راحة اختي
جمال : يعني وافقة على نايف؟؟
سامر : لا ماوافقت او بالاصح نايف ماوافق
..شبك اصابعه مع بعض .. نايف خلاها لك وانت بقيت ساكت ولاتحركت
رفع عيونه لجمال ..متى بتخطبها
جمال : بعد ما ارجع
سامر : وتهقى امي وابوي بينتظروك
جمال باستغراب : سامر انت مخبي عني شي
سامر بعصبيه : اختي من كثر ماترد الخطاطيب وهي منتظراك ساروا الناس يتكلمون ويطعنون فيها
جمال بتعقيده : ومين اللي تكلم
وقف سامر وهو منقهر من بروده جمال : انت اللي همك من اللي تكلم ومن اللي ماتكلم
لو تبيها عجل وإخطبها ولا وربي انا بنفسي اغصبها على نايف
مشى من عنده وكل غضب الدنيا بوجهه







فتحت عيونها على وجهه سطام
جلست وهي عاقده جبينها لما شافت الكل عندها بالغرفه : وش فيكم
نفثت ام سطام براحه : تحسي بشي
عذاري باستغراب : لا
نطت لمى لعندها وهي تصيح
هديل واثار النوم في وجهها : لاحول بدا فلم لمى
وقف سطام وهو ينكش بشعر عذاري : يلا قومي خذيلك شور وانزلي افطري قبل لاتخلصه هديل عليك
كانت وراه ضربته بقوه على ظهره : تراني وراك
تألم من ضربتها : اوووووو
لف عليها بوجه غاضب
هربت هديل بسرعه قبل لايقوم قيامتها
مسكت وجهه عذاري : عذور انتي بخير
ناظرت عذاري للمى باستغراب : الحمدلله
رفعت نظراتها لسطام وخالتها حست ان فيه شي مو طبيعي
عذاري : انا فيني شي
قدم سطام وجهه من ووجهها وحط عينه بعينها :وش اللي حلمتي فيه



انتهـــــــــــــــــــــ ـــــى