[اسطورة !]

سوري على التاخير ضيوف وتعب

كنت برد على الردود بس يطلعوا الضيوف برد على الكل
*************************************


البارت الساابع
************************
في بيت رعد
غرفة رعد
صحي وسهاد تسحب الجوال عن السرير شالته وجلست جنب الكومندينه ظهرها للجدار تونست الجوال مفتوح فتحت الواتس
حست احد يناظر لها رفعت راسها رعد مدكي ويناظر لها بنظرات غضب
بسرعه رمت الجوال عليه وقامت ركض ناحية الباب
رمى البطانيه وهو يوقف ويركض وراها:اوقفي عندك
فتحت الباب وطلعت ركض ناحية الدرج
طلع رعد من الغرفه سمع المشكله الي تحت
ترك سهاد ونزل لتحت بكل برود وراسم ابتسامه على وجهه
وقف عند ابوه وامه ب الصاله
ابورعد بصراخ:اصلا انتي عندك احترام لنفسك 3 اسابيع مارجعتي للبيت حتى عرس ولدك ماجلستي فيه
ام رعد:وانت ناسي نفسك مهيت في الاردن اسبوعين ما احد حاسبك
ابورعد:بس هذا الي تبينه تطلعي وترجعي بدون ما احد يحاسبك
ناظر لرعد:على وش تتبسم وتضحك هذي تربيتك انتي شوفيه تربية يدك داشر صايع ضايع هايت ب الشوارع بلا هدف وتارك زوجته ب البيت
ام رعد:طلع يشبه لك انت على طبعك ونفس تربيتك
رعد: انتوا على بالكم ربيتوني صدق انتوا ربوا انفسكم واجلسوا في البيت بعدين تعالوا تكلموا على راحتكم انتوا ماكنتو يوم موجودين في البيت على شاني ولا ساعه كنتوا فيها معي ولا تدرون عني فين ما اهتميتوا فيني ولا سالتوا عني بيوم حتى يوم تخرجي من المدرسه ومن الجامعه ماقلتوا لي مبروك ولا تدرون حتى وش وظيفتي وجايين تتكلمون على تربيتوا كملوا مسرحيتكم وخلوني وتربيتي برا عنها تكلموا بشي جديد رامي وزوجاته مثلا او وين مشااغلكم بكره
طلع الدرج
ابورعد:شايفه اخر تربيتك
ام رعد:هذي تربيتك طلع شبيهك
دخل لغرفته وقفل الباب بقوه
جلس على السرير واخذ جواله من الارض
ورسل رساله لسعود:فاظي
سعود رسل :الطوارى فاظيه
رعد:جاي لعندك
سعود رسل:والسفاره
رعد رسل:بيروح فهد عني قال على طريقه
سعود:اجيب شاي لما تجي
رعد:خلها قهوه مركزه قويه راسي بينفجر
سعود:سلامة راسك وش حصل لك تعال نتكلم
رعد:جاااي
حط جواله في جيبه ولبس جورابه والجزمه
ومر من عند ابوه وامه وهم شوي ويضربوا بعض ولا انتبهوا له قفل باب الشارع بقوه
*******************************
في بيت ابوهشام
لبست اميره عبايتها
ووسام يفطر انفتحت نفسه على الاكل جابت له صينيه
اخذت كتبها وطلعت مفتاح الغرفه من جيبها:وسام انت بتنام صح
هز راسه وهو ياكل
اميره:بقفل الباب من برا طيب
سحبت جواله عن الطاوله وحطته في شنطتها بدون ماينتبه:انت نام وانا بقفل باب الغرفه
طلعت وقفلت الباب ب المفتاح
نزلت وراحت مع السواق والشغاله للكليه
دخلت من الباب تفسخ عبايتها جو حارسات الامن فتشوها وفتشو شنطتها
شافت البويه نوال او يحيى واقفه عند الباب منتظره ااحد
جت اميره لعندها
سلام
صافحتها:هلا وعليكم كنت منتظرتك
اميره:جد
لبست نظارتها الشمسيه وهي تبتسم:ايه تاخرتي
اميره:انتظريني ب الكافتيريا ادخل المحاضره وارجع لك
نوال:الدكتوره هناء غايبه رحت لقاعتك قبلك
اميره:مشكوره والله مادرست زين امس وهي لازم دوم تسال عن المحاضرات اليوم دورك تبي قهوه
هزة راسها ب نفي:لا ابي بايسون خلينا نمشي
مشوا مع بعض
اميره:من هذا الصباح لا
نوال ابتسمت:خايفه على صحتي مومشكله شاي ب الحليب
جلسوا ب الكفتيريا
اميره جابت قهوه وشاي ب الحليب وجلست:كيفك اليوم
نوال:تمام بشوفتك تصدقي طول الليل ظليت افكر فيك
اميره ب ارتباك وخوف:ااا للييش
نوال طلعت اوراق من جيبها:فكرة بلون يناسب شعرك بنسوي قاعدة الصبغه عسلي والباقي اشقر ثلجي
اميره:ليش
نوال:مو انتي قلتي بتغيري زوجك
اميره:لازم اصبغ شعري
نوال ارتكت لطاوله:لازم تكوني مقنعه رح تليق الصبغه على بشرتك وعيونك وبتفتح لونك وتبرز ملامح وجهك ولما ترسمي حاجبك بتطلعي واو
اميره شالت صورة العارضه من يد نوال:تكفي ملابس رح تحرق الصبغه شعري
نوال:مو بس ملابس تصرفاتك طريقة كلامك شوفي الدلوعات كيف يتكلموا وتعلمي منهم من شفت زوجك البارحه مع الهيئه غسلت يدي منه
اميره:شفتيه
نوال:حضرة كل المعركه والبنات صوروا كل الي حصل
اميره تفرك كتفها: انا اتمسخر طول اليوم على الدلوعات فجئه اصير مثلهم
نوال:صراحة بدون زعل لازم تغيري مشيتك ووقفتك ليه تميلي على جهة وانتي واقفه كانك ب تضاربي احد
اميره:خلاص يحيى حطمتيني قسم ب الله
ضحكت بصوت تحاول تخليه رجولي:هههههههههههههه لبى قلبك يا اميره
*****************************
في المستشفى
دخل رعد ل قسم الطوارى يدور عن سعود
حصله يرجع مسحات طبيه في كرتونة
نط رعد منسدح على السرير قدام سعود:معي حموضة
سعود:من عصبيتك طول النهار ياخي بيجيك الضغط وقرحة ب المعده هدي اعصابك وخذ نفسك قبل لا تعصب على اتفه الاسباب
رعد:شوفلي اي مضاد حموضة بسرعه
سعود:قوم معي لصيدليه
نط رعد واقف
دخلوا لصيدليه سعود يدور عن مضاد للحموضه:وش جرى معك
رعد:امي وابوي ماعليك من الموضوع
سعود شال شراب مضاد للحموضه وجاء لعند رعد:وبعدين
رعد:باين المشكله بسببي والي صار امس
سعود فتح الدواء يحط بملعقه بلاستيك بيضاء:الله يعين
رعد:ارجع للبيت م احصل احد منهم كل واحد طار لبلد
سعود:حاول تحل المشكله افتح فمك
رعد فتح فمه حط سعود الدواء بفمه
بلع الدواء:انا احل مشاكلهم مارح اقدر احلها الا اذا انتهى عمري وانتهيت
سعود:بسم الله عليك هم يموتوا قد عاشوا حياتهم وشبعوا من الدنيا خلهم لحالهم هم ومشاكلهم 10 دقايق ويعطي الدواء مفعوله وترتاح
جلسوا بقسم الطوارى
رعد:دايم الصباح عندكم كذا فاظي
سعود:العيادات الخارجيه شغاله او كانت الطوارى مزحومه الحين تتفاجى بحادث وتزدحم الطوارى اعوذ ب الله كثرة الحوادث ب اليوم 4 حوادث وتوصل ل 7
رعد:الله يجيرنا منها انت الحين لا تنكد علي خلنا بمواضيع تبسط قلبك
سعود:ابشرك عطوا مناف تاشيرة خروج وعودة بس بمدة محدده
رعد:لو اب مناف موجود ورب العزه رح اقتله انا قد كل يوم تعذب فيه مناف بسببه
سعود:الله يعلم بضروفه يمكن مسجون ب السجن او مو سعودي رحلوه لخارج البلاد
رعد:وكيف جدته سعوديه
سعود:انا قلت ابوه مو امه يمكن امه سعوديه شفت لون عيون مناف عسلي فاتح
رعد:حتى انس عيونه عسلي مودليل على جنسية ابوه او امه
جاء اب شايل ولده راسه مجروح ويبكي:ااااااااااااااا
رعد:شوف شغلك
سعود:دقيقه
شال الولد وجلسه على الكرسي:كيف انجرح راسه
عاين الجرح كويس:محتاج 3 غرز
جاب ادواته وخاط الجرح وكتب له مرهم وادويه
رجع جلس مع رعد يفسخ القفاز:طلعت جواز سفرك
رعد:باقي له سنه قبل اجدده
سعود:استغفر الله العظيم نسيت بعد العشاء بروح اخطب مع ابوي ابيكم تجو معي
رعد:قول قسم مبررررررروك اخيرا يلا اثنين وخلصنا منهم باقي اثنين فهد ومحمد
سعود:نخلصهم بسرعه ونجهز ل الملكه بيوم واحد انت خذ الثانيه واعرس معنا
رعد:والله انها فكرة منتازه الثانيه
سعود:هي امزح معك توك عريس مالك اسبوعين متزوج تخطط لثانيه الله يبعدنا عن خراب البيوت
رعد:وش بك خراب بيوت حقي اتزوج 2 و3 و4
سعود:شوف انت اشوف مستقبلك الحين مثل اخوك رامي جاي اقطب لك ب 6 غرز ب راسك ويمكن احط لك ثلج بمكان ثاني لا مو من حقك الزواج الثاني والثالث له ضوابط وشروط دامك مرتاح في بيتك وانت وزوجتك بصحه ومعك عيال ليش تجيب زوجه ثانيه مثل ما انت تحس ترا البنت تحس 3 اضعاف احساسك خلك في بيتك مرتاح بلا وجع راس بلا وجع قلب وانت من الحين تفكر ب الثانيه هذي وراثه بينكم فيه جين بدمكم
رعد:جين ولا باترك هههه
سعود:ههههه اقول غير الموضوع لسا ماتزوجت الاولى وخليتني افكر ب الثانيه جلستك تنشر بكتيريا
رعد:ههههههههه خلك بنفسك مستعد تروح
سعود هز راسه يمين ويسار:لا
رعد:ليه
سعود:ابغى وقت استعد موراضي على روحة اليوم
رعد:فكر بغيرك قبل نفسك انت وحيد اهلك يبون يشوفون عيالك وشوف كم عمرك الي ب اعمارنا معهم 3 او4 عيال واكبرهم ب خامس ابتدائي وماضايقوك بموضوع الزواج مثل اهلي واهل محمد خلوك براحتك وزواجك واقف عليه 4 زواجات ف جهز نفسك وروح الحين او بعدين مافي فرق
سعود هز راسه:ان شاء الله خير
رعد:وحنا اذان المغرب بنجي لبيتك وقت طلعتك نطلع سواء
سعود:افكر نطلع كلنا لبيت جار مناف ياخي حرام نتركه كذا شايف شكله كيف صار
رعد:كلم ابوك ورح يرضى على طول تعرفه يحب مناف عكس ابوي وابو محمد وابو فهد ب العيد فكرته بيخترق مناف بنظراته
سعود:نتفق على كذا وارسل للكل يتجهزوا بنجمع مهر عروس مناف
****************************
في المستشفى الدولي
دخل شايل مازن النايم وقف عند الموظف:تحاليل الحمض النووي ل طلحه ومازن
سحب الورقه من الدرج:طلعت النتايج الفجر
ابومازن:وش النتايج
الموظف:مافي تطابق بين العينات انا جداً اسف بس هذا الولد مو ابنك ولا له اي صله فيك
حس بقلبه زاد نبضه ونار تمشي بكل دمه:انت متاكد
هز الموظف راسه ب اسف:النتايج نهائيه الولد مو من صلبك
طلع من المستشفى وهو لسا مو مصدق يحس ب دماغه من جوى يغلي
*********************************
في كلية التمريض
طلعت اميره من القاعه وجوال وسام يرن في شنطتها
طلعته هشام يتصل بك
حطته صامت ورجعته في الشنطه
حصلت نوال واقفه عند الكفتيريا
جت اميره:ماعندك محاضره
نوال:هلا وانا بعد انبسطت بشوفتك لا اليوم عندي اوف
اميره ضحكة ب ارتباك:ههههههه لا بس استغربت وقفتك هنا
نوال مالت على الباب:معي نوووم جيت ل العميده ب اخذ جوالي اخذوه بداية السنه والحين ب القوه رجعوه وكمان مافي شحن خايف لو الجوال اخترب برجع البيت واوصله ب الشاحن
اميره:انا خلاص خلصت محاضرات ومنتظره السواق
نوال ب ابتسامه:وش رايك نروح الصالون
اميره فتحت شنطتها طلعت المحفظه تشوف الي فيها:خليها بيوم ثاني
نوال:خليها علي اليوم
اميره:لا صعبه
نوال سحب يد اميره معها:رجعيها لي بعدين
اميره:تاخر الوقت صعبه بها الوقت
نوال:شعري طال ودي اقصه نلعب ب انفسنا اليوم وش عليه
اميره:بكره احسن اكون جبت معي فلوس
نوال:بكره مارح اجي للكليه معي تدريب ب المستشفى كلمي سواقك يوصلنا
**************************
في المطعم
دخلوا سعود ورعد يطلبوا الغداء
صاحب المطعم:سلامات ياالعفاريت وش سويتوا سحبتكم الشرطه
رعد:قمنا بعمل ارهابي كبير بس في النهايه طلعت رصاصه طايشه جت بهيكل سفينه وطلعنا بعد حبس 11 ساعه في مكان معفن وسخ
سعود:وصفت كل الحدث يلا جت سليمه الحمدلله خذ طلبنا
صاحب المطعم:تبغو طلبكم اليومي ولا شي جديد
رعد:خلنا نغير وش تبغى انت
سعود يناظر للورقه المعلقه على الجدار فيها كل الطلبات:والله يا اخي اي شي يندرج تحت مسمى اكل نبلعه سلطة انس اول شي
رعد:خذ الي ااقوله لك
صاحب المطعم:الكبسه شي ضروري
رعد:حط عليها ادامات
الضابط دق على كتف رعد وسعود:انتوا
لفو له
الشرطي:وين الاربعه الباقي
رعد:خير وش حصل اليوم ترا ماسوينا شي قضينا الليل في بيوتنا اي مصيبه مو حنا سويناها
الشرطي:امشوا قدامنا
رعد:لا مو من جدك
سعود:ب اقل شي قول لنا وش سوينا رجعت الشركه اشتكت او شي
الشرطي:ب المركز تعرفوا وين نحصل الاربعه الباقي
سعود:بيجوا الحين
الشرطي:اجلسوا
بدوا جلسوا دخلوا محمد وانس وفهد معهم عبدالرحمن ومناف
محمد:لا اله الا الله رعد بوش نكبتنا الحين الله يفكنا منك
رعد:اقول كل زق بس ماسويت شي
الشرطي:قدامي لسياره انتوا السته يلا البزر بتاخذونه
فهد شال عبدالرحمن:ووين بنرميه هنا
الشرطي:اجل قدامي
رعد:توقف عند بيتي نرميه فيه ونروح مكان ماتبون
الشرطي:لا تعطلونا للمركز قدامي
طلعوا كلهم في شبك المساجين بين الشمس
كانهم مجهولين ممسوكين من حرس الحدود
وقف عند بيت رعد
ونزل فتح لهم الشبك:ارجع بسرعه
رعد شال عبدالرحمن وهو ينزل دخل عبدالرحمن لصاله وقفل الباب
رجع لشبك وجلس جنب فهد قفل عليهم الشبك الشرطي ورجع يسوق السياره
انس يحك راسه:حر
محمد فسخ جكيته وحطه على راس انس:خلها على راسك لما نوصل شوفوا الناس كيف يتفرجوا علينا
مناف:متاكد ماسويت مصيبه ولا واحد منكم سوا شي من هنا او من هنا
سعود:تونا جايين من اشغالنا يمكن انتوا سويتوا شي ب الوزاره او ب السفاره او الاحوال
انس:لا ماسوينا شي
وصلوهم ونزلوهم خلاص بيموتوا من الحر عرقانين جلدهم صار لونها احمر
دخلوهم لعند ضابط
رعد يفك ازارير بلوزته ويوقف تحت المكيف:ان شاء الله يكون معكم شي مهم
الضابط:ماخذ راحتك ان شاء الله
طلع الفلوس من الشنطه ورماها على الطاوله:مبلغ ال50 الف الي سلمتوه كله مزور
سعود:خير
فهد:مزور
الضاط:كامل المبلغ مزور عدا 10الف و40 ريال
مناف شال رزمة فلوس يفتحها يناظر للفلوس:بس عاديه زي اي 500 عاديه
الضابط:هذا من النظره الاولى كل الفلوس شريط رصاصي يثبت انها اصليه
سعود سحب خمس ميه وقطعها نصين :شباب الفلوس مزوره من صدق
الضابط:هذا الي اقوله من نص ساعه انتوا كلكم سلمتوا ها المبلغ والي موقع على الايصال الاستاذ والشيخ محمد مين منكم
محمد:انا
الضابط:من وين جبتوا الفلوس
ماعندهم اجابه فعلا مايدرون من وين جت الفلوس
مناف:الفلوس فلوسي
الضابط:انت صاحب الفلوس
مناف:ايوه عطيتهم سلف
رعد:وكمان فلوسي لي مبلغ فيها انا دفعته
انس:وانا لي مبلغ فيها
محمد:وانا لي مبلغ فيها
سعود:وانا لي حصه فيها
الضابط يضرب ب القلم في الطاوله:شوفوا وحنا ندور عنكم قالوا الناس اذا حصلت واحد تحصل الجميع امسك واحد بيجوك كلهم والحين فهمت قصدهم بتفهموني انتوا ان الفلوس المزوره لكم كلكم
محمد:وشايف غير كذا
الضابط:يا عسكري خذ اول واحد اعترف
شال بطاقة مناف:خذ مناف وبس
رعد:انت ماتسمع قلنالك لنا كلنا
الضابط يقلب البطاقات:رعد ابوك معه اكبر شركة مشروبات في جده ومحمد ابوك معه معارض سيارات وشركات مقاولات سعود اعرف ابوك اكبر محامي بكل المملكه ومعه شركات محاماه
محمد:ويعني قلنا لك الفلوس لنا كلنا وش دخل هذا
الضابط:انتوا وين التقيتوا من عايلات مرموقه اصحابهم ناس بلا عايلات ومن الطبقات الكادحه
رعد:وانت وش دخل اهلك وين التقينا خلك بتحقيقك
الضابط فقد اعصابه بس حاول يكون هادئ:اني ساكت على مهزلاتكم هذي مومعناتها اني متسامح ياضابط ارمي ذولا برا وتحفظ على مناف ب الحجز بتجي المكافحه تحقق معه
سعود:ووش دخل المكافحه ب امر التزوير
الضابط:ياشرطي ارميهم برا او اوقفك انت بدالهم
سحب مناف وطلعه للحجز
كلهم لحقوه يمشوا وراه:مناف
دخله للحجز وقفل الباب:انصحكم تمشون قبل لا ادخلكم جنبه
محمد:دخلنا يلا افتح الباب
الشرطي:امشوا من هنا احسن لكم
مناف:سعود تعال
جاء سعود لعند مناف
مناف:اسمعني روح كمل خطبتك ولا تعاند اليوم تروح مع الشباب تتمم خطبتك
سعود:انت فكر بنفسك وانا رايح اجيب ابوي
مناف:لا روحوا الحين انت تمم خطبتك وارجع بشرني بعدين وجيب معك ابوك اسمعني سعود من شاني لو صدق ان لي معزه عندك اتروح تتمم كل شي وترجع تبشرني انا ماعلي شي هنا ولا رح اموت هنا الحجز فيه مكيف وفراش وهذا اهم شي عندي بنتظركم لا توقفوا اي شي من شاني وعلى قولة المصريين السجن للجدعان
رعد:انت خلك ساكت وحنا ندبر كل شي
مناف:شباب ارجوكم بعد الخطبه ارجعوا لي روحوا جهزوا انفسكم فهد انت تفهمني قول لهم
فهد:مناف صعبه نتركك هنا
مناف:بترجعون لي جهزوا سعود وتمموا كل شي وتعالوا وانا جالس هنا
محمد:مناف لو تطلع روحي ماتركتك هنا
مناف:ووش بتسوون لو جلستوا هنا بتظلوا لسب والشكوك بترجعون لي روحوا وارجعوا بعد الخطبه ارجوكم ها المساله رح تنحل سؤ فهم بسيط وتنحل نثبت لهم ان جدتي كانت معها الفلوس وانتهينا
سعود:وين باقي الفلوس والمغلفات
انس:الفلوس معي ب البيت
مناف:مامعكم وقت روحوا للخطبه وهاتوا الفلوس والمغلفات بعدها ترا هنا احصل اكل مجان وقت الغداء اجلس اتغداء وانام لما ترجعوا نتفق على كذا
رعد:لا اكيد
مناف:وربي الي خلق السماء ب 7 ايام ما اكلمكم بعد اليوم ولا ارجع اقابلكم بعد اليوم وهذا اخر كلام عندي
انس:انت جنيت
مناف تركهم وجلس ب زاويه الحجز
محمد:ترا دور الزعلان هذا ماعاد ينفعك حفظناه من وحنا صغار
مناف:خلاص روحوا ما ابغاكم هنا يعني وش بيسوون فيني ب 3 ساعات بتروحوا وترجعوا فيها
رعد يفرك راسه:الحمار ذا جاب لي صداع
محمد:بنتركك ماعليه وبنرجع لك
انس:نتركه
فهد:بنرجع له مارح نطول
محمد:خلونا نمشي ونودي سعود للحلاق
انس:روحوا انتوا انا بجلس هنا
رعد:ووش بتسوي له
انس:تخيلوا يضربوه
رعد سحب انس:امش بس الدنيا فوظه يجون يضربوه كذا بدون سبب
****************************
في بيت جمانه
عبير جالسه ب الصاله على اعصابها تناظر للجوال متى بتتصل عليها الشرطه
دخلت جمانه ورمت شنطتها على الارض وهي تجلس على الكنبه:مانمتي للحين
عبير:لا الشرطه راحت لعند اهله تدور عنه بس ما ردوا لي خبر للحين
جمانه:انتي تبالغي بدون ها المشاكل كان بيرجع لك ولدك المعفن بس يطفش منه من 3 شهور ماشافه
عبير:لا احس شي بقلبي مو مريحني ااكيد مازن فيه شي وهو مايقول
******************************
في المشغل النسائي
نوال واقفه مع الفلبينه على راس اميره وتشرح لها كيف تخصل الاشقر والقاعده العسلي:بعد ماتخلصي عدلي حاجبها ب الصبغه باي باي رايحه اقص شعري ونلتقي
راحت وبدت الفلبينيه بصبغ شعر اميره كانت تحس ب احراج من جيتها لهنا ومامعها حتى حق الاستشوار
خلصت صبغ شعرها وغسلته مع وجهها
قصت اطرافه واستشورته
جت نوال ولفت كرسي اميره نااحيتها:واااو تخيلت شكلك لكن ماوصل خيالي للجمال ذا انتي غييير فعلا احس صرتي افتح من قبل لو تشوفي الجمال الي انا شايفته وجهك فعلا غير
ابتسمت اميره:تسلمي
جت نوال بمشيه شبه ركض وهي تسحب مكياج اخذت كريم ااساس:موراضيه احط لك ها الكريم لان احس وجهك كو محتاجه
اميره:لا مو وقت مكياج اتركيه
حطت على كفها شوية كريم ب اصبعها:مومحتاجه مكياج يا حلو بس شوية كحل وبودره وغلوس
اميره مسكت يد نوال:لا ارجوك
نوال:اموره اتركي يدي خلاص قلت بحط يعني بحط
اميره:نوال ارجوكي احد يحط مكياج الظهر
نوال:انتي بتحطي لكل قاعده شواذ ولا انتي بتطلعي عن القاعده شوية غلوس مارح تضرك اتركي يدي
سحبت يدها من يد اميره تحط لها تحت عيونها وخدها وزعته بوجهها وحطت لها بودره وكحل
اخذت روج احمر سائل خفيف وحطت منه شوي
وقفت معتدله تتامل وجه اميره:يالبى اميرة الاميرات كلهم اقسم ب الله انك قطعه نادره عن جد زوجك المتانث ذا يبغى له قتل ب الشنق ونتخلص منه تستاهلي احسن منه مليار منه
اميره قربت للمرايه تناظر لوجهها وشعرها
شالت نوال كيس تجمع االشعر من الارض
لفت اميره ب الكرسي:وش تسوين
نوال تجمع الشعر:من جدك بتتركي شعرك هنا مستحيل اترك شعري ب صالون بعد الي شفته من الغرب ذولا
اميره جمعت باقي الشعر وحطته ب الكيس:هاتيه اخذه للبيت واشوف له صرفه
نوال تربط الكيس:لا تخافي انا ما اسوي اسحار ولا رح اسوي لك سحر
اميره:الله يقطعك انتي وافكارك انا قلت لك الحين بتسوي لي سحر شعرك ب الكيس مع شعري دفعتي الفاتوره خليني اسوي شي
نوال:جاء على بالي اسوي لنفسي سحر بعد هههههههه كل شهر ااقص شعري معي خبره انا برميه
حطته في شنطة يدها:سواقك لسا برا
اميره: قريب من هنا راح يوصل بنات ويرجع
نوال:اجلسي هنا وغطي وجهك بشعرك ب اصور الصبغه
اميره:تصوريني
نوال:الصبغه بس بيشوفوا اني معي موهبه ب ما احد مقدرني لازم اصلح عوجة انفي هذي نزلي شعرك على وجهك
رن جوال اميره
اميره:السواق
نوال:اعطيني ظهرك بسرعه
اميره تحس بضيق وعدم رضى
وقفت وعاطيه نوال ظهرها ااخذت صورتين:خلاص مارح نشوفها الا انا و3 بس من صديقاتي خلينا نطلع
طلعوا لسياره
نوال:سويلي معروف لاتخربي الصبغه وكل شغلي ب بجاامه ارجوكي لا تلبسي بجامه لماا توصلي للبيت البسي شي مرتب بس لا تلبسي بجامه او لبس للبيت
اميره:هههههههههههههه ما اودعك
نوال:اذبحك ذبح واسلخك واقشر اظافرك
اميره:ههههههه لاعاد كل شي الااظافري خلاص بشوف وش معي ب الخزانه
نوال:موبتشوفي بتلبسي
وصلت نوال لبيتها نزلت من السياره:دامك عرفتي طريق بيتي لا تقطعي زوري اوكي
اميره:ان شاء الله
رجعت للبيت طلعت المفتاح فتحت باب الغرفه ودخلت تو وسام صاحي طلع من الحمام يجفف وجهه
قفلت الباب وراها
ورمت كتبها على الطاوله اخذت بنطلون جنز من الخزنه وبلوزه بيضاء وراحت للحمام فسخت عبايتها ولبست البنطلون والبلوزه راسم جسمها طالع عليها حلو
طلعت من الحمام تنزل شعرها الطويل لتحت نص ظهرها بشوي على ظهرها وكتوفها
وقفت قدام المرايه بس بتشوف كيف طلعت عليها الصبغه حست نوال بالغت ب رة فعلها
فعلا طلعت عليها رهيبه بس اميره ماشافت ها الشي
وسام يجفف يده ب المنشفه:حلوه الصبغه لاقت على لون بشرتك
لفت له وهو همه يده يجففها بكل هداوه فتح علبة مرطب وحطها على يده
بتقطع شعرها
رمت شعرها بعصبيه لوراء:وش فيها يدك
قبل لا يرد عليها دق باب الغرفه وجت فتحت
رقيه:ايوه ماشاء الله عايشه جوك كان الي جايين يخطبون سبا جايين من شانك اانتي
اميره:اخلصي شعندك
روابي:نبي وسام دقايق
اميره:مريض نايم معه المرض في نفسه
يامنه:المرض بنفسك انتي
هشام طلع على الدرج ووقف قبل الدرجه الاخيره يناظر ل اميره
انتبهت له ووقفت وراء الجدار وهي تقفل الباب بوجه اخواته
تعدوا هشام المتنح نازلين لتحت:يبه يبه
ابوهشام يتغداء ب الصاله:ولبوه
رقيه:شايفها
ابوهشام:مين
سبا:اميره قافله على وسام الباب 24 ساعه ماتتركه حتى يطلع من الغرفه
ابوهشام:بينه وبين زوجته انتوا وش دخلكم اشتكى لكم خلاص بيجلس مع زوجته خلوه ولا تتملقفوا وش تبغون بوسام روحوا شوفوا المجلس نظيف وجاهز او ناقصه شي
رقيه:لا مابنروح اخونا قبل لا يكون زوجها
ابوهشام:وانتوا قلتوها اخوكم مو اختكم فيه فرق بين كونه بها الشكل واخوكم ابعدوا عنه وخلوا البنت ترجعه لطبيعته رجال طول بعرض التهوا ب انفسكم واتركوه
*************************************

في بيت محمد
غرفة الماس
كانت جالسه تذاكر رن جوالها شالته فتحت الخط:الو
ماجاها رد
قفلت الجوال سمعت صوت شي طاح ب الحمام
تركت الكتاب
وفتحت باب الحمام الشباك مفتوح
جت قفلت الشباك
حصلت باقة ورد كبيييره في البانيو
شالتها وطيف ابتسامه على شفاها
اخذت الكرت الي بين الورد طلعت من الحمام:نطقت اسمك تسعه وتسعين مره واخذت بغلاتك تسعه وتسعين ورده وبداخل الوردات قيمة غلاتك
تركت البطاقة تفتح بتلات الورد طاحت بيدها الماسه صغيره
ابتسمت بوساعه وهي تفتح باقي البتلات وتاخذ الالماسات
جلست على السرير وهي تحظن باقة الورد
حصلت بطاقه ثانيه بين الوردات
فتحتها:وش يسوي الالماس بدون اسواره تضمه او عقد يبين حلاته
وانا اقول لما تبتسم الماس بتلاقي عقدها
وقفت عند المرايه واتبسمت مثل المجنونه
ناظرة لفوق المرايه سلسال معلق فوق
نطت ومسكت العقد
جلست على السرير تناظر ل الورد والالماسات
وابتسمت فعلا بدت تفكر ب عبدالعزيز ك انسان رومنسي وحنون يمكن هذا الي اسمه التعويض لما تفقد اكثر شخص بنيت عليه احلامك تدور عن اي شخص تحبه لتنسى الالم

***************************
بعد صلاة العشاء
جو كلهم لبيت ابوهشام
استقبلهم عند الباب وسلم عليهم:يا هلا والله ب ابوسعود
ابوسعود:الله يعزك هذا وحيدي سعود
ابوسعود:ماشاء الله الله يخليه لك ويحفظه
ابوسعود:امين
ابوهشام:باين انهم زملائه
ابوسعود:اصدقائه حبو يجو معه فهد اكسبه اخلاق ودين
محمد دق سعود في بطنه وبهمس:ابوك ماشاف غير فهد شوي ويقراء على عمك صفحة سوابقنا
انس:اشش
ابوهشام:كلهم خير وبركه ماشاء الله وفهد موظف عندي مدير شركتي
جاء هشام معه القهوه والفناجيل:السلام
الكل:وعليكم السلام
حط كل شي على الطاوله وجاء يسلم عليهم واحد واحد:حياكم الله
سلم عليه رعد:الله يحييك
ابوهشام:صب القهوه
هشام ضيف لهم القهوه وقرب الطاولات والتمر
ابوسعود:انت عارف طلبنا وبلغناك ونبي بنتنا
ابوهشام:طلبكم مجاب وبنتكم لكم وب اذن الله يتمم ها الزواج على خير
ابوسعود:على كذا متفقين
ابوهشام:على البركه هشام خذ سعود
هشام هز راسه ل ابوه بمعنى ايش
ابوهشام:خذه ل الغرفه الثانيه او الصاله يشوف العروس الله يعوضني خير وبس
هشام عض على اسنانه:تفضل امش معي
رعد بهمس:ان قال لك شي نادني افتح قرعته هذي
سعود قرص رعد:جايين نخطب مو نحارب
طلع مع هشام لصاله
هشام:اجلس هنا
سعود جلس:تسلم
طلع هشام لفوق ونزل معه سبا يدفها قدامه:امشي قال مستحيه
دخلها قدامه لصاله:اوقفي هنا
مالحق سعود يرفع راسه يشوفها
هشام:خلاص انقلعي فوق امش نرجع للمجلس
سعود وقف ورجع مع هشام وهو يبوس يده ويحطها على راسه
مسكوا الشباب ضحكتهم
انتبه ابوهشام للي بينهم
جلس سعود بينهم
انس:لا احد يضحك مرض اسكتوا
ابوسعود:شقلت يا سعود نتفق
هز راسه بتردد لانه ماشاف الا ملابسها ولمحه بسيطه من وجهها ومو كله:ايوه
ابوهشام:بتشوفها مره ثانيه هذا زواج مو لعبه
هشام:وش يشوف خلاص هي مره وحده
ابوهشام:حقه يشوفها اكثر من مره قبل لا يوافق تعال معي
هشام:اجلس
ابوهشام تفشل بسبب هشام:هشام اجلس مع الضيوف تعال سعود
طلع معه سعود لغرفة ضيوف وجلسه وجاب سبا
شايله صينيه قهوة وحلا ل سعود حطته قدامه على الطاوله وصبت له قهوه حطته قدامه
ملامحها عاديه انفها صغير وفمها صغير عيونها يعني متوسط وجهها مثلث
طلعت برا الغرفه
ابوهشام:اشرب قهوتك
شال الفنجال وصحن الحلا:نروح عند الباقي
ابوهشام:طيب يلا
وصلوا للمجلس بترقب
ياشروا له من بعيد
جلس بينهم سكوت شوي كان محتاج وقت يفكر بس قال:نخلص التفاصيل
ابوسعود:على البركه حددوا المهر وحنا جاهزين وِشوف لنا شروط البنت
ابوهشام:اعطوني دقيقه
طلع ابوهشام لغرف البنات ودخل:وين شروطك
عطته رقيه:كتبتها من امس
فتح الورقه:ذا كله ليه نص ها الاشياء مالها دااعي سوو شاي وهاتوه
طلع وقفل الباب
يامنه:الشاي جاهز صح
رقيه:نادي وسام ياخذه لهم
***************************
ابوهشام جلس وفتح الورقه:البنت تدرس دبلوم حاسب فتبغى تخلص دراستها وبعدها بتدرس دبلوم انجليزي وتربيه خاصه
عجبه ها الجزء فيها تحب تتعلم
هز راسه مع ابتسامه:موافق
ابوهشام:زيين بيت وخدامه
سعود حك حاجبه:انت عارف اني وحيد اهلي ف صعب اترك البيت واطلع وهم مامعهم غيري اذا تسكن معهم وتراجع شرطها والخدامات 3 في بيتنا تاخذ الي تعجبها
دخل وسام ب الشاي
هشام دكى واستعد لردة فعل ابوسعود لما يشوف وسام
رعد:موهذا الي
محمد وانس هزوا روسهم سوا
ابوهشام تفشل على الاخير من وسام
ترك الصينيه والثلاجه على الطاوله
ابوسعود:من ذا او مدري
رعد والشله مايبغون شي يخرب على سعود اليوم
سحبه رعد لعنده وجلسه بينه وبين انس:صاحبنا عمي نعرفه من زمان
كانه عرفهم بس ناسيهم
هشام:من جد من متى تعرفون بعض
رعد:زمان من سنوات ويعني
هشام مال لجهة فهد والشله:تعرفون اسمه او اعرفكم عليه
سعود نغز محمد بهمس:وسيم وسيم
محمد:وسيم
هشام:تقصد وسام
رعد:حنا نقول له وسيم
انس:اسم على مسمى حلو ماشاء الله وكذا
هز ابوسعود راسه بمعنى وش بينكم
انس طينها:صاحبنا فهد ينااصحه وكذا
ابوسعود هز راسه:ايووه الله يقويك يا ولدي