[اسطورة !]

فهد ابتسم وهو عيونه ب الشله:مشكور عمي
ابوسعود:شوف لنا باقي الشروط
ابوهشام:براجعهم في موضوع البيت والسكن
سعود:يكون احسن عمي
وسيم شال يد رعد عنه بيقوم
مسكه رعد وجلسه غصب وبهمس:خلك جالس وتبسم وسوي نفسك صاحبنا او رح العن والديك هنا سامع
ناظر لرعد محمد جالس جنب رعد اشر براسه بمعنى اجلس ووسع عيونه بتهديد
سعود ماسك ضحكته غصب ماقدر يمنع ابتسامته لكنه ماسك ضحكته غصب
ابوهشام:العرس ب القصر ومطربه خاصة تنزل من من دبي
ابوسعود:سهله هذي
ابوهشام:بعد العرس بتسافر فرنسا وبتزور باريس وتركيا
سعود:سافرتها السنه الي فاتت مو مشكله
ابوسعود اشر لسعود بيضربه اسكت
ابوهشام:ماشاء سافرتها كلها
سعود:مع زملائي واصحابي رحنا مجموعه كبيره وكذا موافقين على شرطها هذا
ابوهشام:طيب الشبكه تصير في استراحه او قصر
خلصوا شروطهم الاعجازيه واتفقوا
وقفوا كلهم بيطلعوا
وقف وسام يعدل بلوزته
دفه محمد لعند انس:امش قدامنا
طلعوا سوا
ابوسعود:بننتظر اتصالكم
ابوهشام:ان شاء الله انتوا حددوا موعد الملكه وكلموني
سعود:عمي بتكون ملكة جماعيه انا وهذولا الاربعه وحددناها
ابوهشام ب اعجاب:مااشاء بتسووها سوا الله يوفقكم ويكمل لكم
محمد:مشكور عمي ويكمل لك ب الثور هذا وتشوفه عريس
مسكوا ضحكهم
فهد ضرب محمد في بطنه
ابوهشام دف راس هشام:والله ها الثور مو وجه زواج ومسؤليه لكن الله يعوضنا
ابوسعود:الله يهديهم كلهم مع السلامه
ابوهشام:بحفظ الله
محمد دف وسام
وسام ب ابتسامه كذابه:مع السلامه
رعد:مع السلامه
راحوا لسياراتهم وابوهشام وهشام ووسام راجعين لداخل
محمد فسخ جزمته:وش جابه هذا هنا
رمى وسام ب الجزمه لانه اخر واحد يمشي وراء ابوه
فهد:محمد
جت بظهر وسام لف يده على ظهره
محمد:هذا يبي له جزمه تربيه تف عليك يا الزفت
وسام شال الجزمه رماها عليهم ورجع لجوه بسرعه
فهد شال الجزمه من الارض:ادخل لسياره نلحق مناف
طلعوا لسياره محمد يلبس جزمته:ب الله ذا رجال وانت تقول وسيم وهو اسمه وسام نكبتنا
سعود:ياخي هذا الس اذكره وش اسوي لكم

انس:اتركه بحاله هو حر
فهد:لا مانتركه بحاله حرام ملعون من تشبه ب النساء
محمد:انت فكنا بتروح تناصحه وتقول له حلال وحرام ابوه عنده ليش مايناصحه هو
فهد:قال الرسول من راء منكم منكرا فل يغيره بيده وان لم يستطع فبلسانه وان لم يستطع ف بـ قلبه وذالك اضعف الايمان
انس:ما دامه استشهد ب حديث فيه مصيبه جايه لنا قريب وعيارها ثقيل
وقف سعود سيارته :انزلوا بس تاخرنا على مناف
نزل ابوسعود من سيارته وجاء لعندهم دخلوا سواء
مناف طالع تقابلوا
رعد:طلعوك يا حيوان
مناف يعدل كم ثوبه:طلعوني خلاص اثبت لهم ان الفلوس مو لي ولا لجدتي وتركوني
محمد:كيف
مناف:اول شي اناا سكرتير محامي كبير قلت لهم لقيت الفلوس ب الشارع وما اعرف حق مين اخذتها وعطيته باقي المبلغ الي معي ب البيت واخذتهم لمكان مقطوع وقلت لهم لقيت الفلوس هنا ودفعت كفاله وطلعت شباب من معه الف ريال اخذت فلوس من عسكري هنا
محمد حظن مناف تعال هنا يا زفت الحمدلله على سلامتك
مناف:الله يسلمك
ابوسعود طلع فلوس من محفظته:روح رجع فلوس العسكري
مناف شال الفلوس:راجع لكم
راح لعند عسكري وعطاه الفلوس وطلع معهم
رعد:لو ادري انك بتسوي كذا كنت مافكرة فيك
ولا خفت عليك
مناف:من شان تعرفوا اني اعرف اتصرف
انس:امش بس يا ملك الترقيعات حسيت اني ماصدقتك
مناف:لانكم تعرفوا حقيقة الفلوس هم لا ملزومين ب الي يسمعوه ورعد لازم تدفع ال50 الف حق الشركه مره ثانيه
ابوسعود:ليش من الاساس اعطيتوهم 50 الف
رعد:انا خربت سفينة شركة شحن ومسكوني الشرطه وذولا فزعوا لي
ابوسعود هز راسه:الله يخليكم لبعض سعود وين كنت
رعد:كان ب المستشفى
انس:وانا كلمته يجي
ابوسعود:ومن وين جبتوا الفلوس
مناف:قلت لكم كانت مع جدتي مرسوله من اهلي الحمدلله وهي ماصرفتها او كانت راحت ب فيها
ابوسعود:ياولدي مناف ما ابغاك تزعل بس من ها التصرف من اهلك ما تمنى تحصلهم او تحتك فيهم
مناف:انا مطلعهم من راسي ولا ابغى اعتراف من احد فيهم
********************************
في بيت ابوهشام
جالس وسام ب الصاله مع البنات
جاء هشام وقف عنده:الحين تبغاني اصدق انك تعرف ذولا وهم اصحابك
وسام :والمطلوب اعرفهم اصحابي انت ما دخلك
جاء ابوهشام:وسام وين عرفتهم ذولا
هشام:مايعرفهم كذابين
وسام:اعرفهم من كم سنه
ابووسام صفق بيديه في بعض:من كم سنه ولا صرة مثلهم ما اثروا عليك ماقدروا يغيروك شايفهم الواحد يضربك بيده يطيح كل عظامك ليه ماصرة مثلهم طول بعرض والله شنب واحد منهم يسواك انت واخوك
هشام:بدينا يسواء ولدك الوسخ ذا وترا مو اصحابه موعارفين حتى اسمه
وسام:يقول يسووك
هشام:لو انت صادق وش اسمائهم
وسام:فهد مناف محمد سعود انس رعد
هشام:شايف انه كذاب قال 6 اسماء وهم 5 بس
ابوهشام:وانت وش دخلكم هم منهم 6 والاسماء صحيحه هذي اسمائهم واحد منهم ماقدر يجي
وسام يلعب ب حواجبه
هو مايعرف اسمائهم بس شافها على ساعه رعد وهو ماسكه لا يوقف
هشام:بكره بروح الشرطه واطلع صحيفة سوابق سعود ونشوف وش وراه
ابوهشام:الدنيا حظوظ اناا محصل ذولا الاثنين والناس اخذوا ها الرجال طول بعرض يد الواحد منهم تطيح جدار الله يعوضني بس
هشام بقهر:يبه
ابوهشام:لبوه سوي الي تبغاه

******************************
الصباح
بيت محمد
غرفة الماس
نزلت من سريرها ركض للحمام فتحت الباب ودخلت
حصلت بطاقه في المرايه
سحبتها وفتحتها:صباح الخير يا نثر الالماس وجمع الغلا بعيون شاريك
قفلت البطاقه وهي تبتسم وتحطها على صدرها
************
في غرفة محمد
لبس ثوبه وطق الشماغ والعقال
حط عطر وطلع من الغرفه قفل الباب
ونزل لسيارته حرك السياره لـ الاحوال المدنيه من شان يجدد بطاقته الشخصيه استعداد لسفر
وصلته رساله من فهد:فاظي
اتصل على فهد:السلام عليكم
فهد:وعليكم السلام محمد فاظي بتعبك معي
محمد:كنت طالع ل الاحوال المدنيه تبي شي اجي لعندك
فهد:الروضه مسويه ل الاطفال جوله على المستشفى ويعطوا المرضى هدايا بمناسبة قرب العيد وانا معي شغل كثير ومارح اقدر اطلع من الشركه تقدر تاخذه انت للمستشفى وتبقى معه ليخلصوا جولتهم
محمد:يلا جايك البيت اخذه بس فهد معي دوام للمصنع الساعه 2 الظهر
فهد:بفتح لك باب البيت رح تخلص الجوله على الساعه 11
محمد:طيب يلا
قفل الجوال ولف راجع لطريق بيت فهد
دخل للبيت الباب مفتوح البيت شكله عادي من برا لبني مع بني من طابقين
محمد:فهد انا هنا
فهد نزل شايل عبدالرحمن وهو متمسك فيه ويبكي:ااااااااااااااااااا� �ا بابا
شاله محمد:ليش زعلان
فهد: نعسان وبينام بيحصل زملائه وبيصحصح ويلعب
محمد:خلاص عيب الرجال يبكون عيب تبكي يلا رايح
فهد:الله يحفظك وخذ هذي الاوراق
محمد شال الورق:وش ذي
فهد:صورة من شهادة قبول عبدالرحمن ب الروضه ل الاحتياط وجواتها دفتر العايله انتبه له لا يضيع يمكن يطلبوا منك اثبات له او شي
محمد حطها بجيبه:وصلت قول لبابا باااي
طلع لسيارته:شوف نسيت لا اسال اي مستشفى
طلع جواله يكلم فهد
*******************
في بيت جمانه
رايحه جايه تكلم الشرطه في جوالها:طيب شكرا
قفلت الجوال
جمانه منسدحه على الكنبه:هاه وش حصل معك
عبير:مالقوه ومازار اهله من شهرين متخاصم معهم بسبب زوجته الثانيه
جمانه:ووش بتسوي
عبير:برجع لبيته في مكه او بيت زوجته الثانيه او بيت اهل زوجته المهم احصله وين اختفى
جمانه:فاظيه
رن جوال جمانه اخذته وردة عليه:هلا
رامي:هلا بك
جمانه:هلا بك زود فيه شي
رامي:رح ارجع بكره المفروض ارجع بعده بيوم بس استعجلت رجعتي
جمانه:والمطلوب
رامي:انتي قلتي بترجعي البيت اجمعي اغراضك امر اخذك
جمانه:هذاك قبل البارحه خلاص غيرة رايي ما ابغى ارجع معك تبي شي ثاني لاني مشغوله باي
قفلت الجوال وتركته على الطاوله
عبير:انا طالعه لمكه لو رجع ابوي قولي له اني بغرفتي تعبانه
طلعت لغرفتها تجيب العبايه
وطلعت مع السواق واصل الطريق ووقف عند اشاره طلعت منديل تسمح انفها وطلعت مرايه تناظر لوجهها لانها بس محجبه مومغطيه وجهها
شافت ب انعكاس المرايه عبدالرحمن يلعب مع محمد في السياره محمد يدغدغه وهو لازق في الباب وويتلوى ويضحك
قفلت المرايه تناظر لوراء:مازن مازن
نزلت ركض من السياره
تبي تفتح الباب مقفول حسبها محمد شحاته
اشر لها تروح
دقت على الشباك بقوه:مازن مازن
محمد ياشر لها تبعد عن السياره الاشاره خضراء وهي تدق الباب وتحاول تفتحه
حرك السياره وتركها كان بيدوس رجلها
تعداء سيارتها لطريق المستشفى
جت ركض لسيارتها وطلعتها:الحق سيارة الفراري الصفراء بسرعه
لحق السواق محمد للمستشفى
*************************
في بيت ابوهشام
غرفة وسام
خلصت اميره صلاة
ووقفت عند المرايه مشطت شعرها رمته لوراء حطت طرحه على راسها ونزلت لتحت
نزل هشام وراها وتعداها لتحت:يبه
كشرة اميره بعصبيه من خلقته بذا الصبح
جلس مقابل ابوهشام وهو يفطر يفتح مغلف:هذي صحيفة سوابق الشله كامله ما حبيت ادور عن سعود وبس
ابوهشام:من وين جبتها من ها الصباح
هشام:رحت البارحه ب الليل واخذتها
ابوهشام:فتحتها
هشام:لا كنت بفتحها معك
ابوهشام:اعطني اشوف
فتح المغلف وسحب الورق
يقلب ب صحف سوابقهم:نظيفه ماافيها شي<<مالحقوا يسجلوا مصيبة امس
هشام:نظيفة
شال الورق من ابوه يقلبها مافيها شي
ابوهشام:كلهم مااعليهم شي
هشام طلع ورق زياده:شوف هذي صورة جواز سفر الاستاذ سعود شوف الاختام تركيا الفلبين ماليزيا امريكا شوف ختم روسيا هنا حتى روسيا راحها فرنسا لندن استراليا مابقى دوله الا ودخلها ماناقصه الا ختم اسرائيل على جوازه ويختم كل العالم شوف ختم مصر والجزائر يا سلام ختم معبر العراق حتى العراق راح والله لو جواز دبلوماسي مافيه كل هذي الاختام الولايات المتحده انجلترا
ابوهشام:وان سافر طلع سياحه
هشام:سياحه52 دوله وان حدي مكه عمره هذا دليل على انه موب صاحي
رفع الورقه لوجه ابوهشام:شوفلي هنا وش مكتوب
ابوهشام:ب الانجليزي وش عرفني انا
هشام:مكتوب هنا كندا سافر لكندا
ابوهشام:وش الغلط بسفره ماني شايف غلط
هشام:انت تعرف الشباب العازبين يسافرون لها البلدان ولحالهم وش يسوون
ابوهشام:لا مش عارف عرفني
هشام:يسافرون وراء البنات والشرب والملاهي الليله
ابوهشام:وش عرفك كنت معاهم
هشام:كل الشباب يسوون كذا تحسبهم يروحوا وراء المعالم التاريخيه مايطلعوا الا وراء شرب وبنات وهذا كل 6 شهور مسافر لمكان يعني اعرف ان وراه شي شايف جوازه ماباقي فيه مكان ولا ل ختم اي دوله وتركيا داخلها 3 مرات وماليزيا 5مرات ماباقي الا اسرائيل مادخلها ناقصه ختم اسرائيل
ابوهشام اكل وهو بدء فعلا يشك بسعود واخلاقه بس فهد معاهم يعني اي شك يشيله فهد عنهم
بدء يفكر بكثرة سفريات سعود هل فعلا هو يشرب شكله نظيف وبصحته جسمه وبياض بشرته لوكان فعلا يشرب وله سهرات كان باين على شكله
**********************************
في المستشفى
الطوارى هادى لان المستوصفات والعيادات الخارجيه شغاله
جلس على سرير وفتح لاب توبه يدور عن تذاكر لـ روما او ايطاليا حصل بس 3 مقاعد ب رحله يوم 12/1 وب رحله اليوم الثاني 4 مقاعد بس
دخل لموقع شركة طيران ثانيه يدور عن تذاكر
ضربه محمد على راسه:هي لي ساعه اناديك
سعود يفرك راسه:صدعتني وعليكم السلام اجلس ادور على تذاكر ماحصلت بنفس الرحله الا وش جابك مريض
محمد:جبت ولد فهد معه رحله من الروضه لهنا
سعود:الرحله تطلع من الروضه كنت وصلته لروضه وهم يجيبوه لهنا
محمد حك رقبته:خلاص وصل لهنا ينتظرهم
سعود:فينه الحين
محمد:هناك ب الانتظار جالس مادخلته لهنا لوفيه حادث او شي ما افجعه
جت ممرضه ركض:مستر مستر
سعود:وش فيك
الممرضه:فيه هرمه اكطف ابن هو واهرب
محمد:خطفت ابني
سعود رمى الاب توب:ولد فهد عبدالرحمن
محمد راح ركض:عبد الرحمن
يركضوا هو وسعود على نفس المستوى
وصلوا 3 ممرضات فلبينيات ماسكين عبير وحرب هم وياها وسحب على عبدالرحمن
محمد سحبها ب كوعها وعطاها كف حول عيونها
وسحب من يدها عبدالرحمن وهو يبكي:اااااااااااااااااااا� �اااااااااا
محمد يمسح على راس عبدالرحمن:بس خلاص ما صار شي هذي الشحاته قابلتها على الطريق
سعود شال عبدالرحمن:خلاص لا عاد تبكي
يدها على خدها مومصدقه نزلت دموعها على وجهها:هذا ابني مازن ابني انا
حاولت تشيله من سعود سحبها محمد لناحيته:شيلي يدك هذا مو ولدك هذا عبدالرحمن ولد صديقي
سعود يمسح دموع عبدالرحمن:محمد مازن الي قابلناه في المول الي يشبه عبدالرحمن يا اختي هذا مو ابنك
عبير سحبت عبدالرحمن من يد سعود:ما اعرف ولدي انا هذا ولدي مازن
محمد:اقول لك هذا موولدك هذا اسمه عبدالرحمن
كان فيه شرطيين جايبين هندي شافوا المشكله جو::خير وش صاير
عبير تبكي:هذولا الاثنين خطفوا ولدي
محمد بصراخ:عطيناك وجه بزياده سحب عبدالرحمن من يدها وشاله:هذي مجنونه اخذت الولد وتقول ولدها
عبير طلعت جوالها وصوره:هذا ولدي شوفوه هم خطفوه انا قدمت شكوى لمركز الشرطه معي نسخه من الشكوى اخذوا ولدي
الشرطي فتح ورقة الشكوى:كلامها صحيح
سعود سحب البطاقه المعلقه برقبة عبدالرحمن:شوف وش اسمه هنا عبدالرحمن فهد مو مازن عبدالرحمن
محمد طلع من جيبه الاثباتات:شوف هذا دفتر العايله:اسمه هنا عبدالرحمن وهذي ورقة تسجيله ب الروضه وصورته عليهاا شوف ب البطاقه صورته موجوده هذي مجنونه لا تصدقها
الشرطي يناظر لصورتين:شبه بعض هم شخص واحد صح
سعود:لا مجرد شبه
الشرطي:انت ابوه
محمد:لا ابوه في شغله لحظه اكلمه
طلع جواله يتصل على فهد عشر دقايق ودخل فهد:محمد وش حصل
الشرطي:هذا ولدك
فهد:ايوه عبدالرحمن ولدي
الشرطي:الاخت تقول انه ولدها معك شهادة ميلاده
فهد:اكيد ولدي معي شهادة ميلاده ب السياره انتظر
راح جاب شهادة الميلاد وجاء:هذي شهادة ميلاده
شالها الشرطي:صحيحه معك شهادة ميلاد ولدك
عبير:معي ب البيت
سعود:شفت انها كذابه
عبير:لا هذا ولدي تعال معي للبيت اطلع لك الشهاده
االشرطي:ها المشكله ماتنحل الا ب المركز تفضلوا معاي
محمد:المشكله محلوله هذي مجنونه
الشرطي:لو سمحتوا تفضلوا معاي
سعود:يا ذا اليوم
محمد:لازم كل يوم نتسحب ل الشرطه
فهد:سعود انت اجلس هنا لا يعرف ابوك او يجو اهل عروستك يسالوا عنك يحصلوك هناك
محمد:بينا تلفون
شال الشرطي عبدالرحمن منهم:تفضلوا
طلعوا كلهم مع بعض
رجع سعود شال لاب توبه وجواله يرسل رسايل للكل
*****************************
في بيت رعد
رعد كعادته نايم بهذا الوقت وسهاد تحوس في الغرفه من الطفش
حاط نغمه خاصه لكل واحد منهم سواء مكالمات او رسايل
صحي على رنين جواله برساله
سحب الجوال بنوم وفتحه ماقراء الي مكتوب قفل الجوال ونام
شغلت سهاد التلفزيون وخفضت الصوت لا يصحى ربع ساعه ورن الجوال انقلب على ظهره وهو يتافف ويرد على الجوال:خييير
صرخ محمد ب اذنه:وينك يا الحيوان وانا منتظرك من ساعه
رغد:اجي فين
محمد:اانا بمركز الشركه يا حيوان رسلت لك رساله
جلس رعد:وش تسوي بمركز الشرطه رجعوا اخذوكم مره ثانيه بسبب الفلوس
محمد:لا يا بغل تذكر شبيه عبدالرحمن مازن علقنا مع امه
رعد:ووش سويتوا
محمد:ابد حنا بمركز الشرطه ومنتظرين قرار البيه سعادة الباشه ضابط التحقيقات كل وثائقنا قانوينه لكن عبدالرحمن ولد واحد فيهم
فهد:ولد واحد منهم كيف عبدالرحمن ولد فهد انا جاي ابلعن والدين ضابط التحقيقات على مدير المركز ذا
محمد:المشكله موهنا المشكله انهم يقولون عبدالرحمن ومازن ولد واحد وفيه من زور الاوراق نحنا او هم
رعد:خلك منهم انا جاي وبلعن خيرهم انتظرني
قفل الجوال ورمى البطانيه وهو يروح للحمام
غسل وجهه على السريع وبدل ملابسه اخذ مفاتيحه وطلع لمركز الشرطه
نزلت سهاد لعند امل لقيتها طلعت للجامعه
رجعت لغرفتها وجلست تحس بطفش وزهق
********************
في بيت ابوهشام
لبست عبايتها وشالت كتبها وسام نايم
طلعت وقفلت الباب ب المفتاح تاكدة منه وجوال وسام ب شنطتها
نزلت لتحت وقفت ب الحديقه مافي اي سواق طلعت جوالها تتصل مافي رصيد
طلعت جوال وسام واتصلت منه على السواق:تعال بسرعه انا واقفه برا 6 دقايق لا تتاخر
طلع هشام وهو يضحك ب الجوال مر من عندها وهو يضحك فتح باب سيارته وطلع شغلها ويدوس البنزين من شان ترتفع حرارتها بسرعه
اميره:لو اقدر بس اسوق سياره ماكنت انتظرت السواقين يتشرطوا علي
قفل باب السياره وطلع من الحديقه ناظرة لسيارة وسام بنهاية الحديقه لو مسموح تسوق كانت فحطت بكل الشوارع
جت ناحية السياره تتفحصها من برا
سحبت الباب مقفول
جاء السواق يدق لها الزمور
فتحت باب السياره وطلعت:اسرع شوي للجامعه باقي شوي للمحاضره
وصلت للكليه ودخلت تفسخ عبايتها حصلت نوال جالسه عند البوابه وتاكل ايس كريم
اميره:صباح الخير
نوال شالت الايس كريم من فمها:صباح الورد
مدة يدها ل اميره مسكت اميره يدها وساعدتها توقف
وراحوا يمشوا مع بعض
نوال:بشريني وش قال لك
اميره:عادي حلوه الصبغه لاقت على بشرتك
نوال هزة راسها ب اسف:عديم مشاعر بصراحه هذا محتاج علاج مكثف
جلسوا ب الساحه
اميره:احسن شي اريح راسي منه ومن مشاكله واتطلق منه وارجع لبيتي
نوال:اياكي تسوي كذا سهل جدا نعدله ب الطرق السهله بس حنا بناخذ الطريق الطويله
اميره:ليه
نوال:لان الطرق السهله مارح تعجبك
اميره:ش هي الطرق السهله انا طفشت خلاص
نوال:اميره مارح تعجبك الطريقه السهله ولازم تصبري لساتك ب اول خطوه فيك رجوله تحسسه بضعف لازم تتخلصي من رجولتك طلعي الاميره الي جوتك
اميره:ماتو اهلي وانا صغيره كنت لوحدي اهتم بكل امور اخواني الي اصغر مني لا تتوقعي بطلع دلوعه او رومنسيه
نوال:بداخلك بنت دلوعه ورومنسيه بس انتي مو سامحه لها تطلع شوفي البنات الدلوعات وش يسوو وسوي مثلهم مو شي صعب تعالي معي للمستشفى بكره وشوفي تعامل البنات مع الاطباء طبعا قليلات الحياء بس بدلع ينعموا اصواتهم
اميره:كلميني عن التدريب كيف يكون تعب
نوال:عن تعب تعب بس متعه بصراحه ما احس ب الوقت وانا ب المستشفى
اميره:حمستيني اروح معك
نوال:تعالي معي بكره باقي لك شهرين بس وتدخلي التدريب
اميره:متحمسه ومتوتره بنفس الوقت
نوال: لا تتوتري ولا شي اطلعي معي بكره للمستشفى ورح تشوفي كيف الجو هناك
اميره:اخلص محاضراتي واجي معك وش اللبس
نوال:العبايه يعني وش تلبسي الله يهديكي خذي البالطوا معك لاتنسيه
اميره:اوكي بلحق محاضرتي
نوال:روحي وانا انتظرك هنا معي محاضره الساعه 12
اميره:اول ماتحضرني اطلع لك بااي
*********************
في مركز الشرطه
الضابط يتاكد من الورق ب المكبر
محمد:الليل
دخل رعد:وش تسوي كل هذا الوقت تخترع الذره او تتاكد من اوراق
الضابط:انت وش دخلك اطلع برا
دخلت جمانه ركض:جبت شهادة الميلاد
شالها الضابط يناظر لها وحطها تحت المكبر يسجل رقمها في ورقه ونقله للحاسب:الوثيقه صحيحه
رعد:قلنالك هذا ولدنا
عبير:هذا ولدي انا
دخل ابومازن طلحه شايل مازن:مشتكيه علي ياعبير
الكل ب الغرفه تنح يناظروا ل مازن وعبدالرحمن
عبير:مازن
ابومازن:مسحبه كل ها الناس وراكي انتي اهلك ماعرفوا يربوكي اسمع انت يا مطوع
رمى عليه ب مازن ضرب بصدر فهد ومسكه بكاء:اااااااااااااا
ابومازن طلحه:هذا مو ولدي ولدك انت خذه ما ابي اشوف وجهه مره ثانيه
طلع ثلاث اوراق تحاليل:هذي تحاليل نسب تثبت ان هذا مو ولدي
رماها على المكتب وطلع
الشرطي:وقفوه وورجعوه دخلوه التوقيف ربع ساعه وجيبوه لي
مسكوا ابومازن ودخلوه التوقيف
عبير سحبت مازن لحظنها:الله لايوفقك يا طلحه
الشرطي فتح الاوراق:التحاليل من مستشفيات كبيره
عبير شالت مازن وبتطلع
الشرطي:انتظري عندك لا تروحي لما نتاكد من التحاليل
عبير:هذا ولدي انا
الضابط:ماعندنا هذا الكلام حتى نعيد حنا التحاليل بيروح معكم شرطي للمستشفى ياعسكري خذهم لمستشفى القوات العسكريه يسوو التحاليل ورجعهم لهنا
عبير حطت يدها على راس مازن:اقول لك ولدي فيه ام ماتعرف ولدها ولدي
محمد:قلتي ها الكلام لما مسكتي عبدالرحمن والحين مارح نصدقك وزوجك سحب عليك لان هذا ولدنا حنا فهد قول لك شي
فهد وقف وشال عبدالرحمن:رح نروح المستشفى
رعد:ايوه بنروح المستشفى
طلعوا من المكتب
فهد:رعد جيب سندوتشه ل عبدالرحمن
رعد:بسوي لكم غداء رح تخلص بسرعه
محمد:فهد ليش وافقت على التحاليل وانت عاارف ان هذاك مو ولدك
فهد:ان شاء الله خير
محمد:فهد انت شاك ب مازن او ب عبدالرحمن
فهد مارد على محمد:جهز الغداء واعزم الكل يجو
محمد:ابوه ب البيت لا
فهد:اطلب غداء وخذه لبيتي
رعد:طيب بطلب الغداء واذا خلصت الحقك للبيت
محمد:انا ب ابقى مع فهد
رعد:طيب اذا خلصتوا اتصلوا علي
طلع رعد وجو انس ومناف وبعدهم بساعه سعود
*************
في بيت رعد
حط كل الغداء ب الفرن
وطلع لغرفته
دخل سهاد تتابع التلفزيون بتموت من الزهق ليتها تكون في الجامعه بدل مقابلة جدران الغرفه ورعد
جلس رعد على السرير يرسل في القروب حقهم:وش حصل
رد مناف:لسا ب المستشفى راجعين للقسم الحين
رعد:ليش وافق على التحاليل
رد انس:يقول قلبه يحسسه ان فيه شي غلط
رعد:شي مثل ايش
رد انس:مااندري يلا طالعين للمركز انتبه للغداء جوعانين
************
عند كلية الطب
طلعت اميره مع السواق راجعه للبيت
خفف عند مطب
اميره:روح سوبر ماركت هناك
وقف بها عند السوبر ماركت:ماما رقيه قول جيب من الصيدليه كريم وشمع
اميره:روح وارجع بسرعه
دخلت لـ بنده
شالت سله واخذت اغراض نسائيه وشامبو وسائل استحمام وفازلين ليدها
تاخر السواق مشت في كل بنده كل ماعجبها شي حطته في السله ناظرة لساعتها اكثر من نص ساعه ولا جاء مع ان الصيدليه ب الشارع الثاني
دخل هشام يدور عنها عرف عبايتها وهي تحوس بمكانها تناظر يمين ويسار
جاء لها:انتي
لفت وهي مكشره عرفت صوته المزعج:نعم
هشام:والله اثر عليك وسام
سحب السله من يدها:السواق سواء حادث اطلعي لسيارتي
وقف عند المحاسب يطلع اغراضها على الطاوله
ضربت راسها بكل يديها وهو يطلع الفوط الصحيه على الطاوله تبي تسحب شعرها من تحت العبايه وهي تصارخ بداخلها:لاااااا
جاها مغص من جد وهو شايل الفوط بيده
دفع للمحاسب وشال الكيس سبقها لبرا
كيف بتطلع في سيارته
جلس ب السياره وقفل الباب فتح الشباك:اطلعي
حاست في مكانها
هشام بعصبيه:امشي بسرعه فاظي لك انا وراي مرور ويوم مارح يقصر اطلع بسرعه
فتحت باب السياره غصب وهي تضرب يدها اليمين ب اليسار تعاقبها
جلست وراه وقفلت الباب
حرك السياره ناحية البيت
وهي كل نظرها ل الكيس الي حاطه على المقعده جنبه والفوط طالعه منه بتموت من الاحراج
هو متقصد ها الشي يعلمها درسها
لف ب السياره طلعت الفوط شوي زياده
مسكت يدها لا تسحب الكيس وهو مبتسم بلعانه يناظر لطريق ربع ساعه ووصل للبيت دخل للحديقه
بسرعه فتحت الباب وسحبت الكيس بسرعه
طاحت منه الفوط عند رجوله
شالها رافعها لفوق ورماها لها
مسكتها وقفلت الباب ب اقوى مافي يدها حتى طلع صوت طقه والسياره انهزة يمين ويسار
هشام:كسر بكل جسمك
حرك السياره لبرا
************
في بيت رعد
جالس على اعصابه كلهم هناك وهو هنا هذا معنى خارج التغطيه كل شوي يسال وش حصل
وش صار
ونفس الاجابه:لسا مابين شي
جلست سهاد على السرير تدور بدرج الكومندينه اخذت شاحن جوالها وراحت جنب رعد وصلت الشاحن ب الفيشه
مشغول ب الجوال ناظر لها من فوق لتحت وبلع ريقه
انتبهت لنظراته الغريبه تركت جوالها
وراحت جلست على كرسي قرب التلفزيون سحبت محرم صلاتها وغطت جسمها فيه وشغلت نفسها ب التلفزيون
عدل جلسته ورجع للجوال بس بين لحظه ولحظه يناظر لها
وصلته رساله:حنا رايحين لبيت فهد اسبقنا لهناك
وقف وشال جزمته طلع من الغرفه وقفل الباب يمشي ويلبس جزمته نزل للمطبخ اخذ الغداء من الفرن وراح لبيت فهد
************
في مركز الشرطه
جاء العسكري معه كل التحاليل
سلمها لضابط شالها يفتحها:من بديت اشتغل انتوا اغرب قضيه مرت علي
يفتح تقارير المستشفى:التحاليل صارة في ثلاث مستشفيات وكل مستشفى كتب تقرير عن تحليله
دخل العسكري ابومازن:جبته
الضابط قفل الورق وحطه على الطاوله:التحاليل سليمه ومافيها اي تلاعب عطونا نسخ منها وحنا سوينا تحليل مستعجل وبتطلع نتيجته بس النتيجه واضحه
ابومازن:هذا مو ولدي
الضابط:الولدين مازن وعبدالرحمن هم اولاد الاستاذ فهد
****************
في بيت فهد
جلس رعد ب الصاله يطلع الصحون على السفره
وجلس على الارض منتظرهم تاخروا كثير
**********************


في مركز الشرطه
الضابط يكتب على الورقه:وتم تسليم الطفل ل الاب فهد ال..... وسيتم تحويل الامر للمحكمه لـ البث في امر القضيه وقد تم ارسال دوريه ل القبض على كلاً من طبيبة النساء والولاده سناء ال*** والممرضتين لوريتنا وجانفين واستدعاء كلا من مدير المستشفى حاسر الـــ والسكرتير ورئيس الاطباء ب فترة ولادة الطفلين
وقع على الورقه
اخذ فهد القلم يوقع وهو يسمع صراخ عبير وجمانه ماسكتها لاتدخل لجوه
وقع على الورقه ورجع الورقه لضابط
شال مازن
عبدالرحمن غيران منه جالس متكتف
فهد مسك كتف عبدالرحمن:يلا نروح
عبدالرحمن مبوز:لا
فهد:يلا عبدالرحمن يلا محمد
محمد شاله غصب من الكرسي وهو متمسك ب الكرسي:فك يا السربوت
غصب طلعه من الكرسي
بدو بيطلعوا
الضابط:لاتنسوا المحكمه الساعه 9 صباحاً لاتتاخروا عنها
فهد:ب اذن الله نطلع بدري للمحكمه
طلعوا وقفلوا وراهم الباب
جمانه ماسكه عبير غصب فكت يديها من جمانه وراحت ركض ناحية فهد
مازن من شاف امه بكى بيروح معها:اااااااااااا ماما
بتشيله من فهد وقف قدامها محمد:لوسمحتي يا اختي لو سمحتي لاتعقدي الموضوع زياده
عبير:حرام عليك اهاااااا اها حرام عليك هذا ولدي انا ولدي انا حملته في بطني 9 شهور
سعود:اي حملتيه 9 شهور هذا ولده هو من زوجته هو جابت تؤم الله اعلم وين ولدك الحقيقي الشرطه فتحت تحقيق مع المستشفى الي ولدتي انتي وزوجته فيه
فهد حس بتانيب الضمير بداخله مشاعر متناقضه فرحه بولده الي يشبه له ويشبه ل امه ويحس نفسه مومصدق حبهم بين عيونه لكن قدام دمعة ام
كان بيعطيها مازن تشيله مدة يديها بتشيله بتحظنه
وهو بيروح معها
منعه مناف:فهد هذا ولدك وين بترميه
مازن تقطع من البكاء:اااااااااااا ماما ماما
محمد:فهد ركز شوي ابنك انت تقدر تعطي عبدالرحمن ل اي وحده ب الشارع تقدر لا مارح تقدر خلنا نمشي
تجاوزوها وطلعوا
حزن تملك فهد على عبير دموعها وبكاها
ومازن صم اذنه ب الصراخ بينط من فوق كتف فهد وهو يمد يديه ل عبير تمسكه وتاخذه:ماما
دخله لسياره وهو بيطلع منها:ماما ماما
فهد رجعه لداخل
جلس جنبه محمد عبدالرحمن وقفل امان الباب لا يطلع
وقف مازن على الكنب يدق شباك الباب ويبكي:ااااااااااااااااااا� �ااهااااااااا ماما
فهد:سعود
سعود:فهد مفكر ترجعه لهم هذا ولدك ترا هو طفل بيبكي اليوم وينساهم بكره وين فرحتك فيه كم لعبه رح ينساهم بعدها امش اطلع لسياره الحين رعد يلعن سلسفيل جدنا اطلع بسرعه
طلع محمد مع فهد ب سيارته وحركوا السياره لطريق
عبدالرحمن يناظر لمازن هل هو انعكاس او مرايه
محمد سحب فلوس من جيب فهد:شوف تسكت اعطيك ها الفلوس
نط عبدالرحمن وشال الفلوس
مازن ناظر لعبد الرحمن وضربه على وجهه
عبدالرحمن حط يده على وجهه وبكى:اااااااااااا
محمد:يووه صرعتوني انت وياه
قام عبدالرحمن وقف على المقعد وشات مازن على وجهه
رفع مازن صوته ب الصراخ:ااااااااااااااا
محمد:وقف عندك برميهم بسيارة اي واحد
فهد:عبدالرحمن بطل اجلس عاقل واترك اخوك لحاله
الله اخوك كلمه حلوه كم مره خطط لها مع زوجته وانولد عبدالرحمن وقالوا صارة غلط ب التحاليل وكان معها ولد واحد مامعها تؤم تصير ها الاشياء كثير
مازن انفلت ضرب على عبدالرحمن وطيحه على المقعد مسكوا بعض وهاتيك يا تنتيف
وقف فهد على جنب
محمد يحسب عبدالرحمن وفهد يسحب مازن
كلهم وقفوا وراء فهد مايدرون وش السالفه
نزل محمد وفتح االباب ماقدروا يفرقوهم كذا
سحب مازن عن عبدالرحمن
نزل سعود:وش حصل
محمد:عيال الكلب ذولا
فهد ناظر ل محمد وهو موسع عيونه
محمد:هههههه اسف اسف
انس:الحين مين راح لمين
كلهم يبكون مازن وعبدالرحمن
محمد:والله يتضاربون مره ثانيه من الشباك ارميهم لك
انس شال عبدالرحمن:هات اخذه معي
رجعوا لسياراتهم وواصلوا الطريق
دخلوا للبيت
ورعد منسدح على السفره ومدكي:والله بدري
دخل فهد مازن غصب للبيت وهو يسحب فهد معاه لبرا
فهد يدخله لجوه:تعال هنا ياحبيبي تعال
عبدالرحمن دخل لصاله سحب لعبة السياره من على الطاوله وجاء لعند مازن وضربه على راسه ب السياره بقوه
فهد ضرب يد عبدالرحمن وشال السياره ورماها لبعيد ب الصاله
عبدالرحمن ومانز بنفس الوقت ودرجة الصوت يصارخون ويبكون
رعد:اااخ ياراسي وش قصتكم طلعتوا ب بواحد رجعتوا ب اثنين
سعود جلس جنب رعد:مازن طلع ولد فهد
رعد:ايش ايش نعم نعم من قال وكيف ومتى
صوت صراخهم عالي ما احد سمع نفسه
فهد:يا بابا خلاص اسكتوا
محمد شال عبدالرحمن:دخل هذا
فهد شال مازن غصب وهو ينزل من بين يديه
قفل الباب
دخله لصاله وهو بيطير من يده:امسك
سحبه رعد من يد فهد وجلسه بحضنه ماسكه وهو يصارخ
جلس فهد يده على راسه جااه صداع وارهاق مع جوع ما اكل شي من الصباح
رعد:فهد وش حصل لك
مازن رفع صوته ب الصراخ ورد له عبدالرحمن بصوت اعلا
رعد ماعنده صبر
وقف مازن مقابله وعطاه كف حتى بلع لسانه وسكت
رعد حط اصبعه بوجه مازن بين عيونه:اسمعني زين ترفع صوتك مره ثانيه اشيل لوزك بيدي وانتا عبدالرحمن اشيل الجزمه واقوم لك العن ابوك
فهد:رعد
جاء مازن ركض لعند فهد ونط بحضنه يبكي ويصاارخ
فهد رفع مازن لحظنه:جننتهم حرام عليك
عبدالرحمن جته غيره ليه مازن بحضن فهد
فهد حاظن مازن:خلاص انا اضربه لا عاد تبكي
رعد:الله الله بتقوم بتضربني وطلعلك ريش وقمت تطير
الوضع مافيه ضحك ابد
عبدالرحمن جاء لمازن ورفع يده بيضربه
فهد مسك يدعبدالرحمن:بطل احسن لك هذا اخوك لاتضرب اخوك
عبدالرحمن بيده الثانيه سحب شعر مازن
رعد فسخ جزمته:خله علي هذا انا اوريه
هرب عبدالرحمن شال رجله وهو يركض ناحية الدرج ويصارخ
رعد رماه ب الجزمه:تعال لهنا انا اوريك خلك تدخل لصاله وانا اوريك انتوا قربوا لهنا قولوا لي من متى وكيف وماذا ولماذا بسرعه
انس:خلنا ناكل ونذكر الله ونقول لك معي دوخه واحس راسي صار 3 اقسام
مناف:تعال فهد اجلس
فهد شال مازن وجاء جلس بينهم بحظنه مازن
عبدالرحمن يطل من وراء الجدران خايف من رعد لا يضربه
شال فهد عصير وفتحه يعطي مازن
شاله مازن ورماه على رعد
انكب بحظن رعد
وقف رعد بسرعه ينفظ بنطلونه:شوف ابن الكــ
فهد قاطعه:رعد بطل خلاص
رعد:الجرو ذا ماني ساكت له
فهد يفرك خد مازن:تستاهل كيف تضرب طفل صغير بها الطريقه
رعد:هذا طفل هذا شيطان هذا حفيد ابليس انا ما احب الازعاج لو يصرخ علي راسي مره ثانيه موبضربه الا بشق حلقه نصين واطلع لوزه بيدي وهو يسمعني
سعود:كانه مهتم فيك اويسمعك او حتى يفهمك اجلس تغداء بس
************
في بيت محمد
وصلت من الجامعه واصله حدها

رمت كتبها على السرير ورمت بنفسها بعدها
اندق باب الحمام
فزة جالسه تستعيذ من الشيطان:اعوذ ب الله من الشيطان الرجيم
اندق مره ثانيه
حطت يدها على قلبها:يمه
اندق ثلاث مرات وراء بعض
ظنت انه عبدالعزيز
جت للباب وحطت اذنها عليه تسمع
مسكت قبضة الباب وفتحته
*****************

ارائكم