السلام عليكم
صراحة انا اخترت سلسلة قوارير العطار يمكن لانها اشعرتنى انها بتناقش مشاكل كتير اكتر من غيرها من الروايات ويمكن حبيتها لانها اشعرتنى انها بتحكى عن حاجات حقيقية جدا فى حياتنا ويمكن لانها شدتنى بأبطالها اللى حبيتهم بشخصياتهم المختلفة (اقصد بنات العطار) ويمكن لان قضية زواج الاب وتأثير هذا الأمر على بناته هو موضوع شدنى كتير لان فى الفترة الاخيرة سمعت عن حالات كتيرة تزوج فيها الأب وهو كبير فى السن لكن طبعا الاسباب لا تقتصر على الحصول على ابن ذكر فقط وانما كان هناك اسباب اخرى
ويمكن لانك بتوضحى فى السلسلة دى دور الاخت الكبرى اللى عارفة تحتوى اخواتها البنات صراحة اعجبت باسلوب اسيا فى معالجة مشاكل اخواتها وكمان اسلوب رضا كأخ أكبر لمعالجة مشاكل اخوانه
لكن لو هاختار حاجة بعد السلسلة دى هاختار قلوب تحكى على الرغم ان كل رواية مستقلة عن الباقى لكن فى حاجات معينة شدتنى فى كل رواية فرفقا بقلبى جعلتنى اشعر ان احيانا ممكن المرء يوافق على حاجات هو عادة بيرفضها ذى ان المرأة تكون زوجة تانية وازاى تقدر تواجه دا، وان مش دايما الرجل هو منبع مشاكل الحياة الزوجية فزوجة احمد كانت سبب فى هدم حياتهم، كمان مش صحيح اننا منقدرش نحب بعد المرة الاولى المهم نلاقى شخص يفهم مشاعرنا ويحتويها
فى الرواية التانية كانت اول مرة الاقى رجل شرقى يقبل الزواج من امرأة مطلقة وهو لم يسبق له الزواج انتى ببساطة حسستينى ان لسة فى رجال مش بعقلية متخلفة ومش بيهتموا بالعادات والتقاليد لان فى فرق بنها وبين الحرام والحلال ، كمان لفتى انتباهنا لحقيقة بعض الاخوة الذكور للأسف بقرأ عن حوادث مشابهة كتير للأمر دا فى الواقع، واحيانا بيكون الاب هو اللى بيعمل كدا
الرواية التالتة بقى كانت رائعة بالنسبة لى لانها كانت تسد لواقع ان الرجل احيانا بيحب زوجته لكن كون انها ضعيفة او يمكن شايف دايما انها مستعدة للعطاء دون الاخذ بيدفعه انه يكون انانى كان لازم شهراذاد تدرك دا من البداية ، اما شاهين فللأسف حقيقة اننا بنعجب بشخص بتصور لنا احيانا اننا بنحبه فدا موضوع خطير.
مش هاقدر ااقول رأى فى الواية الرابعة لان عادة مش بحدد وجه نظرى فى الرواية غير لما أقرأها اكتر من مرة وافهمها كويس
مش معنى دا انى مش عاجبنى سلسلة الياذة العاشقين بس ببساطة حسيت انفى حاجات صعب الاقيها حقيقةفى الواقع يمكن ذى شخصية اسر وحبه اللى استمر لنادية للاخر ويمكن لانى لغاية دلوقتى مش عارفة ازاى اتوقفت عن حبها لاحمد وبقت تحب اسر حتى لو كان الاول ميت والثانى حى
لكن انا بحب فى السلسلة دى انها بتخلينى متصلة مع الابطال وحاسة ان انا عايز اعرف نهاية تصرفات كل شخصية
اكتر شخصيات اعجبت بيها هى بلال نموذج الشخصية الذكورية المثالية فى تدينه وحنانه وحزمه وتربيته لاخوانه واحتوائه لشخصية نجلاء من وقت قراءة القصة وانا اتمنى الواج من شخص مثله، كذلك احببت شخصية نجلاء علىالرغم انى شايفة اناه جريئة لكن احيانا دا بيكون ميزة، حبيت شخصية شاهر بهدوئه وحزمه
يمكن سبب كرهى لاسر انى بارفض الشخص اللى بيكون له علاقات كتير مع النساء
بس عموما عشان مطولش اكتر من كدا انا باحب كل الروايات لانى لما باقرأ لك مش باقرأ مجرد رواية رومانسية لكن باحب دايما استفيد من المشاكل واطبق النصايح اللى بتذكريه فى حياتى
تسلمى يارب من كل شر
|