[شمالية الهوى]

~ آلَبٌآرّتَ آُلِسَآدْسُ عَشْرٌ ~




• اَبْلُعَ آلّغَصْهُ وَتِنْهّآرْ آلَعِبّرُهَ



• وَآكُتِمَ آلُآهَ وَ تّفٌضِحَهُآ آلٌنْبَرْهُ




فهد : انا مشغول ما اقدر اكلم احد اذا تفرغت اتصلت على امي .
غيداء : اوك .. مع السلامه .
فهد : غيداء لاتزعلين علي .
غيداء : لا ماراح ازعل .. بس ياليت تقولي وش صار لك بكل شي عشان ما انحرج قدام اهلك .
فهد : حاضر اقولك انه رحلتي بكره ع الساعه 4 العصر .. الله الله بالاستقبال الزين اهلي كلهم موجودين اكشخي اوك ؟
غيداء : اوك .
فهد : بتروحين لأهلك ؟
غيداء : لا .
فهد : ترا عمك اتصل علي اليوم ويقول لازم تروحين لهم بكره .
غيداء : اشلون اروح لهم وانت بتجي .
فهد : انا اوصل العصر وفطور اهل عمك الساعه 7 .
غيداء : انا ما ابي اروح .
فهد : كيفك .. مع السلامه .
غيداء : مع السلامه .
قفلت جواله وجلست ع الطنبه مكالمتها له خففت من القهر اللي هي كبتت بصدرها طول الثلاث ايام كانت تعرف اخبار فهد من امه وتعرف اخباره وهي جالسه معاهم وبالصدفه تعرف عنه كل شي .
قامت وتوضأت وصلت ركعتين ودعت ربها " يااااارب سخر لي فهد "
شافت الساعه بجوالها 3:30 الفجر وراحت لمطبخ التحضير وفتحت الثلاجه وخذت توست وجبن وسوت لها توست بالجبن وعصير برتقال وجلست وخلصت اكلها ووقفت وراحت لدورة المياه وتوضأت وفرشت اسنانها وصلت الفجر ودخلت بالغرفه وسكرت الباب وزودت تبريد المكيف ونامت.



***


اماني : غريبه ليش ماجت غيداء الحين خلصنا سحورنا وصلينا وهي ماجت .
ساره بقهر من اهتمامهم بغيداء : اكيد الهانم نامت ولا كأن احد ينتظرها شايفه نفسها علينا ياكرهي لها .
الجوهره بعصبيه : ابي مبرر واحد لكرهك لغيداء حرام عليك البنت والله عمرها ماغلطت عليك .
ساره بغرور : ومن هي عشان تغلط على ساره اليحيى تطول السماء ماتبوس رجولي عاد اشلون تغلط علي .
الجوهره : ادري ماقلب تفكيرك الا اللي ماتنسمى وريف .
ساره : اوووه وريف تهاوشت معاها من زمان خلاص انتهت صداقتنا بس تبقى بنت عمي من لحمي ودمي .
وقفت اماني مصدومه وهي تشوف رويد نازل مع الدرج لابس ثوب ابيض ومعاه شنطته : رويد وين رايح وليش لابس كذا .
رويد بابتسامه : ليش يمه نسيتي ان ابوي بياخذني لعمامي .
اماني : بس مو الحين انا ابيك قدام عيني خايفه عليك هناك ناس بقريه صعب تعيش معاهم ولا راح يتقبلونك .
رويد : يمه انتي اللي قلتي لأبوي نجي للسعوديه وانتي اللي قلتي له انا لازم اجلس بالسعوديه هذي نتيجة غلطتك واذا تعذبت بالحياه هنا العوض بالجنه ان شاء الله .
مدى مو مستوعبه اللي يصير : يعني اشلون بتروح ؟
رويد : خلاص لاتكبرون الموضوع ترا بس بروح لعمامي مو رايح مكان وحوش ولا غرب .
نزل رويد وسلم على امه : مع السلامه يمه ان شاء الله اشوفك بالعيد .
دمعت عيون اماني وبغصه : مع السلامه ربي يحفظك .
سلم رويد على جدته وخالاته وطلع لأبوه اللي ينتظره ركب بالسياره : سلام عليكم .
عبدالمجيد : عليكم السلام .
رويد وهو يطاله ابوه : الحين وين بنروح ؟
عبدالمجيد : نروح عند جدتك .
رويد : يعني انا بروح عند جدتي وبنام بالقريه ؟
عبدالمجيد : ايه .
رويد بصدمه : وبشوف الحشرات والغنم واعيش بينهم .
طالعه عبدالمجيد : وش تقصد ياولد مين اللي بتعيش بينهم .
رويد : يبه اشلون انا اعيش بقريه انا بالقوه تحملت العيشه بالرياض ومو بأي مكان ببيت جدي منصور انا تعودت على الحياه بألمانيا .
عبدالمجيد : وراح تتعود على الحياه هنا .
رويد بقهر : تكفى يبه طلبتك اعيش عند جدتي بس الين بعد العيد واروح معكم لألمانيا اشلون بخليك انت وامي وماريا والله صعبه يايبه .
عبدالمجيد : انفذ كل هذا لك بس بشرط .
رويد بابتسامه : انت تامر امر .
عبدالمجيد : تبعد عن آزيال .. سمعتني آزيال ما تروح لها ولا هي تجي عندك .
رويد : من عيوني الثنتين والله ماروح لها ولا اخليها تجي بس تخلوني اعيش بالمانيا .
عبدالمجيد : جاك طلبك بس ترا وعد الحر دين .
رويد : وعد ما ارجع لها .


***


خذت لها شور ولبست تنوره ميدي ابيض وبلوزه وردي وحطت روج وردي وفتحت شعرها الاسود وانسدل على ظهرها وتعطرت ولبست حلق ابيض و اسوارات ابيض ولبست صندل ابيض طالعت بنفسها بالمرايه " waw kiut " .
نزلت مع الدرج تمشي بمهل شافت اماني تسلم على فهد تخيلت شكلها بينهم وفهد يسلم عليها حست بمغص ببطنها .
" اعوذبالله من الشيطان الرجيم "
لفظها لسانها ونزلت تحت وطالعها فهد وهو كان بيسلم على ساره .
وهي ابتسمت لفهد وكملت مشيتها ووقفت جنب اماني .
وسلم فهد على ساره وتجاهل وريف اللي واقفه بتصافحه وراح لغيداء .
وبلعت ريقها ومسك يدها وسلم على خدودها وبهمس : ترا كل هذا تمثيل كل العايله مجتمعين مايصير اتجاهلك .
زاد جروحها جروح حست انه سكين شرخ قلبها وصار دمه ينزف .
نزلت راسها للارض .
ورفع فهد راسها بيده وبهمس : خلاص كافي تميلح ترا ماهزيتي شعره من راسي .
نزلت غيداء يده وبهمس : يكفي خــلاص يكفي .
طلعت لغرفتها وابتسمت الجوهره : الله يهديك لازم تحرجها ؟
فهد : ههههههه يمه انا ماقلت لها شي بس هي اللي حياها زايد عن حده .
وطالع مدى اللي واقفه جنب وريف : ميدو تعالي ابيك بموضوع مهم .
راحت له مدى : هلا .
فهد بهمس : بنت عمك وش جابها هنا وانا حاط حرس مايدخلونها إلا بأذن غيداء .
مدى بهمس مماثل : فهد عيب عليك وش الكلام هذا .. هذي بنت عمك مين اللي يرضى على بنت عمه كذا ووريف شكت لأبوي .
قاطعها فهد : وتوعد فيني ابوي صح ؟
مدى : ايه صح .
صرخ فهد : امرتياااااااا .
جات الحارسه امرتيا تركض : نعم سيدي .
فهد بعصبيه : اشلون تدخلين العله هذي هنا ما استاذنتي مني .
امرتيا وهي ترجف : لقد اتصلت بك وقال لي السيد ناصر ءاذن لوريف بالدخول الى هنا .
فهد : خلاص انقلعي .
مشت من عنده امرتيا ووقفت وريف وبجرأه وهي توقف قدام فهد : مو انت اللي تطردني من بيت عمي عشان الحشره غيداء .
فهد بكل كره وحقد لوريف : غيداء تسواك - وبسخريه - يابنت العم .
وريف بعصبيه : مابقى الا هذي ترفع صوتك علي عشان بنت الحرام غيداء بس انت واشكالك مايعجبهم إلا بنات الحرام .
اعطاها فهد كف : اش قلتي ؟
طاح غطاء وريف ورفعت راسها وطالعت فهد وسط ذهول كل اللي جالسين وغيداء اللي واقفه بصدمه بأعلى الدرج نزلت غيداء تركض وراحت لفهد اللي مسك يدها : وش صاير ؟
فهد بهدوء وهمس : ماصار إلا الخير .
وقفت الجوهره : فـــهــد .
طالع فهد بأمه : وش سويت انت تمد يدك على بنت عمك بأي حق ؟
فهد : يمه انتي ما سمعتي كلامها عني .
وريف وهي تبكي : والله لتندم قد شعر راسك .
وراحت عند غيداء وطالعتها من فوق لتحت : وانتي والله ثم والله لأخليك ذليله تحت رجولي وادوووس عليك لاتتحديني ترا انتي مو قدي .



***


ام عبدالمجيد : ياولدي ليه ماتاكل ؟
رويد وهو يطالع جدته : شبعان الحمدلله .. بس ابي عصير برتقال .
صبت له جدته عصير واخذ الكوب وجلس ع الكنبه وجات عمته وسام : ياهلا وغلا واخيرآ ولد اخوي شرفنا .
ابتسم رويد : ياهلا بك .
وسام : رويد ليش ما تأكل معانا لايكون الاكل ماعجبك ؟
رويد : امممم لا ماعجبني .
وسام بابتسامه : افا عليك عندك عمتك وسام اطلب اللي تبي وهي تسويه لك .
رويد : ربي يسلمك ياعمتي وسام .
ضحكت وسام وهي مبسوطه من رويد وروحه المرحه : هههههه يابعد عمري .. اطلب امر تدلل وش تبيني اسوي لك ؟
رويد بابتسامه : ابي زاور براتن .
وسام : وشو ؟ زاور براتن وش ذي ؟
رويد : اكله المانيه حلوه مرره .
وسام : والله ياقلبي ما اعرفها .. بس ولا يهمك ابحث لك بالنت عن طريقتها واسويها لك .
رويد : والله جوعااان ومشتهي الزاور براتن .
وسام : ولا يهمك نص ساعه وهي جاهزه عندك .
رويد بابتسامه : الله لايحرمني منك ياعمتي .
طلعت وسام ورن جوال رويد ورد بـ : هلا بالزين كله .
اماني : ياهلا بك .. هاا حبيبي اشلون اول يوم قضيته عندهم ؟
رويد : اممم حلو ماتوقعته كذا .
اماني : وكيف اهل القريه معاك ؟
رويد : لسه ماطلعت من البيت الحر قاتل لو ماعندهم مكيفات كان اموووت .
اماني : اسم الله عليك جعل يومي قبل يومك .. وعمتك كيفها معاك ؟
رويد : عمتي وسام فديتها ماتبي يصير بخاطري شي وماتجيبه لي .
اماني : يابعد عمري يابنت خالي اعرفها زين تموت بخدمة الناس .
رويد بضحكه : ههههه وانا مو اي ناس انا ولد اخوها .
اماني : ياقلبي والله اشتقت لك .
رويد : يمه عندي لك خبر بمليون .
اماني : اش الخبر فرحني ؟
رويد : هههههه يمه اش فيك مستعجله بيجيك الخبر بس شوي شوي .
اماني : يوؤ يارويد قولي وش صاير ؟
رويد : ابوي وافق اني ارجع معاكم لألمانيا بس ابعد عن آزيال ولا عاد اكلمها .
اماني : ايه خله يسنعك آزيال هذي انا اكرهها .
رويد : بس هي ماسوت لكم شي والله حرام .
اماني بعصبيه : والى اليوم تحبها ؟
رويد : يمه اش فيك عمري ماحبيتها هذي صديقه فقط مابيننا حب .
اماني : بتقنعني انها صديقتك وبس .. رويد انا امك اعرف عنك كل شي وانت تحب آزيال .
رويد بهمس : مع السلامه مامي عمتي وسام جات .
اماني : بحفظ الرحمن .
نزل جواله ع الطاوله وحطت وسام قدامه المكرونه : ياقلبي ياولد اخوي ذوق هذي تراها طبخي .
اخذ رويد الملعقه : دامه طبخك اكيد حلوه .
وسام : والله انت الحلو .
دخلت ديم : عمتي ويــنـ... وطالعت برويد وسكتت ورجعت خطوات وراء وطلعت لها وسام : هلا ديم .
ديم بصوت مرتجف : م.مين الولـ.. الولد هـ..ذا ؟
ضحكت وسام : هذا رويد ولد عمك عبدالمجيد .
ديم تتذكر : رويد ؟ ايه تذكرته .
وسام : وش رايك فيه ؟
ديم بابتسامه : يخقق .
وسام : اش كنتي تبين مني ؟
ديم : لا خلاص ما ابي شي .
رجعت وسام لرويد اللي ياكل مكرونه وطالعها : عمتي ممكن سؤال ؟
وسام بابتسامه : عارفه سؤالك هذي ديم بنت عمك فواز .
ابتسم رويد : هذي اللي كانت بزر ماغيرها ؟
وسام : ترا حتى انت كنت بزر .
رويد : ههههههه بتقنعيني انك ماقد جربتي حياة البزران .
ضحكت وسام .



***

وريف وهي تبكي : ياعمي يمد يده علي - وطالعة بأبوها - اتغطى عنه ويمد يده علي يرضيكم ؟
منصور بعصبيه : ناااصر قوم قول للعله يجي .
طلع من عندهم ناصر وبعد دقايق دخل فهد ووراه ناصر وطالع بوريف اللي تبكي .
منصور بعصبيه وهو يوقف قدام فهد : بأي حق تمد يدك على بنت عمك ؟
فهد : يبه اسألها وش قالت عني .
منصور : وتمد يدك عليها صدق انك قليل حيا وانا ماعرفت اربيك .
عبدالمحسن : وتمد يدك على بنتي عشان زوجتك ؟ تبيع اهلك عشان زوجتك .
فهد : والله غيداء مالها دخل بالسالفه بنتكم طولت لسانها علي .
دخلت فاتن : سلام عليكم .
ناصر ومنصور : عليكم السلام .
فاتن وهي توقف جنب فهد : تعوذو من الشيطان .
الكل : اعوذبالله من الشيطان الرجيم .
فاتن : اجلسو .
جلسو منصور وجنبه وريف وجنب وريف ابوها , ناصر وفهد وفاتن واقفين : انا بقولكم الكلام اللي خلا فهد يمد يده على وريف .
منصور : قولي لي عن سواد وجيههم .
فاتن : والله كلامها ماينقال بس مايصير كلكم توقفون بصف وريف ضد فهد .
عبدالمحسن : قولي على الاقل نلقى مبرر لفهد .. فهد عمره ماغلط على احد وانا مو مصدق السالفه كلها .
فاتن : هو كان يدافع عن غيداء وقالت له .. ياربي مو عارفه اشلون اقولكم .. قالت له انت واشكالك مايعجبك إلا بنات الحرام .
طالع عبدالمحسن بوريف : ياقليلة الحيا .. ووقفت وريف وهي تستنجد بعمها ناصر : تكفى ياناصر قولهم يسامحوني .
ناصر وهو يطالع وريف : خلاص اتركوها .
عبدالمحسن : ناااصر انت مو جاهل تعرف اش معنى كلامها يعني ولد عمها رخيص .
وريف وهي تبكي : ايه هو رخيص متزوج وحده من الشارع .



***


غيداء بخوف : اخاف يصير شي بوريف وانا السبب .
الجوهره : خلاص ياغيداء ماله داعي الخوف هذا .
غيداء وهي تمسح دموعها : اخاف يزيد كرهكم لي وانا مالي يد باللي صار .
ساره وهي تحط رجل على رجل : مالك يد باللي صار ؟ انت اساس البلا لو مو موجوده كان ماصار اللي صار .
نوره بعصبيه : بسس خلاص اسكتي ياساره .
ساره : هههه حتى انتو قلبتو علي والسبب غيدوه .
مدى وهي توقف قدام غيداء : تعالي معاي للغرفه .
وقفت غيداء ومشت مع مدى ودخلو بالغرفه وابتسمت مدى وهي تحاول تزيل الخوف اللي مسيطر على غيداء : وتأكدتي ان فهد يحبك .
غيداء وهي تجلس ع السرير : مو وقتك الله يهديك .. تكفين اتصلي على عمك شوفي اش صار والله خايفه .
خذت مدى جوالها : الوو .. هااا نويصر وش صار .. ههههه اوك عمي ناصر وش صار .. تستاهل .. طيب مع السلامه .
وطالعتها غيداء : وش يقول ؟
مدى : يقول عمتي فاتن قالت كل شي صار بين وريف وفهد .
غيداء : اشلون تطول لسانها على ولد عمها ؟
مدى : قليلة حيا متعوده على كذا مو غريبه عليها .
نزلت دموع غيداء : ياربي ليش حظي منحوس كذا ؟ وش قاعد يصير ووريف اشلون دخلت حياتها ؟
مدى : ياقلبي ياغيداء مافيه احد بالدنيا يستاهل دموعك هذي ولا تهمك وريف .
غيداء : الحين اطيح من عين عمي ويقول انا السبب بالي صار هذي بنت اخوه مستحيل يرخص فيها لسواد عيوني .
مدى : فهد ماراح يخليهم يتهمونك تهم باطله .
غيداء : بس الغريب ان عمتي نوره جالسه وساكته ولا كأنه الامر يعني بنتها .
مدى : كذا هي عمتي مايهمها اي شي يخص مشاكل وريف يكثر خيرها انها خلتها تعيش ببيتها .
غيداء بإستغراب : ليش وريف مو بنت عمتي نوره ؟
ضحكت مدى : الا الا بنتها بس قصدي ما ادري اشلون تتحملها هي وسخافتها .
غيداء : الله يصلحها ويهديها .
مدى : غيود صح انتي تغارين على فهد منها .
طالعتها غيداء : لا من قال ؟
مدى : هههههههههههه حلوه لا من قال ؟ كرهك لها يدل على غيرتك على فهد .
غيداء : لا ما اغار على فهد ومن انا عشان اغار عليه .
مدى : نعم .. اش قلتي ؟
غيداء : اقصد اني ما اغار عليه من احد وفهد مايشوف غيري وانا الاولى والاخيره بحياته .



***


اعطاها عبدالمحسن كف ردد صدى صوته مجلس الرجال وفاتن حطت يدها على فمها وشهقت شهقه خافته كف فهد اهون من هذا باضعاف اضعافه ومنصور طالع بعبدالمحسن اللي كان بيضربها : ابو بدر .
طالعه عبدالمحسن : سم .
منصور :خلاص اللي جاها كفاها .
عبدالمحسن : انا اللي ماعرفت اربيها بس دواها عندي - وطالع فهد اللي واقف بجمود ومتكتف - معذور يوم مديت يدك عليها .
فهد : وعندي شي ثاني بقوله لك ياعمي .
وريف بين شهقاتها : خـ..خـ..لا..ص يـ..فهد ي.ك.فـ..ي .
كسرت خاطر فهد بس طالع ابوه وعمه : وريف طلعت لها رقم وتتصل على غيداء وتزعجها بس عشان اطلقها .. وأعطت رقم غيداء لـ15 شاب تعرفهم ما ادري اشلون وصلت لهم .
عبدالمحسن مسك وريف بشعرها وهو يصارخ : ياقليلة الحيااا .. من وين تعرفين الشباب هذولا ؟
وريف وهي تصارخ : والله ما اعرفهم والله ولاء بنت خالتي هي اللي سوت كذا .
راح ناصر لعبدالمحسن وفك وريف من بين يدينه بالقوه : استهدي بالله يابو بدر .
عبدالمحسن وهو يطالع وريف : امشي قدامي بوصلك البيت .
مسكت وريف يد عمها ناصر وهي تجلس على ركبها : تكفى تكفى انقذني منهم والله يقتلوني تكفى ياعمي .
مسك ناصر يدينها ووقفها : طلبتك يا بو بدر لا تسوي لها شي .
عبدالمحسن : والله ياناصر لو دافعت عنها لأضربك انت وياها .
ناصر وهو يطالع وريف : سمعتي كلام ابوك يا وريف والله مو بيدي وما اقدر اسوي لك شي .. وكل واحد يجني ماحصد .
وتركها وطلع مع فهد وفاتن تطالع وريف : تعوذي من الشيطان وقومي لبيت اهلك قبل لايصير لك مصيبه ثانيه .
وريف وهي توقف : حسبي الله على غيداء .
عبدالمحسن : بسس يابنت امشي قدامي .
لفت وريف طرحتها وتغطت فيها ومشت قدام ابوها .
طلعو للسياره وركبت وريف بالمقعد الخلفي جنب ابوها وهي خايفه منه .
طالعها ابوها وبعصبيه وبين اسنانه : مهما سويتي تبقين بنتي الوحيده وما اقدر اقسى عليك .. واقول لبدر على اللي صار وهو اللي بيربيك .
شهقت وريف : لا يبه الله يخليك بدر لايعرف بشي يبه تكفى خلاص .. يعني فهد عندك اغلى مني ؟
عبدالمحسن : انتي غلطتي على فهد قلتي عنه يستاهل بنات الحرام وين التربيه وين الاصول اللي عرفتيها من صغرك وين الحيا ؟
وريف : يبه هو قهرني ويقولي غيداء تسواك .
عبدالمحسن : غيداء الله يستر عليها عمرنا ماشفناها ولا سمعنا صوتها ولا انتي كل عيال عمك يعرفونك زين .. بس حسابك مع بدر بيربيك من جد وجديد اذا ماصرتي بنت سنعه مثل بنات الناس بتشوفين اليوم الاسود بحياتك .
وريف وهي تبكي : وهذا هو اليوم الاسود بحياتي .
عبدالمحسن : سودتي وجهي الله يسود وجهك .. ليش تسوين فيني كذا وش قصرت معاك فيه ؟
وريف وهو يبوس يد ابوها : ارجوك بابا سامحني .
سحب عبدالمحسن يده من يد وريف : اتصلي على امك عشان تجي تشوف مصايبك .
طلعت غيداء جوالها وهي تبكي واتصلت على امها : الوو .
نوره بخوف : هلا وريف وش فيك ؟
وريف بين شهقاتها : يمه تعالي للبيت بسرعه .
وصلو البيت ونزلو وشافت وريف بدر ينزل من سيارته وانقبض قلبها صار يدق بقوه تحس انه بيتوقف من كثر مايدق بقوه .
كانت تمشي وراء ابوها وطالع عبدالمحسن بدر : ادخل بسرعه .
مشى بدر جنب وريف ودخلو بالبيت وفتح عبدالمحسن الانوار ونزلت وريف طرحتها وجلست ع الكنبه وانهارت .
طالعها بدر بخوف : وريف فيك شي ؟
عبدالمحسن : اختك يابدر سودت وجهي .
بدر زاد خوفه : وش مسويه يايبه قولي .
عبدالمحسن : تقول عن فهد ولد عمها مايستاهل إلا بنات الحرام والمصيبه الاعظم انها تعرف 15 شاب .



***


نزلت غيداء مع الدرج وهي ترجف وطالعة بفهد .
وراحت له : هلا فهد يقولون طلبتني .
فهد بابتسامه : عاجبك اللي صار ؟
بلعت غيداء ريقها وبرجفه : لا والله مو عاجبني .
فهد : انتي اش تبين بالضبط حتى يوم مديت يدي على وريف عشانك ماعجبك .
غيداء : فهد ارجوك قفل الموضوع خلاص ماعاد فيني اتحمل .
طالع فهد بباب المجلس المقفل وتأكد انه مافيه احد عندهم وطلع من جيبه سلسال الماس : هذي هديتك تستاهلين اكثر .
لبسها السلسال وباس جبينها : ياحلاته عليك ماشاء الله .
سالت دموع غيداء : ليش تحب تعذبني ؟
فهد : حتى كذا اعذبك ابي شي يريحك واسويه لك .
حطت غيداء يدينها على وجهها وبين شهقاتها : ابعد عني وارتاح .
نزل فهد يدينها ومسح دموعها : خلاص ياغيداء لاتبكين وانا راح ابعد عنك لاتخافين بس ابيك تعيشين احلى حياه قبل لا ترجعين لأهلك .
غيداء بصوت مخنوق : فهد ارجوك يكفي تجريح خلاص .
فهد : انا ماجرحتك ولا قصدي اجرحك انتي كلامك يدل على انك ماتبيني .
غيداء وهي تمسح دموعها : والله مو قادره اتحمل خلاص ابي ارتاح لو يوم واحد بدنيتي .
فهد وهو يمسك يدها : ارتاحي ياغيداء ارتاحي .. واللي يعجبك راح اسويه لك .
انهارت غيداء وحضنها فهد وبهمس : مكاننا غلط اخاف يطلع احد يله اطلعي للغرفه وانا ببعد عنك مثل ماطلبتي .
بعدت غيداء عنه وطلعت تركض مع الدرج وتنهد فهد وطلع من البيت .
وركب بسيارته وهو مو عارف وين يروح .!
..

دخلت غيداء بجناحها وقفلت الباب ودخلت بغرفتها ورمت نفسها ع السرير " ليش تعلقني فيك اكثر بس عشان ماعندي احد يدافع عني بتلعب علي تختبر مشاعري تشوف ردة فعلي ليش تتهاون فيني كذا اذا كنت مروق مافيه احد احسن منك ..ليش يافهد وش ذنبي احبك وانت تكرهني "
جلست غيداء وفتحت درج الكومدينو وخذت دفترها اللي لونه ابيض وعليه رسومات اسود وبالنص فيه دبدوب من قطن لونه زهري.
وخذت قلمها الاسود وفتحت الصفحات اللي بالنص .
وكتبت ( يامسبب الجرح تكفى لاتزودها
خلاص يكفي تراني قلت لك يكفي
دنياي دايم تعاندني واعاندها
والهم نادى وضيك يالامل مطفي
الحب يسأل يبي ذكرى مواردها
وسوالف الهم تاخذ للاسف نصفي
واعاند الوقت واهمومي اجاهدها
ودايم تعاند حروفك بالزمن حرفي
القرب شوقي وذات الروح يسعدها
ياليت عطفك تعلم من بعض عطفي
واخر حروفي بربك لاتزودها
خلاص وافهم مادامني قلت لك يكفي

فهيد البقعاوي )

سالت دمعتها ومسحتها " ياليت يافهد تفهم خلاص يكفي "
طالعت بالسلسال وضاق خلقها وزادت دموعها " ليش يتلذذ بتعذيبي والله حرام انا عندي احساس ومشاعر "


***

صفع بدر وريف وحست ان خدها انجرح من صفعة بدر وبين اعماقها اطلقت بوجع : آآآه .
بدر وهو يضربها برجوله مع كل مكان بجسمها : من وين تعرفين الشباب هذولا تكلمي ياحيوانه .
وريف وهي تصارخ : اتركني يرحم امك اتركني .
بدر حس انه مافيه ذره بجسمها سليمه وجلس ع الكنبه ودخلت نوره وشافت بنتها طايحه ع الارض والدم حولها ( وانتم بكرامه ) وصرخت : وش هذا ؟
بدر : يمه وريف تعرف شباب واكيد انها تطلع معاهم .
حطت نوره يدها على فمها : يافضيحتنا .
تراخى جسم وريف واغمى عليها وصرخت نوره : بنتي وريــــــف .
دخل عبدالمحسن : وش صاير وش فيكم ؟
نوره وهي تبكي : شوف بدر وش سوا ببنتي .
عبدالمحسن ببرود : حقها وماجاها .
نوره : بنتي ماتت ياويلي عليك ياوريف .. انقلوها للمستشفى .
بدر : كافي فضايح خلوها هنا اتصلو على دكتورتها تجي تشوفها .
نوره : الله لا يسامحك يابدر اشلون تسوي بأختك الوحيده كذا حرام عليك .
بدر بقهر : يمه تدعين علي عشان قليلة الحيا هذي .
نوره : هذي بنتي .
بدر : وانا ولدك .
نوره : انقلع من بيتي انت قتلت اختك حرام عليك .
بدر وهو بطريقه بيطلع : انا رايح لناصر اذا ماتت خبروني .
نوره بخوف : بدر وين رايح ؟
طلع بدر متجاهل امه اللي تمشي وراه ركب بسيارته ومشى بسرعه واحتارت نوره مو عارفه شتسوي .
صرخت : ابو بــدر .
نزل ابو بدر مع الدرج : وش فيك انتي ؟
نوره وهي تبكي : دخيلك وريف لاتموت وانت تتفرج عليها .
اتصل عبدالمحسن على الدكتور الخاص بالعايله ودخل الدكتور سمير .
وراح عند وريف وامر الممرضات اللي معه ينظفون دم وريف اللي بوجهها وصحوها .
ونوره قلقانه عليها : وش فيها يادكتور ؟
سمير : احنا لازم نعمل لها اشعه هي محتاقه اشاعه احتمال كبير فيها كسور .
عبدالمحسن : تسوي لها الاشعه هنا ؟
سمير : لا ياباشا مايصلحش هون بننئلها ع المستشفى .. ايه اللي حصل بالزبط ؟
عبدالمحسن : انت كل شغلك تشوف اش فيها وتطمنا على حالتها وتسكت مالك فيها دخل .
سمير : انا عاوز اقهزه الاشاعه يا باشا .
عبدالمحسن : كم تحتاج ؟
سمير : ست الاف وخمسو ميه ريال .
عبدالمحسن وهو يطلع فلوسه من جيبه : وهذي سبعه الاف بس شوف حالتها بسرعه .


***

انبسط رويد لأن عمته الهنوف وصلت عندهم من البارح وكان طول وقته مع ملك وجهاد .
دخلت وسام : سلام عليكم .
جهاد ورويد وملك : عليكم السلام .
طالعت وسام ملك وبصدمه : انتي اشلون تجلسين مع رويد بدون غطاء .
ابتسمت ملك وهي تطالع رويد : رويد مثل اخوي وبألمانيا انا معاه بنفس الفصل يعني هو على قلبي مايفارقني وهو ولد خالي مو غريب .
وسام : انتي وش قاعده تقولين عيب عليك تقولين كذا ديم بنت خالك اصغر منك تستحي من رويد وتتغطى .
ملك : يوووه ياخالتي الكلام هذا ماراح ينتهي انا ورويد مثل الاخوان .
رويد : والله ملك مثل ماريا .
طالع جهاد برويد وملك اللي جالسين جنب بعض : يعني مابينكم حب .
رويد : لااا .
ملك : وش قاعد تقول انت ؟
جهاد : ههههههه وش فيكم ترا ماقلت شي .
دخلت الهنوف وهي معاها مكرونه ايطاليه واكلات المانيه ونزلتهم ع الطاوله : بالهنا والعافيه تعالو افطرو .
رويد بعد ماباس راسها : ربي يسلمك ياعمتي .
الهنوف : الله يخليك لي .. متى تجي امك والله اني اشتقت لها .
ابتسم رويد : ان شاء الله بعد يومين .
وسام : متحمسه بشوف ماريا اكيد احلوت لي سنه كامله ماشفتها .
دخل إياد على طاري ماريا : ماريا بتجي مع عمتي يوم الاربعاء الساعه 8 بالليل .
ملك : ههههههههههه اكيد ميرو ماخلت شي ماقالته لك .
إياد : وانتي اش دخلك ؟
الهنوف : خلاااص ارحموني اسكتو .. وانتي تحطين عقلك بعقل إياد .
سمعو صوت الاذان وجلسو يفطرون .
وطالعت الهنوف بوسام : وين امي ؟
وسام : راحت عند ام غازي اليوم الفطور عندها .
الهنوف : اوووه كان قلتو لي اروح مع امي .
رن جوال وسام : هذي ديم اكيد بتجي ملك بقولها تجي تجلسين معاها ولا بتقابلين العيال ؟
ملك : لا اجلس معاها .
وسام ردت ع جوالها : هلا ديم .
ديم : هلا بك عمتي .. رويد عندكم ؟
ضحكت وسام وبهمس : لا راح لأمه .
ديم : عمتي اتكلم جد رويد موجود ولا لا ؟
وسام : ايه موجود .
ديم بابتسامه : مع السلامه .. الحين بجيكم .
وسام : حياك الله .
ونزلت جوالها : ديم بتجي ممكن تطلعون من البيت عشان تاخذ راحتها ؟
جهاد : انتي روحي لها احنا ماراح نطلع .
رويد : جهاد وجع اش هالكلام مايصير نضايق البنت .. احنا بنروح لأبو.. اممم شسمه اللي عنده فطور الرجال ؟
ضحكت الهنوف : ابو غازي .
رويد : ايه بنروح لأبو غازي .
وسام : بس مو تروحون بلبسكم هذا لازم تلبسون ثياب مثل خلق الله .
جهاد وهو يطالع رويد : اذا رحت اجباري تلبس ثوب خلنا نروح نتمشى بالقريه الين تروح البنت .
رويد : خلاص نتمشى بالقريه .. مع اني لفيتها اكثر من 10 مرات .
جهاد : هههههههههه تخيل لو نعيش هنا ؟
رويد : والله الحياه هنا حلوه مره شي جديد علينا .
الهنوف : ااه بس يازين الحياه هنا بالسعوديه بين ربعكم وناسكم .


***

سكر فهد الباب وطالعوه امه وخواته ووقفت امه : فهد وين كنت ؟
فهد : طلعت اجيب مسكن لغيداء .
الجوهره بخوف : ليش اش فيها غيداء ؟
فهد ببرود : راسها مصدع .. عن اذنكم بروح اشوفها .
الجوهره : اجي معاك ؟
فهد وهو يمسك سور الدرج : لا يمه ماله داعي .
وطلع لجناحهم وفتح الباب وشاف غيداء تاكل كنافه وبيبسي .
وجلس ع الكنبه اللي جنبها وهو ماتكلم .
طالعته غيداء : ماتبي تاكل .
فهد : لا .
استغربت منه غيداء فهد عمره ماصار كذا : مشكور فهد على الهديه حلوه بالمره .
طالعها فهد : انتهى وقتها خلاص .
غيداء باستفسار : انتهى وقتها يعني كيف ؟
فهد : يعني خلاص انسي اني اهديت لك الهديه هذي لأنها هي اللي قلبت حياتي .
غيداء بخوف : فهد وش معنى حكيك هذا ؟
فهد : غيداء انتي ماقلتي تبيني ابعد عنك عشان ترتاحين ؟
هزت غيداء راسها بـ إيه .
فهد : خلاص انا احتمال اسافر لبريطانيا واجلس هناك سنتين واتركك عند اهلك .
شهقت غيداء : دخيلك فهد لاتتركني .
فهد بعد ما اخذ نفس عميق : ابعد عنك ولا ما اتركك .
غيداء بغصه : قربك يعذبني وبعدك يحرقني .