[شمالية الهوى]

~ آلَبْآرّتٌ آلْثَآمِنُ عِشَرُ ~



• هَآتْيَ يَ دُنِيَآيَ كَلْ عَنِآيَ



• آنَتْهُتِ حَيُآتِيْ وَبّدُآ آلَظِلُآمُ





وقفت غيداء وهي تطالع ناصر وبخوف ورعشه : وش..تـ..قول فـهـ..د اش فيه ؟
ناصر : هو ماقتل بس متهم وكل الاتهمامات هذي باطله .
غيداء : يعني خـ خـلاص راح يـيقتلونه ؟
الجوهره وهي توقف : غيداء تعوذي من الشيطان .
طاحت غيداء على الارض فاقده وعيها .
المصيبه عظيمه بس كانت الجوهره متماسكه وصابره .
غيداء فقدت وعيها ..!
ساره تبكي ومدى ماتقل عن حالتها .
فاتن واقفه ومو مستوعبه اللي هي تسمع .
سهى راحت تركض لغيداء ورفعت راسها : غيداااء .. غيدااء .
جلست الجوهره ونزلت الغطاء اللي على وجه غيداء وخذت كوب الماء و رشت عليها .
بس بدون فايده .
طالعت ناصر : اتصل على الاسعاف بسرعه .
اتصل ناصر على الاسعاف واثناء الربكه والخوف والترقب وصلت سيارة الاسعاف ودخلو الممرضات وشالو غيداء وطلعت معاهم الجوهره .
وصلو المستشفى ودخلوها بالغرفه وبعد دقايق مو قليله طلع الدكتور وكانو جالسين مدى وناصر والجوهره : هااا دكتور اش فيها غيداء ؟
الدكتور : حالتها النفسيه جدا سيئه وهي تعرضت لصدمه نفسيه .
الجوهره : اقدر اشوفها ؟
الدكتور : تفضلي .
دخلت الجوهره وشافت غيداء جالسه ع السرير الابيض وتبكي بحرقه : غيداء حبيبتي لاتعذبين حالك ناصر يقول الاتهامات باطله .
غيداء بين شهقاتها : خايفه على فهد ياعمتي .
حظنتها الجوهره : خلاص حبيبتي ان شاء الله المسأله سهله وفهد بيطلع منها .
غيداء وهي تبكي : اشلون يطلع منها وهي قضية قتل يعني فيها قصاص .
الجوهره : الله لايقوله ان شاء الله مايقصونه وفيه اديه يعني اهل المقتول ان شاء الله بيتنازلون .



***


منصور بعصبيه : ولدي لايمكن يقتل .
المقدم هاني : فهد قولي على كل اللي صار بالتفصيل .
فهد : كررت الكلام هذا الف مره .. يوم جات الساعه 12 بالليل جاني اتصال وقالي المتصل بسرعه اطلع للمزرعه شوف نايف وعامر وانا طلعت للمزرعه مثل ما قالي وصلت هناك وشفت المسدس طايح بالارض جنب الرجال المقتول رفعت المسدس بتأكد هو مسدسي ولا لا وشفت رجال راح يركض وما ادري مين هو وبعد ثواني والشرطه محاصره المكان واخذوني على انه انا القاتل .
المقدم هاني : وماتعرف اش اسم المقتول ؟
فهد : لا والله ما اعرف اش اسمه ولا اعرف من هو .
المقدم هاني : اشلون ماتعرفه وانت داخل مزرعته ؟
فهد بعصبيه : ياعمي هذي مزرعة اخوي وولد عمي والرجال هذا يمكن من الحرس او يشتغل بالمزرعه .
المقدم هاني : المزرعه والبيت والسيارات اللي عند الفيلا كلهم بأسم جارح .
فهد : جارح مين ؟
المقدم هاني : تسوي نفسك بريء ومو عارف شي - وبعصبيه - جارح اللي انت قتلت يا استاذ .
فهد : والله مو انا القاتل ياناس افهمو والله مو انا .. وكانو معاي البودي قارد 6 اشخاص والسايق والحارس الشخصي واسألوهم اذا كان انا القاتل او لا .
المقدم هاني : ليش ع بالك احنا اغبياء يعني انت مو دافع لهم فلوس عشان يوقفون ويشهدون معك .
فهد : انا مستحيل اتعامل مع احد بالرشوه وعمري ماتمشكلت مع احد وفجأه كذا اقتل ؟ واقتل رجال ما اعرفه ولا ادري من هو .
المقدم هاني : لا تحاول تتمسكن ترا احنا هنا تحقيق وتعترف غصب عنك .
فهد : اش اعترف فيه اذا مو انا القاتل اش اعترف عليه .. لا تظلموني .
المقدم هاني : اثناء القتل ماكان فيه احد بالمزرعه إلا انت والرجال اللي قلت انه هرب والمسدس لك ومنحوت عليه اسمك وهو مرخص باسمك اشلون تقول مو انت القاتل .. يعني من يكون ؟
فهد : والله مو عارف مين القاتل .
طالع المقدم هاني بمنصور : نايف وعامر وينهم ؟
منصور : سافرو لألمانيا .
المقدم هاني : متى طلعو من البلد ؟
منصور : الساعه 4 العصر .. وكل شي تلقونه بالجوازات ومتى كانت رحلتهم ومتى وصلو .
المقدم هاني : راح نبحث بالموضوع ونتعمق فيه اكثر .. هم يروحون للمزرعه كثير ؟
منصور : تقريبآ عايشين بالمزرعه .
المقدم هاني : اشلون عايشين هناك وهو كل شي باسم جارح البيت والسيارات .. حتى العمال اللي يصنعون الخمور بكفالة جارح مافيه اي شي يدل على ان عامر ونايف كانو ساكنين بالمكان هذاك .
منصور بصدمه : اي خمور ؟
المقدم هاني : لقيناهم بالمزرعه اثناء البحث عن اي شي يوصلنا لناس بالمزرعه او قريب منها .
فهد : طيب اشلون بطلع من السالفه هذي اللي انا مالي فيها دخل .
المقدم هاني : احنا هنا بتحقيق .. يعني مستحيل تطلع الا بأحدى حالتين تثبت برائتك او يتنازلون اهل المقتول .
فهد : طيب واذا اعترف القاتل .
المقدم هاني : اذا اعترف القاتل انت بريء .
فهد : وكم يوم بجلس هنا ؟
المقدم هاني : تجلس اربع ايام توقيف مؤقت وبعدها تطلع وخلال اربعين يوم اذا ماحصلنا القاتل مافيه قاتل إلا انت ولاتظن انك بتقدر تهرب ترا انت تحت المراقبه بالبيت وبكل مكان المباحث راح تمشي معاك كل خطوه تخطيها واسمك مع اللائحه السوداء مستحيل تسافر .
منصور : بس اهم شي انه يطلع من هنا ؟
المقدم هاني : ايه ان شاء الله بيطلع .



***

بالبيت الشعبي الأفخم بالقريه
فتحت ديم دريشة غرفتها وشافت رويد اللي جالس مع ابوها واخوها وليد بالدكه اللي قدام بيتهم .
طالعت برويد بتعمن ابيض حييل وعيونه واسعه ورموشه كثيفه وشعره لونه بني فاتح ومضفي على جماله التقويم الازرق وابتسامته الساحره " ياربي اجعله من نصيبي "
دخلت شيخه ( ام ديم ) : ديم وش قاعده تسوين ؟
سكرت ديم الدريشه : هااا ؟ ايه كنت اشوف وليد .
شيخه : ليش وينه وليد ؟
ديم : جالس مع ابوي وولد عمي بالدكه .
شيخه بإستغراب : اول مره اشوفك واقفه ع الدريشه .. تعالي سوي قهوه خالك حمود جاي الحين .
ديم : اوك .
شيخه : لا تأخرين والدريشه هذي لو فتحتيها مره ثانيه اكسر يدك سمعتي .
ديم : خلاص ما راح افتحها .
شيخه : واذا خلصتي لبسي همس .
ديم : همس مو هنا .
شيخه : وينها ؟
ديم : اممم عند وليد .
طلعت شيخه جوالها واتصلت على وليد : الوو .
وليد : هلا يمه .
شيخه : جيب لي همس بسرعه .
وليد : طيب .
طلعت ديم للمطبخ وسوت القهوه والشاهي ورتبتهم ورجعت لأمها اللي تناديها : يله اخذي همس غيري ملابسها .
شالت ديم همس وفز قلبها " آآه ريحة عطره تدوخ .. آووف انا وش حببني فيه هو جاي من المانيا مستحيل يطالع بوحده من قرايا ياربي كن بعوني"


***


صحى نايف من نومه وشاف الساعه 1 ونص ليلآ " اوووه جا لنا يوم كامل بألمانيا ماحسيت بالوقت "
وطالع بعامر اللي لسه نايم وصرخ : عااامر .
فز عامر ووقف : وش صاير ؟
نايف : قوم يله بنروح لعبدالمجيد واماني .
عامر : لا والله مستحي اروح لهم روح بروحك .
نايف : نعم وش قلت ؟ مستحي ؟
عامر : ايه ترا اماني تتغطى عني .
نايف : تتغطى عنك انا ماقلت لك قابلها قلت بنروح لبيتهم اماني ماراح تطلع قدامنا .
عامر : خلاص بس اخذ لي شور واجيك .
نايف : يله انتظرك .
نزل نايف للوبي وجلس وطلب كوفي .
جا عامر يمشي : يله مو وقتك انت وقهوتك قوم خلنا نروح لهم .
نايف : يله مشينا .
وركبو بالسياره وطلعو لبيت اماني اللي مو بعيد عنهم .
وصلو ونزلو .. دخلو بالبيت بعد مافتح لهم عبدالمجيد الباب .
عبدالمجيد : ياهلا والله زارتنا البركه .
عامر : ياهلا بك .
جلسو بالصاله الجانبيه وكانت اماني جالسه جنب عبدالمجيد لابسه جلابيه لونها اسود وابيض ومتحجبه .
طالعها نايف : اماني وش فيك ؟
طالعته اماني : اشتقت لولدي .
نايف : والله محد طقك على يدك وقالك خلي ولدك يجلس هناك .
عامر بهمس : وجع نايف وش هالاسلوب .
نايف : يعني تبكي على ولدها وهي اللي مخليته اش اقول لها ؟
عامر : لو تسكت احسن .
نزلت ماريا مع الدرج وسلمت على نايف وعامر .
وجلست جنب امها : مامي اشتقت لرويد والله كأني شهرين ماشفته مو يومين .
اماني : ان شاء الله بيرجع خلاص .



***

بالادعــاء العام .
كان فهد جالس وقدامه المحقق سعيد : بس مافيه اي شي يثبت كلامك .
طلع فهد جواله وفتح سجل المكالمات : هذا رقمه وهذي المكالمه مسجله باليوم والتاريخ والساعه ومدة المكالمه .
اخذ سعيد جوال فهد : احمد شوف الرقم هذا من بأسمه ووين موقعه .
احمد وهو ياخذ الجوال : على امرك .
سعيد : بسرعه خلال خمس ثواني وكل التفاصيل موجوده - وطالع بفهد - انت فهد اليحيى اللي الكل يعرف عنك نبل الاخلاق والصفات الزينه واعتقد الكذب مو من عادتك .. اعترف بكل شي يافهد .
فهد : انا ماعندي غير الكلام اللي قلته .
سعيد : الشهود اللي شهدو انك ماقتلت كلهم شهادتهم فيك مجروحه وماتقبل .
فهد : طيب ليش ؟
سعيد : اش عرفنا عن شغلكم يمكن تعطيهم فلوس عشان يشهدون بالزور .
دخل احمد ونزل الجوال ع الطاوله : طال عمرك الرقم بأسم المقتول جارح ال... وموقعها بالمزرعه .
ضرب سعيد الطاوله بيده : القضيه مقفله خلاص كل شي موجود بأسم جارح مانقدر نمسك خيط للقضيه هي مفبركه من قبل واللي لعبها عليك يافهد لعبها صح .. هذا اذا مو انت القاتل .
فهد : والله ماقتلت افهمو ياناس والله مو انا القاتل .
سعيد : جيب لي دليل انه مو انت القاتل ؟
فهد : عمري مادخلت مراكز شرطه وادعاء عام ومحاكم وسجون وتقولون اني قاتل .
سعيد : والله ماندري مين القاتل .. انت بعد يومين تطلع من هنا وتظل تحت المراقبه الى 40 يوم بندرس فيها القضيه وان شاء الله نحصل شي يفتح لنا ابواب الجريمه المقفوله .
دخل الطبيب الشرعي : سلام عليكم .
الكل : عليكم السلام .
الطبيب الشرعي ( ابو مصعب ) بعد ماجلس قدام فهد : احنا شرحنا الجثه وعرفنا كل تفاصيلها .
سعيد : قولي كل شي حصل .
ابو مصعب : قبل القتل كان المقتول نايم .. قتل بثلاث رصاصات ثنتين بصدره ووحده براسه وتوفى خلال ربع ساعه .
سعيد : كم الساعه مات ؟
ابو مصعب : الساعه 12:45 دقيقه .
سعيد : طيب ماعرفتو كم عدد اللي قتلوه ؟
ابو مصعب : محد لمس المقتول اطلق عليه الرصاص ببعد 30 سنتميتر .
سعيد : احمد كم الساعه اتصلو بفهد ؟
احمد : الساعه 12 .
طالع سعيد بفهد : يعني مافيه قاتل إلا انت .
فهد : وليش مايكون اللي متصل علي هو القاتل .
سعيد : وهذا هو الاحتمال الثاني للقاتل وراح نبحث عن القاتل وكل شي بيوضح لنا .
واخذ سعيد المسدس الملفوف بقماش اسود : احمد اخذ هذا للادله الجنائيه وشوف من بصماته اللي عليه .
اخذه احمد .
وطلع الطبيب الشرعي .
سعيد : يااااعسكري .
دخل حمود : اخذ فهد ورجعه للسجن .


***


عبدالمحسن : لا حول ولا قوة إلا بالله .. طيب بنروح لأهل المقتول لو طلبو منا كل ثروتنا .
صالح : بس فهد ماقتل يا ابو بدر .
منصور : ماقتل بس يمكن ينحكم عليه بالقصاص .. حسبي الله على من سوا فيه كذا .
عبدالمحسن : ابو فهد انت تعرف اهل المقتول ؟
منصور : لا والله ما اعرفهم بس اللي يسأل مايضيع هو اسمه جارح عبدالرحيم ال...
صالح : والله المصيبه اللي صارت محد حسب لها حساب وانا ماتوقعت في يوم من الايام بيكونون عيالنا قتله .
دخل بدر ومعاه ناصر وسعود : سلام عليكم .
الكل : عليكم السلام .
وجلسو وطالع سعود باعمامه : وش صار على موضوع فهد ؟
منصور : ماصار شي والى الان مايدرون مين القاتل كل شي بأسم جارح حتى الرقم اللي اتصل على فهد باسم جارح والمسدس اللي انقتل فيه ماعليه إلا بصمات فهد والزناد ماعليه بصمات ومايدرون مين القاتل .
ناصر : والله غريبه القضيه هذي اتصال جا فهد وراح لمكان الجريمه والمسدس مسدس فهد الشخصي اشلون وصل لهم ؟
منصور : حرميه هذولا يجيبون المسدس .. بس اللي مستغرب منه سامي اختفى من قبل لايصير اللي صار بيوم ماعاد له طاري ولا يرد على جواله ونقلو من بيتهم .
بدر : معقوله يعني سامي هو القاتل ؟
صالح : ليش لا .. نتوقع انه سامي وراح نقول بالمحكمه عن سامي واختفاءه المفاجئ هذا .
عبدالمحسن : يمكن هو اللي مسوي كل هذا لفهد عشان ياخذله كم مليون .
منصور : يمكن سامي القاتل .
دخلت فاتن : مساء الخير .
الكل : مساء النور .
فاتن وهي تجلس جنب منصور : منصور بشرني وش صار ؟
منصور : مافيه شي جديد .. وش اخبار غيداء ؟
فاتن : تعبانه حيل ومو راضيه تاكل وطلعوها من المستشفى .
منصور : ليش تطلعونها وهي تعبانه ؟
فاتن : هي طلبت من الجوهره والجوهره ماترفض لها طلب .
عبدالمحسن : المستشفى يزيد وجعها بالبيت اريح لها .
فاتن : الله يعينها .. إلا وش صار على موضوع المحامي ؟
منصور : بكره ان شاء الله بيوصل الرياض وان شاء الله يقدر يثبت براءة فهد .
ناصر : طيب سلطان عرف بالسالفه ولا لا ؟
منصور : ايه قلت له وهو جاي الحين بالطريق .
فاتن : اهم شي اماني لاتعرف بالسالفه تكفى يامنصور يكفي فقدها لولدها .. ونايف وعامر يكفيهم همهم اللي هم فيه .. اذا قدر الله وحكم بالقصاص على فهد نقولهم مات وبس .
منصور : ايه انا ما ابيهم يدرون بس المشكله رويد اذا عرف بالسالفه اخاف يقول لأمه .
فاتن : ورويد وش بيعرفه بالسالفه ؟
منصور : يمكن يجي هنا .
فاتن : واذا جاء هنا فهد مسافر وخلاص .


***

الجوهره : غيداء ياعمري اكلي هذا عشان خاطري .
غيداء وهي تمسح دموعها : مالي نفس ياعمتي ما ابي اكل .
الجوهره بحزن : فهد بريء واذا ربي كتب له قصاص يموت شهيد ليش تحزنين عليه .. كلنا بنموت .
غيداء : مو معقوله ياعمتي انتي تقولين كذا توقعت انك بـ تبكينه بدال الدمع دم .
الجوهره " الله يستر من الايام الجايه " : ما ابكي ولدي وهو حي اذا مات اكيد بحزن عليه الله يصبرنا .
غيداء : عـمي يقول يومين ويطلع فهد .
الجوهره : وهذا اللي مصبرني ومخليني قويه انا ما ادري يلقون القاتل ولا لا بس ربي مايضيع حق احد .
غيداء : المصيبه انه كل شي بمكان القتل ملك للمقتول مافيه اي خيط للقضيه .
الجوهره : كل شي بينكشف لنا وبنعرف مين اللي يتبلى على فهد .
دخلت مدى : سلام عليكم .
غيداء والجوهره : عليكم السلام .
مدى وهي تجلس ع السرير جنب غيداء : شخبارك غيود ؟
غيداء : الحمدلله على كل حال .
مدى : زوجة عمك اتصلت عليك ورديت عليها وتقول لازم تجينهم ضروري اليوم تروحين لهم .
غيداء : مو وقتها .
وقفت الجوهره : عن اذنكم .
مدى : اذنك معاك مامي .
طلعت الجوهره وطالعت مدى بغيداء اللي تبكي : وش فيك ياغيداء يومين ويطلع فهد .
غيداء بغصه : عارفه انه بيطلع ويجلس هنا اربعين يوم بس اش عرفني اذا هو بيعيش ولا بيقصونه .
مدى : لا لا مستحيل يقتلون فهد .
غيداء : هذا القانون وينطبق على الكل ياخوفي يامدى انهم يقتلون فهد .. انا حظي كذا كل ماحبيت احد خلاني .
مدى : تفائلي بالخير وش فيك انتي .
غيداء : اي خير واي زفت وفهد متهم بقضية قتل .. انتي عارفه اش عقوبة القاتل ؟
مدى : عارفه بس انتي افهمي هذا فهد مستحيل ابوي يخليهم يقتلونه يعطيهم فلوس الدنيا بس اخوي مستحيل يموت .
غيداء وهي تبكي : اللي ربي كاتبه لفهد مستحيل يتغير سواء كان ابوك غني او فقير .
مدى : غيود انتي ليش متشائمه كذا كلنا متأكدين ان فهد بيطلع اشلون يقصونه ترا هذا ولد اليحيى .
غيداء : عارفه انه ولد اليحيى بس النظام يمشي عليه وعلى غيره واللي يطبقونه على عيال الناس ينطبق عليه .
مدى : بس مو اي ناس انتي مو عارفه صيتنا وكيف احنا مهمين .. العالم كله يحسب الف حساب لعائلة اليحيى .
غيداء : ايه عائلة اليحيى يحسب لها الف حساب ونايف وعامر بألمانيا هاربين من المافيا وفهد متهم بقضية قتل حالكم حال الناس .
مدى : وربي انتي مو فاهمه .. يعني ابوي وعمامي بيروحون لاهل القتيل وبيعطونهم اديه وراح يتنازلون والمحامي اللي جابو لفهد اكبر محامي بالسعوديه محامي مايخسر ولا قضيه .
غيداء : بس قضية القتل والجرايم يخسرها محامي شاطر ومحامي مو عارف اي شي لأنه لها نظام وقانون معين كل الناس يمشون عليه .


***

ضحكت سهام : فهد اليحيى يدخل السجن .
عبدالرحمن : لا تتشمتين بالناس تطيح على راسك مصيبه اعظم .
سهام بضحكه : اي مصيبه يرحم والديك مصايبنا غير عن مصايبهم هذولا ناس كبار الحين كل السعوديه عرفو بسواد وجه زوج بنت اخوك .
عبدالرحمن : فهد مظلوم ماقتل .
سهام : مظلوووم ؟ ليش حتى بالامور هذي فيه واسطه وعيال النعمه يطلعون منها مثل الشعره من العجين .
عبدالرحمن : عيال النعمه وعيال الفقر ينطبق عليهم قانون واحد والقصاص والتنازل بيد اهل المقتول مافيه واسطه ولا هم يحزنون .
سهام : إلا ماقلت لي من ولده اللي فهد اليحيى قاتل ؟
عبدالرحمن : واحد من عصابة المافيا تاجر مخدرات .
سهام باستغراب : من عصابة المافيا ؟
عبدالرحمن : ايه وش فيك ؟
سهام : وش وصل فهد لهم .. شكلك مزوج بنت اخوك لواحد سكير .
عبدالرحمن : فهد مو سكير رجال ونعم فيه ولو مايستاهل غيداء كان مازوجته .
سهام : علينا ياعبدالرحمن لو مايستاهل غيداء ؟ ولا طمعان بفلوسه .
عبدالرحمن : مو انا اللي ازوج بناتي عشان مصالحي .
سهام : غيداء مو بنتك وانت طمعان بفلوس زوجها ولا كان مازوجتها .. بس لاتخاف اذا مات فهد غيداء لها نصيب من الورث .
عبدالرحمن بعصبيه : انا مو حقير لهالدرجه ازوج اليتيمه لرجال ما اعرفه عشان الفلوس .
سهام بسخريه : فـهد اليحيى ينقتل هههههههه لا مو مصدقه .
طالعها عبدالرحمن : انتي اش فيك ؟ ترا كلنا بنموت .
سهام : العصر ابي اروح اشوف غيداء .
عبدالرحمن : لا ياسهام ماتروحين لها .
سهام وهي تجلس ع الكنبه : اش تبي الناس يقولون عنا تركو بنتهم وهي بمصيبه عظيمه .
عبدالرحمن بعد تفكير : خلاص تروحين لها .
سهام : بس ساعه واطلع من عندها ماراح اتأخر .
عبدالرحمن وهو يطالع بساعته : بـاقي نص ساعه على صلاة العصر .. خليك جاهزه .
سهام وهي توقف : انا بروح اغير ملابسي واتجهز .


***

خذت غيداء لها شور ولبست بنطلون اسود وقميص ابيض ولفت شعرها كعكه ودخلت بالغرفه وخذت شرشف صلاتها ولفته عليها وصلت العصر وطولت بسجودها وهي تدعي لفهد .
قال تعالى ( ادعوني استجب لكم ) والدعاء مستجاب باذن الله اذا ما استجيب فالدنيا فهو مؤخر الى يوم القيامه .
خلصت من صلاتها وجلست ع السرير وطلعت دفترها وكتبت .

( تتعمق الجروح في قلبي !
ويعتليني الحب ويسكن في أحشائي .
تخرج الآه من اعماقي ,, وتكثر آلامي .
فالأمس كنت بجانب الحبيب انظر اليه !
والآن ليس لدي حبيب .
تائهه لا ادري اين اذهب ؟
وليس بجانبي من يسكن قلبي
وليس يدي بيد من عشقته عيناي .
وليس هناك من يحتضنني !
الدنيا بعيني اشبه بمدينه حزينه .
سقطت أوراق اشجارها على الطرقات .
وذبلت ورودها واصبحت قبيحه .
واختفت أصوات سكانها واصبحو يذرفون الدمعات .
حالي اليوم كحال طفل تائه يبحث عن ملجاء
اختفت ابتسامتي وظهرت دمعتي
اختفى حبيبي وظهرت الوحوش البشريه
اختفى النور وبدا الظلام يكتسي عالمي )

( *بقلمي )

طق الباب وقامت غيداء وفتحته وطالعت بسهام وابتسمت مجامله لزوجة عمها : هلا بك حيالله من جانا .
سهام وهي تنزل عبايتها : هههههههههه صدق بيقتلون زوجك .
طالعتها غيداء وبين اسنانه : لا تفاولين عليه .
سهام بابتسامه : ليش الخبر مو صدق .. انا سمعت خالد يقوله وهو اكيد .
غيداء وهي تجلس : الا صدق بس هو ماقتل .
سهام : لا ياعيوني هو قاتل .. وانتي النحس يلاحقك بكل مكان مالكم شهرين متزوجين ويتهم بقضية قتل هههههههه والله تو ارتحت .
غيداء : هذا مو حظي ولا حظه قضاء وقدر .. وبعدين اللي يضحك على مصايب الناس ربي يبلاه بمصيبه اعظم .
سهام : ههههههههههههه مافيه اعظم من المصيبه هذي .
غيداء بقهر " ياربي تبلاها بمصيبه اعظم من كذا "
دخلت الجوهره بعد ماطقت الباب : سلام عليكم .
غيداء وسهام : عليكم السلام .
الجوهره : غيود حبيبتي عمك يبيك - وطالعت سهام - حياك الله ام خالد تعالي للمجلس .
نزلت غيداء ووراها سهام والجوهره وراحت لعمها منصور اللي بمكتبه : سلام عليكم .
منصور وهو ينزل الفايل اللي معه : عليكم السلام ياهلا والله ببنتي .. تقضلي .
جلست غيداء ع الكرسي الاسود الفخم .
منصور : ليش حزينه كذا ؟
شهقت غيداء ونزلت دموعها : خايفه على فهد .
قام منصور وباس راس غيداء : لاتبكين يابنتي فهد بيطلع بكره وما ابيه يشوفك بالحاله هذي وهو بإذن الله راح يطلع من القضيه مثل الشعره من العجين .
غيداء وهي تمسح دموعها : اشلون يطلع منها وهي قضية قتل .
منصور : ربي مايضيع حق احد وفهد مظلوم .
غيداء : عارفه انه مظلوم بس ماراح يرحمونه هذا حكم القاتل مافيه الا القصاص .
منصور : غيداء يابنتي ما ابيك تبكين فهد وهو عايش .. ان شاء الله بتنحل القضيه .
غيداء بحزن : ان شاء الله .
منصور : سلطان ان شاء الله يحل القضيه المعقده واحتمال هو يستلمها .. والامور طيبه بس انتي لاتحزنين كذا والله حالتك ماتسر لاعدو ولا صديق وصدقيني فهد بيطلع من القضيه ولو مو واثقين كان ماشفتي امه وخواته بالحاله هذي .
وقفت غيداء : ان شاء الله بيلقون القاتل .. عن اذنك عمي .
وطلعت ونادتها الجوهره : غيـود .
راحت لها غيداء : هلا عمتي .
الجوهره : اجلسي معانا ترا الحزن ماراح ينفعك وفهد بيطلع بكره ان شاء الله .
شهقت سهام : اشلون يطلع بكره ؟
طالعتها غيداء وباستغراب : بيطلع بكره اش فيك مستغربه .
سهام : هااا .. ايه انا مو مستغربه بـ..بس القاتل يجلس بالسجن اقل شي 82 يوم .
الجوهره : هو ماقتل والشهود 7 وراح يطلع هو ماقتل عشان ينسجن .
سهام : طيب ليش ساجنينه ؟
الجوهره : عشان يعترف مين القاتل .
وقفت سهام : الله يرده لكم سالم .. عن اذنكم بروح البيت لاتقاطعينا يام فهد لازم تزورينا .
ابتسمت الجوهره مجامله : ان شاء الله .
طلعت سهام " هذي اش شايفه نفسها عليه حتى ماوقفت او قالت مع السلامه .. قطييعه "
نزلت ساره مع الدرج وطالعة بغيداء وجلست وبدلع : مامي .
الجوهره : هـلا حبيبتي .
ساره وهي تلعب بشعرها اللي هي حاطه ع جنب : بروح لباريس .
طالعتها الجوهره : سارونه حبيبتي فيك شي ؟
ساره : لا .. ليش ؟
الجوهره : وين بتروحين لباريس واخوك لسه ما انحلت مشكلته .
ساره : والله ماراح اجيب شي جديد اذا جلست ولا راح يتغير شي .
الجوهره : بس فيه شي اسمه احترام اذا ماهمك فهد قدري ظروفه .
ساره وهي تحط رجل ع رجل : من يوم تزوج فهد بنت اللذين وهو طايح من عيني .
وقفت غيداء : عن اذنك عمتي .
ساره وهي تقلدها : عن اذنك عمتي .. انتي وجودك هنا غلط .
الجوهره بعصبيه : ساره وش هالكلام عيب عليك هذي زوجة اخوك .
ساره : يمه اكرهها .
الجوهره : الله يصلحك ويهديك قولي امين .
ساره بابتسامه : امين .. هاا مامي اروح لباريس او لا ؟
الجوهره : تروحين لباريس مع مين ؟
ساره : اممم نايف اكيد ماعنده شغل هناك يروح معاي .
الجوهره : ماراح تطلعين من الرياض دام وضعنا كذا اذا انحلت قضية فهد روحي مكان ماتبين .
ساره : ماما والله طفشت اول مره اجلس بالبيت كذا اوووف .
الجوهره بعصبيه : انتي ليش مو مثل بنات الناس .. مو راضيه بأي شي .
ساره : الحياه ممله .
الجوهره : احمدي ربك ع النعمه اللي انتي فيها غيرك يتمنى يعيش حياتك .
ساره : اي نعمه اللي تتكلمين عنها يامامي .. عايشين بالرياض وين النعمه .
الجوهره : استغفري ربك لايسخط الله فينا .
ساره : انا ابي اعيش مثل اماني قليل تدخل آسيا عايشه بأوروبا بعيده عن قرايبها .
الجوهره : الحمدلله على نعمة العقل احد يتمنى الغربه ؟
ساره : الله ياحلو الغربه ياليتني عايشه بأوروبا القاره كلها حلوه .
الجوهره : الله يحقق لك اللي فبالك .
ساره : يمه صدق ام هذي المانيه ؟
الجوهره بابتسامه : لايكون تغارين منها عشان امها المانيه ؟
ساره : هههههههههه انا ساره اليحيى اغار من هذي .
الجوهره : سارونه غرورك هذا ماراح ينفعك شوفي الغرور وين وصل وريف .
ساره : ظلم غيداء هو اللي وصل وريف باللي هي فيه .
الجوهره : ظلم غيداء ؟ ليش وش ظلمت وريف فيه .
ساره : يمه غيداء تتحدى وريف بكل شي يكفي معجبات وريف تركوها وراحو لغيداء وفهد ترك بنت عمه وراح لغيداء .
الجوهره : بس وين ظلم غيداء بالموضوع هي ماظلمت احد .
ساره : يمه مشكلتك طيبتك .. انتي ماتعرفين غيداء مثل ما اعرفها .
الجوهره : ماكنتي كذا يابنتي وش اللي غيرك .
ساره : ليش يمه اش اللي تغير فيني ؟
الجوهره : كرهك لغيداء .
ساره : يمه بصراحه انا ماكرهتها إلا بعد ماقالت لي وريف عن حقيقتها وانها ماتزوجت فهد إلا هي طمعانه بفلوسه وهي متفقه مع عمها انها تطلع بالشارع وتجي عند بيتنا عشان يتزوجها واحد من اخواني او عيال عمي .
الجوهره : اهاا ووريف مين اللي قالها ؟
ساره : والله ما ادري .
الجوهره : حبيبتي وريف تكذب عليك وعم عيداء مايدري بالسالفه الى يومك وبعدين فهد مالقاها بالشارع مثل ماقال .
ساره بإستغراب : طيب وين لقاها ؟
الجوهره : بشطارتك انتي وبنت عمك تعرفون وين لقاها .


***

سلطان : شوف ملفات فهد وشوف جارح الله يرحمه .
هاني وهو ينزل الوراق ع الطاوله : انا سألت عن فهد وكل من سألت عنه يمدحه لي ولا واحد قال عيب بفهد عكس جارح الكل يذمه ويسبه ويشتمه ويقولون صاحب مشاكل ومخدرات وتفحيط .. انا ما ادري كيف اوصل للحقيقه .
سلطان : وليش لا يمكن فهد قتله كل بني ادم يخطون .
هاني : لا لا ما اعتقد كلام فهد يدل على برائته والاتصال اللي جا فهد مسجل من شركة الاتصالات لأن الجوال كان مراقب .
سلطان : طيب دامكم متأكدين ان فهد ماقتل ليش معقدين القضيه خلاص فهد انتهى من الموضوع وماله دخل .
هاني : لا يا سعادة العقيد المسدس ملك لفهد ومنحوت عليه اسمه يعني هذا 50% ان فهد هو القاتل .
سلطان : القضيه كلها معقده ماندري من وين نبدأ فيها .
هاني : الفرقه اللي ارسلنا لموقع الجريمه شهدو على كلام فهد ويقولون شافو رجال طالع من المزرعه يركض .
سلطان بعصبيه : طيب ليش مامسكوه ؟
هاني : ماكانو يعرفون انه فيه جريمه .
سلطان : طيب ليش مرسلين الفرقه بنفس وقت وقوع الجريمه ؟
هاني : لأن نايف وعامر طلبو منا الساعه 12:50 وفرقه كامله في الموقع عشان المافيا .
سلطان : ويمكن الرجال اللي شافوه يركض هو نفسه اللي اتصل على فهد وهو نفسه من رجال المافيا .
هاني : القضيه معقده حـــيل ولا ندري من يكون القاتل بس الايام راح تكشف لنا كل شي .
سلطان وهو يوقف : احتمال انا امسك القضيه بعدك و40 يوم اذا ما لقيت القاتل يمكن تخسر منصبك .
هاني : ليش اخسر منصبي وش ذنبي ياسعادة العقيد ؟
سلطان : اذا مالقيت القاتل ولا انكشفت 70% من اوراق القضيه تعتبر ضابط فاشل ومو منصبه مقدم .
هاني : ان شاء الله بنلقى القاتل يعني وين بيروح .


***

في الصباح صحت غيداء من نومها على كابوس مزعج " اعوذبالله من الشيطان الرجيم .. وش هالكوابيس اللي صارت تجيني "
شربت من المويه اللي ع الكومدينو وقامت وخذت لها شور ولبست بنطلون ابيض وبلوزه واسعه لونها رصاصي .
ربطت شعرها بربطه رصاصي وطلعت وجلست بالصاله خذت جوالها واتصلت على فهد : الوو .
فهد : هلا غيود .
غيداء : وينك ؟
فهد : الحين جايين مع الطريق انتظريني .
غيداء : انتظرك على احر من الجمر .
فهد : مع السلامه .
غيداء : مع السلامه .
قفلت منه ونزلت جوالها ع الطاوله وطق الباب وقامت وفتحت الباب : هلا ساره .
ساره : لا هلا ولا مسهلا .. وش اللي انتي قايله لأبوي يعني خلاص راح فهد رحتي تتشكين لأبوي ؟
غيداء : ساره فهميني وش صاير ؟
ساره وهي تقلد غيداء : ماصار شي ست غيداء - وبجديه - غيداء ابوي وش عرفه اني اكرهك ؟ ليش انتي رحتي وقلتي له لو فيك خير كان واجهتيني انا .
غيداء : ساره انا ماسويت لك شي وانتي اللي تطولين لسانك على والله ماشكيت لأحد .
ساره : ابوي الحين يقولي غيداء لاتضايقينها ولا تزعلينها .. يعني اش عرف ابوي انه بيننا مشاكل .
غيداء : والله ما ادري ومو انا اللي قايله لعمي .. ومابيننا شي عشان اشكي لأحد .
ساره : انتي هدفك بس تفرقين بيننا انتي غريبه كلها كم يوم ويطلقك فهد وتنقلعين لأهلك .
غيداء بقهر : ساره انتي اش تبين مني ليش تسوين فيني كذا والله حرااام .
ساره : حرمت عليك عيشتك ان شاء الله وش الحرام اللي سويته فيك ؟
غيداء : تتهميني وتهينيني وانا عمري ماغلطت عليك .
ساره بغرور : ولا راح تغلطين علي انا ساره اليحيى اللي يغلط علي ادوس عليه برجلي شكلك ماتعرفين مين ساره اليحيى .
غيداء : لا اعرفها زين بس ياليت تقصرين الشر .
ساره بصراخ : هيييي انتي اشلون تكلميني كذا ؟
غيداء : ساره الله يخليك اطلعي من هنا .
ساره : قال ايش قال اطلعي من هنا .. هههههههههه انتي تطرديني من بيتي ؟
غيداء : فهد الحين جاي بالطريق واذا جا ان شاء الله يتفاهم معاك .
ساره : انتي مخلووقه من اييش ماتحسين على دمك .. بنت حرام وساترين عليك ومزوجينك فهد عشان نستر عليك وتتمادين وتتحدينا طيب ياغيداء اذا ماصارو الرياض كلهم يتكلمون فيك وبفضيحتك ما اكون ساره اليحيى .
غيداء : واذا تكلمو الناس فيني ؟ اهم شي اني عند ربي طاهره وماغلطت ولا الناس مايكفيهم إلا الترااب .
ساره انقهرت من غيداء : يعني مو فضيحه لو البنات كلهم يتكلمون عنك وعن سواد وجهك .
غيداء : كلام الناس مايهمني ومين الناس عشان يهمني كلامهم اهم شي اني ما اغضبت ربي ولا انتي والناس بحريقـــه .
ساره وهي تمسك بلوزة غيداء وتشد عليها بقبضة يدها : انتي تكلمي زين وانا عمتك ساره وتاج على راسك .
نزلت غيداء يد ساره بقوه : الله يشفيك قولي امين .
ساره : الله يشفيك انتي .. غيداء لاتحطين راسك براسي ترا انتي مو قدي انتي حشره ادووس عليك برجولي .
ماحست ساره إلا بكف قوي على خدها .