[شمالية الهوى]

~ آلّبَآرْتُ آلُعِشَرّوًنُ ~


• آمَطِرْتُ سَمِآيّ حِزْنَيْ



• وَآزْهَرّتُ آرْضَيُ هَمِوْمُ





بسام : مافيها شي ان شاء الله نعطيها العلاج اللازم وحالتها حتتحسن بإن الله .
نوره : طيب وش فيها هي ؟
بسام : جات ضربه على العمود الفقري اثرت فيها شوي .


***


في الصباح ومع تغريد العصافير ونسمات الهوا المائله للبروده كانت غيداء واقفه بالبلكونه وبيدها كوب كوفي وتتأمل الحديقه الكبيره ببيت عمها منصور طلع فهد : صباح الخير .
غيداء بابتسامه : صباح الورد .
فهد : غريبه اش عندك صاحيه بدري ؟
غيداء : ماجاني نوم .
فهد : انا الحين بطلع للشركه بشوف سامي احتمال القى شي يوصلني له .
غيداء : الله معاك بس لاتتأخر .
فهد : اوكي .
طلع من عندها وهي رجعت لغرفتها طالعت بالساعه 7:00 صباحاً .
" الله اليوم اول ايام الدراسه اكيد ميدو راحت الجامعه اليوم "
رن جوالها : هلا ميدو .
مدى : صباح الخير .
غيداء : صباح النور .
مدى : غيود تروحين معاي للجامعه ؟
غيداء : نفسي اروح بس فهد مافتح لي موضوع الجامعه وانا ماقلت له .
مدى : اتصلي عليه الحين وقولي له لأني بروح بعد ربع ساعه .
غيداء : اوك .
وقفلت من مدى واتصلت على فهد : الوو .
فهد : هلا .
غيداء : فهد ممكن اروح الجامعه مـــ...
قاطعها فهد : لا لاتروحين للجامعه .
غيداء بقهر : ليش ؟
فهد : مو اليوم .. انا ابيك بموضوع اهم من الجامعه بكره ان شاء الله تروحين .
غيداء : اوك .
فهد : لا تنامين ترا الموضوع مهم وضروري .
غيداء بابتسامه : اوك بإنتظارك .
فهد : ياحبي لك .
ابتسمت غيداء بخجل " ياروحي انت " : مع السلامه .
ضحك فهد بصوت خافت : لبى اللي يستحون .. مع السلامه .
سكرت غيداء وسالت دمعتها " آآآه ليش يافهد تعلقني فيك اكثر من كذا "
مسحت دمعتها وتعطرت ونزلت تحت : صباح الخير .
الجوهره بابتسامه : صباح النور ياهلا وغلا .. تعالي افطري معاي .
جلست غيداء بالكرسي المقابل لعمتها سمعت صوت ساره : يالله صباح خير انتي وش جابك ؟
الجوهره وهي تطالع ساره : ساااارونه عيب هذي زوجة اخوك .
ساره وهي تسحب الكرسي اللي جنب امها : هذي المشكله انها زوجة اخوي .
الجوهره : انتي بتداومين اليوم ؟
ساره : لا مو رايحه الجامعه بروح عند وريف بعد عمري بنت عمي تعبانه حيل .
الجوهره : الله يكون بـــعونها .
طالعت ساره بغيداء : حسبي الله على من كان السبب باللي صار لوريف .. فرقت بين وريف وبدر .
كانت غيداء تفطر ومن الظاهر ولا همها كلام ساره وتتظاهر القوه والتجاهل ومن الداخل بصدرها نار ماتنطفي .
دخل فهد وطلعت ساره وجلس فهد جنب غيداء وافطر معاهم وقفت الجوهره : عن اذنكم بروح لنوره بنتها تعبانه .
فهد : اذنك معاك يالغاليه .
مشت من عندهم الجوهره .
طالع فهد بغيداء : اذا خلصنا الفطور اقولك الموضوع .
خافت غيداء " الله يستر " : وش عنه الموضوع بديت اتوتر .
فهد بعد ماباس يدها : لا تخافين الموضوع عادي مره بس مهم بمجرى حياتنا .
وقفت غيداء : انا شبعت الحمدلله .
وقف فهد ومسك يدها : يله نروح الحديقه ولا جناحنا ؟
غيداء وهي ترجف : خلاص مو قارده اتحمل وش عنه الموضوع .
طالع فهد بغيداء : وش فيك الموضوع مايخوف لهالدرجه وهو عادي مره .
غيداء : انا ارتحت بالايام اللي راحت وما ابي شي يقلب حياتي يكفيني اللي فيني .
لف فهد يده على اكتافها : قلت لك لاتخافين وحياتك من كذا واحسن .
غيداء بغصه : بس خايفه من الايام الجايه .
فهد : غيود حبيبتي لاتخافين وانا جنبك .
صارت غيداء تنتحب بصمت طالعها فهد وضمها لصدره .
وهي ارتاحت من بعد كلامه بس خايفه انه في لحظه تفقده .
تخيلت حياتها بدونه وزاد بكاها .
حط فهد يده على خصرها ومسك يدها وهو يهديها جلسو بالصاله الجانيه : خلاص اهدي لو عرفت ان حالك بينقلب كذا كان مافتحت الموضوع .
غيداء وهي تمسح دموعها : لا عادي بس انا خايفه من مستقبلي المجهول .
فهد : انا مأمن لك مستقبلك من بعدي وورثي كله لك .
غيداء وهي تبكي : تكفى لا تقول كذا .
فهد : غيداء اذا كان تحبيني لا تبكين .
وقفت غيداء : بغسل وجهي واجي .
وراحت وغسلت وجهها " لا إله إلآ الله "
رجعت لفهد اللي واضح انه متضايق ومهموم جلست جنبه : هاا اش الموضوع .
فهد بابتسامه : خلاص ماتبكين ؟
غيداء بابتسامه : ما عاد ابكي .
فهد : قولي لي كل مشكلتك اللي خلتك تطلعين بالشارع بلبس ولد .
غيداء : لا خلاص مالها داعي .
فهد : غيداء انا ابي اريح ضميري قبل لا امو...
قاطعته غيداء بغصه : تكفى فهد لا عاد تجيب طاري الموت ياجعل يومي قبل يومك .
فهد : الله لايفرقنا بس احتمال انقتل وانتي عارفه .. خلينا من القضيه هذي .. قولي لي المشكله اللي خلتك تطلعين بالشارع بالشكل اللي شفتك فيه .
غيداء : اوك .. زوجة عمي ضربتني ودخلت المستشفى وجاتني بالمستشفى وقالت لي والله اذا رجعت لبيتها راح تشغلني بدعارتها هي واخوها وانا ماعندي إلا الحل هذا واطلع بلبس ولد احسن من اني اصير بدون كرامه وشرف .
فهد : وهي ماتخاف من ربها ماتخاف من الفضيحه ؟
غيداء : ما اتوقع عندها قلب عشان تخاف .. وقبل ثلاث سنوات دخلت اخوها بغرفتي بس بعد ربي انقذني منه ولد عمي .
فهد : حسبي الله عليها .
طالعته غيداء : خلاص عرفت سالفتي .
فهد : عرفتها .. وارتاح ضميري .. كم يوم وانتي متقمصه دور الولد ؟
غيداء : تقريبآ اسبوعين .



***


صحى رويد من نومه وأخذ له شور ولبس برمودا لونها اسود وبلوزه اديداس اصفر وسبورت وصلى العصر ونزل تحت : سلام عليكم .
ام عبدالمجيد ووسام : عليكم السلام .
سلم رويد على راس جدته : يالله انك تحفظه وتخليه لي .
رويد : امين ويخليك لي يالغاليه .
وسام وهي توقف : رويد بروح اسوي لنا اكل لاتروح انت ماتغديت .
رويد : لا بروح عند عيال عمي تو اتصلو علي .
ام عبدالمجيد : حبيبي لا تتأخر ترا اخاف عليك .
وسام بابتسامه : يمه ترا رويد رجال ماشاء الله عليه .
ام عبدالمجيد : بس هو امانه برقبتي .
رويد : ان شاء الله بعد ما اصلي المغرب اجي .
وطلع من عندهم وراح للدكه اللي قدام بيت عمه فواز .
وجلس مع عيال عمامه ( وليد ورائد عيال فواز - و حمد وماجد عيال عبدالعزيز )
رائد : متى بتداومون ؟
رويد : انا بروح المدرسه بكره .
ضحك حمد : الله يعينك على تعليقات العيال .
رويد باستغراب : ليش ؟
حمد : يقولون الوردي لأنه شكلك مايعطي واحد عايش بقريه .
رويد : اهااا .
وليد : العيال على بالهم انك خكري .
رويد : لا اعوذبالله .. بس انا مافيني شي من البنات .
ماجد : هههههه إلا قول مافيني شي من العيال شعرك بني وعيونك زرقاء .
رويد : والله احس الدراسه هنا حلوه المدرسه كلها اولاد .
وليد : ههههههههههههه الله يستر اذا شفتها .
ضحكو الشباب كلهم .
وطاحت عين رويد على اللي تطالعه من الدريشه طالعها وعرف انها ديـــم بنت عمه فواز نزل عيونه عن دريشة غرفتها اللي تسكرت بسرعه .
وقف رويد : عن اذنكم شباب بروح لعمتي وسام .
حمد : لا بدري اجلس معانا ماجاء لك نص ساعه معانا .
رويد : والله لازم اروح هي تنتظرني وجدتي ماتبيني اتأخر .
رائد : الله يعينك على جدتي .
رويد بمزح : احترم نفسك ما ارضى عليها .
رائد : صدق انك وردي .
ضحكو الشباب وضحك معاهم رويد ورجع لبيت جدته .
دخل وهو يفكر بديم : وســــام .
جات وسام من المطبخ وبخوف : رويد حبيبي وش فيك ؟
رويد بابتسامه : تعالي ابيك بموضوع مهم .
جلست وسام جنبه : ابي اعرف كل شي عن ديم بنت عمي .
وسام : رويد انت تحبها ؟
رويد : لا بس ابي اعرف عن بنت عمي .
وسام بابتسامه : علينا يارودي .. المهم وش بتعرف عنها ؟
رويد : اول شي هي بأي صف ؟
وسام : طالعه لثاني ثانوي .. و اش بتعرف عنها بعد .
رويد : تحب او لا ؟
وسام : يعني تحبها ؟ والله ما ادري بس ما اعتقد لأنها تقولي كل اسرارها ولا مره قالت لي انها تحب .
رويد : يعني ماتحب احد من عيال عمي عبدالعزيز ؟
وسام بابتسامه : ياااغبي هي اختهم من الرضاعه .
ابتسم رويد : ترا ما اعرفكم زين .
وسام : اي والله ماكنت تعرفنا وش اللي غيرك ؟
رويد : خلاص كبرت لازم اعيش بين اهلي .
رن جوال وسام : هذي حبيبة القلب اكيد بتجي .
رويد : اذا كان بتجي تكفين بشوفها .
وسام : اتفاهم معاك بعد ما اكلم البنت .. الوو .
ديم : هلا وغلا بعمتي .
وسام : ديوم وش عندك مو عادتك الترحيب هذا .
ديم بابتسامه : لبى قلبك سومي فاهمتني ابي اسألك عن رويد وينه ما اشوفه مع العيال .
ضحكت وسام : عندي .. تعالي .
ديم : اوك بس اغير ملابسي واجي .
وسام : انتظرك لا تأخرين .
وقفلت من ديم ونزلت جوالها على الطاوله : رودي قلبي طلبك مستحيل انك تشوف ديم .
رويد : ليش ؟
وسام : مايجوز شرعا وثانيآ لو عرف عمك فواز انك تشوف بنته والله ليقتلك .
رويد : وش هالعادات تراها بنت عمي .
وسام : حرام الولد يشوف بنت عمه وهي مو لاخطيبته ولا زوجته .
رويد : طيب متى اقدر اشوفها ؟
وسام : اذا ملكت عليها ذيك الساعه شوفها بأي وقت .
رويد بقهر : طيب احبها ابي اشوفها اشلون .
وسام : شكله عادات المانيا مأثره عليك بقوه مايصير تشوفها .
رويد : ليش .
وسام : ولو اخوانها ولا ابوها ولا عمامها يعرفون انك تبي تشوفها والله يقتلونك مايصير تشوفها .
رويد : هي بتجي الحين ؟
وسام بابتسامه : ايه .
رويد وهو يوقف : خلاص انا بروح لوليد .
وسام : لا تتأخر .
رويد بابتسامه : لا ماراح اتأخر .
وطلع وشاف وليد وديم يمشون جهة بيتهم وهو صد عن ديم وجا وليد : رويـــد .
طالعه رويد : كنت رايح لك الله جابك ابيك بسالفه مهمه .
وليد : امرني .
رويد : المكان مو مناسب بنروح اي مكان خارج القريه .
وليد : يله .
ومشى مع وليد وركب بسيارة وليد bmw2013 لونها ابيض .
وطلعو من القريه الصغيره وطالع وليد بالارض : تبينا ننزل ؟
رويد : لا لا كذا حلو واحنا بالسياره .
طالع وليد برويد : امرني ياولد عمي وش تبي .
رويد بتردد : اشلون الحب عندكم .
طالعه وليد .


***

مدى : يمه اماني تدري بقضية فهد ؟
الجوهره : لا اماني حامل واخاف عليها .
مدى : بس لازم تعرف وهي بتجي بعد شهرين .
الجوهره : تجي ونقول لها فهد مات اهون من اننا نقول لها فهد انقتل .
مدى : والله صعبه .
الجوهره : تعرف وهي عندي احسن من انها تتعب وهي بالغربه .
مدى : ونايف وعامر ما عرفو بشي .
الجوهره : اخاف يقولون لها خلاص ماراح يعرفون اي شي .
نزلت ساره مع الدرج : وين الست هانم غريبه البيت منور اليوم وين راحت ؟
الجوهره وهي توقف : اش فيك على زوجة اخوك ؟
ساره : اكرهها .
الجوهره : خلاص خلي كرهك لها بقلبك عيب اللي تسوينه والله عيب وانا ماربيتك على كذا .
ساره : يمه انا متربيه ولأني متربيه ما اجلس إلا مع ناس متربين و....
قاطعتها الجوهره : خلاص روحي لغرفتك .
ساره : مامي تزعلين علي عشان وحده ماتسوى ؟
الجوهره : ما ازعل عليك عشانها بس حرام تذلينها وتهينينها .
مدى : والايام دوراه لاتشمتين بالناس يجي اليوم اللي هم يتشمتون فيك .
ساره : انتي كلامك كلام عجوز اكيد غيدوه اللي مغيره تفكيرك كذا .
طلعت الجوهره لجناحها وساره طلعت لجناحها .
دخل منصور : سلام عليكم .
مدى بعد ماقبلت راس ابوها : عليكم السلام تو مانور البيت .
منصور : منور بوجودك يالغاليه .. بسام جاي الحين ويبي يكلمك بموضوع مهم قبل لاتملكون .
شهقت مدى : لا يبه دخيلك ما ابي اكلمه .
منصور : وش فيك يابنتي هو ولد عمتك مو غريب وانتي تعرفينه زين .
مدى : ولد عمتي صح بس ما ابي اقابله .
منصور : ع العموم هو جاي .. بس اطلعي له وانتي لابسه عبايتك وطرحتك لسه ماصار زوجك .
مدى بحيا : اوكي .
وطلعت لجناحها وفتحت الباب ودخلت غرفتها ولبست عبايتها وطرحتها وهي تمسع امها تناديها " يامدى تعالي بسرعه "
نزلت تحت وطالعتها امها : هذا لبس تقابلين فيه زوجك روحي اكشخي ع الاقل حطي روج مسكرا كحل مو كذا وعبايه .
مدى : يمه هو لسه مو زوجي وما ادري وش موضوعه هذا بروح اشوف وش عنده .
الجوهره : الله يهديك .
مدى : يمه وين غيداء وفهد ؟
الجوهره : غيداء راحت عند عمها وفهد راح لشغله .
مدى : طيب مافيه احد من اخواني ؟ اشلون اروح لبسام بروحي .
الجوهره : عمك ناصر اظن موجود .
مشت مدى من عند امها وهي متوتره وخايفه شافت ناصر واقف ويبتسم لها : اهلآ بالعروس .
سلمت عليه مدى وبهمس : وجع اسكت لاتفضحنا .
ناصر : هههههههههه .. يله ادخلي هنا بسام ينتظرك .
مسكت مدى يد ناصر : لا وين رايح تعال معاي ما ادخل عنده بروحي .
ناصر : هو زوجك على سنة الله ورسوله اش خايفه منه .
مدى : ناصر الله يخليك تعال معاي .
ناصر : لا روحي بروحك هو يبيك بموضوع خاص اكيد يخص حياتكم يله روحي .



***


وليد : يعني اشلون ؟
رويد : لو واحد حب وحده من القريه وعرفو اهل القريه وش يسوون له ؟
وليد : اهاا كذا .. رويد انت تحب .
رويد بسرعه : لا .
وليد : هههههههههه وش فيك ؟
رويد بابتسامه : ماتوقعتك تسألني كذا .
وليد : هههههههه اشوفك مهتم بالحب توقعت انك تحب .
رويد : اممم انت تحب ؟
وليد : ايه احب بنت جيراننا .
رويد : كيف تقابلها وتكلمها ؟
وليد بصدمه : اكلم وحده مابيني وبينها أي شي ؟
رويد بإستغراب : اشلون مابينك وبينها شي وانت تحبها ؟
وليد : حب بس مو خطيبتي ولا زوجتي .. حتى لو كانت خطيبتي مايصير اكلمها هنا مو مثل المانيا .
رويد : عارف بس اللي يحبون بعض اشلون عايشين هنا .
وليد : اذا كان يحبها صدق يخطبها ويتزوج ويكلمها بالوقت اللي يبي .
رويد " يعني حتى انا ماراح اكلم ديم ولا اشوفها " : طيب واذا كانت بنت عمه .
وليد : رويد انت تحب ؟
رويد : لا .. بس ابي اعرف طقوس القريه .
وليد : حتى لو كانت بنت عمه مايصير يكلمها كل هذي من دواعي الزنا يعني محرمه .
رويد : غريبه اشلون حرام يتكلمون مع بعض ؟
وليد : رويـــد قولي الحقيقه انت تحب وتبي تقابل اللي تحبها .
رويد بخوف : لا من قال ؟ وبعدين انا احب وحده من المانيا ماراح احب غيرها .
وليد : وتتوقع ان عمي راح يوافق تتزوجها ؟
رويد : انا راح اقنعه .
وليد : والله اني شاك فيك ياولد عمي انك تحب ومن الديره واتوقع ضحى او ديم .
ابتسم رويد " شكلي فضحت نفسي " : لا بنات القرايا مايعجبوني .
وليد : افااا بنات عمك اهل القرايا .
رويد : بنات عمي على عيني وراسي بس يعني تفكيرهم يختلف عن تفكيري صعبه احب او اتزوج وحده منهم .
وليد : تو تأكدت انك ماتحب .. والله على بالي انك خلاص حبيت وحده من البنات وتبي تقابلها اسألتك غريبه مره .
رويد : ههههههه لا ماحبيت ولا راح احب بس بعرف كل شي عن الناس اللي انا عايش بينهم .



***


فهد وهو يجلس جنب غيداء : بقى 33 يوم على موعد محاكمتي .
سالت دموع غيداء : آآآه يافهد صعبه دنياي بدونك .
فهد : دموعك هذي ما ابي اشوفها تراها غاليه علي .
مسحت غيداء دموعها : فهد خلاص تكفى لاتعلقني فيك كثير انا احبك وما اقدر اعيش بدونك .
فهد : وانا احبــك ومن اول يوم شفت فيه حبيتك .
غيداء : ياجعل يومي قبل يومك .
فهد : بعيد عنك الشر حبيبتي .. انا يومي قريب .
شهقت غيداء : لا تقول كذا الله يخليك ان شاء الله بتنحل القضيه .
فهد : اسبوع كامل مو عارفين اي شي القضيه كل مالها تتقفل وتتعقد اكثر من قبل .
غيداء : ان شاء الله ربي يفرج همك وتنحل المصيبه هذي .
فهد : انا ما ادري كيف بتعيشين بعدي .. تبين بيت بروحك ولا عند عمك ؟
بكت غيداء : لا تقتلني بكلامك ان شاء الله ماراح يصير اللي انت تقول .
فهد : غيود حبيبتي افهمي انا بنقتل ماراح اعيش معاك بس انتي تبيني اطلقك ولا تترملين انا مو عارف اشلون تبين حياتك .
غيداء وهي تبكي : خلني على ذمتك اصير ارمله ولا مطلقه .
فهد : لاتبكين جعلني ما ابكيك .
غيداء : ان شاء الله اموت ولا اسمع خبر وفاتك .
فهد : اسم الله عليك .. بعد ما اموت تتزوجين وتنسيني ؟
غيداء : لا مستحيل اتزوج بعدك ومستحيل احد يجي مكانك .
فهد بعد ماباس يدها : ضميري يأنبني لآني كنت اجرحك على بالي الدنيا بتصفى لي .
غيداء وهي ترمي نفسها بحضنه : انت ماقصرت معاي بشي .
حضنها فهد : يارب تنحل قضيتي والله لأعيشك احلى عيشه .
غيداء : لو كان تعاملني مثل اول بس اهم شي انك قدام عيني ما ابي تغيب عني .. فهد .
فهد : عيون فهد .
غيداء : لا عاد تجيب طاري الموت تكفى اللي فينا مكفينا .
فهد : من عيوني .
اطلقت غيداء آآآه من اعماق قلبها .
فهد بهمس وهو يخلل شعرها باصابعه : سلامتك من الآه وش فيك غيود ؟
غيداء : تعباااانه ابي ارتاح .
فهد : ارتاحي ياقلبي وارمي هموم الدنيا وراك .
غيداء بتعب : خلاص مافيني اتحمل كل شوي وهي طالعه لي مصيبه .



***


وريف وهي تبكي : يمه والله تعبت خلاص ما ابي ارجع البيت بطلع من هنا لأي مكان ما ابي اشوف احد .
نوره وهي تمسح على شعرها : تعوذي من الشيطان وانا راح احل مشكلتك .
وريف : يمه انا تعبت ما ابي اشوف بدر ما اطيقه .
نوره : هذا اخوك ولو مو خايف عليك كان ماسوا فيك كذا .
وريف : حسبي الله عليه ياجعله للموت .
نوره : لاتدعين على اخوك .
وريف بصراخ : مو اخــــوي مو اخوي خلاص انا اكرهه .
دخل بدر : سلام عليكم .
وريف وهي تبكي وبصراخ : اطلع من هنااا انقلع مااابي اشوفك .
بدر : اهدي اهدي .. وش فيك ؟
وقفت نوره : بدر اطلع من هنا .
بدر بقهر : انا مو جاي عشانها جاي ابلغها ان ملكتها بعد ماتطلع من المستشفى يعني بعد يومين .
وريف : من بتزوجني انت ؟
بدر : لا تخافين امام المسجد ابو بندر .
نوره : يالظالم اشلون ترمي اختك على الرجال .
بدر : هو بنفسه جا وخطبها من ابوي واحنا وافقنا والملكه بعد يومين غير هالكلام مافيه .
وريف وهي تبكي : بس احنا مانعرفه وهو من برا العايله .
بدر : امام المجسد رجال متدين وبصراحه انتي ماتستاهلينه وانا اخاف انه حرام نزوجك مثل ابو بندر وهو مايدري انك قليلة حيا وخاينه .
وريف : بـــــدر خلاااااص ارحمني وزواج ماراح اتزوج واعلى مابخيلك اركبه .
بدر : والله تتزوجين وغصب عنك ماعندنا بنات ينزلون روسنا للارض نستر عليك ونزوجك قبل تسوين لنا فضيحه وتلحقينا العار .
وريف : والله ما اتزوج .
بدر : لا تحلفين .
وريف : وربي ماراح اتزوج وشوف الغالب انا ولا انت .
نوره : استهدو بالله خلاص يابدر اطلع من هنا .
بدر : مع السلامه ياعروس .
وريف بقهر : الله لايوفقك .
طلع بدر وانهارت وريف وامها تهديها : خلاص ياروح امك .
وريف : يمه زوجوني انا رخصت عندهم ابوي اللي كان مدلعني يزوجني غصب عني .
نوره : خلاص هذا تكفير لذنبك استغفري ربك وصلي على النبي وربي يفرج همك .
وريف : وانا وش ذنبي اللي سويته ؟
نوره : تكلمين شباب بس عشان تنتقمين من زوجة فهد .
وريف : آآآآه يارب اموت قبل لا اتزوج ياااارب طلع روحي قبل لا اطلع من المستشفى .
نوره وهي تبكي : ياعمري لاتدعين على نفسك .



***


رويد : وسام .
طالعته وسام : هلا .
رويد : اممم ابيك تعزمين ديم بنت عمي .
وسام بعصبيه : وش تبي فيها ؟
رويد : لا تفهميني غلط انا ابيها تجيب همس .
وسام : تكلم مثل خلق الله قول لي اجيب همس مو اعزم ديم .
رويد : طيب ليش معصبه ؟
وسام : والله انصدمت منك على بالي بينك وبين ديم شي .. يمكن انت متعود على ملك .
رويد بابتسامه : لبئ قلبها بنت عمتي .
وسام : انت تحبها ؟
رويد : لا والله هي مثل اختي .. هااا تجيبين همس ولا لا ؟
وسام : ايه بقول لديم تجي وتجيب همس معاها .
رويد : تسلمين عمتي .
وسام بابتسامه : تصدق رودي انت غيرت فيني كل شي اول كنت اطفش بالبيت الحين والله وناسه معاك .
رويد : وانا والله مبسوط فيك حيل .
وسام : بس بليز لاترجع لأهلك انا تعودت عليك .
رويد : لا مستحيل ارجع حتى الجامعه احتمال ادرسها بالرياض خلاص ابي استقر بالسعوديه .
وسام : وش اللي غيرك والله غريبه .
رويد : حبيت القريه .
وسام بابتسامه : حبيت القريه ؟ ولا ناس بالقريه ؟
رويد بضحكه : كل الاثنين .
رن جوال رويد : هلا مامي .
اماني : هلا والله بالغالي .. شخبارك حبيبي ان شاء الله مبسوط ؟
رويد : الحمدلله بخير ومبسوط كثيير الحمدلله .. ماناقصني إلا انتو .
اماني : مشتاقه لك كثير .
رويد : وانا اكثر .
اماني : وش اخبار عمتك وجدتك ؟
رويد : الحمدلله بخير .. اخبار ميرو وابوي ؟
اماني : الحمدلله بخير .. آزيال ماكلمتك ؟
رويد بقرف : لا .
اماني : ترا جتنا بالبيت وطردتها .
رويد : زين سويتي عشان تعرف انها انتهت من حياتي .
اماني : يعني خلاص نسيتها ؟
رويد : اكيد نسيتها .
اماني : تحب وحده من بنات الديره ؟
رويد : لسه صغير على الحب .
اماني بضحكه : و آزيال ؟
رويد : آزيال صديقه ماحبيتها .. صديقه وبس .
اماني : يابعد عمري والله البيت مايسوى بدونك .
رويد : والله وحشتوني كثير مشتاق لكم ومشتاق لمدرستي والبيت .
اماني : وشلون الدراسه اليوم ؟
رويد : حلوه بس العيال اللي بالمدرسه احس انهم مو متقبلين شكلي .. لو عيال عمي مو بنفس المدرسه كان هربت .
اماني : تعود خلاص انت عشت بالسعوديه .
رويد : ان شاء الله اتعود .
اماني : مع السلامه حبيبي سلم لي على وسام .
رويد : مع السلامه .
ونزل جواله وطالع بوسام : تسلم عليك امي .
وسام : الله يسلمها يارب .
دخل وليد : سلام عليكم .
رويد ووسام : عليكم السلام .
وليد وهو يجلس جنب رويد : وينك انت ماتطلع من البيت كأنك بنت .
ابتسم رويد : الحين احنا الساعه 4 الشمس حراقه والله ما اقدر اطلع .
وليد : طيب احنا يوم الاربعاء بنطلع البر تطلع معانا ؟
رويد : ما ادري .
وليد : اطلع معانا وشوف البر مو جالس هنا حالك حال البنات ترا انت رجال .
رويد : بس الحين حر البر انا عايش على التكييف ما اقدر اعيش بالحر .
وسام : والله ما الومه .. فيه احد يروح للبر بالحر هذا ؟
وليد : متعودين .. إلا ديم وش عندها بتجيك خلاص البيت صار فيه رجال غريب انتي روحي لها .
طالع رويد بوليد : انا رجال غريب ؟
وليد : ايه غريب عن ديم .. وهي تتغطى عنك .
وسام : وليد وين بتدرس الجامعه ؟
وليد : ان شاء الله بالرياض او بأبها عند خوالي .
رويد : عمتي ليش ماتكملين دراستك وتدرسين معاي بالرياض او المانيا .
وسام : لا لا ما ابي الجــامعه تعليمي هذا يكفيني .
وليد : البنات اللي بالقريه ولا وحده كملت الجامعه .
رويد : ويروح كل تعبها وتعليمها ولا تستفيد شي ؟
وليد : يحمدون ربهم اننا وافقنا على تدريسهم .
رويد : والله غريبين .
وسام وهي توقف : انا بروح لديم وصلت .
رويد : جيبي لي همس .
وسام : من عيوني .
رويد : تسلم عيونك يا احلى عمه .
وليد وهو يوقف : انا بروح لخويي عبدالكريم تروح معاي يارويد ؟
رويد : لا ما ابي اروح .
طلع وليد وبعد دقايق دخلت همس وراح لها رويد وشالها وباسها على خدها .
وهمس تضحك .
رويد : قولي رويد .
همس بكل براءه : لويد .
اخذ رويد من الجالكسي اللي بالفازه اللي قدامه : خذي هذا لك .. واخذ الثاني .. وهذا لاختك ديم اوك ؟
اخذته همس وراحت تركض لديم اللي بغرفة جدتها .



***


الجوهره : بنت عمك وريف انخطبت وملكتها هي ومدى بنفس اليوم .
فهد بابتسامه : الحمدلله .. مين اللي خطبها ؟
الجوهره : امام المسجد ابو بندر .
شهقت مدى : بس هو عنده 3 زوجات يعني وريف الرابعه .. مو مستوعبه .
غيداء " الحمدلله يارب انها تزوجت وافتكيت منها "
فهد : سبحان الله ربي مايضيع حق احد .
ساره وهي تحط رجل على رجل : يمه انا بروح ببيت عمي عبدالمحسن وبجلس مع وريف الين تطلع غيداء من هنا .
فهد : وغيداء ماراح تطلع من هنا .
ساره : حــتى بعد قصاصك يعني بتعيش هنا .
قامت غيداء وراحت لجناحها .
والجوهره طالعت بساره : ان شاء الله ماينقص وقضيته انا مـتأكده بإذن الله انها راح تنحل سواء بالحق او بالباطل .
وقف فهد : والله يـاساره اذا ماتعدلتي راح يصير لك اللي صار لوريف سمعتي .
ساره : اذا فيك خير مد يدك علي .
فهد : الحين بروح اشوف غيداء بس اذا رجعت والله لأشفي غليلي فيك .
ساره بقهر : يــــمه تسمعين وش يقووول .
الجوهره : خليه يربيك .
وطلع فهد لجناحهم وفتح باب الغرفه وشاف غيداء تبكي جلس جنبها : غيداء خلاص مو على كل كلمه تبكين ارحمي نفسك وارحميني .
غيداء وهي تبكي : ما ابي احد يجيب طاري قصاصك .
فهد : راح اوقف ساره عند حدها ولا يهمك بس دموعك هذي لا عاد اشوفها .
مسحت غيداء دموعها وابتسمت : غالي والطلب رخيص .
باس فهد جبينها : ما ابيك تضعفين قدام احد .
غيداء : انا كذا ضعيفه ما اقدر اتحمل ماتعودت على الدلع والدلال مثل ساره ووريف اللي يقولون الكلام مايدرون وش عواقبه ولا انا كل كلمه تحسب علي اخاف اقول شي يوديني وراء الشمس من صغري وانا محسوم علـى امري .
فهد : قوي نفسك لو تتصنعين القوه راح تصير عاده فيك بس اهم شي ما اشوفك بالضعف هذا .
غيداء : خلاص احاول اغير نفسي .. بس ساره بكل مكان وبكل وقت تجرحني بكلامها انا مو متحملتها خــلاص .
فهد : انا اوقفها عند حدها بس انتي لاتكدرين خاطرك كل الامور بتنحل .
غيداء : آآه والله تعبت وانا اجاهد دمعتي ماتنزل .
فهد بابتسامه : اتمنى ياغيداء لو يرجع الزمن والله لأعيشك احلى حياه .
غيداء : اللي مكتوب على الجبين بتشوفه العين ماندري الايام وش مخبيه لنا بس ان شاء الله بتعدي المصيبه هذي على خير .
فهد : الله يسمع منك يارب .
رن جوال فهد ورد بـ : هلا رويـــد .
رويد : هلا بك اكثر .. شخبارك ؟
فهد : الحمدلله بخير انت شخبارك واشلون الحياه بالقريه ؟
رويد بابتسامه : والله مبسووط مره الحمدلله .
فهد : اشلون الدراسه ؟
رويد : حلوه تعلمت الأحرف العربيه .
فهد : هههههههههههه بثالث ثانوي وتوه يتعلم الأحرف .
رويد : والله قلت لأبوي يدخلني مدرسه عالميه بس يقول مافيه إلا بالرياض .
فهد : طيب تعال للرياض وانا ادخلك بالمدرسه العالميه .
رويد : لا الديره احلى من الرياض .
فهد : سبحان مغير الاحوال مو مصدق ان هذا رويد اللي مستحيل يطلع من الرياض .
رويد : ههههههههه مافيه احد يبقى على حاله .
فهد : وش المصطلحات اللي حفظتها من الديره ؟
رويد : ما حفظت ولا شي بس قريب واتكلم مثل وليد وراشد .. يتكلمون طلاسم .
فهد : هههههههههه ماودك تجي تسلم على خوالك ؟
رويد : لا بدرس الحين بس بعيد الاضحى اجيكم .
فهد : على خير ان شاء الله .
رويد : مع السلامه .
فهد : مع السلامه .


***



دخلت وسام عند رويد وبعصبيه : وش اللي انت مرسله على ديم ؟