[فيتامين سي]

البــارت الثــالث والعشريــن

~||
أنت أقوى مما تدعين ، أكثر صلابة مما تظهرين .. فبرغم نعومتك ورقتك وسهولة خدشك إلا أنك فتاة شامخة ..قوية..ذات جذور عميقة وعتيقة ، وفتاة أصيلة ،تزأر حينما تهان .. وتكبر حينما يحاول كائن من كان تحجميها أو تهميشها”

إقتباس من/فلتغفري..
||~


مشيت معاها بخطوات سريعه تقدمت عن أم فهد

أم فهد وقفتها:أستني هنا وأنا بروح أناديها لك

وقفت وهي تهز راسها بالإيجاب

شوية جات بنت تمشي ورى أم فهد وتضحك بهدوء

أبتسمت رهام وتقدمت:هلا خالتي أمي تقول تبيني بشيء

وقفت أم فهد قريب منهم وهي خايفة من ردة الفعل

رفعت الحرمه يدها حتى تستقر على خد رهام و لمعت عيونها بحب:أشتقتلك..تعبت وأنا أدورلك والله

رهام بإستغراب:خالتي أول مره أشوفك ملخبطة يمكن

هزت راسها بالنفي:إنتِ رهــام صح رهــام

هزت راسها بالإيجاب:إيــه بس مو الوحيدة رهــام

شهقت ودموعها نزلت:إنتِ رهام -رفعت يدها لوجهها وهي تتأمل ملامحها

رهام لفت لـ أم فهد:من ذي خالتي

أم فهد:قولي لها ياسوسن

سوسن"أم مشاري":أنـــا أمـــك يارهـــام أمـــك

رجعت خطوة لورى وهي ماهي مستوعبه:أمـــي

هزت راسها بالإيجاب:إيوه جايتك وطالبه منك يابنتي تسامحيني على كل ألي فات من سبتك عند أبوكي ألي ماخاف الله فيكي وتبرى منك

طالعت بأم فهد ألي تهز راسها مأكده الكلام..ضحكت وهي ترفع حواجبها:أســـامحك..تتكلمي منجدك أنتي-رفعت صوتها-تستهبلي عليـــــــا تبيني أســـامحك لســـاتي بعقلي..ماأتجننت عشان أســـامح وحده كل ألي واجهته من عــذاب وألام أسامحها ببرود...تحسبي لاجيتي وقلتي كلمتين برمي نفسي بحضنك..لأأ لأأ

أم مشاري وهي تبكي:رجيتك يارهام لاتزيديها علي لاتـ

قاطعتها بعصبية:مين ألي مايزيدها على مين ميـــن..أنا أزيدها عليكِ..ولا إنتِ لاتزيديها عليا بعد كل ألي سويتيه جايه بقواة عين تقولي أنا أمـــك..حبيبتي نجوم السماء أقرب لك من إني أرجعلك ســـامعه

أم فهد:رهام عيب تكلمي أمك كذا

صرخت عليهم:ذي ماهي أمــــي ماهـــي أمــ

أنبتر كلامها وجسدها يتهاوى ويتستقر بين العشب المبلل..

صرخت أم مشاري بخوف وهي تجلس عند بنتها:رهـــــــــــام رهــــــام

رفعت أم فهد جوالها وبسرعه أتصلت على فهد:ألـــو فهد..ألحق بسسرعه أختك طاحت علينا..لا لا رهـــام..بشفلك الطريق إنت بس تعال

مشيت بسرعه وهي تتأكد إنه مافي أي بنت ومن شافت ولدها دلته

وراحت تمشي بخطوات سريعه تجيب عبايتها..أخذتها من المدخل ورجعت حتى

تلبسها رهام بسرعه وشالها فهد


*****

جالسين على طاولــــة وهي مرتبكة إيش بيكون القرار النهائي بينهم

رنيم:هــآ سامي مره شهر وجــاء الوقت ألي تقول لي عن قرارك

سامي بهدوء:رنيــم ماأنكر إني عشت معاكي أوقـــات ماتتعوض

أنقبض قلبها من بداية كلامه

كمل بنفس الهدوء:بس ماأعتقد إنك تناسبي تكوني زوجتي المستقبلية

غصه علقت بحلقها مانعتها من الكلام

حتى يكمل سامي:كانت لعبتنا على أســاس الحب..وللأسف قلبي ما مال ولو شويــة لكِ وأتوقع إنتي نفس الشي كنا أصدقــاء أستمتعنا مع بعض..بس ماحبينا بعض..

رخت راسها وكلامه صح

سامي:رنيم قبل لاننهي كل شي بسألك سؤال

رفعت راسها له وهي تضغط على نفسها:إيش

سامي:لي طلبتي مني الزواج

لفت رنيم راسها للشارع والمطر مملي المكان:في شخص بيتزوجني بس أنا أهرب منه بسنين زورت إسمي عشان ماأتزوجه..لأنه شخص قذر..ولأني-قالت بهمس-أحتاج شخص يحتويني

سامي وهو يوقف:رنيم أنا وأنتي محنا مناسبين لبعض..أتمنى بيوم تلقي الشخص ألي يناسبك ويحتويكي-مد يده-سعدت بكل لحظة قضيتها معاكِ

أبتسمت وهي توقف وتصافحه:وأنــا أســعــد

أبتعدوا ومشي كل شخص بطريق أفترقوا وأعلنوا نهاية قصة دامت شهور قليلة


*****


جــالس بالبيت مع أبوه ألي يقرأ الجريدة

مشاري بطفش:أوووف طفشش

قلب أبوه صفحه الجريدة:طيب إيش أسويلك

طالع أبو مشاري بجواله ألي ع الطاولة يهتز لأنه ع الصامت

مد يده وأخــذه "الغــالية"يتصل بك

:هلا أم مشاري....إيش ساير....طيب بأي مستشفى....مسافة الطريق وأكون عندك

مشاري لف لأبوه مفجوع:إيشبها ماما...إيش وداها للمستشفى

حاط أبوه الجوال في جيبه من العجلة:إنت خلك هنــآ...لمن أوصل أطمنك

وقف مشاري:لا بجي معـــاك

أبوه بعصبية:بتجي إيش تسوي..هـــآ..

خرج بسسرعه وتارك مشاري خلفه

ركب سيـــارته ومشي بسسرعه للمستشفى ألي كانت قريبة شوية من بيتهم

طفى سيارته بعد ماوقفها بالمواقف ونزل بخطوات سريعه رفع جواله:سوسن فينك...طيب

وصل للدور الثاني...ومشي شاف..حرمه واقفه جمب زوجته ورجال واقف عند باب الغرفــه ويهز رجله بتوتر

قرب من زوجته وبهمس ناداها:سوسن

لفت وقربت منه وهي تبكي:بنتي ياأحمد بنتي

أحمد رمش بصدمه:لقيتيها

هزت راسها بالإيجاب:ماتباني...تكرهني..ا ه ياأحمد..طاحت علينا وجبناها هنا..كله بسببي بسببي

حط يده على كتفها وهو يهديها

جلسها على كراسي قريبة

..

مشيت أم فهد لسعود ألي أخذ مكان فهد:هدي مو ساير ألا الخير

سعود:أي خير..هي حــامل..وخايف تجهض أو يسير شي بالجنين

أم فهد بهدوء:لا تحكم من عندك خل الدكتور يخرج

رفع سعود عينه لـِ راشد ألي جاي يجري من بعيد

قال بسخرية:جاء زوجها الموقر

قرب راشد بسرعه من سعود..وبخوف أمتلى بصوته:فينها..إيش سار لها..

تكتف سعود وهو يطالع بالغرفه:ولاشي بس إحتمال تفقد الجنين

راشد بصدمه:هي حــامــل

لف راسه للي يناديه عقد حواجب..وهو يشوف زوج خالته وخالته

أحمد:راشد..إيش جايبك هنــأ...ليكون بس أحد ساير له شي

رفع يده وهو يرجع شعره لورى:لا بس زوجتي..تعبت وجابوها

أحمد وهو يطالع بسعود:تعرفه

طالع راشد بخالته ألي واقفه يمين أحمد وتبكي:لا بس يسير أخو زوجتي بالرضاعه..إيشبها خالتي

رفعت راسها ورمشت مرتين ورى بعض:راشد مين زوجتك ميين

عقد راشد حواجبه وهو يطالع خالته:رهــام ليه

حطت يدها على راسها وهي تجلس..مو معقول ألي يسير مو معقوول..بنتها متزوجة ولد أختها كانت قريبه منها وهي تدور عليها

راشد جلس قريب منها:خالتي

رفعت راسها له:رهــام بنتي

رفع حاجبه:هـــأ

كملت كلامها:إيــه بنتي ألي سار لي سنتين أدور عليها جبتها ورميتها على أبوهـــا بس ندمت دورت عليها كثيـــــر كثيـــــــر وطلعت عندك

رجع بظهره لورى..زوجته حامل وتسير بنت خالتــه

كيف عليه يستوعب ذي الجرعات الزايده

نزل يده على عينه وضغط عليها..لســا قبل كم يوم أمــه..كانت تقلها كلام ماينقال...وتطلع بنت أختها...مايذكر إن خالته قد جابت سيرة بنت..ألي نعرفه أنها تزوجت أحمد تطلقت منه وبعد ثلاث سنين رجعت له..

وقف بسرعه وهو يشوف الدكتور خارج:طمني دكتور

الدكتور شافه يجتمعوا حولينه:هي ألحين الحمدلله بحاله أفضل بس بنبهكم إن حملها لسع ماثبت وأي إنفعال منها بيـأثر عليها كثير طول فترة الحمــل..فـَ لازم تبعدوها عن أي شي يثير أعصابها

راشد:أقدر أشوفها

الدكتور:إحنا ذحين أعطيناها منوم حق ساعتين بس تصحى تقدروا تشوفوها

بعد الدكتور حتى يطالع سعود بـِ راشد

وبعصبية:طاردها قبل كم يوم..وجاي وقت مايقول الدكتور ماتتعرض لإنفعال...تقول بدخل..تستهبل..على بالك بترحب وتهلي بك..

راشد:زوجتي ومالك أي دخل فينا ســـامــع

شده سعود من ياقته:راشـــد...والله لـ

بعدهم أحمد قبل يكمل سعود حتى يقول:خلاص صلوا ع النبي ماسارت تضاربوا...البنت لمن تصحى وقبل لايدخل قولولها إذا رفضت بيفارق وإذا وافقت بيدخل لاتكبروها وهي صغيره

لف راشد:زوجتي ومحد مانعني عنها



*****


واقفه قدام البـــاب..رفعت يدها وضغطت على جرس البيت وصوته ألي أنطلق بدى يوصل لمسامعها

شوي وأنفتح الباب حتى يبان جسد الخدامة بلطلون نيلي واسع وبلوزة بأكمام طويلة نفس اللون

الخدامة:مين إنتا

دينا:مس ريم موجودة

الخدامة:يس..أقولها مين

دينا:قولي لها دينا

الخدامة:أوكيه مدام جست أمينت

ضمت أياديها لبعض وهي تشتت نظرها للأشياء ألي حولها...لفت بسرعه وهي تسمع صوت رجال يتنحنح وراها

دينا بعدت عن الباب

جات الخدامة:مس ريم يقول مايبا يشوف إنتا

عبدالعزيز عقد حواجبه:مين

دينا:أه معليش..أنا دينا..-لفت للخدامة-طيب أقدر أشوف مستر عبدالعزيز

رفعت الخدامة أصباعها:دأ هو

دينا تطالع فيه:إنت عبدالعزيز

حرك راسه بالإيجاب وهو يأشر لها للبيت:أتفضــلي..تقدري تطلعي لـِ ريم وتكلميها

أبتسمت له بإمتنان:شكرا

عبدالعزيز:العفـــو..

طلعت الدرجتين حتى تدخل للصاله طالعت في الصاله جهة اليمين شافت ريم جالسه

قربت لها بسرعه:ريـــم

لفت ريم وطالعت بالخدامة..وبعصبيه:مو قلت لك لاتدخل

عبدالعزيز:أنا قلت لها تدخل

زمت شفايفها لليمين:أوووووؤف

دينا حضنتها من ورى:ريــــم أشتقتلك

فكت ريم يدها بقوه:للأسـف شعور غير متبادل

جلست جمبها وهي تطالع فيها : ليه يـا ريم

تكتفت ريم:والله يختي روحي شوفي فعايلك إنتي وأخوكي فيا بعدها تعالي أتكلمي

دينا رخت نظرها بحزن:يعني ماسامحتينا

ريم:ومستحيل أسامحكم..يلا برهه

وقفت دينا وحطت ورقة ع الطاولة:ع العموم أنا جيت أطمن عليكي..وإذا أحتجتي شي فالورقة ذي فيها رقمي..بروح للإمارات وأتزوج هناك .. أتمنى أشوفك مره ثانيه

وخرجــت


******


وقفت وهي سار لها فوق الساعه مستنية تحس رجلها نـــامت من الوقفه

شافت سياره توقف وينزل منها واحد ماشافت وجهه لأنه بعيد

قرب منها شويــة...طالعت وفتحت عينها:فيـــصــل

ضحك وهو يشوف الصدمه عليها:إيوه فيصل ياذكرى

تاهت وهي تطالع فيه:إيش جابك هنا

فيصل بحده:مو فيصل ألي تضحكي عليه...تبي عمر

ذكرى رفع سبابتها بتهديد:والله لو ماترجع عمر لاأرفع عليك قضية

فيصل بإستخفاف:عندك دليل..تبي عمر..تعرفي طريق بيتنا تجي ونتفاهم بوجود مايا

رفع يده وهو يلف:يلا سلام


******


حاطه يدها بتوتر على صدرها..بتسافر هي وعمها لتعمل عمليه..وتسترجع صوتها

طالعت بالخدامة وهي تجر شطنتها ومشيت وراهـــا..وهي خـــايــفــه..توتر كبير يسكن داخلها

نزلت وركبت السياره جمب عمها

حط يده على يدها وبدأ يسوق باليد الثانيه للمـــاطـار

شجن مسكت ورقة وقلم"عمي خايفه من ذي الخطوة...وخايفه يزعل وليد لا عرف إني بسافر أسويها من غير ماأقول له"

عمها ببتسامة:لارجـعتي ورجع لك صوتك محد بيعاتبك من الفرحه

همست بقلبها:يـــارب


********


خرج وليد من المجلس ورفع جواله..:هــآ طمني ياتركي...لقيتـــوه...-فتح عينه بصدمة-في دآر أيتــــام..كيف كان بـِ ألمــانيــا إيش جابه للسعودية ومين وداه للدار..أسمع أبـــاك بكره تخرجه وتجيبه لبيتي...لا أنــا بوديه لــه...لالا بعدين نعمل تحليل الـdna .. يلا بمان الله

رفع يده وهو يرجع شعره لورى:يارب أكتب لنا ألي فيه الخيــر



~

نهــاية البـــأرت

..أرائــكــمــ..،


♥